Category کھیل

پاکستان اور انگلینڈ کے درمیان  کراچی میں کھیلے جانے والے تیسرے ٹیسٹ کے تیسرے روز  سابق کپتان اظہر علی نے اپنے کیرئیر کی آخری اننگز کھیلی۔

اظہرعلی اپنےآخری ٹیسٹ کی دوسری اننگز میں  4 گیندیں کھیل کر  صفر پر آوٹ ہوگئے جس کے بعد ڈریسنگ جاتے ہوئے قومی کھلاڑیوں نے اظہر علی کو  بلوں کی راہداری بنا کر رخصت کیا۔

اس موقع  پر انگلش کھلاڑی بھی اظہر  علی کو   کھڑے ہوکر تالیاں بجا کر   خراج تحسین پیش کرتے دکھائے دیے۔

یاد رہے کہ تیسرے ٹیسٹ سے قبل اظہرعلی نے کرکٹ سے ریٹائرمنٹ کا اعلان کیا تھا،کراچی میں پریس کانفرنس کرتے ہوئے اظہر علی نے کہا کہ کراچی ٹیسٹ ان کے کیرئیر کا آخری ٹیسٹ ہوگا۔

اظہر علی نے 25 سال کی عمر میں 2010 میں آسٹریلیا کے خلاف ڈیبیو کیا تھا ، انہوں نے پاکستان کی جانب سے 96 ٹیسٹ میچز کھیلے

فیفا ورلڈکپ 2022 جیتنے کے بعد ارجنٹینا کے اسٹار فٹبالر لیونل میسی نے ریٹائرمنٹ سے متعلق بڑ اعلان کیا ہے۔

فٹبال کی دنیا کے مایہ ناز کھلاڑی لیونل میسی نے اکتوبر میں کہا تھا کہ فیفا ورلڈکپ 2022 کا فائنل ان کے کیریئر کا آخری ورلڈکپ ہوگا۔

برطانوی میڈیا کے مطابق ایک انٹرویو میں 35 سالہ فٹبالر کا کہنا تھا کہ اتوار کو ہونے والا ورلڈکپ فائنل اُن کا اپنے ملک کی جانب سے آخری ورلڈکپ میچ ہوگا۔

میسی کا کہنا تھا کہ میں خوش ہوں کہ میگا ایونٹ میں میرا سفر فائنل میں ختم ہو رہا ہے، یہ میرے لیے اطمینان بخش بات ہے۔

مایہ ناز فٹبالر کا کہنا تھا کہ اگلے ورلڈکپ میں چار سال کا عرصہ ہے اس لیے میرا نہیں خیال کہ میں آئندہ ورلڈکپ کھیل سکوں گا، ورلڈکپ کا اس طرح سے اختتام کرنا زبردست ہے۔

اس بیان کے بعد فٹبال شائقین کا خیال تھا کہ وہ میسی کو ارجنٹینا کی جانب سے دوبارہ کھیلتے ہوئے بھی نہیں دیکھ سکیں گے۔

تاہم فیفا ورلڈکپ کےفائنل میں  فرانس کے خلاف کامیابی کے بعد میسی نے گفتگو کرتے ہوئے کہا ہے کہ’ میں ارجنٹینا کی نیشنل ٹیم سے ریٹائر نہیں ہورہا، چاہتا ہوں کہ  میں چیمپئن کی طرح  مزید کھیلتا رہوں’۔  

 واضح رہے کہ اتوار کو قطر کے شہر لوسیل کے اسٹیڈیم میں کھیلا گیا فائنل مقررہ وقت میں میچ 2-2 سے جبکہ اضافی وقت میں 3-3 سے برابر ہوا تاہم میچ کا فیصلہ پینالٹی ککس پر ہوا، ارجنٹینا نے 2-4 سے کامیابی حاصل کی۔

 ارجنٹینا نے فرانس کو شکست دے کر تیسری بار ورلڈکپ جیت لیا، لیونل میسی فیفا ورلڈکپ 2022 کے بہترین کھلاڑی قرار پائے۔

لاہور: (ویب ڈیسک) پاکستان سپر لیگ ( پی ایس ایل) کے آٹھویں ایڈیشن کیلئے ٹیموں کی تشکیل کا عمل مکمل ہو گیا۔

پی ایس ایل 8 کے پلیئرز ڈرافٹ کی تقریب کراچی میں منعقد ہوئی جس میں فرنچائزز کے مالکان، چیئرمین پی سی بی اور کرکٹرز نے شرکت کی۔

پشاور زلمی نے 17 جبکہ دیگر ٹیموں نے 18، 18 پلیئرز پر مشتمل سکواڈ مکمل کر لیا، پشاور زلمی ایک پلیئر کا اعلان بعد میں کرے گی۔

پاکستان کرکٹ ٹیم کے سابق کپتان محمد حفیظ، کامران اکمل، احمد شہزاد اور سہیل تنویر کو کسی فرنچائز نے پک نہیں کیا۔

اس کے علاوہ غیرملکی کھلاڑیوں میں آسٹریلیا کے ایرون فنچ، جنوبی افریقا کے انگیڈی، وین ڈر ڈوسن اور سابق ویسٹ انڈین کرکٹر کیرون پولارڈ کو بھی کسی فرنچائز نے اپنی ٹیم کا حصہ نہ بنایا۔
 

لاہور:کندھے کی تکلیف میں مبتلا نسیم شاہ کراچی ٹیسٹ سے بھی باہر ہو گئے۔

قومی فاسٹ باؤلر نسیم شاہ ملتان سے لاہور کیلئے روانہ ہو گئے ہیں جہاں وہ نیشنل ہائی پرفارمنس سینٹر میں ہی ری ہیب شروع کریں گے۔

ذرائع کے مطابق نسیم شاہ میڈیکل پینل کی زیر نگرانی رہیں گے، دوسری جانب تیسرے ٹیسٹ کیلئے ٹیم انتظامیہ نے نسیم کے متبادل کی درخواست نہیں کی۔

واضح رہے کہ نسیم شاہ راولپنڈی میں دوران فیلڈ کندھے کی تکلیف میں مبتلا ہو کر ملتان ٹیسٹ سے باہر ہو گئے تھے، اب وہ کراچی میں 17 دسمبر سے شروع ہونے والے تیسرے ٹیسٹ میچ میں بھی شرکت نہیں کر سکیں گے۔

کراچی:قومی کرکٹ ٹیم کے سابق کپتان اظہرعلی نے کرکٹ سے ریٹائرمنٹ کا اعلان کردیا۔

کراچی میں پریس کانفرنس کرتے ہوئے اظہر علی نے کہا کہ کل ہونے والا کراچی ٹیسٹ ان کے کیرئیر کا آخری ٹیسٹ ہو گا۔

اظہر علی کا کہنا تھا کہ ہر چیز کے ختم ہونے کا وقت ہے، میں چار پانچ سال انجری کا شکار رہا، میری فیملی نے میرے کیرئیر کے لیے بہت قربانیاں دیں، امید ہے اب انہیں کافی ٹائم دے سکوں گا۔
 

کراچی:  قومی ٹیم کے بیٹنگ کوچ محمد یوسف نے کہا ہےکہ ہماری ٹیم دونوں ٹیسٹ ہار کر لڑی اور ہماری ٹیم کی بیٹنگ کو ناکام کہنا درست نہیں۔

جیونیوز سے خصوصی گفتگو کرتے ہوئے بیٹنگ کوچ محمد یوسف نے کہاکہ کراچی کی پچ ملتان سے ملتی جلتی لگ رہی ہے، یہ پچ ملتان کی نسبت زیادہ سفید نہیں ہے، ہماری پچ ایسی نہیں کہ پہلے گھنٹے میں بال ٹرن ہونا شروع ہوجائے یا ٹوٹ جائے، پچ سلو ضرور ہوسکتی ہے البتہ میں میں پچ ایکسپرٹ نہیں ہوں۔

انہوں نے کہا یہ تاثر غلط ہے کہ پاکستان ٹیم کی بیٹنگ نہیں چل رہی ہے، میں بیٹنگ کوچ ہوں اس وجہ سے ایسا نہیں بول رہا، ٹیم کی مجموعی بیٹنگ پرفارمنس پر تنقید سمجھ میں آتی ہے لیکن یہ کہنا ہے بیٹنگ ناکام ہورہی ہے درست بات نہیں۔

محمد یوسف کا کہنا تھا کہ بہتری کی گنجائش ہے جس کی کوشش کررہے ہیں، رضوان کی ٹیسٹ میں بیٹنگ تکنیک کا مسئلہ نہیں ہے، رضوان نے اتنی کرکٹ کھیلی ہے تھوڑی ٹیوننگ کرنا ہوتی ہے، ان کی بیٹنگ ٹیوننگ پر بات چل رہی ہے اور اس پر کام کیا جارہا ہے جب کہ جو بال رضوان یا بابر کو ہوئی وہ بہت اچھی پڑی۔

انہوں نےمزید کہا کہ کراچی ٹیسٹ جیتنے کے لیے جائیں گے، یہ ٹیسٹ نہ انگلینڈ اور نہ ہی ہم ڈرا کرنا چاہیں گے، ہماری ٹیم جیت کے لیے میدان میں اترے گی، سیریز کا اختتام جیت پر ہو تو آنے والی سیریز پر اس کا اچھا اثر پڑتا ہے۔

بیٹنگ کوچ کا  کہنا تھا کہ پنڈی اور ملتان ٹیسٹ پاکستان ٹیم لڑ کر ہاری ہے، ہماری ٹیم انگلینڈ کی نسبت ٹیسٹ کرکٹ میں ناتجربہ کار ہے، ٹیسٹ میں سیشن بائی سیشن پلاننگ کرنا ہوتی ہے، قومی کھلاڑیوں کے پاس ٹیسٹ کرکٹ کا زیادہ تجربہ نہیں، کم تجربے کے باوجود پاکستان کھلاڑیوں نے اچھا پرفارم کیا

دبئی:فانٹرنیشنل لیگ ٹی ٹونٹی کے افتتاحی سیزن کا آغازجمعہ تیرہ جنوری 2023سے دبئی انٹرنیشنل کرکٹ اسٹیڈیم میں ہو گا افتتاحی لیگ کا پہلا میچ دبئی کیپیٹلز اور ابوظبی نائٹ رائیڈرز کے درمیان کھیلا جائے گا تفصیلات کے مطابق متحدہ عرب امارات کی بیس اوورز کی پروفیشنل آئی ایل ٹی ٹونٹی لیگ کا شیڈیول جاری کر دیا گیا ہے لیگ کا آغاز تیرہ جنوری کو دبئی انٹرنیشنل اسٹیڈیم میں رنگا تقریب سے ہو گا جس میںمعروف بھارتی گلوکار بادشاہ اور جیسن ڈیرولو سمیت ملکی اور غیر ملکی فنکار اپنے فن کا مظاہرہ کریں گے۔آئی ایل ٹی ٹونٹی شیڈیول کے بارے میں گفتگو کرتے ہوئے ایمرٹس کرکٹ بورڈ کی جنرل سیکرٹری مبشر عثمانی کا کہنا ہے کہ ہماری کوشش ہے کہ اس لیگ کا آغاز شاندار طریقے سے کریں جو ہماری روایات کا عکاس اور مثالی ہو کیونکہ ہماری لیگ کا انتظار شدت سے کیا جا رہا ہے کیونکہ اس میں دنیائے کرکٹ کے نامور کھلاڑی موجود ہیں انہوں نے مزید کہا کہ ہم ایک اچھی لیگ کے انعقاد کے لئے پرامید ہیں اور ہمیں یقین ہے کہ ہماری لیگ کامیابی سے اپنا آغاز کرئے گی شیڈیول کے مطابق دبئی میںپہلا میچ تیرہ جنوری کودبئی کیپٹلز (جی ایم آر)اور ابوظہبی نائٹ رائیڈرز (کولکتہ نائٹ رائیڈرز) کے درمیان کھیلا جائے گا جبکہ دوسرا میچ زید کرکٹ اسٹیڈم ابوظبی میں ایم آئی ایمریٹس (ریلائنس انڈسٹریز) اورشارجہ واریرز (کیپری گلوبل) کے درمیان چودہ جنوری کو ہوگا۔لیگ کے تیسرے وینیو شارجہ کے مشہور کرکٹ اسٹیدم میں پہلا میچ سترہ جنوری کو ایم آئی ایمریٹس (ریلائنس انڈسٹریز) اورشارجہ واریرز (کیپری گلوبل) کے درمیان کھیلا جائے گا لیگ مجموعی طور پر چونتیس میچز ہوں گے جن میں ابوظبی میں دس ، دبئی میں سولہ اور شارجہ میں آٹھ میچز کھیلے جائیں گے تمام ٹیمیں پلے آف سے قبل دو بار آمنے سامنے آئیں گی اور لیگ کا فائنل بارہ فروری بروز اتوار کو دبئی میں کھیلا جائے گا۔خیال رہے کہ آئی ایل ٹی ٹونٹی لیگ کو آئی سی سی کی طرف سے کثیر سالہ منظوری حاصل ہے جس میں چوراسی بین الاقوامی اور چوبیس متحدہ عرب امارات میں مقیم کھلاڑی شامل ہیں چھ فرنچائز ٹیمیں جن میں ابوظہبی نائٹ رائیڈرز (کولکتہ نائٹ رائیڈرز)، ڈیزرٹ وائپرز (لانسر کیپیٹل)، دبئی کیپٹلز (جی ایم آر)، گلف جائنٹس (اڈانی اسپورٹس لائن)، شارجہ واریرز (کیپری گلوبل)، ایم آئی ایمریٹس (ریلائنس انڈسٹریز) اس لیگ کا حصہ ہیں

ملتان :قومی ٹیم کے کپتان بابر اعظم کا کہنا ہے کہ ہم سے غلطیاں ہوئیں، ہم ملتان ٹیسٹ جیت سکتے تھے۔میچ کے بعد پریس کانفرنس کرتے ہوئے بابر اعظم کا کہنا تھا ہم نے پہلی اننگز میں اچھی بیٹنگ نہیں کی اور چند کھلاڑیوں نے اپنی وکٹیں گنوائیں لیکن دوسری اننگزمیں ہم نے بولنگ میں اچھی فائٹ کی لیکن بدقسمتی سے اچھا فنش نہیں کر سکے۔بابر اعظم کا کہنا تھا دوسری اننگز میں بیٹرز نے بھی اچھا مقابلہ کیا، امام اور سعود شکیل اور پھر سعود اور نواز کے درمیان اچھی شراکت قائم ہوئیں، ٹیل اینڈرز نے بھی اچھا مقابلہ کیا لیکن فنش نہ کر سکے۔ان کا کہنا تھا کہ سعود شکیل کا آئوٹ ہمیں مہنگا پڑ گیا، ہمیں لگا کہ بال زمین کے ساتھ ٹچ ہوا ہے لیکن امپائر کے فیصلے کو ماننا پڑتا ہے اور امپائر کا فیصلہ آخری فیصلہ ہوتا ہے۔ان کا کہنا تھا ہم سے ٹیسٹ میچ میں غلطیاں ہوئی ہیں، ہم جیت سکتے تھے، ہم آسٹریلیا کے خلاف اور اب پھر اچھا فنش نہیں کر پائے، ہمیں اچھا فنش کرنا چاہیے تھا۔ٹیسٹ ڈیبیو کرنے والے ابرار احمد کے حوالے سے بابر اعظم کا کہنا تھا اس کا بہت ہی شاندار آغاز ہوا ہے، ابرار نے کنڈیشنز سے فائدہ اٹھاتے ہوئے بہت اچھی بولنگ کی، اس کے لیے یہ ٹیسٹ ابرار کے لیے یادگار رہے گا۔قومی ٹیم کے کپتان کا کہنا تھا کراچی ٹیسٹ میں اچھا کرنے کی کوشش کریں گے اور کوشش کریں گے کہ جو غلطیاں اس ٹیسٹ میں ہوئیں انہیں نہ دھرایا جائے۔یاد رہے کہ ملتان ٹیسٹ میں انگلینڈ نے پاکستان کو 26 رنز سے شکست دیکر 3 میچوں کی سیریز میں دو صفر کی فیصلہ کن برتری حاصل کر لی ہے۔

دبئی: انٹرنیشنل کرکٹ کونسل ( نے پلیئر آف دی منتھ کا اعلان کردیا۔آئی سی سی کی جانب سے انگلینڈ کے جوز بٹلر کو پلیئر آف دی منتھ قرار دیا گیا ہے جب کہ خواتین کرکٹرز میں پاکستان کی سدرہ امین کو ویمن پلیئر آف دی منتھ قراردیا گیا۔پاکستان کے شاہین آفریدی اور انگلینڈ کے عادل رشید کی بھی پلیئر آف دی منتھ کے لیے نامزدگی ہوئی تھی

ملتان :پاکستان اور انگلینڈ کے درمیان تین ٹیسٹ میچوں کی سیریز کے ملتان میں کھیلے گئے دوسرے ٹیسٹ میچ میں انگلینڈ کی ٹیم نے پاکستان کو میچ کے چوتھے روز چھبیس رنز سے شکست دیکر سیریز میں دو صفر کی ناقابل شکست برتری حاصل کرلی ہے، پاکستان کی ٹیم جسے میج جیتنے کیلئے 355 رنز کا ہدف دیا گیا تھا دوسرے سیشن میں 328 رنز پر آئوٹ ہو گئی اور میچ 26 رنز کے فرق سے ہار گئی، پاکستان کی جانب سے 45، محمد رضوان نے 30، بابر اعظم نے 01، سعود شکیل نے 94، امام الحق نے 60، فہیم اشرف نے 10، محمد نواز نے 45، سلمان علی آغا نے 20 ناٹ آئوٹ، ابرار احمد نے 17، زاہد محمود نے صفر محمد علی نے صفر سکور بنائے، انگلینڈ کی جانب سے مارک ووڈ نے چار، جیمز اینڈرسن اور اولی رابنسن نے دو دو جبکہ جیک لیچ اور جو روٹ نے ایک ایک وکٹ حاصل کی، انگلینڈ کے ہیری بروک کو پلیئر آف دی میچ کا ایوارڈ دیا گیا۔