Category کھیل

لاہور(میڈیا پاکستان) پاکستانی عوام نے امن دشمنوں کو ایک بار پھر شکست دیکرقذافی سٹیڈیم کو اپنے جوش اور جذبہ سے ’’بھر ‘‘دیا‘پاکستان اور سری لنکا کے درمیان تیسرا ٹی ٹونٹی دیکھنے کیلئے 23ہزار454سے زاہد شائقین کر کٹ کئی گھنٹے قبل ہی قذافی اسٹیڈیم جا پہنچنے ‘سٹیڈیم پاکستان زندہ باد کے نعروں سے گونجتا رہا ‘ پولیس کے ساتھ پاک فوج او ررینجرز کے جوانوں بھی سکیورٹی کے فرائض سر انجام دیتے رہے ‘پولیس نے ’گونواز گو‘‘ کے نعرے لگانیوالے2افراد کو گر فتار کر لیا ۔ تفصیلات کے اتوار کے روز لاہور کے قذافی سٹیڈیم میں پاکستان اور سر ی لنکاکے درمیان ہونیوالی ٹی20میچ کو دیکھنے کیلئے لاہورسمیت پنجاب اور ملک کے دیگر شہروں سے ہزاروں شائقین میچ شروع ہونے سے قبل ہی قذافی پہنچا شروع ہوگئے میچ دیکھنے آنے والے شائقین کرکٹ اپنے چہروں پر پینٹنگ بنواتے رہے اسٹیڈیم آنے والے شائقین کو پارکنگ سے شٹل سروس کے ذریعے اسٹیڈیم لایا گیا اور جامع تلاشی لینے کے بعد اندر داخلے کی اجازت دی گئی۔قذافی اسٹیڈیم کے دروازے کھلتے ہی پرجوش شائقین کرکٹ نے شور کر کے آسمان سر پر اٹھا لیا۔پاک فوج اور رینجرز کے دستے بھی حفاظتی ڈیوٹی پر تعینات رہے ۔ سکیورٹی پر تعینات اہلکاروں نے مشکوک نظر آنے والے کئی افراد کے کوائف چیک کئے ۔پاک فوج ، رینجرز ،پولیس ، ایلیٹ فورس اور ڈولفن فورس کے اہلکارقذافی اسٹیڈیم کے اطراف میں مسلسل پیٹرولنگ کرتے رہے جبکہ قذافی اسٹیڈیم اور اطراف کی عمارتوں پر سنائپرز بھی تعینات رہے پاک فوج کے ہیلی کاپٹرز کے ذریعے کھلاڑیوں کے قیام والے ہوٹل ، وہاں سے اسٹیڈیم کے روٹ ، اسٹیڈیم اور اطراف کے علاقوں کی مسلسل فضائی نگرانی کی جاتی رہی جبکہ درازے کھلنے سے قبل بھی پورے اسٹیڈیم کی جدید آلات اور سراغ رساں کتوں کی مدد سے جامع تلاشی لی گئی۔

کراچی(میڈیا پاکستان) قومی کرکٹر شعیب ملک اور ان کی اہلیہ ثانیہ مرزا کی ٹوئٹر پر دلچسپ نوک جھونک وائرل ہوگئی۔پاکستان سری لنکا کے درمیان 8 سال بعد لاہور کے قذافی اسٹیڈیم میں ہونے والا میچ پاکستان نے جیت کر سری لنکا کو وائٹ واش کرکے پاکستانیوں کے دل جیت لیے۔ اس موقع پر کرکٹر شعیب ملک اور ان کی اہلیہ ثانیہ مرزا بھی اپنی دلچسپ ٹوئٹس کے بعد خبروں کا مرکز رہے۔
برسوں بعد پاکستان میں انٹر نیشنل کرکٹ اور سری لنکن ٹیم کی آمد کے باعث پاکستانی عوام کے ساتھ قومی کرکٹرز بھی بے حد خوش اور پرجوش تھے جب کہ ’’پاکستانی بھابھی‘‘کہلانے والی ٹینس اسٹار ثانیہ مرزا بھی اس موقع پراپنے شوہر شعیب ملک اور پاکستانی کرکٹ ٹیم کو سپورٹ کرنے کے لیے پاکستان آئی تھیں۔
میچ کے دوران جہاں تمام کھلاڑیوں نے عمدہ کاردکردگی کا مظاہرہ کیا وہیں شعیب ملک کو ہاف سینچری بنانےاور بہترین کھیل پیش کرنے پر’’مین آف دی سیریز‘‘کا ایوارڈ دیا گیا اورساتھ میں انعام کے طور پر ہیوی بائیک دی گئی۔ ثانیہ مرزا ہر موقع پراپنے شوہر کا ساتھ دینے کے لیے گراؤنڈ میں موجود تھیں لہٰذا بائیک پر بیٹھنے کا پہلا حق بھی ان ہی کا بنتا ہے تاہم شعیب ملک نے ثانیہ کے بجائے شاداب خان کو اپنے ساتھ بائیک پر بٹھا کر گراؤنڈ کی سیر کروائی اور اپنی خوبصورت بیوی کا دل توڑ دیا۔ لیکن انہیں کیا پتہ تھا کہ ان کے ساتھ نئی بائیک پر سب سے پہلے ثانیہ بیٹھنا چاہتی تھیں جس کے ثبوت کے طور پرانہوں نےبائیک جیتنے کے فوراً بعد ٹوئٹ کرتے ہوئے کہا تھا ’’چلیں پھراس پر‘‘۔
لیکن جب شعیب نے ثانیہ کو نظرانداز کرکے شاداب خان کو بائیک پر بٹھا کر گراؤنڈ کی سیرکروائی تو ثانیہ کوبالکل اچھا نہیں لگا۔ تاہم انہوں نے کہا کہ’’کوئی بات نہیں میں نے برا نہیں منایا، میرا خیال ہے اس سیٹ پر پہلے ہی قبضہ ہوچکاہے‘‘۔
ثانیہ مرزا نے کہہ تو دیا کہ انہیں برا نہیں لگا لیکن ان کی ٹوئٹ میں واضح نظر آرہا ہے کہ انہیں اس بات کا بہت برا لگا ہے کہ شعیب نے انہیں کوئی اہمیت نہیں دی اور بائیک پران کی جگہ شاداب خان کو بٹھالیا۔
تاہم شعیب ملک کو اہلیہ کی ناراضگی بالکل بھی برداشت نہ ہوئی اورانہوں نے فوراً جواب دیتے ہوئے کہا کہ جلدی تیارہوجاؤ میں آرہا ہوں۔

اسلام آباد(میڈیا پاکستان )  جنوبی افریقہ اور بنگلہ دیش کے درمیان کھیلی جانے والی ٹی ٹوئنٹی میچز کی سیزیز کے دوسرے میچ میں جنوبی افریقہ کے بلے باز ڈیوڈ ملر نے تیز ترین 101 رنز بنا ڈالے، جب جنوبی افریقہ کی 78 کے مجموعی سکور پر تیسری وکٹ گری تو ڈیوڈ ملر کھیلنے کے لیے آئے، ڈیوڈ ملر نےبنگلہ دیش کے خلاف جارحانہ بیٹنگ کرتے ہوئے 101 رنز بنائے اور ناٹ آؤٹ رہے، انہوں نے اپنی سنچری کے دوران 9 چھکے اور 7 چوکے لگائے، ڈیوڈ ملر نے 36 گیندوں پر 101 رنز بنائے اور ناٹ آؤٹ رہے، اس طرح جنوبی افریقہ کے بیٹسمین ڈیوڈ ملر نے تیز ترین سنچری بنانے کا عالمی ریکارڈ قائم کر دیا ہے۔

لاہور (میڈیا پاکستان) انٹرنیشنل ہاکی فیڈریشن نے پاکستانی امپائر بینش حیات کو پرموشننگ امپائر کیٹگری میں شامل کرلیا۔تفصیلات کے مطابق انٹرنیشنل ہاکی فیڈریشن نے پاکستانی امپائر بینش حیات کو پرموشننگ امپائر کیٹگری میں شامل کرلیا۔بینش حیات پاکستان کی پہلی خاتون کوچ ہیں.جنہیں اس اعزاز سے نوازا گیا ہے، ان کا کہنا ہے کہ یہ اعزاز پانے والی پہلی پاکستانی امپائر ہوں ، ترقی ملنے پر بہت خوش ہوں۔انھوں نے کہا کہ امپائرنگ میں ملک کا نام مزید روشن کرنے کی کوشش کروں گی ، میرے اس اعزاز کے باعث پاکستان ہاکی میں خواتین کو مزید حوصلہ افزائی ملے گی۔میری یہی کوشش ہے کہ ہمارے ملک کی خواتین بھی اس کھیل میں مزید ترقی کریں اور ملک کا نام روشن کریں۔

لاہور (میڈیا پاکستان) ترک ویسٹ کمپنی البیراک نے پاکستان اور سری لنکا کے ٹی 20 میچ کے لئے 50 ورکرز پر مشتمل صفائی سکواڈ تشکیل دے دیا۔ 29 اکتوبر کو ہونے والے میچ کے لئے قذافی سٹیڈیم کی صفائی ستھرائی کے لئے البیراک نے خصوصی صفائی سکواڈ تشکیل دیا ہے۔ جس میں 50 سینٹری ورکرز ڈیوٹی پر مامور رہیں گے۔ سینٹری ورکرز نے قذافی سٹیڈیم کے پویلینز اور سیٹوں کی واشنگ شروع کر دی۔ سٹیڈیم کی راہداریوں کو بھی واش کیا جا رہا ہے۔ ترجمان البیراک کے مطابق میچ کے اختتام کے بعد سٹیڈیم کو صاف کرنے تک خصوصی سکواڈ ڈیوٹی پر مامور رہے گا۔

لاہور (میڈیا پاکستان)  لاہور میں ہونے والے پاک سری لنکا ٹی ٹوئنٹی سیریز کے آخری میچ کے لیے سری لنکن سکیورٹی ٹیم نے انتظامات کو تسلی بخش قرار دے دیا۔ تفصیلات کے مطابق سری لنکن کرکٹ بورڈ کے دو رکنی سیکیورٹی وفد نے قذافی سٹیڈیم کا دورہ کیا۔ سری لنکن وفد میں ڈی سلوا ڈوجی اور روشن بیانوالا شامل تھے، وفد کو سخت سیکیورٹی میں ہوٹل سے قذافی سٹیڈیم پہنچایا گیا۔ سیکیورٹی وفد نے گرائونڈ ڈریسنگ اور گرائونڈ کے مختلف حصوں کا دورہ کیا۔پی سی بی کے ڈائریکٹر سکیورٹی اینڈ ویجی لینس کرنل اعظم نے سری لنکن سکیورٹی ٹیم کو انتظامات کے حوالے سے بریفنگ دی، سری لنکن وفد نے سیکیورٹی انتظامات پر اطمینان کا اظہار کیا۔

لاہور (میڈیا پاکستان) پاکستان کی کرکٹ ٹیم کے آل راؤنڈر محمد حفیظ کا کہنا ہے کہ اپنے بولنگ ایکشن میں تبدیلی کے بعد اب وہ 25 فیصد بولر بھی نہیں رہے ہیں لیکن انھیں یقین ہے کہ وہ اپنے بائیو مکینک ٹیسٹ میں کامیاب ہو جائیں گے۔یاد رہے کہ محمد حفیظ کے بولنگ ایکشن کے مشکوک ہونے کے بارے میں پاکستان اور سری لنکا کے درمیان ابوظہبی میں کھیلے گئے تیسرے ون ڈے انٹرنیشنل کے امپائرز نے رپورٹ کی تھی۔اس سیریز کے ریفری زمبابوے کے اینڈی پائی کرافٹ ہیں جو اس وقت بھی آئی سی سی کے میچ ریفری تھے جب تین سال قبل محمد حفیظ کا بولنگ ایکشن رپورٹ ہوا تھا۔محمد حفیظ کے بولنگ ایکشن کا بائیو مکینک ٹیسٹ انگلینڈ کی لفبرا یونیورسٹی میں یکم نومبر کو ہوگا۔دونوں بار ایک ہی میچ ریفری کی موجودگی میں اپنے بولنگ ایکشن پر رپورٹ ہونے کے بارے میں محمد حفیظ کا کہنا ہے کہ ان کے دماغ میں ایسی کوئی بات نہیں لیکن دکھ ضرور ہوتا ہے کہ جب آپ کے ساتھ ایسا کوئی سلسلہ منسلک ہو جائے۔محمد حفیظ کے مطابق میں دس ماہ سے اسی تبدیل شدہ (ری ماڈل) بولنگ ایکشن کے ساتھ بولنگ کر رہا ہوں جس کا آغاز آسٹریلیا کے دورے سے ہوا اور پھر میں چیمپیئنز ٹرافی کھیلا۔ موجودہ سیریز کے صرف اس ایک میچ کے سوا جس میں میرے بولنگ ایکشن پر اعتراض ہوا کہیں بھی میرے بولنگ ایکشن کے ساتھ کوئی مسئلہ نہیں ہوا لہذا میں اب بھی یہی سمجھتا ہوں کہ میرے بولنگ ایکشن میں کوئی خرابی نہیں ہے۔ میں جو بھی بولنگ کر رہا ہوں وہ نیچرل ہے۔ ایسا ہرگز نہیں ہے کہ میں نے جان بوجھ کر کسی ایک گیند کے لیے کچھ کیا ہو۔انھوں نے کہا کہ وہ ہر سیشن کے بعد ٹیم کے وڈیو اینالسٹ کے ساتھ بیٹھ کر اپنی ایک ایک گیند کا جائزہ لیتے ہیں اور اپنی بولنگ پرسخت محنت کرتے ہیں۔پاکستانی آل راؤنڈر کے مطابق انھیں پریشانی اس لیے ہوئی ہے کہ وہ اسی بولنگ ایکشن کے ساتھ کھیلتے چلے آئے ہیں۔ سری لنکا کے خلاف موجودہ سیریز میں ان کی بولنگ میں بہتری بھی نظر آئی لیکن ساتھ ہی یہ مشکل بھی پیش آ گئی تاہم انھیں امید ہے کہ وہ بائیو مکینک ٹیسٹ میں اپنا بولنگ ایکشن کلیئر کرانے میں کامیاب ہو جائیں گے۔

(میڈیا پاکستان)پاکستان کرکٹ بورڈ نے چیف سلیکٹر انضمام الحق کو کہا ہے کہ وہ متحدہ عرب امارات میں ٹی ٹین لیگ میں کوئی فرنچائز نہیں خرید سکتے البتہ ٹیم کے مینٹور بن سکتے ہیں۔ قومی ٹیم کے چیف سلیکٹر انضمام الحق نے روزنامہ ‘جنگ’ کو بتایا کہ میرا ٹی ٹین لیگ کی تمام چھ فرنچائز سے کوئی تعلق نہیں اور نہ ہی میں نے کوئی ٹیم خریدی ہے البتہ میرے بھائی انتظار الحق کے ایک ٹیم میں شیئر ہیں۔ انضمام الحق کے مطابق کرکٹ بورڈ نے انہیں یہی کہا ہے کہ وہ ایسا کوئی کام نہیں کرسکتے جو بورڈ کی پالیسیوں سے متصادم ہو البتہ اگر وہ چاہیں تو کسی ٹیم کے ساتھ کام کرسکتے ہیں۔
دوسری جانب چیئرمین پی سی بی نجم سیٹھی کا کہنا ہے کہ انضمام الحق پاکستان کرکٹ بورڈ میں کنسلٹنٹ ہیں، وہ ہمارے لئے اپنے باقی کاروبار روک نہیں سکتے، اگر کنسلٹنٹ بن کر انضمام چاہیں تو کہیں اور سرمایہ کاری کرسکتے ہیں۔ نجم سیٹھی کا کہنا تھا کہ رواں سال دسمبر میں ہونے والے ٹی ٹین ٹورنامنٹ میں امارات کرکٹ بورڈ کی دلچسپی بہت ہے، ہم نے امارات کرکٹ بورڈ سے کہا کہ کوئی ایسا منصوبہ نہ لایا جائے جس میں ہمارا نقصان ہو۔ چیئرمین پی سی بی کے مطابق پاکستانی فرنچائز بھی اس لیگ کو کرانے کو تیار ہیں، کچھ نے ٹیمیں بھی خریدی ہیں۔ ذرائع کا کہنا ہے کہ پاکستان کرکٹ بورڈ اپنے کئی کھلاڑیوں کو اس نئی لیگ کے لئے ریلیز کردے گا۔ آئی سی سی کا کہنا ہے کہ ٹی ٹین لیگ کو اس نے نہ منظور کیا ہے اور نہ ہی اس ٹورنامنٹ کو ڈس اپروو کرکٹ میں شامل کرسکتے ہیں۔
ذرائع کا کہنا ہے کہ ٹی ٹین لیگ خالصتاً امارات بورڈ کا منصوبہ ہے چوںکہ پاکستان اپنی انٹرنیشنل ہوم کرکٹ متحدہ امارات میں کھیلتا ہے اس لئے پی سی بی اس لیگ کی مخالفت نہیں کرسکتا۔

سنگاپور (میڈیا پاکستان) باسل انڈور ٹینس میں بیلجئیم کے ڈیوڈ گوفن نے انتہائی عمدہ کھیل پیش کیا۔ انہوں نے دوسرے راؤنڈ میں جنوبی کوریا کے چانگ ہیون کو چھ چار اور چھ ایک سے شکست دی۔ سنگاپور میں ڈنمارک کی کارولین وزنائیکی نے رومانیہ کی سیمونا ہالیپ کو شکست دی۔ عالمی نمبر ون سیمونا ہالیپ چھ صفر اور چھ دو سے ناکام رہیں۔
ادھر ویانا ٹینس میں جرمنی کے الیگزینڈر زاوئیر کی ایک اور کامیابی سمیٹی۔ انہوں نے فرانسیسی سٹار جائلز سائمن کو ہرا کر کوارٹرز فائنل میں جگہ بنا لی۔

لاہور(میڈیا پاکستان) پاک سری لنکا تیسرے ٹی ٹوئنٹی میچ سے قبل آج سے قذافی اسٹیڈیم کو دلہن کی طرح سجانے کے کام میں مزید تیزی آئے گی۔گزشتہ روز اسٹیڈیم میں تیاریوں کو حتمی شکل دی جاتی رہی،اسٹینڈز میں ہدایتی بورڈز لگا دیے ہیں،نسلی منافرت اور نعرے بازی سے روکنے کے لیے ضابطہ اخلاق کے نئے بورڈز لگائے گئے ہیں، کرسیوں کی صفائی ستھرائی بھی کی جارہی ہے۔ قریب واقع دکانیں اور ریسٹورنٹس بھی بند کردیے جائیں گے، اطراف میں لگائی گئی لائٹس کو ایک بار پھر چیک کیا گیا ہے،عارضی اسپتال بھی فعال کردیا گیا۔
میچ کی کوریج کے لیے براڈ کاسٹرز کی آمد شروع ہوگئی،قذافی اسٹیڈیم میں کیمروں کی تنصیب کے لیے کام بھی شروع کردیا گیا جب کہ گزشتہ روز عملے کے چند افراد علامہ اقبال ایئرپورٹ لاہور پہنچے تو انھیں سخت سکیورٹی حصار میں ہوٹل روانہ کیا گیا۔