Category کھیل

ڈھاکہ(ایم نائن ٹو ڈاٹ ٹی وی ) قومی فاسٹ بالر حسن علی نے بنگلہ دیش پرئمیر لیگ کے پہلے ہی میچ میں ڈھاکہ ڈائنا مائٹس کیخلاف 5 وکٹیں حاصل کیں، قومی فاسٹ بالر نے کومیلا وکٹورینز کی نمائندگی کرتے ہوئے 3.3اوورز میں 20رنز دیکر 5کھلاڑیوں کو پویلین کی راہ دکھائی۔ حسن علی نے پانچوں کھلاڑیوں کو کلین بولڈ کیا۔ اس طرح وہ ٹی ٹونٹیکی تاریخ میں دوسرے کھلاڑی بن گئے ہیں جنہوں نے ایک میچ میں 5وکٹیں حاصل کی ہوں اور پانچوں کھلاڑیوں کو بولڈ کیا ہو۔ حسن علی نے نے سال 2017 ء میں سب سے زیادہ وکٹیں حاصل کیں اور وہ عالمی رینکنگ میں بھی پہلے نمبر پر براجمان ہیں۔ وہ آئی سی سی چیمپئز ٹرافی کے بھی ہیرو رہے اور مین آف دی ٹورنامنٹ حاصل کیا۔

ڈھاکہ (میڈیا نائن ٹو ڈاٹ ٹی وی )بی پی ایل لیگ میں ٹیم چٹا گانگ وکنگز نے کپتان مصباح الحق کو ہی باہر بٹھا دیا۔چٹا گانگ وکنگز نے نیا کمبی نیشن تشکیل دینے کے لئے کپتان مصباح الحق سمیت دلشان مناویرا اور سباسیش رائے کو باہر بٹھا دیا جب کہ ان کی جگہ ستیان وین زیل، نجیب اللہ زدران اور الامین کو پلیئنگ الیون میں شامل کیا گیا جب کہ انگلش پلیئر لیوک رونچی نے مصباح کی جگہ ٹیم کی قیادت کی تاہم یہ تدبیر کارگر ثابت نہ ہوئی اور کھلنا ٹائٹینز کے خلافمیچ میں اسے 5 وکٹ سے شکست کا سامنا کرنا پڑا۔چٹا گانگ وکنگز نے پہلے کھیلتے ہوئے 5 وکٹ پر 160 رنز جوڑے، ٹائٹینز نے 10 گیندیں قبل 5 وکٹیں کھو کر ہدف عبور کرلیا۔ کھلنا اس فتح کے ساتھ 2 قیمتی پوائنٹس حاصل کرتے ہوئے دوسرے نمبر پر آ گئی ہے جب کہ وکنگز شکست کے بعد اسی پوزیشن پر برقرار ہے۔واضح رہے کہ میچ سے قبل کھلنا کی ٹیم 5 پوائنٹس کے ساتھ چوتھے اور چٹاگانگ 3 پوائنٹس کے ساتھ چھٹی پوزیشن پر موجود تھی۔

ڈھاکہ (میڈیا نائن ٹو ڈاٹ ٹی وی )قومی کرکٹ ٹیم کے سابق کپتان شاہد آفریدی نے بنگلا دیش کو اپنا دوسرا گھر قرار دیدیا۔بنگلا دیش پریمئر لیگ میں ڈھاکہ ڈائنامائٹس کی نمائندگی کرنے والے پاکستانی آل رائونڈر نے ’’گلی کرکٹ‘‘ کے فروغ کے لئیتاریخی مقام لال باغ کا دورہ کیا جہاں انہوں نے آفیشلز اور آرگنائزرز کی ٹیم کے خلاف میچ بھی کھیلا ۔کھیلکے بعد پلیئرز نے مداحوں میں ٹیم کی جرسیاں، کیپس اور بیٹ تقسیم کیے۔اس موقع پربوم بوم آفریدی نے کہا کہ بنگلا دیشی مداحوں کی جانب سے ملنے والی محبت، عزت اور سپورٹ کے باعث بنگلا دیش کو اپنا دوسرا گھرقرار دیتا ہوں، ہر بار یہاں آ کر کھیلنے میں لطف آتا ہے۔

کوالا لمپور (میڈیا نائن ٹو ڈاٹ ٹی وی )ملائیشیا کے دارالحکومت کوالالمپور میں جاری انڈر 19 ایشیاء کپ کرکٹ ٹورنامنٹ کے دوسرے سیمی فائنل میں افغانستان نے نیپال کو ہرا کر فائنل کے لیے کوالیفائی کرلیا۔ایونٹ کا فائنل کل (اتوار )19 نومبر کو پاکستان اور افغانستان کے درمیان کھیلا جائے گا۔کوالالمپور میں کھیلے گئے دوسرے سیمی فائنل میں نیپال کی ٹیم نے پہلے بیٹنگ کی اور103 رنز بنا کر آؤٹ ہوگئی۔جس کے بعد افغانستان نے مطلوبہ ہدف 3وکٹوں کے نقصان پر 21اوورز میں حاصل کرلیا اور فائنل کے لیے کوالیفائی کرلیا۔انڈر19ایشیاء کپ کرکٹ ٹورنامنٹ کا فائنل اب 19 نومبر کو پاکستان اور افغانستان کے درمیان کھیلا جائے گا۔یاد رہے کہ پاکستان نے بنگلا دیش کوڈک ورتھ لوئیس میتھڈ کے تحت شکست دے کر فائنل کے لیے کوالیفائی کیا تھا۔

لاہور (M92)پی سی بی نے پی ایس ایل میں مختلف کیٹگریوں میں منتخب ہونے والے کھلاڑیوں کے معاوضوں کااعلان کردیا ہے۔ میڈیا رپور ٹ کے مطابق پلاٹینم کٹیگری میں شامل کھلاڑیوں کو ایک لاکھ 40 ہزار ڈالر سے 2 لاکھ 30 ہزار ڈالر ٗڈائمنڈ کیٹگری کے کھلاڑیوں کو75 ہزار ڈالر سے 80 ہزار ڈالر ٗگولڈ کیٹگری کےکھلاڑیوں کو50 ہزار ڈالر سے 60 ہزار ڈالر ٗسلور کیٹگری کے کھلاڑیوں کو 22 ہزار ڈالر سے 33 ہزار ڈالر ٗایمرجنگ کیٹگری میں شامل کھلاڑیوں کو10 ہزار ڈالر سے 12 ہزار ڈالر جبکہ پاکستان آنے والے غیرملکی کھلاڑیوں کو کو فی میچ 10 ہزار ڈالر اضافی ادا کیے جائیں گے۔

ڈبلیو ڈبلیو ای کا سال کا چوتھا بڑا ایونٹ سروائیور سیریز اس اتوار کو ہورہا ہے ، جس میں ریسل مینیا 33 کے بعد پہلی بار معروف ریسلر ٹرپل ایچ بھی ایکشن میں دکھائی دیں گے۔گزشتہ کئی برسوں سے ٹرپل ایچ ریسل مینیا سے کچھ عرصے پہلے ہی ڈبلیو ڈبلیو ای کے رنگ میں نظر آتے ہیں اور سال کا باقی وقت اسکرین سے دور رہتے ہیں۔تاہم اس بار ان کی ڈبلیو ڈبلیو ای رنگ میں اچانک واپسی ہوئی اور اس کے پیچھے چھپا راز بھی سامنے آگیا ہے۔ٹرپل ایچ سروائیور سیریز کے روایتی فائیو آن فائیو میچ میں ٹیم را کی نمائندگی کریں گے اور اس کے لیے جیسن جارڈن کو جگہ خالی کرنا پڑی۔پرستاروں کی جانب سے کافی حیرت کا اظہار کیا جارہا تھا کہ ٹرپل ایچ اچانک ڈبلیو ڈبلیو ای رنگ کا حصہ کیسے بن گئے تو اس کا جواب انہوں نے ایک انٹرویو میں دیا۔ایک بھارتی سائٹ کو دیئے گئے انٹرویو میں ٹرپل ایچ نے انکشاف کیا کہ ان کی بے وقت رنگ میں واپسی کی وجہ ڈبلیو ڈبلیو ای کے متعدد ریسلرز کی بیماری ہے، جس کے باعث وہ بوٹ چڑھانے پر مجبور ہوگئے ہیں۔انہوں نے کہا کہ حالیہ ہفتوں میں کئی ریسلرز جیسے رومن رینز اور برے وائیٹ وغیرہ بیمار ہوکر مختلف ایونٹس سے باہر رہے جس کے باعث کمپنی کو کافی دھچکا لگا۔یہی وجہ ہے کہ ٹرپل ایچ گزشتہ دنوں ڈبلیو ڈبلیو ای کے یورپین ٹور کے لائیو میچز کا حصہ بھی بنیں اور اب سروائیور سیریز میں ان ایکشن دکھائی دیں گے۔ٹرپل ایچ اگلے ماہ بھارت میں ڈبلیو ڈبلیو ای کے ٹور کے دوران جندر مہل کے مدمقابل بھی آئیں گے۔ایسا کہا جارہا ہے کہ ٹرپل ایچ کی واپسی درحقیقت ریسل مینیا 34 میں ان کے اور کرٹ اینگل کے درمیان میچ کے لیے تنازع کا آغاز بھی ثابت ہوگی، کیونکہ یہ دونوں ریسلرز ٹیم را میں موجود ہیں، جبکہ ماضی میں بھی ان کے درمیان کافی مخالفت رہی ہے۔

بولاوایو(M92) فکسنگ کا عفریت کپتانوں کے پیچھے پڑگیا، ویسٹ انڈیز اور زمبابوے کے مابین اکتوبر میں ٹیسٹ سیریز سے قبل میزبان کپتان گریم کریمر سے بکی کے رابطے کی کوشش کا انکشاف ہوا ہے، آئی سی سی نے بھی تصدیق کردی ہے۔انھوں نے پاکستانی قائد سرفراز احمد کی تقلید کرتے ہوئے فوری طور متعلقہ حکام کو مطلع کردیا،آئی سی سی نے بھی تصدیق کردی،اینٹی کرپشن یونٹ زمبابوین کرکٹ بورڈ کی معاونت سے معاملے کی چھان بین میں مصروف ہے۔ترجمان کا کہنا ہے کہ تحقیقات جاری ہیں،پالیسی کے مطابق کارروائی کے دوران مزید کسی تفصیل سے آگاہ نہیں کرسکتے، کسی کے پاس اس حوالے سے معلومات ہوں تو اے سی ایس یو کے ساتھ بذریعہ ای میل رابطہ کرے،2ماہ میں ٹیم لیڈرز کو بدعنوانی سے آلودہ کرنے کے دوسرے واقعے نے مزید سخت اقدامات کی ضرورت بڑھا دی ہے۔
تفصیلات کے مطابق اکتوبر میں ویسٹ انڈیز اور زمبابوے میں پہلے ٹیسٹ سے قبل بکی کی جانب سے میزبان کپتان گریم کریمر سے فکسنگ کیلیے رابطہ کیے جانے کا انکشاف ہوا ہے،واقعے کی آئی سی سی نے تصدیق بھی کردی ہے،ذرائع کے مطابق بولاوایو میں21اکتوبر کو میچ شروع ہونے سے قبل میزبان ٹیم کے تمام کھلاڑیوں کو آگاہ کیا گیا تھا کہ ایک کرکٹر سے بکی نے رابطہ کرتے ہوئے کرپشن کیلیے آمادہ کرنے کی کوشش کی لیکن اس نے انکار میں جواب دیا،اس واقعے سے آئی سی سی کو بھی مطلع کردیا گیا جو زمبابوے کرکٹ بورڈ کی معاونت سے معاملے کی چھان بین کررہی ہے۔
ذرائع کے مطابق بکی نے میزبان ٹیم کے کپتان گریم کریمر کو فکسنگ کیلیے اکسانا چاہا، آئی سی سی ترجمان نے بتایا کہ زمبابوے میں اینٹی کرپشن یونٹ کی تحقیقات جاری ہیں،پالیسی کے مطابق اس کارروائی کے دوران مزید کسی تفصیل سے آگاہ نہیں کیا جا سکتا، البتہ اگر کسی کے پاس اس واقعے کے حوالے سے کوئی معلومات ہوں تو اینٹی کرپشن یونٹ سے بذریعہ ای میل رابطہ کرسکتا ہے،اس مقصد کیلیے ایڈریس بھی جاری کردیا گیا۔ یاد رہے کہ 2ٹیسٹ میچز کی سیریز ویسٹ انڈیز نے 1-0سے جیت لی تھی، گزشتہ 2ماہ میں یہ دوسرا موقع ہے کہ بکیز نے ٹیم کے کھلاڑیوں کے بجائے کپتان کو کرپشن کی آلودگی میں دھکیلنا چاہا ہے،اس سے قبل سری لنکا کیخلاف یواے ای میں ون ڈے سیریز کے دوران پاکستانی قائد سرفراز احمد سے بکی کے رابطے کی اطلاعات نے بھی دنیائے کرکٹ میں تہلکہ مچایا تھا، وکٹ کیپر بیٹسمین نے پیشکش ٹھکرانے کے ساتھ بروقت متعلقہ حکام کو بھی مطلع کرکے دنیا بھر کے کرکٹرز کیلیے ایک مثال چھوڑی تھی۔
سرفراز احمد کی اس جرات مندی کو دنیا بھرکے سابق اور موجودہ کھلاڑیوں نے زبردست الفاظ میں سراہا تھا،اس معاملے میں مبینہ بکی عرفان انصاری کا نام سامنے آیا، آئی سی سی اینٹی کرپشن یونٹ نے کارروائی کرتے ہوئے چھان بین جاری رکھی، چند روز بعد ہی بھارتی شہر پونے میں فکسنگ کے قدرے غیر روایتی انداز کا اسکینڈل سامنے آیا جب ایک ٹی وی چینل کے اسٹنگ آپریشن میں کیوریٹر پانڈورنگ سالگاؤنکرکو پچ فکسنگ کرتے پکڑا گیا،اس نے بکیز کی روپ میں آنے والے صحافیوں کے ساتھ معاملات طے کیے اور وکٹ تک لے گیا،ساتھ آنے والوں کو پچ کھرچنے کی اجازت اور معلومات دیتے ہوئے اسے سٹے بازوں کی مرضی کے مطابق بنانے کی پیشکش بھی کردی،اس واقعے کی ویڈیو نے بھی کرکٹ کی دنیا میں طوفان برپا کیا، 2ماہ میں ٹیم کے کھلاڑیوں کے بجائے لیڈرز کو بدعنوانی سے آلودہ کرنے کے دوسرے واقعے نے مزید سخت اقدامات کی ضرورت بڑھا دی ہے۔

لاہور(M92)پاکستان سپرلیگ (پی ایس ایل) کی سابق چمپیئن ٹیم اسلام آباد یونائیٹڈ کے بعد موجودہ چمپئین پشاور زلمی کے بھی تمام کھلاڑی پاکستان آنے کو تیار ہیں۔پاکستان کرکٹ بورڈ (پی سی بی) نے پی ایس ایل کے لیے ڈرافٹنگ کا عمل مکمل ہونے کے چند روز بعد ہی پاکستان میں میچز کھیلنے پر رضامندی ظاہر کرنے والے 15 بین لاقوامی کرکٹرز کی فہرست بھی فراہم کردی ہے۔پی سی بی سے موصول ہونے والی فہرست کے مطابق جنوبی افریقہ کے مایہ ناز بلے باز جے پی ڈومینی، پاکستانی نژاد جنوبی افریقی اسپنر عمران طاہر، کولن انگرام، ڈیوڈ ویز، ویسٹ کے چمپیئن سابق کپتان ڈیرن سیمی، ڈوون براؤ، کارلوس بریتھ ویٹ، ڈیرن براؤ، آندرے فلیچر، آسٹریلیا کے آل راؤنڈر شین واٹسن ، نیوزی لینڈ کے لیوک رانکی، جارح مزاج بلے باز کولن منرو، انگلینڈ کے لیوک رائٹ، سیم بلنگز، بنگلہ دیش کے اوپنرتمیم اقبال شامل ہیں۔قبل ازیں اسلام آباد یونائیٹڈ کی جانب سے فائنل تک رسائی کی صورت میں پورا اسکواڈ پاکستان لانے کا اعلان کیا گیا تھا اور اب دفاعی چیمپین پشاور زلمی کی ٹیم بھی پاکستان آنے کو تیارہے۔پی ایس ایل کے تیسرے سیزن میں شامل دیگر کھلاڑی کرس لین، ایون لوئس، مستفیض الرحمٰن، جیسن روئے اور ڈیوڈ ولی نے تاحال کوئی فیصلہ نہیں کیا تاہم ٹورنامنٹ کے دوران یا اس سے قبل سیکورٹی کے حوالے سے آگاہی کے بعد پاکستان آنے کے حوالے سےحتمی فیصلہ کریں گے۔خیال رہے کہ آسٹریلیا کے سابق فاسٹ باؤلر مچل جانسن اور انگلینڈ کے مختصر طرز کرکٹ کے کپتان آئین مورگن پاکستان آنے کو تیار نہیں جبکہ لیگ میں کسی بھی ٹیم میں جگہ بنانے میں ناکامی کا سامنا کرنے والے ویسٹ انڈیز کے اسٹار بلےباز کرس گیل نے بھی پاکستان آنے سے انکار کیا تھا۔دوسری جانب پی سی بی نے پی ایس ایل میں مختلف کیٹگریوں میں منتخب ہونے والے کھلاڑیوں کے معاوضوں کا بھی اعلان کردیا ہے، جس کی تفصیل یہ ہے:-
پلاٹینم کٹیگری: ایک لاکھ 40 ہزار ڈالر سے 2 لاکھ 30 ہزار ڈالر
ڈائمنڈ کیٹگری: 75 ہزار ڈالر سے 80 ہزار ڈالر
گولڈ کیٹگری: 50 ہزار ڈالر سے 60 ہزار ڈالر
سلور کیٹگری: 22 ہزار ڈالر سے 33 ہزار ڈالر
ایمرجنگ کیٹگری: 10 ہزار ڈالر سے 12 ہزار ڈالر
پاکستان آنے والے غیرملکی کھلاڑیوں کو کو فی میچ 10 ہزار ڈالر اضافی ادا کیے جائیں گے۔

اسلام آباد(M92) اسلام آباد یونائٹیڈ کے کوچ ڈین جونزنے کہا ہے کہ برطانیہ سمیت دنیا کا کوئی بھی ملک دہشت گردی سے محفوظ نہیں، پاکستان کھیلوں کیلئے محفوظ ملک ہے اور اگر ہماری ٹیم فائنل میں پہنچی تو تمام غیر ملکی کھلاڑی میچ میں شرکت کیلئے کراچی آئیں گے۔اسلام آباد یونائیٹڈ کے ہیڈ کوچ ڈین جونز اور باؤلنگ کوچ و ڈائریکٹر وقار یونس نے نے اسلام آباد کے مقامی ہوٹل میں پریس کانفرنس سے خطاب کرتے ہوئے پاکستان سپر لیگ کے تیسرے ایڈیشن کیلئے اپنے اسکواڈ کو متوازن قرار دیتے ہوئے ایونٹ جیتنے کا عزم ظاہر کیا۔فرنچائز کے ڈائریکٹر اور باؤلنگ کوچ وقار یونس نے کہا کہ پی ایس ایل میں اسلام آباد ٹیم کے ساتھ میرا پہلا تجربہ ہے، اس سے قبل وسیم اکرم نے اس ٹیم کو بہت اچھا چلایا ہے اور مجھے خوشی ہے کہ اسلام آباد یونائٹیڈ میں وسیم اکرم کی جگہ آیا ہوں۔انہوں نے کہا کہ ایونٹ میں ساری ٹیمیں متوازن ہیں، پی ایس ایل نے ہاکستان ٹیم کو اچھے کھلاڑی دیے ہیں اور امید ہے کہ اگلے ایونٹ سے بھی مزید باصلاحیت کھلاڑی سامنے آئیں گے۔اس موقع پر وقار نے ڈومیسٹک کرکٹ کو بہتر بنانے پر زور دیتے ہوئے کہا کہ میں پاکستان ٹیم کا کپتان اور کوچ رہا ہوں اور میں نے ہمیشہ ڈومیسٹک اسٹرکچر بہتر بنانے کی بات کی ہے، کوئی بھی نیا سسٹم آتا ہے اس کو ٹائم لگتا ہے، ہم درست سمت میں گامزن ہیں، وکٹوں کا معیار بھی بہتر ہوا ہے جس سے چیزیں بہتر ہوں گی لیکن وقت لگے گا۔انہوں نے کہا کہ ٹیسٹ میچ کرکٹ ابھی بھی مجھے بہت عزیز ہے، ٹی 20 کرکٹ کو پذیرائی مل رہی ہے اور اس کا ایک الگ مزاج ہے لیکن میرا اب بھی یہی ماننا ہے کہ بڑے کرکٹرز ٹیسٹ کرکٹ سے ہی سامنے آئے ہیں، کرکٹ مالی مفاد کیلئے نہیں بلکہ شوق کیلئے کھیلی جاتی ہے۔پریس کانفرنس سے خطاب کرتے ہوئے اسلام آباد یونائٹیڈ کے ہیڈ کوچ ڈین جونز نے کہا کہ وقار یونس پاکستان ٹیم کے کوچ بھی رہ چکے ہیں اور وہ نوجوان لڑکوں کے لیے بہت اچھے کوچ ثابت ہوں گے۔اس موقع پر انہوں نے بھی پاکستان کرکٹ بورڈ اورپاکستانی ٹیم کی تعریف کرتے ہوئے کہا کہ پی سی بی ابھی تک صیح سمت میں جا رہا ہے، فٹنس پر زور دینا ضروری ہے کیونکہ آپ جتنے فٹ ہوں گے اتنے اچھے فیلڈر بنیں گے۔انہوں نے کہا کہ میچ فکسنگ بدترین کینسر ہے اور میچ فکسنگ صرف کرکٹ میں ہی نہیں بلکہ تمام کھیلوں میں ہے اور اس سے آہنی ہاتھوں سے نمٹنے کی ضرورت ہے۔ڈین جونز نے کہا کہ شرجیل کے حوالے سے مجھ سے صرف دو گیندوں کے بارے میں پوچھا گیا تھا اور ان کے بارے میں ٹربیونل کو مزید کچھ نہیں بتایا تھا، شرجیل کیا کرتا تھا اس بارے میں مجھے معلوم نہیں تھا۔سابق آسٹریلین آل راؤنڈر نے کہا کہ انٹرنیشنل کرکٹ کو واپس لانے کے لیے پاکستان کو اعتماد بحال کرنا ہو گا، پاکستان میں انٹرنیشنل کرکٹ کی بحالی کے لیے پی سی بی، حکومت، فوج اور پولیس اچھا کام کر رہی ہے اور میں نے بھی موٹروے پر سفر کے دوران خود کو محفوظ تصور کیا۔ڈین جونز نے کہا کہ ہم ایک مرتبہ پھر پی ایس ایل جیتنے کے لیے پر امید ہیں اور اگر ہم فائنل میں پہنچے تو ہماری ٹیم کے تمام غیر ملکی کھلاڑی کراچی آئیں گے۔

اسلام آباد(M92)قومی کرکٹر محمد نواز کی سوئمنگ پول کے قریب نامعلوم لڑکی کے ساتھ تصاویر نےہلچل مچا دی ۔ تفصیلات کے مطابق معروف قومی کرکٹر محمد نواز بھی سوشل میڈیا پر اپنی نجی سرگرمیوں کے باعث ان دنوں ان ہو رہے ہیں۔ ان کی ایک تازہ تصویر سوشل میڈیا پر وائرل ہوتے ہی ہلچل مچ گئی ہے۔ تصویر میں دیکھاجا سکتا ہے کہ کرکٹر محمد نواز ایک لڑکی کے ساتھ سوئمنگ پول کے ساتھ کندھے پر ہاتھ کھڑے سیلفی لے رہے ہیں۔ سوشل میڈیا صارفین نے ایک بڑی تعداد کی جانب سے محمد نواز کے ساتھ موجود لڑکی کو ان کی منگیتر قرار دیا جا رہا ہے اور کئی اس سے متعلق جاننا کیلئے محمد نواز سے سوال کر رہے ہیں کہ وہ بتائیں کہ یہ لڑکی کون ہے۔