Category کھیل

لاہور (میڈٰیا پاکستان): پاکستان کرکٹ بورڈ نے ورلڈ الیون کے خلاف تین ٹی ٹوئنٹی میچز کے لیے سولہ رکنی قومی کرکٹ ٹیم کے سکواڈ کا اعلان کر دیا۔

تفصیلات کے مطابق ورلڈ الیون کا دورہ پاکستان کے لیے پی سی بی نے ورلڈ الیون کے خلاف سیریز کے لئے 16 رکنی قومی ٹیم کا اعلان کردیا ہے۔ ٹیم کا اعلان چیئرمین پی سی بی کی منظوری کے بعد کیا گیا ہے۔ سرفراز احمد قومی ٹیم کی قیادت کریں گے، جبکہ ٹیم کے باقی کھلاڑیوں میں شاداب خان، محمد نواز، فہیم اشرف، حسن علی، عامر یامین، محمد عامر، رومان رئیس، عثمان شنواری اور سہیل خان شامل ہیں ٹیم میں فخرزمان، احمد شہزاد، بابر اعظم، شعیب ملک، عمر امین، عماد وسیم بھی شامل ہیں۔

ورلڈ الیون کے خلاف میچز 12، 13 اور 15 ستمبر کو قذافی سٹیڈیم میں کھیلے جائیں گے چیف سلیکٹر انضمام الحق کا کہنا ہے کہ ٹیم فٹنس اور ڈومیسٹک کرکٹ کی پرفارمنس کو مدنظر رکھ کر بنائی گئی ہے۔ نوجوان کھلاڑیوں کو چانس بھی دیا جا رہا ہے تاکہ ہوم گراونڈ اور کراوڈ کا فائدہ اٹھایا جاسکے۔ کامران اکمل، وہاب ریاض، محمد حفیظ اور سہیل تنویر کو ٹیم سے ڈراپ کر دیا گیا ہے۔

لندن(آئی این پی) باکسر عامر خان کو ان کی اہلیہ فریال مخدوم نے دھمکی دی ہے کہ اگرعامر نے طلاق کے لیے عدالت سے رجوع کیا تو وہ اپنی بیٹی کو لیکر امریکا منتقل ہوجائیں گی۔پاکستانی نژاد برطانوی باکسرعامر خان اوران کی اہلیہ فریال مخدوم کے درمیان علیحدگی کا معاملہ ٹھنڈا ہوتا نظرنہیں آرہا، ہرگزرتے دن کے ساتھدونوں کے رشتے میں ڈرامائی موڑ آرہے ہیں جنہیں ملکی و بین الاقوامی میڈیا کی بھرپور کوریج حاصل ہورہی ہے،ایک طرف تو دونوں اپنے اختلافات کو سب کے سامنے لاکر لوگوں کو تنقید کرنے کا موقع فراہم کررہے ہیں جب کہ دوسری طرف
فریال مخدوم اپنے شوہر سے علیحدگی کے حق میں بھی نہیں ہیں۔بین الاقوامی میڈیا کے مطابق حال ہی میں فریال مخدوم کا ایک اور حیران کردینے والا بیان سامنے آیا ہے، انہوں نے اپنے شوہر کو وارننگ دی ہے کہ اگر عامر نے انہیں طلاق دینے کا سوچا یا طلاق کے لیے عدالت سے رجوع کیا تو وہ اپنی بیٹی لامائساہ خان کو لے کرامریکا منتقل ہوجائیں گی، جب کہ انہوں نے اپنی قانونی ٹیم کو بھی ہدایت دی ہے کہ وہ ان کی شادی کو بچانے کی ہرممکن کوشش کریں۔عامر خان اپنی بیٹی سے بے انتہا محبت کرتے ہیں اوراکثرسوشل میڈیا پران کی تصاویر شیئرکرتے رہتے ہیں، انہیں اپنی بیٹی سے دوری برداشت نہیں، لہذا فریال کے اس بیان کے بعد عامرکو طلاق کے معاملے پرایک بار پھر سوچنا پڑے گا۔واضح رہے کہ عامر خان گھریلو جھگڑوں سے تنگ آکر فریال کو گزشتہ دو سال سے طلاق دینا چاہتے تھے وہ اپنی شادی سے اتنے دلبرداشتہ تھے کہ ان کا کہنا تھا وہ گھرمیں نہیں بلکہ جہنم میں رہتے ہیں، دوسری جانب فریال کا کہنا تھا کہ وہ انہیں طلاق نہیں دے سکتیں کیونکہ ان کے پاس عامر کے خلاف اتنا مواد موجود ہے جو ان کی شخصیت کو تباہ کرسکتا ہے۔

 
زیورچ: صومالی نژاد برطانوی ایتھلیٹ محمد مختار فرح نے5 ہزار میٹر ریس جیت کر فاتح کی حیثیت سے کیریئر کا اختتام کیا۔4مرتبہ کے اولمپک چیمپیئن محمد فرح نے سوئٹزر لینڈ کے شہر زیورچ میں ہونے والی ڈائمنڈ لیگ کے دوران مقررہ فاصلہ 13منٹ 6.05سیکنڈز میں طے کرتے ہوئے ایتھوپیا کے مختار ادریس کو شکست دی جو فنش لائن کے قریب پہنچ کر لڑکھڑا جانے سے تیسرے نمبر پر رہے اور فرح نے 0.03سیکنڈز کے فرق سے یہ ڈرامائی فتح سمیٹی۔ ادریس گزشتہ ہفتے لند ن میں ہونے والی ایتھلیٹکس چیمپیئن شپ میں محمد فرح کو ہرا کر گولڈ میڈل جیتتے ہوئے عالمی چیمپیئن بھی بنے تھے۔ محمد فرح اب صرف میراتھن کیریئر پر توجہ مرکوز کریں گے۔ دوسری جانب 100 میٹر ریس کے عالمی چیمپئین امریکہ کے جسٹن گیٹلن ڈائمنڈ لیگ کے دوران ٹاپ تھری میں بھی نہ آسکے اور برطانیہ کے چینڈو یو جانے میدان مار لیا۔100میٹر ریس میں دلچسپ مقابلہ ہوا، مقابلے میں سب کی نگاہوں کا مرکز عالمی چیمپین جسٹن گیٹلن تھے لیکن اصل مقابلہ چینڈو یواور بن یوسف کے درمیان ہوا۔برطانیہ کے چینڈو یوجا نے ایک لمحے کے فرق سے ٹائٹل اپنے نام کیا ۔

 
ڈھاکا: آئی سی سی ایلیٹ پینل میں شامل پاکستانی امپائر علیم ڈار اور آسٹریلوی اسپنر ایشٹون ایگر گزشتہ روز شیڈول ڈھاکا ٹیسٹ سے قبل ہوٹل میں ٹیبل ٹینس کھیلتے دکھائی دیے۔علیم ڈار اور ایشٹون ایگر کے ٹیبل ٹینس کی ویڈیو آسٹریلوی اوپنر بیٹسمین عثمان خواجہ نے اپنے سوشل میڈیا اکاونٹ میں شیئر کی ہے،۔واضح رہے کہ 2013 ءکی ایشز سیریز میں ایگر اور علیم ڈار کے درمیان لفظی جھڑپ ہوئی جب امپائر نے اسٹورٹ براڈ کو سلپ میں کیچ نہیں دیا تھا، فرصت کے لمحات میں آسٹریلوی کرکٹرز اکثر بیرون ملک ٹورز میں ٹیبل ٹینس کھیلنا پسند کرتے ہیں۔

  لاہور: ورلڈ الیون کے کھلاڑی اور جنوبی افریقہ کے سابق کپتان ہاشم آملہ نے کہاہے کہ میں دورہ پاکستان کیلئے بے تاب ہوں۔ ورلڈ الیون کے اعلان کے بعد اپنے پیغام میں ان کا کہنا تھا کہ میں کندھے کی انجری سے تیزی کے ساتھ صحتیاب ہورہا ہوںاور پرامید ہوں کہ مکمل فٹ ہوکر سیریز کا حصہ بنوں گا۔ ورلڈ الیون کے کوچ اینڈی فلاور نے کہاکہ مہمان کرکٹرز آئندہ ماہ لاہور میں سیریز کیلئے سیکیورٹی انتظامات پر مطمئن ہیں۔وہ اس بات پر بہت خوش ہیں کہ پاکستان میں انٹرنیشنل کرکٹ کی بحالی کیلئے کئے جانے والے اقدامات میں انھیں حصہ ڈالنے کا موقع مل رہا ہے۔ انھوں نے کہا کہ میں خود بھی 90 کی دہائی میں 3ٹورز کے دوران پاکستان کی شاندار میزبانی کا لطف اٹھا چکا ہوں۔ ورلڈ الیون کے ارکان عمدہ کرکٹ کھیل کر پ±رجوش شائقین کو بھرپور تفریح فراہم کرنے کے لئے پوری طرح تیار ہیں۔

 کوالالمپور:ساوتھ ایسٹ ایشین گیمز میںبرطانوی نژاد فلپائنی باکسر جان ماروین نے صرف 21 سیکنڈ میں لائٹ ہیوی ویٹ ٹائٹل جیت لیا۔ 24 سالہ ماروین برٹش آرمی میں لانس نائیک ہیں۔انہوں نے مقابلے کے لئے گھنٹی بجتے ہی میزبان ملائیشین باکسر پاوزی پر مکوں کی برسات کردی اور اسے 21سیکنڈنز میں ناک آوٹ کردیا۔ بعدازاں پاوزی نے دعویٰ کیا کہ وہ ابھی مقابلے کے لیے تیار ہی نہیں ہوئے تھے کہ ماروین ان پر ٹوٹ پڑے جبکہ فاتح باکسر کا کہنا تھا کہ وہ مقابلے کا فیصلہ ججز پر نہیں چھوڑنا چاہتے تھے۔

آئندہ ماہ پاکستان آنے والی ورلڈ الیون کرکٹ ٹیم کی قیادت جنوبی افریقا کے کپتان فاف ڈپلوسی کریں گے۔
ذرائع نے تصدیق کی ہے کہ فاف ڈپلوسی کی قیادت میں ورلڈ الیون کی ٹیم لاہور میں تین ٹی ٹوئنٹی میچز کھیلے گی۔
ورلڈ الیون کے کوچ اینڈی فلاور کھلاڑیوں کو پاکستان لانے کے لئے سرگرم ہیں اور انہی کی کوششوں کی بدولت کئی انٹرنیشنل کرکٹرز نے دورہ پاکستان کے لئے حامی بھری۔
اب اطلاعات ہیں کہ فاف ڈپلوسی ورلڈ الیون ٹیم کی قیادت کریں گے جب کہ ذرائع کا کہنا ہے کہ آسٹریلوی کرکٹ ٹیم کے سابق کپتان جارج بیلی نے بھی پاکستان آنے پر رضا مندی کا اظہار کیا ہے اور امکان ظاہر کیا جارہا ہے کہ وہ بھی ورلڈ الیون اسکواڈ کا حصہ ہوں گے۔
ذرائع کا کہنا ہے کہ جنوبی افریقا کے ہاشم آملہ، نیوزی لینڈ کے جیمی نیشام اور انگلینڈ کے سابق کپتان پال کولنگ وڈ بھی پاکستان کا دورہ کرنے والوں میں شامل ہوں گے۔
ورلڈ الیون ٹیم کے لئے جنوبی افریقا، سری لنکا، بنگلادیش اور زمبابوے کی ٹیموں سے بھی کھلاڑیوں کے شامل ہونے کا امکان ہے۔
ذرائع کا کہنا ہے کہ ورلڈ الیون ٹیم کے کوچ اینڈی فلاور کی جانب سے جمعہ کو حتمی کھلاڑیوں کے ناموں کا اعلان متوقع ہے۔

(میڈیا پاکستان ): لاہور ریجن سینئر انٹر ڈسٹرکٹ کرکٹ ٹورنامنٹ کا میچ بارش کے باعث تاخیر کا شکار، چند منٹوں کی بارش نے میچ میں گھنٹوں کا وقفہ کرا دیا، میچ لاہور کے ویسٹ اور نارتھ زون کی ٹیموں کے مابین کھیلا جارہا ہے، بارش نے میچ بند کرایا تو کھلاڑیوں کو خوش گپیوں کا موقع مل گیا۔
ایل سی سی اے کرکٹ گرائونڈ میں کھیلے جانے والے میچ کی پہلی اننگ میں نارتھ زون نے 331 رنز بنائے تھے جس کے جواب میں ویسٹ زون وائٹ نے کھیل کا آغاز کرنا تھا لیکن بارش سے میچ تاخیرکا شکار ہوگیا۔
گرائونڈ مینیجر عبدالحی کا کہنا تھا کہ گرائونڈ کے پچ کور پرانے ہوچکے ہیں جنہیں تبدیل کرنا ضروری ہے، پی سی بی کو بارہا کور تبدیلی کے حوالے سے درخواست کی لیکن شنوائی نہیں ہوئی۔
کھلاڑی سہانے موسم سے بھرپور لطف اندوز ہوئے، کسی نے دوستوں کے ساتھ خوش گپیوں میں وقت گزارا، کوئی چائے کی چُسکیاں لیتا نظر آیا، کسی نے کوچ سے بیٹنگ ٹپس لیں اور کچھ تو وقت گزارنے کے لیے گرائونڈ کے ساتھ پچ کور ہٹاتے رہے۔
بلا شبہ ایل سی سی اے گرائونڈ لاہور کی سب سے بہترین گرائونڈ ہے لیکن رین کور جیسی سہولیات کو بہتر بنا کر اس گرائونڈ کو موسمی تغیر و تبدل سے بھی بچایا جاسکتا ہے۔

لاہور: ایشین ہاکی فیڈریشن نے ایشیا کپ ہاکی ٹورنامنٹ 2017ء کے شیڈول کا اعلان کر دیا ہے۔ ٹورنامنٹ 11 سے 22 اکتوبر تک بنگلہ دیش کے شہر ڈھاکا میں کھیلا جائے گا جس کےلئے ٹیموں کو2پول میں تقسیم کیا گیا ہے۔ پول اے میں پاکستان، ہند، جاپان اور بنگلہ دیش شامل ہیں جبکہ پول بی میں ملائیشیا، جنوبی کوریا، چین اور عمان کو رکھا گیا ہے۔ پول اے میں روایتی حریف پاکستان اور ہند کا مقابلہ 15 اکتوبر کو ہو گا۔شیڈول کے مطابق 11 اکتوبر کو پہلا میچ ہند اور جاپان جبکہ اسی روز دوسرا میچ پاکستان اور بنگلہ دیش کے درمیان کھیلا جائیگا۔ 12 اکتوبر کو پہلا میچ ملائیشیا اور چین، دوسرا میچ جنوبی کوریا اور عمان، 13 اکتوبر کو پہلا میچ جاپان اور پاکستان، دوسرا میچ ہند اور بنگلہ دیش، 14 اکتوبر کو پہلا میچ چین اور عمان، دوسرا میچ جنوبی کوریا اور ملائیشیا، 15 اکتوبر کو پہلا میچ جاپان اور بنگلہ دیش جبکہ دوسرا میچ روایتی حریف پاکستان اور ہند کے درمیان کھیلا جائے گا۔ 16 اکتوبر کو پہلا میچ ملائیشیا اور عمان، دوسرا میچ چین اور جنوبی کوریا کے درمیان کھیلا جائے گا۔ 18 سے 21 اکتوبر تک سپر فور سمیت مختلف پوزیشنز کے میچز کے بعد 22 اکتوبر کو ٹورنامنٹ کا فائنل میچ کھیلا جائیگا۔

 بیسٹری، و یسٹ انڈیز:جمیکا ٹالا واہز کے کپتان کمار سنگا کارا نے کہا ہے پاکستانی آل راونڈر عماد وسیم کی عدم موجودگی ان کی ٹیم کے لئے نقصان دہ ثابت ہوئی۔ سینٹ کٹس کے ہاتھوں لیگ میچ میں شکست کے بعد ان کا کہنا تھا عماد وسیم کے وطن واپس لوٹنے سے ٹیم کا بیٹنگ آرڈر متاثر ہوا ہے ۔انہوں نے کہا کہ ہم نے ٹریون گرفتھ کو بیٹنگ آرڈر میں ترقی دے کی اوپنر بنایا اور انہوں نے بھی اچھی کارکردگی دکھا ئی لیکن میں سمجھتا ہوں کہ اگر عماد وسیم موجود ہو تے تو صورتحال مختلف ہو سکتی تھی۔سنگا کارا نے سینٹ کٹس کی بیٹنگ کو سراہا اور کہا کہ ٹی20میچ میں 200سے زائد کا ہدف کبھی آسان نہیں ہوتا ، ہم نے اس تک رسائی کی کوشش کی لیکن کامیاب نہ ہوسکے۔اچھی بات یہ ہے کہ ہمارے کھلاڑی مقابلے کے جذبے سے سرشار ہیں اور انہوں نے بڑے اسکور کے باوجود ہمت نہیں ہاری ۔