Tag آصف زرداری

کراچی (ویب ڈیسک) پاکستان پیپلز پارٹی کے چیئرمین بلاول بھٹو زرداری نے کہا ہے کہ چیئرمین نیب کی مدتِ ملازمت میں توسیع نہ صرف غیرقانونی ہے بلکہ یہ بدنیتی بھی ہے۔ بلاول بھٹو زرداری نے اپنی ایک ٹویٹ میں کہا کہ پینڈورا پیپرز کے بعد خاص طور پر حکومت خود کو احتساب سے بچانا چاہتی ہے، سلیکٹڈ حکومت وزیراعظم اور ان کے خاندان و رفقاء کو احتساب سے استثنٰی دیتے ہوئے اپوزیشن کو نشانہ بنانے کا عمل جاری رکھنا چاہتی ہے.

لاہور (افضل سیال سے ) قومی احتساب بیورو (نیب) نے چوہدری شوگر ملز کیس میں مسلم لیگ ن کی رہنما مریم نواز اور ان کے چچا زاد بھائی یوسف عباس کو گرفتار کر لیا۔

ذرائع کا کہنا ہے کہ مریم نواز اپنے والد سابق وزیراعظم نواز شریف سے ملاقات کے لیے کوٹ لکھپت پہنچیں تھیں جہاں سے نیب اہلکاروں نے انہیں حراست میں لیا۔

نیب نے اپنے اعلامیے میں مریم نواز اور یوسف عباس کو چوہدری شوگر ملز کیس میں گرفتار کرنے کی تصدیق کی ۔

نیب نے کہا ہے کہ چیئرمین نیب کے حکم پر ڈاکٹرز کی ٹیم دونوں کا طبعی معائنہ کرے گی اور کل انہیں احتساب عدالت لاہور میں ریمانڈ کے لیے پیش کیا جائے گا۔

یاد رہے کہ یوسف عباس نواز شریف کے بھتیجے ہیں اور انہیں بھی نیب نے مذکورہ کیس میں طلب کر رکھا تھا۔

نیب ذرائع کا کہنا ہےکہ مریم نواز 31 جولائی کے سوالنامے کے تسلی بخش جواب نہیں دے سکی تھیں، جس پر انہیں آج یعنی 8 اگست کو نیب نے طلب کر رکھا تھا۔

نیب کی جانب مریم نواز کو دیئے گئے سوالنامے میں سرمایہ کاری اور اراضی سے متعلق مختلف سوالات کیے گئے ہیں۔

سوالنامے میں کہا گیا ہے کہ مریم نواز چوہدری شوگر ملز کی تفصیلات فراہم کریں، مل کب لگائی گئی، سرمایہ کاری کہاں سے آئی اور شیئر ہولڈرز کون ہیں۔

سوالنامے میں مزید کہا گیا ہےکہ 21 مئی 2008 کی غیر ملکیوں کی سرمایہ کاری کا جواب دیں اور 4 موضع جات میں خریدی گئی اراضی کی تفصیل بھی فراہم کریں۔

سیکیورٹی وجوہات کی بنا پر مریم کو جیل نہ بھیجنے کا فیصلہ
نیب حکام نے سیکیورٹی وجوہات کی بنا پر مریم نواز کو جیل نہ بھیجنے کا فیصلہ کیا ہے۔

ذرائع کے مطابق مریم نواز کو نیب آفس میں الگ کمرے میں رکھا جائے گا، مریم نواز کی سکیورٹی پر خواتین اہلکاروں کو مامور کیا گیا ہے۔

نیب لاہور میں قائم ڈے کیئر سینٹر کو مریم نواز کیلئے سب جیل قراردیا گیا ہے، ویمن پولیس کو فوری طور پر نیب لاہور طلب کر لیا گیا ہے۔

مریم کی گرفتار پر اپوزیشن کا واک آؤٹ
دوسری جانب پارلیمنٹ کے مشترکہ اجلاس کے دوران پاکستان پیپلز پارٹی کے چیئرمین بلاول بھٹو زرداری نے ایوان کو آگاہ کیا کہ مریم نواز کو نیب نے گرفتار کر لیا جس پر وہ واک آؤٹ کرتے ہیں۔

اس دوران مسلم لیگ ن کے اراکین نے شدید احتجاج کیا اور شور شرابے کے باعث اسپیکر نے اجلاس جمعے کی صبح 11 بجے تک ملتوی کر دیا۔

ان کے ادارے کل ان کی بہن کو بھی گرفتار کرنے کے ہیں، آصف زرداری
آصف زرداری نے مریم نواز کی گرفتاری کی مذمت کرتے ہوئے کہا کہ ان کے ارادے کل ان کی بہن کو بھی گرفتار کرنے کے ہیں۔

سابق صدر آصف علی زرداری نے کہا کہ بات نکلی ہے تو دور تلک جائے گی ، دوسروں کی بھی مائیں بہنیں ہیں ،ان سب کو پھر گرفتار کیا جائے گا۔

عمران اپوزیشن فتح کرنے کے بجائے کشمیر پر قومی مفادات کی حفاظت پر توجہ دیں، شہباز شریف
مسلم لیگ ن کے صدر اور قومی اسمبلی میں قائد حزب اختلاف شہباز شریف نے مریم نواز کی گرفتاری کی مذمت کرتےہوئے کہا کہ عید سے قبل مریم نوازشریف کی گرفتاری سے کیا پیغام دیا جارہا ہے؟

ایک بیان میں انہوں نے کہا کہ یہ کیسا احتساب اور انصاف ہے کہ گرفتاری بعد میں ہوتی ہے اور خبر پہلے آجاتی ہے۔

انہوں نے کہا کہ مریم نواز کو کشمیریوں کے حق میں ریلیاں اور جلسے کرنے پر گرفتار کیا گیا، حکومت ایسی اوچھی حرکتوں سے نواز شریف اور اس کے ساتھیوں کو نہیں جھکا سکتی۔

شہباز شریف نے کہا کہ عمران خان اپوزیشن فتح کرنے کے بجائے کشمیر پر قومی مفادات کی حفاظت پر توجہ دیں۔

نئے پاکستان میں ضیاء دور کا طریقہ دہرایا جارہا ہے، بلاول بھٹو زرداری
مریم نواز کی گرفتاری پر بلاول بھٹو زرداری نے شدید ردعمل دیا، قومی اسمبلی میں اظہار خیال کرتے ہوئے بلاول بھٹو نے کہا کہ حکومت نےاپوزیشن کی ایک خاتون رہنما کو گرفتار کیا۔

انہوں نے کہا کہ نئے پاکستان میں ضیاء دور کا طریقہ دہرایا جارہا ہے، تاریخ یاد رکھے گی کہ عمران خان جو انصاف کی بات کرتے تھے بغیر کسی جرم کے مریم نواز کو گرفتار کیا۔

ہمیں نہیں پتہ تھا کہ یہاں مودی کے یاروں کی حکومت ہے، احسن اقبال
مریم نواز کی گرفتاری پر ردعمل دیتے ہوئے ن لیگ کے رہنما احسن اقبال نے کہا کہ آج انتہائی قدم اٹھایا گيا، کشمیر کی خاطر مشترکہ اجلاس میں یکجہتی کا پیغام دیا، 24 گھنٹوں میں اس خاتون کو گرفتار کرلیا گیا جس نے 2 روز پہلے سرگودھا میں اظہار یکجہتی کشمیر ریلی نکالی۔

انہوں نے کہا کہ ہمیں نہیں پتہ تھا کہ یہاں مودی کے یاروں کی حکومت ہے، وہ پاکستان کی بیٹی کشمیر کا مقدمہ لڑ رہی تھی، اس نے 15 اگست کو مظفرآباد جاکر بھارت کو پیغام دینے کا اعلان کیا تھا لیکن اس بزدل حکومت نے اسے گرفتار کرلیا۔

واشنگٹن (میڈیا 92 نیوز آن لائن ) وزیراعظم عمران خان کا کہنا ہے کہ آج تک کبھی کسی کے سامنے جھکا ہوں اور نا اپنی قوم کو کبھی جھکنے دوں گا۔واشنگٹن کے کیپیٹل ارینا میں جلسے سے خطاب کرتے ہوئے وزیراعظم عمران خان کا کہنا تھا کہ انشاء اللہ پاکستانیوں کو کبھی شرمندہ نہیں ہونے دوں گا۔

عمران خان نے کہا کہ اللہ تعالیٰ نے ایک خاص نعمت کے طور پر ہمیں پاکستان دیا، کسی کو بھی اندازہ نہیں کہ پاکستان اللہ کی کتنی بڑی نعمت ہے۔انہوں نے کہا کہ آپ پاکستان کو تبدیل ہوتا دیکھیں گے اور ہر سال ملک اوپر جاتا رہےگا۔

ان کا کہنا تھا کہ جمہوریت میں دو چیزیں ہوتی ہیں ہیں جو بادشاہت میں نہیں ہیں، جمہوریت میں میرٹ ہے جب کہ بادشاہت میں میرٹ نہیں ہوتی اور دنیا میں جن ممالک نے بھی ترقی کی میرٹ کی بنیاد پر کی، جس ملک میں میرٹ کم تھا وہ پیچھے رہ گیا۔

وزیراعظم نے کہا کہ اگر ایک اچھا بادشاہ ہو تو ضروری نہیں ہے کہ اس کا بیٹا بھی اچھا ہو، ہندوستان سپر پاور ہوا کرتا تھا، ایک سے ایک مغل بادشاہ آیا، اورنگزیب کے بعد جو اس کے بچے آئے لیکن کسی میں بھی صلاحیت نہیں تھی جس کے باعث مغل دور ختم ہو گیا۔

پاکستان کے حوالے سے بات کرتے ہوئے وزیراعظم نے کہا کہ ہمارے ملک میں قائداعظم کے بعد کیوں اچھا لیڈر نہیں ملا، ایک ذوالفقار علی بھٹو تھے لیکن پھر ہمارے ملک میں بھی ایک قسم کی بادشاہت آگئی۔انہوں نے بتایا کہ نواز شریف کو ایک آمر نے اٹھا کر لیڈر بنا دیا، شہباز شریف کیوں وزیراعلیٰ بن گئے کیونکہ وہ نواز شریف کے بھائی تھے۔

ان کا کہنا تھا کہ جمہوریت میں ملک کا سربراہ جواہدہ ہوتا ہے لیکن ہمارے ملک میں جب عدالت فیصلہ کرتی ہے تو کہتے ہیں مجھے کیوں نکالا، جو آج پاکستان میں ہو رہا ہے یہ نیا پاکستان بن رہا ہے، ماضی میں کبھی ان لوگوں سے نہیں پوچھا گیا۔

وزیراعظم نے کہا لوگ پوچھتے تھے کہاں ہے نیا پاکستان، آپ کے سامنے نیا پاکستان بن رہا ہے، جس سے پوچھو، سب کہتے ہیں عمران خان کرا رہا ہے، ان پر سارے کیسز پرانے ہیں، ہم نے کوئی کیس نہیں کیا، ہم نے صرف اداروں کو آزاد کیا ہے، نیب اور ایف آئی اے کو آزاد کیا ہے۔

انہوں نے بتایا کہ 1960 کی دہائی میں پاکستان پورے ایشیاء میں تیزی سے ترقی کر رہا تھا، ہماری بیوروکریسی پورے ایشیاء میں بہترین تھی، ہمارے سرکاری اسپتالوں کا بہترین حال ہوا کرتا تھا اور پورے خطے میں پاکستان کی مثالیں دی جاتی تھیں۔

ان کا کہنا تھا ہم نے پاکستان کو آہستہ آہستہ نیچے آتے دیکھا، 1985کے بعد اصل تباہی شروع ہوئی اور پہلی دفعہ سیاست میں پیسہ آیا، رشوت چلنا شروع ہوئی، آج سب اکھٹے ہو گئے ہیں۔
جمعیت علمائے اسلام (ف) کے سربراہ مولانا فضل الرحمان کا نام لیے بغیر انہوں نے کہا کہ آج پہلی دفعہ پاکستان کی اسمبلی ڈیزل کے بغیر چل رہی ہے۔

انہوں نے کہا کہ فضل الرحمان، بلاول اور ن لیگ سب اکھٹے ہو گئے ہیں، ان کا ایک ہی مقصد ہے کہ انہیں این آر او مل جائے، مجھے باہر سے بھی سفارشیں بھجوائی ہیں، ایک آدھ بادشاہ نے بھی مجھ سے ان کی سفارش کی ہے لیکن ہم نے طاقتور کا احتساب شروع کر دیا ہے کیونکہ ہم نے پاکستان میں میرٹ کا سسٹم لانا ہے۔

وزیراعظم عمران خان نے کہا کہ پاکستان میں میرٹ نہیں ہے جس کی وجہ سے لوگوں کو مواقع نہیں ملتے، ہمارا تعلیم کا نظام لوگوں کو اوپر نہیں جانے دیتا، کس ملک میں تعلیم کے تین سسٹم چلتے ہیں؟انہوں نے کہا کہ امریکا میں لوگوں کو مواقع ملتے ہیں اور یہاں مزدوروں کے بچے اسکولوں میں مفت پڑھتے ہیں۔

ان کا کہنا تھا ہم پاکستان میں سرکاری اسکولوں کے سسٹم کو ٹھیک کر رہے ہیں، مدارس کے بچوں کو اوپر لانے کی کوشش کر رہے ہیں، 25 لاکھ بچے دینی مدارس میں جاتے ہیں، پاکستان میں تعلیم کا ایک نصاب لانے کی کوشش کر رہے ہیں۔عمران خان نے کہا کہ پاکستان میں میرٹ کا سسٹم تب آئے گا جب خاندانوں کی سیاست اور جاگیردرانہ نظام ختم ہو۔

انہوں نے کہا میرا کوئی دوست کسی عہدے پر نہیں ہے، مراد سعید کسی کا رشتے دار نہیں ہے، مراد سعید ایک طالبعلم تھا اور آج وزیر ہے۔وزیراعظم نے کہا مجھے خود اندازہ نہیں تھا کہ اللہ نے پاکستان کو کیا کیا دیا ہے، پاکستان کے پاس تانبے کے بے پناہ ذخائر ہیں، صرف ایک جگہ پر 200 ارب ڈالر کے تانبےکے ذخائر موجود ہیں لیکن ہمارا ملک صرف کرپشن کی وجہ سے پیچھے رہ گیا۔

انہوں نے کہا کہ بڑی بڑی کمپنیاں پاکستان میں نہیں آتی تھیں، ہر بڑی کمپنی سے بات کی ہے، سب کہتے ہیں پاکستان میں پیسے مانگے جاتے ہیں، رشوت لی جاتی ہے۔ان کا کہنا ہے کہ 180 ارب ٹن کا کوئلہ پاکستان میں موجود ہے، اس کوئلے سے ہم سعودی عرب سے زیادہ بجلی بنا سکتے ہیں۔

وزیراعظم پاکستان نے کہا کہ آسٹریلیا کی ایک منرل کمپنی کے سرمایہ کار نے بتایا کہ دنیا جانتی ہے کہ پاکستان میں قدرتی وسائل ہیں لیکن کرپشن کی وجہ سے وہاں سرمایہ کاری نہیں کرتے، ہم کرپشن ختم کر کے پاکستان کو اوپر لا کر دکھائیں گے۔

عمران خان نے کہا کہ میرا خواب ہے ایک دن باہر سے دنیا پاکستان میں نوکریاں ڈھونڈنے آئے گی، مدینہ کی ریاست ایک ماڈرن اسٹیٹ تھی اور جدید اصولوں پر استوار تھی، پینشنز کا تصور پہلی مرتبہ مدینہ کی ریاست میں آیا، خواتین کو حقوق دینے کا تصور بھی مدینہ کی ریاست نے دیا۔

انہوں نے کہا افسوس سے کہتا ہوں کہ پاکستانی دیہات میں آج تک خواتین کو جائیداد میں حصہ نہیں دیا جاتا، ایک قانون لے کر آ رہے ہیں جس میں خواتین کو جائیداد میں حصہ دینا پڑے گا۔ان کا کہنا تھا مسلم دنیا واحد مثال ہے جہاں غلام لیڈر بنے، ہم نے پاکستان کو مدینہ کی ریاست کی طرح بنانا ہے اور مدینہ کی ریاست میرٹ کی وجہ سے اوپر گئی۔

وزیراعظم نے کہا پاکستان میں سارے تاجروں کو رجسٹرڈ ہونا پڑے گا، سب مل کر تھوڑا تھوڑا ٹیکس دیں تو پاکستان کو قرضوں کی دلدل سے نکالنا کوئی مشکل نہیں ہے، چار ،چھ مہینے سال مشکل وقت ہے، اس سے نکل جائیں گے۔اپوزیشن کو تنقید کا نشانہ بناتے ہوئے وزیراعظم نے کہا کہ جو مرضی کرنا ہے کر لیں لیکن آپ کو قوم کا پیسا واپس کرنا ہو گا،

انہوں نے کہا کہ نواز شریف کہتے ہیں گھر سے کھانا منگواؤں گا، کھانا اچھا نہیں ہے، کہتے ہیں ٹی وی لگا دو ، اے سی لگا دو، جس طرح سے یہ لوگ جیل میں رہ رہے ہیں، یہ سزا تو نہ ہوئی، واپس جا کر جیل سے ٹی وی اور اے سی نکالوں گا۔

ان کا کہنا ہے مجھے پتا ہے مریم بی بی بہت شور مچائیں گی لیکن پیسا واپس کر دیں، یہ باہر آ جائیں گے۔پیپلز پارٹی کے صدر کے حوالے سے وزیراعظم نے کہا کہ آصف زرداری آپ کو بھی اس جیل رکھیں گے جہاں ٹی وی ہو گا اور نہ اے سی۔عمران خان نے کہا جیل سے نکلنا بہت آسان ہے، پیسا واپس کرو، ہم آپ کو جیل سے نکال دیں گے۔

انہوں نے کہا شاہد خاقان عباسی بار بار کہتے تھے کہ اگر میں نے کچھ غلط کیا ہے تو جیل میں ڈالو، دھرنا دیں یا احتجاج کریں لیکن آپ کو پیسہ واپس کرنا پڑے گا۔وزیراعظم نے کہا فضل الرحمان اپوزیشن سےکہتے ہیں کیا ہم تب اکھٹے ہوں گے جب جیل میں ہوں گے تو انہیں کہتا ہوں ہاں فضل الرحمان، آپ سب جیل میں اکھٹے ہوں گے۔

افغانستان کے حوالے سے بات کرتے ہوئے وزیراعظم نے کہا کہ مجھے دہشت گرد اور طالبان خان کہا گیا لیکن آج ساری دنیا کہہ رہی ہے کہ افغان مسئلے کا فوجی حل نہیں ہے۔

اسلام آباد (میڈیا 92 نیوز آن لائن ) سابق صدر آصف زرداری نے وفاقی حکومت پر کڑی تنقید کرتے ہوئے کہا ہےکہ اب تو گاڑیوں پر بھی ٹیکس لگا دیا ہے اس لیے لگتا ہے بندر کے ہاتھ میں استرا آ گیا ہے۔

احتساب عدالت میں پیشی کے موقع پر میڈیا نمائندوں سے غیر رسمی گفتگو کرتے ہوئے آصف زرداری نے کہا کہ رانا ثناءاللہ کے ساتھ جو ہوا وہ ظلم ہے، اس کی مذمت کرتا ہوں، ان پر لگایا جانے والا الزام بڑا بھونڈا ہے۔

سابق صدر نے سوال کیا کہ کیا رانا ثناءاللہ اپنی گاڑی میں منشیات لے کر جائیں گے؟ مجھ پر بھی ایسا ہی منشیات کا کیس بنایا گیا تھا، مجھے منشیات کیس سے نکلتے 5 سال لگ گئے، میرے کیس میں برآمدگی کوئی نہیں تھی، اس کیس میں ڈالی گئی ہے۔

آصف زرداری کا کہنا تھا کہ میرےکیس کی سزا بھی سزائے موت تھی اور رانا ثناءاللہ پر بنائے گئے کیس کی سزا بھی موت ہے۔

انہوں نے مزید کہا کہ نیب نے میری گرفتاری لی نہیں، میں نے گرفتاری دی ہے، یہ گرفتاریاں ہوتی رہیں گی لیکن ہم مقابلہ کریں گے اور گرفتاری دے کر بھی ہم مقابلہ کررہے ہیں۔

سابق صدر نے کہا کہ اب تو انہوں نے آپ کی گاڑیوں پر بھی ٹیکس لگا دیا ہے، ان سے ملک چل نہیں رہا، لگتا ہے بندر کے ہاتھ میں استرا آ گیا ہے۔

صحافی نے سوال کیا کہ کیا آپ نے وزیراعظم کی تقریر سنی؟ جس پر آصف زرداری کا کہنا تھا کہ بونگے کی باتیں میں کیوں سنوں، میرے پاس وقت نہیں۔

انہوں نے کہا کہ فل الحال اس حکومت کو طاقتور قوت کی سپورٹ ہے، سیاستدانوں اور میڈیا کو کمزور لوگ قابو کرتے ہیں اور یہ زیادہ دیر نہیں چلے گا۔

چیئرمین سینیٹ کی تبدیلی کے سوال پر سابق صدر نے جواب دیے بغیر خدا حافظ کہہ کر چلے گئے۔

اسلام آباد (میڈیا 92 نیوز آن لائن ) الیکشن کمیشن نے ممبران قومی اسمبلی کے اثاثوں کی تفصیلات جاری کردیں۔

وزیراعظم کے اثاثوں کی تفصیلات

الیکشن کمیشن کی جانب سے جاری تفصیلات کے مطابق وزیراعظم عمران خان نے 10 کروڑ 82 لاکھ روپے مالیت کی پراپرٹی اور رقم ظاہر کی، وزیراعظم نے ورثے اور تحفے میں ملی پراپرٹی کی مالیت ظاہرنہیں کی۔

دستاویزات کے مطابق وزیراعظم کی زمان پارک میں ورثہ میں ملی رہائشگاہ کی تعمیر پر4 کروڑ53 لاکھ روپے لاگت آرہی ہے، وزیراعظم نے بنی گالہ میں 300 کنال کا گھر تحفہ کے طور پر ظاہر کیا، ٹیکس سال 2015/16 میں رہائشگاہ کی اضافی تعمیر پر ایک کروڑ 14 لاکھ روپے اخراجات آئے۔

دستاویزات میں بتایا گیاہےکہ وزیراعظم عمران خان کے پاس بنی گالہ میں 50 لاکھ روپے کی 6 کنال 16 مرلہ اراضی ہے، وزیراعظم کو میانوالی میں 10 مرلہ پر بنا گھر ورثہ میں ملا، وزیراعظم کے پاس شیخو پورہ میں ورثہ میں حاصل کی گئی 80 کنال اراضی ہے، عمران خان کو بھکر میں 260 کنال، 8 ایکڑ کی 4 مختلف اراضی ورثہ میں ملی، وزیراعظم کے پاس میاں چنوں میں 50 ہزار روپے مالیت کی زرعی اراضی ہے۔

دستاویزات کے مطابق وزیراعظم عمران خان نے 4 غیر ملکی کرنسی کے بینک اکاؤنٹس میں سرمایہ کاری کر رکھی ہے، وزیراعظم کے پاؤنڈ اکاؤنٹ میں 2 ہزار67 پاونڈ ہیں اور ڈالر اکاؤنٹ میں 3 لاکھ 29 ہزار60 ڈالرز، دوسرے اکاونٹ میں 1 ہزار 470 ڈالرز ہیں جب کہ وزیراعظم عمران خان کے یورو اکاونٹ میں کوئی رقم نہیں۔

دستاویزات میں مزید بتایا گیا ہےکہ عمران خان نے گرینڈ حیات ٹاور میں فلیٹ کیلئے 1 کروڑ19 لاکھ روپے ایڈاوانس جمع کرا رکھے ہیں، وزیراعظم عمران خان کے پاس ذاتی گاڑی نہیں ہے، ان کے پاس 2 کروڑ 40 لاکھ روپے کیش موجود ہے، وزیراعظم کے 2 ملکی بینک اکاؤنٹس میں96 لاکھ روپے ہیں، وزیراعظم 2 لاکھ روپے مالیت کی 4 بکریوں کے مالک ہیں۔

وزیراعظم کی اہلیہ کے اثاثوں کی تفصیلات

اس کے علاوہ وزیراعظم کی اہلیہ بشریٰ بی بی کے پاس پاکپتن، اوکاڑہ اور بنی گالہ میں پراپرٹی ہے، بشریٰ بی بی کے پاس پاکپتن میں 52 کنال اور 379 کنال اراضی ہے، ان کے پاس اوکاڑہ میں 267 کنال اراضی ہے اور بنی گالہ میں 3 کنال کی رہائشگاہ ہے۔

شہبازشریف اور ان کی اہلیہ کے اثاثوں کی تفصیلات

قومی اسمبلی میں قائد حزب اختلاف شہبازشریف کے اثاثوں کی مالیت 18 کروڑ 96 لاکھ روپے ہے۔

دستاویزات کے مطابق شہبازشریف کے پاکستان سے باہر14 کروڑ 78 لاکھ روپے مالیت کے اثاثے ہیں، ان کی لندن میں 2 پراپرٹی اور ایک بینک اکاؤنٹ ہیں، شہبازشریف کی پاکستان میں جائیداد کی مالیت 1 کروڑ 47 لاکھ روپے ہے، ان کی حدیبیہ پیپرمل، حدیبیہ انجینیرنگ اور حمزہ ملز میں 2 لاکھ 73 ہزارر وپےکی سرمایہ کاری ہے۔

شہبازشریف کی اہلیہ نصرت شہباز کے اثاثوں کی مالیت 23 کروڑ روپے سے زائد ہے، شہبازشریف کی اہلیہ تہمینہ درانی کے اثاثوں کی مالیت 57 لاکھ روپے سے زائد ہے۔

آصف زرداری کے اثاثوں کی تفصیلات

پاکستان پیپلزپارٹی کے صدر آصف زرداری کے اثاثوں کی مالیت 67 کروڑ روپے سے زائد ہے۔

دستاویزات کے مطابق آصف زرداری کی پاکستان سے باہر کوئی جائیداد نہیں، ان کے پاس 1 کروڑ 62 لاکھ روپے مالیت سے زائد کا اسلحہ ہے، ان کے پاس 99 لاکھ روپے مالیت کے جانور اور گھوڑے ہیں جب کہ سابق صدر 6 گاڑیوں کے مالک ہیں۔

اس کے علاوہ آصف زرداری کے پاس دبئی کا اقامہ بھی ہے۔

اسلام آباد (میڈیا 92 نیوز آن لائن ) قومی احتساب بیورو (نیب) نے سابق صدر آصف علی زرداری کو پارک لین کیس میں بھی گرفتار کر لیا۔

نیب ذرائع کے مطابق پہلے سے زیر حراست سابق صدر آصف علی زرداری کو نیب راولپنڈی کے افسران نے وارنٹ گرفتاری حوالے کیا۔

آصف زرداری پر پارک لین کمپنی اور اس کے ذریعے اسلام آباد میں 2 ہزار 460 کنال اراضی خریدنے کا الزام ہے جب کہ اس کیس میں بلاول بھٹو زردای بھی ملزم ہیں۔

نیب ذرائع کے مطابق اسلام آباد میں خریدی گئی تقریباً ڈھائی ہزار کنال زمین کی اصل مالیت دو ارب روپے ہے لیکن اسے صرف 62 کروڑ روپے میں خریدا گیا۔

یاد رہے کہ سابق صدر آصف علی زرداری جعلی اکاؤنٹس کیس میں پہلے ہی گرفتار ہیں اور ان سے تفتیش کی جارہی ہے۔

نیب ذرائع کا کہنا ہے کہ آصف زرداری پارک لین اسٹیٹس پرائیویٹ لمیٹڈ کمپنی کے مالک اور شیئر ہولڈر ہیں، اُن پر دیگر ملزمان کی مدد سے پارک لین کی ڈمی فرنٹ کمپنی ‘پیراتھنن پرائیویٹ لمیٹڈ’ بنانے کا الزام ہے۔

نیب حکام کے مطابق پیراتھنن پرائیوٹ لمیٹڈ کی مدد سے 2009 میں بینکوں سے ڈیڑھ ارب روپے کا فائدہ حاصل کیا گیا اور یہ اضافی رقوم اپنی کمپنی میں بدنیتی پر مبنی ایک جوائنٹ وینچر معاہدے کے ذریعے منتقل کی گئیں۔

نیب حکام کا مزید کہنا ہے کہ آصف زرداری پر پارک لین کمپنی کے اکاؤنٹ استعمال کرنے اور ان میں فراڈ سے لیےگئے قرضوں کی رقوم کے لین دین کا الزام ہے۔

26 جون کو آصف زرداری نے احتساب عدالت میں ضمانت کی درخواست جمع کرائی لیکن بعدازاں انہوں نے ضمانت کی درخواست واپس لے لی تھی، انہیں شبہ تھا کہ انہیں ایک اور کیس میں گرفتار کرلیا جائے گا۔

جوڈیشل کمپلیکس کےاطراف سیکورٹی کے سخت اانتظامات‘آخری سماعت پر حاضری سے استثنیٰ کی درخواست کی گئی تھی

اسلام آباد(ایمرا نیوزآن لائن)
جعلی اکاﺅنٹس کیس میں آصف زرداری اورفریال تالپور احتساب عدالت پہنچ گئے ہیں، اس موقع پر جوڈیشل کمپلیکس کےاطراف سیکورٹی کے سخت انتظامات کئے گئے ہیں. تفصیلات کے مطابق احتساب عدالت میں جعلی اکاﺅنٹس کیس میں آصف علی زرداری، فریال تالپور او دیگر ملزمان کیخلاف مقدمے کی سماعت آج ہوگی، احتساب عدالت کے جج محمد ارشد ملک کیس کی سماعت کریں گے.

آصف زرداری کی آمد پر سیکورٹی کے سخت انتظامات کئے گئے ہیں ، جوڈیشل کمپلیکس اور باہر پولیس کے 1500 اہلکار تعینات ہیں جبکہ رینجرز کے 200 جوان وافسران بھی تعینات کئے گئے ہیں. غیرمتعلقہ شخص کے احتساب عدالت میں آنےکی اجازت نہیں ہوگی، جسٹرار احتساب عدالت کا کہنا ہے میڈیا کوکمرہ عدالت تک رسائی دی جائے گی، سیکورٹی معاملات پرسمجھوتہ نہیں کیا جائے گا.

احتساب عدالت نے آصف زرداری اورفریال تالپورسمیت تمام ملزمان کوطلب کر رکھا ہیں. یاد رہے 8 اپریل کو جعلی بینک اکاﺅنٹس کیس میں سابق صدر آصف علی زرداری اور ان کی ہمشیرہ فریال تالپور اسلام آباد کی احتساب عدالت میں پیش ہوئے تھے. دوران سماعت آصف زرداری کے وکیل فاروق ایچ نائیک کا کہنا تھا کہ ٹرائل چلانا چاہتے ہیں تو آصف زرداری اور فریال تالپور کواستثنیٰ دیں، آج وکلا کے ساتھ بدتمیزی کی گئی، ہمیشہ عدالتوں کا احترام کیا‘ سو سے زیادہ لوگ اس عدالت میں نہیں آسکتے احتساب عدالت کی اطراف خاردار تار لگا دیے گئے ہیں.

سماعت میں سماعت کے دوران 2 ملزمان کرن اور نورین نے عدالت سے گواہ بننے کی استدعا کی تھی ، خواتین کا موقف تھا کہ ہم گواہ تھے، ہمیں ملزمان کی فہرست میں شامل کردیا گیا گواہی کے لیے چیئرمین نیب کو درخواست بھی دے رکھی ہے، ہم وکیل کے اخراجات برداشت نہیں کر سکتے. عدالت نے غیر حاضر ملزمان کو 12 اپریل کو پیش ہونے کا حکم دیا جبکہ آصف زرداری اور فریال تالپور کو 16 اپریل کو آئندہ سماعت پر پیش ہونے کی ہدایت کردی تھی. خیال رہے جعلی اکاﺅنٹ کیس میں آصف زرداری اور فریال تالپور 29 اپریل تک عبوری ضمانت پر ہیں.