Tag افغانستان

ویب ڈیسک : چیئرمین پیپلز پارٹی بلاول بھٹو نے طالبان کی حکومت کو تسلیم کرنے سے متعلق وزیراعظم عمران خان کے بیان کو خوش آئند قرار دے دیا۔غیرملکی نشریاتی ادارے کو دیئے گئے انٹرویو چیئر مین پیپلزپارٹی بلاول بھٹو کا کہناتھاکہ طالبان کی حکومت کوتسلیم کرنے سےمتعلق وزیراعظم کا بیان خوش آئند ہے،میری تجویزہےکہ اس معاملے پروزیراعظم پارلیمان میں بھی بحث کرائیں۔ انہوں نے کہا کہ بدقسمتی سے اب تک اس اہم معاملے پر پارلیمان میں بحث نہیں ہو سکی۔
چیئرمین پیپلز پارٹی کا کہنا تھا کہ خطے کا امن افغانستان سے جڑا ہوا ہے،افغانستان کے مستقبل کا فیصلہ افغان عوام کوکرناہے۔افغان عوام کواپنےحقوق دیناہوں گے،چیئرمین پیپلز پارٹی بلاول بھٹو نے مطالبہ کیا کہ عالمی برادری افغانستان کی مدد کرے۔

کابل (ویب ڈیسک)طالبان اور امریکا کی 20 دہائوں کی طویل جنگ کا خاتمہ ہو گیا اور طالبان نے افغانستان کو مکل قبضے میں لے لیا ہے.افغانستان میں طالبان کی حکومت کے حوالے سے بیانات سامنے آ رہے ہیں .اسی سلسلے میں نائب وزیراطلاعات افغانستان ذبیح اللہ مجاہد نے وضاحت بیان کرتے ہوئے کہا ہے کہ وزیراعظم عمران خان کی امن بارے کوششوں کو افغانستان میں مداخلت نہ سمجھا جائے۔انہوں نےکابل میں پریس کانفرنس کی .کانفرس کے دوران نائب وزیراطلاعات افغانستان ذبیح اللہ مجاہد نے وزیراعظم عمران خان کے بیان کا خیر مقدم کیا اورافغانستان میں امن کے لیے عمران خان کے کردارکی تعریف کی. انہوں نے مزید کہا کہ پاکستان سمیت خطے کے تمام ممالک کے ساتھ رابطے میں ہیں لیکن افغانستان کے اندرونی حالات میں کسی کو مداخلت کی اجازت نہیں دی۔

کابل(ویب ڈیسک)طالبان کی عبوری حکومت کے ثقافت اور اطلاعات کے نائب وزیر طالبان ذبیح اللہ مجاہد نے کہا ہے کہ امریکا کو افغان جنگ کے دوران کی گئی قتل و غارت گیری پر بھی معافی مانگے اور لواحقین کی تلافی کے طور پر مالی امداد بھی کرنا چاہیئے۔

عالمی خبر رساں ادارے کے مطابق امریکا نے اگست کے آخر میں ڈرون حملے میں بچوں سمیت 10 افراد کی ہلاکت کو ’’سنگین غلطی‘‘ تسلیم کرتے ہوئے کہا تھا کہ ڈرون حملے کا نشانہ بننے والے داعش کے مشتبہ خودکش بمبار نہیں بلکہ معصوم شہری تھے۔امریکا کے اس سفاک اعتراف پر طالبان حکومت کے نائب وزیر اطلاعات ذبیح اللہ مجاہد نے چینی میڈیا کو انٹرویو میں کہا کہ یہ واحد واقعہ نہیں ہے جب امریکا نے سنگین جرم کا ارتکاب کیا ہو۔ 20 سالہ افغان جنگ میں ایسا کئی بار ہوا ہے۔
اس موقع پر ذبیح اللہ مجاہد نے یہ بھی مطالبہ کیا کہ امریکا کو اپنے ماضی کی قتل و غارت گیری اور جنگی جرائم پر بھی جوابدہ ہونا چاہیئے اور لواحقین کو زر تلافی بھی ادا کرنا چاہیئے۔ڈرون حملے میں معصوم جانوں کی ہلاکت کے امریکی اعتراف پر نائب وزیر اطلاعات ذبیح اللہ مجاہد نے مذمت کرتے کہا کہ یہ انسانی حقوق کی سنگین خلاف ورزی اور ایک ایسی لاپرواہی ہے جس میں درجنوں قیمتی جانوں کا نقصان ہوا۔

نئی دہلی (ویب ڈیسک)کابل ایئر پورٹ پر ہونے والے دھماکے کاخود کش بمبار بھارتی کالج کا طالب علم نکلا.تفصیلات کے مطابق کابل ائیرپورٹ پر ہوا دھماکہ جس کےنتیجے میں 13 امریکی فوجیوں سمیت 170 افراد ہلاک ہوئے تھے اس کے خود کش بمبار نے 2016 میں بھارتی شہر فریدآباد کے ایک کالج میں تعلیم حاصل کی تھی۔داعش کی جانب سے شائع ہونے والی ایک رپورٹ میں انکشاف کیا گیا ہے کہ کابل ایئرپورٹ پر دھماکا کرنے والا ان کا خود کش بمبارنا صرف بھارت میں تعلیم حاصل کرچکا ہے بلکہ بھارتی قانون نافذ کرنے والے اداروں کی گرفت میں بھی رہا ہے۔
بھارتی خفیہ ایجنسی ’’را‘‘ کے ایک افسر نے خود کش بمبار کے حوالے سے بتایا ہے کہ عبدالرحمان نے کالج میں داخلہ ضرور لیا مگر تعلیم جاری رکھنے کے بجائے دہلی کے چکر لگاتے ہوئےکئی مقامات کی تصاویربناتا رہا ۔ جس کےبعد مشکوک اور خفیہ سرگرمیوں کے باعث حراست میں لیا گیا تھا۔
افسر کا مزید کہنا تھا کہ عبدالرحمان سے کوئی خاطر خواہ شواہد حاصل نہ کرنے کے بعد اسے افغان حکومت کے حوالے کیا گیا جہاں دوران تفتیش ملزم نے داعش کی کئی تربیت گاہوں کے بارے میں بتایا۔

پاکستان (ویب ڈیسک)24 ستمبر کووزیراعظم عمران خان اقوام متحدہ کی جنرل اسمبلی سے خطاب کریں گے۔تفصیلات کے مطابق اقوام متحدہ میں پاکستان کے سفیر منیر اکرم کا اس حوالے سے کہنا ہے کہ کہا کہ جنرل اسمبلی میں ہونے والےخطاب میں مباحثوں کا محور عالمی مسائل اور بعض تنازعات کی صورتحال ہو گا .علاوہ ازیں پاکستان مقبوضہ کشمیر میں انسانی حقوق کی خلاف ورزیوں سے دنیا کو آگاہی فراہم کرے گا.اقوام متحدہ کی جنرل اسمبلی کے 76ویں اجلاس میں شرکت کے لیے وزیر خارجہ شاہ محمود قریشی نیویارک پہنچ چکے ہیں.اقوام متحدہ کے سیکریٹری جنرل انتونیو گوتریس نےایک انٹرویو کے دوران بتایا ہےکہ ‘افغانستان میں صوتحال غیر متوقع ہے’۔انہوں نے خبردار کیا کہ ‘مختلف اقدامات اور پابندیوں کی موجودگی میں، معیشت مکمل تباہ ہونے کا خطرہ ہے’۔

دوشنبے(ویب ڈیسک) چین کے صدر شی جن پنگ نے افغانستان میں طالبان حکومت کے قیام اور عالمی برادری کے اعتراضات سے پیدا ہونے والے بحران کے حل کے لیے 3 نکاتی ایجنڈا پیش کردیا۔

عالمی خبر رساں ادارے رائٹرز کے مطابق تاجکستان میں منعقد ہونے والے شنگھائی تعاون تنظیم (ایس سی او) کے سربراہی اجلاس سے خطاب کرتے ہوئے چینی صدر نے افغانستان میں اقتدار کی تبدیلی کے بعد پیدا ہونے والے عدم استحکام کے خاتمے پر زور دیتے ہوئے 3 نکاتی ایجنڈا پیش کیا ہے۔

رائٹرز نے اپنی رپورٹ میں چائنا میڈیا گروپ کے ایک مضمون کے حوالے سے لکھا کہ چین کے صدر شی جن پنگ نے افغانستان کی خودمختاری کا احترام کرنے، افغان سربراہی میں امن عمل کو جاری رکھنے اور افغان عوام کو خود اپنے ملک کا مستقبل طے کرنے کا موقع دینے کا سہہ نکاتی ایجنڈا پیش کیا۔
صدر جن پنگ نے مزید کہا کہ افغانستان میں صورت حال افراتفری سے استحکام کی جانب رواں دواں ہے اور قریبی ہمسائے ہونے کی وجہ سے ہم افغانستان سے لاتعلق نہیں رہ سکتے۔ شنگھائی تعاون تنظیم کے رکن ممالک بھی اس سلسلے میں اپنی ذمہ داریاں نبھائیں۔چینی صدر نے مطالبہ کیا کہ افغان تنازعے کو تمام ڈھروں سے بات چیت کرکے اور وہاں کی عوام کی رائے کا احترام کرتے ہوئے جلد سے جلد سیاسی حل کے ذریعے ختم کیا جائے۔

صدر شی جن پنگ نے مزید کہا کہ اسی طرح عالمی برادری میں واپسی کے لیے طالبان حکومت سے بھی بات چیت کی جائے تاکہ ایک ایسا کثیر النسلی حکومتی اور سیاسی ڈھانچہ قائم ہو جو اعتدال پسند اور مثبت خارجہ پالیسیاں اپنائے۔اس موقع پر چینی صدر نے بحران کے شکار افغان عوام کی مالی امداد کی ضرورت پر زور دیتے ہوئے کہا کہ چین افغانستان کی انسانی بنیادوں پر امداد اور پناہ گزینوں کو خوش آمدید کہنے کی ہامی بھر چکا ہے جب کہ وہ ممالک جن کی وجہ سے افغانستان کا آج یہ حال ہے انھیں بھی قدم بڑھانا چاہیئے۔چینی صدر نے افغانستان کی موجودہ صوت حال کا ذمہ دار امریکا اور اس کے اتحادی ممالک کو قرار دیا۔

کابل (ویب ڈیسک) افغانستان کے دارالحکومت کابل میں زور دار دھماکہ ہوا ہے . دھماکوں کے نتیجے میں 3 طالبان اہلکار ہلاک اور 20 سے زائد شہری زخمی ہوگئے۔تفصیلات کے مطابق سڑک کنارے نصب بم اُس وقت پھٹا جب وہاں سے گشت پر مامور طالبان رینجرز کی گاڑی گزر رہی تھی۔ہلاک اور زخمی ہونے والوں کو قریبی ہسپتال منتقل کردیا گیا جہاں 4 زخمیوں کی حالت نازک ہے.ہلاکتوں میں اضافے کا خدشہ ظاہر کیا جا رہا ہے۔

امریکا (ویب ڈیسک) بالآخر امریکا نے افغانستان میں کی گئی بڑی غلطی کا اعتراف کر لیا.تفصیلات کے مطابق امریکا کی جانب سے 29 اگست کو افغانستان کے دارالحکومت کابل میں ہونے والے ڈرون حملے میں عام شہریوں کو نشانہ بنانے کا اعتراف کر لیا گیا ۔امریکی وزیردفاع لائڈ آسٹن نے ڈرون حملے میں عام شہریوں کو نشانہ بنانے اور متعدد افرادکی ہلاکت پرمعافی مانگ لی ہے۔ علاوہ ازیں‌ ہلاک ہونے والےافرادکےلواحقین سےاظہارتعزیت کرتے ہوئے معافی طلب کی.امریکی سینٹرل کمانڈ کینتھ مکینزی نے بھی اس امریکی ڈرون حملے کو غلطی قرار دیتے ہوئے افسوس کا اظہار کیا اور کہا کہ معذرت خواہ ہوں ۔

دوشنبے (ویب ڈیسک) وزیراعظم عمران خان تاجکستان میں ہونے والے شنگھائی تعاون تنظیم کے سربراہی اجلاس میں شریک ہیں . اجلاس سے وزیراعظم عمران خان نے خطاب کیا .دوران خطاب انہوں نے کہا اب افغان عوام کے ساتھ کھڑا ہونے کا وقت ہے، افغانستان کا مسئلہ سب کو مل کر حل کرنا ہوگا.انہوں نے مزید کہا کہ ہماری معیشت کو دہشت گردی کے خلاف جنگ میں اربوں ڈالر کا نقصان اٹھانا پڑا۔ پاکستان پر امن افغانستان کی خواہش رکھتا ہے اور سمجھتا ہے کہ افغان عوام اپنے فیصلے خود کریں. دنیا کوافغانستان کی حقیقت کو تسلیم کرنا ہوگا، افغانستان کو تنہا چھوڑا گیا تو مختلف بحران ایک ساتھ جنم لیں گے، افغانستان کو انسانی بحران، خوراک، بنیادی اشیا و دیگر چیلنجز کا سامنا ہے۔
وزیراعظم عمران خان کا مسئلہ کشمیر کے حوالے سے بات کرتے ہوئے کہا کہ یہ مسئلہ یو این قراردادوں کے مطابق حل ہونا چاہیے.پاکستان آزاد خود مختار فلسطین کی حمایت کرتا ہے۔ انہوں نے مزید کہا کہ خطے کو کئی چیلنجز کا سامنا ہے.پاکستان دنیا کیساتھ مل کر انسداد کورونا کیلئے کردار ادا کرتا رہے گا، تجارت، سرمایہ کاری، روابط کے فروغ کیلئے ایس سی او اہم فورم ہے۔
موسمیاتی تبدیلی کے حوالے سے بات کرتے ہوئے ان کا کہنا تھا کہ دنیا کیلئے یہ ایک بڑا چیلنج ہے، ہم نے ماحول کو بہتر بنانے اور فروغ کیلئے شجرکاری مہم شروع کی، اور ہراس حصے میں پودے لگائے جہاں سبزہ نہیں تھا، شجرکاری مہم کو دنیا کے مختلف ممالک میں تعریف کی گئی ۔
ا

اسلام آباد (ویب ڈیسک) اقوام متحدہ کے ہائی کمشنر برائے مہاجرین فلپپو گرانڈی سے آرمی چیف جنرل قمر جاوید کی ملاقات ہوئی . ملاقات کے دوران باہمی دلچسپی کے امور ، علاقائی سلامتی ، افغانستان کی موجودہ صورتحال اور انسانی امداد میں تعاون پرگفتگو کی گئی ۔آئی ایس پی ار کے مطابق آرمی چیف نے کہا کہ افغانستان میں انسانی ہمدردی اور پناہ گزینوں کے بحران سے بچنے کے لیے عالمی کوششوں کو یکجا کرنے کی ضرورت ہے ۔
آرمی چیف نے اقوام متحدہ کے بحرانوں کے دوران یو این ایچ سی آر کے کے کردار کی تعریف کی. علاوہ ازیں ہائی کمشنر نے بھی4 دہائیوں سے زائد عرصے تک چار لاکھ افغان مہاجرین کی میزبانی کے حوالے سے پاکستان کی کوششوں کا اعتراف کیا اور افغان صورتحال میں پاکستان کے کردار کو بھی سراہا۔
اقوام متحدہ کے ہائی کمشنر برائے مہاجرین فلپو گرانڈی نے ایوان صدر میں صدر عارف علوی سے بھی ملاقات کی.صدر مملکت نے اقوام متحدہ کے ہائی کمشنر برائے مہاجرین کا خیرمقدم کرتے ہوئے کہا کہ افغانستان میں طویل جنگ نے وام کی مشکلات میں اضافہ کیا ہے لہذٰا انہیں انسانی اور معاشی امداد کی اشد ضرورت ہے.