Category کھیل

ممبئی(سپورٹس ڈیسک/ وقت نیوز) بھارتی کرکٹر شیکھر دھون عام زندگی میں وہ انہتائی نرم مزاج ہیں اور دوست احباب سے ہنسی مذاق اور شرارتیں کرنا پسند کرتے ہیں ۔حاک ہی میں انسٹاگرام پر پوسٹ کی گئی ایک ویڈیو میں شیکھر دوران پرواز ایک کاغذ کے ٹکڑے سے شکیب الحسن اور راشد خان کی ناک میں ڈال کر انہیں تنگ کرنے کی کوشش کی ۔تاہم شکیب اور راشد بھی اپنی دھن کے پکے نکلے دونوں پر رتی برابر بھی اثر نہ ہوا اور وہ سوئے ہی رہے ۔شیکھردھون کی دوران پرواز ساتھیوں سے شرارتیں
ممبئی(سپورٹس ڈیسک/ وقت نیوز) بھارتی کرکٹر شیکھر دھون عام زندگی میں وہ انہتائی نرم مزاج ہیں اور دوست احباب سے ہنسی مذاق اور شرارتیں کرنا پسند کرتے ہیں ۔حاک ہی میں انسٹاگرام پر پوسٹ کی گئی ایک ویڈیو میں شیکھر دوران پرواز ایک کاغذ کے ٹکڑے سے شکیب الحسن اور راشد خان کی ناک میں ڈال کر انہیں تنگ کرنے کی کوشش کی ۔تاہم شکیب اور راشد بھی اپنی دھن کے پکے نکلے دونوں پر رتی برابر بھی اثر نہ ہوا اور وہ سوئے ہی رہے ۔

لاہور (سپورٹس ڈیسک/ وقت نیوز) حالیہ برسوں میں پاکستان کی نماندگی کرنیوالے بلے بازوں میں بابر اعظم سب سے بہترین دکھائی دیتے ہیں جو محض دس ہفتوں کے دوران دو بار ٹی ٹونٹی بیٹنگ رینکنگ میں ٹاپ پوزیشن پاچکے ہیں جبکہ ون ڈے رینکنگ میں پانچ بہترین بلے بازوں میں شامل ہیں ۔بابر اعظم کی محدود اوورز کے دونوں فارمینٹس میں کارکردگی کا تسلسل تو برقرار ہے تاہم حیران کن طور پر وہ ٹیسٹ فارمیٹ میں اچھی کارکردگی دکھانے میں ناکام رہے ہیں ۔گزشتہ ٹیسٹ کیلنڈرائیر کے دوران چھ ٹیسٹ میچوں کی 12 اننگز میں بابر اعظم 16.72 کی معمولی اوسط سے صرف 184 رنز بنا سکے ہیں جن میں صرف دوففٹیاں شامل ہیں ،5 اننگز میں تو وہ کوئی رن بنائے بغیر ہی آﺅٹ ہوگئے تھے ۔40 ون ڈے اننگز میں7 سنچریاں بنانے والے بابراعظم اب تک کیرئیر کے گیارہ ٹیسٹ میچوں میں سنچری سے محروم ہیں ۔

اسلام آباد (سپورٹس ڈیسک/ وقت نیوز) سٹار پاکستانی باکسر محمد وسیم انٹرنیشنل باکسنگ فیڈ ریشن (آئی بی ایف ) فلائی ویٹ ورلڈ ٹائٹل کیلئے 15 جولائی کو ملائیشیا میں جنوبی افریقن باکسر موروئی متھالین کے خلاف فائٹ کریں گے ۔محمد وسیم نے اپنے بیان میں کہا کہ میں نے ورلڈ باکسنگ کونسل سلور فلائی ویٹ کیٹگری میں ٹائٹل جیت رکھا ہے اور اس کا کامیاب دفاع بھی کیا لیکن بدقسمتی سے اسپانسر مسائل کی وجہ سے میں اسے جاری نہ رکھ سکا لیکن اب مجھے انگلینڈ سے پروموٹرمل گیا ہے ،تجربہ کار باکسر سے مقابلے کا سن کر خوشی محسوس ہورہی ہے اور مجھے پورا یقین ہے کہ میں فائٹ جیت کرواپس وطن لوٹوں گا ۔انہوں نے کہا کہ میری ٹریننگ جاری ہے اور بہت جلد اپنے ٹرینر جیف مے ویدر کی نگرانی میں جدید تربیت کیلئے لاس ویگاس جاﺅں گا ۔متھالین نے کل 37 مقابلوں میں سے 35 فتوحات حاصل کررکھی ہیں اور انہیں ناکامیوں کا سامنا کرنا پڑا جبکہ دوسری جانب وسیم نے آٹھ مقابلوں میں سے تمام میں کامیابیاں حاصل کررکھی ہیں ۔

ساﺅ پالو(سپورٹس ڈیسک / وقت نیوز) سٹار برازیلین فٹ بالر نیمار نے امید ظاہر کی ہے کہ رواں برس روس میں شیڈول ورلڈکپ فٹ بال ٹورنامنٹ سے قبل سوفیصد فٹ ہو جائیں گے اور 17 مئی سے دوبارہ ٹریننگ شروع کریں گے ۔ساﺅپالو میں پریس کانفرنس کرتے ہوئے انہوں نے کہا کہ وہ تیزی سے صحت یاب ہو رہے ہیں اور 17 مئی کو ان کا آخری معائنہ ہوگا جس کے بعد وہ کھیلنے کیلئے آزاد ہوں گے ۔

کولمبو(سپورٹس ڈیسک/ وقت نیوز) سری لنکا کے سابق سپنر متھایا مرلی دھرن سری لنکن کرکٹ میں سیاست کی مداخلت پر پھٹ پڑے ۔انہوں نے کہا کہ سری لنکن کرکٹ میں کھلاڑیوں کا انتخاب سیاست کے بجائے میرٹ پر کیا جائے ۔انہوں نے کہا کہ سیاست کی وجہ سے سری لنکا کی کرکٹ تباہ ہورہی ہے ۔گزشتہ 4 سے 5 سال کے دوران کھلاڑیوں کو ٹیم میں جگہ بنانے کیلئے مکمل موقع فراہم نہیں کیا جارہا ۔گراﺅنڈ میں کھلاڑیوں اعتماد دینے سے کھلاڑی سکور کرتے ہیں یا وکٹیں لیتے ہیں ۔

موہالی(سپورٹس ڈیسک/ وقت نیوز) آئی پی ایل میں حیدر آباد اور کنگز الیون پنجاب کی ٹیمیں آج آمنے سامنے ہونگی ۔میچ کو افغانستان کے سپنر کے درمیان مقابلہ قرار دیا جارہا ہے ۔راشد خان میچ میں سن رائزز حیدر آباد کی جان سے ایکشن میں دکھائی دیں گے جبکہ مجیب الرحمان کنگز الیون پنجاب کی جانب سے جوہر دکھائیں گے ۔دونوں کھلاڑیوں عمدہ باﺅلنگ کی وجہ سے ٹورنامنٹ میں اپنی دھاک بیٹھا دکھی ہے ۔

گوجرانوالہ(سپورٹس ڈیسک/ وقت نیوز) کامن ویلتھ گولڈ میڈلسٹ ریسلر انعام بٹ کا آبائی شہر گواجرانوالہ پہنچنے پر شاندار استقبال ،بگھی پر سواری ،پھولوں کی پتیاں نچھاور ،ڈھول کی تھاپ پر بھنگڑے ،آتش بازی ،نوٹ نچھاور ،کامیاب ریسلر کی اکھاڑے میں سلامی ،والدہ نے پائے ،مٹن پلاﺅ اور بریانی کی خوشبو سے گولڈ میڈلسٹ بیٹے کا استقبال کیا ۔قومی ہیرو انعام بٹ نے اپنے اکھاڑے کا چکر لگایا اور سلامی دی ۔میڈیا سے گفتگو کرتے ہوئے ریسلر انعام بٹ نے کہا کہ ان کی کامیابی پوری قوم ،والدین کی دعاﺅں کا نتیجہ اور خصوصاً ان کے استاد کی محنت کا صلہ ہے ،ملک میں بہت ٹیلنٹ موجود ہے صرف اچھی ٹریننگ مل جائے تو بہت سے ریسلر مزید میڈل جیت کر لاسکتے ہیں ،قومی ریسلر نے اولمپکس گیمز میں گولڈ میڈل حاصل کرنا اپنا اگلہ ٹارگٹ قرار دیا ۔

ممبئی (سپورٹس ڈیسک/ وقت نیوز) ممبئی انڈینز اور رائل چیلنجر بنگلور کے درمیان کھیلے جانے والے میچ میں میں وکٹ کیپر ایشان کشن خوفناک انجری سے بال بال بچ گئے ۔گزشتہ دنوں کھیلے جانے والے میچ میں آل راﺅنڈ ہریک یانڈیا نے باﺅنڈی سے ان کی جانب تھرو پھینکی جس سے ان کی گینڈ کا باﺅنس اونچا ہونے پر بال ان کی آنکھ کے قریب جاکر لگی جس کے بعد وی میچ میں وکٹ کیپنگ نہ کرسکے اور ان کی جگہ متبادل وکٹ کیپر ادتیا تارے نے وکٹ کیپنگ کے فرائض سرانجام دیئے ۔میچ کے بعد پاندیا نے کشن کے ساتھ سوشل میڈیا پر تصویر جاری کرتے ہوئے ان سے معذرت کی اور جلد صحت یاب ہونے کیلئے نیک خواہشات کا اظہار کیا ۔

لاہور (سپورٹس ڈیسک/ وقت نیوز) پاکستان ریلوے سپورٹس بورڈ کے زیر اہتمام سی ای او گولڈ کپ 63 ویں قومی ویٹ لفٹنگ چمپئن شپ کے مقابلے ریلوے اسٹیڈیم گڑھی شاہو میں 3 روز جاری رہنے کے بعد اختتام پذیر ہوگئے ۔جس میں پاکستان ریلویز ،پاکستان آرمی ،پاکستان واپڈا ،پاکستان پولیس ،ایچ ایس سی اور چاروں صوبوں کے لفٹرز نے شرکت کی ۔واپڈا نے مجموعی طور پر 102 پوائنٹس حاصل کرکے ٹرافی جیت لی ۔آرمی نے 58 پوائنٹس کے ساتھ دوسری جبکہ ریلویز 52 پوائنٹس حاصل کرکے تیسری پوزیشن حاصل کی ۔مہمان خصوصی چیف ایگزیکٹو آفیسر ریلوے محمد جاوید انور تھے ۔