Category کھیل

بلاوایو(میڈیا پاکستان) زمبابوے کے خلاف دوسرے اور آخری ٹیسٹ میچ میں ویسٹ انڈیز کے بیٹسمینوں نے نئی تاریخ رقم کر دی، تفصیلات کے مطابق ویسٹ انڈیز کے بلے باز شین ڈورچ اور جیسن ہولڈر نے زمبابوے کے خلاف آٹھویں وکٹ کی شراکت میں 212 رنز بنائے۔ دونوں بیٹسمینوں نے شاندار بیٹنگ کرتے ہوئے سنچریاں سکور کیں، ویسٹ انڈیز کی ٹیم زمبابوے کے پہلی اننگز کے سکور 326 کے جواب میں 230 رنز پر سات کھلاڑی آؤٹ کرا کر مشکلات میں گھری ہوئی تھی کہ اس دوران ویسٹ انڈیز کے کپتان جیسن ہولڈر اور شین ڈورچ نے اننگز کو سنبھالا دیا ، اور دونوں نے آٹھویں وکٹ کی شراکتمیں 212 رنز بنائے، جیسن ہولڈر نے 110 رنز بنائے جبکہ ڈورچ نے 103 رنز بنائے، واضح رہے کہ یہ کرکٹ کی تاریخ میں 109 سال بعد پہلا موقع ہے کہ آٹھویں اور نویں نمبر پر بیٹنگ کے لیے آنے والے دونوں کھلاڑیوں نے ایک ہی اننگز میں سنچریاں بنائیں ، اس سے قبل کرکٹ کی تاریخ میں ایسا ایک بار ہوا ہے جب 1908 میں آسٹریلیا کے بلے باز گلیم بل اور راجر ہارٹیگن نے آٹھویں اور نویں نمبرز پر کھیلتے ہوئے انگلینڈ کے خلاف سنچریاں سکور کی تھیں۔ اس طرح ویسٹ انڈیز کے ان دونوں کھلاڑیوں نے کرکٹ کی تاریخ میں 109 سال بعد اپنی شاندار کارکردگی کے بدولت تاریخ رقم کر دی ہے۔

اسلام آباد(میڈیا پاکستان) 3 جنوری 1949کو سر ایورٹن ویکس نے ٹیسٹ کرکٹ کی تاریخ میں مسلسل 5 اننگز میں سنچری بنانے کا انوکھا کارنامہ انجام دیا۔ ان کا 68 سالہ پرانا ریکارڈ آج بھی قائم ہے اور مزے کی بات ہے ان پانچ مسلسل سنچریوں سے پہلے ان کے کھاتے میں ایک بھی اسکور درج نہیں تھا۔ان 5 اننگز سے پہلے انہوں نے ٹوٹل 5 اننگز میں صرف 152 رنز بنا رکھے تھے اور جب انہیں ٹیم میں شامل کیا گیا تو تماشائیوں نے بہت احتجاج کیا۔ انگلینڈ کی بیٹنگ کے دوران ان کےخلاف باقاعدہ جملے کسے جاتے رہے لیکن اس کا جواب انہوں نے 141 رنز کی بہترین اننگز کھیل کر دیا اور پھر پیچھے مڑ کر نہیں دیکھا(اس اننگز میں صفر پر ان کا کیچ بھی چھوٹا تھا)۔اگر انڈیا کے خلاف چنائے ٹیسٹ کی پہلی اننگز میں وہ 90 پر رن آوٹ نہ ہوجاتے تو چھٹی مسلسل سنچری بھی بنا لیتے۔ان سے پہلے 4 مسلسل سنچریوں کا ریکارڈ آسٹریلیا کے جیک فینگلٹن اور ساؤتھ افریقہ کے ایلن میلوائل کے پاس تھا۔ بعد میں راہول ڈراوڈ ہی 4 مسلسل اننگز میں سنچری اسکور کر سکے ہیں۔

کولمبو(میڈیا پاکستان) سری لنکن کرکٹ ٹیم کے ٹیسٹ کیپٹن دنیش چندیمل نے بھی پاکستان کے خلاف ٹیسٹ سیریز میں فتح کا کریڈٹ ایک جادوگرنی کو دے دیا۔میڈیا سے گفتگو گفتگو کرتے ہوئے سری لنکن کپتان نے کہا کہ انہیں متحدہ عرب امارات میں دومیچوں کی ٹیسٹ سیریز کے قبل ایک جادوگرنی نے خصوصی آشیرباد دی تھی۔کولمبو واپسی پر انہوں نے کہا کہ میں کسی کی بھی آشیرباد کو ہمیشہ خوش آمدید کہتا ہوں، چاہے وہ کسی جادوگر کی ہو یا پادری کی۔ آپ کے پاس ٹیلنٹ ہو سکتا ہےلیکن آپ اس آشیرباد سے آگے نہیں بڑھ سکتے۔دنیش چندیمل کا بیان ایسے وقت پر آیا جب ایک ہی ہفتہ قبل سری لنکا کے وزیر کھیل نے اس بات کی تردید کی تھی کہ مشکلات کا شکار سری لنکن ٹیم کو ٹیسٹ سیریز سے قبل جادوگرکی خدمات لینے کا حکم دیا گیا۔کچھ روز قبل سری لنکا کی ایک مقامی جادوگرنی زوئیزا نے دعویٰ کیا تھا کہ ٹیم کے روانہ ہونے سے قبل ٹیسٹ کپتان چندیمل ان کے پاس آئے اور کہا کہ سری لنکن وزیر کھیل نے کہا ہے کہ میں کوئی ایسا منتر کروں جس سے پاکستان کے خلاف ہماری ٹیم جیت جائے۔جادوگرنی کا کہنا تھا کہ میرے منتروں سے آئی لینڈرز کو خود سے اچھی ٹیم پر فتح حاصل ہوئی۔ انہوں نے ثبوت کے طور پر چندیمل کی اپنے گھر میں کھینچی گئی تصویر بھی شیئر کی تھی۔دوسری جانب سری لنکن وزیر کھیل نے دھمکی دی تھی کہ ٹیسٹ سیریز سے قبل پاکستانی ٹیم پر جادو کرنے کا دعویٰ کرنے والی جادوگرنی کے خلاف قانونی چارہ جوئی کریں گے۔متعدد سری لنکن سیاستدان، کاروباری شخصیات اور کھلاڑی علم نجوم یا جادوگروں پر یقین رکھتے ہیں۔یاد رہے کہ سری لنکا کے سابق صدر مہندا راجاپاکسے نے 2015 میں شیڈول وقت سے دو سال قبل الیکشن کرانے کا اعلان کرنے سے پہلے بھی ذاتی ماہر نجوم سے مشورہ کیا تھا لیکن انہیں الیکشن میں بری شکست کا سامنا کرنا پڑا۔سری لنکن کپتان چندی مل کا کہنا ہے کہ جادوگرنی ان کے ایک دوست کی والدہ تھیں اور وہ ان کی آشیرباد لینا چاہتے تھے۔سری لنکن ٹیم اگرچہ ٹیسٹ سیریز میں 0۔2 سے کامیاب ہوئی تاہم اس کے بعد اسے ایک روزہ میچوں کی سیریز میں 0۔5 اور ٹی 20 میں اسے 0۔3 سے شکست کا سامنا کرنا پڑا۔

لاہور(میڈیا پاکستان)پاکستان کرکٹ بورڈ نے ویسٹ انڈیز کے بعد جنوبی افریقہ اور بنگلہ دیش کو پاکستان لانے کی منصوبہ بندی پر کام شروع کر دیا ۔ بتایاگیا ہے کہ سری لنکا کے بعد ویسٹ انڈیز کا دورہ پاکستان یقینی ہوگیا ہے۔ نومبر میں ویسٹ انڈیز کے دورہ کے بعد آئندہ سال مارچ کے بعد جنوبی افریقہ اور بنگلہ دیش کو پاکستان لانے کیلئے منصوبہ بندی کی جارہی ہے ۔نجی ٹی وی نے پاکستان کرکٹ بورڈ کے چیئرمین نجم سیٹھی کے حوالے سے کہا کہ مطابق جنوبی افریقہاور بنگلہ دیش کی ٹیموں کو پاکستان سپر لیگ کے بعد پاکستان لانے کا پروگرام ہے اور اس حوالے سے کرکٹ جنوبی افریقہ سے مذاکرات جاری ہیں جبکہ بنگلہ دیش سے ابتدائی بات چیت مکمل ہوگئی ہے اور ٹیم پاکستان آنے کے لئے تیار ہے۔نجم سیٹھی نے بتایا کہ ویسٹ انڈیز کے خلاف سیریز کے بعد دونوں ٹیموں کو حتمی سیکورٹی پلان بھیجا جائے گا بہت جلد بنگلہ دیش اور جنوبی افریقہ کا سکیورٹی وفد بھی پاکستان آئے گا۔

اسلام آباد (میڈیا پاکستان) 2009میں جب دہشتگردوں نے پاکستان کے دل لاہور میں کرکٹ کھیلنے کیلئے آئی سری لنکن ٹیم کو نشانہ بنایا تو اس حملے میں ایک پاکستانی امپائر احسن رضا بھی شدید زخمی ہوئے تھے۔ احسن رضا حال ہی میں کھیلے گئے پاک سری لنکا ٹی 20میچ میں بھی امپائر کے فرائض سر انجام دے رہے تھے۔ احسن رضا نے نجی خبر رساں ادارے سے گفتگو کرتے ہوئے کہا کہ جب میں سٹیڈیم میں داخل ہو رہا تھا تو کوئی ڈر نہیں تھا۔ جب میں نے قذافی سٹیڈیم میں قومی ترانہ سنا تو آنکھوں سےآنسو جاری ہو گئے۔میں اسی ہوٹل میں ٹھہرا تھا جہاں سری لنکن ٹیم رکھا گیا تھا اور ناشتے کے دوران سری لنکن کھلاڑیوں اور حکام سے ملاقات ہوئی جس دوران سب نے سیکیورٹی اقدامات پر اطمینان کا اظہار کیا۔احسن رضا نے مزید بات کرتے ہوئے 2009کے اس خوفناک واقعہ کا ذکر کرتے ہوئے کہا کہ اس واقعے نے مجھ پر اور میری زندگی پر بہت گہرا اثر کیا ہے۔ بین الاقوامی کرکٹ اب واپس آ رہی ہے جس کا کریڈٹ پاک فوج اور پاکستان کرکٹ بورڈ (پی سی بی) کے چیئرمین نجم سیٹھی کو دینا پسند کروں گا۔

لاہور(میڈیا پاکستان) آل راؤنڈر محمد حفیظ کا بولنگ ایکشن ٹیسٹ آج ہوگا۔آل راؤنڈر اس مقصد کیلیے انگلینڈ پہنچ چکے ہیں، سری لنکا سے سیریز کے ابوظبی میں کھیلے جانے والے تیسرے ون ڈے میں ان کا بولنگ ایکشن رپورٹ کیا گیا تھا۔ آئی سی سی قوانین کے مطابق بولنگ کرتے وقت بازو کا خم 15 ڈگری کے اندر ہونا چاہیے۔
یاد رہے کہ محمد حفیظ کا بولنگ ایکشن پہلے بھی 2بار رپورٹ ہوچکا، ایک سالہ پابندی کے بعد انھوں نے درستگی کا عمل کیا اور کلیئر ہوگئے،اب وہ پھر شکوک کی زد میں ہیں۔

کولمبو (میڈیا پاکستان) سری لنکا کو وائٹ واش کرنے کے بعد پاکستان کا ٹی20 رینکنگ میں پہلی پوزیشن پر آنے کاامکان روشن ہو گیا ہے۔لاہور میں سری لنکا کے خلاف تیسرے ٹی20 میچ میںفتح کے ساتھ ہی قومی ٹیم نے سری لنکا کے خلاف ٹی20 سیریز میں کلین سوئپ مکمل کر لیا تھا۔کلین سوئپ کی بدولت پاکستانی ٹیم کو اہم پوائنٹس مل گئےاور قومی ٹیم کے پوائنٹس کی تعداد 124 ہو گئی ہے جس کیساتھ ہی پاکستان کے ٹی20 میں نمبر ون بننیکے امکانات بڑھ گئے۔آئی سی سی کی ٹی20 درجہ بندی میں نیوزی لینڈ کی ٹیم 125 پوائنٹس کے ساتھ پہلے نمبر پر براجمان ہے اور اسے اپنی یہ پوزیشن برقرار رکھنے کیلئے بھارت کے خلاف تین میچوں کی سیریز لازمی جیتنا ہو گی۔تاہم اگر کیویز بھارت کے خلاف ٹی20 سیریز 2-1 سے ہارا تو پاکستان نمبر ون ٹی ٹوئنٹی بن جائے گی البتہ اگر نیوزی لینڈ نے سیریز میں کامیابی حاصل کی تو پاکستان دوسرے نمبر پر ہی رہے گا۔پاکستان نے سرفراز احمد کی قیادت میں اب تک چودہ میں سے بارہ ٹی ٹوئنٹی جیتے جبکہ اسے صرف دو میں شکست ہوئی۔

لاہور(میڈیا پاکستان) شعیب ملک کی سری لنکا کے خلاف سیریز میں شاندار کارکردگی پر ان کی اہلیہ ثانیہ مرزا نے خوشی کااظہار کرتے ہوئے دوستوں کی دعوت کر دی ۔میڈیا رپورٹ کے مطابق ٹی ٹوئنٹی سیریز میں سری لنکا کے خلاف وائٹ واش اور شعیب ملک کومین آف دی سیریز ملنے پر بیگم ثانیہ مرزا بھی خوشی سے نہال ہوئیں۔شعیب ملک اور دوستوں کے ساتھ مزیدار قیمہ پراٹھا، لسی اور چائے کے ساتھ خوب لطف اٹھایا اور دوستوں کے ساتھ تصاویر بھی سوشل میڈیا پر شیئر

لاہور(میڈیا پاکستان) میچ جیتنے کے بعد شعیب ملک کو موٹر سائیکل تحفے میں ملی تو ثانیہ مرزا کی خوشی کی انتہا نہ رہی ،میا ں بیوی کے ٹوئیٹس نے سوشل میڈ یا پر تہلکہ مچا دیا ۔تفصیل کے مطابق شعیب ملک کو مین آف دی سریز بننے پر موٹر سائیکل تحفے میں ملی تو ثانیہ مرزا کی خوشی کی انتہا نہ رہی اور انہوں نے مائیکرو بلاگنگ ویب سائٹ ٹوئٹر پر شعیب ملک کو پیغام دیا ”چلیں پھر اس پر؟ “، شعیب ملکنے جواب دیا ،”جی جی ،جلدی سے تیار ہو جاؤ جان میں آرہا ہوں “۔اس کے بعد گراؤنڈ سے ایک تصویر سامنے آئی جس میں شعیب ملک شاداب خان کو پیچھے بٹھا کر چکر لگا رہے ہیں ،اس پر ثانیہ مرز انے طنزیہ انداز میں کہا ”میر ی جگہ سیٹ پہلے ہی کسی نے لے لی ہے ،کوئی مسئلہ نہیں “۔اس پر شعیب ملک نے صفائی پیش کرتے ہوئے کہا ”نہیں نہیں ،میں نے اس کو گراؤنڈ میں ہی اتار دیا ہے ،ایسا کوئی چکر نہیں ہے“

لاہور(میڈیا پاکستان) قومی ٹیم کے کپتان سرفراز احمد نے سری لنکا کے خلاف ون ڈے اور ٹی20 سیریز میں فتح کا کریڈٹ نوجوان کھلاڑیوں دیتے ہوئے کہا ہے کہ نوجوان کھلاڑیوں پر مشتمل یہ ٹیم بیرون ملک بھی فتوحات دکھانے کی بھرپور صلاحیت رکھتی ہے۔میچ کے بعد رمیز راجہ اور وقار یونس سے گفتگو کرتے ہوئے سرفراز نے ٹیسٹ میچوں میں شکست کی وجوہات پر روشنی ڈالتے ہوئے کہا کہ ٹیسٹ سیریز میں شکست کی اصل وجہہماری بیٹنگ تھی کیونکہ ہمارے دو سب سے تجربہ کار بلے باز ٹیم کا حصہ نہیں تھے جس کی وجہ سے فرق پڑا۔ اور ہم نے اسی خلا کو پر کرنے کی اظہر علی کو اوپننگ کے بجائے نچلے نمبروں پر کھلایا۔انہوں نے کہا کہ ہماری شکست کی وجہ بڑی اننگز اور بڑی شراکتوں کی کمی تھی جس کی وجہ سے ہم حریف کا مقابلہ نہ کر سکے۔قومی ٹیم کے کپتان نے ٹیسٹ میچوں میں شکست کی وجوہات پر مزید روشنی ڈالتے ہوئے کہا کہ ہم نے ریورس سوئنگ کو ذہن میں رکھ کر تین فاسٹ باؤلرز کو کھلانے کا فیصلہ کیا تاہم یہ حکمت عملی کارگر ثابت نہ ہوئی کیونکہ ہمارے فاسٹ باؤلرز زیادہ اچھا پرفارم نہ کر سکے اور ہمیں ایک اسپنر کی کمی شدت سے محسوس ہوئی۔انہوں نے کہا کہ موجودہ ٹیم نوجوان کھلاڑیوں پر مشتمل ہے اور ہمیں پوری امید ہے ہم کارکردگی کا تسلسل متحدہ عرب امارات کے بعد انگلینڈ اور آسٹریلیا دیگر ممالک میں بھی قائم رکھیں گے۔اس موقع پر انہوں نے ٹیم میں سینئر کھلاڑیوں کو بھی اہم قرار دیتے ہوئے کہا کہ شعیب ملک اور محمد حفیظ سینئر ہونے کے ناطے اپنی ذمے داریاں بھرپور طریقے سے نبھا رہے ہیں۔رمیز راجہ کی جانب سے پوچھے گئے چند دلچسپ سوالوں کا جواب دیتے ہوئے سرفراز نے کہا کہ ان کی بیوی ان سے ہمیشہ نالاں رہتی ہیں اور بیویوں کو کوئی خوش نہیں رکھ سکتا۔انہوں نے کہا کہ میری بیگم مجھ سے ہمیشہ وقت نہ دینے کی شکایت کرتی ہیں ٗہمیشہایک ہی بات کرتی ہیں کہ آپ مجھے وقت نہیں دیتے، ارے بھئی کہاں سے وقت دیں، ایک دن کے وقفے کے بعد میچ ہوتا ہے جس میں ٹریننگ بھی کرنی ہوتی ہے۔اس موقع پر وقار یونس نے سرفراز کو ازراہ مذاق ٹوکا کہ سرفراز بس بس، بہت ہو گیا، تمہیں گھر بھی جانا ہے۔اپنے بیٹے کا ذکر کرتے ہوئے سرفراز نے عبداللہ نام اپنی اور امی کی پسند سے رکھا اور اب عبداللہ کے بغیر دل نہیں لگتا اس لیے کوشش ہوتی ہے کہ دورے پر ساتھ رکھوں