Tag اپوزیشن

اسلام آباد (میڈیا 92 نیوز آن لائن ) سینیٹ چیئرمین صادق سنجرانی کو عہدے سے ہٹانے کے لیے ان کے خلاف اپوزیشن کی جانب سے پیش کی گئی تحریک عدم اعتماد پر ووٹنگ آئندہ ہفتے ہوگی۔

اخبار رپورٹ کے مطابق سینیٹ سیکریٹریٹ سے جاری ہونے والے نوٹیفکیشن کے مطابق صادق سنجرانی آئندہ اجلاس کی سربراہی نہیں کرسکیں گے۔

اس ضمن میں ڈان کو ذرائع نے بتایا کہ آئندہ ہفتے ہونے والے سینیٹ اجلاس کا ایجنڈا چیئرمین سینیٹ اور ڈپٹی چیئرمین سینیٹ سلیم مانڈوی والا کے خلاف تحریک اعدام اعتماد پر مشتمل ہوگا۔

خیال رہے کہ اپوزیشن جماعتوں سے تعلق رکھنے والے سینیٹرز نے 9 جولائی کو چیئرمین سینیٹ صادق سنجرانی کے خلاف جبکہ حکومتی اراکین نے 12 جولائی کو ڈپٹی چیئرمین سینیٹ کے خلافتحریک عدم اعتماد جمع کروائی تھی۔

اپوزیشن جماعتوں کی جانب سے مشترکہ طور پر نیشنل پارٹی کے سربراہ حاصل بزنجو کو نیا چیئرمین سینیٹ نامزد کیا گیا ہے۔

ایک جانب جہاں حزب اختلاف کی جماعتیں واضح برتری کے سبب چیئرمین سینیٹ کو عہدے سے ہٹانے کے لیے پراعتماد ہیں تو دوسری جانب تحریک انصاف اس تحریک کو ناکام کرنے کا عزم رکھتی ہے۔

پاکستان پینل کوڈ میں درج سینٹ کے اصول ضوابط کے رول نمبر 12 کے مطابق چیئرمین سینیٹ یا ڈپٹی چیئرمین سینیٹ کو عہدے سے ہٹانے کے لیے تحریک پیش کرنے کی اجازت کے حصول کے سلسلے میں ایوان بالا کے ایک چوتھائی اراکین سیکریٹری کو نوٹس جمع کرواسکتے ہیں۔

جس کے بعد سیکریٹری مذکورہ نوٹس کو تمام اراکین کو بھجوانے کا مجاز ہے۔

متحدہ اپوزیشن نے نیشنل پارٹی بلوچستان کےمرکزی نائب صدر سیینیٹر میر حاصل خان بزنجو کو چیئرمین سینیٹ کے عہدے کے لیے مشترکہ امیدوار نامزد کردیاہے۔ میر حاصل خان بزنجو کو پاکستانی سیاست میں اہم مقام حاصل ہے ۔ وہ کئی دہائیوں سے سیاسی میدان میں سرگرم عمل ہیں ۔

میر حاصل بزنجو نے انیس سو اٹھاون میں ضلع خضدار کی تحصیل نال میں بلوچستان کے سابق گورنر اور نامور قوم پرست سیاستدان میرغوث بخش خان بزنجو کے گھر میں آنکھ کھولی ۔1977ءمیں میٹرک کرنے کے بعد 1979ءمیں گورنمنٹ کالج کوئٹہ سے انٹر کیا ۔

80 ءکی دہائی میں کراچی چلے گئے جہاں جامعہ کراچی سے آنرز کرنے کے بعد فلسفے میں ماسٹرز کی سند حاصل کی۔ ستر کی دہائی میں بلوچ اسٹوڈنٹس آرگنائزیشن کے پلیٹ فارم سے سیاست کا آغاز کیا۔

میر حاصل خان بزنجو نے 1988ءمیں نیشنل پارٹی میں شمولیت اختیار کی اور نال سے انتخابات میں حصہ لیا ۔انیس سو نوے میں خضدار کے حلقے این اے دو سو پانچ سے ضمنی انتخاب میں رکن قومی اسمبلی منتخب ہوئے ۔

انیس سو ستانوے میں اسی حلقے سے عوام نے میر حاصل خان بزنجو کو دوبارہ قومی اسمبلی پہنچایا۔میر حاصل بزنجو دو ہزار نو میں نیشنل پارٹی کے ٹکٹ پر سینیٹر منتخب ہوئے ۔2013 میں بلوچستان میں نیشنل پارٹی اقتدار میں آئی اور حاصل بزنجو 2014 میں اس کے صدر بنے ۔

میر حاصل خان بزنجو دو ہزار پندرہ میں دوبارہ سینیٹر بنے،اسی لیے انہوں نے دو ہزار اٹھارہ کے انتخابات میں حصہ نہیں لیا ۔

میر حاصل بزنجو سینیٹ کی بزنس ایڈوائزی کمیٹی، قانون اور انصاف، آبی ذرائع، خزانہ، مجوزہ قانون سازی اور ایوی ایشن کی کمیٹیوں کے رکن بھی ہیں ۔

پرویز مشرف کے دور میں حکومت کے خلاف تقریر کرنے کی پاداش میں انہیں کچھ عرصہ قید بھی کاٹنا پڑی ۔

اسلام آباد (میڈیا 92 نیوز آن لائن ) مسلم لیگ (ن) کے قائد اور سابق وزیراعظم نوازشریف نے حاصل بزنجو کو چیئرمین سینیٹ کا متفقہ امیدوار نامزد کرنے کی منظوری دے دی۔

ذرائع کے مطابق نوازشریف نے بلوچستان کو حق دینے کیلئے حاصل بزنجو کا نام تجویز کیا ہے اور انہیں چیئرمین سینیٹ کے لیے اپوزیشن کا متفقہ امیدوار نامزد کرنے کی منظوری دی ہے۔

ذرائع کا کہناہےکہ سابق وزیراعظم نے پارٹی رہنماؤں کو (ن) لیگ کی طرف سے بھی چیئرمین سینیٹ کے لیے حاصل بزنجو کا نام تجویز کرنے کی ہدایت کی ہے۔

واضح رہے کہ اپوزیشن نے چیئرمین سینیٹ صادق سنجرانی کی تبدیلی کے تحریکِ عدم اعتماد سینیٹ سیکریٹریٹ میں جمع کرادی ہے جس پر اپوزیشن کے 44 ارکان کے دستخط ہیں۔

اپوزیشن کی جانب سے چیئرمین سینیٹ کے لیے ممکنہ امیدوار حاصل بزنجو بلوچستان سے تعلق رکھتے ہیں اور وہ نیشنل پارٹی کے صدر ہیں جب کہ ان کی جماعت کی سینیٹ میں 5 نشستیں ہیں۔

جام پور(ایمرا نیوزآن لائن) وزیر مملکت ماحولیات زرتاج گل نے کہا ہے کہ وزیر اعظم پاکستان عمران خان کی قیادت میں پا کستان تیزی سے تعمیر و ترقی اور خوشحالی کی شاہراہ پر گامزن ہے ،حکومت کی کا میاب معاشی پالیسیوں کے باعث ملکی معیشت روز بروز مستحکم ہو رہی ہے ۔ سماجی شخصیت و ضلعی رہنما پی ٹی آئی رانا محمد شہباز سے ملا قات کے دوران گفتگو کرتے ہوئے انہوں نے کہا پوزیشن اس وقت احتساب کے خوف سے چور مچائے شور کا کردار ادا کررہی ہے اور این آر او کے حصول کیلئے دباؤ ڈالا جا رہاہے مگر وزیر اعظم کرپٹ مافیا کو ہر گز رعایت دینے کے حق میں نہیں،کرپٹ مافیا کی چیخوں میں روز بروز اضافہ ہو گا۔انہوں نے کہا کہ جنوبی پنجاب صوبے کا قیام اولین ترجیح ہے ۔