Tag بارش

کراچی(ویب ڈیسک)محکمہ موسمیات نے کراچی میں مزید بارش کا امکان ظاہر کیا ہے۔
محکمہ موسمیات کا کہنا ہے کہ شہر میں رات میں مزید بادل برس سکتے ہیں اس دوران معتدل اور تیز بارش کا امکان ہے۔محکمہ موسمیات کا کہنا ہےکہ کل بارش کے اچھے امکانات ہیں جس سے اربن فلڈنگ کا خطرہ رہے گا جب کہ آج شہر میں جہاں تیزبارش ہوئی وہاں اربن فلڈنگ کی صورتحال ہے، کل کے لیے بھی اربن فلڈنگ کا خدشہ ہے۔محکمہ موسمیات کے مطابق مون سون سسٹم کو تقویت بحیرہ عرب سے ملنے والی نمی سے ہوئی، مون سون بارشوں میں تمام علاقوں میں یکساں مقدار بارش نہیں ہوتی۔

لاہور(ویب ڈیسک) لاہور میں گرج چمک کے ساتھ موسلادھار بارش ہوئی .بارش سے نشیبی علاقوں میں پانی بھر گیا،علاوہ ازیں کئی علاقوں میں بجلی کی آنکھ مچولی جاری ہے۔تفصیلات کے مطابق لاہور میں صبح کے وقت دیکھتے ہی دیکھتے آسمان پر کالے بادل چھا گئے اورکھل کر برسے جس کے بعد ہر طرف پانی ہی پانی تھا.، تالاب میں سب سے زیادہ 60 ملی میٹر بارش ریکارڈ کی گئی۔ مغلپورہ میں 33 ملی میٹر، لکشمی چوک میں 53، تاج پورہ میں 5 اور چوک ناخدا میں 20 ملی میٹر بارش ہوئی۔ فرخ آباد میں 22 ملی میٹر، گلشن راوی میں 52 ملی میٹر بارش ریکارڈ ہوئی۔
راولپنڈی اور گردونواح میں بھی بادل خوب برسے، جہلم میں بھی تیز ہواؤں کے ساتھ بارش ہوئی، میرپور آزاد کشمیر شہر و گردانواح میں بھی بادل نے جل تھل کر دی۔ محکمہ موسمیات کے مطابق بارش کا سلسلہ آج بھی جاری رہے گا۔

لاہور (ویب ڈیسک)محکمہ موسمیات نے بارشوں کی پیشگوئی کر دی ہے .تفصیلات کے مطابق محکمہ موسمیات کا کہنا ہے کہ لاہور، گوجرانوالہ، سیالکوٹ میں شدید بارشوں کا امکان ہے.علاوہ ازیں زیریں سندھ اور کشمیر میں بھی بادل برسنے کو تیار ہیں .محکمہ موسمیات کے مطابق زیریں سندھ میں حیدرآباد، ٹھٹھہ، مٹھی اور دیگر علاقوں میں تیز ہواؤں کے ساتھ بارشوں کا سلسلہ جاری ہو سکتا ہے ۔ گوجرانوالہ، لاہور، سیالکوٹ اور نارووال میں چند مقامات پر بھی گرج چمک کے ساتھ بارش کا امکان ہے۔ کشمیر میں بھی بادل برسنے کی توقع ہے۔

لاہور میں بارشوں کے باعث مختلف حادثات میں بچوں سمیت پانچ افراد جاں بحق ہوگئے جب کہ کرنٹ لگنے سے 6 جانور بھی ہلاک ہوئے۔لاہور میں بادلوں کی گھن گرج اور دھواں دھار بارش سے شہر کے متعدد علاقے پانی پانی ہوگئے، نشیبی علاقے زير آب آگئے اور سڑکیں ڈوب گئیں جب کہ گلیاں ندی نالوں میں تبدیل ہوگئيں۔

شہر میں سب سے زيادہ بارش لکشمی چوک پر 161 ملی میٹر ریکارڈ کی گئی لیکن بارش رکنے کے کچھ دیر بعد ہی شہر کا زيادہ تر علاقہ کلیئر ہوگیا جب کہ بارش سے لیسکوکے 100 سے زائد فيڈرز ٹرپ کرگئے۔شہر میں بارش سے ہونے والے حادثات میں تین بچے کاہنہ میں چھت گِرنے سے ملبے تلے دب کر دم توڑ گئے جب کہ قصور میں آسمانی بجلی گِرنے اور اوکاڑہ میں بجلی کے کھمبے سے کرنٹ لگنے سے ایک شخص جاں بحق ہوگيا۔

پولیس کے مطابق شہر میں بارش کے دوران کرنٹ لگنے سے 6 جانور بھی ہلاک ہوئے جہاں شیراکوٹ میں کرنٹ سے ایک گائے اور بھینس جب کہ مانگا منڈی میں آسمانی بجلی گرنے سے 4 بھینسیں ہلاک ہوئیں۔

48گھنٹوں میں تیز ہواﺅں کے ساتھ مسلسل بارشیں بھی ہوں گی

لاہور(ایمرا نیوز آن لائن)
تقریباً پچھلے ایک ہفتے سے پنجاب کے جنوبی علاقے میں خاص طور پر مسلسل بارشیں ہو رہی ہیں جبکہ اب اپر پنجاب میں بھی بارشوں کی رفتار خاصی تیز ہو گئی ہے۔اس وقت بلوچستان،خیبر پختونخوا اور پنجاب میں شدید قسم کی بارشیں ہیں جس سے فصلوں کو خاطر خواہ نقصان پہنچنے کے علاوہ جانی و مالی نقصان بھی ہوا ہے۔ کئی لوگوں کے گھر گر گئے،مویشیوں کے چارہ کے نقصان کے ساتھ گندم کی فصل جو پک کر تیار ہو چکی تھی وہ بھی خراب ہو چکی ہے۔جبکہ پنجاب اور بلوچستان کے کچھ علاقوں میں تو بارشوں کا پانی سیلاب کی صورت میں گندم کی تیار فصلوں کے کھیتوں میں بھی پہنچ گیا ہے۔شبہ ظاہر کیا جا رہا ہے کہ یہ صورت حال ابھی اور بھی چند دن رہے گی۔

اس حوالے سے ڈپٹی کمشنر اسلام آباد نے عوام الناس کو مطلع کرتے ہوئے کہا ہے کہ وہ بے وجہ گھر سے نہ نکلیں اور اپنے گھروں کی بھی حفاظت کریں کیونکہ 48گھنٹوںمیں ملک میں ایک شدید طوفان آنے والا ہے۔ جس میں انتہائی تیز ہوا کے ساتھ مسلسل بارش بھی ہو گی۔موسم کی ایسی صورت حال تقریباً سات سال بعد ہونے جا رہی ہے۔یہ طوفان ان 48گھنٹوںمیں کسی وقت بھی آ سکتا ہے۔تاہم عوام کو چاہیے کہ اس حوالے سے احتیاطی تدابیرضرور اپنائیں۔بلاوجہ کے سفر سے گریز کریں اور بچوں کو بھی بغیر وجہ کے گھر سے نہ نکلنے دیں۔ممکن بارشوں کے طوفان کے پیش نظر اپنی اور اہل خانہ کی حفاظت کریں اور ایسے گھروںمیں قطعی رہائش نہ رکھیں جن کے گرنے کا خدشہ ہو۔

دیہات کے علاقوںمیں رہنے والے ایسے لوگ جن کے گھر کچے ہیں وہ خاص طور پر احتیاط کریں اور ان علاقوں میں ہرگز نہ رہیں جہاں پانی کے اکٹھا ہونے اور سیلاب کی صورت اختیار کرنے کا خدشہ ہو۔اس کے علاوہ بجلی کی تاروں اور کھمبوں سے بھی دور رہیں اور بچوں کو اکیلے بھی گھر سے باہر مت نکلنے دیں۔

اسلام آباد(M92) ملک بھر میں بارش اور پہاڑی علاقوں میں برفباری کا سلسلہ وقفے وقفے سے جاری ہے جس کے باعث سردی کی شدت میں اضافہ اور اسموگ کا خاتمہ ہوگیا جبکہ محکمہ موسمیات نے (آج ) جمعرات کو بھی راولپنڈی اسلام آباد سمیت بالائی پنجاب،خیبرپختونخوا، فاٹا، شمال مشرقی بلوچستان اور کشمیر میں بارش کا سلسلہ جاری رہے گا۔تفصیلات کے مطابق محکمہ موسمیات نے (آج ) جمعرات کو بھی ملک کے مختلف حصوںمیں بارش کا سلسلہ جاری رہنے کی پیش گوئی کی جبکہ جمعہ سے موسم صاف ہونے کا امکان ہے ۔آئندہ 12گھنٹوں کے دوران خیبرپختونخوا، اسلام آباد، بالائی پنجاب ( راولپنڈی، لاہور، فیصل آباد، سرگودھا، گوجرانوالہ ڈویژن)، فاٹا ، گلگت بلتستان اور کشمیر میں کہیں کہیں گرج چمک کے ساتھ بارش اور پہاڑوں پر برفباری کا امکان ہے۔جبکہ پنجاب کے میدانی علاقوں میں دھند رہے گی۔ آئندہ 24گھنٹوں کا موسم کے دوران بالائی خیبرپختونخوا، اسلام آباد، بالائی پنجاب (راولپنڈی، لاہور، فیصل آباد، سرگودھا، گوجرانوالہ ڈویژن )، فاٹا ، گلگت بلتستان اور کشمیر میں کہیں کہیں گرج چمک کے ساتھ بارش اور پہاڑوں پر برفباری کا امکان ہے۔جبکہ پنجاب کے میدانی علاقوں میں شدید دھند رہے گی۔ آئندہ 48گھنٹوں کے دوران ملک کے بیشتر علاقوں میں موسم سرد اور خشک رہے گا۔تاہم مالاکنڈ ڈویژن،بالائی فاٹا،کشمیر اور گلگت بلتستان میں چند مقامات پر مزید بارش اور پہاڑوں پر برفباری کا امکان۔ جبکہ پنجاب کے میدانی علاقوں( لاہور، فیصل آباد، ساہیوال، سرگودھا ڈویژن ) میں رات اور صبح کے اوقات میں شدید دھندکا امکان۔ گزشتہ روز پنجاب،خیبرپختونخوا، فاٹا، اسلام آباد، شمال مشرقی بلوچستان اور کشمیر میں کہیں کہیں پر گرج چمک کے ساتھ بارش ہوئی۔سب سے زیادہ بارش خیبرپختونخوا : چراٹ 70، پشاور( ائیرپورٹ 64،سٹی 61)، ، بنوں 40، لوئیر دیر 30، کوہاٹ 24، مالالم جبہ 22، دیر 21، رسالپور20، کاکول 17،سیدو شریف 16، میر کھانی 10، پارہ چنار 06، چترال،دروش 02، کالام، بالاکوٹ 01، پنجاب: مری 24، کامرہ 16، اسلام آباد(سیدپور12،زیرو پوائنٹ08، گولڑہ 10، بوکڑہ06)، راولپنڈی(چکلالہ08،شمس آباد08)، چکوال،اوکاڑہ 06، میاانوالی، ٹوبہ ٹیک سنگھ03، منگلا، منڈی بہاوالدین، نورپورتھل، جہلم، قصور، ڈی جی خان، سیالکوٹ(کینٹ)، سرگودھا سٹی 02، جوہر آباد 01، کشمیر : راولاکوٹ 12، کوٹلی 10، مظفرآباد 05، گڑھی دوپٹہ 02، میٹر ریکارڈ کی گئی۔گزشتہ روز ریکارڈ کیے گئے سرد ترین مقامات کے درجہ حرارت،قلات منفی 02 ، سکردو منفی 01 اور کوئٹہ 00 ڈگری سینٹی گریڈ ریکارڈ کیا گیا۔