Category کھیل

لاہور (سپورٹس ڈیسک/ مکی آرتھر کا اہلیہ کے ساتھ 29 سالہ رفاقت کا خاتمہ ہوگیا ۔تفصیلات کے مطابق مکی آرتھر گزشتہ کئی ہفتوں سے اپنے خاندانی مسائل کی وجہ سے پریشان ہیں ،گزشتہ دنوں ان کی اپنی اہلیہ کے ساتھ تین دہائیوں پر مشتمل تعلق ختم ہوگیا ۔مکی آرتھر جواب آسٹریلوی شہری بن گئے ہیں اور آسٹریلیا کے شہر پرتھ میں مستقل رہائش رکھتے ہیں ،ان کی اپنی اہلیہ کے ساتھ 29 سال بعد علیحدگی نے انہیں پریشانی میں مبتلا کررکھا ہے ۔یاد رہے کہ مکی مسائل کسی نہ کسی صورت میں ہر شخص کے ساتھ ہوتے ہیں تاہم سمجھداری سے حل کئے جاسکتے ہیں ۔

ممبئی (سپورٹس ڈیسک/ وقت نیوز) بھارتی سابق کرکٹر اور بالی وڈ اداکار سالیل انکولا فلم ساز مہیش منجریکر کی فلم میں ویلن کا کردار ادا کریں گے ۔بھارتی ذرائع ابلاغ کے مطابق سالیل انکولا مہیش منجریکر کی فلم میں منفی کردار ادا کریں گے ،فلم کی کاسٹ میں ودیوت جموال اور شروتی ہاسن بھی شامل ہیں ۔سالیل کا کہنا ہے کہ مہیش اور میں کافی عرصے سے بہت پرانے دوست ہیں ،مہیش میری فٹنس سے بخوبی آگاہ ہے ،اس لئے انہوں نے یہ کردار مجھے دیا ۔سالیل کا کہنا ہے کہ میں اس روپ میں پہلے کبھی پردہ سکرین پر نظر نہیں آیا اور اس کے لئے میں بہت خوش ہوں ۔ودیوت جموال اور شروتی ہاسن نے فلم کی عکسبندی شروع کردی ہے ۔

موہالی (سپورٹس ڈیسک/ وقت نیوز) بھارتی بیٹسمین یوراج سنگھ نے کہا ہے کہ کرکٹ سے ریٹائرمنٹ بارے رواں سال کے اختتام پر فیصلہ کروں گا ۔انہوں نے کہا کہ2019 ءکا ورلڈکپ کھیلنا ابھی تک میرا گول ہے ۔لیفٹ ہینڈ ڈ بیٹسمین نے کہا ہے کہ آئی پی ایل میں اس مرتبہ کنگز الیون پنجاب کی ٹیم بہتین کھلاڑیوں پر مشتمل ہے ۔ٹیم میں کے راہول اور کرس گیل اوپننگ میں ٹیم کو اہم آغاز فراہم کررہے ہیں ۔امید ہے ایونٹ میں کامیابی اپنے نام کرلیں گے ۔

لندن (سپورٹس ڈیسک/ وقت نیوز) لیورپول کے سٹار فٹبالر نے محمد صالح نے پروفیشنل فٹبال ایسوسی ایشن ”پی ایف اے “ کا ایواڈ اپنے نام کرلیا ۔ان کا مقابلہ مانچسٹر کے لیون ڈی بورین کے ساتھ تھا ۔صالح نے رواں پرئمیر لیگ کے سیزن 31 گول کئے تھے ۔صالح یہ ایوارڈ جیتنے والے ساتویں لیور پول کے کھلاڑی جبکہ پہلے مصر ی فٹبالر ہیں ۔کیون ڈی بورین ابھرتے ہوئے نوجون کے ایوارڈ سے نوازا گیا ۔محمد صالح کو گولڈ بوٹ جیتنے کیلئے بھی فیورٹ قراردیا جارہا ہے لیکن اس سے پہلے ان کا اصل امتحان آج چیمپئن لیگ کے سیمی فائنل میں ہوگا ۔اس کی ٹیم کو آل روما کلب کا چیلنج درپیش ہوگا ۔

بنگلور(سپورٹس ڈیسک/ وقت نیوز) جنوبی افریقہ کے اے بی ڈویلئیر نے کہا ہے کہ ورلڈکپ کیلئے ہماری ٹیم بہترین کھلاڑیوں پر مشتمل ہے ۔چاہتا ہوں کہ جب کرکٹ سے ریٹائر ڈ ہوں تو میگا ایونٹ کا ٹائٹل اپنے نام کروں ۔انہوں نے کہا کہ اس وقت زندگی کی بہترین فارم سے گزر رہا ہوں ۔امید ہے کہ ورلڈکپ جیتنے میں کامیاب ہو جائیں گے ۔

حیدر آباد(سپورٹس ڈیسک/ وقت نیوز) بھارتی فاسٹ باﺅلر بھونیشور کمار نے باﺅلنگ سپیڈ میں بہتری کا کریڈٹ فٹنس کو قرار دیدیا ۔انہوں نے کہا کہ ہمیشہ باﺅلنگ کے دوران یہ کوشش رہی ہے کہ گیند کو زیادہ سے زیادہ سوئنگ کروں لیکن ساتھ کوشش کرتا ہوں کہ اپنی سپیڈ میں اضافہ کروں جس میں ابھی تک کامیاب رہا ہوں ۔

کراچی (سپورٹس ڈیسک/ وقت نیوز)پاکستانی ہاکی ٹیم کے سابق گول کیپر منصور احمد نے بھارتی حکومت سے انسانی ہمدردی کی بنیاد پر اپیل کی ہے کہ وہ دل کی پیوند کاری کے سلسلے میں ان کی مدد کرے۔ منصور احمد کراچی میں امراض قلب کے قومی ادارے میں زیرعلاج ہیں جہاں ان کی حالت اچھی نہیں ہے۔ ڈاکٹروں کا خیال ہے کہ دل کی پیوند کاری سے ان کی حالت میں بہتری آ سکتی ہے اور یہ علاج اس وقت بھارت میں کامیابی سے ہو رہا ہے۔ غیر ملکی ویب سائٹ کے مطابق منصور احمد نے بھارتی حکومت خصوصاً وزیر خارجہ سشما سوراج سے اپیل کی ہے کہ وہ ان کے ویزے اور علاج کے سلسلے میں انسانی ہمدردی پر غور کریں۔ انھوں نے بھارتی کی سرزمین پر متعدد میچ پاکستان کے لیے جیت کر بھارتیوں کے دل توڑے ہوں گے لیکن اس وقت اس مشکل وقت میں انہیں دل کی ضرورت ہے۔ منصور احمد کے علاج و معالجے کے سلسلے میں ان دنوں کرکٹر شاہد آفریدی گہری دلچسپی لے رہے ہیں اور انھوں نے منصور کے علاج کے تمام اخراجات برداشت کرنے کا اعلان کیا تھا۔ یاد رہے کہ منصور احمد کی شاندار گول کیپنگ نے 1994 میں پاکستان کو سڈنی میں عالمی کپ

جتوایا تھا۔ اسی سال ان کی گول کیپنگ نے پاکستان کو لاہور میں چیمپئنز ٹرافی جتوانے میں بھی فیصلہ کن کردار ادا کیا تھا۔

جوہانس برگ:(سپورٹس ڈیسک/ وقت نیوز) جنوبی افریقی بیٹسمین ہاشم آملا کی صلاحیتوں کا اعتراف کرتے ہوئے انھیں ملکی ایوارڈ سے نواز دیاگیا۔

ہاشم آملا گزشتہ 10 برسوں میں آرڈر آف ایکہامانگا ایوارڈ پانے والے پہلے کرکٹر بن گئے، یہ ایوارڈ آرٹس، کلچر، لٹریچر ، میوزک ، صحافت اور کھیلوں میں کارہائے نمایاں انجام دینے پر دیا جاتا ہے، ہاشم آملا نے سلور ایوارڈ نیشنل آرڈرز کے چانسلر ڈاکٹر کیسوئس لوبیسی سے وصول کیا۔ان سے قبل شان پولاک اور مکھایا این تینی کو بھی یہ ملکی ایوارڈ مل چکا ہے۔

کراچی (سپورٹس ڈیسک/ وقت نیوز)پاکستان کرکٹ بورڈ کے چیئرمین نجم سیٹھی کا کہنا ہے کہ پاکستان اور بھارت کے درمیان دو طرفہ کرکٹ سیریز کا نہ ہونا دونوں ملکوں کے کروڑوں شائقین کے لئے ٹریجڈی ہے۔ سیاسی معاملات کو کرکٹ سے دور کرنا ہوگا۔ کیوں کہ دونوں ملکوں کی دلچسپ اورسنسنی خیز کرکٹ کی دنیا میں کوئی اور مثال نہیں ملتی۔ ایسے میں شائقین کو کرکٹ سے محروم کرنا دانشمندی نہیں ہے۔ یہ سیریز سب سے منافع بخش سیریز بھی ہے۔ بھارت پاکستان سے نیوٹرل مقام پر کھیلنے کیلئے کیوں حکومت سے اجازت مانگتا ہے۔میں کرکٹ کو سیاست سے دور رکھتا ہوں، ایسا کرنا افسوس ناک ہے۔ جب تک پاکستان اور بھارت کے درمیان تنازع کا فیصلہ نہیں ہوتا ہے دونوں ملکوں کے درمیان دو طرفہ کرکٹ سیریز نہیں ہوسکتی ہے۔ جب آئی سی سی کی تنازعات کمیٹی فیصلے دے گی اس کے بعد دونوں ملکوں کو دیکھنا ہے کہ کس طرح معاملات کو آگے لے کر چلنا ہے۔ وہ پیر کو کول کتہ میں میڈیا سے بات چیت کررہے تھے۔ انہوں نے اگلے پانچ سال کے لئے ایف ٹی پی کو تمام ملکوں نے حتمی شکل دے دی ہے لیکن بھارت نے پاکستان کے

ساتھ پانچ سالوں میں کوئی سیریز شیڈول نہیں کی ہے۔ اصولی طور پر پاکستان اس ایف ٹی پی کو تسلیم کررہا ہے لیکن یہ فیوچر ٹور پروگرام آئی سی سی کی تنازعات کمیٹی کے فیصلے سے مشروط ہے۔ اگر فیصلہ ہمارے حق میں ہوتا ہے تو پھر پاکستان کے میچوں کو بھی شامل کرنا ہوگا۔ انہوں نے کہا کہ آئی سی سی نے ہمیں اس بارے میں بات کرنے سے منع کیا ہوا ہے کہ آئی سی سی اس تنازع کے بارے میں کیا رائے رکھتا ہے۔ نجم سیٹھی نے کہا کہ اکتوبر سے قبل پاک بھارت سیریز کا کوئی امکان نہیں ہے۔ پاکستان کا کیس یہ ہے کہ بھارت نے معاہدے کی خلاف ورزی کی ہے۔ بھارت نے اس دوارن پاکستان کے ساتھ جو دو سیریز کھیلنا تھی ہمیں ان دونوں سیریز کے نقصان کا ازالہ کرکے دیا جائے۔ پاکستان نے70 ملین ڈالرز نقصان کی تلافی کی درخواست دی ہوئی ہے۔ ٹریبونل کے پاس دو آپشن ہیں کہ کیا دونوں ملکوں کے درمیان معاہدہ تھا اگر معاہدہ تھا تواس کی پاسداری کیوں نہیں کی گئی۔ ہم نے تحریری طور پر اپنی پوزیشن ٹریبونل پر واضح کردی ہے لیکن بھارت نے ابھی کوئی جواب نہیں دیا ہے۔ نجم سیٹھی نے کہا کہ پاکستان بھارت کے ساتھ نیوٹرل وینیو پر کھیلنے کے لئے تیار تھا لیکن بھارت نے منع کردیا تھا لیکن ہمیں بھارتی میڈیا سے پتہ چلا ہے کہ بھارت نیوٹرل وینیو پر نہیں کھیلنا چاہتا۔ سیکیورٹی کا ایشواس وقت ہوسکتا ہے جب ہم ایک دوسرے کے ملک میں کھیلیں۔ امارات میں کھیلنے پر کوئی سیکیورٹی ایشو نہیں ہےہم نے بھارت نے امارات میں کھیلنے کی دعوت دی تھی۔ بھارت نے کہا کہ حکومت ہمیں متحدہ عرب امارات میں کھیلنے کی اجازت نہیں دے گی۔ ہم کہتے ہیں کہ کسی بھی ملک میں کھیلنے کے لئے حکومت کی اجازت کیوں مانگ رہے ہیں ہم حکومت سے اجازت نہیں مانگتے ہیں۔ اگر بھارت کو کسی بھی ملک کے ساتھ کھیلنے کے لئے حکومت کی اجازت درکار تھی تو وہ اسے اس معاہدے میں شامل کرتے۔ لیکن انہوں نے ایسا نہیں کیا۔ ایمرجنگ کپ میں پاکستان اپنے میچ اپنے ملک میں کھیلے گا جبکہ بھارت کے میچ سری لنکا میں ہوں گے۔ نجم سیٹھی نے کہا زمبابوے، آئی سی سی ورلڈ الیون، سری لنکا کے بعد اب ویسٹ انڈیز کی ٹیم نے پاکستان کا کامیاب دورہ کیا ہے۔ جائلز کلارک نے پاکستان کے انتظامات کی تعریف کی۔ ہمیں امید ہے کہ اگلے ایک دو سال میں پاکستان میں انٹرنیشنل کرکٹ مکمل طور پر بحال ہوجائے گی۔ انہوں نے کہا کہ میڈیا پاکستان بھارت سیریز کی بحالی میں اہم کردار ادا کرسکتا ہے لیکن مجھے یہ دیکھ کر سخت حیرانی ہورہی ہے کہ بھارتی میڈیا کا باہمی سیریز اور کرکٹنگ تعلقات کی بحالی کیلئے خاص دبائو نہیں ہے۔

Pakistan’s Wahab Riaz bowls a nets as captain Pakistan’s Shahid Afridi looks on during a training session prior to their practice match of the ICC World Twenty20 2016 cricket tournament in Kolkata, India, Sunday, March 13, 2016. (AP Photo/ Bikas Das)

وہاب ریاض کو کافی عرصے سے ناک کے مختلف مسائل کا سامنا ہے جس سے نجات کیلیے آپریشن کا مشورہ دیا گیا جو28 اپریل کو ہوگا، اس کے بعد انھیں 2 سے ڈھائی ہفتے آرام کرنا ہوگا۔

واضح رہے کہ وہاب ریاض کو دورئہ برطانیہ کیلیے قومی کرکٹ ٹیم میں شامل نہیں کیاگیا۔ سلیکٹرز کے اس فیصلے پر خاصی تنقید ہوئی تھی۔25 اپریل سے شروع ہونے والے پاکستان کپ میں وہاب ریاض کو پنجاب کی نمائندگی کرنا تھی۔