Tag ایمرا سپورٹس

واشنگٹن (ویب ڈیسک) امریکا کی خفیہ ایجنسی سی آئی اے نے ایک نئے مشن کا آغاز کیا ہے جو صرف چینی حکومت اوران کی سرگرمیوں پر توجہ مرکوز رکھے گی۔امریکی خفیہ ایجنسی کے اعلامیے کے مطابق چائنا مشن سینٹر کے نام سے ایک مشن بنایا گیا ہے جس کا مقصد جمہوریہ چین کے عوام سے دنیا کو لاحق خطرات کا سدباب کرنا ہے۔ سی آئی اے کے مطابق امریکا کو چین سے سب سے بڑا خطرہ ہے اور یہ خصوصی مشن بیجنگ کی جانب سے درپیش اسٹریٹیجک چیلنجز پر فوکس کرے گا۔
سی آئی اے کے ڈائریکٹر ولیم برنس کا اس حوالے سے کہنا ہے کہ یہ خصوصی گروپ سی آئی اے کی جانب سے آپریٹ ہونے والے درجن بھر گروپوں میں سے ایک ہے اور چین کے بارے میں ایجنسی کی حکمت عملی پر باہمی روابط کے لیے ہر ہفتے ڈائریکٹر کی سطح پر میٹنگز کا انعقاد بھی ہوگا۔
ان کا مزید کہنا تھا کہ اس نئے مشن سے ہمیں چینی حکومت کی بڑھتی ہوئی مخالفت سے پیدا ہونے والے جغرافیائی سیاست کے اہم اور بڑے خطرات پر کام کرتے ہوئے خود کو مضبوط کرنے میں مدد ملے گی

لاہور(ویب ڈیسک) قومی کرکٹ ٹیم کے سینئر کھلاڑی شعیب ملک نے خود کو زہادہ رنز بنانے والے کھلاڑیوں کی لسٹ میں نام بنا لیا.تفصیلات کے مطابق شعیب ملک ٹی ٹوئنٹی کرکٹ کے نمایاں اسکوررز کی فہرست میں 3 نمبر پر آئے ہیں ۔ سینئر کرکٹر نے گذشتہ روز 11 ہزار رنز کا سنگ میل عبور کرلیا۔کرس گیل 14236رنز کے ساتھ ٹاپ پر ہیں، کیرون پولارڈ نے 11223 رنز بنائے، شعیب ملک 11002 بناچکے ہیں، ویرات کوہلی 10093 رنز کے ساتھ چوتھے اور ڈیوڈ وارنر 10019 رنز بنا کرپانچویں نمبر پر ہیں۔

لاہور (ویب ڈیسک)لاہور میں ہونے والے کرکٹ میچز کے باعث ٹریف شدید جام ہے جس کی وجہ سے عوام پریشانی کا شکارہیں.اس حوالے سے لاہور ہائیکورٹ نے اہم حکم جاری کیا ہے.لاہور ہائیکورٹ نے حکام کوحکم دیا ہے کہ میچز کے لیے مکمل ٹریفک بند نہ کی جائے۔ کرکٹ میچز کی وجہ سے راستے بند کرنے کے معاملے پر عدالت میں کیس کی سماعت ہوئی .سماعت کے دوران جسٹس شاہد کریم نے کہا کہ میچز کے لیے ٹریفک مکمل بند کرنے کی بجائے سگنل فری کریں کیونکہ جو آلودگی ٹریفک پر بند ہونے سے پھیلے گی اسے سارا سیزن کنٹرول نہیں کرسکیں گے۔ درخواست گزار نے مؤقف اپنایا کہ جب ٹریفک بند کریں تو پندرہ لاکھ گاڑیاں پھنس جاتی ہیں، اس پر عدالت نے سی ٹی او سے استفسار کیا کہ یہ تو ڈومیسٹک کرکٹ ہے اتنا کیوں کر رہے ہیں، بین الاقوامی ٹیمیں ڈومیسٹک کے لیے ایسی سکیورٹی دیکھیں گی تو سوچ میں پڑجائیں گی، سی ٹی او نے کہا کہ ہم ایس او پیز پر عمل کررہے ہیں۔
عدالت کا مزیدکہنا تھا کہ لاہور میں اسموگ شروع ہوچکا ہے لہٰذا ٹریفک بند نہیں ہونی چاہیے، میں دو دن سے ٹریفک میں پھنس رہا ہوں، مجھے گھر جانے میں ڈیڑھ گھنٹہ لگ جاتا ہے، اگرمریض نے ایمبولینس میں مرنا ہے یا ہمیں خوار ہونا ہے تو اس کی وجہ ہونی چاہیے، یہ وجہ کم از کم قومی مفاد ہونی چاہیے۔
جسٹس شاہد کریم نے مزید کہا کہ ایسی سکیورٹی توصدر کے لیے ہوتی ہے لیکن اب شہر کے ساتھ یہ نہیں ہو سکتا پلان بنانا ہوگا۔پولیس نے عدالت میں مؤقف اپنایا کہ ایسے ایونٹ کے لیے ہمیں ہدایات حکومت سے آتی ہیں، اس پر عدالت کا کہنا تھا کہ ڈومیسٹک ایونٹ کے لیے اتنا سب کچھ کرنے کی ضرورت نہیں، لوگوں کے کاروبار بند کرادیے اب کوئی اپنے حقوق کے لیے بھی نہیں آتا۔بعد ازاں عدالت نے اس معاملے پر سیکرٹری داخلہ کو پیر کو طلب کرلیا۔

اسلام آباد (ویب ڈیسک) وزیراعظم عمران خان نے کل قومی سلامتی کمیٹی کا اجلاس طلب کر لیا ہے. اجلاس میں افغان صورتحال اور عمومی سیکیورٹی صورتحال پر غورو فکر کیا جائے گا۔تفصیلات کے مطابق وزیر اعظم عمران خان نے قومی سلامتی کمیٹی کا اجلاس طلب کیا ہے.علاوہ ازیں اس اجلاس میں مسلح افواج کے سربراہان،انٹیلی جنسی ایجنسیز کے نمائندے شریک ہوں گے.

ساہیوال (ویب ڈیسک) خاتون نے اپنے عاشق کی 4 سالہ بیٹی کو قتل کردیا.تفصیلات کے مطابق ساہیوال میں 3 روز قبل 4 سالہ نور فاطمہ کی لاش برآمد ہوئی، پولیس نے تحقیقات شروع کی اور 2 خواتین اور ان کے ایک ملازم کو گرفتار کرلیا۔پولیس کے مطابق نور فاطمہ کو صائقہ نامی خاتون نے قتل کیا، صائقہ اور نور فاطمہ کا باپ ایک دوسرے کو پسند کرتے تھے۔ صائقہ 4 سالہ معصوم نور فاطمہ کو اپنی محبت کی راہ میں رکاوٹ سمجھتی تھی لہذٰا 3 روز قبل وہ گھر سے کھیلنے کے لیے نکلی تو اس نے موقع جان کر اس کا گلہ گھونٹ کر ماردیا۔ بعد ازاں بچی کی لاش کو ایک خالی جگہ پھینک دیا۔

بھکر(ویب ڈیسک) پاکستان کے طویل القامت فرد اعجاز احمد طویل علالت کے بعد وفات پا گئے۔ بھکر سے تعلق رکھنے والے پاکستان کے طویل القامت انسان اعجاز احمد 42 سال کی عمر میں انتقال کر گئے۔ خاندانی ذرائع کے مطابق انہیں آبائی قبرستان تھلہ سریں میں سپرد خاک کیا گیا۔ذرائع کے مطابق اعجاز احمد بیماری کے دوران حکومت سے امداد کی اپیل کرتے رہے تاہم کوئی مدد نہ کی گئی.

لاہور (ویب ڈیسک)پاکستان کرکٹ بورڈ کے چیئرمین رمیز راجہ نے کہا ہے کہ پاکستان نے کورونا وبا کے دوران سب کی مدد کی لیکن پاکستان کی مدد کیلئے کوئی نہ آیا۔انہوں نے بتایا کہ انٹرنیشنل سکیورٹی ایجنسی نے کہا ہے کہ دنیا کے مقابلے میں پاکستان کی سکیورٹی بہترین ہے، اتنا سنگین خطرہ نہیں تھا جس پر نیوزی لینڈ نے دورہ منسوخ کیا. پاکستان کی غلطی نہیں ہے تو ہم کیوں احساس کمتری میں پڑیں۔
انہوں نے مزید کہا کہ انگلینڈ کے چیئرمین نے کہا کہ کھلاڑی ڈرگئے ، انگلینڈ کرکٹ بورڈ کو کہا کہ 4 روز میں اسٹیڈیم کے اندر ہوٹل کی سہولت دیکر دورہ مکمل کروا دیں گے لیکن انہوں نے انکار کر دیا۔

انصار عباسی کے قلم سے …..
سیاست پاکستان میں اور پیسہ باہر، یہ کام نہیں چلنا چاہئے۔ اگر سیاست کرنی ہے، حکمرانی کا شوق ہے تو ضرور کریں لیکن پھر جتنا بھی پیسہ ہے، پاکستان کے اندر ہی ہونا چاہئے۔

کروڑوں اربوں کی جائیدادیں باہر ہوں اور سیاست پاکستان میں کریں، اس رواج کو بدلنے کی ضرورت ہے۔ ’’جینا مرنا عوام کے ساتھ‘‘ کی بات کرتے ہیں تو پھر اُس پر عمل بھی کریں۔

بدھ (6اکتوبر) کو جنگ میں شائع ہونے والی ایک خبر کے مطابق قومی اسمبلی کے 29 ارکان ایسے ہیں جن کے 2019 میں الیکشن کمیشن کو جمع کرائی گئی دستاویزات کے مطابق اثاثے، کاروبار اور جائیدادیں ملک سے باہر ہیں۔

اہم ترین ناموں میں شہباز شریف، بلاول بھٹو زرداری، شاہ محمود قریشی، علی زیدی، فہمیدہ مرزا، خواجہ آصف اور دوسرے ارکانِ اسمبلی شامل ہیں۔ خبر کے مطابق کسی رکنِ اسمبلی نے اپنے اثاثوں میں کسی آف شور کمپنی کو ظاہر نہیں کیا۔

اگرچہ وزیراعظم عمران خان کے پاکستان سے باہر کوئی اثاثے نہیں ہیں جبکہ آصف علی زرداری نے بھی کوئی اثاثہ ظاہر نہیں کیا لیکن پاکستان سے باہر دولت رکھنے والوں میں حکمران جماعت پی ٹی آئی سے 13، پی ایم ایل این سے 10، پیپلز پارٹی سے دو، ایم ایل کیو، بی این پی، ایم ایم اے اور ایم کیو ایم سے ایک، ایک ایم این اے ان میں شامل ہیں جنہوں نے پاکستان سے باہر اپنے اثاثے اور کاروباری سرمایہ ڈکلیئر کیا۔

بلاول بھٹو نے کوئی ڈیڑھ ارب کی جائیداد اور پیسہ ملک سے باہر ظاہر کیا، شہباز شریف نے تقریباً 14 کروڑ کے اثاثے ملک سے باہر بتائے۔

شاہ محمود قریشی نے اپنے اور اپنی اہلیہ کے کوئی دو لاکھ پاونڈ ملک سے باہر اکاونٹ میں ظاہر کیے۔ سید علی حیدر زیدی نے دبئی میں ڈھائی ملین درہم مالیت کا کاروباری سرمایہ ظاہر کیا۔

وزیر نے دبئی میں تین لگژری کاروں کے علاوہ ایک بینک اکاونٹ بھی ظاہر کیا جس میں ڈیڑھ لاکھ درہم بیلنس ہے۔ عمران خان کا اپنا پیسہ یا جائیداد باہر نہیں۔

اُن کی حکومت بیرون ملک پاکستانیوں سے بار بار مطالبہ کرتی ہے کہ پاکستان کو ڈالرز بھیجیں تاکہ ہمارے فارن ایکسچینج ریزوز بہتر ہوں لیکن اپنے وزیروں اور ارکانِ اسمبلی کا پیسہ اور جائیدادیں باہر پڑی ہیں۔ یہ ایسا تضاد ہے جس کو دور کیا جانا چاہئے۔

شہباز شریف نے تو کئی سال پہلے اعلان کیا تھا کہ وہ بیرون ملک سے اپنا تمام پیسہ اور جائیداد واپس پاکستان لائیں گے لیکن اس خبر سے ظاہر ہوا کہ اُنہوں نے ایسا نہیں کیا، جو قابل افسوس بات ہے۔

بلاول بھٹو بھی غریبوں کی بات بہت کرتے ہیں، وہ بھی پاکستان کی معیشت اور یہاں کے کاروباری حالات کی بہتری کی تمنا ظاہر کرتے ہیں لیکن ایسا کیوں کہ اپنا پیسہ اور جائیدادیں ملک سے باہر رکھی ہوئی ہیں۔

یہی گلہ بہت سے لوگ نواز شریف سے کرتے ہیں کہ اُنہوں نے بھی اپنا سارا کاروبار اور پیسہ باہر رکھا ہوا ہے۔ اُن کے بچوں کی تو پاناما لیکس میں آف شور کمپنی بھی نکل آئی جس کی وجہ سے اُن کو وزارتِ عظمیٰ سے بھی ہاتھ دھونا پڑے۔

چند دن قبل پنڈورا لیکس بھی سامنے آگئیں جن میں کوئی سات سو پاکستانی نکلے جن کی ملک سے باہر آف شور کمپنیاں ہیں لیکن پاناما کے برعکس پنڈورا لیکس کا وہ سیاسی اثر عمران خان کی حکومت پر نہ ہو سکا جس کی وجوہات پر بعد میں کبھی بات ہو گی۔

میری خواہش ہے کہ پاکستان میں یہ قانون بنایا جائے کہ جس نے سیاست کرنی ہے، ممبر پارلیمنٹ بننا ہے یا صوبائی اسمبلیوں کا الیکشن لڑنے کی خواہش ہے تو ایسے لوگوں کے لئے یہ لازمی قرار دے دیا جائے کہ اُن کا نہ کوئی اثاثہ، جائیداد، بنک اکاونٹ، بزنس ملک سے باہر ہو سکتا ہے اور نہ ہی وہ کوئی آف شور کمپنی ملک سے باہر رکھ سکتے ہیں۔

یہ شرط ایسے سیاستدانوں اور اُن کی بیویوں اور بچوں (جو Independentنہ ہوں) پر ضرور لاگو ہونی چاہئے۔ سیاست اور حکمرانی پاکستان میں اور پیسہ جائیداد باہر یہ تماشہ بند ہونا چاہئے۔
بشکریہ جیو نیوز

لاہور(ویب ڈیسک) ٹی 20 ورلڈ کپ کیلئے قومی ٹیم کے بولنگ کنسلٹنٹ ورنون فلینڈر پاکستان پہنچ گئے۔انہیں روم آئسولیشن مکمل کرنے کے بعد اسکواڈ کے بائیو ببل کا حصہ بنایا جائے گا ۔سابق پروٹیز کرکٹر بولرز کی کارکردگی کا جائزہ لے کر ان کی رہنمائی کرنا چاہتے تھے مگر بلوچستان کے اسکواڈ میں 4 کھلاڑیوں کے کورونا ٹیسٹ پازیٹو آنے کے بعد ورلڈکپ کے لیے منتخب کرکٹرز کے قرنطینہ کا پلان بھی تبدیل ہوگیا، اب سب کو ڈومیسٹک کرکٹ ٹورنامنٹ ادھورا چھوڑ کر مقامی ہوٹل میں قائم بائیو ببل کا حصہ بننا ہے.

مبئی (ویب ڈیسک)شاہ رخ خان کے بیٹے آریان منشیات لینے کے حوالے سے کیس میں اہم انکشافات سامنے آئے ہیں .تفصیلات کے مطابق بھارتی نیشنلسٹ کانگریس پارٹی کے کارکن نواب ملک نے ایک پریس کانفرنس کی ہے جس میں انہوں نے کہا ہے کہ شاہ رخ خان کے بیٹے آریان خان کو جھوٹے مقدمے میں پھنسایا جارہا ہے۔
پارٹی کارکن نے شواہد پیش کیے جس میں انہوں نے الزام لگایا ہے کہ بالی ووڈ کنگ کے بیٹے کو جھوٹے مقدمے میں پھنسایا جارہا ہے اور این سی بی کے ذریعے مقدمے میں ہیرا پھیری بھی کی جارہی ہے۔
نواب ملک نے بتایا کہ 2 اکتوبر کی رات جب بحری جہاز پر این سی بی نے چھاپہ مارا اس وقت آریان خان اور ارباز مرچنٹ کو دو نامعلوم افراد کے ساتھ جاتے ہوئے دیکھا گیا۔ ان دونوں افراد کے بھارتیا جنتا پارٹی (بی جے پی) کے سینئر کارکنوں کے ساتھ روابط ہیں۔اس کے علاوہ نواب ملک نے دو ویڈیوز میڈیا کے ساتھ شیئر کیں جن میں ایک شخص کو آریان کے ساتھ این سی بی کے آفس جاتے ہوئے دیکھا جاسکتا ہے جب کہ دوسرا شخص ارباز مرچنٹ کے ساتھ موجود ہے۔ جو شخص آریان کے ساتھ موجود تھا اس نے گرفتاری کے بعد آریان کے ساتھ سیلفی بھی لی تھی۔ این سی بی نے اس شخص کے بارے میں لاعلمی کا اظہار کرتے ہوئے کہا تھا کہ اس کا تعلق ایجنسی سے نہیں ہے۔ ہم نے معلوم کر لیا کہ اس شخص کا تعلق بی جے پی سے ہے اور یہ ایک پرائیویٹ جاسوس ہونے کا دعویداربھی ہے۔دوسری طرف نیشنلسٹ کانگریس پارٹی کے الزامات پر نارکوٹکس کنٹرول بیورونے ردعمل دیتے ہوئے کہا کہ آریان اور ارباز کے ساتھ موجوددونوں افراد آزاد گواہ ہیں۔