Category کھیل

پاکستان میں انٹرنیشنل کرکٹ کی بحالی کے سلسلے میں آئندہ ماہ پاکستان کا دورہ کرنے والی ورلڈ الیون کی قیادت کے لیے جنوبی افریقن کھلاڑیوں ہاشم آملہ اور فاف ڈوپلیسی سے بات چیت جاری ہے۔
ورلڈالیون ستمبر کے دوسرے ہفتے میں پاکستان کے شہر لاہور کا دورہ کرے گی جہاں وہ تین ٹی 20 میچز کی سیریز کھیلے گی۔
جنوبی افریقا کے دونوں مذکورہ کھلاڑی پہلے ہی پاکستان کا دورہ کرنے والی ورلڈالیون میں شمولیت پر رضامندی ظاہر کر چکے ہیں۔
کرکٹ بورڈ ذرائع کا کہنا ہے کہ ورلڈ الیون کی قیادت کے لیے ہاشم آملہ اور فا ڈوپلیس سے بات چیت جاری ہے۔
پاکستان کرکٹ بورڈ کے چیرمین نجم سیٹھی نے گزشتہ روز پریس کانفرنس کرتے ہوئے ملک میں انٹرنیشنل کرکٹ کی بحالی کا اعلان کیا اور کہا کہ ورلڈالیون، سری لنکا اور ویسٹ انڈیز کی ٹیمیں رواں سا پاکستان کا دورہ کریں گی۔
انہوں نے مزید کہا کہ کرکٹ کھیلنے والے 7 ممالک کے 15 کھلاڑیوں نے پاکستان آنے پر رضامندی ظاہر کر دی ہے اور وہ آئندہ 72 گھنٹوں میں ان کھلاڑیوں کے ناموں کا اعلان کریں گے۔
برطانوی خبر رساں ادارے انڈیپینڈنٹ کی ایک رپورٹ کے مطابق انگلینڈ کے سابق کپتان پال کولنگ ووڈ بھی ورلڈ الیون میں شامل ہوں گے۔
یاد رہے کہ پاکستان میں انٹرنیشنل کرکٹ کے دروازے 3 مارچ 2009 کو سری لنکن ٹیم کی بس پر حملے کے بعد سے بند ہیں اور زمبابوے واحد ٹیم ہے جس نے 2015 میں پاکستان کا دورہ کیا۔
اس برسوں کے دوران پاکستان نے اپنی بیشتر ہوم سریز متحدہ امارات میں کھیلیں جب کہ پاکستان سپر لیگ کا پہلا ایڈیشن مکمل اور دوسرا ایڈیشن کے سیمی فائنلز تک کے تمام مقابلے بھی وہیں ہوئے ۔
تاہم پاکستان میں انٹرنیشنل کرکٹ بحال ہونے کی امید ایک مرتبہ پھر اس وقت روشن ہوئی جب پی ایس ایل کے دوسرے ایڈیشن کا فائنل لاہور کے قذافی اسٹیڈیم میں کھیلا گیا جس میں کئی غیرملکی کھلاڑیوں نے شرکت کی۔

لاہور:انگلینڈ کے سابق چمپیئن کپتان پال کولنگ ووڈ تین میچوں کی سیریز کے لیے اینڈی فلاور کی کوچنگ میں اگلے ماہ پاکستان کا دورہ کرنے والی ورلڈ الیون ٹیم کا حصہ بننے کو تیار ہیں۔
غیرملکی میڈیا رپورٹس کے مطابق انگلینڈ کے سابق ٹی ٹوئنٹی چمپین کپتان پال کولنگ ووڈ نے لاہور میں 12، 13 اور 15 سمتبر کو ہونےوالی تین میچوں کی ٹی ٹوئنٹی سیریز کے لیے دستیابی ظاہر کردی ہے۔
ورلڈ الیون میں جنوبی افریقہ کے ہاشم آملہ اور عمران طاہر کی شمولیت کے حوالے سے رپورٹس عام ہوئی تھیں تاہم آنے والے دنوں میں ٹیم کے تمام کھلاڑیوں کے نام سامنے آئیں گے۔
رپورٹ کے مطابق پاکستان کا دورہ کرنے والی ورلڈ الیون کے کھلاڑیوں کو فی کس 75 ہزار پاؤنڈ کے قریب ادائیگی کی جائے جس کو بین الاقوامی سیریز کا درجہ دیا جائے گا۔
اس سے قبل پاکستان کرکٹ بورڈ کے چیئرمین نجم سیٹھی نے کہا تھا کہ پاکستان کا متوقع دورہ کرنے والی ورلڈ الیون کے لیے 7 مختلف ممالک سے تعلق رکھنے والے 15 بین الاقوامی کرکٹرز نے مثبت جواب دیا ہے۔

بارسلونا میڈیا پاکستان) سپینش فٹ بال لیگ (Spanish football) میں میچ سے قبل بارسلونا واقعہ کے متاثرین کے ساتھ اظہار یکجہتی کے لئے خاموشی اختیار کی گئی ، ایونٹ کی سیکیورٹی کیلئے غیرمعمولی اقدامات کیے گئے۔
تفصیلات کے مطابق بارسلونا میں دہشت گردی کے واقعے کے بعد سپینش فٹ بال لیگ میں بارسلونا کی ٹیم نے میچ سے قبل متاثرین کے ساتھ اظہار یکجہتی کیا۔
بارسلونا اور رائیل بیٹس کے مابین لالیگا میچ سے قبل بارسلونا میں دہشت گردی کا شکار افراد کے ساتھ اظہار یکجتی کے لئے خاموشی اختیار کی گئی۔
بارسلونا کے کھلاڑیوں نے اپنے ناموں کی جگہ شرٹس پر بارسلونا لکھوا لیا ، میچ سے قبل اور میچ کے دوران سٹیڈیم کی فضا سوگوار رہی۔
دوسری جانب بارسلونا واقعے کے بعد سپینش فٹ بال لیگ کے میچز کے لئے سیکیورٹی میں غیر معمولی اضافہ کر دیا گیا تھا۔

(میڈیا پاکستان):یو ایم ٹی میں پہلی ریکٹر کپ چیس چیمپیئن شپ دو ہزار سترہ کا انعقاد کیا گیا، جس میں شطرنج کے متعدد کھلاڑیوں نے شرکت کی۔یو ایم ٹی میں ہونے والی چیمپیئن شپ میں تین کیٹیگریز شامل ہیں
بادشاہت کا کھیل شطرنج ایک ذہانت کا کھیل ہے۔ ماضی میں کھیلے جانے والا امراء اور بادشاہوں کا یہ کھیل اب خواتین اور بچوں میں بھی مقبول ہونے لگا ہے۔ یو ایم ٹی میں ہونے والی چیمپیئن شپ میں تین کیٹیگریز شامل ہیں ان میں اوپن کیٹیگری ، وومن کیٹیگری اور اٹھارہ سال سے کم عمر بچوں کی کیٹیگری شامل ہیں۔
چیمپیئن شپ میں بچے، بڑے اور خواتین سب ہی گہری سوچ و فکر میں ڈوبے چال چلتے رہے اور اپنے کنگ کو بچانے کی کوشش میں جیتنے کے لیے پر امید بھی نظر آئے۔ شطرنج ایسا کھیل ہے جس سے ناصرف ذہانت میں اضافہ ہوتا ہے بلکہ تفریح کا بھی ایک اچھا ذریعہ ہے۔ شطرنج عقل و فراست کا کھیل ہے جسے گھنٹوں کھیلا جا سکتا ہے اور اس کھیل میں جس نے سوچ سمجھ کے چال چلی وہ ٹھہرا مقدر کا سکندر اور اور جس نے جلد بازی کی وہ ہو جائے گا ناکام۔

راولپنڈی (میڈیا پاکستان ورلڈ سنوکر ٹیم چیمپیئن شپ(snoker championship) 2017 پاکستانی فاتح ٹیم ریلوے سٹیشن راولپنڈی پہنچ گئی ، گولڈ میڈلسٹ بابر مسیح کا راولپنڈی ریلوے سٹیشن پہنچنے پر پرتپاک استقبال کیا گیا۔
تفصیلات کے مطابق گولڈ میڈلسٹ بابر مسیح کا کہنا تھا کہ انہیں فخر ہے 19 ممالک میں پاکستانی ٹیم فاتح قرار پائی۔
انہوں نے کہا کہ اہلیان راولپنڈی نے پرتپاک استقبال کیا ، بہت خوشی ہوئی ، کرکٹ کی طرح سنوکر کے کھلاڑیوں کو بھی حکومت کی سرپرستی کی ضرورت ہے۔

لاہور:عمراکمل تنازع شدت اختیار کر تا جارہاہے ۔ پی سی بی کی طرف شو کاز نوٹس کے بعد عمر اکمل کی نئی ٹویٹس نے جہاں نئی صورتحال پیدا کردی ہے وہیں سابق کرکٹر بھی میدان میں آگئے ہیں ۔
تفصیلات کے مطابق فاسٹ باؤلر شعیب اختر نے اپنے ایک بیان میں کہا ہے کہ عمر اکمل کا معاملہ ڈائیلاگ سے حل کرنے کی ضرورت ہے جبکہ عمر اکمل کو میدان میں اپنی کارکردگی سے ناقدین کو جواب دینا چاہیے۔
یاد رہے کہ عمر اکمل نے دو دن پہلے کوچ مکی آرتھر کے خلاف میڈیا پر تہلکہ خیز انکشافات کیے تھے ۔ جس کے بعد عمر اکمل کے مستقبل پر سوالیہ نشان آگیا ہے ۔

لاہور: (ویب ڈیسک) سنسناٹی اوپن ٹینس کے مقابلے امریکہ میں جاری ہیں، رافیل نڈال نے عمدہ ٹینس کھیلی، سپینش سٹار نے فرانس کے رچرڈ گیسکوئٹو کو 3۔6 اور4۔6 سے سٹریٹ سیٹ میں ہرایا۔ ایک اور میچ میں جرمنی کے الیگزینڈر کا مقابلہ انیس سالہ امریکی کھلاڑی فرانسس طائیفو سے ہوا۔ فرانسس نے الیگزینڈر کو ایک کے مقابلے میں دو سیٹ سے ہرا کر تیسرے راؤنڈ میں جگہ بنا لی۔

سپائل برگ: (ویب ڈیسک) سپائل برگ میں آسٹرین موٹو جی پی ریس کا میدان، فتح کے لئے رائیڈرز نے لڑائی خوب جان، ریس میں مہارت کے ساتھ ساتھ تیزرفتاری کا بھی بھرپور مظاہرہ کیا گیا۔ آخری مراحل میں اٹلی کے آندریا ڈوویسیاسو نے ورلڈ چیمپئن مارک مارکیز کو پیچھے چھوڑتے ہوئے ٹائٹل جیت لیا۔ انہوں نے مقررہ فاصلہ انتالیس منٹ اور تینتالیس اعشاریہ تین دو سیکنڈ میں طے کیا۔

لاہور: (میڈیا پاکستان) ٹیسٹ کرکٹر عمر اکمل کو ہیڈ کوچ مکی آرتھر پر الزام تراشی مہنگی پڑ گئی، پی سی بی نے انہیں شو کاز نوٹس جاری کر کے سات روز میں جواب دینے کا پابند کیا ہے۔
مشکلیں عمر اکمل کا پیچھا ہی نہیں چھوڑ رہیں، پہلے خراب فٹنس پر ٹیم سے باہر ہوئے اور اب مکی آرتھر پرالزام تراشی مہنگی پڑ گئی، پی سی بی نے انہیں شو کاز نوٹس جاری کرتے ہوئے سات روز میں جواب دینے کا پابند کیا ہے، انضمام الحق اور مشتاق احمد کو بطور عینی شاہد بلایا جائے گا۔ مڈل آرڈر بیٹسمین نے گزشتہ روزپریس کانفرنس میں ہیڈ کوچ پر گالیاں دینے اور این سی اے میں پریکٹس سے روکنے کا الزام لگایا تھا۔ انہوں نے چیئرمین پی سی بی نجم سیٹھی سے معاملے کا نوٹس لینے کا مطالبہ بھی کیا تھا۔
دوسری جانب مکی آرتھر نے عمر اکمل کے الزامات کو مسترد کیا اور موقف اپنایا کہ انہوں نے بلے باز کو ڈانٹا ضرور تھا لیکن گالی نہیں دی۔

واشنگٹن: (ویب ڈیسک) سٹینفورڈ ٹینس کے دوسرے مرحلے میں سپین کی گاربائن موغوروزا اور امریکا کی کائلا ڈے مدمقابل ہوئیں۔ ہسپانوی کھلاڑی نے پہلا سیٹ چھ دو سے با آسانی اپنے نام کیا۔ دوسرے سیٹ میں بھی وہ اپنی حریف چھائی رہیں اور انہیں یکطرفہ کھیل کے بعد چھ صفر سے ہرا دیا۔ اس جیت کے بعد وہ ٹورنامنٹ کے تیسرے مرحلے میں پہنچ گئی ہیں۔