Category کھیل

میچ ریفری کی جانب سے دوسرا پیلا کارڈ دکھائے جانے پر رونالڈو مایوس نظر آ رہے ہیں— فوٹو: اے پی
عالمی شہرت یافتہ فٹبالر کرسٹیانو رونالڈو پر اسپینش سپر کپ کے فائنل میں ریڈ کارڈ دکھانے پر ردعمل کے طور پر ریفری کو دھکا دینے کی پاداش میں پانچ میچوں کی پابندی عائد کردی گئی ہے۔

اتوار کو بارسلونا اور ریال میڈرڈ کے درمیان اسپینش سپر کپ کے فائنل کے پہلے لیگ میں رونالڈو کو ریڈ کارڈ دکھا کر میچ سے باہر بھیج دیا گیا جس کے سبب ان پر ایک میچ کی پابندی یقینی ہو گئی تھی۔

ریفری کی جانب سے ریڈ کارڈ دکھائے جانے پر عالمی شہرت یافتہ فٹبالر نے ردعمل ظاہر کرتے ہوئے ریفری ریکارڈو ڈی برگوس کو دھکا دیا تھا جس پر اسپینش فٹبال فیڈریشن نے ان پر پانچ میچوں کی پابندی عائد کردی ہے۔

اس پابندی کے بعد رونالڈو اب بدھ کو اسپینش سپر کپ کے فائنل کے دوسرے لیگ سمیت مزید چار میچوں میں شرکت نہیں کر سکیں گے۔ فیڈریشن کے اس فیصلے کے خلاف اپیل کرنے کیلئے رونالڈو کے پاس دس دن کا وقت ہے۔

رونالڈو گزشتہ سیزن میں فٹنس مسائل سے دوچار ہوئے تھے اور گرمیوں کی طویل چھٹیاں گزارنے کے بعد بھی اب تک مکمل فٹنس کے حصول کیلئے کوشاں ہیں اور یہی وجہ ہے کہ انہیں بارسلونا کے خلاف اہم میچ 58ویں منٹ میں میدان میں اتارا گیا تھا۔

انہوں نے ایک شانادر کک کے ذریعے گول داغ کر ریال میڈرڈ کو 2-1 کی برتری دلائی اور جشن مناتے ہوئے اپنی شرٹ اتار بیٹھے جس پر ریفری نے انہیں پہلا پیلا کارڈ دکھایا۔

دو نٹ بعد وہ دوسرا گول کرنے کی جانب گامزن تھے کہ بارسلونا کے دفاعی کھلاڑی سیمیول امٹیٹی سے ٹکرا کر گر گئے اور پینالٹی کی اپیل کی لیکن ریفری یہ سمجھے کہ وہ جان بوجھ کر گرے ہیں اور انہیں ایک اور پیلا کارڈ دکھا دیا اور یوں قانون کے تحت انہیں ریڈ کارڈ دکھا دیا گیا۔

اس موقع پر رونالڈو کو ریفری کے فیصلے پر یقین نہ آیا اور انہوں نے غصے میں آ کر ریفری کو دھکا دیا۔

فیڈریشن نے اپنے فیصلے میں کہا کہ ریفری کو دھکا دے کر رونالڈو نے ضابطہ اخلاق کے آرٹیکل 89 کی خلاف ورزی کی جس کے تحت کھلاڑی پر چار سے 12 میچوں کی پابندی عائد کی جا سکتی ہے۔
صر یہی نہیں بلکہ اسپینش فٹبال فیڈریشن نے دھکا دینے پر رونالڈو پر ساڑھے تین ہزار ڈالر اور ریال میڈرڈ پر 1650 ڈالر جرمانہ عائد کردیا جبکہ فاؤل پر بھی پرتگالی اسٹار اور ہسپانوی کلب پر جرمانہ کیا گیا ہے۔

پالے کیلے: ہندوستانی کرکٹ کپتان ویراٹ کوہلی نے سری لنکا کے خلاف تیسرے ٹیسٹ اور سیریز میں فتح پر خوشی کا اظہار کرتے ہوئے کہا ہے کہ یہ ہمارے لئے بہت اچھا دن تھا اورہم ٹیم کی مجموعی کارکردگی پر بہت خوش ہیں جس نے تسلسل کے ساتھ اچھا کھیلا جبکہ ایسی آسان فتح ہمیشہ بڑے لطف کا باعث بنتی ہے۔ انہوں نے کہا وہ خاص طور پر ہردک پانڈیا کے کھیل سے متاثر ہوئے ہیں جنہوں نے اس سیریز کے دوران ٹیسٹ کیپ ملنے کے بعد خو دکو بڑی عمدگی سے ٹیسٹ فارمیٹ سے ہم آہنگ کیا ہے جبکہ اس میچ میں ان کا کھیل دیکھنے سے تعلق رکھتا تھا۔ان کا اعتماد ٹیم کے لئے بڑا اثاثہ ثابت ہوگا۔کوہلی نے کہا میری ٹیم نسبتاً نوجوان کھلاڑیوں پر مشتمل ہے اور ہر نئی کامیابی ہمارے جوش وجذبے اور اعتماد میں مزید اضافہ کر تی ہے۔ یقین ہے کہ ہم سب مل کر کم از کم 5سال مزید کھیلتے ہوئے فتوحات سمیٹ سکتے ہیں۔ہندوستانی کپتان نے سری لنکن کھلاڑیوں کی تعریف کرتے ہوئے کہا ان کی صلاحیتیں کسی سے کم نہیں اور یہی وجہ کہ وہ اپنے ملک کی نمائندگی کررہے ہیں۔ انہوں نے آسٹریلیا جیسی ٹیم کو 3-0سے ہرایاتھا لیکن ہماری خوش قسمتی ہے کہ میزبان ٹیم اپنے ردھم میں نہیں آسکی لیکن اسے کمزور نہیں کہا جاسکتا۔

آئی سی سی رکن ملک پاکستان میں کرکٹ بحالی کے لیے اپنا کردار ادا کرے، سربراہ سری لنکن کرکٹ بورڈ۔ فوٹو: فائل
ہر آئی سی سی رکن ملک پاکستان میں کرکٹ بحالی کے لیے اپنا کردار ادا کرے، سربراہ سری لنکن کرکٹ بورڈ۔ فوٹو: فائل
کولمبو: سری لنکا کے کرکٹ بورڈ نے پاکستان کے دورے کا اعلان کردیا جس کے نتیجے میں 8 سال بعد پاکستان میں کرکٹ بحالی کی امید پیدا ہوگئی ہے۔
حکام کے مطابق سری لنکا کرکٹ بورڈ کے سربراہ تھیلنگا سوماتھیپالا نے بتایا کہ سیکورٹی صورت حال کا جائزہ لینے کے بعد ٹیم کو پاکستان جانے کی اجازت دے دی گئی ہے جہاں وہ تین ٹی 20 انٹرنیشنل میچ کھیلے گے جن میں سے ایک میچ لاہور میں ہوگا۔
یہ بھی پڑھیے: سری لنکن کرکٹ بورڈ نے دورہ پاکستان کے امکانات مسترد کردیے
تھیلنگا سوماتھیپالا اپنے بیان میں کہا کہ ’’ہمارے سیکیورٹی ماہرین نے پاکستان کا دورہ کرکے انتظامات کا جائزہ لیا ہے، وہاں معاملات مثبت نظر آئے ہیں اور ملک بھر کے حالات مزید بہتر ہورہے ہیں، خاص طور پر لاہور کے حالات بہت بہتر ہوگئے ہیں‘‘۔
انہوں نے بتایا کہ سری لنکا اور پاکستان کے درمیان ستمبر میں تین میچز ہوں گے جن میں سے کم از کم ایک میچ ہم لاہور میں کھیلنا پسند کریں گے۔آئی سی سی بھی پاکستان میں کرکٹ بحالی کی خواہاں ہے اور تین میچز کی ٹی 20 سیریز کے لیے اگلے ماہ ورلڈ الیون کے پاکستان ٹور کی حمایت کررہی ہے جو سیکیورٹی کلیئرنس سے مشروط ہوگی۔
تھیلنگا سوماتھیپالا نے ایشیائی پڑوسی ممالک پر پاکستان کی حمایت کرنے کے لیے زور دیتے ہوئے کہا کہ ہر آئی سی سی رکن ملک پاکستان میں کرکٹ بحالی کے لیے اپنا کردار ادا کرے اور اس کا ساتھ دے۔ انہوں نے مزید کہا کہ خطرات تو ہمیشہ موجود رہتے ہیں، چمپئنز ٹرافی کے دوران لندن میں دو حملے ہوئے، لیکن آئی سی سی کی سیکیورٹی ضمانت پر وہاں کرکٹ میچ ہوتے رہے، اسی طرح ہمیں بھی ایشیا کے کرکٹ خاندان کے اپنے رکن کی ہرممکن سپورٹ کرنی اور اس کے لیے اپنے دلوں میں گنجائش پیدا کرنی چاہیے۔
یہ بھی پڑھیے: سری لنکن ٹیم پرحملہ!ملکی کرکٹ تاریخ کا سیاہ ترین باب
یاد رہے کہ 2009 میں لاہور میں سری لنکا کی کرکٹ ٹیم پر حملہ ہوا تھا جس کے بعد بین الاقوامی کرکٹ ٹیموں نے پاکستان آنے سے انکار کردیا تھا۔

کولمبو: جشن آزادی کے موقع پر کرکٹ دیوانوں کے لیے اچھی خبر آ گئی۔ سری لنکا نے ستمبر میں پاکستان کا دورہ کرنے کی یقین دہانی کرا دی۔ کولمبو میں پی سی بی چئیرمین نجم سیٹھی اور کرکٹ سری لنکا کے صدر تھلنگا سماتھی پالا کے درمیان کامیاب مذاکرات ہوئے جس کے بعد تھلنگا سماتھی پالا نے پاکستان میں ٹی ٹوینٹی میچ کھیلنے پر آمادگی ظاہر کی۔
ایشین کرکٹ کونسل کے اجلاس سے خطاب کرتے ہوئے سماتھی پالا کا کہنا تھا کہ پاکستان میں سکیورٹی کی صورتحال بہتر ہے اور ایشیائی ممالک کو پاکستان میں کرکٹ کی بحالی میں اپنا کردار ادا کرنا چاہیے۔
پی سی بی چئیرمین نجم سیٹھی نے فیصلے کا خیر مقدم کرتے ہوئے سری لنکا کا شکریہ ادا کیا۔ نجم سیٹھی نے امید ظاہر کی کہ سری لنکا کے بعد دوسری ٹیمیں بھی پاکستان کا دورہ کریں گی۔

(میڈیا پاکستان): جشن آزادی کی مناسبت سے پنجاب سائیکلنگ ایسوسی ایشن کی جانب سے پنجاب سٹیڈیم میں سائیکل ریس کا اہتمام کیا گیا، پنجاب بھر سے تیس سائیکلسٹس نے حصہ لیا۔
پنجاب سٹیڈیم سے سائیکل ریس کا اہتمام کیا گیا جو کاہنہ سے ہوتی ہوئی دوبارہ پنجاب سٹیڈیم پر اختتام پذیر ہو گی۔ ریس میں پنجاب بھر سے تیس سائیکل سواروں نے حصہ لیا۔ریس کی سیکیورٹی کے لئے پولیس کی نفری بھی موجود تھی۔ کسی بھی ہنگامی صورتحال سے نمٹنے کے لئے ریسکیو 1122 کا عملہ ہمراہ رہا۔
سائیکل سواروں کا کہنا تھا کہ وہ سال بھر اس ریس کا انتظار کرتے ہیں اور ریس کے ذریعے پاکستان سے محبت کا پیغام عام کرنا چاہتے ہیں۔

لندن : جمیکا کے سٹار ایتھلیٹ یوسین بولٹ کا کیریئر کامیابی پر ختم نہ ہو سکا، وہ چار سو میٹر ریلے ریس میں اختتامی لائن عبور نہ کر سکے اور زخمی ہو گئے۔
تفصیلات کے مطابق جمیکا کے ایتھلیٹ یوسین بولٹ اپنی کیریئر کی آخری ریس جیتنے میں ناکام ہو گئے اور 400 میٹر ریلے ریس کے دوران زخمی ہو گئے جس کے بعد وہ اختتامی لائن پر بھی نہ پہنچ سکے اور یوں وہ اپنے کیرئیر کا اختتام یادگار نہ بنا سکے جبکہ ان کے مخالف برطانیہ کی ٹیم نے گولڈ میڈل جیت لیا۔
اسی طرح خواتین کی 400 میٹر ریلے ریس امریکی ٹیم کے نام رہی جبکہ مردوں کی 5 ہزار میٹر ریس ایتھوپیا کے مختار ادریس نے جیتی۔ خواتین کے ہائی جمپ مقابلے میں نیوٹرل ایتھلیٹ ماریا نے فتح سمیٹی اور مردوں کے جیولن تھرو کا ایونٹ جرمنی کے جوہانز ویٹر نے اپنے نام کیا۔

(میڈیا پاکستان): پاکستان بلائنڈ کرکٹ کونسل نے ملک کے 17 ٹاپ کرکٹرز کو ماہانہ وظیفہ دینے کا فیصلہ کیا۔ پاکستان بلائنڈ کرکٹ کونسل کے چیئرمین سید سلطان شاہ نے ماہانہ اعزازیہ حاصل کرنے والے کھلاڑیوں کے ناموں کا بھی اعلان کر دیا۔
پاکستان بلائنڈ کرکٹ کونسل کھلاڑیوں کی پورے سال کی کارکردگی کی بنیاد پر کھلاڑیوں کے لئے ماہانہ وظائف کا اعلان کیا۔ اے اور بی کیٹیگری میں تین تین جبکہ سی کیٹیگری میں گیارہ کھلاڑی شامل ہیں۔
پاکستان بلائنڈ کرکٹ کونسل کی جانب سے اعلان کردہ کھلاڑیوں میں اے کیٹیگری میں ناصرعلی، بد رمنیر اور انیس جاوید بی کیٹیگری میں ریاست خان، ہارون خان اور محمد جمیل کے نام شامل ہیں، سی کیٹیگری میں محسن خان، ساجد نواز، ظفر اقبال، اسرار حسن، عامر اشفاق، مطیع اللہ، یاسر ملک، کامران اختر، نعیم اللہ، محمد ارسلان اور محمد راشد کے نام شامل ہیں۔
اے کیٹیگری میں شامل کھلاڑیوں کو 12 ہزارروپے، بی کیٹیگری کو 10 ہزار اور سی کیٹگری کو 9 ہزار روپے ماہانہ ملیں گے۔ پاکستان بلائنڈ کرکٹ کونسل کے چیئرمین سید سلطان شاہ کہتے ہیں کہ کھلاڑیوں کو بہترین سہولیات فراہم کرنے کے لئے کوشاں ہیں۔

پاکستان کرکٹ بورڈ نے ورلڈ الیون کے ممکنہ دورہ پاکستان کو مدنظر رکھتے ہوئے کیریبیئن پریمیئر لیگ(سی پی ایل) اور کاؤنٹی کرکٹ میں شریک کھلاڑیوں کو فوری طور پر وطن واپس بلانے کا فیصلہ کیا ہے۔
بورڈ نے یہ فیصلہ آئی سی سی ورلڈ الیون سیریز کی تاریخوں میں تبدیلی کے پیش نظر کیا گیا ہے جہاں اب یہ سیریز ستمبر کے دوسرے ہفتے میں ہونے کا امکان ہے۔
پاکستان کرکٹ بورڈ نے اسی وجہ سے ورلڈ الیون کے دورے سے قبل نیشنل ٹی20 کپ بھی شیڈول کیا ہے تاکہ ملک میں ہونے والی سیریز کے فوری بعد قومی ٹیم متحدہ عرب امارات میں سری لنکا کے خلاف 24 ستمبر سے شیڈول سیریز کیلئے روانہ ہو سکے۔
جمعے کو بورڈ کی جانب سے جاری بیان میں کہا گیا کہ سینٹرل کنٹریکٹ یافتہ کھلاڑیوں کو کیریبیئن پریمیئر لیگ اور کاؤنٹی کرکٹ کھیلنے کی اجازت اس شرط پر دی گئی تھی کہ اگر آئی سی سی ورلڈ الیون کی سیریز ستمبر میں منعقد ہوئی تو انہیں واپس طلب کر لیا جائے گا۔
کھلاڑیوں کو قومی ٹیم مینجمنٹ کی جانب سے 25 ستمبر سے شروع ہونے والے نیشنل ٹی20 ٹورنامنٹ سے قبل ملتان میں فٹنس ٹیسٹ اور ٹریننگ کیمپ میں رپورٹ کرنے کی ہدایت کی گئی۔
کھلاڑیوں کو کہا گیا ہے کہ وہ کوچ مکی آرتھر کو فٹنس اور میڈیکل ٹیسٹ کیلئے 22 اگست کو نیشنل کرکٹ اکیڈمی میں رپورٹ کریں جس کے بعد نیشنل ٹی ٹوئنٹی کا انعقاد ہو گا اور کھلاڑی قومی ٹیم مینجمنٹ کی زیر نگرانی سیریز کی تیاری کیلئے ٹریننگ کیمپ میں شرکت کریں گے۔

لاہور: (میڈیا پاکستان )نیشنل ٹی ٹوئنٹی کپ 2017 کے لیے کھلاڑیوں کی ڈرافٹنگ مکمل کرلی گئی جس کے مطابق قومی کرکٹ ٹیم کے کپتان سرفراز احمد کراچی وائٹس جبکہ حیرت انگیز طور پر اسپاٹ فکسنگ میں سزا یافتہ سابق کپتان سلمان بٹ کو لاہور بلیوز کا کپتان مقرر کردیا گیا۔
نیشنل ٹی ٹوئنٹی کپ 2017 کے میچز ملتان اور فیصل آباد میں منعقد کیے جائیں گے جبکہ ٹورنامنٹ کا آغاز رواں ماہ 25 اگست سے ہوگا جو 10 ستمبر تک جاری رہے گا جس میں ریجنز کی آٹھ ٹیمیں شرکت کریں گی۔
کھلاڑیوں کی ڈرافٹنگ کے دوران چیف سلیکٹر انضمام الحق، ڈائریکٹر کرکٹ آپریشنز ہارون رشید، ڈائریکٹر اکیڈمیز مدثر نذر اور نیشنل کرکٹ اکیڈمی کے کوچ مشتاق احمد بھی موجود تھے۔
اسلام آباد
اسلام آباد ریجن کی قیادت عماد وسیم کر رہے ہیں جبکہ دیگر اہم کھلاڑیوں میں حسن علی، شان مسعود، راحت علی، عمر گل اور شعیب ملک شامل ہیں

انقرہ: پاکستان ٹیم ٹو نےعالمی اسنوکر چیمپین شپ جیت لی . پاکستان ٹونے فائنل میں پاکستان ون کوسنسنی خیز مقابلے کے بعد5-4 سے شکست دی.بابرمسیح اور محمد آصف پرمشتمل ٹیم نے سجاد اور اسجدپر مشتمل ٹیم کو شکست دی.
تفصیلات کے مطابق پاکستان ٹیم ٹو نے پاکستان ٹیم ون کو سخت مقابلے کے بعد شکست دی۔ پاکستان ٹیم ٹو نے گولڈ میڈل جبکہ ٹیم ون نے سکور میڈل اپنے نام کیا۔دونوں پاکستانی ٹیموں نے اچھے کھیل کا مظاہرہ کیا اور فریم 4-4 سے برابر تھا لیکن فائنل فریم میں ٹیم ٹو نے بہتر کارکردگی کا مظاہرہ کرتے ہوئے ٹیم ون کو شکست سے دوچار کیا۔