Category کھیل

لاہور(میڈیا پاکستان) پاکستانی نژاد برطانوی باکسر عامر خان نے میانمار کے روہنگیا مسلمانوں کے قتل عام کی سخت مذمت کرتے ہوئے پاکستان سے مدد کا مطالبہ کیا ہے۔لاہور میں داتا دربار پر حاضری کے موقع پر میڈیا سے گفتگو کرتے ہوئے عامر خان نے کہا کہ میانمار کے روہنگیا مسلمانوں پر مظالم انتہائی تکلیف دہ ہیں، برما کے مسلمانوں کے لئے حکومت پاکستان اپنا کردار ادا کرے۔عامر خان نے یوم دفاع پاکستان کے موقع پر اپنے پیغام میں کہا کہ پاکستانی فوج ملک کے لئے بہترین خدمات انجام دے رہی ہے، ملک کے لئے جان کا نذرانہ پیش کرنے والوں کو سلام کرتا ہوں، پاکستان میں باکسنگ سپر لیگ سے نوجوانوں کو بھرپور فائدہ ملے گا۔اس موقع پر عامر خان نے ازدواجی زندگی کی پریشانیوں کا بھی تذکرہ کرتے ہوئے کہا کہ داتا دربار پر دعا کی ہے کہ اللہ تعالی گھریلو مسائل اور مشکلات سے نکالے، خاندانی مسائل کے بعد پاکستان آکر سکون ملا ہے۔

جمیکا ( میڈیا پاکستان ) یوسین بولٹ کا اتھلیٹکس سے جی بھر گیا ، اولمپک چیمپئن نے پروفیشنل فٹبالر بننے کی ٹھان لی ، جمیکن اتھلیٹ ان دنوں جاپان میں بچوں کو رننگ کے گر بھی سکھا رہے ہیں ۔دنیا کے سابق تیز ترین انسان یوسین بولٹ اب فٹبال کھیلیں گے ۔ یوسین بولٹ ان دونوں جاپان کے دورے پر ہیں جہاں انہوں نے جاپانی بچوں کی دوڑ لگوائی اور انہیں ریس کے گر سکھائے ۔ جمیکن اتھلیٹ نے پروفیشنل فٹبالر بننے کے لئے بھی غور شروع کر دیا ۔یوسین بولٹ کا کہنا تھا کہ کیرئیر میں بڑے بڑے کارنامے سرانجام دیئے ۔ وہ جمیکا کا نام روشن کرنے پر خوش ہیں ۔ جمیکن اتھلیٹ کو کرکٹ کھیلنے کا بھی خوب شوق ہے ، اولمپک چیمپئن یوسین بولٹ گزشہ ماہ اتھلیٹکس کو خیر باد کہہ چکے ہیں ۔

لاہور (میڈیا پاکستان): ورلڈ الیون کی آمد کے حوالے سے تیاریاں عروج پر پہنچ گئیں، قذافی سٹیڈیم کے باہر آفیشل لوگو کی نمائش بھی کر دی گئی۔
ذرائع کے مطابق ورلڈ الیون نے کپتان کی قیادت میں لاہور کے قذافی سٹیڈیم میں تین ٹی ٹوئنٹی میچز کی سیریز کھیلنا ہے، یہ میچز بارہ تیرہ اور پندرہ ستمبر کو کھیلے جائیں گے۔ آزادی سیریز کے لیے قذافی سٹیڈیم کے باہر ایک بڑا لوگو نصب کیا گیا ہے، اس لوگو پر سیریز کے نام کے ساتھ دونوں کپتانوں کی تصاویر لگائی گئی ہیں جن کے عقب میں جہازی سائز کا وائیٹ بال اور علامتی وکٹس بنائی گئی ہیں، سٹیڈیم کے مین گیٹ پر لگائے جانے والے اس لوگو پر سٹاپ واچ بھی لگائی گئی ہے جس پر سیریز کے آغاز کے حوالے سے الٹی گنتی چلے گی۔
ترجمان پی سی بی لوگو کی یوں نمائش کا مقصد سیریز کے امیج اور مقبولیت کو بہتر بنانا ہے

لاہور: پی سی بی کے وکیل تفصل رضوی نے کہاہےکہ اسپاٹ فکسنگ کیس میں کھلاڑی کوکم سے کم سزادی گئی،معطلی کےبعد بحالی کاپوراطریقہ کار موجود ہے۔لاہور میں شرجیل خان پرپابندی کےفیصلےکےبعدمیڈیاسے بات کرتےہوئے پی سی بی کے وکیل نےبتایاکہ آج ایک کھلاڑی کو قصور وار ثابت کیا گیا،کھلاڑی کو کم سے کم سزا دی گئی۔تفضل رضوی کاکہناتھاکہ ٹھوس شواہد اور ثبوت موجود تھے،معطلی کے بعد بحالی کا پورا طریقہ کار ہے۔ تفضل رضوی نےبتایاکہ شرجیل پر5الزامات تھےاور پانچوں ثابت ہوئے۔ انھوں نےکہاکہ یہ فیصلہ پی سی بی کی مکمل کامیابی ہے۔تفصیلی فیصلہ پی سی بی کی ویب سائٹ پر جاری کیا جائے گا۔

کراچی: سابق کپتان شاہد خان آفریدی نے پی سی بی کی جانب سے الوداعی تقریب میں شرکت سے معذرت کرلی۔
پی سی بی نے ورلڈ الیون کے دورہ پاکستان کے موقع پر سابق کپتان مصباح الحق ، یونس خان اور شاہدآفریدی کے لیے الوادعی تقریب کااعلان کیاتھا۔
تاہم شاہد آفریدی نے یوٹرین لیاہے۔شاہدخان آفریدی نے پی سی بی کی تقریب میں شرکت سےمعذرت کرلی ہے۔
شاہد آفریدی نےکہاہےکہ ذاتی وجوہات کی بناء پرتقریب میں شرکت نہیں کرسکتا۔
شاہدآفریدی نے مزید کہا کہ وہ ستمبرمیں پاکستان میں نہیں ہوں گے

لاہور: پاکستان کے اسٹار اوپنر بلے باز فخر زمان کہتے ہیں کہ ورلڈ الیون کی پاکستان آمد خوش آئند ہے، اپنے لوگوں کے سامنے کھیلنے کا مزا ہی کچھ اور ہے۔
اوپپنگ بیٹسمین فخرز مان ورلڈ الیون کے سامنے صلاحیتوں کا جوہر دکھانے کو بے تاب ہیں۔ کہتے ہیں اس بار اپنوں کے سامنے چوکے اور چھکے لگائیں گے۔
لاہور میں میڈیا کے سوالوں کا جواب دیتے ہوئے چیمپینز ٹرافی فائنل کے ہیرو کا کہنا تھا کہ ہر کھلاڑی نے اپنا کھیل کھیلنا ہوتا ہے، قومی اسکواڈ میں تبدیلیوں سے کارکردگی پر کوئی منفی اثر نہیں پڑے گا۔
فخر زمان سے جب مکی آرتھر کے رویے بارے پوچھا گیا تو جواب دیا کہ مکی آرتھر ہر بات بڑے پیار سے سمجھاتے ہیں

لاہور: قومی باکسر محمد وسیم سلور فلائی ویٹ چیمپئن انٹرنیشنل رینکنگ چیلنج فائٹ کیلئے باکسر جورلی ایسٹاراڈا کے مدمقابل آئیں گے۔قومی باکسر کو فائٹ کی تیاری کیلئے جیف مے ویدر کی خدمات حاصل ہیں جو کہ مہنگی ترین فائٹ جیتنے والے باکسر فلائڈ مے ویدرکے چچا ہیں۔
ادھر پاکستانی باکسر محمد وسیم یہ مقابلہ بھی جیتنے کیلئے پر امید ہیں، ان کا کہنا ہے کہ تیاریاں بھر پور ہیں، ہمیشہ کی طرح اس بار بھی عوامی توقعات پر پورا اترتے ہوئے مقابلہ اپنے نام کرنے کی کوشش کروں گا۔
یاد رہے کہ یہ مقابلہ 23 ستمبر کو کولمبیا میں شیڈول ہے اور چیلنج فائٹ میں مدمقابل جورلی ایسٹاراڈا سابق ڈبلیو بی اور ورلڈ ٹائٹل چیلنجر رہ چکے ہیں۔

لاہور(میڈیا پاکستان )پی ایس ایل سپاٹ فکسنگ سکینڈل کا (psl fixing case) فیصلہ کن مرحلہ آ گیا ، شرجیل خان کیس کا فیصلہ دو تین روز میں سنایا جائے گا۔
تفصیلات کے مطابق پی ایس ایل سپاٹ فکسنگ سکینڈل کا فیصلہ کن مرحلہ آ گیا ہے شرجیل خان کیس کا فیصلہ دو سے تین روز میں سنایا جائے گا۔
ٹربیونل کے ارکان کی طرف سے متفقہ فیصلہ سنائے جانے کا امکان ہے ، شرجیل خان پر 5 سال تک پابندی اور 15 سے 50 لاکھ تک جرمانے کا امکان ہے ، بلے باز پر اینٹی کرپشن کوڈ کی پانچ خلاف ورزیوں کا الزام بھی ہے

امریکی باکسر مے ویدر نے آئرلینڈ کے مخالف باکسر کو شکست دے کر نہ صرف اپنے کیرئیر کی 50ویں فائٹ میں کامیابی حاصل کی بلکہ تاریخ کی مہنگی ترین فائٹ اپنے نام کرنے کا اعزاز بھی حاصل کیا۔
لاس ویگاس کے ٹی موبائل ارینا میں ہونے والی فائٹ کے ابتدائی تین راؤنڈز میں آئرش باکسر کونر میگری کا پلڑا بھاری رہا لیکن دسویں راؤنڈ میں مے ویدر نے تیکنیکی بنیادوں پر میگری کو شکست دے دی۔
دسویں راؤنڈ میں آئرش باکسر میگری سنبھل نہ سکے جس کے بعد امپائرز نے انہیں مزید کھیلنے کے لئے ناقابل قرار دیتے ہوئے مے ویدے کی فتح کا اعلان کیا۔
مے ویدر اس سے قبل 2011 میں وکٹر اورٹز کو بھی ناک آؤٹ کرچکے ہیں جب کہ مے ویدر نے اپنی پچاسویں فائٹ جیتتے ہوئے روکی مارکیانو کا ریکارڈ توڑ دیا جنہوں نے 1956 میں ناقابل شکست 49 مقابلے اپنے نام کئے تھے۔
مے ویدر کے مقابلے میں کئی نامور باکسر سامنے آئے لیکن انہیں شکست دینے میں ناکام رہے، ایسے باکسروں کی فہرست میں مینی پیکاؤ، کینلو ایلواریز، میگوئل کوٹو اور آسکر دی لا ہوا نمایاں ہیں۔

نئی دہلی: بھارتی وکٹ کیپر بیٹسمین مہندرا سنگھ دھونی نے فائیو اسٹار ہوٹل بنانے کا ارادہ کر لیا۔ میڈیا رپورٹس میں دعویٰ کیا گیا کہ انھوں نے اپنے شہر رانچی میں ہوٹل کی تعمیر کیلئے اجازت بھی حاصل کر لی جس میں وہ 300 کروڑ روپے کی سرمایہ کاری کرینگے۔

واضح رہے کہ دھونی کی زوال پذیر ہوتی ہوئی فارم انکی انٹر نیشنل کرکٹ سے رخصتی کا اشارہ دے رہی ہے اس لیے انھوں نے ابھی سے ہی ریٹائرمنٹ کے بعد کی پلاننگ شروع کر دی۔
حال ہی میں انھوں نے دبئی میں اپنی سپورٹس اکیڈمی کھولنے کا اعلان کیا تھا۔دھونی کی انڈین فٹبال اور ہاکی لیگز میں ٹیمیں بھی موجود ہیں جبکہ بعض اور بزنس میں بھی انھوں نے سرمایہ کاری کی ہوئی ہے