Category فٹ بال

لاہور(ایمرا نیوزآن لائن) رونالڈو کوجشن منانا مہنگا پڑگیا اور اب رونالڈو کو پابندی کا سامنا کرنا پڑ سکتا ہے.
کرسٹیانو رونالڈو مشکل میں پڑ گئے،چیمپئنز لیگ کےمیچ میں ایٹلیکٹو میڈرڈ کےخلاف گول کرکےجشن منانا مہنگا پڑگیا۔دُنیائے فٹ بال کے اسٹار کھلاڑی کرسٹیانو رونالڈو نے چیمپئنز لیگ کے راؤنڈ آف سکسٹین میں ایٹلیکٹو میڈرڈ کے خلاف ہیٹ ٹرک کے ذریعے اپنی ٹیم کو کوارٹر فائنل میں پہنچایا۔رونالڈو نے تیسرا گول کرنے کے بعد جو جشن منایا وہ یوئیفا کو بالکل بھی نہیں بھایا، انہوں نے جشن کے انداز پرڈسپلنری ایکشن لے لیا۔اُن کے مطابق یہ ایک نازیبا حرکت ہے جس کا خمیازہ رونالڈو کو جرمانے کے علاوہ پابندی کا بھی سامنا کرنا پڑ سکتا ہے،جمعرات 21 مارچ کو اس کا فیصلہ سُنایا جائے گا۔

جرمن کلب شالکے چیمپئنز لیگ مقابلوں سے خارج
مانچسٹر سٹی نے شالکے کو 7-0 سے بڑی شکست دی ، یوَوینٹس ٹیورین بھی کوارٹر فائنل میں پہنچ گئی
برلن(ایمرا نیوز آن لائن)جرمنی میں بنڈس لیگا کی ایک بڑی فٹ بال ٹیم شالکے چیمپئنز لیگ مقابلوں سے خارج ہو گئی ہے۔ انگلینڈ کی ٹیم مانچسٹر سٹی کےخلاف اپنے دوسرے پری کوارٹر فائنل میچ میں شالکے کو صفر کے مقابلے میں سات گول سے بہت بڑی شکست کا سامنا کرنا پڑا۔ اس سے پہلے مانچسٹر سٹی کے خلاف اپنا پہلا پری کوارٹر فائنل میچ بھی شالکے دو کے مقابلے میں تین گول سے ہار گئی تھی۔ گزشتہ رات ہونے والے میچوں کے بعد مانچسٹر سٹی اور اٹلی کی فرسٹ ڈو یژن لیگ کی ٹیم یووَینٹس ٹیورین بھی چیمپئنز لیگ کے کوارٹر فائنل میں پہنچ گئی ہیں۔

روم (ایمرا نیوز آن لائن)کرسٹیانو رونالڈو کی اتوار کے روز نیپولی کے مقام پر جیووینٹس کی طرف سے سیری اے مقابلے میں شرکت مشکوک ہوگئی ہے،جیسا کہ بولوگنا کے مقام پر اختتام ہفتہ پر 1-0سے کامیابی والے میچ کے دوران ان کا ٹخنہ زخمی ہوگیا تھا،اس بات کا اعلان کلب نے گزشتہ روز کیا۔جیووینٹس نے اپنی ویب سائٹ پر کہا کہ سی آر سیون کیلئے آج اور کل طبی معائنے کا شیڈول ہے،جیسا کہ بولوگنا کے خلاف میچ کے دوران ان کے بائیں ٹخنے میں چوٹ آگئی تھی۔چیمپئنز جیووینٹس لیگ میں نیپولی کے 13پوائنٹس کو کلیئر کرتے ہوئے دوسرے نمبر پر پہنچ گئے ہیں اور کوچ مسی ملیانو الیگری پرتگالی کھلاڑی کو میچ سے باہر بٹھا سکتے ہیں،کیونکہ وہ جانتے ہیں کہ شکست کی صورت میں بھی لگاتار 8واں ٹائٹل جیتنے کی ان کی کوشش کو کوئی سنگین نقصان نہیں پہنچے گا۔جیووینٹس 12مارچ کو چیمپئنز لیگ میں اٹلیٹیکو میڈرڈ کی میزبانی کر رہے ہیں،جنہیں 2-0کے خسارے کا سامنا ہے۔لالیگا کلب کے ساتھ اپنے آخری 16ٹیموں کے مابین میچ کے سلسلے میں پہلے مرحلے میں وانڈا میٹرو پولیٹانو کے مقام پر وہ ناقابل شکست رہے تھے۔

گرائونڈ میں لگے فٹبال پول اکھاڑ دئیے ‘ فٹبالرز کا احتجاج
جیکب آباد(ایمرا نیوز آن لائن) جیکب آباد میں نامعلوم افراد نے شاہ لطیف فٹبال اسٹیڈیم گرائونڈ پر غیر قانونی میلہ لگانے کے لیے سامان اتارنا شروع کردیا،گرائونڈ میں لگے فٹبال کے پول اکھاڑ دئیے ، گھڑے کھود کر گرائونڈ کا ستیاناس کردیا، فٹبالرز کا احتجاج، ضلع انتظامیہ معاملے سے بے خبر۔ تفصیلات کے مطابق جیکب آباد میں واقع شاہ عبدالطیف فٹبال اسٹیڈیم گرائونڈ پر نامعلوم افراد نے غیر قانونی طور پر میلہ لگانے کے لیے سامان اتارنا شروع کردیا ہے، ٹرکوں میں سامان لاد کر گرائونڈ میں رکھا جارہا ہے جبکہ گرائونڈ میں لگے فٹبال کے پول بھی اکھاڑ دئیے گئے ہیں اور پورے گرائونڈ میں جگہ جگہ گھڑے کھود کر گرائونڈ کا ستیاناس کردیا گیا ہے، ڈسٹرکٹ فٹبال ایسوسی ایشن کے رہنمائوں نے فٹبالر سہراب کھوسو کی قیادت میں احتجاجی مظاہرہ کیااس موقع پر انہوں نے کہا ہے کہ بغیر کسی اجازت کے گرائونڈ میں غیر قانونی طور پر میلہ لگانے کی کوشش کی جارہی ہے منع کرنے پر ہمیں دھمکایا جارہا ہے، نامعلوم افراد نے فٹبال گرائونڈ کو مکمل کنڈر بنا دیا ہے ،گرائونڈ میں لگے پول اکھاڑے گئے ہیں جگہ جگہ گھڑے کھودے گئے ہیں پوئلین کی حالت خراب کردی گئی ہے، انہوں نے کہا کہ کھیل اور کھلاڑیوں سے کھلواڑ بند کیا جائے ،انہوں نے کہا کہ گرائونڈ میں اس وقت لیزر لیگ کے میچز چل رہے ہیں اور ہمارے 5رائونڈ ہوچکے ہیں جبکہ 6رائونڈ شروع ہونے والا ہے لیگ کے 7رائونڈ ہونگے جس کے بعد اس لیگ کی چیمپیئن اکتوبر2019 سعودی عرب میں ہونے والے سوکا ورلڈ کپ کے لیے مئی 2019میں اسلام آباد میں ہونے والے کوالیفائی رائونڈ میں شرکت کرے گی اگر اسٹیڈیم گرائونڈ میں اس طرح غیر قانونی میلہ لگایا گیا تو ہمارے کھلاڑیوں کا مستقبل دائو پر لگ جائے گاکیوں کہ جب تک لیزر لیگ مکمل نہیں ہوگی ہماری ٹیم اسلام آباد میں ہونے والی کوالیفائی رائونڈ میں حصہ نہیں لے سکے گی، انہوں نے لیزر لیگ پاکستان کے چیف پیٹرن وفاقی وزیر محمد میاں سومرو نے مطالبہ کیا کہ اسٹیڈیم میں لگنے والے غیر قانونی میلے کو ختم کرایا جائے بصورت دیگر شدید احتجاج کیا جائے گا، اس سلسلے میں رابطہ کرنے پر اسسٹنٹ کمشنر ناصر عباسی نے کہا کہ ضلع انتظامیہ کی جانب سے ابھی تک کسی کو میلے کی اجازت نہیں دی گئی ہمیں درخواستیں موصول ہوئی تھیں مگر تاحال کسی کو اجازت نہیں دی، البتہ شاہ لطیف فٹبال گرائونڈ میں سامان اتارنے کے متعلق ہمیں کوئی علم نہیں، دوسری جانب پولیس ذررائع نے بتایا کہ ڈپٹی کمشنر کی جانب سے 11فروری سے 25فروری تک جشن بہاراں کے نام سے میلے کی سیکورٹی کے لیے درخواست موصول ہوئی ہے ۔

ایمنسٹی نے قطر میں کام کرنے والے مزدوروں کی حالت زار پر تشویش ظاہر کردی
صنعاء(ایمرا نیوز آن لائن) انسانی حقوق کی عالمی تنظیم ایمنسٹی انٹرنیشنل نے ایک بار پھر خبردار کیا ہے کہ قطر اپنے ان وعدوں کو پورا نہیں کر رہا ہے جو اس نے 2022 کے فٹبال ورلڈ کپ کی تیاریوں کے سلسلے میں اپنی سرزمین پر کام کرنے والے ہزاروں غیر ملکی ورکروں کے وسیع پیمانے پر استحصال پر روک لگانے کے حوالے سے کیے تھے۔غیرملکی خبررساں ادارے کے مطابق ایمنسٹی نے اپنی رپورٹ میں بتایا کہ اصلاح کی نمایاں کارروائی کے باوجود متعدد ورکروں کو ابھی تک سخت حالات کا سامنا ہے۔اگرچہ ایمنسٹی کی رپورٹ صرف ورلڈکپ 2022 کے انفرا اسٹرکچر میں براہ راست کام کرنے والے 30 ہزار ورکروں سے نہیں بلکہ قطر میں کام کرنے والے دس لاکھ غیر ملکی ورکروں کے متعلق ہے ، تاہم بین الاقوامی تنظیم کا کہنا تھا کہ فٹبال کے عالمی اتحاد (فیفا) پر اس خراب برتاو¿ کی ذمّے داری عائد ہوتی ہے۔ایمنسٹی نے قطر سے بھی مطالبہ کیا کہ وہ سماجی قوانین اور ان کے نفاذ کو مضبوط بنائے۔

لاہور(ایمرا نیوزآن لائن)دنیا کے عظیم فٹ بالر کرسٹیانو رونالڈو آج اپنی 34 ویں سالگرہ منارہے ہیں، کرسٹیانو رونالڈو 5 فروری 1985 کو پرتگال میں پیدا ہوئے، کرسٹیانو رونالڈو نے اپنی ابتدائی زندگی بہت غربت میں گزاری، ان کے گھر والے بہت غریب تھے کرسٹیانو رونالڈو کے والد ایک باورچی تھے.
https://emra.tv/2019/02/05/ننکانہ-صاحب-کشمی…ے-اظہار-یکجہتی-ک/
کرسٹیانو رونالڈو کو 7 سال کی عمر میں فٹ بال کا شوق ہوا، کرسٹیانو رونالڈو نے 2003 میں پرتگال کے اسپورٹنگ کلب سے پروفیشنل کیرئیر کا آغاز کیا اور دیکھتے ہی دیکھتے انہوں نے فٹ بال کی دنیا میں تحلکہ مچا دیا، بڑے بڑے فٹ بال کلب کرسٹیانو رونالڈو کے دیوانے ہوگئے اور کرسٹیانو رونالڈو کو اپنے کلب سے کھلانے کے لیے بڑ ے پیسے دینے لگے. کرسٹیانو رونالڈو نے کئی سال مانچسٹر یونائیٹڈ سے کھیلا اور کئی بڑے ریکارڈ اپنے نام کیے اور مانچسٹر یونائیٹڈ نے بھی کرسٹیانو رونالڈو کی قیادت میں بڑے اعزات حاصل کیے. 2009ء میں ریال میڈرڈ نے رونالڈو کو دنیا کے مہنگے ترین کھلاڑی کے طور پر اپنی ٹیم میں شامل کرلیا.کرسٹیانو رونالڈو کے ساتھ ریال میڈرڈ نے تین بار چیپئن ٹرافی جیتی. کرسٹیانو رونالڈو نے اپنے ملک پرتگال کو بھی بڑے میچز جیتائے، کرسٹیانو رونالڈو کی قیادت میں پرتگال نے 2016 کا یورو کپ اپنے نام کیا. آج کل رونالڈو juventus کلب کی طرف سے کھیل رہے ہیں.

لاہور(سپورٹس ڈیسک/ایمرا نیوز) پاکستان کی تاریخ میں پہلی بار نادرن ایریاز میں فٹ بال کے میچز کا آغاز کردیا گیا ہے۔لیژر لیگز کے زیراہتمام ملک کے نادرن ایریاز ہنزہ، گلگت اور گیزرمیں بیک وقت ہفتہ وار لیگز شروع ہوگئی ۔ نادرن ایریاز میں اس بار توقع سے زیادہ برف باری ہورہی ہے، اس وقت موسم سرما کی شدید ترین ٹھنڈ اور برفباری کا سلسلہ جاری ہے۔ لیژر لیگس کے عہدیداروں نے اس موسم کو فٹ بال کے میچز کے انعقاد سے یادگار بنا دیا اور مقامی کھلاڑی برف سے ڈھکی ہوئی وادیوں میں فٹ بال کے مقابلوں سے پوری طرح محظوظ ہورہے ہیں۔ لیژر لیگز فٹ بال کے مقابلوں کے ساتھ ساتھ نادرن ایریاز کے کھلاڑیوں کو نہ صرف فٹبال کی سرگرمیوں کی جانب راغب کیا گیا ہے بلکہ ان کھلاڑیوں کو لیژرلیگز نیشنل چیمپئن شپ کھیلنے کا موقع بھی فراہم کردیا۔ چیمپئن شپ کی فاتح ٹیم کو آئی ایس ایف اے ورلڈ کپ میں بھی کھیلنے کا سنہری موقع بھی حاصل ہوگا۔ نادرن ایریاز کے کھلاڑیوں کو ماضی میں نظر انداز کی جاتا رہا ہے لیکن ٹرنک والا فیملی نے لیژر لیگز کے ذریعے برف پوش علاقوں میں رہنے والے باصلاحیت کھلاڑیوں کو قومی اور بین الاقوامی کھیلوں کے دھارے میں شامل کرنے کا مکمل پروگرام ترتیب دیا ہے۔ آرگنائزرز کی اس کاوش کو نہ صرف مقامی بلکہ ملکی سطح پر سراہا جارہا ہے۔

نادرن ایریاز کے ہنزہ، گلگت اور گیزرمیں 8,8ٹیموں کی لیگز کا انعقاد کیا گیا ہے۔ لیگز میں ہر ٹیم اپنے گروپ میں 14,14میچز کھیلے گی جو ہفتہ وار ہوں گے۔ یہ مقابلے ساڑھے تین ماہ جاری رہیں گے اور اس دوران تمام کھلاڑی نہ صرف ان مقابلوں سے محظوظ ہونگے بلکہ ان کی ہر ممکن کوشش ہوگی کہ پہلے وہ نیشنل چمپئن شپ میں اپنی جگہ مستحکم کریں اور پھر ورلڈ کپ کی دوڑ میں شامل ہوکر فاتح کی حیثیت سے اکتوبر 2019میں یونان کا ٹکٹ حاصل کریں۔ لیژر لیگس کے سی او او سید اسحق شاہ نے کہا ہے کہ دنیا میں سب سے زیادہ کھیلے جانے والے فٹبال کھیل کو تمام کھیلوں پر مکمل برتری حاصل ہے جو فیفا سے الحاق رکھنے والے 207ملکوں میں یکساں مقبول ہے اور دنیا کے ہر حصہ میں انتہائی زوق و شوق سے کھیلا جاتا ہے۔ کوشش کی جارہی ہے ملک ہر ہر شہر، قصبوں گائوں میں اس کھیل کو نوجوانوں کی پہنچ میں لایا جارہا ہے۔ انشاء اﷲ وہ دن دور نہیں جب چیئرمین ورلڈ گروپ محمود ٹرنک والا کی یہ خواہش کہ فٹ بال کو پاکستان کا مقبول ترین کھیل بنایا جائے، جلد مکمل ہوجائے گا۔ پاکستان کے نوجوانوں کو فٹبال کا انفرااسٹرکچر بنا کر دے رہے ہیں جہاں انہیں فٹبال کھیل کی وہ تمام جدید سہولتیں حاصل ہورہی ہے جو دنیا کے کسی اور ملک میں فٹبالرز کو حاصل ہوتی ہیں۔ لیژرلیگس جلد پاکستان میں فٹبال کھیل کی تقدیر بدل دے گا اور اس کے مثبت نتائج برامد ہوں گے اور دنیا بھر میں پاکستان کا شمارفٹبال کھیل میں تیزی سے ترقی حاصل کرنے والے ممالک میں ہونے لگے گا۔

لاہور(سپورٹس ڈیسک/ایمرا نیوز) عالمی شہرت یافتہ فٹبالرز ریکارڈو کاکا اور لوئس فیگو پاکستان پہنچ گئے۔پاکستان میں فٹبال کے فروغ کے سلسلے میں ورلڈ سوکر اسٹارز کے تحت دو میچز 26 اور 29 اپریل کو کراچی اور لاہور میں ہوں گے جس میں فیگو اور کاکا کے علاوہ دیگر سپر اسٹار فٹبالرز بھی ایکشن میں ہوں گے۔

برازیل کے کاکا اور پرتگال کے سابق کپتان لوئیس فیگو کراچی کے جناح انٹرنیشنل ایئرپورٹ پہنچے تو انہیں سندھ کی روایتی ٹوپی اور اجرک پیش کی گئی۔پاکستان میں فٹبال کے فروغ کے لیے دونوں کھلاڑی مختصر دورے پر دبئی سے کراچی پہنچے جہاں مختصر قیام کے بعد وہ آج شام ہی لاہور کے لیے روانہ ہوجائیں گے۔

اپنےدس گھنٹے کے قیام کے دوران وہ کراچی میں پریس کانفرنس سے خطاب کریں گےجبکہ لاہور کے مقامی مال میں شائقین فٹ بالرز سے ملاقات کرنے کے بعد رات دس بجے کی فلائٹ سے دبئی روانہ ہوجائیں گے۔ اس طرح وہ صرف دس گھنٹے ہی پاکستان میں گزار سکیں گے۔کھلاڑیوں کو پاکستان بلانے والے ادارے ‘ٹچ اسکائی گروپ کے سی ای او کنور احمر کا کہنا ہے کہ عالمی شہریت یافتہ فٹبالر کے دورے سے پوری دنیا میں پاکستان کا مثبت امیج جائے گا۔

مصر(نیٹ نیوز/ایمرا نیوز) مصر کے اسٹار اسٹرائیکر محمد صلاح نے مسلسل دوسری بار افریقا کے بہترین فٹ بالر کااعزاز حاصل کرلیا، سینیگال میں ہونے والی تقریب میں انہیں ایوارڈ سے نوازا گیا۔

محمد صلاح نے اپنے کلب لیورپول کو چیمپئنزلیگ کے فائنل میں پہنچنے میں مدد دی، پریمئر لیگ کے اِس سیزن میں وہ اب تک 13 گول کر چکے ہیں۔ٹیکنیکل ڈائریکٹرز اور کنفیڈریشن آف افریقن فٹ بال میں شامل 56 ٹیموں کے ہیڈ کوچز نے ووٹنگ میں حصہ لیا اور محمد صلاح کو افریقا کا بہترین فٹ بالر قرار دیا۔ان کا مقابلہ اس سال بھی لیورپول کے ہی سانڈیو مانی اور آرسینل کے پائیری ایمی رک سے تھا۔

اسلام آباد(نیٹ نیوز/ایمرا نیوز) عالمی شہرت یافتہ فٹبالرز لوئیس فیگو اور کاکا نےوزیراعظم عمران خان کے نام وڈیو پیغام بھیجا ہے۔فیگو اور کاکا پاکستان آنے کےلئے کافی پر جوش ہیں،پاکستان آمد سے قبل اپنے ایک ویڈیو پیغام میں انہوں نے وزیر اعظم عمران خان کو مخاطب کرتے ہوئے کہا کہ ہیلو عمران خان ، آپ پاکستان میں ہیں، ہم پاکستان آرہے ہیں، آپ سے جلد ملاقات ہوگی۔برازیل کے کاکا اور پرتگال کے سابق کپتان لوئیس فیگو 10 جنوری کو پاکستان پہنچیں گے جس کے بعد وہ کراچی اور لاہور میں مداحوں سے ملیں گے اور ورلڈ سوکر اسٹارز کا افتتاح بھی اعلان کریں گے۔واضح رہےورلڈ سوکر اسٹارز کے دو میچز 26 اور 29 اپریل کو کراچی اور لاہور میں ہوں گے جس میں فیگو اور کاکا کے علاوہ دیگر سپر اسٹار فٹبالرز بھی ایکشن میں ہوں گے ۔کاکا اور فیگو نے پاکستانی مداحوں کے نام بھی ویڈیو پیغامات بھی بھیجے ہیں۔کاکا کا کہنا ہے کہ وہ پاکستان آنے کے لیے کافی خوش ہیں وہ یہاں آکر فٹبال کا نیا ٹیلنٹ بھی تلاش کریں گے جب کہ فیگو کا کہنا ہے کہ وہ پہلی بار پاکستان آئیں گے، امید ہے کہ 22 کروڑ والی آبادی والے ملک میں فٹبال کا اچھا ٹیلنٹ ملے گا۔