Tag ایمرانیوز

لاہور(ویب ڈیسک) عائشہ اکرم کے معاملے نے سوشل میڈیا کے بعد پرنٹ اور الیکٹرانک میڈیا کی خبروں‌میں بھی خوب پذیرائی حاصل کی اور عائشہ اکرم کو وہ لوگ بھی جاننا شروع ہوگئے جو اس سے پہلےانہیں‌نہیں جانتے تھے….اب مینار پاکستان واقعہ میں اہم پیشرفت سامنے آئی ہے۔ عدالت نے شناخت نہ ہونے والے 98 ملزمان کو کیس سے ڈسچارج کرنے کا حکم دے دیا۔
ضلع کچہری میں مینار پاکستان واقعہ میں ٹک ٹاکر عائشہ اکرم سے بدتمیزی کے کیس میں سماعت ہوئی، جوڈیشل مجسٹریٹ حسن سرفراز چیمہ نے کیس پر سماعت کی۔
عدالت کے مطابق 104 ملزمان کو شناخت پریڈ کے لیے جیل بھجوایا گیا، عدالت 98 ملزمان کو کس بنیاد پر گرفتار کیا گیا۔ ملزمان کو جیل بھجوانے سے پہلے کون سے ثبوت لیے گٸے۔ عدالت 98 ملزمان کو جیل میں رکھنے کا جواز نہیں ہے۔

تفتیشی افسر کا کہنا ہے کہ ملزمان کی شناخت پریڈ کے دوران شناخت نہیں ہوٸی۔گزشتہ روز مینار پاکستان میں بدسلوکی کا نشانہ بننے والی ٹک ٹاکر خاتون عائشہ اکرم کی شناخت پریڈ کی عدالت نے رپورٹ جاری کی تھی۔رپورٹ کے مطابق خاتون نے 104 ملزمان میں سے 6 ملزم شناخت کیے۔ عائشہ اکرم نے شہر یار، مہران، عابد ، ارسلان، ساجد اور افتخار کو شناخت کرلیا۔

رپورٹ کے مطابق خاتون نے 3 گواہوں بلال، ریمبو اور صدام کی موجودگی میں شناخت کی۔ خاتون نے چار ملزمان کو غلط شناخت کیا۔ چاروں ملزمان جیل میں 6 ماہ سے مختلف مقدمات میں قید تھے۔خاتون کے مطابق افتخار نے میرے کپڑے پھاڑے اور ہاتھوں میں اٹھایا۔ عائشہ کے مطابق ارسلان پر تشدد کرنے کا الزام عائد کیا۔ شہر یار نے دھکے دیکر جنگلا کے ساتھ مارا۔ مہران نے زد دو کوب کیا۔خاتون کے مطابق عابد نے سیلفیاں لیں اور غلط حرکات کیں۔ ملزم ساجد نے لڑکوں کو میری طرف اکسایا۔

ممبئی(ویب ڈیسک)بالی وڈ اداکارہ کنگنا رناوت بھارت کی خوبرواداکارہ ہیں اور فلم میں ان کی موجودگی فلم ہٹ ہونے کی دلیل بھی سمجھی جاتی ہے،ان کی پرکشش شخصیت کی وجہ سے لوگ انہیں‌پسند کرتے ہیں،نہ صرف یہ بلکہ ان کی اداکاری بھی اپنی نوعیت کی بہترین خصوصیت سمجھی جاتی ہے…انہوں نے اپنی آنے والی نئی فلم ’تھالے وی‘ کی پروموشن میں رکاوٹ پر اسٹاگرام انتظامیہ پر برہمی کا اظہار کیا ہے۔
اداکارہ کنگنا رناوت نے انسٹاگرام اسٹوری کے ذریعے انسٹاگرام انتظامیہ کو مخاطب کرتے ہوئے کہا ہے کہ میں اپنی پروفائل میں نئی فلم کے ٹیلر کا لنک لگانا چاہتی ہوں۔ چونکہ میرا اکاؤنٹ ویریفائیڈ ہے اور گزشتہ کئی سالوں سے اسے استعمال کر رہی ہوں اس کے باوجود مجھے پروفائل میں ردوبدل کے لیے انسٹاگرام سے اجازت لینے کی ضرورت پڑتی ہے۔
کنگنا رناوت نے لکھا کہ بھارت میں موجود آپ کی ٹیم مجھے کہتی ہیں کہ انہیں اپنے بین الاقوامی مالکان سے اجازت لینی ہوتی ہے، اس مسئلے کو ایک ہفتہ گزر چکا ہے اور مجھے ایسا محسوس ہو رہا ہے کہ میں بےوقوف گوروں کے ایک گروہ کی غلام ہوں، اپنی ایسٹ انڈیا کمپنی کے رویے کو تبدیل کریں۔
اداکارہ نے ایک اور انسٹاگرام اسٹوری میں لکھا کہ جب سے میں نے اپنی فلم کی پروموشن کے لیے انسٹاگرام پر اپنے نام کے ساتھ تھالے وی لکھا ہے تب سے ایڈیٹ سیکشن لاک ہوگیا ہے اور میں انسٹاگرام کی ٹیم کی اجازت ملنے کا انتظار کر رہی ہوں۔کنگنا رناوت نے آخر میں کہا کہ اس طرح کا غیر پیشہ وارانہ رویہ کسی صورت قابل برداشت نہیں ہے۔

اسلام آباد: (ویب ڈیسک) کورونا وائرس کی بگڑتی ہوئی صورتحال کے بعد وزیراعظم نے 24 اضلاع میں خصوصی اقدامات کی منظوری دیدی۔
نیشنل کمانڈ اینڈ آپریشنز سنٹر (این سی او سی) نے ملک بھر میں کورونا وائرس کی صورتحال سے متعلق وزیراعظم عمران خان کو رپورٹ پیش کی۔نیشنل کمانڈ اینڈ آپریشنز سنٹر (این سی او سی) نے وزیراعظم کو رپورٹ پیش کرتے ہوئے بتایا ہے کہ کورونا وائرس سے زیادہ متاثر اضلاع میں پنجاب کے 15، خیبرپختونخوا کے 8 اضلاع شامل ہیں۔ متاثرہ اضلاع میں ہرقسم کی ان ڈور آوٹ ڈور تقریبات پر پابندی عائد کرنے کی منظوری دیدی گئی۔

این سی او سی کے مطابق متاثرہ 24 اضلاع میں انٹرسٹی ٹرانسپورٹ پر پابندی عائد کر دی گئی ہے، تعلیمی ادارے اور ان ڈور جم پر بھی پابندی عائد کی گئی ہے۔ متاثرہ اضلاع میں پابندیاں 4 سے12ستمبر تک نافذ کی گئی ہیں۔
پنجاب کے متاثرہ اضلاع میں راولپنڈی، گجرات، گوجرانوالا، شیخوپورہ ، سیالکوٹ، فیصل آباد، سرگودھا، خوشاب، میانوالی، بھکر، ملتان، بہاولپور، خانیوال، رحیم یار خان شامل ہیں۔
این سی او سی کے مطابق خیبرپختونخوا کے اضلاع میں پشاور،صوابی،مالاکنڈ،سوات، ہری پور، مانسہرہ، ایبٹ آباد اور ڈیرہ اسماعیل خان (ڈی آئی خان) شامل ہیں۔
اس سے قبل کورونا کیسز میں اضافے کے پیش نظر پنجاب میں 6 سے 11 ستمبر تک تمام سرکاری و نجی سکول بند کرنے کا فیصلہ کیا گیا ہے۔
وزیر تعلیم پنجاب مراد راس نے سماجی رابطے کی ویب سائٹ پر ٹویٹ کرتے ہوئے کہا کہ کورونا کی بگڑتی ہوئی صورتحال کے پیش نظر پنجاب میں 6 سے 11 ستمبر تک سکولز بند کرنے کا فیصلہ کیا گیا ہے۔ انہوں نے کہا کہ گھر رہیں اور محفوظ رہیں۔

دوسری طرف کورونا وائرس سے 57 افراد جاں بحق ہوگئے، جس کے بعد اموات کی تعداد 26 ہزار 35 ہوگئی۔ پاکستان میں کورونا کے تصدیق شدہ کیسز کی تعداد 11 لاکھ 71 ہزار 578 ہوگئی۔نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 787 نئے کیسز رپورٹ ہوئے، پنجاب میں 3 لاکھ 97 ہزار 694، سندھ میں 4 لاکھ 35 ہزار 159، خیبر پختونخوا میں ایک لاکھ 63 ہزار 677، بلوچستان میں 32 ہزار 329، گلگت بلتستان میں 9 ہزار 993، اسلام آباد میں ایک لاکھ 242 جبکہ آزاد کشمیر میں 32 ہزار 329 کیسز رپورٹ ہوئے۔

ملک بھر میں اب تک ایک کروڑ 79 لاکھ 31 ہزار 365 افراد کے ٹیسٹ کئے گئے، گذشتہ 24 گھنٹوں کے دوران 59 ہزار 745 نئے ٹیسٹ کئے گئے، اب تک 10 لاکھ 55 ہزار 467 مریض صحتیاب ہوچکے ہیں جبکہ 5 ہزار 606 مریضوں کی حالت تشویشناک ہے۔پاکستان میں کورونا سے ایک دن میں 57 افراد جاں بحق ہوئے جس کے بعد وائرس سے مرنے والوں کی تعداد 26 ہزار 35 ہوگئی۔ پنجاب میں 11 ہزار 979، سندھ میں 6 ہزار 932، خیبرپختونخوا میں 5 ہزار 41، اسلام آباد میں 868، بلوچستان میں 339، گلگت بلتستان میں 174 اور آزاد کشمیر میں 702 مریض جان سے ہاتھ دھو بیٹھے۔

گوجرانوالہ / وزیر آباد(ویب ڈیسک)اکثر سنتے رہتے ہیں کہ فلاں‌ شخص ایران چلاگیا،فلاں شخص یونان چلا گیا اور فلاں شخص کسی اور ملک چلاگیا،،اب بہت پیسہ ملے گا،،مگر اس پیسے کے حصول کے لیے لوگ اپنی جانوں‌تک کو داو پر لگادیتے ہیں.. ایران جانے والے 3 نوجوانوں کو ایجنٹ نے تفتان اور نوکنڈی کے درمیان صحرا میں بے یارو مدد گار چھوڑ دیا جب کہ بھوک اور پیاس سے تینوں دم توڑ گئے۔

وزیر آباد کے نواحی موضع چک گلّاں کے ایران جانے والے 3 نوجوانوں کو ایجنٹ نے اضافی رقم نہ ملنے پر تفتان اور نوکنڈی کے درمیان صحرا میں بے یارو مدد گار چھوڑ دیا، بھوک اور پیاس سے تینوں دم توڑ گئے۔ طویل بے ہوشی کے بعد ایک نوجوان بچ گیا جس نے لواحقین کو مطلع کیا۔
رانا سجاد، اس کا چچا زاد بھائی خلیل الرحمان، بھانجا حافظ بلال اور سجاد کا برادر نسبتی رانا فیاض ایک گروپ کے ہمراہ 6 اگست کو ایران کے لیے روانہ ہو ئے تھے۔ تفتان کے ایک ایجنٹ سے ان کو ایران بھجوانے کا دس ہزار روپے فی کس معاہدہ ہوا۔
چاغئی کے علاقہ تفتان اور نوکنڈی کے درمیان صحرائی علاقہ میں سعید بلوچ نامی ایجنٹ نے 35 ہزار روپے فی کس دینے کا مطالبہ کیا جو پورا نہ ہو سکا۔ ایجنٹ انھیں صحرا میں چھوڑ کر غائب ہو گیا۔
تمام افراد دو دن تک بھوکے پیاسے بھٹکتے رہے۔ اس دوران ان کا ایک ساتھی دم توڑ گیا جس کی نعش اٹھا کر وہ بھٹکتے رہے، گروپ کے تمام ارکان بھوک، پیاس اور تھکاوٹ سے بے ہوش ہو گئے اور صحرا میں پڑے رہے۔

نیوزی لینڈ (ویب ڈیسک) کرکٹ کے شائقین کے لیے بڑی خوشخبری سامنے آئی ہے.کافی عرصے سے لوگ اچھی اور بڑی غیر ملکی ٹیم کے پاکستان میں آنے اور کرکٹ کا کھیل دیکھنے کے انتظار میں تھے . آکر کار وہ وقت آ گیا.میڈیا رپورٹس کے مطابق نیوزی لینڈ کرکٹ بورڈ نے پاکستان میں دورے کے لیے ٹیم بھیجنے پر رضامندی دے دی ہے.
اس حوالے سے کیوی میڈیا کا کہنا ہے کہ نیوزی لینڈ کرکٹ بورڈ نےاپنی حفاظتی ماہرین کی رپورٹ پر اطمینان کا اظہار کیا ہے اور کپتان ٹام لیتھم کا اس بارے میں کہنا ہے کہ رگ ڈیکاسن طویل عرصے سے نیوزی لینڈ میں کام کر رہے ہیں،لہذٰا ہمیں ان کی پیش کردہ رپورٹ پر اطمینان ہے۔
کیوی میڈیا کے مطابق دورہ پاکستان کے فیصلے کے حوالے سے بورڈ نے نیوزی لینڈ کی ٹیم کے کپتان ٹام لیتھم کو بھی آگاہ کر دیا ہے۔

کراچی(ویب ڈیسک)کرکٹ کے میدان سے ایک اہم خبر سامنے آئی ہے.مشہورو معروف آل رائونڈر بوم بوم شاہد آفریدی نے کرکٹ کے حوالے سے اپنی ایسی خواہش ظاہر کی ہے جس کے سننے کے بعد کرکٹ کے شائقین اور بوم بوم آفریدی کے پرستار بے حد غمگین ہیں .
تفصیلات کے مطابق سابق ٹیسٹ کپتان شاہد خان آفریدی نےمیمن سپرلیگ سیزن فائیو کی رنگارنگ افتتاحی تقریب میں شرکت کی اور وہاں اپنے خیال کا اظہار کیا اوربعد ازاں میڈیا سے گفتگوبھی کی جس میں انہوں نے کہا کہ میری خواہش ہے کہ اپنی آخری لیگ میں کوئٹہ گلیڈی ایٹر کی نمائندگی کروں۔ میمن سپرلیگ سیزن فائیو کی تقریب میں سابق ٹیسٹ کرکٹرز سمیت تاجر برادری نے بھی شرکت کی۔

شاہد آفریدی کا اس بارے میں مزید کہنا تھا کہ وہ کرکٹ اپنے فینز کی وجہ سے کھیلنا چاہتے ہیں اگلا ایڈیشن شاید ان کا آخری پی ایس ایل ہو، تاہم انہوں نے اپنی خواہش کا اظہار کرتے ہوئے کہا ہے آکری ایڈیشن کوئٹہ گلیڈی ایٹر کے ساتھ کھیلنا چاہتا ہوں اگر فرنچائز ملتان سلطانز اجازت دے تو۔
رمیز راجہ کو پی سی بی کا نیا چیئرمین بنائے جانے کے حوالےے ایک سوال پر انہوں نے کہا کہ پروفیشنل لوگوں کو بورڈ کو چلانے کے لیے آگے آنا چاہیے، چہرے بدلنے سے نظام نہیں بدل جاتا۔

موجودہ افغانستان طالبان صورتحال کے حوالے سے ان کا کہنا تھا کہ افغانستان میں کرکٹ ختم نہیں ہوئی،یہ بات خوش آئندہ ہے کہ طالبان اس مرتبہ مثبت سوچ کے ساتھ آئے ہیں .کرکٹ کھیلنے کے حوالے سے ان کا مزید کہنا تھا کہ مجھے اب بھی کرکٹ کھیلنے کا شوق ہے مگراب کم کھیلنے کی وجہ ببل سسٹم ہے.انہوں نے کہا کہ کراچی کو میمن کمیونٹی کے حوالے کردیں، کراچی میں ٹیلنٹ سامنے نا آنے کی وجہ سہولیات کی کمی ہے.

پشاور (ویب ڈیسک) ملک بھر میں کورونا وائرس سے ایک دن کے دوران مزید 118 افراد موت کا شکار ہو گئے۔کورونا کے مثبت کیسز میں اضافہ ہو گیا ہے جس کے بعد حکومت نےاہم فیصلہ کرتے ہوئے بڑے شہر کے 5 علاقوں میں سمارٹ لاک ڈائون لگانے کا فیصلہ کیا ہے.تفصیلات کے مطابق کورونا مثبت کیسز کے پھیلاؤ کے کو دیکھتے ہوئے پشاور کے 5 علاقوں میں سمارٹ لاک ڈاؤن لگانے کا فیصلہ کیا گیا ہے. علاوہ ازیں ان متاثرہ علاقوں میں عوام کی آمد و رفت کو مکمل بندکیا جائے گا.اس حوالے سےضلعی انتظامیہ کی جانب سے فیصل کالونی، حیات آباد فیز 6، فقیرآباد، زریاب کالونی، اعجاز آباد کے علاقوں کوشامل کیا ہے۔

ضلعی انتظامیہ کے مطابق سمارٹ لاک ڈاؤن لگائے جانے والے علاقوں میں اشیاء خورونوش، میڈیسن، جنرل سٹور، تندور، ایمرجنسی سروس کی دکانیں 24 گھنٹےکھلی رہیں گی۔ اس ے علاوہ مساجد میں باجماعت نماز پڑھنے کے لیے صرف پانچ افراد کواجازت ہوگی اور جو لوگ خلاف ورزی کریں گے ان کےخلاف قانونی کاروائی عمل میں لائی جائے گی۔

اسلام آباد(ویب ڈیسک) پیٹرولیم مصنوعات کی قیمتوں میں ردو بدل ہوتا رہتا ہے لہذٰا اس حوالے سے اہم خبر سامنے آئی ہے. پیٹرولیم مصنوعات کی قیمتوں میں ایک بار پھر کمی کا امکان ظاہر کیا گیا ہے.تفصیلات کے مطابق یکم ستمبر سے پیٹرولیم مصنوعات کی قیمتوں میں کمی کے بارے میں سوچا جا رہا ہے.اس حوالے سے آئل اینڈ گیس ریگولیٹری اتھارٹی (اوگرا) نے قیمتوں میں کمی کے لیے سمری پیٹرولیم ڈویژن کو بھیج دی ہے۔

ذرائع کے مطابق اوگرا نے بھیجی گئی سمری میں پیٹرول کی قیمت ساڑھے 3 روپے فی لیٹر تک کم کرنے کی تجویز دی ہے۔ علاوہ ازیں مزید تجویزات دیتے ہوئے ڈیزل کی قیمت میں 5 روپے فی لیٹر ، لائٹ ڈیزل آئل کی قیمت میں 2 روپے اور مٹی کے تیل کی قیمت میں 3 روپے تک فی لیٹر کمی کا کہا ہے.

پیٹرولیم مصنوعات کی قیمتوں میں کمی بیشی کا فیصلہ وزیراعظم کی مشاورت سے وزارت خزانہ کرے گی اور31 اگست کو اس کا نوٹیفکیشن جاری کیا جائے گا اور اس کا اطلاق 31 اگست کی رات 12 بجے سے کیا جائے گا جبکہ ان قیمتوں کا اطلاق اگلے 15 دن کیلئے ہو گا.

موجودہ وقت میں پیٹرول کی قیمت 119 روپے 80 پیسے فی لیٹر اور ہائی اسپیڈ ڈیزل کی قیمت 116 روپے 53 پیسے فی لیٹر ہے۔

واشنگٹن (ویب ڈیسک) 20 برس کے بعد آخر کار طالبان نے امریکی افواج سے افغانستان کو خالی کرا ہی لیا.تفصیلات کے مطابق افغانستان سے امریکا کا انخلا کا عمل مکمل ہوگیا اور کابل ایئرپورٹ پر ایک بھی امریکی فوجی نہیں بچا.اس بات کی تصدیق پنٹاگون کی جانب سے کر دی گئی ہے.

امریکی میڈیا کا کہنا ہے کہ افغانستان کوامریکی فوجیوں نے مکمل طور پر خالی کر دیا ہے.طالبان کی طرف سے دی گئی ڈیڈ لائن پرامریکا نے عمل درآمد کرتے ہوئے کابل ایئرپورٹ کو مکمل طور پر خالی کر دیا جس کے بعداب کابل میں واقع حامد کرزئی انٹرنیشنل ایئرپورٹ مکمل خالی ہوچکا ہے۔

امریکی افواج کے مرکزی کمانڈرکا اس حوالے سے کہنا ہے کہ نا صرف افغانستان سے تمام امریکی افواج کونکالا جا چکا ہے بلکہ ان امریکی شہریوں کوجلد از جلد وطن واپس لایا جا رہا ہے. کابل ایئرپورٹ امریکی افواج کے خالی ہونے کے بعد مکمل طور پرطالبان کے زیر انتظام ہے. طالبان نے ایئرپورٹ خالی ہونے کے بعد خوشی مناتے ہوئے ہوائی فائرنگ بھی کی۔
یاد رہے کہ 20 برس سے افغانستان میں امریکی اور اتحادی افواج ڈیرے ڈالے ہوئے تھیں اوراس مشن میں 2000 امریکی فوجی شامل تھےجبکہ بے شمار افغان طالبان اورلا تعداد عام بے گناہ شہری موت کے گھاٹ اتر گئے۔

افغانستان سےامریکی فوجیوں کے مکمل انخلا کے حوالے سے امریکی جنرل کینتھ کا مزید کہنا تھا کہ آخری 5 طیارے امریکی افواج اور بعض شہریوں کو لے کر امریکا کی طرف روانہ ہوئے .انہوں نے اس بات کا بر ملا اعتراف کیا کہ بعض امریکی باشندے لاکھ کوشش کے باوجود بھی طیارے تک وقت پر نہ پہنچ سکے ۔

کراچی (ویب ڈیسک) سندھ حکومت کی جانب سے تعلیمی اداروں میں ویکسین لگانے کے حوالے سے اہم فیصلہ کیا گیا ہے.تفصیلات کے مطابق سندھ کے وزیرتعلیم اور وزیرصحت کی صدارت میں اہم اجلاس ہوا .اجلاس میں پارلیمانی ‏سیکرٹری صحت، تعلیم اور دیگر نے ویڈیو لنک کے ذریعے شرکت کی۔
اجلاس میں کورونا ویکسین لگانے کے حوالے سے اہم فیصلے کیے گیے.جس میں نجی وسرکاری تعلیمی اداروں میں 6ستمبر سے ویکسی نیشن لگانے کا کام شروع کیا جائے گا، نویں ‏سے بارویں جماعت تک کے 14 لاکھ 200 طلبہ وطالبات کو کورونا ویکسین لگائی جائے گی .تعلیمی اداروں میں ویکسی نیشن کیلئے محکمہ صحت کی جانب سے 2ہزار527ٹیمیں حصہ لیں گی.یہ کورونا ویکسین دومرحلےمیں لگائی جائے گی.پہلے مرحلے میں ‏ویکسین ڈسٹرکٹ سطح پرلاگائی جائے گی جبکہ بعدمیں متعلقہ سطح پر ہوگی۔اجلاس میں اس بات پر کاص زور دیا گیا کہ سکول انتظامیہ والدین کی رضامندی حاصل کریں گے اورویکسین رجسٹریشن کو بھی ‏یقینی بنایا جائے گا۔ ‏وزیرتعلیم کا اجلاس میں مزید کہنا تھا کہ سکولوں میں تدریسی عمل کے ‏تسلسل اور بچوں کی حفاظت کیلئے کورونا ویکسین لازمی لگائی جائے گی .