Category کرکٹ

ابوظہبی(میڈیا 92 ) ایشیاء کپ سپر فور کے اہم ترین میچ میں بنگلہ دیش نے سنسنی خیز مقابلے کے بعد افغانستان کو شکست دے دی۔ میچ کا فیصلہ آخری گیند پر ہوا۔ بنگلہ دیش کو آخری اوور میں 8رنز درکار تھے لیکن افغانستان کی ٹیم 4رنز ہی بنا سکی۔ آخری گیند پر افغانستان کے بلے باز سمیع اللہ شنواری چوکا نہ مار سکے۔
اس سے پہلے بنگلہ دیش نے ٹاس جیت کر پہلے بلے بازی کا فیصلہ کیا اور مقررہ50اوورز میں 7وکٹوں کے نقصان پر 246رنز بنا سکی۔

بنگلہ دیش کی جانب سے محمداللہ نے 74جبکہ امرلکیس نے 72رنز بنائے۔ افغانستان کی جانب سے آفتاب عالم نے 3وکٹیں حاصل کیں۔ جواب میں افغانستان کی ٹیم مقررہ50اوورز میں 7وکٹوں کے نقصان پر 249رنز بنا سکی۔ افغانستان کی جانب سے ہشمت اللہ شاہدی نے 71جبکہ محمد شہزاد نے 53رنز بنائے۔ بنگلہ دیش کی جانب سے مشرفی مرتضیٰ اور مستافیظر رحمن نے 2،2وکٹیں حاصل کیں۔

(وقت ) پاکستان ڈیف کرکٹ ٹیم کی فتح کے بعد وطن واپسی۔ وزیراعظم عمران خان سے کھلاڑیوں کو نوکریاں دینے کا مطالبہ قومی ٹیم کی ایشیا کپ میں کامیابی کے لیے نیک خواہشات کا اظہار بھی کیا۔ ڈیف کرکٹ سیریز میں پاکستانی ڈیف ٹیم ناقابل شکست قرار۔ بنگلہ دیش اور بھارت کو شکست دے کر فاتح ٹیم کی وطن واپسی۔ کامیاب کھلاڑیوں کا والہانہ استقبال کیا گیا۔ ہیڈکوچ عمر فیاض کا کہنا تھا کہ دو ماہ بعد ورلڈکپ ہے ،پی سی بی اور وزیراعظم سے اپیل کرتے ہیں کہ۔ جس طرح قومی ٹیم کی مالی معاونت کی جاتی ہے اس طرح ہمارے کھلاڑیوں کو بھی نوکریاں دی جائیں۔ صدر سلمان ظہیر نے کہا کہتمام کھلاڑی گریجوایٹ ہیں ماہانہ دس ہزار کی بجائے پچیس ہزار سینٹرل کنٹریکٹ میں دیا جائے۔ ڈیف کرکٹ ٹیم نے قومی ٹیم کی ایشیا کپ میں کامیابی کے لیے نیک خواہشات کا اظہار بھی کیا۔ پاکستان ڈیف کرکٹ ٹیم رواں سال نومبر میں ورلڈکپ میں شرکت کرے گی۔

ایشیا کپ میں پاکستان اور بھارت کے درمیان ایک میچ کھیلا جا چکا ہے جس میں بھارت نے قومی ٹیم کو یکطرفہ مقابلے کے بعد باآسانی شکست دی تاہم گرین شرٹس آج شکست کا بدلہ لینے کا عزم لیے میدان میں اتریں گے۔ایشیا کپ کے آج کھیلے جانے والے دوسرے میچ میں بنگلادیش کا مقابلہ افغانستان سے ہوگا اور دونوں میچز پاکستانی وقت کے مطابق شام ساڑھے 4 بجے شروع ہوں گے۔پاکستان اور بھارت کے درمیان ایشیا کپ کے سپر فور مرحلے کا اہم ترین میچ دبئی انٹرنیشنل اسٹیڈیم میں کھیلا جائے گا اور دونوں ٹیمیں ہی جیت کے لیے پرعزم ہیں۔ بھارت نے یکطرفہ مقابلے کے بعد پاکستان کو شکست دیدی
بڑے مقابلے کو دیکھنے کے لیے شائقین کرکٹ ایک بار پھر بے قرار ہیں اور میچ کے ٹکٹس پہلے ہی فروخت ہوچکے ہیں اور آج گراؤنڈ میں تماشائیوں کی بڑی تعداد کی موجودگی متوقع ہے۔آج کے اہم میچ میں جس ٹیم نے کامیابی حاصل کی اس کی ایشیا کپ کے فائنل تک رسائی کی راہ ہموار ہوجائے گی اور ہارنے والی ٹیم کے لیے اگر مگر کا سلسلہ شروع ہو جائے گا۔
واضح رہے کہ قومی ٹیم کے آل راؤنڈر شاداب خان انجری کا شکار ہیں جس کے باعث انہیں میچ کے لئے پلئنگ الیون میں شامل نہیں کیا گیا۔

دبئی:(سپورٹس ڈیسک/ایمرا نیوز) سرفراز احمد نے ایشیا کپ میں پاکستان کے بھارت کے سوا تمام میچز ایک میدان میں رکھنے پر تحفظات کا اظہار کیا ہے۔
دبئی میں پریس کانفرنس کے دوران انہوں نے کہا کہ ایک ٹیم کو ایک سنٹر میں تمام میچ کھلانا سمجھ سے بالاتر ہے، تمام ٹیموں کے لیے ٹورنامنٹ کے قوانین ایک جیسے ہونے چاہئیں اور یقینی طور پر پاکستان کرکٹ بورڈ اس معاملے کو دیکھے گا۔
واضح رہے کہ ایشیا کپ کے سپر فور مرحلے میں بھارتی ٹیم اپنے تمام میچ دبئی اسٹیڈیم میں کھیلے گی جب کہ پاکستان کو بنگلہ دیش اور افغانستان کیساتھ میچز کے لیے ابوظبی جانا ہوگا۔

دبئی:(سپورٹس ڈیسک/ایمرا نیوز) ایشیا کپ میں پاکستان اور بھارت کی ٹیموں کے درمیان میچ آج کھیلا جائے گا۔
گذشتہ سال چیمپئنز ٹرافی فائنل کے بعد پاکستان اور بھارت کی ٹیمیں آج ایشیا کپ میں آمنے سامنے آئیں گی، دونوں ٹیموں نے مقابلے کی بھرپور تیاریاں کر رکھی ہیں جب کہ میچ پاکستانی وقت کے مطابق شام 4:30 بجے کھیلا جائے گا۔
قومی ٹیم میں فخرزمان، بابراعظم اور شعیب ملک پر مشتمل ٹاپ آرڈر بیٹنگ لائن موجود ہے جب کہ بولنگ کے شعبے میں محمد عامر، حسن علی اور شاداب خان پاکستانی ٹیم کے اہم ہتھیار ہوں گے۔
واضح رہے کہ بھارت 6 سے زائد بار ایشیا کپ ٹورنامنٹ میں فاتح رہا ہے جب کہ قومی ٹیم اب تک صرف 2 مرتبہ ہی اس ٹورنامنٹ کا ٹائٹل اپنے نام کرنے میں کامیاب رہی۔

لاہور(سپورٹس ڈیسک/ایمرا نیوز) پاکستان اور بھارت کے درمیان ایشیا کپ ٹورنامنٹ کے سب سے بڑے پاک بھارت ٹاکرے سے قبل سابق کھلاڑیوں کی جانب سے ٹیم کو مشورے دیے جارہے ہیں۔
قومی ٹیم کے سابق کپتان اور چیف سلیکٹر انضمام الحق کا کہنا ہے کہ بھارت کے خلاف کہیں بھی مقابلہ ہو وہ زبردست ہوتا ہے، دبئی میں ایک دوسرے کو کھیلتا ہوا دیکھ کر مزہ آئے گا۔
انضمام الحق نے کہا کہ ویرات کوہلی کے نہ ہونے سے پاکستان کو نہیں بھارت کو فرق پڑے گا اس لیے ویرات کوہلی بھارت کا معاملہ ہے اور پاکستان کو اپنی حکمت عملی کے ساتھ کھیلنا چاہیے۔
سابق فاسٹ بولر شعیب اختر کا پاک بھارت ٹاکرے سے متعلق کہنا ہے کہ پاکستان کو کنڈیشنز کی وجہ سے فائدہ ہوگا، متحدہ عرب امارات اب پاکستان کا ہوم گراؤنڈ بن چکا ہے۔
شعیب اختر نے کہا کہ چیمپیئنز ٹرافی کے فائنل کی شکست کا بھارت پر خوف ہوگا اور گرین شرٹس کو بھارتی سورماؤں پر نفسیاتی برتری حاصل ہوگی۔
شعیب اختر کا مزید کہنا تھا کہ بھارت کی بیٹنگ لائن اپ اچھی ہے اور دونوں ٹیموں کے درمیان تگڑا مقابلہ ہوگا تاہم ویرات کوہلی کا آرام کرنا سمجھ سے باہر ہے۔
یاد رہے کہ گروپ اے میں شامل پاکستان اور بھارت کے درمیان کل دبئی انٹرنیشنل اسٹیڈیم میں ٹاکرا ہوگا جس کے لیے شائقین کرکٹ بے تاب ہیں۔
گروپ بی میں شامل سری لنکن ٹیم ایونٹ سے باہر ہوگئی جب کہ بنگلادیش اور افغانستان کی ٹیمیں سپر فور تک پہنچ گئیں۔

دبئی:(سپورٹس ڈیسک/ایمرا نیوز) ایشیا کپ میں بھارت کیخلاف میچ کیلیے پاکستانی کرکٹرز کو جارحیت کا سبق پڑھا دیا گیا۔
قومی کرکٹ ٹیم کے کپتان سرفرازاحمد نے کہا ہے کہ پاکستان اور بھارت کا گروپ میچ ہو یا فائنل دنیا بھر کے شائقین میں بڑا جوش وخروش نظر آتا ہے، یواے ای میں روایتی حریف 12،13سال بعد مقابل ہورہے ہیں، یہاں دونوں ملکوں سے تعلق رکھنے والوں کی کثیر تعداد آباد ہے،تمام ٹکٹ فروخت ہوچکے ہیں،ہمیشہ کی طرح اس میچ کا بھی ماحول بھی بڑا شاندار ہوگا۔
سرفراز احمد نے کہا کہ چیمپئنز ٹرافی کی فتح ماضی کا قصہ ہوچکی،ایشیا کپ میں نیا میچ،نئی کنڈیشنز، نیا ماحول ہوگا، بھارتی ٹیم کو مستقل کپتان ویرات کوہلی کی خدمات حاصل نہیں،ایک عرصہ تک قیادت کرنے والے بیٹسمین کے نہ ہونے سے تھوڑا بہت فرق تو پڑے گا لیکن روہت شرما،شیکھر دھون اور مہندرا سنگھ دھونی جیسے تجربہ کار کرکٹرز کی موجودگی میں ہمیں ایک مضبوط ٹیم کیخلاف بہترین کھیل پیش کرنا ہوگا، دوسری جانب پاکستان کو بھی چیمپئنز ٹرافی فائنل کھیلنے والے چند کرکٹرز کی خدمات حاصل نہیں،اس لیے میرے خیال میں نفسیاتی برتری والی بات اہم نہیں۔

ایک سوال کے جواب میں سرفراز احمد نے کہاکہ پاکستان اور بھارت کا کوئی میچ دباؤ کے بغیر نہیں ہوتا،کھلاڑیوں کو ہمیشہ تلقین کرتاہوں،اس بار بھی کی ہے کہ ہار اور جیت کی پرواہ کیے بغیربے خوف ہوکر 100فیصد کارکردگی دکھانے کی کوشش کریں اور نتیجہ اللہ پر چھوڑ دیں، دبئی کی کنڈیشنز میں ہائی اسکورنگ مقابلہ ہوسکتا ہے۔
انھوں نے کہا کہ پاکستانی ٹاپ آرڈر کا تسلسل کیساتھ کارکردگی دکھانا خوش آئند ہے، فخرزمان، امام الحق اور بابر اعظم رنز کررہے ہیں،یواے ای کی کنڈیشنز میںٹاپ آرڈر کی پرفارمنس کی اہمیت مزید بڑھ جاتی ہے، یہاں نئی گیند بیٹ پر آتی اور اسٹروکس کھیلنا آسان ہوتا ہے، بعد پچ سلو ہوجاتی ہے اور آنے والے بیٹسمینوں کو سیٹ ہونے کیلیے وقت درکار ہوتا ہے۔ اوپر والے رنز بنائیں تو بڑا ٹوٹل حاصل کرنا آسان ہوجاتا ہے۔
بھارت کیخلاف میچ کیلیے تبدیلیوں کا عندیہ دیتے ہوئے سرفراز احمد نے کہا کہ ہانگ کانگ سے مقابلے میں پچ بالکل نئی تھی،اس لیے 4 پیسرز کو کھلانے کا فیصلہ کیا جو کامیاب بھی رہا، جس پچ پر ہمارا روایتی حریف سے مقابلہ ہوگا، وہاں بھارتی ٹیم پہلے ہی ایک میچ کھیل چکی ہوگی،استعمال شدہ پچ کی حالت کو دیکھتے ہوئے پلیئنگ الیون میں تبدیلی کا فیصلہ کریں گے، عام طور پر میچز میں ہم 5بیٹسمینوں، 2آل راؤنڈرز اور ایک وکٹ کیپر کیساتھ میدان میں اتر رہے ہیں۔
ایک سوال کے جواب میں سرفراز احمد نے کہا کہ محمد عامر ہانگ کانگ کیخلاف میچ میں وکٹ نہیں لے سکے، تھوڑا ردھم کی کمی نظر آئی لیکن مجموعی طور پر اچھی بولنگ کی۔ پیسر محنت کررہے ہیں،پوری امید ہے کہ آئندہ میچز میں وکٹیں بھی لیں گے، عثمان شنواری نے مسلسل دوسرے مقابلے میں مین آف دی میچ حاصل کیا ہے، نوجوان پیسر ٹیم میں اپنی جگہ پکی کرتے جارہے ہیں، شاداب خان بھی زبردست بولر ہیں، مجموعی طور پر ہمارے پاس اچھی بولنگ لائن اپ موجود ہے۔
کپتان نے کہا کہ ورلڈکپ کے سفر کا آغاز ہوچکا ،اس سے قبل جتنا بھی وقت ہے،اس سے قبل ہماری کئی سیریز ہیں،فی الحال پوری توجہ ایشیا کپ پر مرکوز ہے،ایونٹ میں صرف بھارت سے میچز ہی نہیں،ٹائٹل تک رسائی کیلیے دیگر حریفوں کا بھی سامنا کرنا ہے،نوجوان کرکٹرز اچھا پرفارم کررہے ہیں،ٹیم کا ماحول بھی شاندار ہے،اس کا کریڈٹ منیجر اور کھلاڑیوں کو بھی جاتا ہے،سب اچھے برے کا فرق سمجھتے ہیں،اسی لیے کبھی کسی تنازع یا ناخوشگوار صورتحال کا سامنا نہیں کرنا پڑا۔
بھارت سے باہمی سیریز بحال ہونی چاہئیں، سرفراز احمد
انھوں نے کہا کہ ایک عرصہ بعد یواے ای میں روایتی حریفوں کا مقابل ہونا خوش آئند ہے۔ یہاں دونوں ملکوں کی باہمی سیریز بھی کروانے کے سوال پر قومی ٹیم کے کپتان نے کہا کہ یواے ای میں کیا، میری تو خواہش ہے کہ بھارتی ٹیم پاکستان میں آکر کھیلے اور ہم ان کے ملک میں کھیلنے کیلیے جائیں، باہمی مقابلے کرکٹ کے مفاد میں ہیں۔
فخر زمان اور امام الحق بطور اوپنرز پہلا انتخاب ہوں گے، قومی کپتان
سرفراز احمد نے کہا کہ شان مسعود نے گزشتہ ڈومیسٹک سیزن کے ون ڈے میچز میں عمدہ کارکردگی دکھائی ہے،اسی بنیاد پر ایشیا کپ کیلیے اسکواڈ میں شامل ہوئے،پہلی چوائس فخرزمان اور امام الحق ہیں،دونوں اچھی فارم میں اور پاکستان کو اچھے آغاز فراہم کررہے ہیں۔
ایک سوال جواب میں کپتان نے کہا کہ چیف سلیکٹر نے بھی کہا ہے کہ محمد حفیظ ہمارے ورلڈکپ پول میں شامل ہیں،آئندہ بھی بڑی کرکٹ کھیلنا ہے،ضرورت پڑنے پر سینئر کرکٹر کو کال کریں گے۔
ورلڈکپ تک پیسرز کی روٹیشن پالیسی جاری رہے گی، کپتان
قومی کرکٹ ٹیم کے کپتان سرفراز احمد نے کہا کہ ایشیا کپ کے بعد بھی پاکستان کوکافی مشکل سیریز کھیلنا ہیں،آسٹریلیا اور نیوزی لینڈ کے بعد جنوبی افریقہ کا سامنا کرنا ہے،یواے ای میں میچز کے دوران موسم اورکنڈیشنز بھی خاصی سخت ہوں گی،ورلڈکپ تک روٹیشن پالیسی اپنائیں گے، دستیاب ٹاپ بولرز میں سے کسی کوٹیسٹ توکسی کو ون ڈے میچز کھیلنے کے مواقع دیں گے، پیسر کو تازہ دم رکھنا بہت ضروری ہے۔

دبئی:(سپورٹس ڈیسک/ایمرا نیوز) ایشیا کپ کے تیسرے میچ میں افغانستان کی سری لنکن ٹیم کے خلاف بیٹنگ جاری ہے۔
دبئی میں کھیلے جارہے ایشیا کپ کے تیسرے میچ میں افغانستان نے سری لنکا کے خلاف ٹاس جیت کر پہلے بیٹنگ کا فیصلہ کیا ہے جس کے جواب میں افغان ٹیم کی بیٹنگ جاری ہے۔ سری لنکن ٹیم کے لیے افغانستان سے میچ انتہائی اہمیت کا حامل ہے، ایونٹ کے پہلے میچ میں سری لنکا کو بنگلا دیش کے ہاتھوں شکست کا سامنا کرنا پڑا تھا۔
دوسری جانب سری لنکا کے بیٹنگ کوچ تھلان سماراویرا کا کہنا ہے کہ ہم گذشتہ کچھ عرصے سے مقابلوں کا آغاز اچھے انداز میں نہیں کرپا رہے، بنگلا دیش سے میچ میں بھی 30 رنز کے دوران 5 وکٹیں گرنے سے دباؤ بڑھ گیا، ہمارے بیٹسمینوں کو ذہنی طور پر خود کو مضبوط رکھنے کی ضرورت ہے۔

دبئی:(سپورٹس ڈیسک/ایمرا نیوز) ایشیا کپ کرکٹ ٹورنامنٹ میں سری لنکا کا مقابلہ آج افغانستان سے ہوگا۔
دبئی انٹرنیشنل کرکٹ اسٹیڈیم میں دونوں ٹیمیں پاکستانی وقت کے مطابق شام ساڑھے 4 بجے مدمقابل ہوں گے۔
گروپ ‘بی’ میں شامل سری لنکن ٹیم آج اپنا دوسرا میچ کھیلے گی، پہلے میچ میں اسے بنگلادیش نے عبرتناک شکست دی تھی جب کہ افغانستان کا یہ پہلا میچ ہوگا۔
پوائنٹس ٹیبل پر گروپ ‘بی’ میں بنگلادیش 2 پوائنٹس کے ساتھ سرفہرست ہے جب کہ سری لنکا کا رن ریٹ منفی 2.74 ہے۔
گروپ ‘اے’ میں شامل پاکستان اور ہانگ کانگ کے درمیان گزشتہ روز کھیلے گئے میچ میں گرین شرٹس نے کامیابی حاصل کی جس کے بعد اسے 2 پوائنٹس ملے اور پوائنٹس ٹیبل پر سرفہرست ہے۔

لاہور(وقت نیوز) ایشا کپ جیسا بڑا ایونٹ ہے تو کرکٹرز کے ٹشن بھی بڑے، حسن علی، شاداب، شعیب ملک اور دیگر کھلاڑیوں کے نئے ہیر سٹائل پر سوشل میڈیا پر دلچسپ جملوں کا تبادلہ۔ ایشیا کپ میں ہر کھلاڑی کی منفرد نظر آنے کی چاہ۔ نت نئے ہیئر سٹائل بنوا لئے صرف یہی نہیں نئی لک ہر کسی کی نگاہ کا مرکز بنے گی۔ کھلاڑیوں نے تصاویر سوشل میڈیا پر بھی جاری کر دیں۔ ایک دوسرے کی دیکھا دیکھی کرکٹر کا آپس میں دلچسپ جملوں کا تبادلہ بھی ہوا۔ شاداب خان نئے ہیر سٹائل میں منفرد نظر آئے تو حسن علی کے بالوں میں پونی سب کو بھائی۔ شعیب ملک نے ثانیہ کی فرمائش پر نیا ہیر سٹائل بنایا تو محمد عامر نے بھی اہلیہ کو خوش کرنے کیلئے شعیب جیسا انداز اپنایا۔ شعیب ملک کا انداز دیکھ کر باؤلنگ کوچ اظہر محمود کے دل میں نہ جانے کیا آیا۔ بولے مروا دیتا ای شعیبی۔ سوشل میڈیا پر چاہے ہر کھلاڑی کو ایک دوسرے سے منفرد نظر آنے کی تمنا ہو لیکن میدان میں سب کی صرف ایک ہی تمنا ایشا کپ میں فتح ہے۔