Category کرکٹ

لاہور: (سپورٹس ڈیسک/ایمرا نیوز) پاکستان کرکٹ بورڈ (پی سی بی) کو ٹی 10 کیلئے کھلاڑیوں کو این اوسی جاری کرنے پر 6 لاکھ ڈالر ملیں گے۔
ذرائع کے مطابق پی سی بی کو اس کے بدلے 6لاکھ ڈالر حاصل ہوں گے، مجموعی طور پر 17پاکستانی کرکٹرز دوسرے ایڈیشن کیلیے مختلف ٹیموں میں شامل ہیں،ٹی 10 لیگ میں شرکت کیلیے پاکستانی کرکٹرز کو اجازت دینے کے معاملے میں پی سی بی نے انتہائی محتاط رویہ اختیار کررکھا تھا، بالآخر آئی سی سی اور امارات کرکٹ بورڈ سے حاصل شدہ معلومات اور چھان بین کے بعد این اوسی جاری کرنے کا فیصلہ کرلیا گیا۔
ذرائع کے مطابق پی سی بی کو اس کے بدلے 6لاکھ ڈالر حاصل ہوں گے، مجموعی طور پر 17پاکستانی کرکٹرز دوسرے ایڈیشن کیلیے مختلف ٹیموں میں شامل ہیں، آئیکون پلیئرز شاہد آفریدی اور شعیب ملک کے ساتھ محمد حفیظ، آصف علی، وہاب ریاض، سہیل تنویر، جنید خان، شان مسعود، سہیل خان ، عمراکمل، محمدسمیع اور دیگر کے نام فہرست میں موجود ہیں، یہ سب 104 انٹرنیشنل کھلاڑیوں کے پول کا حصہ ہیں۔ ٹی 10 لیگ کے دوران ہی پاکستان اور نیوزی لینڈ کی ٹیسٹ سیریز یواے ای میں جاری ہو گی، اس میں شامل کھلاڑیوں کو شرکت کا موقع نہیں ملے گا۔
دریں اثناء دبئی میں پریس کانفرنس کے دوران ٹی 10 لیگ کے بھارتی چیئرمین شجیع الملک نے پی سی بی کے فیصلے کا خیرمقدم کیا ہے، انھوں نے کہا کہ ایونٹ میں شرکت پاکستان کے ساتھ دیگر ممالک کیلیے بھی حوصلہ افزا ہو گی، اس سے فارمیٹ کی مقبولیت میں اضافہ ہوگا، اب تمام کرکٹ کھیلنے والے ممالک کے سٹارز شارجہ سٹیڈیم میں دنیا بھر کے شائقین کرکٹ کی توجہ کا مرکز بنیں گے۔
یاد رہے کہ ٹی ٹین لیگ کے دوسرے ایڈیشن کا آغاز 21 نومبر سے ہوگا، 12 روزہ ایونٹ میں 29 میچز کھیلے جائیں گے۔

دبئی(سپورٹس ڈیسک/ایمرا نیوز) پاکستان اور آسٹریلیا کے درمیان دوسرا ٹی ٹوئنٹی آج دبئی میں کھیلا جائےگا۔
تین میچز کی سیریز کا دوسراٹی ٹوئنٹی پاکستانی وقت کے مطابق رات 9 بجے شروع ہوگا، توقع کی جارہی ہے کہ پاکستان وننگ کمبی نیشن کے ساتھ گراؤنڈ میں اترےگا۔واضح رہے کہ سیریزکے پہلے میچ میں پاکستان نے آسٹریلیا کو شکست دے دی تھی، 3 میچز کی سیریز میں پاکستان کو ایک صفر کی برتری حاصل ہے۔

ابوظہبی: (سپورٹس ڈیسک/ایمرا نیوز) ٹیم پاکستان نے آسٹریلیا کے خلاف ابوظہبی کا میدان 66 رنز سے مار لیا، کپتان سرفراز اور مرد میدان عماد وسیم نے دبئی میں بھی جیت پر نظریں جما لی ہیں۔

سیریز کے افتتاحی ٹی 20 میچ میں شاہین اپنے مدمقابل کینگروز پر خوب جھپٹے، بابر اعظم کی شاندار ففٹی بلکہ ناقابل شکست 68 رنز اننگز کی بدولت ٹوٹل 155 رنز تک پہنچ گیا۔ جواب میں قومی بولرز نے بھی برتری کی کمال دھاک بٹھائی، دو تو صفر پر ہی آئے، ان سمیت آٹھ آسٹریلین بلے باز ڈبل فگر تک بھی نہ پہنچ پائے۔انجری کو مات دینے والے عماد وسیم نے تین شکار سے شاندار کم بیک کو یادگار بنایا، میچ کے بعد مرد میدان اور کپتان سرفراز نے ٹیم کا پلان بھی بتا دیا، 89 رنز پر ڈھیر مہمان کھلاڑیوں کو 66 رنز کی شکست کی کڑوی گولی نگلنا پڑی۔
سیریز میں ایک صفر سے آگے شاہینوں نے کل دبئی کے میچ پر نظریں جما لیں، نمبر ون ٹیم پاکستان کی ٹاپ پوزیشن پر گرفت زیادہ مضبوط ہو گئی ہے۔

کراچی:(سپورٹس ڈیسک/ایمرا نیوز) ماضی کے 2 ’’عظیم بیٹسمینوں‘‘ کی بھی انوبھٹ سے دوستی رہنے کا انکشاف ہوا ہے۔
سابق ٹیسٹ لیگ اسپنر دانش کنیریا کو کرپشن کی دلدل میں پھنسانے والے مبینہ بکی انو بھٹ کے چند دیگر پاکستانی کرکٹرز سے بھی قریبی تعلقات رہے ہیں، ذرائع نے بتایاکہ ماضی کے 2 ’’عظیم بیٹسمینوں‘‘ کی انو سے بہت اچھی دوستی تھی اور وہ اس کے ساتھ گھومتے پھرتے بھی رہتے تھے، اس نے انھیں کئی بار تحائف بھی دیے، وہ پاکستان میں ہونے والے انٹرنیشنل میچز دیکھنے بھی آتا تھا،2007 کے دورئہ بھارت میں ایک بار انو بھٹ نے عشائیہ دیا جس میں آدھی پاکستانی ٹیم شریک ہوئی۔

ذرائع نے مزید بتایا کہ آئی سی سی اینٹی کرپشن یونٹ نے پی سی بی کو انوبھٹ کی مشکوک سرگرمیوں سے آگاہ کیا تھا، حکام کی ہدایت پر پلیئرز اس سے دور ہوئے مگر دانش کنیریا کا تعلق برقرار رہا، سابق اسپنر دعویٰ کرتے ہیں کہ انھیں بورڈ کے ہی ایک افسر نے انو بھٹ سے ملوایا تھا جو ہمیشہ سے اس الزام کو مسترد کرتے چلے آئے ہیں۔واضح رہے کہ دورئہ پاکستان کے دوران انوبھٹ کی پی سی بی کے ایک اور افسر کے ساتھ تصاویر بھی زیرگردش رہی تھیں، انو بھٹ کے کہنے پر ہی دانش کنیریا نے انگلش کائونٹی کرکٹرز کو فکسنگ کی جانب راغب کیا، اس کیس کی وجہ سے ان پر تاحیات پابندی عائد ہوئی، وہ ہمیشہ الزام کو مسترد کرتے رہے مگر حال ہی میں الجزیرہ ٹی وی کو انٹرویو میں اعتراف جرم کر لیا ہے۔

ابوظبی:(سپورٹس ڈیسک/ایمرا نیوز) پاکستان نے ٹی ٹوئنٹی سیریز کے دوران صحرائوں میں کینگروزکودبوچنے کی تیاری مکمل کرلی تاہم پہلا میچ آج ابوظبی میں کھیلا جائے گا۔

ابوظبی ٹیسٹ اور سیریز میں کامیابی کے بعد پاکستان ٹیم ٹی ٹوئنٹی میں بھی کینگروز کا شکار کرنے کیلیے تیار ہے، اس فارمیٹ میں عالمی نمبر ون گرین شرٹس نے جولائی میں زمبابوے میں کھیلی جانے والی ٹرائنگولر سیریز کے فائنل میں کینگروزکو ہی ہرا کر ہی ٹرافی اپنے نام کی تھی۔
اسی نفسیاتی برتری کی بدولت سرفراز الیون یو اے ای کی پسندیدہ کنڈیشنز میں سیریز کا فاتحانہ آغاز کرنے کیلیے بے تاب ہے، ٹی ٹوئنٹی میچز کے لیے تازہ کمک بھی پہنچ چکی، کینگروز کا شکار کرنے کے لیے پلیئنگ الیون کا انتخاب کرلیا گیا ہے۔اپنے گھر میں نئے مہمان کی آمد کے منتظر شعیب ملک کی خدمات ٹیم کو حاصل نہیں ہوں گی، ٹاپ آرڈر جارح مزاج فخرزمان، بابراعظم اور محمد حفیظ سے مزین کی گئی ہے، حسین طلعت اور آصف علی بھی بڑے اسکور کی راہ ہموار کر سکتے ہیں۔ٹیسٹ سیریز میں کپتان سرفراز احمد کی روٹھی فارم بھی مان گئی، ان سے بھی امیدیں وابستہ ہوں گی، عماد وسیم اور شاداب خان اسپن کا جادو جگانے کے ساتھ بیٹنگ میں بھی بھرپور صلاحیتوں کا اظہار کر سکتے ہیں، آل رائونڈر فہیم اشرف کا شمار بھی میچ ونرز میں ہوتا ہے، پیس بیٹری میں حسن علی اور شاہین شاہ آفریدی کینگروز کے لیے مشکلات پیدا کرنے کے اہل ہیں۔دوسری جانب آسٹریلوی کپتان ایرون فنچ کا شمار ٹی ٹوئنٹی کرکٹ کے بہترین بیٹسمینوں میں ہوتا ہے،کرس لین کا بیٹ چلنے لگے تو روکنا مشکل ہوجاتا ہے، ڈارسی شارٹ کی صلاحیتوں میں بھی کسی شک وشبہ کی گنجائش نہیں، اسپن کے شعبے میں ایڈم زمپا کئی بار اپنی افادیت ثابت کر چکے ہیں، گلین میکسویل جیسا جارح مزاج آل رائونڈر ٹیم میں موجود ہے۔زمبابوے میں منعقدہ ٹرائنگولر سیریز میں پاکستانی ٹاپ آرڈر کو سخت پریشان کرنے والے بلی اسٹینلیک بھی تابڑ توڑ حملوں کے لیے تیار ہیں،اگرچہ ایرون فنچ نے پریس کانفرنس میں پلیئنگ الیون بتانے سے گریز کیا تاہم عالمی رینکنگ میں نمبر 3 کینگروز کی قوت کو نظرانداز کرنے کی غلطی نہیں کی جا سکتی۔پاکستانی کپتان سرفراز احمد اس امر سے اچھی طرح آگاہ اور کینگرو چیلنج کا سامنا کرنے کیلیے تیار ہیں،میڈیا سے بات چیت کرتے ہوئے انھوں نے کہا کہ آسٹریلوی ٹیم بیحد مضبوط ہے، گرین شرٹس نے گزشتہ ایک سال میں اچھی کارکردگی کا مظاہرہ کرتے ہوئے ہی عالمی نمبر ون پوزیشن پر قبضہ برقرار رکھا ہے،اب ہم کینگروز کے خلاف سیریز میں بھی اسی تسلسل کے ساتھ فتوحات حاصل کرنے کی کوشش کریں گے۔انھوں نے کہا بطور پروفیشنل کرکٹر ہمیں گیئر فوری تبدیل کرنا پڑتا ہے، تین، چار روز تیاری کے لیے مل گئے، اچھی پریکٹس سے ٹی ٹوئنٹی کرکٹ کے موڈ میں آ گئے ہیں،کینگروز کے خلاف 3 میچز کے بعد نیوزی لینڈ سے بھی اتنے ہی مقابلے شیڈول ہیں،ہمیں ان سب میں اچھی کارکردگی کا مظاہرہ کرنا ہوگا۔بلی اسٹینلیک کا خطرہ محسوس کرنے کے حوالے سے سوال پر سرفراز احمد نے کہا کہ زمبابوین ٹرائنگولر سیریز میں کینگروز کے ساتھ تینوں میچز بائونسی پچز پر کھیلے گئے تھے، یو اے ای میں صورتحال مختلف ہوگی،ہم کوشش کریں گے کہ شروع میں ہی اٹیک کرتے ہوئے ان کا اعتماد بکھیر دیں، انھوں نے کہا کہ گلین میکسویل، کرس لین اور ایرون فنچ جیسے جارح مزاج بیٹسمینوں پر قابو پانے کیلیے حکمت عملی تیارکرلی گئی ہے۔

دبئی(نیٹ نیوز( آسٹریلیا کے جارح مزاج بلے باز گلین میکس ویل کا کہنا ہے کہ وہ پاکستان کے خلاف ٹی ٹونٹی سیریز کھیلنے کے حوالے سے کافی پرجوش ہیں۔

عالمی شہرت یافتہ کھلاڑی کا کہنا ہے کہ 2014 میں دبئی انٹرنیشنل اسٹیڈیم میں پاکستان کے خلاف کھیلی گئی سیریز ایک یادگار سیریز تھی، اس سیریز کے دوسرے ایک روزہ میچ میں گلین میکسویل نے پاکستان کے خلاف شاندار کارکردگی کا مظاہرہ کر کے مین آف دی میچ کا اعزاز اپنے نام کیا تھا۔
2014: گلین میکسویل نے 76 رنز بنا کر ٹیم میں فتح میں اہم کردار کیا تھا۔

پاکستان کے خلاف ٹی ٹونٹی سیریز کھیلنے کے لیے بے تاب گلین میکسویل کا کہنا ہے کہ دبئی میں کافی خوبصورت میدان ہیں اور بطور بلے باز میں نے یہاں کافی کامیابی حاصل کی ہے۔

آل راؤنڈر بلے باز کا کہنا تھا کہ 2014 میں پاکستان کے خلاف کھیلی گئی سیریز میں انہوں نے ایک روزہ میچ میں رنز اسکور کیے تھے لیکن وہ ٹی ٹونٹی میں بھی کارکردگی دکھا سکتے تھے۔

160 کی اسٹرائیک ریٹ سے کھیلنے والے گلین میکسویل کا کہنا ہے ہم پاکستان کے خلاف چیلنجز سے نمٹنے کے لیے تیار ہیں، پاکستان اور زمبابوے کے خلاف حالیہ سہ ملکی سیریز میں پاکستان نے اچھی کارکردگی کا مظاہرہ کر کے کھیل اپنے نام کیا، لیکن ہم یہاں اپنی کارکردگی کو بہتر بنا کر سیریز جیتنے کی کوشش کریں گے۔

انہوں نے کہا کہ پاکستان ایک بہترین ٹی ٹونٹی ٹیم ہے جس نے حالیہ کچھ سالوں میں شاندارکارکردگی کا مظاہرہ کر کے آئی سی سی رینکنگ میں پہلی پوزیشن حاصل کی۔ پاکستان کے پاس فخر زمان کی صورت میں ایک اچھا ہتھیار ہے۔

پاک آسٹریلیا ٹی ٹونٹی سیریز

پاکستان اور آسٹریلیا کے مابین تین ٹی ٹونٹی میچوں کی سیریز کا پہلا میچ 24 اکتوبر (بدھ) کو ابو ظہبی میں کھیلا جائے گا۔ میچ پاکستانی وقت کے مطابق رات نو بجے شروع ہوگا۔

سیریز کے بقیہ دو میچ 26 اور 28 اکتوبر کو کھیلے جائیں گے۔

پاک آسٹریلیا ٹیسٹ سیریز

اس سے قبل دونوں ٹیموں کے مابین کھیلی گئی ٹیسٹ سیریز پاکستان نے ایک صفر سے اپنے نام کی تھی۔

لاہور(سپورٹس ڈیسک/ایمرا نیوز) پاکستان کرکٹ بورڈ نے منیجنگ ڈائریکٹر کا نیا عہدہ متعارف کروا دیا۔ایم ڈی کی تلاش کے لیئے اخبارات میں اشتہار دے دیئے گئے ۔چیئرمین اعجاز بٹ کے دور میں ڈائریکٹر جنرل کا عہدہ متعارف کرا کر سابق کپتان جاوید میاں داد کو زمہ داریاں سونپی گئی تھیں اور اب چیئرمین احسان مانی نے پیٹرن وزیر اعظم عمران خان کی منظوری سے پی سی بی میں مینجنگ ڈائریکٹر کا عہدہ متعارف کرا دیا ہے ۔
پہلے کہا گیا تھا کہ سی ای او تعینات کیا جائے گا لیکن اس کے لیئے چونکہ ائین میں ترامیم کی ضرورت تھی اس لیئے ایم ڈی کی تقرری کا فیصلہ کیا گیا ہے جس کے لیئے اخبارات میں اشتہارات دے دیئے گئے ہیں ۔عہدے کے لیئے خواہش مند افراد 12 نومبر تک درخواستیں جمع کرا سکیں گے ۔عہدے کے لئےکم از کم ماسٹرز ڈگری اور 55 برس کی عمر کی حد رکھی گئی ہے ۔ایم ڈی کی زمہ داریوں میں ڈومیسٹک کرکٹ اور گورننس کے اسٹرکچر کا جائزہ لینا شامل ہو گا اور اس جائزے کی روشنی میں تبدیلیاں کرنا ہوں گی، وفاقی اور صوبائی حکومتوں سے رابطے رکھنا ہوں گے ۔
ذرائع کے مطابق ایم ڈی کو پاکستان میں انٹرنیشنل کرکٹ کی بحالی سمیت وفاقی حکومت سے بورڈ روابط بحال کرنا ہوگا۔نئے ایم ڈی پی سی بی انٹرنیشنل کرکٹ کی بحالی ، انٹرنیشنل باڈیز سےرابطے اور پی ایس ایل میچز کا پاکستان میں کامیاب اانعقاد بھی دیکھیں گے ۔

کراچی:(سپورٹس ڈیسک/ایمرا نیوز) قومی کرکٹ ٹیم کے کپتان سرفراز احمد کی فٹنس میں بہتری آئی ہے اور وہ بدھ کو آسٹریلیا کے خلاف پہلے ٹی 20 میں شرکت کے لیے پرعزم ہیں۔قومی کرکٹ ٹیم کے کپتان سرفراز احمد کی فٹنس میں بہتری آئی ہے اور وہ پریکٹس سیشن میں حصہ لیں گے، دو دن آرام سے انھیں فائدہ ہوا اور اب سر میں تکلیف کم ہو گئی ہے،وہ بدھ کو آسٹریلیا کے خلاف پہلے ٹی ٹوئنٹی میں شرکت کیلیے پرعزم ہیں۔یاد رہے کہ آسٹریلیا کیخلاف ابوظبی ٹیسٹ کی دوسری اننگز میں بیٹنگ کے دوران سرفراز کے ہیلمٹ پر گیند لگ گئی تھی جس کی وجہ سے چوتھے دن محمد رضوان سے وکٹ کیپنگ کرائی گئی تھی، سرفراز کو ڈاکٹر نے 48 گھنٹے آرام کا مشورہ دیا تھا، اسی میچ کی پہلی اننگز میں بھی دوران بیٹنگ سرفراز کے بازو پر گیند لگ گئی تھی جس کے بعد رضوان کو بطور وکٹ کیپر استعمال کرنے کا فیصلہ کیا گیا تھا، اس کے لیے میچ ریفری سے خصوصی اجازت لی گئی تھی، رضوان اے ٹیم کے ساتھ پہلے ہی یو اے ای میں موجود تھے۔

کراچی(نیٹ نیوز/ایمرا نیوز) کرکٹ کرپشن کے نئے اسکینڈل کے منظر عام پر آنے سے ٹھیک 25دن قبل 24ستمبر کی دوپہر جب دبئی میں قیامت خیز گرمی تھی۔آئی سی سی ہیڈ کوارٹر کے ٹھنڈے کمرے میں آئی سی سی اینٹی کرپشن یونٹ کے سربراہ اور اسکاٹ لینڈ یارڈ کے سابق افسر ایلکس مارشل کے سنسنی خیز انکشاف نے ماحول کو گرما دیا تھا۔ آئی سی سی کی بریفنگ میں سو سے زائد غیر ملکی صحافیوں میں اکثریت بھارتیوں کی تھی۔ایلکس مارشل کہہ رہے تھے کہ دنیا بھر میں ہونے والی لیگز اور بھارتی سٹے باز دنیا بھر میں کرکٹ کے لئے شدید خطرہ ہیں۔آئی سی سی میں کرپشن کے خاتمے کے لئے قائم یونٹ کے سربراہ نے بھارتی سٹے باز انیل منور کی تصاویر دکھائی اور کہا کہ اگر اس کی شہریت کے بارے میں یا انیل منور کے بارے میں کسی بات کا علم ہو تو ہم سے معلومات ضرور شیئر کریں۔ 25دن بعد جب عرب ٹی وی کا اسکینڈل منظر عام پر آیا تو ایلکس مارشل کہتے ہیں کہ واقعے کی تحقیقا ت کررہے ہیں۔

کراچی (سپورٹس ڈیسک/ایمرا نیوز) کرکٹ میں اسپاٹ فکسنگ کا ایک اور سنسنی خیز اسکینڈل منظر عام پر آگیا، 12-2011کے دوران 15انٹرنیشنل کرکٹ میچز میں اسپاٹ فکسنگ کا انکشاف ہوا ہے۔ الجزیرہ ٹی وی نے اپنے ایک دستاویزی فلم میں اس بات کا انکشاف کیا ہے کہ تین میچز میں پاکستانی کرکٹرز بھی اسپاٹ فکسنگ میں شامل تھے ، 7میچزمیں انگلینڈ کے کرکٹرز اسپاٹ فکسنگ میں ملوث تھے۔ رپوٹ میں انکشاف کیا گیا ہے کہ 5 میچزمیں آسٹریلوی کرکٹرز کے علاوہ دیگر ممالک کے کھلاڑی بھی شامل تھے۔ اسپاٹ فکسنگ کرنے والوں میں زیادہ تر بلے باز تھے جنہوں نے بیٹنگ کے دوران پوری طرح پرفارم نہیں کیا۔ رپورٹ کے مطابق جب اسپاٹ فکسنگ کی گئی اُس وقت دنیائے کرکٹ کے نامور کھلاڑی بلے بازی کررہے تھے، کرکٹرز کو اسپاٹ فکسنگ کیلئے تیار کرنے والا بھارت کا بُکی انیل منور تھا جس کے رابطے پاکستان، بھارت، انگلینڈ اورآسٹریلیا کے کرکٹرز سے تھے۔ رپورٹ کے مطابق انگلینڈ اور انڈیا کے درمیان لارڈز کرکٹ گراؤنڈ پر کھیلےگئے میچ، کیپ ٹاؤن میں کھیلے گئے جنوبی افریقا اور آسٹریلیا کے میچ میں اور 12-2011 میں متحدہ عرب امارات میں کھیلی گئی پاکستان اور انگلینڈ سیریز کے کئی میچوں میں اسپاٹ فکسنگ کی گئی۔ ان میچز میں 6 ٹیسٹ، 6 ون ڈے اور ٹی ٹوئنٹی ورلڈ کپ کے 3 میچز شامل تھے۔ دستا و یزی فلم میں

پاکستانی کرکٹرعمراکمل، بھارتی کپتان ویر ا ت کوہلی بھی نظر آرہے ہیں۔ اس کے علاوہ روہت شرما، بالاجی، سریش رائنا اور آسٹریلوی کرکٹراینڈی بکل بھی تصاو یرمیں نظرآرہے ہیں۔