Category کرکٹ

افغانستان(نیٹ نیوز) پریمیئر لیگ کے دوسرے سیمی فائنل میں کابل زوانن نے پکتیا پینتھرز کو90 رنز سے ہراکر فائنل کے لیے کوالیفائی کرلیا ،جہاں آج اُس کا مقابلہ بلخ لیجنڈز سے ہوگا، جیو سُوپر فیصلہ کُن معرکہ براہ راست نشر کرے گا۔

شارجہ میں کھیلے گئے دوسرے سیمی فائنل میں کابل زوانن نے پہلے بیٹنگ کی، کولن انگرم نے 44 رنز اسکور کیے۔راشد خان نے نچلے نمبروں پر عمدہ کھیلتے ہوئے 3چھکوں اور 2 چھکوں کی مدد سے ناقابل شکست 35 رنز بنائے، ایونز نے 31 رنز کی اننگز کھیلی، کابل زوانن نے 9 وکٹ پر 192 رنز اسکور کیے۔
شاہد آفریدی، ضیا الرحمٰن اور اُڈانا نے دو، دو کھلاڑیوں کو آؤٹ کیا، جواب میں پکتیا پینتھرز کے بیٹسمین بیٹنگ کرنا بُھول گئے، سابق پاکستانی آل راؤنڈر شاہد آفریدی 27 رنز بناکر نمایاں رہے، پکتیا پینتھرز کی ٹیم صرف 102 رنز پر پویلین لوٹ گئی۔
راشد خان نے بیٹنگ کے بعد بولنگ میں بھی جوہر دکھائے اور 20رنز کے عوض 4 وکٹیں حاصل کیں۔

کراچی(نیٹ نیوز)آسٹریلیا کے خلاف تین میچوں کی ٹی ٹوئنٹی سیریز کے لئے پاکستانی ٹیم اتوار سے ابوظہبی میں اپنی تیاریوں کا آغاز کررہی ہے۔امکان ہے کہ کپتان سرفراز احمد بھی مکمل فٹ ہوکر پریکٹس سیشن میں حصہ لیں گے۔شعیب ملک کے علاوہ پاکستان ٹیم کے کھلاڑیوں نے ٹیم کو جوائن کر لیا ہے۔پی سی بی ترجمان کا کہنا ہے کہ شعیب ملک بدھ سے قبل ٹیم کو جوائن کر لیں گے۔پاکستانی ٹیم انتظامیہ کا کہنا ہے کہ آل رائونڈر شعیب ملک اتوار کو ٹیم جوائن کرنے والے تھے لیکن اب وہ فوری طور پرٹیم جوائن نہیں کرسکیں گے۔ شعیب ملک کی اہلیہ ثانیہ مرزا کے ہاں بچے کی ولادت متوقع ہے اس لئے وہ دو دن میں ٹیم جوائن کریں گے۔شعیب ملک نے بھارت کے شہر حیدرآباد دکن سے پاکستانی ٹیم کے منیجر طلعت علی کو بتایا ہے کہ ثانیہ مرزا کے ہاں بچے کی ولادت کسی بھی وقت متوقع ہے۔اس لئے شعیب ملک پہلے ٹی ٹوئینٹی سے قبل اگلے دو سے تین دن میں ٹیم جوائن کریں گے ۔عماد وسیم سمیت پاکستانی ٹی ٹوئینٹی ٹیم کے کھلاڑیوں نے ٹیم کو جوائن کر لیا ہے۔ٹیم انتظامیہ
کا کہنا ہے کہ شعیب ملک اپنے پہلے بچے کی ولادت کے سلسلے میں بھارت میں ہیں۔ اور ان کی روانگی میں تاخیر ہوگئی ہے۔پاکستان اور آسڑیلیا کی کرکٹ ٹیموں کے درمیان تین ٹی 20 میچوں کی سیریز کا پہلا میچ بدھ 24 اکتوبر کو شیخ زائد کرکٹ اسٹیڈیم میں کھیلا جائے گا۔سرفراز احمد کے سر پر پیٹر سڈل کی گیند لگی تھی وہ تکلیف سے بہتر محسوس کررہے ہیں۔سرفراز احمد نے دوسرے ٹیسٹ کے آخری دن وکٹ کیپنگ نہیں کی تھی۔ڈاکٹروں نے سکین کے بعد انہیں کلیئر کردیا تھا۔

کراچی(نیٹ نیوز)آسٹریلیا کے خلاف ٹیسٹ سیریز کے ہیرو محمد عباس کا کہنا ہے کہ بولنگ کے شعبے میں ذمے داری بڑھ گئی اور اب میری کوشش ہوگی کہ وہ پاکستان کے لیے مزید اچھی پرفارمنس دکھائیں، پاکستان کے لیے کھیلنے سے پہلے بہت پیش کشیں ہوئیں لیکن ہمت نہیں ہاری۔ہفتے کی صبح محمد عباس وطن واپس پہنچ گئے ۔ سیالکوٹ ائیرپورٹ پر ان کا پرتپاک استقبال کیا گیا۔محمد عباس کے استقبال کے لیے اہل خانہ،دوستوں سمیت اہل علاقہ بھی ائیرپورٹ پر موجود تھے جہاں ان پر پھولوں کی پتیاں نچھاور کی گئیں اور ڈھول بجائے گئے۔محمد عباس نے کہا کہ اللہ تعالیٰ اور اپنی محنت پر یقین تھا۔محمد عباس نے بتایا کہ میں نے کاؤنٹی کرکٹ میں بھی بہت اچھا پرفارم کیا تھا اور اس میں آرام کا موقع بالکل نہیں ملتا، میں نے کاؤنٹی کرکٹ کو جاری رکھا جس کا نتیجہ آپ کے سامنے ہے۔ ایک صحافی کے سوال پر کہ کیا آپ ماضی میں کرکٹ سے مایوس ہوکر پاکستان چھوڑ گئے تھے؟محمد عباس نے جواب دیا کہ جب پاکستان میں ڈومیسٹک کرکٹ ختم ہوجاتی تھی تو میں
کھیلنے کے لیے عمان جاتا تھا۔ میں اپنے علاقے سے پہلا کرکٹر ہوں، مجھے دیکھ کر دیگر نوجوانوں کو بھی شوق پیدا ہوا ہے اور میں ان کی مدد کے لیے ہمیشہ دستیاب ہوں۔محمد عباس کا کہنا تھا کہ انہیں مزدوری کرنے اور چمڑے کی فیکٹری میں کام کرنے پر فخر ہے۔محمد عباس نے کہا کہ وہ بہترین کارکردگی پر اللہ تعالیٰ کے بے حد مشکور و ممنون ہیں۔محمد عباس کا کہنا تھا کہ کہ ابھی ان کا مقصد مکمل نہیں ہوا اور وہ آئندہ میچز میں مزید اچھی کارکردگی دکھانے کی کوشش کریں گے۔ اللہ کی ذات سے امید تھی کہ انہیں ضرور کامیابی ملے گی۔واضح رہے کہ قومی ٹیم کے میڈیم فاسٹ بولر محمد عباس نے ابو ظہبی ٹیسٹ میں شاندار بولنگ کا مظاہرہ کرتے ہوئے آسٹریلوی بیٹنگ لائن کو تباہ کیا اور 10 وکٹیں اپنے نام کیں، شاندار کارکردگی پر انہیں مین آف دی میچ اور سیریز قرار دیا گیا۔

سیالکوٹ:(سپورٹس ڈیسک/ایمرا نیوز) پاک آسٹریلیا ٹیسٹ سیریز کے دوران ابوظہبی ٹیسٹ میں کینگروز کی بیٹنگ لائن تباہ کرنے والے محمد عباس وطن واپس پہنچ گئے جہاں سیالکوٹ ائیرپورٹ پر ان کا والہانہ استقبال کیا گیا۔محمد عباس کے استقبال کے لیے اہل خانہ سمیت اہل علاقہ بھی ائیرپورٹ پر موجود تھے جہاں ان پر پھولوں کی پتیاں نچھاور کی گئیں اور ڈھول بجائے گئے۔

میڈیم پیسر محمد عباس نے اپنی کامیابی بیٹی کے نام کردی
اس دوران میڈیا سے گفتگو کرتے ہوئے محمد عباس نے کہا کہ اللہ تعالیٰ اور اپنی محنت پر یقین تھا۔
محمد عباس نے بتایا کہ میں نے کاؤنٹی کرکٹ میں بھی بہت اچھا پرفارم کیا تھا اور اس میں آرام کا موقع بالکل نہیں ملتا، میں نے کاؤنٹی کرکٹ کو جاری رکھا جس کا نتیجہ آپ کے سامنے ہے۔ ایک صحافی کے سوال پر کہ کیا آپ ماضی میں کرکٹ سے مایوس ہوکر پاکستان چھوڑ گئے تھے؟
محمد عباس نے جواب دیا کہ جب پاکستان میں ڈومیسٹک کرکٹ ختم ہوجاتی تھی تو میں کھیلنے کے لیے عمان جاتا تھا۔
قومی کرکٹر نے مزید کہا کہ میں اپنے علاقے سے پہلا کرکٹر ہوں، مجھے دیکھ کر دیگر نوجوانوں کو بھی شوق پیدا ہوا ہے اور میں ان کی مدد کے لیے ہمیشہ دستیاب ہوں۔واضح رہے کہ قومی ٹیم کے میڈیم فاسٹ بولر محمد عباس نے ابو ظہبی ٹیسٹ میں شاندار بولنگ کا مظاہرہ کرتے ہوئے آسٹریلوی بیٹنگ لائن کو تباہ کیا اور 10 وکٹیں اپنے نام کیں، شاندار کارکردگی پر انہیں مین آف دی میچ اور سیریز قرار دیا گیا۔

ابوظہبی(سپورٹس ڈیسک/ایمرا نیوز) پاک آسٹريليا ٹيسٹ ميچ ميں شاندار کارکردگی کا مظاہرہ کرنے والے فاسٹ بالر محمد عباس نے مین آف دی میچ ایوارڈ بیٹی کے نام کردیا۔ان کا کہنا ہے کہ پرفارمنس بیٹی کو سالگرہ کا تحفہ ہے ۔پاک آسٹريليا ٹيسٹ ميچ ميں محمد عباس نے پہلی اننگز میں پانچ اور دوسری اننگز میں بھی پانچ وکٹیں حاصل کیں ۔محمد عباس کا کہنا ہے کہ آسٹریلوی ٹیم کے کمزور پہلوؤں کا ویڈیوز سے معائنہ کیا ، اسی کا فائدہ ملا ، اپنی محنت کررہا ہوں، جب بھی ٹیم کو ون ڈے کرکٹ میں ضرورت ہوگی میں دستیاب ہوں۔فاسٹ بالر محمد عباس کا تعلق سيالکوٹ کی تحصيل سمبڑيال کے نواحی قصبے جھيٹکے سے ہے جہاں سے انہوں نے اپنی کرکٹ کا آغاز کيا۔محمد عباس کے والد محمد الياس کا کہنا ہےکہ عباس کو بچپن سے ہی کرکٹ سے لگاؤ تھا، اسکول سے چھٹی پر وہ فوراً گراؤنڈ چلا جاتا تھا اور ہم نے اسے کرکٹ کھیلنےسے کبھی نہیں روکا تھا۔انہوں نے کہا کہ عباس کی شاندار کارکردگی پر وہ بہت خوش ہيں اور وہ اميد کرتے ہيں کہ وہ اسی طرح محنت کرکے ملک کا نام روشن کرے۔عباس ويلڈنگ ورکشاپ پر کام کرتا تھا کام سے فارغ ہو کر وہ سيدھا گراؤنڈ چلا جاتا تھا آج اس کی محنت رنگ لے آئی۔

ابوظہبی(سپورٹس ڈیسک/ایمرا نیوز) پاکستان نے ابوظہبی ٹیسٹ میں شاندار کھیل کا مظاہرہ کرتے ہوئے آسٹریلیا کو 373 رنز کے بھاری مارجن سے شکست دے کر میچ اور سیریز ایک صفر سے اپنے نام کرلی۔
ابوظہبی ٹیسٹ میں قومی ٹیم کی پوزیشن پہلے دن سے ہی مستحکم نظر آئی اور محمد عباس کی شانداد بولنگ کی بندولت اس نے آسٹریلیا کو آؤٹ کلاس کردیا۔

دوسری اننگ میں آسٹریلیا کی پوری ٹیم 49 اعشاریہ 4 اوور میں 164 رنز بنا کر آؤٹ ہوئی۔
عباس نے پہلی اور دوسری اننگ میں 5،5 وکٹیں حاصل کرکے ٹیسٹ میں مجموعی طور پر اپنی 10 وکٹیں مکمل کیں اور مین آف دی میچ کے ساتھ ساتھ مین آف دی سیریز کا بھی اعزاز اپنے نام کیا۔
گزشتہ روز آسٹریلیا نے پاکستان کی جانب سے جیت کیلئے دیئے گئے 538 رنز کے ہدف کے تعاقب میں ایک وکٹ کے نقصان پر 47 رنز بنائے تھے۔کھیل کے چوتھے روز ایرون فنچ 24 اور ٹریوس ہیڈ نے 17 رنز سے نامکمل اننگز کا آغاز کیا تو محمد عباس نے 36 رنز بنانے والے ٹریوس ہیڈ اور ان کے بعد آنے والے مارش کو 5 رنز بنانے کے بعد پویلین بھیج دیا۔
لیگ اسپنر یاسر شاہ نے 28 رنز پر کھیل رہے مچل اسٹارک اور 3 رنز بنانے والے پیٹر سڈل کی وکٹ حاصل کی۔
آسٹریلیا کی آٹھویں وکٹ عباس کے حصے میں آئی جب انہوں نے 43 رنز پر کھیل رہے سیٹ بیٹسمین لیبز چینج کو ایل بی ڈبلیو آؤٹ کیا۔

اس کے بعد عباس نے آسٹریلوی قائد ایرون فنچ کو 31 اور ٹم پین کو صفر کے اسکور پر پویلین کی راہ دکھا کر دوسری اننگ میں بھی اپنی 5 وکٹیں مکمل کیں۔آسٹریلیا کی نویں وکٹ یاسر شاہ نے حاصل کی، اننگ میں انہوں نے مجموعی طور پر 45 رنز دے کر 4 کھلاڑیوں کو آؤٹ کیا۔آسٹریلیا کے عثمان خواجہ انجری کے باعث بیٹنگ کے لیے نہیں آسکے۔
واضح رہے کہ گزشتہ روز قومی ٹیم نے 9 وکٹوں کے نقصان پر 400 رنز بنانے کے بعد اننگز ڈکلیئر کر دی تھی جس کے بعد آسٹریلیا کو جیت کے لیے 538 رنز کا ہدف دیا۔ٹیسٹ کی پہلی اننگ میں پاکستان نے فخر زمان اور سرفراز احمد کے 94، 94 رنز کی اننگز کی بدولت 282 رنز بنائے تھے جس کے جواب میں آسٹریلین ٹیم اپنی پہلی اننگز میں 145 رنز پر آؤٹ ہو گئی تھی اور اس طرح ان کا پہلی اننگز کا خسارہ 137 ہو گیا تھا۔

ابو ظہبی:(نیٹ نیوز/ایمرا نیوز) قومی ٹیم کے بلے باز بابر اعظم نے کہا ہےکہ وہ محسوس کرتے ہیں کہ کچھ فیصلے اچانک ان کے خلاف چلے جاتے ہیں اور پھر ایسا ہوا ان کی ’سینچری‘ نہ بن سکی۔ابوظہبی ٹیسٹ کے تیسرے دن پیڑ سڈل کی گیند پر 99 رنز پر آؤٹ ہونے والے بابر اعظم کا کہنا ہےکہ جب وہ کوئی بڑی اننگز کھیلنا چاہتے ہیں تو اچانک کچھ فیصلے ان کے خلاف چلے جاتے ہیں اور اور ایسا ہی شیخ زید اسٹیڈیم میں ہوا جب وہ اولین سینچری سے ایک رن پہلے ایل بی ڈبلیو ہوگئے۔بابر اعظم نے کہا کہ ابوظہبی ٹیسٹ کی پہلی اننگز میں صفر پر آوٹ ہونے پر وہ کسی دباؤ کا شکار نہیں تھے، ٹیم کی منصوبہ بندی تھی کہ نیتھن لیون کو نکل کر کھیلنا ہے اور انہوں نے وہی کیا کیونکہ وہ ٹیم کی منصوبہ بندی کے مطابق ہی کھیلتے ہیں۔بلے باز کا کہنا تھا کہ بطور پیشہ ورانہ کھلاڑی انہیں ہر طرح کی صورت حال میں صرف مثبت انداز کے ساتھ کھیلنے کی ترغیب دی جاتی ہے۔ایک سوال کے جواب پر کہ ٹیسٹ کرکٹ میں پر اعتماد بیٹنگ اور بڑی اننگز ان کے اس فارمیٹ میں کھیلنے پر سوال اٹھا رہی ہے، بابر اعظم نے کہا کہ وہ ایسا نہیں سوچتے، وہ ڈیڑھ ماہ سے یواے ای کی گرم کنڈیشنڈ میں کھیل رہے ہیں، یہ ان کا ہوم گراونڈ ہے، اور یہاں کھیلنا اب معمول کی بات ہے۔

ابوظہبی:(سپورٹس ڈیسک/ایمرا نیوز) پاکستان کے 538 رنز کے جواب میں آسٹریلیا کی بیٹنگ جاری ہے اور اس کے 5 کھلاڑی 77 رنز پر پویلین لوٹ گئے۔دو ٹیسٹ میچز پر مشتمل سیریز کا دوسرا میچ جیتنے کے لیے پاکستان کو 8 وکٹیں اور آسٹریلیا کو 400 سے زائد رنز درکار ہیں، گزشتہ روز کینگروز نے ایک وکٹ کے نقصان پر 47 رنز بنائے تھے۔
کھیل کے چوتھے روز ایرون فنچ 24 اور ٹریوس ہیڈ نے 17 رنز سے نامکمل اننگز کا آغاز کیا، دونوں بلے بازوں نے ٹیم کا مجموعی اسکور 71 تک پہنچا تو ٹریوس ہیڈ 38 رنز بنا کر پویلین لوٹ گئے۔گزشتہ روز قومی ٹیم نے 9 وکٹوں کے نقصان پر 400 رنز بنانے کے بعد اننگز ڈکلئیر کردی تھی جس کے بعد آسٹریلیا کو جیت کے لیے 538 رنز کا ہدف دیا۔یاد رہے کہ پاکستان نے اپنی پہلی اننگز میں فخر زمان اور سرفراز احمد کے 94، 94 رنز کی اننگز کی بدولت 282 رنز بنائے تھے جس کے جواب میں آسٹریلین ٹیم اپنی پہلی اننگز میں 145 رنز پر آؤٹ ہو گئی تھی اور اس طرح کینگروز کا پہلی اننگز کا خسارہ 137 ہو گیا تھا۔

لاہور(سپورٹس ڈیسک/ایمرا نیوز) فاسٹ بولر محمد عامر کو خراب کارکردگی کی وجہ سے ایک بار پھر ڈراپ کیا جارہا ہے اور اس بار ان کی ٹی ٹوئنٹی ٹیم میں بھی جگہ مشکل دکھائی دے رہی ہے۔
آسٹریلیا کے خلاف ٹیسٹ سیریز کے بعد ٹی ٹوئنٹی سیریز میں بھی آؤٹ آف فارم محمد عامر کا ٹیم میں جگہ بنانا ناممکن دکھائی دے رہا ہے۔ ایک اور لیفٹ آرم فاسٹ بولر وہاب ریاض کو بھی ٹیم میں شامل نہیں کیا جائے گا۔
یاد رہے کہ محمد عامر پانچ سالہ پابندی ختم ہونے کے بعد سے پاکستانی ٹیم کا تینوں فارمیٹس میں مستقل حصہ رہے ہیں تاہم گزشتہ سال چیمپئنز ٹرافی کے فائنل میں بھارت کے خلاف تین وکٹوں کے شاندار اسپیل کے بعد سے ان کی کارکردگی انتہائی مایوس کن رہی ہے اور وہ آخری دس ون ڈے انٹرنیشنل میچوں میں صرف 3 وکٹیں حاصل کرنے میں کامیاب ہو سکے ہیں جبکہ آخری پانچ ون ڈے میچوں میں انہیں کوئی بھی وکٹ نہیں مل سکی ہے۔

محمد عامر اس سال آئرلینڈ اور انگلینڈ کے دورے میں بھی ٹیم میں شامل تھے لیکن ہیڈنگلے میں کھیلے گئے دوسرے اور آخری ٹیسٹ میں وہ انگلینڈ کی واحد اننگز میں 72 رنز دے کر صرف 2 وکٹیں حاصل کرنے میں کامیاب ہو سکے تھے۔
فاسٹ بولر محمد عامر کو ایشیا کپ میں بھی ناقص کارکردگی پر ٹیم سے ڈراپ کردیا گیا تھا اور اب عامر ان دنوں قائد اعظم ٹرافی کھیل رہے ہیں۔عامر کی جگہ عمید آصف اور وقاص مقصود میں سے کسی ایک کو شامل کرنے کی تجویز ہے۔ 26 سالہ محمد عامر پاکستان کی جانب سے تینوں فارمیٹ میں کھیلتے تھے لیکن ایشیا کپ کی خراب کارکردگی کے بعد عامر کو پہلے ٹیسٹ اور اب ٹی ٹوئنٹی ٹیم سے ڈراپ کیا جارہا ہے۔وہ پاکستان کی جانب سے41 ٹی ٹوئنٹی میچز کا تجربہ رکھتے ہیں۔ اسپاٹ فکسنگ اسکینڈل کے بعد پاکستان ٹیم میں واپس آنے کے بعد پہلی بار عامر کا ستارہ گردش میں ہے۔
ایک سال بعد عماد وسیم فٹ ہونے کے بعد پاکستان ٹیم میں واپس آرہے ہیں، گزشتہ سال اکتوبر میں سری لنکا کے خلاف سیریز اور پاکستان سپرلیگ میں شرکت کے بعد عماد وسیم گھٹنے کی تکلیف میں مبتلا ہوگئے تھے۔ ایشیا کپ سے قبل وہ فٹنس ٹیسٹ پاس کرنے میں ناکام رہے تھے۔ ذرائع کا کہنا ہے کہ عماد وسیم اب فٹ ہوگئے ہیں۔
بیٹسمین بابراعظم بھی ٹی ٹوئنٹی ٹیم میں شامل ہوں گے۔ بابر اعظم اور عماد وسیم زمبابوے کے خلاف جولائی میں ہونے والی ٹی ٹوئنٹی سیریز میں پاکستان ٹیم کا حصہ نہیں تھے۔فاسٹ بولر وہاب ریاض کا دبئی ٹیسٹ کی دونوں اننگز میں مایوس کن بولنگ کارکردگی کے بعد پاکستان کی ٹی ٹوئنٹی ٹیم میں جگہ برقرار رکھنا مشکل ہوگیا ہے۔ تاہم آل راونڈر عماد وسیم کو محمد نواز کی جگہ پاکستان ٹیم میں شامل کیا جارہا ہے۔پاکستان اے کی نمائندگی کرنے والے چار کھلاڑیوں آصف علی، حسین طلعت، صاحبزادہ فرحان اور شاہین شاہ آفریدی کو آسٹریلیا کے خلاف تین ٹی ٹوئنٹی میچوں کی سیریز میں پاکستان ٹیم میں شامل کیا جارہا ہے۔وہاب ریاض نے دبئی ٹیسٹ کی پہلی اننگز میں39 اور دوسری اننگز میں 42 رنز دیئے تھے۔ ذرائع کا کہنا ہے کہ وہاب ریاض اور عثمان صلاح الدین ابوظہبی ٹیسٹ کے دوسرے دن کے بعد لاہور کے لیے روانہ ہوگئے ہیں۔
پاکستان اور آسٹریلیا کا پہلا ٹی ٹوئنٹی میچ بدھ کوشیخ زاید اسٹیڈیم ابوظہبی میں کھیلا جائے گا۔ پاکستان کی ٹی ٹوئنٹی ٹیم ان کھلاڑیوں پر مشتمل ہوگی۔ سرفراز احمد (کپتان)، بابر اعظم، فخر زمان، محمد حفیظ، عماد وسیم، حارث سہیل، شعیب ملک، آصف علی، حسین طلعت، صاحبزادہ فرحان، شاہین شاہ آفریدی، عثمان خان شنواری، فہیم اشرف، حسن علی، شاداب خان اور عمید آصف

ابو ظبی:(سپورٹس ڈیسک/ایمرا نیوز) محمد عباس ٹیسٹ کرکٹ میں عمدہ بولنگ کی دھاک بٹھانے لگے، وہ ابتدائی 10 ٹیسٹ میں سب سے زیادہ 54وکٹیں لینے والے پاکستانی پیسر بھی بن گئے ہیں۔ابوظبی ٹیسٹ میں آسٹریلیا کی ایک اننگز باقی اور عباس اپنے ریکارڈ کو مزید بہتر بنا سکتے ہیں، انھوں نے اب تک 16.66 کی اوسط سے وکٹیں لی ہیں، یوں وہ 50 وکٹوں کی تکمیل کے دوران بہترین اوسط میں وقار یونس سے بھی آگے نکل گئے جنھوں نے17.77 کی ایوریج سے وکٹوں کی ففٹی بنائی تھی۔ اسی طرح فخر زمان ڈیبیو ٹیسٹ کی دونوں اننگز میں نصف سنچریاں بنانے والے پہلے پاکستانی اوپنر بن گئے ہیں۔دوسری جانب ناتھن لیون نے سابق فاسٹ بولر جونسن سے آسٹریلیا کے چوتھے کامیاب ترین ٹیسٹ بولر کا ریکارڈ چھین لیا، پاکستان سے جاری دوسرے ٹیسٹ کے دوران انھوں نے جونسن کو پیچھے چھوڑا جنھوں نے اپنے کیریئر کے دوران 313 ٹیسٹ وکٹیں لی تھیں۔ اس دوران لیون، بریٹ لی (310) سے بھی آگے نکل آئے، اب ان سے پہلے ڈینس للی (355)، گلن میک گرا (563) اور شین وارن (708) موجود ہیں۔

لیون نے کہاکہ میں نے جونسن کے ساتھ بہت زیادہ کرکٹ کھیلی اور وہ میرے بڑے بھائی کی طرح ہیں، بریٹ لی اور ان سے آگے نکلنا میرے لیے بہت بڑے اعزاز کی بات ہے۔مائیکل وان بھی محمد عباس کی صلاحیتوں کے گرویدہ ہوگئےانگلینڈ کے سابق کپتان مائیکل وان بھی پاکستانی فاسٹ بولر محمد عباس کی صلاحیتوں کے گرویدہ ہوگئے، انھوں نے کہاکہ وہ مجھے بھی سامنے آنے پر ہر بار آئوٹ کردیتے۔ ابوظبی میں جاری دوسرے ٹیسٹ میں عباس نے آسٹریلیا کی پہلی اننگز میں 33 رنز پر 5 وکٹیں اڑائیں۔مائیکل وان نے کہاکہ میں ایک برس سے محمد عباس کو دیکھ رہا ہوں، میں سمجھتا ہوں کہ پاکستانی پیسر مجھے ہر بار صرف 6 گیندوں کے اندرپویلین بھیج دیتے۔