Tag اپوزیشن

بلوچستان (ویب ڈیسک)بلوچستان اسمبلی میں وزیر اعلیٰ بلوچستان جام کمال کیخلاف عدم اعتماد جمع کرانے کے حوالےسے ان کا موقف سامنے آیا ہے.تفصیلات کے مطابق وزیر اعلیٰ بلوچستان جام کمال نے کہا ہے کہ اسمبلی میں میرے خلاف عدم اعتماد کی تحریک کی بالکل پرواہ نہیں۔انہوں نے اس حوالے سے اپنی ٹوئٹ میں کہا کہ الحمدللہ مجھے عدم اعتماد کی تحریک کی پرواہ نہیں ، میری جماعت اور اتحادی اگرمیرے ساتھ ہیں تو اپوزیشن سے فرق نہیں پڑتا۔ان کا مزید کہنا تھا کہ پارٹی اور جس دن میری جماعت اور اتحادیوں کی اکثریت نے عدم اعتماد کیا اس دن مجھے ایوان کا سربراہ ہونے کا حق نہیں ہوگا اور میں چلا جاوٴں گا۔

یاد رہے کہ بلوچستان میں اپوزیشن نےگزشتہ روز زیراعلیٰ بلوچستان جام کمال خان کے خلاف عدم اعتماد کی تحریک جمع کرائی ہے جس کے مطابق گزشتہ 3 سال میں جام کمال خان کی نا اہل حکمرانی کے باعث بلوچستان میں شدید مایوسی، بدامنی ،بیروزگاری اور اداروں کی کارکردگی شدید متاثر ہوئی ہے۔

اسلام آباد(ویب ڈیسک) اپوزیشن نے پارلیمنٹ کے مشترکہ اجلاس سے صدر کے خطاب کے دوران واک آؤٹ کردیا۔
پارلیمنٹ کے مشترکہ اجلاس میں وزیراعظم عمران خان، قائد حزب اختلاف شہبازشریف، شاہد خاقان عباسی، چاروں صوبوں کے گورنرز اور ورزائے اعلیٰ بھی موجود تھے۔ اس کے علاوہ آزاد کشمیرکے صدر، سروسز چیفس اور مختلف ممالک کے سفیر بھی مہمانوں کی گیلری میں موجود تھے۔صدرِ مملکت عارف علوی کے مشترکہ اجلاس سے خطاب کے آغاز پر ہی اپوزیشن اراکین نے ایوان میں شور شرابا شروع کردیا اور شدید احتجاج کیا۔

اپوزیشن کے شدید احتجاج کے باعث صدر نے دوران صدر مملکت نے دوسری بار پانی پیتے ہوئے کہا کہ مجھے شروع میں زور زور سے بولنا پڑا۔صدر کے خطاب کے دوران اپوزیشن اراکین نے مسلسل نعرے بازی کی اور اسپیکر ڈائس کے سامنے جمع ہوگئے، اپوزیشن اراکین نے پلے کارڈز اٹھا رکھے تھے جس پر آزاد میڈیا پر حملہ نامنظور، لوگوں کا معاشی قتل بند کرو، میڈیا پر مارشل لاء مسترد اور پی ایم ڈی اے کو مسترد کیے جانے سے متعلق نعرے درج تھے۔بعد ازاں اپوزیشن اراکین نے صدر مملکت کے خطاب کے دوران ہی ایوان سے واک آؤٹ کردیا۔

ملتان میں میڈیا سے گفتگوکرتے ہوئے چیئرمین پیپلزپارٹی بلاول بھٹو کا کہنا تھا کہ الیکٹرانک ووٹنگ مشین متنازعہ معاملہ ہے اور یہ معاملہ بات چیت سے ہی حل ہو گا کیونکہ لوڈ شیڈنگ کے ماحول میں الیکٹرانک ووٹنگ کی بات ہو رہی ہے۔
بلاول بھٹو زرداری نے کہا کہ شہباز شریف مسلم لیگ ن کے صدر ہیں اُن کا فیصلہ حتمی ہونا چاہیے لیکن جب بھی شہباز شریف کا بیان آتا ہے تو پیچھے سے آواز آتی ہے یہ اُن کا ذاتی فیصلہ ہے۔
انہوں نے کہا کہ پاکستان ڈیمو کریٹک موومنٹ (پی ڈی ایم) میں جب تک کنفیوژن ہو گی مسئلہ حل نہیں ہو گا جبکہ پاکستان تحریک انصاف (پی ٹی آئی) جنوبی پنجاب سیکرٹریٹ کے نام پر لالی پاپ دے رہی ہے۔ ہم روزگار دیتے ہیں اور یہ لوگ روزگار چھین لیتے ہیں۔
ملتان میں صحافیوں سے ملاقات کے دوران بات چیت کرتے ہوئے کہا کہ لوگ پیپلز پارٹی میں شمولیت اختیار کرنا چاہتے ہیں تاہم ہماری تیاری لانگ مارچ کے لیے ہے اور جیسے ہی اپوزیشن تیار ہوئی تحریک عدم اعتماد لے آئیں گے۔

اسلام آباد (میڈیا 92 نیوز آن لائن ) چیئرمین سینیٹ صادق سنجرانی کیخلاف تحریک عدم اعتماد ناکام ہونے کے بعد اپوزیشن لیڈر شہباز شریف کی زیرصدارت اپوزیشن رہنماؤں ہنگامی اجلاس ہوا جس میں فیصلہ کیا گیا کہ جن 14 سینیٹرز نے دھوکا دیا انہیں بے نقاب کیا جائے گا۔

اجلاس کے بعد چیئرمین پیپلز پارٹی بلاول بھٹو زرداری اور دیگر رہنماؤں کے ہمراہ پریس کانفرنس کرتے ہوئے پاکستان مسلم لیگ ن کے صدر شہباز شریف نے کہا کہ اجلاس میں پارٹی پالیسی سے انحراف کرنے والے اراکین کے خلاف سخت کارروائی کا فیصلہ کیا گیا ہے۔

شہباز شریف نے کہا کہ جن 14 ارکان نے اپنا ضمیر بیچا ان کی نشاندہی کریں گے، ہم اگلے ہفتے آل پارٹیز کانفرنس (اے پی سی) بلائیں گے جس میں آج زیر بحث آنے والے آپشنز پر غور کریں گے۔

اپوزیشن لیڈر نے کہا کہ ہم نے طے کیا ہے کہ سینیٹ کے ہر اجلاس میں بھرپور شرکت کریں گے، سینیٹ کے اجلاس میں آج ہونے والی ہارس ٹریڈنگ پر بات کریں گے۔

شہباز شریف نے الزام عائد کیا کہ سلیکٹڈ حکومت نے سینٹ کو بھی سلکیٹڈ کر دیا، خفیہ ووٹنگ میں 14 ووٹ کم پڑے۔ انہوں نے الزام عائد کیا کہ گزشتہ برس جو دھاندلی زدہ الیکشن ہوئے تھے اس کی تاریخ آج دہرائی گئی ہے۔

اپوزیشن لیڈر نے کہا کہ تمام جماعتوں نے مشاورت کے بعد فیصلہ کیا ہے کہ جن 14 ارکان نے ضمیر فروشی کی ہم ان کی نشاندہی کرکے عوام کے سامنے انہیں بے نقاب کریں گے۔

14 سینیٹرز نے پارٹی کی پیٹھ پر چھرا گھونپا ہم انہیں نہیں چھوڑیں گے، بلاول

اس موقع پر چیئرمین پیپلز پارٹی بلاول بھٹو زرداری نے کہا کہ آج سینیٹ میں جمہوریت پر کھلے عام حملہ کیا گیا، جب تحریک پیش کی گئی تو 64 سینیٹرز نے کھڑے ہوکر حمایت کی لیکن خفیہ رائے شماری میں تعداد کم ہوگئی۔

انہوں نے کہا کہ بعض اراکین کے انحراف کے باوجود 50 سینیٹرز نے چیئرمین سینیٹ کیخلاف ووٹ دیا لہٰذا اخلاقی طور پر چیئرمین سینیٹ کو اب بھی مستعفی ہوجانا چاہیے۔

چیئرمین پیپلز پارٹی نے کہا کہ یہ سینیٹ پر حملہ ہے جس کا حساب لیا جائے گا، ہم اپنی جماعت میں بھی دیکھیں گے کہ وہ کون تھا جو دباؤ میں آیا، کون تھا جس نے اپنا ضمیر بیچا، 14 سینیٹرز نے اپنی پارٹی کی پیٹھ پر چھرا گھونپا ہے ہم انہیں نہیں چھوڑیں گے۔

بلاول نے حکومت کو خبردار کیا کہ حکومت یہ نہ سمجھے کہ متحدہ اپوزیشن اس کا پیچھا چھوڑ دے گی، یہ سلسلہ جاری رہے گا، اے پی سی بلائی جارہی ہے، ہم یہ لڑائی سینیٹ میں لڑیں گے، سینیٹ میں اصلاحات لے کر آئیں گے، سینیٹ میں صاف و شفاف الیکشن کرانے کیلئے اصلاحات لے کر آئیں گے، رولز کو دیکھیں گے اور اس چیئرمین سینیٹ کا مقابلہ کریں گے۔

بلاول نے استفسار کیا کہ سینیٹر شبلی فراز کس چیز کی فتح پر ڈیسک بجا رہے تھے؟ کیا وہ ضمیر فروشی پر ڈیسک بجارہے تھے؟

چیئرمین پیپلز پارٹی نے کہا کہ متحدہ اپوزیشن متحد ہے ، سڑکوں اور پارلیمنٹ میں جدوجہد جاری رہے گی، آج جیت جاتے تو بھی جیت تھی لیکن ہار میں بھی ہماری جیت ہے کیوں کہ ہم نے ہار کر کٹھ پتلی سینیٹرز کو بے نقاب کردیا ہے۔

اس موقع پر جمعیت علمائے اسلام کے مولانا اسد محمود نے کہا کہ سنیٹ میں بد ترین ہارس ٹریڈنگ کی گئی۔

انہوں نے کہ اکہ اپوزیشن کی تحریک پر 64 ووٹ پڑے، دباؤ کے تحت سینیٹرز نے فیصلہ بدلا، بتائیں طاقت کا استعمال ہوا یا پیسہ لگا؟ انہوں نے کہا کہ 25 جولائی 2018 کو جو دباؤ تھا وہی دباؤ اب بھی ہے لیکن ہم نے نہ اس دباؤ کو مانا اور نہ اب مانیں گے۔

خیال رہے کہ چیئرمین سینیٹ صادق سنجرانی کے خلاف اپوزیشن کی تحریک عدم اعتماد ناکام ہوگئی اور حکومت صادق سنجرانی کو بچانے میں کامیاب رہی۔

اپوزیشن 64 ارکان کی حمایت کے دعوے کرتی رہی مگر تحریک کی کامیابی کیلئے مطلوبہ 53 ووٹ بھی نہیں لے سکی، صادق سنجرانی کے خلاف تحریک عدم اعتماد کے حق میں 50 ووٹ آئے اور تحریک عدم اعتماد کے خلاف 45 ووٹ ڈالے گئے، پانچ ووٹ مسترد ہوئے،100 اراکین نے ووٹنگ میں حصہ لیا۔

ڈپٹی چیئرمین سینیٹ سلیم مانڈوی والا کے خلاف حکومت کی عدم اعتماد کی تحریک بھی ناکام ہوئی، مخالفت میں 32 ووٹ آئے،، اپوزیشن کے صرف 3 ارکان نے ووٹنگ میں حصہ لیا۔

اسلام آباد: وزیراعظم عمران خان کی زیر صدارت اجلاس میں فیصلہ کیا گیا ہے کہ اپوزیشن کے کسی جلسے اور ریلی کو نہیں روکا جائے گا۔

وزیراعظم عمران خان کی زیر صدارت حکومتی ترجمانوں کا اجلاس ہوا جس میں وزیراعظم نے دورہ امریکا پر حکومتی ترجمانوں کو اعتماد میں لیا۔

ذرائع کے مطابق اجلاس میں چیئرمین سینیٹ کے خلاف تحریک عدم اعتماد کا معاملہ بھی زیر غور آیا اور ترجمانوں نے وزیراعظم کو تحریک عدم اعتماد کے نمبر گیم سے آگاہ کیا۔

ذرائع کا کہنا ہےکہ اجلاس میں فیصلہ کیا گیا کہ حکومت اپوزیشن کے خلاف سخت لائحہ عمل اپنائے گی جب کہ حکومت نے اپوزیشن کو احتجاج پر سخت رد عمل دینے کا بھی فیصلہ کیا ہے اور اس حوالے سے وزیراعظم نے حکومتی ترجمانوں کو اہم ہدایات جاری کردی ہیں۔

وزیراعظم عمران خان نے حکومتی ترجمانوں کو حکومت کا مثبت چہرہ عوام کے سامنے لانے کی ہدایت دی اور کہا کہ احتساب کا عمل بلاتفریق جاری رہے گا۔

وزیراعظم کا کہنا تھا کہ کرپشن کیسز میں ملوث لوگ ٹی وی پر آکر خود کو سیاسی شہید بنارہے ہیں اور قوم کو گمراہ کررہے ہیں۔

وزیراعظم عمران خان نے کہا کہ معاشی بحران سے نکل آئے ہیں اب اشیائے ضرورت میں عوام کو ہر ممکن ریلیف دے رہے ہیں۔

لاہور کے ڈپٹی کمشنر (ڈی سی) نے اپوزیشن جماعتوں کو 25 جولائی کو یومِ سیاہ منانے کے اعلان کے پیشِ نظر مال روڈ پر احتجاج کی اجازت دینے سے انکار کردیا۔

ضلعی انتظامیہ کے ترجمان نے کہا کہ لاہور ہائی کورٹ نے مال روڈ پر جلسے، جلوس، احتجاج اور ریلیوں پر پابندی عائد کررکھی ہے۔لہٰذا ڈی سی آفس کسی صورت مال روڈ پر احتجاج کرنے کی اجازت نہیں دے سکتا۔

خیال رہے کہ مسلم لیگ (ن) نے 25 کو مال روڈ پر مشترکہ اپوزیشن کی جانب سے احتجاج کرنے کی اجازت مانگی تھی۔ترجمان ضلعی انتظامیہ کا مزید کہنا تھا کہ مال روڈ پر احتجاج کیا گیا تو دفعہ 144 کی خلاف ورزی پر مقدمہ درج کیا جائے گا اور کسی صورت میں مال روڈ کو بند کرنے کی اجازت نہیں دی جائے گی۔

یاد رہے کہ 5 جولائی کو اپوزیشن کی رہبر کمیٹی کے پہلے اجلاس میں تحریک انصاف کی حکومت کے خلاف ملک بھر میں 25 جولائی سے احتجاجی مظاہروں کا سلسلہ شروع کرنے کا فیصلہ کیا گیا تھا۔

اسی اجلاس کے دوران 25 جولائی کو یومِ سیاہ منانے کی حکمت عملی بھی مرتب کی گئی تھی جس کے تحت تمام بڑے شہروں میں احتجاجی مظاہرے کرنے کا فیصلہ کیا گیا تھا۔

اسلام آباد(میڈیا 92 نیوز آن لائن ) سینیٹ کا اجلاس 23 جولائی کو طلب کر لیا گیا۔چیئرمین سینٹ صادق سنجرانی نے اپوزیشن کی ریکوزیشن پر ایوان بالا کا اجلاس طلب کیا ہے۔

اپوزیشن نے چند روز قبل چیئرمین صادق سنجرانی کو ہٹانے کے لیے سینیٹ کا اجلاس بلانے کے لیے ریکوزیش جمع کرائی تھی جس پر سینیٹ سیکریٹریٹ نے اعتراض لگا کر اپوزیشن سے اس پر وضاحت طلب کی تھی۔

سینیٹر شیری رحمان کا اس حوالے سے کہنا تھا کہ ریکوزیشن جمع ہونے کے 4 دن بعد اعتراض لگانے کا مقصد کیا ہے؟ اعتراضات تاخیری حربہ ہیں اور سینیٹ کا اجلاس بلانے میں تاخیر غیر آئینی ہو گی۔

چیئرمین سینیٹ صادق سنجرانی کی جانب سے اپوزیشن جماعتوں کو انہیں ہٹانے کے لیے جمع کرائی گئی قرارداد واپس لینے کا مطالبہ بھی کیا گیا تھا۔

اپوزیشن کی جانب سے چیئرمین سینیٹ کے لیے نامزد متفقہ امیدوار سینیٹر حاصل بزنجو نے ریکوزیشن پر اعتراض لگائے جانے کے عمل کو حکومت کا تاخیری حربہ قرار دیتے ہوئے کہا کہ ہمارے پاس چیئرمین سینیٹ کو ہٹانے کے لیے نمبر پورے ہیں۔

اسلام آباد (میڈیا 92 نیوز آن لائن ) وزیراعظم کی معاون خصوصی برائے اطلاعات فردوس عاشق اعوان نے کہا ہےکہ پہلی مرتبہ طاقتور لوگ احتساب کے شکنجے میں آئے ہیں۔

فردوس عاشق اعوان نے کہا کہ ایک حکومت کا بیانیہ ہے اور دوسرا اپوزیشن کا ہے، اپوزیشن نے ملکی خزانے کو نقصان پہنچایا ہے، احتجاج کرنا اپوزیشن کا حق ہے اور ہم اس حق کو تسلیم کرتے ہیں۔

انہوں نےکہاکہ ملک میں ادارے آزاد ہیں، عمران خان ڈی چوک پر قانون کی حکمرانی اور اداروں کی مضبوطی کے لیے نکلے تھے، چاہتے ہیں ملک میں ادارے مضبوط اور قانون کی حکمرانی ہونی چاہیے، پہلی مرتبہ طاقتور لوگ احتساب کے شکنجے میں آئے ہیں۔

معاون خصوصی نے وزیراعظم کے دورہ امریکا کے حوالے سے کہا کہ وزیراعظم عمران خان دورے سے متعلقہ لوگوں کا مختصر وفد ساتھ لے کر امریکا جارہے ہیں، ‏کمرشل فلائٹ سے وزیراعظم کی روانگی مغلیہ طرز حکمرانی کرنے والوں کیلئے ایک مثال ہے۔

ان کا کہنا تھاکہ وزیراعظم دورے میں پاکستان اور اس کے عوام کے مفاد کی نگہبانی کا فرض ادا کرنے جارہے ہیں، عوامی وزیراعظم عوامی انداز میں اور عوامی مفادات کے تحفظ کیلئے امریکا روانہ ہو رہے ہیں، ماضی کے حکمران بین الاقوامی دوروں میں اپنے ذاتی مالی مفادات کو سامنے رکھتے تھے، یہ ہوتا ہے قیادتوں اور ان کی سوچ کا فرق۔

اسلام آباد (میڈیا 92 نیوز آن لائن ) حکومت کی طرف سے اپوزیشن کو چیئرمین اور ڈپٹی چیئرمین سینیٹ کے خلاف تحریک عدم اعتماد واپس لینے کی درخواست کی ہے

پی ٹی آئی کے سینیٹ میں قائد ایوان شبلی فراز کی سینٹر شیری رحمان اور سینٹر رضاربانی سے ملاقات میں درخواست کی ۔ ملاقات سینیٹر شیری رحمان کے چیمبر میں ہوئی ، شبلی فراز کے ساتھ سینٹر ساجد طوری بھی موجود تھے۔

سینیٹر شبلی فراز نے ذرائع ابلاغ کے نمائندوں سے گفتگو میں کہا کہ سینیٹ کی تاریخ میں کبھی چیئرمین کے خلاف تحریک عدم اعتماد نہیں آئی، کوشش تھی کی اپوزیشن کو باور کرائیں کہ جو قدم آپ نے اٹھایا ہے اس کا مثبت انجام نہیں ہو گا۔

انہوں نے کہا کہ کوشش تھی کہ اپوزیشن کو احساس دلاوں کہ جو کام وہ کر ریے ہیں اس سے ابھی بھی پیچھے وہ ہٹ سکتے ہیں تو اس میں کسی کی ہار جیت نہیں ہو گی، صرف سینیٹ کے ادارے کی جیت ہو گی ۔

شبلی فراز نے کہا کہ اپوزیشن بھی انفرادی طور پریہ سمجھ رہی ہے کہ ایسا نہیں ہونا چاہیے ،ان سے درخواست کی کہ اس حوالے سے اپنی قیادت سے بات کریں ،ہم تحریک عدم اعتماد کا مقابلہ پورے جوش و خروش سے کریں گے ،فرض بنتا ہے کہ اپوزیشن پارٹیوں سے بات کروں تاکہ بعد میں یہ نہ کہیں کہ اپ نے کوشش تو کی ہوتی۔

پیپلزپارٹی کی سینیٹر شیری رحمان نے چیئرمین سینیٹ کے خلاف تحریک عدم اعتماد کو کامیاب بنائیں گے۔

ذرائع ابلاغ کے نمائندوں سے گفتگو میں شیری رحمان نے کہا کہ پیپلز پارٹی نے حکمت عملی تیار کرلی ہے، اپوزیشن کی نمبر گیم مکمل ہےاوربیرون ملک موجود ارکان کو واپس بلا لیا گیا ہے۔

انہوں نے کہا کہ آج رات تمام بیرون ملک موجود تمام ارکان واپس پہنچ جائیں گے اور اپوزیشن حکومت کو شکست دے گی۔

ایک سوال کے جواب میں شیری رحمان کا کہنا تھا کہ ہارس ٹریڈنگ کی باتیں سب نے سنی ہیں،وزیراعظم نے بھی کہا کہ اپوزیشن کو شکست دیں گے،اپوزیشن کی اکثریت ہے، ہارس ٹریڈنگ کے علاوہ کیسے شکست دی جا سکتی ہے؟