Tag اسلام آباد ہائی کورٹ

اسلام آباد(ویب ڈیسک)ایڈیشنل سیشن کورٹ نے سیکٹر ای 11 لڑکا لڑکی برہنہ کیس میں عثمان مرزا سمیت 7 ملزمان پر فرد جرم عائد کردی ہے۔
میڈیارپورٹس کے مطابق اسلام آباد کی ایڈیشنل سیشن کورٹ کے جج عطا ربانی کے روبرو سیکٹر ای 11 لڑکا لڑکی برہنہ کیس کی سماعت ہوئی۔ پبلک پراسیکیوٹر حسن عباس عدالت کے روبرو پیش ہوئے اور مرکزی ملزم عثمان مرزا سمیت دیگر ملزمان کے کیس کا باقاعدہ ٹرائل شروع ہوا۔دوران سماعت عدالت نے مرکزی ملزم عثمان مرزا سمیت 7 ملزمان حافظ عطاالرحمان، ادارس قیوم بٹ ، ریحان، عمر بلال مروت، محب بنگش اور فرحان شاہین پر فرد جرم عائد کردی۔ عدالت نے فرد جرم کی نقول ملزمان کو فراہم کرتے ہوئے استغاثہ کے گواہان کو آئندہ سماعت پر طلب کر لیا۔ کیس کی مزید سماعت 12 اکتوبر کو ہوگی۔دوسری جانب اسلام آباد ہائی کورٹ نے تین شریک ملزمان کی ضمانتیں خارج کرتے ہوئے کیس کا ٹرائل دو ماہ میں مکمل کرنے کا حکم دے دیا۔

اسلام آباد: مسلم لیگ (ن) کے صدرشہبازشریف کا کہنا ہے کہ احتساب عدالت کے جج کوہٹانے کے بعد نوازشریف کے خلاف فیصلہ کالعدم ہوچکا ہے۔مسلم لیگ (ن) کے صدراورقائد حزب اختلاف شہبازشریف نے احتساب عدالت کے جج کوہٹانے پررد عمل میں کہا کہ سچائی ثابت ہونے پراللہ تعالی کا شکرادا کرتے ہیں،

ویڈیو اوراس سے جڑے تمام حقائق سچ ثابت ہوگئے ہیں، احتساب عدالت کے جج کو ہٹانے کے بعد نوازشریف کے خلاف فیصلہ کالعدم ہو چکا ہے، نوازشریف کو جیل میں ایک منٹ بھی رکھنا اب غیر قانونی ہے اس لیے جج کے منصب سے ہٹنے کے بعد نوازشریف کو فی الفوررہا کیا جائے جب کہ نوازشریف کے خلاف دباؤ کے تحت دیئے گئے فیصلے کالعدم قرار دیئے جائیں۔

شہباز شریف کا کہنا تھا کہ جج ہٹانے کے بعد نواز شریف کو جیل میں رکھنے کا جواز ختم ہو گیا جب کہ انصاف کے تقاضے پورے کرتے ہوئے نواز شریف کو فی الفوررہا کیا جائے۔

لاہور (میڈیا 92 نیوز آن لائن) پاکستان مسلم لیگ (ن) کی ترجمان مریم اورنگزیب نے کہا ہے کہ احتساب عدالت کے جج ارشد ملک کو ہٹانے سے تصدیق ہو گئی کہ ویڈیو اصلی ہے، اب نواز شریف کیخلاف فیصلے کو بھی کالعدم قرار دیا جائے۔

تفصیلات کے مطابق احتساب عدالت کے جج ارشد ملک کو ہٹائے جانے کے فیصلے پر ردعمل دیتے ہوئے مسلم لیگ (ن) کی ترجمان مریم اورنگزیب نے کہا ہے کہ جج کو ہٹانے کے بعد نواز شریف کے خلاف فیصلہ کی قانونی حیثیت بھی خود بخود ختم ہو گئی ہے اور یہ ثابت ہو گیا ہے کہ مریم نواز جو حقائق عوام کے سامنے لائیں، وہ درست ہیں۔

انہوں نے کہا کہ احتساب عدالت کے جج ارشد ملک کو عہدے سے ہٹائے جانے کے فیصلے سے یہ تصدیق ہو گئی ہے کہ ویڈیو اصلی ہے اور جج صاحب نے تسلیم کر لیا ہے کہ دباﺅ پر فیصلے کئے گئے، اب نواز شریف کیخلاف فیصلے کو بھی کالعدم قرار دیا جائے اور انہیں فوری رہا کیا جائے۔

اسلام آباد ہائی کورٹ نے پاکستان براڈ کاسٹرز ایسوسی ایشن (پی بی اے) کی دائر درخواست کو مسترد کرتے ہوئے پیمرا کو نئے سیٹلائٹ ٹی وی چینلز کے لائسنسز کے اجرا کی اجازت دے دی۔

رپورٹ کے مطابق ہائی کورٹ کے جسٹس اطہر من اللہ نے لائسنسز کے اجرا کے خلاف ‘پی بی اے’ کی درخواست مسترد کرتے ہوئے پاکستان الیکٹرانک میڈیا ریگولیٹری اتھارٹی (پیمرا) کو 58 سیٹلائٹ ٹی وی چینلز کو لائسنسز کے اجرا کا عمل مکمل کرنے کی اجازت دی۔

ان چینلز میں خبروں و حالات حاضرہ کے 8 چینلز بھی شامل ہیں، عدالت نے پیمرا کو موجودہ چینلز کے حقوق کے تحفظ کا بھی حکم دیا۔

قبل ازیں پی بی اے کے وکیل فیصل صدیق نے عدالت میں دلائل پیش کرتے ہوئے کہا کہ سسٹم میں صرف 80 چینلز کی گنجائش ہے جبکہ پیمرا پہلے ہی 119 چینلز کے لائسنسز جاری کر چکا ہے۔

انہوں نے کہا کہ مزید لائسنسز کے اجرا کے خلاف پاکستان براڈ کاسٹرز ایسوسی ایشن کی درخواست پیمرا پہلے ہی مسترد کر چکا ہے۔

پیمرا نے نئے لائسنسز کے اجرا کے عمل کے دفاع کرتے ہوئے عدالت سے ‘پی بی اے’ کی درخواست خارج کرنے کی استدعا کی تھی۔

گزشتہ بدھ کو اسلام آباد ہائی کورٹ میں پیش کی گئی تحریری رپورٹ میں پیمرا نے موقف اختیار کیا تھا کہ ‘پی بی اے’ نے اس بات کا احساس کیے بغیر عدالت میں درخواست دائر کی کہ لائسنسز کے اجرا اور آپریشن کا پورا عمل آزاد مارکیٹ اور منصفانہ مسابقت کے اصول پر ہوتا ہے۔

رپورٹ میں کہا گیا کہ لائسنس کا اجرا اس بات پر منحصر ہے کہ مارکیٹ میں کتنی گنجائش موجود ہے جس کا اندازہ اس بات سے لگایا جاسکتا ہے کہ 180 سے زائد کمپنیوں نے سیٹلائٹ ٹی وی چینلز کے لائسنسز کی درخواست دی ہے۔

پیمرا کا کہنا تھا کہ اس کے کنسلٹنٹ نے ڈائریکٹ ٹو ہوم (ڈی ٹی ایچ) ٹیکنالوجی کو موثر بنانے کے لیے 250 چینلز کے قیام کی سفارش کی ہے۔

رپورٹ میں مزید کہا گیا کہ اس وقت پاکستان میں لائسنس حاصل کرنے والے مقامی اور بین الاقوامی 123 چینلز موجود ہیں، لہٰذا اب بھی 127 چینلز کا خلا موجود ہے، جسے اتھارٹی ڈیجیٹل ٹیکنالوجی موثر بنانے کے لیے پُر کرنا چاہتی ہے۔

عدالتی حکم کے بعد پیمرا کی جانب سے جاری بیان میں کہا گیا کہ نئے ٹی وی چینلز کے آغاز سے نہ صرف ملک میں سرمایہ کاری اور روزگار کے مواقع میسر ہوں گے، بلکہ عوام کو وسیع پیمانے پر تفریح، تعلیم اور معلومات حاصل کرنے کے مواقع بھی ملیں گے۔

یاد رہے کہ پیمرا نے 7 کیٹیگریز میں 58 سیٹلائٹ ٹی وی لائسنسز کے اجرا کے لیے بولی کا انعقاد کیا تھا، ان چینلز میں خبروں و حالات حاضرہ کے علاوہ تفریح کے لیے 16، کھیلوں کے لیے 5، زراعت کے لیے 2، صحت کے لیے 4، تعلیم کے لیے 11 اور علاقائی زبانوں کے لیے 12 لائسنسز شامل ہیں۔

میڈیا انڈسٹری کے بحران میں مبتلا ہونے کی تاثر کے باوجود پیمرا کو نئے ٹیلی ویژن چینل کے لائنسنس کی نیلامی کے سلسلے میں بھرپور ردِ عمل موصول ہوا تھا۔

2 روز پر مشتمل نیلامی کا یہ سلسلہ 3 مئی کو اختتام پذیر ہوا جس میں سیٹیلائٹ ٹیلی ویژن چینلز کے 58 لائسنس نیلام ہوئے اور سب سے مہنگی بولی خبریں اور حالات حاضرہ چینل کی دی گئی، جو 28 کروڑ 35 لاکھ روپے تھی جبکہ انٹرٹینمنٹ کیٹیگری میں سب سے بڑی نیلامی 55 لاکھ روپے میں ہوئی۔

نواز شریف کو کوئی ایسی بیماری نہیں ہے جس کا پاکستان میں علاج نہ ہو سکے لہٰذا طبی بنیادوں پر ضمانت نہیں دی جا سکتی،اسلام آباد ہائی کورٹ
مسلم لیگ (ن) کا اسلام آباد ہائیکورٹ کے فیصلے کیخلاف اپیل دائر کرنے کا اعلان
عدالت کے فیصلے سے مایوسی ہوئی، پانچ طبی بورڈز نے نوازشریف کی بیماری کی تشخیص کی اور فوری علاج کی سفارش کی، پوری امید تھی کہ ہائیکورٹ علاج کے لیے ضمانت کی درخواست قبول کرے گی، ہمیشہ عدالتوں کے فیصلوں کا احترام رہا ہے اور اس کا بھی کرتے ہیں، جو بھی مزید قانونی راستے ہیں ان کو اپنایا جائے گا،لےگی رہنماﺅں کی میڈیا سے گفتگو
اسلام آباد (ایمرا نیوز آن لائن) اسلا م آباد ہائیکورٹ نے سابق وزیراعظم نواز شریف کی طبی بنیادوں پر سزا معطلی اور ضمانت کی درخواست مسترد کرتے ہو ئے کہا کہ نواز شریف کو کوئی ایسی بیماری نہیں ہے جس کا پاکستان میں علاج نہ ہو سکے لہٰذا طبی بنیادوں پر ضمانت نہیں دی جا سکتی،مسلم لیگ (ن) کا اسلام آباد ہائیکورٹ کے فیصلے کیخلاف اپیل دائر کرنے کا اعلان، تما م قا نو نی راستے اپنا ئیں جا ئیں گے۔ ۔جسٹس عامر فاروق اور جسٹس محسن اختر کیانی پر مشتمل اسلام آباد ہائیکورٹ کے دو رکنی بینچ نے سابق وزیراعظم نواز شریف کی طبی بنیادوں پر ضمانت کی درخواست مسترد کر دی۔ عدالت نے درخواست کو ناقابل سماعت قرار دیتے ہو ئے فیصلے میں کہا کہ نواز شریف کو کوئی ایسی بیماری نہیں ہے جس کا پاکستان میں علاج نہ ہو سکے ان کا پاکستان میں علا ج جا ری ہے لہٰذا طبی بنیادوں پر ضمانت نہیں دی جا سکتی، نواز شریف جیل میں ہی رہیں گے۔عدالت نے انتہائی مختصر فیصلہ سنایا اور سابق وزیراعظم کی درخواست کو مسترد کردیا تاہم عدالت کی جانب سے فوری طور پر تفصیلی فیصلہ جاری نہیں کیا گیا ہے اور درخواست مسترد ہونے کی وجہ نہیں بتائی گئی ہے۔ واضح رہے کہ عدالت نے نواز شریف کی درخواست پر 20 فروری کو فیصلہ محفوظ کیا تھا جس میں نواز شریف نے طبی بنیادوں پر سزا معطل کر کے ضمانت پر رہائی کی استدعا کی تھی جبکہ نیب نے نواز شریف کو ضمانت پر رہا کرنے کی مخالفت کی تھی۔فیصلہ سنائے جانے کے وقت کمرہ عدالت میں مسلم لیگ ن کے رہنما شاہد خاقان عباسی ، خواجہ آصف ، میاں ابرار،مریم اورنگزیب اور طلال چوہدری بھی موجود تھے۔ اس موقع پر اسلام آباد ہائی کورٹ کے باہر لیگی کارکنان کی بڑی تعداد موجود تھی۔اسلا م آباد ہا ئیکو رٹ کے باہر میڈیا سے با ت چیت کر تے ہو ئے مسلم لیگ (ن) کے رہنما وں نے عدالتی فیصلے کے خلا ف اپیل دائر کرنے کا اعلا ن کر دیا عدالت کے باہر میڈیا سے گفتگو کرتے ہوئے سابق وزیراعظم اور مسلم لیگ (ن) کے رہنما شاہد خاقان عباسی نے کہا کہ عدالت کے فیصلے سے مایوسی ہوئی، پانچ طبی بورڈز نے نوازشریف کی بیماری کی تشخیص کی اور فوری علاج کی سفارش کی۔انہوں نے کہا کہ پوری امید تھی کہ ہائیکورٹ علاج کے لیے ضمانت کی درخواست قبول کرے گی، ہمیشہ عدالتوں کے فیصلوں کا احترام رہا ہے اور اس کا بھی کرتے ہیں، جو بھی مزید قانونی راستے ہیں ان کو اپنایا جائے گا۔انہو ں نے مزید کہا کہ نوازشریف کو جو علاج چاہیے وہ جیل میں میسر نہیں ہوتا، اس کے لیے باہر ہونا ضروری ہے اور اسی لیے درخواست ڈالی گئی، علاج پاکستان اور باہر بھی ہوسکتاہے لیکن جیل میں نہیں ہوسکتا۔اس موقع پر (ن) لیگ کے سینئر رہنما اور سابق وزیر خارجہ خواجہ آصف نے کہا کہ جتنے قانونی راستے دستیاب ہیں وہ اپنائیں گے کیونکہ یہ ہمارا جمہو ری حق ہے، ہم اپیل میں بھی جائیں گے اور ہمیں قوی امید ہے کہ انصاف ضرور ملے گا۔( درانی )