Tag ایمرا سپورٹس

لاہور(ویب ڈیسک اسٹیٹ بینک نے افغانستان جانے والے افراد کو صرف ایک ہزار امریکی ڈالر ساتھ لے جانے کی اجازت دینے کا فیصلہ کیا ہے۔اسٹیٹ بینک نے اپنا علامیہ جاری کیا ہے جس کے مطابق افغانستان کا سفر کرنے والے افراد کے لیے زیادہ سے زیادہ سالانہ حد 6 ہزار امریکی ڈالر ہوگی۔ علاوہ ازیں ایکسچینج کمپنیوں کی جانب سے بیرونی کرنسی کی لین دین میں شفافیت بڑھانے اور نقد بیرونی کرنسی کے ناجائز بیرون ملک بہاؤ کو روکنے کے لیے اقدامات اٹھائے گئے ہیں۔ اعلامیے میں مزید کہا گیا ہے کہ ایکسچینج کمپنیاں10 ہزار امریکی ڈالر اور زائد کے مساوی نقد بیرونی کرنسی کی فروخت اور بیرون ملک ترسیلات زر بھیجنے کا عمل صرف چیک کے ذریعے وصول ہونے والی رقوم کے عوض یا بینکاری چینلز کے ذریعے کی جائیں گی.یہ شرط20 اکتوبر 2021 سے لاگو ہوگی۔

ریاض (ویب ڈیسک)سعودی عرب کے ائیرپورٹ پر حوثی باغیوں نے ڈرون حملے کئے.عرب میڈیا کے مطابق سعودی عرب کے ابھا ائیرپورٹ پر حوثی باغیوں نے ڈرون حملے کئے جس کے نتیجے میں 4 افراد زخمی ہوگئے۔ سعودی فضائیہ کے ڈیفنس سسٹم کی جانب سے فوری ردعمل دیتے ہوئے ڈرونز کو فضا میں ہی تباہ کردیا۔
عرب اتحادی افواج نے کہا ہے کہ حملے کے بعد ائیرپورٹ پر ٹریفک تھوڑی دیر کے لیے معطل ہوئی تھی جس کو اب بحال کردیا گیا ہے اور زخمیوں کو بھی اسپتال منتقل کردیا گیا ہے.

کوئٹہ (ویب ڈیسک) بلوچستان کے مختلف علاقوں میں شدید زلزلہ آ گیا.تفصیلات کے مطابق بلوچستان کی مختلف علاقوں میں زلزلے نے تباہی و بربادی مچادی جس کے باعث 20 افراد ہلاک اور متعدد زخمی ہوگئے۔ متاثرہ علاقوں میں امدادی کارروائیوں کا آغاز کر دیا گیا ہے.۔زلزلہ پیمامرکز کے مطابق زلزلہ رات 3بج کر 2 منٹ پرآیا جس کی شدت 5.9 اور گہرائی 15 کلومیٹر تھی جب کہ زلزلے کا مرکز ہرنائی کے قریب تھا۔ کوئٹہ، سبی، چمن، زیارت، قلعہ عبدﷲ، ژوب، لورالائی، پشین، مسلم باغ اور دکی سمیت دیگرعلاقوں میں بھی زلزلے کے شدید جھٹکے محسوس کیے گئے. زلزلےسے زیادہ جانی ومالی نقصان ہرنائی میں ہوا جہاں متعدد مکانات تباہ ہوگئے اور سرکاری عمارتوں کو بھی نقصان پہنچا۔ زخمیوں کو کوئٹہ منتقل کرنے کے لیے ہیلی کاپٹر ہرنائی پہنچ گیا ہے جب کہ ہرنائی اور کوئٹہ کے اسپتالوں میں ایمرجنسی نافذ کرکے ڈاکٹرز اور پیرامیڈیکل اسٹاف کو طلب کرلیاگیا ہے۔

لاہور(ویب ڈیسک) پاکستان کرکٹ ایک بار پھر کوویڈ وائرس کا شکار ہو گئی ہے۔لاہور میں شروع ہونے والے نیشنل ٹی 20 کے ابتدائی روز بلوچستان ٹیم کے 4 کھلاڑیوں کی کوویڈ رپورٹ مثبت آئی۔اس کے باعث بلوچستان اور نادرن کے درمیان آج شام سات بجے کھیلا جانے والا میچ کا پروگرام بدل دیا گیا ہے۔ ترمیمی شیڈول کے تحت آج ناردرن کی ٹیم سدرن پنجاب کے ساتھ کھیلے گی جبکہ بلوچستان اور ناردرن کا میچ اب 9 اکتوبر کو رکھا گیا ہے۔
ان چاروں کھلاڑیوں کو 10 روز کے لئے قرنطینہ کردیا گیا ہے۔ بائیو سیکیور ببل میں موجود تمام شرکاء کے کوویڈ 19 ٹیسٹ منگل کو لیے گئے، اسکواڈ میں شامل باقی تمام کھلاڑیوں کے کوویڈ 19 ٹیسٹ کی رپورٹ منفی آئی ہے۔

راولپنڈی (ویب ڈیسک) ڈی جی آئی ایس آئی لیفٹیننٹ جنرل فیض حمید کو کور کمانڈر پشاور تعینات کر دیا گیا ہے۔آئی ایس پی آر کی طرف سے جاری بیان کے مطابق ڈی جی آئی ایس آئی لیفٹیننٹ جنرل فیض حمید کو کور کمانڈر پشاور تعینات کردیا گیا ہے۔ لیفٹیننٹ جنرل محمد عامر کو کور کمانڈر گوجرانوالہ جب کہ لیفٹیننٹ جنرل عاصم منیر کواراٹر ماسٹر جنرل مقرر کیا گیا ہے۔واضح رہے کہ لیفٹیننٹ جنرل فیض حمید کو جون 2019 میں ڈی جی آئی ایس آئی تعینات کیا گیا تھا۔

اسلام آباد(ویب ڈیسک) سابق وزیراعظم یوسف رضا گیلانی کو بیرون ملک جانے کی اجازت مل گئی۔تفصیلات کے مطابق یوسف رضا گیلانی کے اسٹاف کی جانب سے بتایا گیا ہےکہ سابق وزیراعظم اور پیپلز پارٹی کے رہنما اٹلی میں ہونے والی کانفرنس میں شرکت کیلئے جارہے تھے مگر ان کا نام ای سی ایل میں ہونے کے باعث انہیں روک لیا گیا۔ امیگریشن کرانے کے بعد یوسف رضا گیلانی کا نام ای سی ایل میں ہونے بارے آگاہ کیا گیا۔بعد ازاں انہیں بیرون ملک جانے کی اجازت دے دی گئی۔ یاد رہے نیب نے توقیرصادق کی چیئرمین اوگرا تعیناتی کیس میں یوسف رضا گیلانی کا نام ای سی ایل پرڈال رکھا تھا۔

اسلام آباد(ویب ڈیسک) وفاقی وزیر منصوبہ بندی اسد عمر نے کہا ہے کہ سی پیک کے حوالے سے غلط خبر پھیلائی جا رہی ہے. وفاقی وزیر اسد عمر نےمعاون خصوصی برائے سی پیک خالد منصور کے ہمراہ پریس کانفرنس کی.انہوں نے کہا کہ امریکا کی ایک رپورٹ میں سی پیک کے حوالے سے غلط خبر پھیلائی گئی، دنیا کی بہت سی قوتوں کی خواہش ہے کہ سی پیک کامیاب نہ ہو۔ پریس کانفرنس کے دوران انہوں نے کہا کہ سی پیک پر دنیا کی نظر رہتی ہے، ہائیبرڈ وار کے ذریعے ایسے منصوبوں کے خلاف سازشیں کی جاتی ہیں، ایسی قوتوں کی کوشش ہوتی ہے کہ غلط انفارمیشن پھیلائی جائے، کبھی کبھی ہمارے اپنے لوگ بھی اس غلط انفارمیشن کا حصہ بن جاتے ہیں۔
انہوں نے مزید کہا کہ امریکاکی رپورٹ میں لکھا گیا کہ سی پیک کے حوالے سے معلومات خفیہ رکھی گئی ہیں، جب کہ سی پیک کے حوالے سے سب معلومات پارلیمان کے فورم پر دی جا چکی ہے، سی پیک پر پارلیمانی اوور سائیٹ موجود ہے، پاور جنریشن منصوبوں کی تمام معلومات نیپرا کی ویب سائیٹ پر موجود ہے۔

کابل (ویب ڈیسک)افغانستان میں معاملات معمول پر آ رہے ہیں .اسی سلسلےمیں افغان وزارت داخلہ نے پاسپورٹ ڈپارٹمنٹ کے آپریشنز کی بحالی کا اعلان کیا ہے۔افغان میڈیا کے مطابق ترجمان وزارت داخلہ نے کہا ہے کہ پہلے مرحلے میں شہریوں کو 25 ہزار پاسپورٹ جاری کریں گے.پاسپورٹ ڈپارٹمنٹ کے قائم مقام سربراہ علیم گل حقانی نے پریس کانفرنس کرتے ہوئے کہا کہ ملک بھر صوبوں میں بھی پاسپورٹ سروسز کو بحال کردی ہے۔وزارت داخلہ کے ترجمان کا اس حوالے سےکہنا تھا کہ افغانستان کے نئے پاسپورٹ پرانے ٹائٹل ’اسلامی جمہوریہ افغانستان‘ کے نام سے ہی جاری کیے جائیں گے۔علاوہ ازیں پاسپورٹ ڈپارٹمنٹ کی خواتین اسٹاف کو بھی اپنی ڈیوٹی پر واپس آنے کے لیے کہا گیا ہے. تقریباً دو ماہ تک آپریشنز معطل رہنے کے باعث پاسپورٹ کے حصول کے لیے ایک لاکھ 70 ہزار سے زائد درخواستیں جمع ہوئی ہیں.

اسلام آباد (ویب ڈیسک)ذرائع کے مطابق وزیراعظم عمران خان نے چیئرمین نیب کی تقرری کے حوالے سے اپوزیشن لیڈر سے مشاورت سے انکار کردیا ہے۔چیئرمین نیب کی مدت میں توسیع کے لیے وفاقی کابینہ نے نیب آرڈیننس سرکولیشن کے ذریعے منظوری دے دی ہے.ذرائع کا کہنا ہے کہ وزیراعظم نے وفاقی وزیر فواد چوہدری اور فروغ نسیم پراپنا موقف واضح کیا ہے کہ وہ چیئرمین نیب کی تقرری کے حوالے سے اپوزیشن لیڈر سے مشاورت نہیں کریں گے اور نہ ہی ایسا کوئی ارادہ ہے.

گوجرانوالہ (ویب ڈیسک)ایک اور صنف نازک درندگی کا نشانہ بن گئی.تفصیلات کے مطابق تھانہ فیروز والہ کے علاقے میں نئی نویلی دلہن کو مبینہ طور پر زیادتی کا نشانہ بنا گیا۔پولیس کا کہنا ہے کہ ملزم نے لڑکی کو بلیک میل کرکے گھر سے باہر بلایا اور اسے زیادتی کا نشانہ بنا کر فرار ہو گیا۔ایف آئی آر کے متن کے مطابق ملزم مصور پہلے بھی متاثرہ لڑکی کو بلیک میل کرتا تھا اس کے علاوہ اس سے طلائی زیورات اور 20 ہزار نقدی بھی لوٹ لیا۔ پولیس نے متاثرہ لڑکی کے والد کی مدعیت میں مقدمہ درج کر دیا۔