Category کرکٹ

پونے: بھارتی کپتان ویرات کوہلی کا انگلینڈ کے خلاف ٹاس ہارنے کا سلسلہ طول پکڑنے لگا۔

وہ انگلش ٹیم کے خلاف میچز میں 35 میں سے صرف 8 مرتبہ ہی ٹاس جیت پائے ہیں، دلچسپ بات یہ ہے کہ رواں ہوم سیریز کے دوران 12 میں سے 10 مرتبہ سکہ کوہلی کی کال کے برعکس گرا۔ دلچسپ بات یہ ہے کہ کوہلی کی اپنے ملک میں بیٹنگ پر غیرمستقل مزاجی کا شکار ہے، انھوں نے آخری مرتبہ ہوم گراؤنڈز پر سنچری 22 نومبر 2019 میں بنگلہ دیش کے خلاف پنک بال ٹیسٹ میں بنائی تھی۔

اس کے بعد سے اب تک وہ تمام فارمیٹس میں 17 مرتبہ 50 کا ہندسہ عبور کرچکے ہیں تاہم 100 کے ہندسے تک پہنچنے میں ناکام ثابت ہوئے ہیں، انگلینڈ سے حالیہ سیریز میں انھوں نے 7 ففٹیز اسکور کی ہیں۔

جنوبی افریقہ کے خلاف سیریز کے لیے دورے پر پہنچنے والے قومی کرکٹ اسکواڈ کا پہلا کووڈ ٹیسٹ منفی آگیا، جس کے بعد انہیں ٹرننگ کی اجازت مل گئی۔

پاکستان کرکٹ بورڈ (پی سی بی) کی جانب سے جاری اعلامیے کے مطابق جنوبی افریقہ کے دورے پر کل جوہانسبرگ پہنچنے والے اسکواڈ کا ٹیسٹ کیا گیا تھا۔

بیان میں کہا گیا کہ قومی اسکواڈ میں شامل تمام 34 ارکان کے کووڈ-19 ٹیسٹ کی رپورٹ منفی آگئی ہے، جن میں 21 کھلاڑی اور 13 ارکان ٹیم انتظامیہ کے شامل ہیں۔

قومی اسکواڈ کل سے سپر اسپورٹس پارک سینچورین میں اپنی ٹریننگ کا آغاز کرے گا۔

پاکستانی اسکواڈ کا 28 مارچ بروز کو جنوبی افریقہ کے مقامی وقت کے مطابق دوپہر 2:30 بجے پہلا ٹریننگ سیشن ہوگا۔

خیال رہے کہ قومی اسکواڈ جنوبی افریقہ کے خلاف ون ڈے اور ٹی ٹوئنٹی سیریز کے لیے کل جوہانسبرگ پہنچ گیا تھا۔

دورہ جنوبی افریقہ کے لیے صرف وائٹ بال اسکواڈ جوہانسبرگ روانہ ہو گیا تھا جس کے بعد ٹیسٹ اسکواڈ کے 10 ارکان 12 اپریل کو زمبابوے روانہ ہوں گے۔

قومی ٹیم کے ہیڈ کوچ مصباح الحق نے جنوبی افریقہ روانگی سے قبل آن لائن پریس کانفرنس کرتے ہوئے کہا تھا کہ اچھی خبر یہ ہے کہ حسن علی سمیت سب کھلاڑیوں کے ٹیسٹ کلیئر ہیں لہٰذا جنوبی افریقہ کی اہم سیریز کے لیے سب دستیاب ہیں اور سفر کر رہے ہیں۔

ان کا کہنا تھا کہ اس وبا کے دنوں میں کھلاڑیوں کے لیے بائیو سیکیور ببل میں رہتے ہوئے کھیلنا بہت مشکل ہے اور ایک اچھی چیز ہے کہ اپنی سماجی اور اخلاقی ذمہ داری سمجھتے ہوئے کھیلنے کے لیے تیار ہیں۔

ان دونوں دوروں کے لیے قومی ٹیم میں شامل سعود شکیل انجری کا شکار ہونے کے باعث اسکواڈ سے باہر ہو گئے ہیں اور ان کی جگہ آصف علی کو اسکواڈ میں شامل کر لیا گیا ہے۔

قومی ٹیم دورہ جنوبی افریقہ میں 3 ایک روزہ انٹرنیشنل میچ اور 4 ٹی20 میچ کھیلے گی۔

پاکستان بمقابلہ جنوبی افریقہ شیڈول:
2 اپریل : پہلا ون ڈے انٹرنیشنل میچ، سپراسپورٹس پارک، پریٹوریا

4 اپریل: دوسرا ون ڈے انٹرنیشنل میچ، وانڈررز اسٹیڈیم، جوہانسبرگ

7 اپریل : تیسرا ون ڈے انٹرنیشنل میچ، سپراسپورٹس پارک، پریٹوریا

10 اپریل: پہلا ٹی ٹوئنٹی انٹرنیشنل میچ، وانڈررز اسٹیڈیم، جوہانسبرگ

12 اپریل:دوسرا ٹی ٹوئنٹی انٹرنیشنل میچ، وانڈررز اسٹیڈیم، جوہانسبرگ

14 اپریل : تیسرا ٹی ٹوئنٹی انٹرنیشنل میچ، سپراسپورٹس پارک، پریٹوریا

16 اپریل : چوتھا ٹی ٹوئنٹی انٹرنیشنل میچ، سپراسپورٹس پارک ، پریٹوریا

پاکستان کی ون ڈے اور ٹی20 ٹیم دورہ جنوبی افریقہ کے لیے آج خصوصی طیارے سے جوہانسبرگ روانہ ہو گئی ہے۔

ون ڈے، ٹی 20 اور ٹیسٹ میچوں کے لیے پاکستان کا 34 رکنی اسکواڈ جمعہ کو بذریعہ چارٹرڈ فلائیٹ جوہانسبرگ روانہ ہوا، ان 34 ارکان میں 21 کھلاڑی اور 13 ٹیم آفیشلز شامل ہیں۔

فی الحال دورہ جنوبی افریقہ کے لیے صرف وائٹ بال اسکواڈ روانہ ہو رہا ہے جس کے بعد ٹیسٹ اسکواڈ کے 10 ارکان 12 اپریل کو زمبابوے روانہ ہوں گے۔

گزشتہ روز آن لائن پریس کانفرنس سے خطاب کرتے ہوئے ہیڈ کوچ مصباح الحق نے کہا تھا کہ اچھی خبر یہ ہے کہ حسن علی سمیت سب کھلاڑیوں کے ٹیسٹ کلیئر ہیں لہٰذا جنوبی افریقہ کی اہم سیریز کے لیے سب دستیاب ہیں اور سفر کر رہے ہیں۔

ان کا کہنا تھا کہ اس وبا کے دنوں میں کھلاڑیوں کے لیے بائیو سیکیور ببل میں رہتے ہوئے کھیلنا بہت مشکل ہے اور ایک اچھی چیز ہے کہ اپنی سماجی اور اخلاقی ذمہ داری سمجھتے ہوئے کھیلنے کے لیے تیار ہیں۔

ان دونوں دوروں کے لیے قومی ٹیم میں شامل سعود شکیل انجری کا شکار ہونے کے باعث اسکواڈ سے باہر ہو گئے اور ان کی جگہ آصف علی کو اسکواڈ میں شامل کر لیا گیا ہے۔

قومی ٹیم کو دورہ جنوبی افریقہ میں 3 ایک روزہ انٹرنیشنل میچز اور 4 ٹی20 میچز کھیلنے ہیں۔

جنوبی افریقہ میں سیریز کے بعد قومی اسکواڈ 17 اپریل کو 3 ٹی 20 اور 2 ٹیسٹ میچز کھیلنے کے لیے ہرارے روانہ ہوگا جس کے بعد 12 مئی کو قومی اسکواڈ کی وطن واپسی ہو گی۔

ٹی20 اسکواڈ میں بابر اعظم (کپتان)، شاداب خان، ارشد اقبال، آصف علی، دانش عزیز، فہیم اشرف، حیدر علی، حارث رؤف، حسن علی، محمد حفیظ، محمد حسنین، محمد نواز، محمد رضوان، محمد وسیم جونیئر، سرفراز احمد، شاہین شاہ آفریدی، شرجیل خان اور عثمان قادر۔

ٹیسٹ اسکواڈ بابر اعظم (کپتان)، محمد رضوان (نائب کپتان)، عبداللہ شفیق، عابد علی، اظہر علی، فہیم اشرف، فواد عالم، حارث رؤف، حسن علی، عمران بٹ، محمد نواز، نعمان علی، ساجد خان، سلمان علی آغا، سرفراز احمد، سعود شکیل، شاہین شاہ آفریدی، شاہنواز دھانی، تابش خان، زاہد محمو پر مشتمل ہے ۔

کراچی: سابق بیٹسمین جاوید میانداد نے ورلڈکپ کے دوران عمران خان کیخلاف بغاوت پھوٹ پڑنے کا انکشاف کیا ہے۔

جاوید میانداد نے ایک مقامی ٹی وی چینل سے بات چیت میں کہاکہ اہم کھلاڑی پورے ٹورنامنٹ میں عمران خان کے انداز قیادت سے خوش نہیں تھے، نیوزی لینڈ کیخلاف سیمی فائنل سے قبل بغاوت پھوٹ پڑی،میرے لیے ملک سب سے اہم ہے، اس لیے میں نے پلیئرز کو سمجھایا کہ وہ عمران کی قیادت میں کھیلنے کا سلسلہ جاری رکھیں۔

جب اس حوالے سے ایک غیرملکی خبررساں ادارے نے میانداد سے رابطہ کیا تو انھوں نے تصدیق کرتے ہوئے کہا کہ میں نے کافی عرصے اس بات کو راز رکھا مگر اب چونکہ سب اس بارے میں جانتے ہیں اس لیے یہ بات کی ہے۔

لاہور: سیاسی کشیدگی میں کمی کے باوجود پاک بھارت باہمی مقابلوں پر کوئی پیش رفت نہیں ہوسکے گی۔

بی سی سی آئی آفیشل کا کہنا ہے کہ رواں برس کسی ٹی ٹوئنٹی سیریز کا بھی کوئی امکان نہیں ہے۔تفصیلات کے مطابق پاکستان اور بھارت میں سیاسی کشیدگی کم ہونے پر یہ اندازے لگائے جانے لگے تھے کہ دونوں پڑوسی ملکوں میں باہمی مقابلوں کی بحالی کا عمل بھی فاسٹ ٹریک پر آگیا ہے۔

ذرائع سے رواں برس پاک بھارت سیریز کے حوالے سے کسی پیش رفت کی تصدیق نہیں ہوسکی،دونوں طرف کے بورڈز کا کہنا ہے کہ اس ضمن میں کوئی بات چیت نہیں ہوئی۔
ایک بھارتی خبر رساں ادارے سے گفتگو کرتے ہوئے بی سی سی آئی آفیشل نے کہاکہ رواں برس کسی سیریز کا کوئی امکان نہیں ہے۔

چیئرمین پی سی بی احسان مانی نے اس حوالے سے ایک نجی ٹی وی سے بات چیت میں کہا کہ ممکنہ پاک بھارت باہمی سیریز کے لیے ہم سے کسی نے کوئی رابطہ نہیں کیا، اس حوالے سے اپنے بھارتی ہم منصب سے کوئی بات نہیں ہوئی۔

دوسری جانب گذشتہ روز ورچوئل پریس کانفرنس میں قومی ٹیم کے ہیڈ کوچ مصباح الحق سے بھی پاک بھارت سیریز کے امکانات پر سوال کیا گیا تو جواب میں انھوں نے کہا کہ میں اس بارے میں کچھ نہیں کہہ سکتا، جب میچز ہوئے تب دیکھیں گے، ابھی جو سیریز کھیل رہے ہیں اس پر توجہ مرکوز ہے، ہماری کوشش ہے اچھی ٹیم بنے، حریف کوئی بھی ہو ہم اچھا کھیلیں۔

یاد رہے کہ پاکستان اور بھارت کے مابین آخری باہمی سیریز2012-13میں ہوئی جب گرین شرٹس نے پڑوسی ملک کا دورہ کیا تھا۔

قومی ٹیم کے ہیڈ کوچ نے کہا ہے کہ دورہ جنوبی افریقہ کے لیے ٹیم منتخب کرتے ہوئے فٹنس پر کسی بھی قسم کا سمجھوتہ نہیں کیا گیا اور شرجیل خان کو ٹیم میں سب کی رائے سے شامل کیا گیا۔

قومی ٹیم کی دورہ جنوبی افریقہ کے لیے روانگی سے قبل آن لائن پریس کانفرنس سے خطاب کرتے ہوئے مصباح الحق نے کہا کہ اچھی خبر یہ ہے کہ حسن علی سمیت سب کے ٹیسٹ کلیئر ہیں لہٰذا جنوبی افریقہ کی اہم سیریز کے لیے سب دستیاب ہیں اور سفر کررہے ہیں۔

ان کا کہنا تھا کہ اس وبا کے دنوں میں کھلاڑیوں کے لیے بائیو سیکیور ببل میں رہتے ہوئے کھیلنا بہت مشکل ہے اور ایک اچھی چیز ہے کہ اپنی سماجی اور اخلاقی ذمے داری سمجھتے ہوئے کھیلنے کے لیے تیار ہیں۔

انہوں نے کہا کہ آستریلیا، نیوزی لینڈ، انگلینڈ اور جنوبی افریقہ سمیت باہر ممالک کی سیریز آسان نہیں ہوتیں لیکن ہم نے جو پچھلی چند سیریز کھیلی ہیں اس کے بعد ٹیم وہ اس کارکردگی کا تسلسل برقرار رکھتے ہوئے جیتنے کے لیے پراعتماد ہے۔

مصباح الحق نے کہا کہ بابر اعظم کی بحیثیت کپتان کارکردگی ہر گزرتے دن کے ساتھ بہتر ہو رہی ہے اور وہ اپنی کارکردگی سے دوسروں کے لیے مثال بن رہے ہیں، وہ خراب کارکردگی کا بھی کوئی عذر پیش نہیں کرتے اور اسی چیز کا دیگر کھلاڑیوں سے بھی مطالبہ کرتے ہیں۔

ان کا کہنا تھا کہ ٹی20 ورلڈ کپ سے قبل ہمارے لیے بہت اہم سیریز آ رہی ہیں، کوشش یہی ہے کہ بہترین کھلاڑیوں کو مواقع دیں اور ایک زبردست اسکواڈ تیار کر سکیں۔

ایک سوال کے جواب میں انہوں نے کہا کہ سب سے پہلے تو یہ سمجھنا ضروری ہے کہ شرجیل کے ٹیم میں انتخاب پر یہ تاثر آرہا ہے کہ ہماری رضامندی کے بغیر شرجیل خان ٹیم میں آ گیا، شاید کپتان یا کوچ کی اس میں رضامند نہیں ہے، یہ تاثر بالکل غلط ہے اور شرجیل کے ٹیم میں انتخاب سے پہلے باقاعدہ گفتگو ہوئی ہے، ان کے انتخاب پر ہم سب میں اتفاق تھا۔

ان کا کہنا تھا کہ ہم نے فٹنس پر سمجھوتہ نہیں کیا بلکہ شرجیل کو فٹنس کے اس مقام اور ٹیم کے معیار تک لے کر جانا ہے اور جلد آپ کو ان کی فٹنس بہتری کی جانب جاتی ہوئی نظر آئے گی۔

قومی ٹیم کے کوچ نے کہا کہ ہم کبھی بھی کسی کھلاڑی کو خیرباد کہنے کے حوالے سے حتمی فیصلہ نہیں کرتے، کوشش ہوتی ہے کہ آؤٹ آففارم کی جگہ ان فارم کھلاڑیوں کو مواقع دیے جائیں تاکہ یہ دیکھ سکیں کہ یہ نوجوان کس طرح کی کارکردگی دکھاتے ہیں۔

ان کا کہنا تھا کہ اگر پاکستان کو کسی کھلاڑی کی ضرورت ہے تو سینئر اور جونیئر سے قطع نظر اس کی فارم کو دیکھتے ہوئے منتخب کرتے ہیں تو ایسا ہرگز نہیں ہے کہ کسی کھلاڑی کے کیریئر کے آگے فل اسٹاپ لگ گیا ہے اور ہم نے اسے آگے منتخب نہیں کرنا، ہم جائزہ لیتے رہیں گے اور جس کی پرفارمنس ہو گی وہ ٹیم میں ضرور آئے گا۔

جب مصباح سے یہ سوال پوچھیا گیا کہ کوچ اور کپتان کو یہ کہنے کی ضرورت کیوں پڑتی ہے کہ یہ پاکستان کی ٹیم ہے تو انہوں نے جواب دیا کہ سب سے پہلے یہ بات میڈیا میں ہی آتی ہے کہ یہ چیف سلیکٹر کی ٹیم، یہ کپتان کی ٹیم ہے، یہ کوچ کی ٹیم آ گئی، یہ ایک یقینی بات ہے کہ یہ پاکستان کی ٹیم ہے لیکن اس کے باوجود لوگوں کو سمجھانی پڑتی ہے، لوگوں کو یہ سمجھنا چاہیے کہ یہ ٹیم کسی ایک فرد کا اختیار نہیں ہے اور سب لوگ مل کر فیصلہ لیتے ہیں۔

شرجیل کے ماضی میں اسپاٹ فکسنگ میں ملوث ہونے کے باوجود ٹیم میں منتخب کیے جانے کے سوال پر ہیڈ کوچ نے کہا کہ آپ کا قانون جو کہتا ہے اس کے مطابق ایسے لوگ بعد میں کھیل سکتے ہیں، یا تو ہم قانون بنا دیں کہ یہ نہیں کھیل سکتے لیکن جب قانون انہیں نہیں روکتا تو ہمارے بھی اس کا اختیار نہیں ہے کہ ہم انہیں روکیں۔

ان کا کہنا تھا کہ ہم نے اپنے سلیکشن کے معیار میں کہیں بھی یہ نہیں کہا کہ اس معیار سے کمتر کھلاڑی کو ہم منتخب نہیں کریں، بے شک ہم نے جرمانے رکھے ہیں، ہم کوشش کرتے ہیں کہ کس حد تک اس پر سمجھوتہ نہ کریں لیکن اگر اس کردار کے لیے اس کھلاڑی کی ضرورت ہے کہ تو اسے کے لیے اہداف مقرر کر کے ٹیم میں منتخب کرتے ہیں تاکہ ٹیم کا نقصان نہ ہو۔

عماد وسیم کو اسکواڈ سے ڈراپ کرنے کے سوال پر کوچ نے کہا کہ جنوبی افریقہ میں کنڈیشنز ایسی ہیں کہ صرف ایک ہی اسپنر کھیلے اور ہم بلے بازوں کے ساتھ ساتھ فاسٹ باؤلنگ آل راؤنڈر کا انتخاب کریں۔

ان کا کہنا تھا کہ ہمیں درمیانی اوورز میں اسپنر درکار ہے، عماد کی افادیت ابتدائی اوورز میں ہے اور کچھ فارم کا بھی معاملہ ہے، اس وقت محمد نواز نے اچھا پرفارم کیا لہذٰا ہم چاہ رہے ہیں کہ ورلڈ کپ سے قبل انہیں مستقل مواقع مل جائیں۔

ٹیم مامبی نیشن میں مستقل تبدیلی کے حوالے سے سوال پر مصباح نے کہا کہ ٹیم کے سات سے آٹھ کھلاڑی یکساں ہیں اور تبدیل نہیں ہو رہے، ایک دو تبدیلیاں کارکردگی اور فارم کی بنیاد پر کی جا رہی ہوتی ہیں اور یہ تبدیلیاں ہر ٹیم میں کی جا رہی ہوتی ہیں۔

انہوں نے کہا کہ جنوبی افریقہ کی کنڈیشنز کو مدنظر رکھتے ہوئے فاسٹ باؤلنگ ہمارا ہتھیار ثابت ہو گی اور باؤلنگ کے حساب سے ہماری ٹیم متوازن ہے، عموماً جنوبی افریقہ میں فاسٹ باؤلنگ آل راؤنڈ نہ ہونے کی وجہ سے ٹیم کا توازن نہیں بن پاتا تھا اور ہمیں بیٹنگ پر قربانی دینی پڑتی تھی لیکن اب ایسا نہیں ہے لہٰذا مجھے اس ٹیم پر بھروسہ ہے کہ اس میں اتنی صلاحیت ہے کہ یہ وہاں جا کر جیت سکتی ہے۔

جب مصباح سے سوال کیا گیا کہ کھلاڑیوں کو کہنا ہے کہ مصباح اور یونس ان کی بیٹنگ تکنیک خراب کررہے ہیں تو انہوں نے جواب دیا کہ جس کی پرفارمنس نہیں ہوتی، وہ کوچ پر ڈال دیں اور جو پرفارمنس دے اس کا کریڈٹ اسی کو دے دیں، ہمیں اس چیز سے کوئی مسئلہ نہیں، فہیم اور رضوان پرفارم کررہے ہیں، شاداب بطور بلے باز تیار ہو گیا ہے اور باقی جو کھلاڑی پرفارمنس دے رہے ہیں تو ان کے بارے میں آپ کیا کہیں گے۔

ان کا کہنا تھا کہ پاک بھارت سیریز جب ہو گی تو دیکھی جائے گی، فی الحال ہماری توجہ اس بات پر مرکوز ہے کہ ہم بہتر سے بہتر طریقے سے سیریز کی تیاری کر سکیں تاکہ ہماری ٹیم بہترین کرکٹ کھیل سکے۔

لاہور: جنوبی افریقا کے خلاف قومی ون ڈے اسکواڈ میں سعود شکیل کی جگہ آصف علی کو شامل کرلیا گیا ہے۔

نوجوان مڈل آرڈر بیٹسمین سعود شکیل بائیں ٹانگ میں انجری کی وجہ سے جنوبی افریقا کے خلاف ون ڈے انٹرنیشنل سیریز سے باہر ہوگئے ہیں۔ وہ بدھ کو قذافی اسٹیڈیم لاہور میں کھیلے گئے پریکٹس میچ کے دوران گریڈ ون ٹیئر کی انجری کا شکارہوگئے تھے۔

سلیکشن کمیٹی نے ٹیم منیجمنٹ کی مشاورت کے بعد آصف علی کو بطور متبادل کھلاڑی قومی ون ڈے اسکواڈ میں شامل کرلیا ہے۔ آصف علی پہلے ہی جنوبی افریقا اور زمبابوے کے خلاف اعلان کردہ قومی ٹی ٹونٹی اسکواڈ کا حصہ ہیں۔

دوسری جانب سعود شکیل زمبابوے کے خلاف اعلان کردہ قومی ٹیسٹ اسکواڈکا بھی حصہ ہیں لہٰذا فیصلہ کیا گیا ہے کہ وہ فی الحال نیشنل ہائی پرفارمنس سنٹر میں اپنے ری ہیب پروگرام کا آغاز کریں گے اور اگر وہ 12 اپریل سے قبل مکمل صحتیاب ہوجاتے ہیں تو وہ ٹیسٹ اسکواڈ میں شامل بقیہ 10 ارکان کے ہمراہ ہرارے روانہ ہوجائیں گے۔

لاہور: پاکستان کے دورہ زمبابنوے کا شیڈول اگلےہفتے تک فائنل ہونےکا امکان ہے جب کہ ہرارے میں مجوزہ دو ٹیسٹ میچز کی تیاریوں کے لیے ٹیسٹ ٹیم کے پاکستان میں موجود ارکان کا کیمپ چار اپریل سے لاہور میں متوقع ہے۔

پی سی بی ذرائع کےمطابق شیڈول کو حتمی شکل دینے کے لیے دونوں بورڈز رابطے میں ہیں اور جلد معاملات طے پانے کے بعد شیڈول کا باضابطہ اعلان کردیں گے۔پروگرام کے مطابق پاکستان نے جنوبی افریقہ کے بعد زمبابوےکا دورہ کرناہے جہاں دو ٹیسٹ اور تین ٹی ٹوئنٹی میچز شیڈول ہیں۔

خیال رہے کہ پاکستانی ٹیم کا دورہ جنوبی افریقہ 16 اپریل کو مکمل ہوگا۔ اگلے روز قومی اسکواڈ نے ہرارے کی آڑان بھرنی ہے۔کوویڈ کی پابندیوں اور دوسرے لاجسٹک مسائل ابھی تک شیڈول فائنل کرنے میں رکاوٹ بنے ہوئے ہیں۔

لندن: انٹرنیشنل کرکٹ کونسل نے ٹی 20 اور ون ڈے کی رینکنگ جاری کر دی، ون ڈےمیں بابراعظم ایک درجہ بہتری کےبعد دوسرے نمبر پرآگئے۔

آئی سی سی کی جانب سے جاری نئی ٹی 20 اورون ڈےکی نئی رینکنگ کے مطابق ون ڈے کرکٹ میں کپتان بابراعظم ایک درجہ بہتری کےبعد دوسرےنمبرپرآگئے۔بلےبازوں میں بھارتی کپتان ویرات کوہلی پہلےروہت شرما تیسرے اورروزٹیلر چوتھےنمبرپربراجمان ہیں۔

پاکستان کے ٹاپ پروفیشنل باکسر محمد وسیم نے انکشاف کیا ہےکہ انہیں 2016 میں ڈبلیو بی سی سلور بیلٹ کے مقابلےمیں پڑوسی ملک کی جانب سے فکسنگ کے لیے لاکھوں پاؤنڈز کی آفر کی گئی تھی۔

ایک بیان میں پاکستانی باکسر محمد وسیم کا کہنا تھا کہ انہوں نے جب 2016 میں ڈبلیو بی سی سلور بیلٹ کا ٹائٹل جیتا تھا تو اس وقت انہیں پڑوسی ملک سے فکسنگ کےلیے لاکھوں پاؤنڈز کی آفر آئی تھی۔

محمد وسیم کا کہنا تھا کہ میں ایک محبت وطن پاکستانی کھلاڑی ہوں، میں نے پڑوسی ملک کی جانب سے فکسنگ کی آفر ٹھکرا دی تھی۔

باکسر کا کہنا ہےکہ رواں سال کے آخر یا وسط میں ورلڈ ٹائٹل کی فائٹ لڑنا ہے اور ایک بار انہیں پھر اپروچ کیا جارہا ہے۔

ان کا کہنا ہے کہ میں ایک سچا پاکستانی ہونے کی حیثیت سے ایسا کرنےکا سوچ بھی نہیں سکتا ، میرا پنچ ان لوگوں کے لیے بھی ہے۔