Category فٹ بال

لاہور(ایمرا نیوزآن لائن) انگلش پریمیئر لیگ میں مانچسٹر سٹی نے لیسٹر سٹی کو ایک گول سے ہرا دیا۔انگلش پریمیئر لیگ میں مانچسٹر سٹی نے لیسٹر سٹی کو ایک گول سے ہرا دیا،میچ کے 70 ویں منٹ میں کومپنی نے گول کرکے منچسٹر سٹی کو برتری دلائی جو آخر تک برقرار رہی۔اس فتح کے بعد منچسٹر سٹی نے لیگ میں 95 پوائنٹس کے ساتھ ٹاپ پر آگئی جبکہٹائٹل جیتنے کے لئے آخری میچ جیتنا ہوگا کیونکہ لیور پول 94 پوائنٹس کے ساتھ دوسرے نمبر پر ہے ۔ٹائٹل کس کے نام ہوگا اتوار کو فیصلہ ہوجائے گا۔

میڈرڈ (ایمرا نیوز) گاڑی کی قیمت ڈھائی ارب روپے سے زائد ہے ۔ پرتگالی فٹبالر نے اپنی نئی گاڑی کے ساتھ ریس بھی لگائی۔فٹبالر کرسٹیانو رونالڈو نے دنیا کی مہنگی ترین گاڑی خرید لی ہے ۔ گاڑی کی قیمت ڈھائی ارب روپے سے زائد ہے ۔ پرتگالی فٹبالر نے اپنی نئی گاڑی کے ساتھ ریس بھی لگائی۔خیال رہے کہ مہنگی مہنگی گاڑیاں خریدنا کرسٹیانورونالڈو کا مشغلہ ہے ۔ دنیا کے بڑے بڑے برانڈ کی گاڑیاں ان کے گیراج کی زینت ہیں۔ اس ضمن میں پرتگال کے کپتان فٹبالر نے کہا کہ وہ مہنگی گاڑیاں خرید کر دنیا کو اپنا رعب و دبدبہ نہیں دکھانا چاہتے بلکہ یہ صرف ان کا شوق ہے ۔

صرف 7 سیکنڈز میں حریف دفاعی لائن کو چکمہ دیتے ہوئے گیند جال میں پہنچا دی
واٹفورڈ(ایمرا نیوز آن لائن )ساتھمپٹن کے اسٹرائیکر شین لونگ نے انگلش پریمیئر لیگ کی تاریخ کا تیز ترین گول کردیا۔واٹفورڈ کے خلاف مقابلے کو شروع ہوئے ابھی صرف 7 ہی سیکنڈز ہی ہوئے تھے کہ شین لونگ نے حریف دفاعی لائن کو چکمہ دیتے ہوئے گیند جال میں پہنچا دی۔

اس سے قبل یہ ریکارڈ ٹوٹنہم کے لیڈلے کنگ کے پاس تھا جنھوں نے 2000 میں بریڈ فورڈ کے خلاف میچ میں 9.9 سیکنڈز میں گول کیا تھا۔

فٹ بال کپ میں ہندوستانی باشندوں کو کھیل کے میدانوں میں تماشائیوں کے طورپر داخل ہونے کی سہولت فراہم کی جائے گی، فٹبال ورلڈ کپ 2022 کے ایگزیکٹو ڈائریکٹر ناصر الخاطر
دوحا(ایمرا نیوز آن لائن) قطر کی حکومت نے سنہ 2022 کے فٹ بال ورلڈ کپ کوبچانے اور اس میں زیادہ سے زیادہ غیرملکی شائقین کو شامل کرنے کے لیے بھارتی شہریوں کو آسان شرائط پر ویزہ فراہم کرنے کا فیصلہ کیا ہے۔ دوحہ میں 2022 کو ہونے والے فٹ بال ورلڈ کپ کے موقع پر کئی عرب ممالک قطر کا بائیکاٹ کریں گے۔ ایسے میں دوحہ کو شایقین کی تعداد بڑھانے کےلیے متبادل راستے اختیار کرنا پڑے ہیں۔

ان اقدامات میں بھارتی شہریوں کی فٹ بال میچوں کے دوران کھیل کے میدانوں میں رسائی کی سہولیات فراہم کرنا شامل ہے۔ قطر کی عرب ممالک کے حوالے سے پالیسی دوحہ کواس عالمی ایونٹ پرعرب شایقین سے محروم کردےگی۔ اگر دوسرے عرب ممالک کےساتھ قطر کے تعلقات درست نہیں ہوتے تو دوحہ کو شایقین کمی پوری کرنے کے لیے دوسرے ممالک کے شہریوں کا سہارا لینا پڑےگا۔خیال رہے کہ ایک تہائی عرب آبادی ایسے علاقوں میں رہتی ہے جن کے پاس دوحہ کے لیے براہ راست سفر کا کوئی ذریعہ نہیں ہے۔فٹ بال ورلڈ کپ 2022 کے ایگزیکٹو ڈائریکٹر ناصر الخاطر نے کہاکہ تین سال بعد ہونےوالے فٹ بال کپ میں ہندوستانی باشندوں کو کھیل کےمیدانوں میں تماشائیوں کے طورپر داخل ہونے کی سہولت فراہم کی جائے گی۔

ان کا کہنا تھا کہ کوئی بھی بھارتی شہری ہوائی اڈے سے حاصل کردہ ویزے سےفٹ بال گراﺅنڈ میں داخل ہوسکے گا۔خیال رہے کہ سال 2018 کے فٹ بال ورلڈ میں ٹکٹ خریدنے والے شائقین میں تیسرا بڑا طبقہ ہندوستانی باشندوں پر مشتمل تھا اور قطر بھی بھارتی شہریوں ہی کو اپنے ہاں ہونے والے فٹ بال ورلڈ کپ میں شریک کرنے کی کوشش کررہا ہے۔

میڈرڈ: (ایمرا نیوزآن لائن) فٹبال چیمپئنز لیگ سیمی فائنل مرحلے میں داخل ہو گیا، بارسلونا نے مانچسٹر یونائیٹڈ کو ہرا دیا، سپر سٹار میسی کے دو گول سے مینیوز کا بوریا بستر گول ہوگیا، کرسٹیانو رونالڈو کی ٹیم یووینٹس حریف آئیکس سے ہار کر باہر ہو گئی۔
چیمپئنز لیگ کے سیکنڈ لیگ میں سپر سٹار لیونل میسی نے برتری کی دھاک بٹھائی، سولہویں اور پھر بیسویں منٹ میں گول کر کے بڑی جیت کی بنیاد رکھی۔

دوسرے ہاف میں بارسا کے کھلاڑی چھائے رہے، حریف مینیوز بے بس نظر آئے۔ اکسٹھویں منٹ کونٹینہو نے گیند کو جال میں ڈال کر کمال دکھایا، میچ میں تین صفر سے کامیابی حاصل کر کے سیمی فائنل میں جگہ بنائی، سٹار سے بھری مانچسٹر یونائیٹڈ کی ایونٹ سے چھٹی ہو گئی۔

دوسرے میچ میں مایہ ناز سٹرائیکر رونالڈو کی ٹیم یووینٹس ہار کر باہر ہوگئی۔ چیمپئنز لیگ کے سیکنڈ لیگ میں نوجوان کپتان ڈی لائٹ کی ٹیم آئیکس نے جیت کر سیمی فائنل کی راہ لی، پانچ بار کے فاتح کرسٹیانو رونالڈو کے گول کا رول ضائع ہو گیا۔ بڑے ایونٹ کے دونوں بڑے میچز سے فٹبال دیوانے بے حد محظوظ ہوئے۔

لاہور(ایمرا نیوزآن لائن) چیمپئنز لیگ میں کرسٹیانو رونالڈو کا سفر ختم ہوگیا، اُن کی ٹیم یووینٹس کو آئی ایکس کے خلاف شکست ہوگئی ۔چیمپئنز لیگ میں کرسٹیانو رونالڈو کا سفر ختم ہوگیا، اُن کی ٹیم یووینٹس کو آئی ایکس کے خلاف شکست ہوگئی جبکہ ایک اور کوارٹر فائنل میں میسی کے دو شاندار گول کی بدولت بارسلونا نے مانچسٹر یونائیٹڈ کو مات دے کر سیمی فائنل میں جگہ بنالی۔آئی ایکس نے ایگری گیٹ پر تین دو کی برتری کے ساتھ سیمی فائنل میں رسائی حاصل کر لی، کرسٹیانو رونالڈو کے لیے چار سال بعد یہ پہلا موقع ہے کہ وہ چیمپئنز لیگ کے فائنل میں ایکشن میں نہیں ہوں گے۔

دو ہزار پندرہ میں اُن کی سابقہ ٹیم ریال میڈرڈ کو یووینٹس ہی نے سیمی فائنل میں ہرایا تھا۔ایک اور کوارٹر فائنل کے سکینڈ لیگ میں بارسلونا نے مانچسٹر یونائیٹڈ کو تین صفر سے آؤٹ کلاس کردیا۔

اس جیت میں اہم کردار سُپر اسٹار میسی کا رہا جنہوں نے 16ویں اور 20ویں منٹ میں دو گول داغ کر حریف ٹیم کی قسمت کا فیصلہ کردیاجبکہ تیسرا گول کوٹینو نے دوسرے ہاف میں اسکور کیااور ایگریگیٹ پر بارسلونا کی مجموعی برتری چارصفر رہی ۔

عراق(ایمرا نیوزآن لائن) عراق میں عالمی شہرت یافتہ پرتگالی فٹ بالرکرسٹیانورونالڈوکا ہمشکل لوگوں کی توجہ کا مرکز بن گیا۔رونالڈو کے چاہنے والے تو دنیا میں کروڑوں کی تعداد میں موجود ہیں جو ان کے ساتھ صرف ایک تصویر بنوانے کا خواب لیے بیٹھے ہیں لیکن عراقی شہری اب کسی بھی وقت رونالڈو کے ساتھ تصاویر بنواسکتے ہیں۔عراق کا 25سالہ بیور عبداللہ نامی نوجوان رونالڈو کے ساتھ مماثلت کی وجہ سے ان دنوں مقامی افراد کی توجہ کا مرکز بنا ہوا ہے۔بیور عبداللہ کی شکل ہو بہو رونالڈو سے ملتی ہے اور یہی وجہ ہے کہ مقامی افراد اسے روک کر اسکے ساتھ سیلفیاں بنواتے ہیں۔دوسری جانب عبداللہ خود بھی رونالڈو کا بہت بڑا فین ہے اور اس سے ملنے کی خواہش رکھتا ہے۔
رونالڈو کے ہمشکل کے چرچے

ایتھلیٹکو میڈرڈ کو دو صفرسے شکست دے کر پوائنٹس ٹیبل پر پہلی پوزیشن حاصل کرلی
برلن(ایمرا نیوز آن لائن) اسپینش لیگ لالیگا میں مشہور کلب بارسلونا کی کامیابی کا سفر جاری ہے، بارسلونا نے ایتھلیٹکو میڈرڈ کو دو صفرسے شکست دے کر پوائنٹس ٹیبل پر پہلی پوزیشن حاصل کرلی۔تفصیلات کے مطابق بارسلونا کی ایک اور لالیگا ٹائٹل کی جانب پیش قدمی کامیابی سے جاری ہے, سپراسٹار ٹیم کے سپراسٹار لائنل میسی اور لوئس سواریز نے میچ کے آخری پانچ منٹ میں گول کر کے میچ کا پانسہ پلٹ دیا۔ایک اور میچ میں اسٹارز سے سجی ریال میڈرڈ کی ٹیم نے جیت کو گلےلگا لیا,کریم بینزیما نے دوگول داغے۔ ایف اے کپ کے سیمی فائنل میں مانچسٹر سٹی نے شاندارکارکردگی کا مظاہرہ کیا۔برائٹن کو ایک صفر سےہرا کر فائنل میں جگہ بنالی، جرمن فٹ بال لیگ میں بائرن میونخ نے پانچ صفر سے ڈارٹمنڈ کو زیرکیا، اٹیلین سیریا اے میں رونالڈو کی یووینٹس نے اے سی میلان کے خلاف میچ جیت لیا۔

کوالالمپور(ایمرا نیوز آن لائن ) قطر نے 2022 ورلڈ کپ میں بدستور32 ٹیموں کے شامل ہونے پر زور دیا ہے جبکہ دوسری جانب فیفا چیف گیانی انفانٹینو 48 ٹیموں کی شمولیت سے ایونٹ میں دیگر خلیجی ریاستوں کو بھی میزبانی میں شامل کرنے کا ارادہ رکھتے ہیں۔اے ایف سی کانگریس میں قطر ورلڈ کپ کے منتظم نصیر الخاطر نے کہا کہ ہم نے ابھی تک 32 ٹیموں کے ایونٹ کی پلاننگ کررکھی ہے، مزید 16 ٹیموں کی شمولیت ابھی محض تجویز ہے، اس معاملے پرابھی کوئی بات حتمی نہیں ہے۔

لاہور(ایمرا نیوز آن لائن) آل رآنڈر شعیب ملک بھی پاکستان میں فٹ بال کی صورتحال پر تشویش میں مبتلا ہیں اور انھوں نے فیفا سے اپیل کی ہے کہ وہ اس تنازع کے حل میں اپنا کردار ادا کرے تاکہ پاکستان ٹیم ورلڈ کپ کوالیفائرز میں شرکت کر سکے۔سماجی رابطوں کی ویب سائٹ پر اپنے پیغام میں شعیب ملک نے کہا ہے کہ ”موجودہ حالات میں پاکستانی فٹ بالرزغیر یقینی کیفیت سے دوچار ہیں، فیفا سے درخواست ہے کہ اس مسئلے کا جائزہ لے تاکہ پاکستانی قوم اپنے کھلاڑیوں کو ایکشن میں دیکھ سکے“۔