Category کھیل

لاہور (سپورٹس ڈیسک/ وقت نیوز) پاکستان فٹبال ٹیم کے نئے برازیلین کوچ آج پاکستان پہنچیں گے ۔برازیلین سٹار رنگورا قومی ٹیم کا انتخاب ٹرائلز کے بعد کریں گے ،نگورا کراچی میں جاری نیشنل چیلنج کپ سے نئے ٹیلنٹ کو بھی تلاش کریں گے ۔سوشل میڈیا پر ایک مختصر ویڈیو پیغام میں انہوں نے مخصوص انداز میں سلام سے آغاز کیا ۔

لندن (سپورٹس ڈیسک/ وقت نیوز) پاکستانی قومی کرکٹ ٹیم کے دورہ انگلینڈ ،سکاٹ لینڈ اور آئرلینڈ سے قبل پاکستان میں تعینات برطانوی ہائی کمشنر تھامس ڈریو نے برطانیہ میں پاکستانی ٹیم کو خوش آمدید کہتے ہوئے پاکستانی کرکٹ ٹیم کیلئے نیک تمناوں کا اظہار کیا ہے اور توقع ظاہر کی ہے کہ پاکستانی کرکٹ ٹیم موسم گرما کے کرکٹ سے بھرپور لطف اٹھائے گی ۔

لندن(سپورٹس ڈیسک/ وقت نیوز) انگلش فٹبال کے میچ میں ایورٹن نے نیو کاسل کی ٹیم کودلچسپ مقابلے کے بعد ایک صفر سے ہرادیا ہے ۔انگلش پریمئیر لیگ کے میچ میں ایورٹن اور نیو کاسل کے درمیان مقابلہ ہوا ،دونوں ٹیموں نے میچ کے آغاز سے ہی شاندار کھیل پیش کیا ۔ایک دوسرے کی گول پوسٹ پر خوب حملے کیے ،بھرپور کوشش کے باوجود دونوں ٹیمیں پہلے ہاف میں گول نہ کرسکیں ،ایورٹن کی ٹیم نے 51 ویں منٹ میں شاندار گول کرکے ایک صفر کی برتری حاصل کرلی جو آخر تک برقرار رہی ، یہ بات دلچسپی سے خالی نہیں کہ میچ کے دوران متعدد مرتبہ دونوں ٹیموں کے کھلاڑی الجھے تا ہم کوئی ناخوشگور واقع پیش نہیں آیا ۔

لاہور (سپورٹس ڈیسک/ وقت نیوز) پاکستان کرکٹ ٹیم کے سابق کپتان رمیز راجہ نے کپتان سرفراز احمد کو خبر دار کیا ہے کہ دورہ انگلینڈ آسان نہیں انہوں نے کہا ہے کہ دورہ انگلینڈ بطور کپتان اور کھلاڑی سرفراز احمد کے لئے انتہائی مشکل ہوگا ۔سابق اوپنر نے کہا کہ جب آپ پانچ ایسے بلے بازوں کے ساتھ پہلی بار انگلینڈ کا دورہ کر رہے ہوں جو جبھی وہاں نہ کھیلے ہوں تو اسے خطرناک ہی کہا جاسکتا ہے ۔انہوں نے کہا کہ انگلش کنڈیشنز میں پاکستان کی بولنگ کا بھی توقعات پر پورا اترنا اتنا آسان نہیں ہوگا ۔رمیز راجہ کا خیال ہے کہ بطور کپتان سرفراز احمد کو سلیکشن کے معاملے میں مستقل مزاجی دکھانا ہوگی ۔،کنڈیشنز کے حساب سے کھلاڑیوں کو منتخب کرتے ہوئے ایسے کھلاڑیوں پر نظر رکھنا ہوگی جو انہیں طویل عرصے تک خدمات پیش کر سکیں ۔

لاہور(سپورٹس ڈیسک/وقت نیوز)کرکٹ ورلڈ کپ 2019ء کے شیڈول میں تبدیلی کی بھارتی درخواست منظور کر لی گئی اور ایونٹ میں پاکستان اور بھارت کا میچ 16جون کو مانچسٹر میںہو گا۔بھارتی کرکٹ بورڈ کے حکام نے بتایا کہ آئی سی سی چیف ایگزیکٹو کمیٹی کے اجلاس میں بورڈ کی طرف سے ورلڈ کپ کے شیڈول میں تبدیلی کی درخواست کی گئی تھی تاکہ بھارتی ٹیم کو انڈین پریمیئر لیگ فائنل اور میگا ایونٹ کے ابتدائی میچ کے درمیان 15 دن کا وقفہ مل سکے۔ابتدائی شیڈول کے تحت بھارت کا پہلا میچ 2 جون کو جنوبی افریقہ کیساتھ رکھا گیا تھا لیکن اب بھارتی ٹیم 5 جون کو پروٹیز کیخلاف میچ سے مہم کا آغاز کریگی۔گزشتہ چند ایونٹس میں پاکستان اور بھارت کا پہلے ہی ٹاکرا کرا دیا جاتا تھا لیکن اس ایونٹ میں دونوں ٹیمیں ایونٹ کے درمیان میں مدمقابل ہوں گی۔ورلڈ کپ 30 مئی سے 14 جولائی تک انگلینڈ میں کھیلا جائیگا جس میں آسٹریلین ٹیم ٹائٹل کا دفاع کریگی۔ پاکستان اور بھارت کی ٹیمیں 16 جون کو مدمقابل ہوں گی۔یہ ایونٹ 1992 کے ورلڈ کپ کی طرح راؤنڈ روبن کی طرز پر کھیلا جائیگا جس میں تمام ٹیمیں ایک دوسرے سے کم از کم ایک میچ کھیلیں گی اور 4 بہترین ٹیمیں سیمی فائنل میں جگہ بنائیں گی۔ورلڈ کپ 2019 کا حتمی شیڈول 30 اپریل کو جاری کیا جائے گا۔آئی سی سی اجلاس میں فیوچر ٹور پروگرام 2019سے 2023ء تک کے معاملات بھی فائنل کئے گئے ۔بھارت اپنی سر زمین پر 19ٹیسٹ میچ کھیلے گا ۔ بھارتی بورڈ نے ڈے اینڈ نائٹ ٹیسٹ میچ بھی کھیلنے سے انکار کر دیا ہے ۔دریں اثناء بھارتی کرکٹ بورڈ کے حکام نے کہا ہے کہ پاکستانی کرکٹرز بھارت سے دو طرفہ سیریز کھیلنے کی بات کرنے سے قبل دوسرے ممالک کی عزت کرنا بھی سیکھیں ۔ پہلے شاہد آفریدی نے کشمیر سے متعلق بات کی اور بعد میں حسن علی نے واہگہ بارڈر پر بھارتی فورسز اور عوام کو دیکھ کر غلط اشارے کئے ۔ چیئر مین پی سی بی کو پہلے اس بات کو بھی سمجھنا چاہئے کہ بی سی سی آئی حکومتی پالیسیوں کو مرتب نہیںکرتا ہے ۔ وہ جب اپنے وزیر اعظم سے ملیں تو ان معاملات پر بھی بات کریں ۔ہم بھارتی تنظیم ہیں اور یہاں کے قوانین کے پابند ہیں ۔

فیصل آباد (سپورٹس ڈیسک/وقت نیوز) پاکستان کرکٹ بورڈ کے زیراہتمام پاکستان ون ڈے کرکٹ کپ(آج)بدھ سے اقبال سیٹڈیم فیصل آباد میں شروع ہوگا۔ چیئرمین پاکستان کرکٹ بورڈ کے مشیر شکیل شیخ کے مطابق ٹورنامنٹ میں ملک بھر سے پانچ ٹیمیں حصہ لے رہی ہیں جن میں پنجاب، خیبر پختونخوا، سندھ، بلوچستان اور فیڈرل ایریا کی ٹیمیں شامل ہیں۔ ہر ٹیم چار چار میچ کھیلے گی اور ٹاپ دو ٹیموں کے درمیان فائنل میچ 6 مئی کو کھیلا جائیگا، آج پنجاب اور بلوچستان کی ٹیموں کے درمیان میچ کھیلا جائے گا۔ ایس ایس پی آپریشنز کی زیرنگرانی پاکستان کرکٹ کپ کیلئے فیصل آبادپولیس نے سکیورٹی پلان جاری کر دیا ہے جس کے مطابق03 ایس پیز، 08ڈی ایس پیز، 08انسپکٹر، 38سب انسپکٹر، 132اے ایس آئیزاور 1000سے زائد جوان اور ایلیٹ فورس کی10 ٹیمیں ڈیوٹی کے فرائض سرانجام دیں گے۔ سٹیڈیم کے اردگرد پولیس کی26ریزرو ہائے بھی ڈیوٹی کیلئے سٹینڈ ٹو رہیںگی۔ سی پی او فیصل آباد اطہراسماعیل نے کہا کہ تمام ملازمین اپنی ڈیوٹی چاق وچوبند ہوکر سرانجام دیں اور اپنے گردونواح پر نظر رکھتے ہوئے عوام الناس کی حفاظت کو یقینی بنائیں، تمام مشکوک افراد پر کڑی نظررکھی جائے۔ تمام افسران وملازمین ہائی الرٹ ہو کر ڈیوٹی سرانجام دیں۔ ہلٹربازی کرنے والے افرادکسی رعایت کے مستحق نہیں ان کے خلاف قانونی کارروائی عمل میں لائی جائے گی۔ میں خود سکیورٹی ڈیوٹی چیک کروں گا۔

کراچی(سپورٹس ڈیسک/وقت نیوز) آئندہ سال انگلینڈ اور ویلز میں ہونے والا ورلڈ کپ کرکٹ ٹورنامنٹ 1992 کے ورلڈ کپ فارمیٹ کے تحت کھیلا جائے گا جس میں ہر ٹیم دوسری ٹیم کے خلاف ایک ایک میچ کھیلے گی۔ ہر ٹیم 9 گروپ میچ کھیلے گی جس کے بعد چار ٹاپ ٹیمیں سیمی فائنل کے لئے کوالی فائی کریں گی۔ عمران خان کی قیادت میں پاکستان نے 1992 کا ورلڈ کپ جیتا تھا۔ ذرائع کا کہنا ہے کہ روایتی حریفوں پاکستان اور بھارت کے درمیان ورلڈ کپ کا سب سے اہم میچ اولڈ ٹریفورڈ مانچسٹر میں 16 جون کو کھیلا جائے گا۔ ورلڈ کپ انگلینڈ کے دس سینٹرز پر 30 مئی سے 14 جولائی تک کھیلا جائے گا۔ افتتاحی میچ اوول لندن میں کھیلا جائےگا۔ پہلا سیمی فائنل مانچسٹر اور دوسرا ایجبسٹن برمنگھم میں ہوگا۔ لارڈز کا تاریخی میدان فائنل کی میزبانی کرے گا۔ ورلڈ کپ کے شیڈول کو جمعرات کو آئی سی سی بورڈ میٹنگ میں کول کتہ میں حتمی شکل دی جائے گی۔ جبکہ میٹنگ کے بعد اس کا اعلان ایک تقریب میں کیا جائے گا۔ بھارتی کرکٹ ٹیم اپنا پہلا میچ 5 جون کو کھیلے گی۔ آئی پی ایل کے بعد بھارتی ٹیم کے میچ میں پندرہ دن کا گیپ رکھا

گیا ہے۔ 1999 کے ورلڈ کپ میں بھی پاکستان بھارت میچ اولڈ ٹریفورڈ میں کھیلا گیا تھا۔ ٹورنامنٹ کے45 گروپ میچوں سمیت 48 میچ ہوں گے۔ دس ٹیمیں ورلڈ کپ ٹرافی کے حصول کی جنگ میں شرکت کریں گی۔ انگلینڈ 1975، 1979، 1983، 1999کے بعد ریکارڈ پانچویں بارمیگا ایونٹ کی میزبانی کرے گا۔

نئی دہلی:(سپورٹس ڈیسک/وقت نیوز) کرکٹ آسٹریلیا کے سچن ٹنڈولکر کی سالگرہ پر کیے جانے والے ’مذاق‘ پر بھارتی شائقین بھڑک اٹھے۔

سابق بھارتی کرکٹر سچن ٹنڈولکر منگل کو 45 برس کے ہو گئے۔اسی روز آسٹریلیا کے بھی سابق فاسٹ بولر ڈیمین فلیمنگ کی برتھ ڈے تھی، کرکٹ آسٹریلیا نے ٹویٹر پر ایک ویڈیو شیئر کی جس میں فلیمنگ بھارتی بیٹنگ ماسٹر ٹنڈولکر کی تیز گیند سے وکٹ اڑا رہے ہیں۔اس کے ساتھ فاسٹ بولر کو سالگرہ کی مبارکباد دی گئی۔

سی اے کا یہ مذاق بھارتی شائقین کو پسند نہیں آیا جنھوں نے ٹویٹر پر خوب دل کی بھڑاس نکالی، ایک نے لکھا کہ ان آسٹریلینز پر جتنی بھی پابندی لگ جائے یہ سدھریں گے نہیں، ایک اور نے لکھا کہ پوری ویڈیو چیک کریں تو معلوم ہوگا کہ فلیمنگ نے ریگ مال سے گیند کو سوئنگ کیلیے تیار کیا تھا۔

کولکتہ: (سپورٹس ڈیسک/وقت نیوز) آئی سی سی چیئرمین ششانک منوہرکو2 برس کی توسیع ملنے کا امکان روشن ہوگیا۔

تفصیلات کے مطابق کولکتہ میں جاری آئی سی سی میٹنگز کے دوران چیئرمین آئی سی سی کے عہدے کیلیے بھی جوڑ توڑ جاری ہے، صورتحال میں اچانک آنے والی تبدیلی نے منوہر کے آئندہ 2 برس کیلیے بھی ٹاپ عہدے پر برقرار رہنے کا راستہ ہموار کردیا، منوہر کے عہدے کی مدت رواں برس جون میں ختم ہورہی ہے۔

وہ پہلے ہی واضح کرچکے کہ اگر انھیں متفقہ طور پر منتخب کیا گیا تو وہ کام جاری رکھیں گے بصورت دیگر انتخاب میں حصہ نہیں لینگے۔ ایک بھارتی اخبار کی رپورٹ میں کہا گیاکہ بی سی سی آئی شروع میں ماضی کے معاملات کی وجہ سے انھیں سپورٹ نہیں کررہا تھا مگر اچانک نہ صرف اس نے اپنی حمایت کا وزن منوہر کے پلڑے میں ڈالا بلکہ پی سی بی کو بھی اس بات پر راضی کیا گیاکہ وہ ایشین بلاک کی خاطر انھیں ہی سپورٹ کریں۔ ششانک منوہر کے حق میں انگلینڈ اینڈ ویلز کرکٹ بورڈ اپنے ہی سابق سربراہ کلارک کی سپورٹ سے دستبردار ہوگیا۔
موجودہ سربراہ گریوس کو کلارک کے کیس میں کوئی دلچسپی نہیں، ان کا موڈ دیکھتے ہوئے پی سی بی اور کرکٹ آسٹریلیا نے بھی کلارک کی حمایت کا ارادہ ترک کردیا۔رپورٹ میں یہ بھی دعویٰ کیا گیا کہ مستقبل میں کولن گریوس خود آئی سی سی کے چیئرمین بننا چاہتے ہیں اس لیے انھوں نے کلارک کا راستہ روکا۔آئی سی سی کے چیئرمین کی اگلی مدت کے بارے میں کوئی بھی حتمی فیصلہ کولکتہ میں جاری میٹنگز میں ہی کیا جائے گا جس کی توثیق جون کے سالانہ اجلاس میں ہوگی۔

لندن (سپورٹس ڈیسک/ وقت نیوز) انگلینڈ کے فاسٹ باﺅلر سٹورٹ براڈ کا نگلش ماڈل اور اداکار مولے کینگ کے ساتھ معاشقہ منظر عام پر آگیا ۔انہوں نے گزشتہ روز لنچ کے دوران اکٹھا دیکھا گیا ۔جوڑے لیور تھامس پر کتے کے ساتھ سورج کی روشنی کو انجوائے کرتے رہے ۔دونوں کے درمیان گزشتہ ماہ سے تعلقات کی خبروں کو باز گشت سنائی دی جارہی تھی ۔ماڈل نے اپنے ایک انٹریو مین کسی کے ساتھ اپنے پیار بارے خیالات کا اظہار بھی کیا تھا ۔انہوں نے کہا تھا کہ میں کسی سے پیار کرتی ہوتی ۔اداکارہ کا اس سے پہلے ماڈل ڈیوڈ گاڈائے کے ساتھ بھی تعلقات بھی رہ چکے ہیں ۔یاد رہے کہ براڈ کا انگلینڈ باﺅلرز میں سے ایک ہیں جو کہ ٹیسٹ ٹیم میں انگلینڈکی ٹیم کا حصہ ہیں ۔