Category کھیل

انٹرنیشنل کرکٹ کونسل (آئی سی سی) کی جانب سے ورلڈکپ 2024 کے لیے براہ راست کوالیفائی کرنے والی ٹیموں کا اعلان کردیا گیا ہے جس کے تحت پاکستان ویمنز ٹیم ٹی ٹوئنٹی ورلڈ کپ کی 6 ٹاپ ٹیموں اور میزبان ملک کے بعد بہتر رینکنگ کی ٹیم قرار پائی۔

آئی سی سی کے مطابق ٹی ٹوئنٹی ورلڈکپ کے لیے8 ٹیموں نے براہ راست کوالیفائی کیا ہے جب کہ دو ٹیمیں گلوبل کوالیفائر سے آئیں گی، 8 ٹیموں نے جنوبی افریقا میں ہونے والے ٹی ٹوئنٹی ورلڈکپ کی بنیا د پر کوالیفائی کیا، ہر گروپ کی ٹاپ تین ٹیموں نے براہ راست کوالیفائی کیا ہے۔

گروپ ون سے آسٹریلیا، نیوزی لینڈ اور انگلینڈ نے براہ راست کوالیفائی کیا جب کہ گروپ ٹو سے انگلینڈ، بھارت اور ویسٹ انڈیز نے براہ راست کوالیفائی کیا۔

بنگلا دیش نے میزبان کی حیثیت سے ورلڈکپ کے لیے کوالیفائی کیا جب کہ پاکستان ان ٹیموں کے بعد بہتر رینکنگ پر موجود ٹیم ہے۔

رواں برس ورلڈکپ کھیلنے والی سری لنکا اور آئر لینڈ کی ٹیمیں براہ راست اگلے ٹی ٹوئنٹی ورلڈ کپ کے لیے کوالیفائی نہیں کر سکیں۔

اسلام آباد یونائیٹڈ کے کپتان شاداب خان کا کہنا ہے کہ شادی کے بعد بس روم میں رہنے لگا ہوں اور کھانا بیگم کے ساتھ کھاتا ہوں ۔

نجی میڈیا سے ویڈیو کال گفتگو کے دوران شاداب نے بتایا کہ میری شادی اتنی اچانک ہوئی  کہ مجھے بھی یقین نہیں آتا، میری کراچی میں شوٹ تھی اور اس کے بعد اسی رات بگ بیش لیگ کیلئے میری رات 2 بجے کی فلائٹ تھی، میری انگلی کا ایشو تھا جس کیلئے کروائے گئے ایکسرے کی رپورٹ بھی اسی  شام کو آنی تھی،  اس شام جب میری رپورٹ آئی تو ڈاکٹڑ نے مجھے جانے سےمنع کردیا، جس کے بعد میں اگلے روز 6 سے 7 بجے کے درمیان گھر پہنچ گیا وہاں پہنچا تو  8 بجے میری منگنی ہوگئی اور اس کے اگلے روز ہی نکاح ہوگیا

شادی کے بعد آنے والی تبدیلی پر بات کرتے ہوئے شاداب خان کا کہنا تھا کہ روٹی گینگ بنایا ہوا تھا لیکن اب بیگم آگئی ہے تو بیگم کے ساتھ کھانا کھاتا ہوں، کنوارے دوست  طعنے مارتے ہیں کہ بیگم کے ساتھ زیادہ رہتا ہوں کیوں کہ شادی شدہ دوست سمجھتے ہیں  ان پر گزر چکی ہے، شادی کو عرصہ ہی کم ہوا ہے فی الحال کوئی تبدیلی نہیں آئی بس اب کمرے میں زیادہ رہنے لگا ہوں۔

حارث رؤف  کی سلامی والے لفافے پر بات کرتے ہوئے کپتان شاداب خان کا کہنا تھا کہ حارث رؤف  نے میری شادی پر انویسٹمنٹ کی ہے لیکن اب اس کی شادی ہونی ہے اور وہ اپنی شادی پر اس انویسمنٹ کا دگنا وصول کرنا چاہتا ہے۔

واضح رہے کہ رواں ماہ شاداب خان سابق  کوچ ثقلین مشتاق کی صاحبزادی کے ساتھ رشتہ ازدواج میں منسلک ہوئے تھے۔

سابق کپتان شاہد آفریدی نے  پشاور زلمی کے کپتان  بابر اعظم سے متعلق گفتگو میں کہا کہ بابر ایک اچھا پلیئر ہے لیکن بطور میچ فنشر بابر نے اب تک خود کو ثابت نہیں کیا۔

نجی  ٹی وی کے شو میں بات کرتے ہوئے شاہد آفریدی نے  26 فروری کو پشاور اور لاہور کے درمیان ہونے والے میچ سے متعلق گفتگو کی۔

سابق کپتان نے بابر کی پرفارمنس پر بات کرتے ہوئے کہ  ’ اس میں یہ خاصیت ہے کہ  بابر وکٹ پر  کھڑے رہ کر دوسرے کھلاڑیوں کو کھلا سکتا ہے کیوں کہ بابر سیٹ ہونے میں  کچھ وقت لیتا ہے، اس میں کوئی شک نہیں کہ بابر ورلڈ کا نمبر ون پلیئر ہے، اس ملک کی پہچان ہے لیکن ایک چیز  بابر کےڈی  ویلیئر اور ویرات کوہلی کے لیول پر  آنے میں رکاوٹ بنتی  ہے وہ فنشنگ ہے، بطور میچ ونر بابر نے اب تک خود کو ثابت نہیں کیا،  میری خواہش ہے کہ بابر میچ فنشر بن کر  میچ کو ختم کرے‘۔

شاہد آفریدی کے بیان پر بابر کے دوست اور پاکستانی پلیئر  امام الحق نے بھی اپنا مؤقف بتایا کہ  بابر کا دوست ہوں  لہٰذا ہماری ڈسکشن میں بھی یہ چیز آتی ہے اور بابر بھی اس چیز کو تسلیم کرتا ہے کہ جس طرح وہ اتنی کرکٹ کھیل چکا ہے تو وہ میچ کو ختم بھی کرکے جائے۔

امام الحق نے کہا کہ بابراعظم بھی تسلیم کرتا ہے  مجھ میں یہ چیز آنی چاہیے کہ  میچ  کو درمیان میں چھوڑ کر جانے کے بجائے میچ فنش کروں جس کے لیے بابر کو اپنے اسٹرائیک ریٹ پر بھی کام کرنا چاہیے تاکہ وہ ففٹی ہوتے ہی اپنی مرضی سے ایسا کھیلے کہ بولر بھی اس کا سامنا کرنے سے  ڈرے۔

اسلام آباد:پاکستان کرکٹ ٹیم کے سابق آل راؤنڈر عبدالرزاق نے کہا ہے کہ بابر اعظم کو اپنے اندر تبدیلی لانی ہوگی۔نجی ٹی وی پروگرام میں گفتگو کی کرتے ہوئے انہوں نے کہا کہ ہمیں اس طرح کی کرکٹ نہیں دیکھنی، پشاور کے 3 کھلاڑیوں نے 14 گیندوں پر 8 رن بنائے۔انہوں نے کہا کہ بابر اعظم ہمارے کپتان ہیں، وہ جونیئر ہیں۔

لاہور: پاکستان سپر لیگ کے آٹھویں سیزن کے میچز لاہور میں دیکھنے والوں نے اگر اسٹیڈیم میں کچرا پھینکا تو انہیں جرمانہ دینا پڑے گا۔لاہور ویسٹ مینجمنٹ کمپنی نےقذافی اسٹیڈیم کو زیرو ویسٹ زون ڈیکلیئر کردیا۔ پی ایس ایل میچز کے دوران کچرا پھینکنے والے تماشائیوں کو جرمانہ ادا کرنا پڑے گا۔ایل ڈبلیو ایم سی کے مطابق اسٹیڈیم میں کچرا پھیلانے والے ہر تماشائی کو 100 روپے جرمانہ کیا جائے گا۔ لاہور ویسٹ مینجمنٹ کمپنی نے پی ایس ایل کے لیے قذافی اسٹیڈیم میں ہونے والے میچز کے حوالے سے تیاری مکمل کر لی ہے۔ قذافی اسٹیڈیم کے 12 انکلوژرز کی صفائی کا کام آج مکمل کرلیاجائیگا۔حکام کے مطابق 125سے زائد ملازمین اسٹیڈیم کیاندر اور 70باہرتعینات ہیں۔تماشائیوں کی پارکنگ اور ملحقہ راستوں پر 110ورکرز تعینات رہیں گے۔خیال رہے کہ لاہور کے قذافی اسٹیڈیم میں پی ایس ایل 8 کا پہلا میچ اتوار 26 فروری کو لاہور قلندرز اور پشاور زلمی کے درمیان کھیلا جائے گا۔

نئی دہلی :بھارت کے خلاف ٹیسٹ سیریز کے تیسرے ٹیسٹ میچ میں آسٹریلوی کپتان پیٹ کمنز کی جگہ اسٹیو اسمتھ ٹیم کی قیادت کریں گے۔ کرکٹ آسٹریلیا کے مطابق پیٹ کمنز فیملی میں بیماری کے باعث دوسرے ٹیسٹ میچ کے بعد وطن واپس چلے گئے تھے تاہم اب اطلاعات ہیں کہ پیٹ کمنز تیسرے ٹیسٹ سے قبل بھارت واپس نہیں پہنچ سکیں گے اور ان کی جگہ اسٹیو اسمتھ کمنز کی جگہ ٹیم کی قیادت کریں گے۔ پیٹ کمنز کا کہنا ہے کہ میں نے بھارت واپس جانے کا ابھی فیصلہ نہیں کیا، والدہ بیمار ہیں، میں نے مناسب سمجھا ہے کہ فیملی کے ساتھ رہوں ،کرکٹ آسٹریلیا اور فیملی کے سپورٹ کرنے پر شکریہ ادا کرتا ہوں۔ واضح رہے کہ آسٹریلیا اور بھارت کے مابین تیسرا ٹیسٹ یکم مارچ سے شروع ہو گا، 4 ٹیسٹ میچز کی سیریز میں بھارت کو 2 صفر کی برتری حاصل ہے۔

ایچ بی ایل پی ایس ایل میں کراچی کنگز کے محمد عامر گروئن انجری کا شکار ہوگئے ہیں جس کے باعث وہ ملتان سلطانز سے میچ کے لیے دستیاب نہیں ہوں گے۔

محمد عامر اپنی ٹیم کراچی کنگز کے ہمراہ ملتان کا سفر بھی نہیں کریں گے اور ان کا ری ہیب کراچی میں ہی جاری رہے گا۔

کراچی کنگز انتظامیہ اتوار کے میچ میں محمد عامر کی دستیابی کے لیے پرامید ہے۔

لاہور:پاکستانی نژاد برطانوی بزنس مین محمد اسد شمیم انگلینڈ اور متحدہ عرب امارات میں فٹ بال کے کھیل کو گراس روٹ لیول سے فروغ دیں گے۔تفصیلات کے مطابق انٹرنیشنل فٹ بال ایسوسی ایشن سیون (IFA7 ) نیبرطانیہ میں فرنیچر ان فیشن کے سب سے بڑے آن لائن فرنیچر اسٹورز میں سے ایک کے چیف ایگزیکٹو آفیسر پاکستانی نژاد برطانوی بزنس مین اور کھیلوں سے بے پناہ محبت کرنے والے شخص محمد اسد شمیم کو متحدہ عرب امارات(یو اے ای) اور برطانیہ کیلئے نائب صدر مقرر کردیا ہے۔انٹرنیشنل فٹ بال ایسوسی ایشن سیون (IFA7 )کے صدر ڈینیل بالکورٹا کا کہنا تھا کہ انٹرنیشنل فٹ بال ایسوسی ایشن سیون کی گورننگ باڈی نے اسد شمیم کو متحدہ عرب امارات اور برطانیہ کیلئے نائب صدر مقرر کیا ہے۔’’ ہم اسد شمیم کے IFA7 ٹیم میں شامل ہونے پر خوش ہیں‘‘ امید ہے کہ اسد شمیم فٹ بال کے کھیل کو گراس روٹ لیول سے فروغ دینے میں اہم کردار ادا کریں گے۔اسد شمیم کا کہنا تھا کہ انٹرنیشنل فٹ بال ایسوسی ایشن سیون (IFA7 ) نے مجھے فٹ بال کی ترقی کیلئے نائب صدر برائے متحدہ عرب امارات(یو اے ای) اور برطانیہ بنا کرجو اہم ترین ذمہ داری سونپی ہے میں اس کو پوری ایمانداری کے ساتھ نبھائوں گا،فٹ بال کے فروغ کیلئے گراس روٹ لیول پر محنت کرنا بہت ہی ضروری ہے اور اس حوالے سے دیگر ذمہ داروں کے ساتھ ملکر ایک پلان مرتب کروں گا تاکہ نیا ٹیلنٹ سامنے لایا جا سکے۔

پاکستان کرکٹ بورڈ کی جانب سے جاری پریس ریلیز کے مطابق آج کراچی کنگز اور کوئٹہ گلیڈی ایٹرز کی ٹیمیں اپنی مکمل اسٹرینتھ کے ساتھ نیشنل بینک کرکٹ ارینا میں میدان میں اتریں گی اور دونوں ٹیموں کے درمیان مقررہ وقت پر شام 7 بجے میچ شروع ہو گا۔

پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے بھی تصدیق کی ہے کہ جمعے کے روز ہونے والے دہشت گردی کے واقعے کا کرکٹ سے کوئی تعلق نہیں ہے لہذا پی ایس ایل اپنے طے شدہ شیڈول کے مطابق جاری رہے گی۔

نجم سیٹھی کا کہنا ہے کہ ہم مقامی اور غیر ملکی سکیورٹی ماہرین سمیت تمام اسٹیک ہولڈرز کے ساتھ کام کر رہے ہیں، تمام اسٹیک ہولڈرز کا بھی یہی کہنا ہے کہ ٹورنامنٹ کو جاری رکھا جائے۔

ان کا کہنا ہے کہ ایسے حالات چلتے رہتے ہیں، ہم پیچھے نہیں ہٹیں گے ، پی ایس ایل کو پاکستان لانا اور  برقرار رکھنا ایک چیلنج ہے، حکومت سے ایک روپیہ نہیں لیتے بلکہ ٹیکس دیتے ہیں۔

پی سی بی کے اعلامیے میں کہا گیا ہے کہ ہم تمام ٹیموں اور پی ایس ایل سے جڑے تمام افراد کی سکیورٹی کو بہت اہمیت دیتے ہیں اور سکیورٹی میں کسی قسم کی کمی کے خدشے کے پیش نظر انہیں صدارتی لیول کی سکیورٹی فراہم کر دی گئی ہے، ایسی ہی سکیورٹی بین الاقوامی ٹیموں کو بھی دی گئی تھی جسے مہمان ٹیموں کے کھلاڑیوں اور حکام کی جانب سے سراہا بھی گیا۔

پاکستان سپر لیگ 8 کی فرنچائز لاہور قلندرز کے فاسٹ بولر زمان خان کا کہنا ہے کہ لاہور قلندرز اور کراچی کنگز کا میچ پوری دنیا دیکھتی ہے۔

زمان خان نے کہا کہ دونوں ٹیموں کے مابین میچ ہمیشہ ٹف ہوتا ہے، فینز اس میچ سے بہت لطف اندوز ہوتے ہیں۔

قلندرز کی جانب سے کھیلنے والے طاہر بیگ نے کہا کہ جب پی ایس ایل نہیں کھیل رہے تھے تب بھی اس میچ کا بے صبری سے انتظار کرتے تھے، ہمیشہ کی طرح اس مرتبہ بھی میچ کا بہت مزہ آئے گا۔

کرکٹرز شاویز عرفان نے کہا کہ لاہور قلندرز اور کراچی کے میچ پر سب کی نظریں ہوتی ہیں، شاہین آفریدی اور میتھیو ویڈ کا ٹاکرا دیکھنے والا ہو گا۔

دوسری جانب سابق کرکٹر عاقب جاوید نے کہا کہ پاک بھارت میچ کے بعد کرکٹ فینز لاہور اور کراچی کا میچ دیکھنے کا انتظار کرتے ہیں، فاسٹ بولنگ کے شعبہ میں لاہور قلندرز کو کراچی کنگز پر برتری حاصل ہے۔advertisement