Tag اسلام آباد

اسلام آباد(ایمرا نیوزآن لائن)
امریکی نائب وزیرخارجہ کل( جمعرات کو ) اسلام آباد پہنچیں گے جہاں وہ وزیر اعظم عمران خان ، آرمی چیف جنرل قمر جاوید باجوہ و وزیر خارجہ شاہ محمود قریشی سمیت دیگر اعلی حکام سے اہم ملاقاتیں کریں گے اور آئی ایم ایف کا قرض سمیت فیٹف پر بات ہو گی۔تفصیلات کے مطابق امریکہ کا اعلی سطح کا وفد نائب وزیر خارجہ کی قیادت میں کل ( جمعرات کو ) اسلام آباد پہنچے گا ۔ جہاں پر وہ وزیر اعظم ہاؤس میں وزیر اعظم عمران خان ، وزیر خارجہ شاہ محمود قریشی سے اہم ملاقات کریں گے ۔جس میں خطے کی صورت حال ، پاک امریکہ تعلقات اور بھارت کے ساتھ کشیدگی جیسے امور زیر بحث آئیں گے ۔

اس کے علاوہ امریکی وفد آئی ایم ایف کے ساتھ پاکستان کے ساتھ مذاکرات کرے گا جبکہ امریکی وفد آرمی چیف جنرل قمر جاوید باجوہ سے جی ایچ کیو میں اہم ملاقات کریں گے جس میں پاکستانی سول و عسکری قیادت امریکی وفد کو کرپشن ، منی لانڈرنگ کے خاتمے اور فیٹف اجلاس کے حوالے سے کوششوں اور اقدامات سے آگاہ کریں گے ۔ ملاقات میں پاکستان کی طرف سے معاشی اصلاحات اور قرضے کے لئے آئی ایم ایف کی مجوزہ شرائط پر بھی تبادلہ خیال کیا جائے گا ۔

اسلام آباد(ایمرا نیوزآن لائن)
نامزد سیکریٹری خارجہ سہیل محمود آج منگل کو مس تہمینہ جنجوعہ کی جگہ پر عہدہ سنبھالیں گے، وہ اسی دن وزارت خارجہ میں 35 سال تک خدمات انجام دینے کے بعد ریٹائر ہو رہی ہیں۔ سہیل محمود بھارت میں پاکستان کے ہائی کمشنر تھے، وہ ہفتے کو اپنی ذمہ داریوں سے سبکدوش ہوئے جس کے بعد سید حیدر شاہ متبادل کی تعیناتی تک پاکستان کے قائم مقام ہائی کمشنر بن گئے۔

سہیل محمود دفتر خارجہ اور کچھ دیگر اہم دفاتر میں منعقدہ بریفنگز میں حصہ لیں گے۔ نئے سیکریٹری خارجہ ایسے حالات میں یہ عہدہ سنبھال رہے ہیں جب پاکستان کو بیرونی محاذ پر سخت چیلنجز کا سامنا ہے۔ بھارت سے خطرات سرفہرست ہیں جہاں عام انتخابات کا عمل جاری ہے اور انتخابی نتائج کے پاکستان کے ساتھ تعلقات پر براہِ راست اثرات ہوں گے۔ افغانستان کی صورتحال بھی ایک چیلنج ہے جہاں جنگ زدہ ملک کے مستقبل اور اس کے پاکستان کے تعلقات کے حوالے سے پاکستان کا کردار اہمیت کا حامل ہوگا۔ سہیل محمود وزیراعظم عمران خان کے ساتھ چین کے دورے پر بھی جائیں گے جبکہ آئندہ اتوار کو دورہ ایران کے موقع پر بھی وہ وزیراعظم کے ساتھ ہو.

اسلام آباد (ایمرا نیوزآن لائن)
سابق وزیر داخلہ اور چئیرمین قائمہ کمیٹی برائے داخلہ سینیٹر رحمان ملک نے کہا ہے کہ بھارت پورے خطے کا ایس ایچ او بننا چاہتا ہے۔آر ایس ایس چاہتی ہے کہ بھارت صرف ہندو رہیں باقی سکھ مسلمان یا کوئی کسی مذہب کے ماننے والے نہ ہوں۔میڈیا رپورٹس کے مطابق رحمان ملک نے نجی ٹی وی سے گفتگو میں مزید کہا کہ اس وقت بھارت میں مودی کے خلاف کوئی بات نہیں کر سکتا کیونکہ آر ایس ایس کا خوف بھارتیوں پر طاری ہے۔

بھارت پاکستان پر بڑا حملہ نہیں کر سکتا کیونکہ وہ اس پوزیشن میں نہیں ہے۔ان کا کہنا تھا کہ پاکستان کو توڑنے والا شخص بھی مودی ہے،ان کا کہنا تھا کہ بھارت نے پاکستان میں دہشت گردی پھیلائی،ہم نے دہشت گردی کے خلاف جنگ میں اتنی قربانیاں دیں لیکن ہمیں آج بھی دنیا کو بتانا پڑ رہا ہے کہ بھارت افغان انٹیلی جنس سے مل کر پاکستان میں دہشت گردی کراتا ہے۔

چئیرمین قائمہ کمیٹی برائے داخلہ نے مزید کہا کہ امریکا کے افغانستان میں مقاصد ہیں لیکن امریکا کا بنیادی مقصد ایشیا میں اپنا وجود برقرار رکھنا ہے۔اگر واشنگٹن اور طالبان کے مذاکرات کامیاب ہو جاتے ہیں تو کابل میں مضبوط افغان طالبان کی حکومت بن سکتی ہے۔اشرف غنی کی حکومت بہت کمزور ہو چکی ہے۔انہوں نے مزید کہا کہ کرپشن ختم کرنے کا کوئی باضابطہ نظام موجود نہیں۔
کسی بھی اچھی گورننس کے لیے تین مرحلہ وار احتساب کا نظام ہونا چاہئیے۔ایک ایسا قانون بننا چاہئیے جس میں موجودہ حکومت کا بھی احتساب ہو۔آئندہ وقتوں میں موجودہ حکومت کے وزراء اور وزیراعظم کو بھی لوگ احتساب کے کٹہرے میں کھڑا دیکھیں گے۔انہوں نے مزید کہا کہ اگر یہ بات ثابت ہو جائے کہ محترمہ نے مشرف سے این آر او لیا ہے تو میں استعفیٰ دے دوں گا۔سابق وزیر داخلہ نے کہا کہ بلاول بھٹو سیاست میں نیا ویژن لے کر آئیں گے۔

اسلام آباد( ایمرا نیوزآن لائن)
وزیراعظم عمران خان نے کہا ہے کہ سی ڈی اے پلاٹوں کی نیلامی انتہائی کامیاب رہی ، نیلامی سے تاریخ میں سب سے زیادہ 11 ارب 28 کروڑ روپے ملے۔جمعہ کو سماجی رابطے کی ویب سائٹ ٹوئٹر پر عمران خان نے اپنے ٹوئٹ میں کہا کہ سی ڈی اے پلاٹوں کی نیلامی انتہائی کامیاب رہی ، نیلامی سے تاریخ میں سب سے زیادہ 11 ارب 28 کروڑ روپے ملے،انہوں نے کہا کہ پلاٹس کی تاریخی نیلامی 2 اہم چیزوں کی نشاندہی کرتی ہے، نیلامی مستقبل کی معیشت پراعتمادکی مظہرہے اوریہ بھی ثابت ہوتاہے ماضی میں کرپشن کے ذریعے کتنی رقم ضائع کی گئی۔

اسلام آباد ( ایمرا نیوزآن لائن )
چیف جسٹس آاف پاکستان جسٹس آصف سعید خان کھوسہ نے جوڈیشل کانفرنس کل( ہفتہ کو) طلب کرلی ۔تفصیلات کے مطابق چیف جسٹس آف پاکستان جسٹس آصف سعید کھوسہ کی زیر صدارت ڈیشل کانفرنس 13 اپریل کوہوگی ۔جس میں صوبائی ہائی کورٹس کے چیف جسٹس صاحبان سپریم کورٹ کے جج صاحبان کے علاوہ 116 ماڈل کورٹس کے سربراہان کی شرکت کرینگے۔ کانفرنس میں ملک میں عدالتی نظام میں اصلاحات اور اس میں ہونے والی پیش رفت کا جائزہ لیا جائے

نمائش رواں سال 9 سے 11 ستمبر تک سان ڈیاگو میں منعقد ہوگی

اسلام آباد (ایمرا نیوزآن لائن)
ٹریڈ ڈویلپمنٹ اتھارٹی آف پاکستان (ٹی ڈی اے پی) نے رواں سال ستمبرمیں امریکا میں ہونے والی 3روزہ تجارتی نمائش کے لیے شرکت کے خواہشمند کاروباری افراد اور برآمد کنندگان سے درخواستیں طلب کر لی ہیں۔ٹی ڈی اے پی کے مطابق 9 سے 11 ستمبر تک سان ڈیاگو میں منعقد ہوگی اور اس میں ماحولیاتی تحفظ، سیفٹی مصنوعات اور دیگر مصنوعات فروخت کے لیے پیش کی جائیں گی، نمائش میں شرکت کے خواہشمند برآمد کنندگان اور کاروباری افراد 25 اپریل تک اپنی درخواستیں جمع کرا سکتے ہیں۔

اسلام آباد(ایمرا نیوزآن لائن)
رواں مالی سال 2018۔19ء کے پہلے 8ماہ کے دوران متفرق الیکٹریکل مشینری کی ملکی برآمدات میں 11.26کا اضافہ ریکارڈ کیا گیا ہے۔ ادارہ برائے شماریات پاکستان کی رپورٹ کے مطابق گزشتہ مالی سال 2017۔18ء4 کے پہلے 8ماہ کے دواران 2ہزار 525ملین روپے مالیت کی متفرق الیکٹریکل مشینری برآمد گئی جبکہ رواں مالی سال 2018۔19ء4 کے پہلے 8ماہ کے دوران متفرق الیکٹریکل مشینری کی ملکی برآمدات 2 ہزار 876 ملین روپے مالیت تک بڑھ گئی۔اس طرح گزشتہ مالی سال 2017۔18ء4 کے پہلے 8 ماہ کے مقابلہ میں رواں مالی سال کے اسی عرصہ کے دوران متفرق الیکٹریکل مشینری کی ملکی برآمدات میں 291ملین روپے یعنی 11.26کا اضافہ ریکارڈ کیا گیا۔

اسلام آباد( ایمرا نیوزآن لائن )
پاکستانی معروف ڈرامہ خانی کی مصنفہ اسما نبیل بھی مہوش حیات کو صدارتی ایوارڈ ملنے کے حق میں بول پڑیں۔ نجی اخبار کو دیئے گئے خصوصی انٹرویو میں اسما نبیل نے کہا ہے کہ مہوش حیات کو صدارتی ایوارڈ ملنے پر ان کے ساتھ جو کچھ ہورہا ہے، وہ اچھا نہیں، مہوش نے کئی سپر ہٹ ڈراموں اور فلموں میں عمدہ کام کیا ہے۔انہیں صدارتی ایوارڈ ملنا اچھی بات ہے۔ڈرامہخانی کی غیر معمولی مقبولیت کے بارے میں بتایا کہ یہ ٹیم ورک تھا، ڈرامہ میں ثنا جاوید اور فیروز خان کی کیمسٹری بہت اچھی تھی۔

میرے لکھے ہوئے ڈرامے ناظرین کے دل میں اتر رہے ہیں۔ ڈرامے کا ٹائٹل سانگ استاد راحت فتح علی خان نے بہت ہی خوب صورت انداز میں گایا تھا۔ انہوں نے کہا کہ میرے نزدیک فیروز خان میں ایک بڑا فن کار ہونے کی تمام صلاحیتیں موجود ہیں۔ آنے والے دنوں میں وہ شوبز انڈسٹری کے صف اول کے فن کار ثابت ہوں گے۔ انہوں نے ایک سوال کے جواب میں کہا کہ میری کامیابی کے پیچھے میرے بھائی ہیں، اگر وہ میری مدد نہ کرتے تو شاید آج اس مقام تک نہیں پہنچتی۔

تھرکول منصوبے کے پہلے یونٹ سے بجلی کی پیداوار ملک کی توانائی کی تاریخ کا ایک سنہرا باب ہے، ترجمان پی پی آئی بی

اسلام آباد (ایمرا نیوز آن لائن )
660 میگاواٹ کی صلاحیت کے حامل اور دو یونٹس پر مشتمل تھرکول پاور پراجیکٹ کا افتتاح آج بدھ کو ہو گا۔ پرائیویٹ پاور انفراسٹرکچر بورڈ ( پی پی آئی بی ) کے ترجمان کے مطابق پی پی آئی بی کی کوششوں کے ثمرات سامنے آرہے ہیں اور پی پی آئی بی کے ذریعے تھرکول منصوبے کے پہلے یونٹ سے بجلی کی پیداوار ملک کی توانائی کی تاریخ کا ایک سنہرا باب ہے۔اس منصوبے سے توانائی کے تحفظ کو یقینی بنانی, توانائی کے شعبے میں خود کفالت حاصل کرنے اور روزگار کے ہزاروں مواقع فراہم کرنے میں مدد ملے گی۔

یہ منصوبہ چین پاکستان اقتصادی راہداری کا حصہ ہے اور یہ ملک میں توانائی کے لئے بڑے منصوبوں اور بنیادی ڈھانچے کی ترقی کے منصوبوں کے لئے گیم چینجر ثابت ہوگا۔ تھرکول پاور پراجیکٹ اینگرو پاورجن لمیٹڈ، چائنا مشینری انجینئرنگ کارپوریشن، حبیب بینک لمیٹڈ اور لبرٹی ملز لمیٹڈ کا مشترکہ منصوبہ ہے، منصوبے پر کام کا آغاز 4 اپریل 2016 میں مالیاتی معاملات کو حتمی شکل دیئے جانے اور سکیورٹی پیکج معاہدوں پر دستخط کے بعد ہوا تھا۔

نوکریاں زیادہ ہوجائیں گی ، خواہشمند کم پڑ جائیں گے ،پان سگریٹ والے بھی آکر کہیں گے آئیں ہم سے ٹیکس لے لو ، وفاقی وزیر

اسلام آباد( ایمرا نیوزآن لائن )
وفاقی وزیر فیصل واوڈا کا کہنا ہے کہ صرف 4 ہفتوں میں پاکستان میں نوکریوں کی بارش ہونے والی ہے، ملک میں نوکریاں زیادہ ہو جائیں گی اور نوکریوں کے خواہش مند کم پڑ جائیں گے۔تفصیلات کے مطابق وفاقی وزیر فیصل واڈا نے نجی ٹی وی سے گفتگو کرتے ہوئے انکشاف کیا ہے کہ چار ہفتوں میں ملک میں نوکریاں زیادہ ہو جائیں گی اور نوکریوں کے خواہش مند کم پڑ جائیں گے، چند ہفتوں میں حالات اتنے اچھے ہو جائیں گے کہ پان سگریٹ والے بھی آکر کہیں گے کہ ہم سے ٹیکس لے لو۔وفاقی وزیر کا کہنا تھا غیب کا علم صرف اللہ تعالی کو ہے، وہ غیب کا کچھ نہیں بتا سکتے، حمزہ شہباز کی گرفتاری کے معاملے کی منطق میری سمجھ سے بالاتر ہے ۔انہوں نے کہاکہ اگر ہم ٹیکس میں تاجروں کو آسانیاں دیں گے تو پوری دنیا سے پاکستان بزنس آئے گا جب حکومت ترقی کے لئے سخت فیصلے لیتی ہے تو احتساب و ٹیکس کا نظام واضح کام کرتا ہے، اداروں کے اندر بھی ہم نے ن لیگ کے لوگ پکڑے ہیں جو حکومت کو کمزور کر رہے تھے.