Category کھیل

اسلام آباد: (دنیا نیوز) چیئرمین پاکستان تحریک انصاف اور سابق وزیر اعظم عمران خان نے مراکش کی ٹیم کو سیمی فائنل کے لیے کوالیفائی کرنے پر مبارکباد دی ہے۔

مائیکرو بلاگنگ ویب سائٹ ٹوئٹر پر جاری پیغام میں چیئرمین تحریک انصاف عمران خان نے کہا کہ پہلی بار ایک عرب افریقی مسلم ملک کی ٹیم سیمی فائنل میں پہنچی ہے۔ اپنے ٹوئٹ میں انہوں نے مراکش کی ٹیم کے لیے سیمی فائنل اور آگے کامیابی کے لیے نیک خواہشات کا اظہار بھی کیا۔

واضح رہے کہ فیفا ورلڈ کپ کے میگا ایونٹ میں گزشتہ روز کوارٹر فائنل میں مراکش کی ٹیم نے پرتگال کو شکست دے کر سیمی فائنل کے لیے کوالیفائی کیا تھا۔ دوسرے کوارٹر فائنل میں کروشیا کی ٹیم برازیل کو شکست دے کر سیمی فائنل میں پہنچنے میں کامیاب ہو گئی۔

لاہور:قطر فیفا فٹبال ورلڈ کپ کے کوراٹر فائنل میں مراکش سے ہارنے کے بعد پرتگال کے سٹار فٹبالر کرسٹیانو رونالڈو شدید افسردہ ہیں۔ میچ ہارنے کے غم سے وہ اگلے دن بھی نہیں نکل پائے۔

سماجی رابطے کی ویب سائٹ انسٹاگرام پر کرسٹیانو رونالڈو نے ہارنے کے حوالے سے اپنے جذبات کا اظہار کیا۔ اپنی پوسٹ میں انہوں نے جذباتی انداز میں لکھا کہ پرتگال کیلئے ورلڈ کپ جیتنا میرا سب سے بڑا اور اہم خواب تھا، خوش قسمتی سے میں نے بہت سے بین الاقوامی اعزاز جیتے ہیں، لیکن اپنے ملک کا نام دنیا کی سب سے بڑی جگہ لانا میری زندگی کا سب سے بڑا خواب تھا۔

رونالڈو نے مزید کہا کہ میں اس خواب کیلئے لڑا، بہت لڑا، میں نے پانچ ورلڈ کپ کھیلے اور ان میں گول کیے، میرے ساتھ عظیم کھلاڑی رہے اور لاکھوں پرتگالیوں کی سپورٹ رہی۔ میں نے سب کچھ کیا، میں نے اپنا خواب پورا کرنے سے کبھی ہمت نہ ہاری نہ اس سے منہ پھیرا۔

ان کا مزید کہنا تھا کہ بدقسمتی سے گزشتہ روز خواب ختم ہو گیا، میں آپ سب کو یہ بتانا چاہتا ہوں کہ جتنا کچھ لکھا گیا، بہت کچھ کہا گیا اور بہت کچھ گمان کیا گیا، لیکن پرتگال کیلئے میری محنت ایک لمحے کے لیے بھی کم نہ ہوئی۔

کرسٹیانو رونالڈو نے کہا میں اپنے ملک اور اپنے ساتھیوں پر کبھی آنچ نہیں آنے دوں گا، پرتگال کا شکریہ، قطر کا شکریہ، یہ خواب جب تک رہا، بہت اچھا رہا۔ رونالڈو نے پرتگال کی جانب سے 5 ورلڈ کپ کھیلے، مجموعی طور پر انہوں نے 196 انٹرنیشنل میچز میں 118 گول سکور کیے ہیں۔

قطر میں جاری بائیسویں فیفا ورلڈ کپ 2022 کا پہلا سیمی فائنل میچ کل (منگل کو) ارجنٹائن اور کروشیا کی ٹیموں کے درمیان کھیلا جائے گا.

قطر میں فٹبال کا عالمی میلہ جاری ہے ، میگا ایونٹ کا پہلا سیمی فائنل ارجنٹائن اور کروشیا کی ٹیموں کے درمیان کل منگل کو لوسیل سٹیڈیم میں کھیلا جائے گا، جو پاکستان کے معیاری وقت کے مطابق رات 12 بجے شروع ہوگا۔

اس سے قبل میگا ایونٹ کی سیمی فائنل لائن اپ مکمل ہو چکی ہے، دلچسپ مقابلوں کے بعد دفاعی چیمپئن فرانس، مراکش، ارجنٹائن اور کروشیا فائنل فور میں جگہ بنا چکی ہیں ۔

کوارٹر فائنل مرحلے میں ارجنٹائن نے نیدرلینڈز اور کروشیا نے برازیل کو ہرا کر سیمی فائنل تک رسائی حاصل کی تھی جبکہ کروشیا کی ٹیم 2018 ورلڈ کپ کا فائنل کھیل چکی ہے تاہم اسے فرانس کے ہاتھوں شکست کا سامنا کرنا پڑا تھا۔

ارجنٹائن کی ٹیم اس سے قبل دو مرتبہ 1978 اور 1986 میں عالمی کپ جیت چکی ہے جبکہ وہ 1930،1990، اور 2014 میں رنر اپ رہ چکی ہے۔ پہلےسیمی فائنل کی دونوں ٹیمیں میچ میں کامیابی کے لئے پراعتماد ہیں اور دونوں ٹیموں میں کانٹے دار مقابلے کی توقع ہے۔

ٹورنامنٹ کا دوسرا سیمی فائنل دفاعی چیمپئن فرانس اور مراکش کے درمیان 14 دسمبر کو البیت سٹیڈیم میں کھیلا جائے گا۔ مراکش نے کوارٹر فائنل میں پرتگال کو شکست دے کر تاریخ میں پہلی بار فیفا ورلڈ کپ کے سیمی فائنل میں جگہ بنائی ہے جبکہ فرانس نے کوارٹر فائنل میں انگلینڈ کے خلاف کامیابی حاصل کی ہے ۔

میگا ایونٹ میں تیسری پوزیشن کے لئے میچ 17 دسمبر جبکہ ورلڈ کپ کا فائنل میچ 18 دسمبر کو لوسیل سٹیڈیم میں کھیلا جائے گا۔

قومی ٹیم کے نوجوان اسپنر ابرار احمد نے ایک اور اعزاز اپنے نام کرلیا۔

ابرار احمد نے ملتان ٹیسٹ سے ڈیبیو کیا ہے اور وہ ٹیسٹ ڈیبیو پر سب سے زیادہ وکٹیں لینے والے پاکستانی اسپنر بن گئے ہیں۔

پاکستان کی جانب سے فاسٹ بولر محمد زاہد ڈیبیو پر سب سے زیادہ وکٹ لینےکا اعزاز رکھتے ہیں جنہوں نے  نیوزی لینڈ کے خلاف راولپنڈی ٹیسٹ میں 11 وکٹیں لی تھیں۔

سابق بھارتی کپتان ویرات کوہلی نے بنگلادیش کے خلاف سنچری بناکر آسٹریلیا کے سابق کپتان رکی پونٹنگ کو پیچھے چھوڑ دیا۔

بنگلادیش اور بھارت کے درمیان تیسرے ون ڈے میں ویرات کوہلی نے اپنے انٹرنیشنل کیرئیر کی 72 ویں سنچری بنائی اور ساتھ ہی رکی پونٹنگ کو پیچھے چھوڑ دیا، اس سے قبل پونٹنگ سب سے زیادہ سنچریز بنانے والے دنیا کے دوسرے بیٹر تھے۔

انہوں نے 1995 سے 2012 تک کے اپنے کیرئیر میں 71 سنچریز بنائیں جب کہ کوہلی نے بنگلادیش کے خلاف سنچری بناکر اس فہرست میں دوسری پوزیشن حاصل کی ہے۔

انٹرنیشنل کرکٹ میں سب سے زیادہ سنچریز بنانے کا اعزاز بھارت کے سابق کرکٹر سچن ٹنڈولکر کے پاس ہے، انہوں نے 1989 سے لے کر 2013 تک کے کیرئیر میں 100 سنچریز بنائی ہیں۔

قطر میں جاری فیفا ورلڈکپ کے کوارٹر فائنل میں ارجنٹائن نے سنسنی خیز مقابلے کے بعد نیدرلینڈز کو شکست دے کر سیمی فائنل کے لیے کوالیفائی کرلیا۔

ارجنٹائن اور نیدرلینڈز کے درمیان کھیلا گیا دوسرا کوارٹرفائنل مقررہ وقت میں 2-2 گول سے برابر رہا۔

ارجنٹائن اور نیدرلینڈز کے درمیان کھیلے گئے میچ میں نیدرلینڈز کا پلڑا بھاری رہا جن کے کھلاڑی 60 فیصد گیند پر قبضہ برقرار رکھنے میں کامیاب رہے لیکن ارجنٹائن کے کھلاڑیوں نے  بھی مواقع سے فائدہ اُٹھایا۔

ارجنٹائن کی جانب سے  پہلا گول مولینا نے 35 ویں منٹ میں کیا جبکہ دوسرا گول میسی نے 73ویں منٹ میں پینالٹی کک پر اسکور کیا دوسری جانب نیدرلینڈز کے دونوں گول ویگ ہورسٹ نے کھیل کے  آخری لمحات میں کیے۔

میچ کو فیصلہ کن بنانے کے لیے 30 منٹ کا اضافی وقت دیا گیا مگر اُس میں بھی کوئی ٹیم گول نہ کرسکی جس کے بعد پینالٹی ککس کا سہارا لیا گیا،  دونوں ٹیموں کو 5،5 پینالٹی ککس دی گئیں۔

پینالٹی ککس سیشن میں ارجنٹائن نے 4 اور نیدرلینڈز نے 3 گول کیے، یوں ارجنٹائن کی ٹیم نے دوسرے کوارٹر فائنل میں فتح حاصل کرکے سیمی فائنل میں جگہ بنالی جہاں اُس کا مقابلہ منگل کو کروشیا سے ہوگا۔

اس سے قبل جمعہ کو کروشیا نے سنسنی خیز مقابلے کے بعد برازیل کو کوراٹر فائنل میں شکست دے کر سیمی فائنل میں جگہ بنائی۔

ملتان ٹیسٹ کے دوسرے روز   79 رنز کی برتری کے ساتھ دوسری اننگز میں انگلینڈ کی بیٹنگ جاری ہے جب کہ 5 کھلاڑی پویلین لوٹ چکے ہیں۔

انگلینڈ کی جانب سے دوسری اننگز کی اوپننگ زیک کرالی اور بین ڈکٹ نے کی لیکن  ابرار احمد نے   زیک کرالی کو 3 رنز پر  رن آؤٹ کرتے ہوئے پویلین بھیج دیا۔

اس کے علاوہ ول جیکس کو 4 ، جو روٹ کو 21 پر اور بین ڈکٹ کو 79 رنزپر ابرار نے ہی آؤٹ کیا۔

ڈکٹ کی وکٹ کے ساتھ ابرار احمد کی ڈیبیو ٹیسٹ میں 10 وکٹیں ہوگئیں۔

ٹیسٹ کے دوسرے روز  پاکستان ٹیم  پہلے سیشن سے قبل ہی 202  رنز  بناکر  آؤٹ ہوگئی جس کے بعد انگلینڈ کو  94رنز کی برتری حاصل ہے۔

پاکستان کی پہلی اننگز

ملتان ٹیسٹ کے دوسرے روز میچ کا آغاز پاکستان نے  2 وکٹوں کے نقصان پر 107رنز کے ساتھ کیا  تاہم  پہلے سیشن میں کپتان بابر اعظم  کے75  اور  پھر سعود شکیل کے 63  رنز  پر آؤٹ ہونے کے بعد وکٹوں کی لائن لگ گئی۔

 اس کے بعد محمد رضوان 10، محمد نواز  1،  محمد علی اور زاہد محمود صفر  آؤٹ اور  فہیم اشرف 22 رنز بناکر آؤٹ ہوگئے جبکہ ابرار احمد 7 رنز کے ساتھ ناٹ  آؤٹ  رہے۔

دوسرے روز   پہلے سیشن میں کپتان بابر اعظم انگلش بولر اولی رابنسن کی گیند پر 75 رنز  پر  بولڈ ہوگئے جس کے بعد سعود شکیل جیک لیچ کی گیند پر جیمس اینڈریسن کو کیچ دے بیٹھے اور 63 رنز کے ساتھ پویلین لوٹ گئے ۔

قومی ٹیم کی پانویں وکٹ محمد رضوان کی صورت گری  جب  جیک لیچ نے محمد رضوان کو صرف 10 رنز پر ہی بولڈ کردیا، جس کے بعد  جو روٹ آغا سلمان اور محمد علی  جبکہ جیک لیچ ہی   محمد نواز کی وکٹ لینے میں کامیاب رہے پاکستان ٹیم کی دونوں آخری وکٹیں  زاہد محمود اور  فہیم اشرف  کی صورت مارک ووڈ نے لی۔

دوسرے ٹیسٹ میچ کا پہلا روز

ملتان ٹیسٹ میچ کے پہلے روز انگلینڈ کی پوری ٹیم 281 رنز بناکر آؤٹ ہوگئی تھی انگلینڈ کے خلاف اسپن بولر ابرار احمد نے عمدہ بولنگ کرتے ہوئے انگلینڈ کی 7 جبکہ زاہد محمود نے 3 وکٹیں لی تھیں۔

جس کے بعد پہلے روز  پاکستان ٹیم سے  عبداللہ شفیق اور امام الحق نے اننگز کا آغاز کیا  لیکن 5 رنز پر امام الحق بغیر کوئی رنز بنائے آؤٹ ہوگئے،اس کے بعد  عبداللہ شفیق بھی 14 رنز بنا کر پویلین لوٹ گئے۔

ایک انٹرویو میں شعیب ملک نے کہا کہ کبھی کسی کھلاڑی کی عمر کو جواز بنا کر اسے نظر انداز نہیں کرنا چاہیے، میں اپنی بات نہیں کر رہا لیکن اگر کسی نے اپنے ملک کیلئے طویل عرصے تک خدمات انجام دی ہوں اور اسے بہت تجربہ بھی ہو تو اس سے استفادہ کرنا چاہیے، جب میں ٹیم میں آیا تو کئی لیجنڈز ساتھ موجود تھے۔

شعیب ملک نے مزید کہا کہ میں نے دنیا کے عظیم کرکٹرز کے ساتھ ڈریسنگ روم شیئر کر کے بہت کچھ سیکھا، ان کی محنت دیکھی کہ وہ کس طرح اپنی کارکردگی کا معیار برقرار رکھتے ہیں، کیسی فزیکل ٹریننگ کرتے ہیں، اپنی سکلز کو بہتر بنانے کیلئے کس طرح پریکٹس کرتے ہیں، اس سے بہت ایڈوانٹیج ہوتا ہے لیکن ہمارے کلچر میں عدم تحفظ بہت زیادہ ہے، یہ نہیں سوچنا چاہیے کہ کوئی آ کر آپ کی جگہ چھین لے گا، اپنی صلاحیت پر یقین ہونا چاہیے، مجھے ہمیشہ بڑے کھلاڑیوں نے خود پر یقین رکھنے کا ہی سبق سکھایا،اس سے آپ کو کبھی عدم تحفظ کا احساس نہیں ہوتا۔

آل راؤنڈر کا کہنا تھا کہ میں اپنی کرکٹ سے لطف اندوز ہو رہا ہوں اور ابھی ریٹائر ہونے کا بالکل بھی نہیں سوچا، جب کبھی ایسا کوئی فیصلہ کیا تو سب کو پتا چل جائے گا، میرا فوکس صرف کھیل پر ہی ہے، البتہ اہل خانہ کی مشاورت سے ملک سے دور ہونے والی لیگز میں شرکت کم کر دی، سری لنکا اور بنگلہ دیش جیسی لیگز میں حصہ لے رہا ہوںہ

شعیب ملک نے کہا کہ پہلے میں ہر لیگ میں کھیل رہا تھا اب ایسا نہیں ہے، اس سے مجھے فارغ وقت بھی مل جاتا ہے، جب کبھی ایسا لگا کہ بوجھ بنتا جا رہا ہوں تو خوشی سے کھیل کو الوداع کہہ دوں گا، ریٹائرمنٹ کا فیصلہ لیگز سمیت ہر طرز پر لاگو ہوگا۔

سابق بھارتی کرکٹر وریندر سہواگ جو گزشتہ دنوں بھارت کے خلاف پاکستان کی شکست پر طعنے کستے رہے ہیں، اب انہوں نے اپنی ہی ٹیم کی کارکردگی پر طنز کیا ہے۔

سہواگ نے ٹوئٹر اکاؤنٹ پر  بنگلادیش کے خلاف بھارتی ٹیم کی کارکردگی پر دلچسپ ٹوئٹ کی۔

جاری کیے گئے اپنے پیغام میں وریندر سہواگ نے بھارتی ٹیم کے حوالے سے کہا کہ کرپٹو سے بھی تیز گر رہی ہے اپنی کارکردگی یار۔

بنگلادیش کے خلاف مسلسل دوسری شکست پر وریندر سہواگ نے کہا کہ ٹیم کو کارکردگی بہتر کرنے کی ضرورت ہے۔

خیال رہے کہ بھارت اور بنگلادیش کے درمیان دوسرے ون ڈے میچ میں بنگال ٹائیگرز نے نے بھارت کو شکست دے کر 3 میچوں کی سیریز میں دو صفر کی فیصلہ کن برتری حاصل کی۔

بنگلادیش نے دوسرے ایک روزہ میچ میں بھارت کو 5 رنز سے شکست دی تھی۔

سوشل میڈیا پر محمد رضوان کی قومی ٹیم کے اعزاز میں دیے گئے عشائیے سے ایک ویڈیو وائرل ہورہی ہے جس میں پروگرام میزبان نے محمد رضوان سے بابر اور ان کی جوڑی سے متعلق سوال کیا کہ ایسا کیا ہے کہ آپ کی اور بابر کی جوڑی میں جو یہ چل جائے تو سب ٹھیک رہتا ہے۔

جس کے جواب میں رضوان کا ہنستے ہوئے کہنا تھاکہ پہلے تو میں بابر کو شادی کے لیے راضی نہیں کر رہا کہ کہیں میری اور بابر اعظم کی جوڑی نہ ٹوٹ جائے، دوسرا یہ کہ ہماری جوڑی میں ساری بات صرف بھروسے کی ہے جس کے بارے میں کپتان نے بھی بات کی ہے۔