Category شوبز

بولڈ اور گلیمر کردار ادا کرنے سے شہرت حاصل کرنے والی بولی وڈ اداکارہ 44 سالہ ملیکا شراوت نے کہا ہے کہ انہیں اب بھی بھاری معاوضے کے عوض فلموں میں ’گلیمر، نامناسب اور بولڈ‘ کردار ادا کرنے کی پیش کی جاتی ہے۔

’خواہش، مرڈر، ہس، ڈرٹی پولیٹکس، تھینک یو، ویلکم، دی متھ اور شادی سے پہلے‘ جیسی فلموں میں اداکاری کرنے والی اداکارہ کے مطابق اب اگرچہ لوگوں اور فلم سازوں کی سوچ بدل چکی ہے لیکن اس کے باوجود انہیں ماضی جیسے ہی بولڈ اور نامناسب کرداروں کی پیش کش ہوتی ہے۔

ٹائمز آف انڈیا کو دیے گئے انٹرویو میں ملیکا شراوت نے کہا کہ انہیں فلم انڈسٹری میں 17 سال ہوچکے مگر انہیں بولڈ اور گلیمر کرداروں کے علاوہ دوسرے کرداروں کی انتہائی کم پیش کش کی جاتی ہے۔

ملیکا شراوت کا کہنا تھا کہ انہوں نے جب 17 سال قبل 2004 کی فلم ’مرڈر‘ میں بولڈ اداکاری کی تھی، تب انہیں ’گندی اور بری عورت‘ کہا گیا تھا اور لوگ انہیں اچھی نظروں سے نہیں دیکھتے تھے۔

اداکارہ کا کہنا تھا کہ ’مرڈر‘ میں اداکاری کے بعد اخلاقی طور پر ایک طرح سے ان کا قتل ہی کردیا گیا تھا مگر اب فلم دیکھنے اور فلم بنانے والوں کی سوچ بدل چکی ہے۔

ملیکا شراوت کے مطابق ماضی میں جو مناظر یا باتیں معیوب سمجھی جاتی تھیں اب وہ ہر فلم میں ہوتی ہیں اور شائقین بھی انہیں دیکھ کر کوئی رد عمل نہیں دیتے یا حیرانی کا اظہار نہیں کرتے۔

فلموں میں خود کو مخصوص کردار دیے جانے کے سوال پر انہوں نے بے بسی کا اظہار کرتے ہوئے کہا کہ انہیں آج بھی فلم ساز زیادہ تر بولڈ کرداروں کی پیش کش کرتے ہیں، جس کے بدلے میں انہیں بھاری معاوضے کی پیش کش کی جاتی ہے۔

ملیکا شراوت کے مطابق تاہم جلد ہی وہ اپنی فلم ’آر کے‘ (RK/RKAY) میں مختلف اور قدرے سنجیدہ کردار میں نظر آئیں گی اور وہ مذکورہ کردار ادا کرکے بہت خوش ہیں۔

اداکارہ نے بتایا کہ مذکورہ فلم کے ہدایت کار رجت کپور بہادر نکلے کہ انہوں نے انہیں بولڈ کردار کے بجائے آرٹ کردار کے لیے منتخب کیا اور انہیں یقین ہے کہ ان کی اداکاری دوسرے ہدایت کاروں کی ان سے متعلق سوچ بدلنے کا سبب بنے گی۔

ایک سوال کے جواب میں ملیکا شراوت نے کہا کہ ایک تو انہیں بولڈ کرداروں کی پیش کش کی جاتی ہے اور دوسرا یہ کہ ان کا کوئی ’بوائے فرنڈ‘ بھی نہیں جو انہیں ہونے والے کرداروں کی پیش کش پر کوئی تجویز دے۔

خیال رہے کہ ملیکا شراوت کی آنے والی فلم ’آر کے‘ کو جلد ہی امریکا میں سینما گھروں میں ریلیز کردیا جائے گا جب کہ بھارت سمیت دیگر ممالک میں اسے اسٹریمنگ ویب سائٹ پر ریلیز کیے جانے کا امکان ہے۔

’آر کے‘ میں 1950 اور 1960 کا دور دکھایا گیا ہے، فلم کی کہانی شوبز کی دنیا اور اداکاروں کے درمیان رومانس کے گرد گھومتی ہے۔

ڈراموں کی مقبول اداکارہ عائزہ خان نے حال ہی میں صارفین کو بتایا تھا کہ انہوں نے شارٹ ویڈیو شئرنگ ایپلی کیشن ٹک ٹاک جوائن کرلیا ہے اور ساتھ ہی انہوں نے صارفین سے انہیں فالو کرنے کی اپیل بھی کی تھی۔

عائزہ خان نے انسٹاگرام پر اپنی ٹک ٹاک ویڈیو شیئر کرتے ہوئے مداحوں کو بتایا تھا کہ انہوں نے شارٹ ویڈیو شئرنگ ایپ پر ’گیتی پرنسز‘ کے نام سے اکاؤنٹ بنایا ہے اور انہیں اسی نام سے فالو کیا جائے۔

اداکارہ نے انسٹاگرام پر ٹک ٹاک کی اپنی جو ویڈیو شیئر کی تھی، اس میں انہیں بھارتی گانے ’ٹپ ٹپ برسا پانی‘ کے ٹکڑے پر پرفارمنس کرتے ہوئے دیکھا جا سکتا ہے۔

ویڈیو میں عائزہ خان کو 1990 کے مقبول بولی وڈ گانے کے ٹکڑے پر پرفارمنس کرتے ہوئے دیکھا جا سکتا ہے، ویڈیو میں ان کا چہرہ دکھائی دے رہا ہے۔

بھارتی گانے پر پرفارمنس کرنے پر بعض لوگوں نے ان کی پوسٹ پر کمنٹس کیے کہ شروع میں تو انہیں ویڈیو دیکھ کر لگا کہ شاید غلطی سے انہوں نے کسی اسٹیج ڈانسر کو فالو کرلیا لیکن شکر ہے کہ ویڈیو میں عائزہ خان کا چہرہ دکھائی دیا، جس سے انہیں سکون ملا۔

بعض افراد نے ان کی ویڈیو پر کمنٹس کیے کہ عائزہ خان کو ٹک ٹاک پر فالو کرنے کی کوئی ضرورت نہیں، پتا نہیں وہ کس کام پر لگ گئی ہیں۔

بعض مداحوں نے ان کی تعریف بھی کی اور ساتھ ہی فرمائش کر ڈالی کہ وہ ’چپکے چپکے 2‘ پر بھی ویڈیوز بنائیں۔

ممبئی: بالی ووڈ اداکار اکشے کمار نے پاکستان کے خلاف فلم میں نامناسب زبان استعمال کرنے سے صاف انکار کردیا۔

بالی ووڈ میں آئے روز پاکستان اور بھارت کے تعلقات پر متعدد فلمز بنتی رہتی ہیں جن میں زیادہ تر پاکستان اور مسلمان مخالف جذبات دکھائے جاتے ہیں تاہم کبھی کبھی ایسی بھی فلمز اسکرینز پر آتی ہیں جس میں پیسوں کے لالچ میں کچھ بھارتی ہدایتکار و اداکار پاکستان دشمنی میں تمام حدیں پار کر جاتے ہیں لیکن شاید بہت کم لوگ جانتے ہیں کہ بالی ووڈ اداکار اکشے کمار نے فلم میں پاکستان کے خلاف زہر اگلنے سے صاف انکار کردیا تھا۔

بھارتی میڈیا کے مطابق ویسے تو اداکار اکشے کمار حب الوطنی پر مبنی فلم بنانے کے لیے انتہائی سنجیدہ ہیں اور اس حوالے سے اکشے متعدد فلمز بھی کرچکے ہیں لیکن فلم ’اب تمہارے حوالے وطن ساتھیوں‘ میں پاکستان کے خلاف نہ صرف نامناسب زبان استعمال کرنے سے انکار کیا بلکہ دھمکی دیتے ہوئے کہا کہ اگر اسکرپٹ سے پاکستان مخالف لائنز ختم نہیں کی گئیں تو میں فلم چھوڑ دوںگا۔

معروف اداکارہ جیا علی رشتہ ازدواج سے منسلک ہو گئی ہیں، ان کی شادی لاہور میں سادگی سے انجام پائی۔

جیا علی کے نکاح کی سادہ تقریب بادشاہی مسجد میں ہوئی جس میں ان کے نہایت قریبی رشتہ داروں اور دوستوں نے ہی شرکت کی۔ جیا علی کی شادی ہانگ کانگ میں مقیم پاکستانی بزنس مین اور کرکٹ کوچ عمران ادریس سے ہوئی جن کے درمیان کافی عرصہ سے دوستی تھی۔

عمران ادریس پروفیشنل کرکٹ کوچ ہییں جو ہانگ کانگ کی قومی ٹیم سمیت دنیا کے کئی دیگر ممالک میں بھی کوچنگ کر چکے ہیں۔ اس کے ساتھ ساتھ وہ اپنا بزنس بھی کرتے ہیں۔

ان کی کمپنی کھیلوں کی مختلف مصنوعات سمیت کھیلوں سے متعلقہ پراڈکٹس بھی بناتی ہے۔ عمران ادریس کا حکمران جماعت پاکستان تحریک انصاف سے بھی گہرا تعلق ہے اور انہوں نے ایسٹ ایشیئن پیسیفک ممالک میں پی ٹی آئی کو متحرک کرنے میں اہم کردار ادا کیا۔

جیا علی نے اس حوالے سے گفتگو کرتے ہوئے کہا کہ آج میں بہت خوش ہوں کیونکہ مجھے بہت اچھا جیون ساتھی ملا ہے۔ انہوں نے مزید کہا کہ شادی کی خوشی میں جلد ہی بڑی دعوت کا اہتمام کروں گی جس میں تمام دوستوں کو مدعو کیا جائے گا۔

یاد رہے کی جیا علی نے کیرئر کا آغاز ماڈل کی حیثیت سے کیا تھا لیکن انہیں حقیقی شہرت اپنی پہلی فلم “دیوانے تیرے پیار کے” سے ملی جس کے ڈائریکٹر سید نور تھے۔

یہ فلم 1997ء میں ریلیز ہوئی تھی۔ اس کے علاوہ ان کی فلموں میں نخرہ گوری کا، گھر کب آؤ گے، لو میں گم اور سایہ خدائے ذوالجلال شامل ہیں۔

جیا علی بے شمار ڈراموں میں بھی کام کر چکی ہیں جن میں کبھی کبھی پیار میں، کاغذ کے پھول، منزلیں، بند کھڑکیوں کے پیچھے، ہم سب عجیب سے ہیں، پکار، گلفام، میر آبرو، ڈولی ڈارلنگ اور میرا مان رکھنا شامل ہیں۔

متعلقہ خبریں

پاکستانی اداکارہ منشا پاشا بھارتی اداکارہ سارہ علی خان کی مشابہہ قرار

انوشے عباسی کا مختصر لباس میں فوٹوشوٹ، سوشل میڈیا پر سخت تنقید کا سامنا

کاش ہم میں عقل آ جائے اور ہم دُنیا بچا لیں:ثمینہ پیرزادہ

سلمان خان کا کمال آر خان کیخلاف ہتک عزت کا مقدمہ

مصر، سعودی عرب، پاکستان میں فلم پروڈکشن کے شعبہ میں مشترکہ منصوبے کی تجویز

کرسچن بیٹزمین نے زویا ناصر سے متعلق جذباتی پیغام شیئر کر دیا

ٹک ٹاک کی وجہ سے لوگوں کے مرنے کی خبریں جھوٹی ہوتی ہیں: جنت مرزا

سوشل میڈیا پوسٹوں نے نور بخاری کیلئے سکیورٹی خدشات پیدا کر دیئے

تلاش کریں ۔۔۔
Advertisement

مقبول ویڈیوز
First slidePM Imran meets Fehmida Mirza, discusses Pakistan’s new sports policy
First slidePSX sets new shares trading recordPreviousNext
آج کا اخبار

غیر مستند خبریں
جعلی خبریں شیئر کرنے والوں کیخلاف فیس بک کا سخت کارروائی کا اعلان

فیچر
ڈی این اے کی مدد سے غلاموں کو اپنے آباؤ اجداد کی تلاش
قومی ستارے ابوظہبی میں جگمگانے کو تیار
اینگزائٹی میں کمی کرنے والی غذائیں
بیت المقدس، 5 ہزار برس قدیم شہر
یہودی خاتون کا تادم مرگ مسجد اقصیٰ کی حفاظت کا اعلان
سائنسدان بننا چاہتی تھی مگر گلوکارہ بن گئی، سائرہ پیٹر
Advertisement

صحت
سائنوفارم کمپنی کی دونوں ویکسینز 70 فیصد سے زیادہ موثر ہیں: تحقیق
فیصل آباد: سول ہسپتال میں بجلی کا نظام سولر سسٹم پر منتقل کرنے کیلئے اقدامات شروع
اینگزائٹی میں کمی کرنے والی غذائیں
کراچی: گرمی بڑھتے ہی نمکیات کی کمی، ڈائریا، بلڈ پریشر سمیت بیماریوں میں اضافہ
ڈاکٹر فیصل سلطان کی کین سینوویکسین کی تیاری پر این آئی ایچ ٹیم کو مبارکباد
آلو بخارا بے شمار جسمانی فائدے پہنچانے کا سبب
بلاگ
جب بھارت کا غرور چاغی کے شعلوں میں خاکستر ہواعمران حکومت کیلئے شہباز شریف خطرہ ہیں یا نظریہ ضرورت؟

صفحہ اول
پاکستان
دنیا
کرکٹ
کھیل
تجارت
تفریح
جرائم
ٹیکنالوجی
دلچسپ اور عجیب
اردو بلاگ
ویڈیوز
دنیا نیوز سوشل میڈیا
Follow us on social media and stay updated

Copyright 2021 © Dunya Media Group, All rights reserved.

Head Office Dunya TV: 8-A, Abbot Road, Lahore , Pakistan
UAN: 111-1-Dunya E-mail: [email protected]

All rights reserved. Reproduction or misrepresentation of material available on this web site in any form is infringement of copyright and is strictly prohibited.

کراچی: اداکارہ عائزہ خان نے بھی مقبول ترین سوشل میڈیا ایپ ٹک ٹاک کو جوائن کرلیا۔

عائزہ خان نے گزشتہ روز انسٹاگرام پر ایک مختصر ویڈیو شیئر کی جس کا آغاز ان کے گلے میں پہنے ہوئے لاکٹ سے ہوتا ہے جس پر گیتی نام لکھا ہوا ہوتا ہے۔ پس منظر میں ایک بھارتی گانا چل رہا ہوتا ہے۔ بنیادی طور پر یہ ایک ٹک ٹاک ویڈیو تھی جس پر عائزہ خان کا یوزر نیم ’’گیتی پرنسس‘‘ لکھا ہوا ہوتا ہے۔

اس ویڈیو کے کیپشن میں عائزہ خان نے لکھا ٹک ٹاک پر گیتی پرنسس کو فالو کریں۔ اس بات سے ظاہر ہوتا ہے کہ عائزہ خان نے یہ ٹک ٹاک اکاؤنٹ اپنے نام سے نہیں بلکہ گیتی پرنسس کے نام سے بنایا ہے۔

عائزہ خان کی یہ ویڈیو شیئر ہوتے ہی سوشل میڈیا پر وائرل ہوگئی۔ اور مختلف پیجز پر کہا جارہا ہے کہ عائزہ خان نے ٹک ٹاک اکاؤنٹ دراصل اپنے نئے پراجیکٹ کے لیے بنایا ہے جس میں وہ ’’گیتی پرنسس‘‘ نامی ٹک ٹاکر کا کردار ادا کررہی ہیں۔

اس کے علاوہ عائزہ خان کا اس ویڈیو کوشیئر کرنے کا مقصد یہ ہوسکتا ہے کہ وہ لوگوں کو اپنے نئے کردار سے متعارف کروارہی ہیں۔ سوشل میڈیا پر اسے اپنے پراجیکٹ کی پروموشن کا طریقہ بھی قرار دیا جارہا ہے۔

تاہم عائزہ خان نے اس بارے میں مکمل خاموشی اختیار کی ہوئی ہے انہوں نے نہ تو یہ بتایا کہ انہوں نے گیتی پرنسس کے نام سے ٹک ٹاک اکاؤنٹ کیوں بنایا اور نہ ہی اپنے نئے پراجیکٹ کے بارے میں مزید کوئی تفصیل بتائی۔ عائزہ کے مداح بے چینی کے ساتھ اس سسپنس کے کُھلنے کا انتظار کررہے ہیں۔

عام طور پر شوبز شخصیات اور معروف افراد سوشل میڈیا پر مداحوں کے ساتھ بہتر روابط رکھنے کے چکر میں زیادہ سے زیادہ سوشل میڈیا پوسٹس کرتے ہیں اور انہیں اس بات کا احساس تک نہیں ہوتا کہ وہ سوشل میڈیا پوسٹس کے ذریعے اپنے کے لیے کس طرح کے سیکیورٹی خدشات پیدا کر رہے ہیں۔

حال ہی میں سابق اداکارہ نور بخاری نے اپنی انسٹاگرام پوسٹ میں بتایا کہ کس طرح ان کی سوشل میڈیا پوسٹس ان کے لیے سیکیورٹی خدشہ بنیں اور کیسے ان کی پوسٹس دیکھ کر ایک انجان خاتون ان سے ملنے ان کے گھر تک پہنچ گئیں۔

نور بخاری نے انسٹاگرام پوسٹ میں اپنے سیکیورٹی خدشات کا اظہار کرتے ہوئے بتایا کہ ایک انجان خاتون ان کے گھر آئیں اور ان سے ملتے ہی کہا کہ وہ انہیں انسٹاگرام پر فالو کرتی ہیں۔

نور بخاری کا کہنا تھا کہ خاتون نے انہیں بتایا کہ وہ سابق اداکارہ کی سوشل میڈیا پوسٹس دیکھ کر ان کا گھر تلاش کرنے میں کامیاب ہوگئیں اور ان سے ملنے آگئیں۔

سابق اداکارہ نے لکھا کہ انجان خاتون کی جانب سے ان کی پوسٹس دیکھ کر ان کا گھر تلاش کرنا اور پھر ان سے ملنے آنا بہت خوفناک ہے اور وہ مذکورہ عمل سے ڈر گئی ہیں۔

ساتھ ہی انہوں نے لکھا کہ وہ اب بہت ڈری ہوئی ہیں اور وہ ایسے کسی بھی انجان شخص سے نہیں ملتیں۔

نور بخاری نے اپنے مداحوں کو اپیل کی کہ ان کی محبت کی وہ قدر کرتی ہیں مگر وہ ایسے عمل نہ کریں، جن سے وہ ڈر جائیں اور انہیں سیکیورٹی خدشات لاحق ہوں، کیوں کہ ایسا عمل کسی کی نہ چاہتے ہوئے بھی نگرانی کرنے اور اسے ایک طرح سے ہراساں کرنے کے برابر ہوتا ہے۔

اگرچہ نور بخاری نے مداحوں کو اپیل کی کہ وہ ان کی پوسٹس دیکھ کر ان کے گھر تک نہ پہنچیں اور انہیں نہ ڈرائیں لیکن انہوں نے مداحوں یا شوبز شخصیات کو یہ ہدایت نہیں کی کہ وہ اس قدر معلوماتی سوشل میڈیا پوسٹس نہ کریں، جس سے ان کے لیے سیکیورٹی خدشات پیدا ہو جائیں۔

دبئی: بھارتی اداکار سنجے دت کو متحدہ عرب امارات کا گولڈن ویزا مل گیا۔

بالی ووڈ میں بابا کے نام سے مشہور اداکار سنجے دت کو متحدہ عرب امارات کی حکومت نے اہم اعزاز سے نوازا ہے جس سے متعلق اداکار نے سماجی رابطے کی ویب سائٹ پرخبر شیئر کی اور یو اے ای حکومت کا شکریہ بھی ادا کیا۔

اداکار سنجے دت نے اپنی پوسٹ میں لکھا ’’یو اے ای حکومت کی جانب سے گولڈن ویزا حاصل کرنا میرے لیے اعزاز کی بات ہے اور اس موقع پر میرے ساتھ ’جنرل ڈائریکٹوریٹ آف ریزیڈنسی اینڈ فارن افیئرز دبئی‘ کے ڈائریکٹر جنرل اور یو اے ای حکومت کا شکریہ ادا کرتا ہوں جب کہ میں فلائے دبئی کے سی او او حماد عبیداللہ کی حمایت کا بھی مشکور ہوں۔

واضح رہے متحدہ عرب امارات نے کاروباری افراد اور انویسٹرز کے لیے طویل مدتی ویزا سکیم کے تحت گولڈن ویزا کارڈ جاری کرنے کا فیصلہ کیا تھا جس کے تحت ان کے پاس 10 سال کا رہائشی پرمٹ ہوگا تاہم گزستہ سال یہ ویزا ڈاکٹرز اور سائنس دانوں کو بھی دینے کا اعلان کیا گیا تھا اور اب بالی ووڈ اداکار کو بھی یہ ویزا دیا گیا ہے۔

کراچی: پاکستان کی لیجنڈ اداکارہ بشریٰ انصاری نے گزشتہ روز ایک ویڈیو جاری کی جس میں انہوں نے نہایت افسردہ لہجے میں بتایا کہ کورونا کی سمجھ اسی وقت آتی ہے جب آپ کا کوئی اپنا اس خطرناک وائرس کا شکار ہوکر اس دنیا سے چلا جاتا ہے۔

رواں ماہ کی بتدا میں بشریٰ انصاری کی بہن سنبل شاہد کورونا وائرس کے بعد اس دنیا کو ہمیشہ ہمیشہ کے لیے چھوڑ گئی تھیں۔ بشریٰ انصاری اور ان کا خاندان اس صدمے سے نڈھال ہے ۔ گزشتہ روز انہوں نے اسی حوالے سے ایک ویڈیو اپنے یوٹیوب اکاؤنٹ پر شیئر کی۔

ویڈیو میں بشریٰ انصاری اپنی بہن کے موت کے غم میں نڈھال نظر آرہی تھیں۔ انہوں نے کہا آپ سب نے سنا کچھ دن پہلے ہم نے اپنی بہن سنبل شاہد کو کھودیا۔ کورونا کے بارے میں بہت سی معلومات ہمیں دی جاتی ہیں، بہت کچھ بتایا جاتا ہے اور ہم دیکھ بھی رہے ہیں لیکن سمجھ میں جب آتا ہے جب آپ کا کوئی اپنا، کوئی پیارا اتنی تکلیف سے اتنی مشکل سے اس وائرس کی وجہ سے اس جہان کو چھوڑ کر چلا جاتا ہے۔

بشریٰ انصاری نے کہا ہم چاروں بہنوں کے لیے آپ لوگوں نے جتنی محبت کا اظہار کیا اور جتنی شدت کے ساتھ اس غم کو بانٹنے کی کوشش کی سب سے پہلے تو اس کا بہت بہت شکریہ۔

یہ بھی پڑھیں: بشری انصاری کی بہن سنبل شاہد کورونا وبا کے باعث انتقال کرگئیں

بہن بھائی سب کو پیارے ہوتے ہیں اور خاص طور پر بہنوں کی بونڈنگ کا تو کچھ الگ ہی لیول ہوتا ہے ہم چاروں بہنوں میں بہت پیار بھی تھا اور دوستی بھی اور ہم ایک جیسی روحیں تھیں۔ ہم چاروں بہنوں میں بہت ساری باتیں ایک جیسی تھیں، ہمارا بات کرنے کا انداز ہماری حس مزاح ایک جیسی تھی۔

سنبل ہماری فیملی کی سب سے زیادہ دلچسپ شخصیت تھی اور ہم چاروں بہنیں جب اکھٹے ہوتی تھیں تو وہ ایک الگ ہی محفل ہوتی تھی۔ اللہ تعالیٰ میری بہن کو جنت میں اعلیٰ مقام عطا کرے وہ بہت بڑے صدمے سے گزری تھی، اس نے جوان بیٹا کھویا تھا شاید اسی نے اپنے پاس بلالیا۔

بشریٰ انصاری نے کورونا وائرس کے بارے میں بات کرتے ہوئے کہا کورونا میڈیکل عملے کے لیے بھی ایک نیا تجربہ ہے کیونکہ اس سے پہلے کورونا کے بارے میں لوگ نہیں جانتے تھے اور پھر ایک دم سے یہ وبا پھوٹ پڑی لہذا اتنی زیادہ تعداد میں لوگوں کے ٹیسٹ کرنا اس سب سے اُن پر بھی لوڈ ہے۔ اور ہمارے یہاں لوگوں کو نیگیٹیو اور پازیٹیو میں کنفیوزن ہے لہذا میں لیب والوں سے درخواست کروں گی کہ جہاں ٹیسٹ کا رزلٹ پازیٹیو آتا ہے وہاں لال نشان لگائیں تاکہ یہ بات عام فہم ہوجائے۔

بشریٰ انصاری نے مزید کہا کہ انہوں نے اپنے آس پاس بہت سے لوگوں کو دیکھا ہے جو کورونا کو سنجیدہ نہیں لیتے اور نہ ہی ایس او پیز پر عمل کرتے ہیں۔ میری بہن سنبل شاہد نے بھی کورونا کو زیادہ سنجیدہ نہیں لیا تھا وہ سمجھیں شاید انہیں ملیریا ہے۔ لہذا میں کہنا چاہوں گی کہ کورونا کا بالکل ایزی نہ لیں۔ اپنے لیے اپنے پیاروں کے لیے۔ ذرا بھی آپ کو علامات ظاہر ہوں توفوراً اپنا ٹیسٹ کروائیں اور خود کو دوسروں سے الگ کرلیں۔ یہ ایک بہت خوفناک بیماری ہے جس کا کسی کو کوئی اندازہ نہیں ہے۔

واضح رہے کہ رواں ماہ 6 مئی کو بشریٰ انصاری کی بہن اداکارہ سنبل شاہد کورونا وائرس کے باعث انتقال کرگئی تھیں۔

پاکستان سپر لیگ (پی ایس ایل) کے آفیشل ٹوئٹر ہینڈل پر کرکٹرز کی جاری کی گئی دو مختصر ویڈیوز سوشل میڈیا پر خوب وائرل ہو رہی ہیں، جن میں کھلاڑیوں کو پاکستان کی معروف اور وائرل ہونے والی شخصیات کو پہچاننے سے متعلق جواب دیتے ہوئے دکھایا گیا ہے۔

پی ایس ایل کی جانب سے 18 مئی کو کرکٹرز کی ویڈیو ٹوئٹر اور یوٹیوب پر جاری کی گئی تھی، جس میں کھلاڑیوں کو کسی ایک شخصیت کی تصویر دکھا کر ان سے معلوم کیا گیا تھا کہ وہ انہیں جانتے ہیں یا نہیں اور اگر جانتے ہیں تو مذکورہ شخصیت کا نام بتائیں۔

ویڈیوز میں پی ایس ایل کے چھٹے سیزن کا حصہ بننے والے کرکٹرز کو دکھایا گیا ہے، جن میں بعض نئے کرکٹرز بھی شامل ہیں۔

مذکورہ ویڈیو میں دیکھا جا سکتا ہے کہ زیادہ تر کرکٹرز تقریباً وائرل اور مشہور ہونے والی تمام شخصیات کو جانتے ہیں مگر بعض کرکٹرز کو وائرل ہونے والی شخصیات کے نام معلوم نہیں۔

کرکٹرز کی جانب سے تصویر دکھائے جانے کے بعد پوچھے گئے سوالات پر دیے گئے جواب میں انہیں بعض خواتین کو پہچانتے وقت پریشانی کا شکار بھی دیکھا گیا۔

پی ایس ایل کی جانب سے جاری کی گئی پہلی ویڈیو میں کھلاڑیوں کو سوشل میڈیا اسٹار ’پاوری گرل‘ دنانیر مبین کی تصویر دکھائی گئی، جنہیں زیادہ تر کرکٹرز نے پہچانا مگر بدقسمتی سے تمام لوگ ان کا نام نہیں جانتے تھے۔

نئے کھلاڑیوں نے دنانیر کی تصویر دکھائے جانے پر شکوہ بھی کیا کہ وہ صرف ایک مختصر ویڈیو بنانے پر مشہور ہوئیں اور انہیں آج پوری دنیا جانتی ہے مگر کچھ لوگ محنت کر کر کے تھک گئے لیکن انہیں کوئی جانتا تک نہیں۔

’پاوری گرل‘ کی تصویر پر زیادہ تر کرکٹر نے کہا کہ مذکورہ لڑکی ’ہم ہیں، ہماری کار ہے اور ہماری پاوری ہو رہی ہے‘ ویڈیو والی لڑکی ہیں۔

پہلی ویڈیو میں کرکٹرز کو پی ایس ایل 6 کا گانا گانے والی گلوکارہ نصیبو لال کی تصویر بھی دکھائی گئی اور تمام کھلاڑیوں نے نہ صرف انہیں پہچانا بلکہ ان کا نام بھی بتایا اور ساتھ ہی ان کی تعریف بھی کی۔

حیران کن طور پر نوجوان کرکٹرز نے ملکہ ترنم نورجہان کو بھی نہیں پہچانا لیکن سینئر کھلاڑیوں نے نہ صرف میڈم نورجہان کو پہنچانا بلکہ ان کی تعریف بھی کی۔

اسی طرح پی ایس ایل کی جانب سے کھلاڑیوں کی دوسری ویڈیو 21 مئی کو جاری کی گئی، جس میں کرکٹرز کو ہانیہ عامر، جنت مرزا اور احد رضا میر کی تصاویر سمیت دیگر سوشل میڈیا پر وائرل ہونے والی شخصیات کی تصاویر دکھائی گئیں۔

سوشل میڈیا پر وائرل ہونے والی شخصیات کی تصاویر کو دیکھتے ہی کرکٹرز نے کہا کہ وہ انہیں سوشل میڈیا پر دیکھ چکے ہیں مگر ان کے نام انہیں نہیں آتے۔

دوسری ویڈیو میں بعض کرکٹرز نے جنت مرزا کی تصویر دیکھتے ہی کہا کہ وہ انہیں ٹک ٹاک پر دیکھ چکے ہیں مگر ان کا نام انہیں یاد نہیں لیکن کچھ کھلاڑیوں نے نہ صرف ان کا نام بتایا بلکہ انہیں سوشل میڈیا اسٹار بھی قرار دیا۔

اسی طرح دوسری ویڈیو میں تقریباً تمام کھلاڑیوں نے نہ صرف ہانیہ عامر کو پہچانا بلکہ ان کی تعریف بھی کی جب کہ سابق کپتان سرفراز احمد نے تو بتایا کہ ہانیہ نے ’عشقیہ‘ میں بہترین اداکاری بھی کی۔

ہانیہ عامر کو نہ صرف سینئر بلکہ جونیئر کھلاڑیوں نے بھی پہچانا اور کہا کہ وہ پی ایس ایل کی ٹیم کی ایمبیسڈر بھی ہیں۔

اسی طرح تقریبا تمام کھلاڑیوں نے احد رضا میر کو بھی پہچانا اور کہا کہ انہوں نے ’عہد وفا‘ ڈرامے میں فوجی کا کردار اچھے طریقے سے ادا کیا۔

بعض کرکٹر نے کہا کہ اگرچہ وہ جانتے ہیں کہ احد رضا میر اداکار ہیں مگر وہ ان کا نام نہیں جانتے۔

کھلاڑیوں کی جانب سے اداکاراؤں، گلوکاراؤں اور دیگر شخصیات کو پہچانتے وقت طرح طرح کے تبصرے کیے جانے پر شائقین نے بھی کمنٹس میں ان کی تعریف کی اور ان کی ویڈیوز کو اچھی تفریح قرار دیا۔

لاہور: برجستہ جملے اور اداکاری ایسی کہ دیکھنے والے ہنس ہنس کر لوٹ پوٹ ہو جائیں، یہ پہچان ہے اداکار رنگیلا کی جن کی آج 16 ویں برسی منائی جار ہی ہے۔

اپنے مخصوص انداز سے شائقین کو محظوظ کرنے والے اداکار رنگیلا نے اپنے فلمی سفر میں چھ سو سے زائد فلموں میں اداکاری کے جوہر دکھائے اور صدارتی تمغہ برائے حسن کارکردگی سمیت متعدد ایوارڈ بھی اپنے نام کئے، شہنشاہ ظرافت منور ظریف کے ساتھ ان کی جوڑی کا تو خوب چرچا رہا۔

اپنی انوکھی اداکاری سےلاکھوں پرستاروں کے دلوں پر راج کرنے والے محمد سعید خان عرف رنگیلا یکم جنوری1937 کو افغانستان میں پیدا ہوئے۔ بچپن میں سر سے والدین کا سایہ سر سے اٹھ گیا، اور وہ بہن کے ساتھ پشاور آگئے۔

سینیما میں دلیپ کمار کی فلم دیکھنے کے بعد اداکاری میں قسمت آزمائی کا فیصلہ کیا اور پشاور سے لاہور آگئے۔ لاہور آ کر پینٹر آزاد کے ساتھ فلمی پوسٹر بنانے شروع کیے تو نگار خانوں تک رسائی ملنے لگی۔ ہر انسان کی طرح وہ بھی خود کو دنیا کا پرکشش اور خوبصورت انسان سمجھنے کی خوش فہمی کا شکار تھے، جبھی مزید دل کشں نظر آنے کے لیے تن سازی کا آغاز کیا۔ لیکن یہاں بھی وہ مذاق ہی بن کر رہ گئے۔

تن سازی کے مقابلے میں شرکت کرنے اسٹیج پر آئے، باڈی بلڈنگ کے پوز دیے تو حاضرین ہنس ہنس کر لوٹ پوٹ ہو گئے، یہی وہ لمحہ تھا جب رنگیلا نے فلموں میں کام کرنے کی لگن اور جستجو کو اور زیادہ تیز کیا اور ہیرو بننے کی بجائے کامیڈین کے طور پر اپنی پہچان قائم کرنے کا فیصلہ کیا۔ اور اپنا فلمی نام ’رنگیلا‘ منتخب کیا۔

ابتدا میں انہیں فلم ’داتا،‘ ’نوراں،‘ ’چوڑیاں‘ اور ’موج میلہ‘ میں چھوٹے موٹے مزاحیہ کردار ملے۔ 1963میں فلم ’داغ‘ اور ’ہتھ جوڑی‘ کی کامیابی اور بے ساختہ مزاحیہ اداکاری نے انہیں شہرت کی بلندیوں پر پہنچا دیا۔

کیریئر کے اس موڑ پر رنگیلا کو منور ظریف کا ساتھ مل گیا اور دونوں نے ایسی جوڑی بنائی جو ہر فلم کے لیے کام یابی کی ضمانت سمجھی جانے لگی۔ بلکہ کئی فلمیں تو ایسی ہیں جن میں یہی دو کامیڈین بطور ہیرو جلوہ گر ہوئے۔

رنگیلا نے کم و بیش ساڑھے چھ سو سے زائد فلموں میں کام کیا۔ ان میں 244 اردو، 395 پنجابی اور 19 فلمیں پشتو زبان کی بھی تھیں۔ بطور پروڈیوسر اور ہدایت کار بھی ان کی صلاحتیں نکھر کر سامنے آئیں۔ رنگیلا نے ایک گیت ’گا میرے منوا گاتا جا رے‘ بھی خود ہی گایا اور آج تک مقبول ہے۔

ان کی مشہور فلموں میں رنگیلا، دل اور دنیا، کبڑا عاشق، عورت راج، پردے میں رہنے دو،ایماندار، بے ایمان، انسان اور گدھا اوردو رنگیلے شامل ہیں۔ بہترین اداکاری اور دیگر شعبوں میں شاندار کارکردگی پرنو مرتبہ نگار ایوارڈ اپنے نام کیے۔

طویل عرصہ جگر اور گردے کے عارضے میں مبتلا رہنے کے بعد 24 مئی 2005 کو ہمیشہ کے لیے اس دار فانی سے رخصت ہو گئے۔ لیکن ان کی اداکاری کے منفرد انداز کو بھلانا کسی طور پر ممکن نہیں