Tag دفتر خارجہ

اسلام آباد (ویب ڈیسک)بھارت میں مقیم مسلمانوں پر ظلم کے پہاڑ ٹوٹ پڑے ہیں.بھارت میں موجود مسلمانوں پر بھارتی حکومت نے تشدد کیا اور کئی گھر مسمار کر دیئے.جس کے بعد پاکستان نے مسلمانوں پر حالیہ تشدد اور ان کی وحشیانہ بے دخلی سے متعلق معاملے کے خلاف بھارت کو اپنا احتجاج ریکارڈ کردیا ہے۔
ٹوئٹر پرایک ویڈیو وائرل ہوئی جس میں پولیس نے مسلمان باشندوں پر فائرنگ کی جس کے نتیجے میں ایک نوجوان زخمی ہوگیا جو زخموں کی تاب نہ لاتے ہوئے چل بسا. پولیس کے ہمراہ ایک کیمرہ مین اس کی لاش کو لاتیں مار اور اس پر کود رہا تھا۔اس کے علاوہ ویڈیو میں یہ بھی نظر آ رہا ہے کہ پولیس والے درختوں کے پیچھے سے ہی مسلمانوں پر اندھا دھند فائرنگ کر رہے تھے۔
اس واقعے میں 2 افراد جاں بحق ہو گئے. دفتر خارجہ کی جانب سے جو احتجاج ریکارڈ کرایا گیا اس میں کہا گیا کہ اڑی میں نام نہاد ‘انسداد دراندازی’ آپریشن بھارت کا جھوٹا آپریشن ہے جس کے بارے میں پاکستان دنیا کو خبردار کرتا رہا ہے، یہ پاکستان کو بدنام کرنے کی ایک پرانی بھارتی چال ہے۔

واشنگٹن (میڈیا 92 نیوز آن لائن ) امریکی صدر ڈونلڈ ٹرمپ پاکستان اور بھارت کے درمیان مسئلہ کشمیر پر ثالثی کی پیشکش پر قائم ہیں۔

وائٹ ہاؤس میں صحافیوں سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ وہ وزیراعظم عمران خان اور بھارتی وزیراعظم نریندرمودی سے بھی ملاقات کرچکے ہیں، اور ان کے خیال میں دونوں ہی زبردست انسان ہیں۔

ڈونلڈ ٹرمپ کا کہنا تھا کہ ‘مجھے لگتا ہے دونوں ایک ساتھ اچھے تعلقات قائم کرسکتے ہیں’۔

مسئلہ کشمیر سے متعلق امریکی صدر کا کہنا تھا کہ بھارت نے اب تک مسئلہ کشمیر حل کرنے کی پیشکش قبول نہیں کی ہے، یہ مودی پر منحصر ہے جب کہ میں اس حوالے سے پاکستان سے بات کرچکا ہوں۔

ڈونلڈ ٹرمپ کا کہنا تھا کہ اگر وہ چاہتے ہیں کہ ان کے درمیان مسئلہ حل کرنے کے لیے مدد کی جائے تو میں ثالثی کا کردار ادا ضرور کرنا چاہوں گا۔

دوسری جانب حمزہ بن لادن کی ہلاکت پر ڈونلڈ ٹرمپ نے تبصرہ کرنے سے گریز کیا اور صرف اتنا کہا کہ وہ امریکا کو دھمکیاں دیتا تھا۔

واضح رہے کہ گزشتہ ماہ وزیراعظم عمران خان نے امریکا کا کامیاب دورہ کیا جس میں انہوں امریکی صدر ڈونلڈ ٹرمپ سے وائٹ ہاؤس میں ملاقات کی تھی۔

اس موقع پر امریکی صدر نے عمران خان کو مسئلہ کشمیر کے حل کیلئے ثالثی کی پیشکش کی تھی جس پر وہ اب بھی برقرار ہیں لیکن بھارت کی جانب سے اس پیشکش کو اب تک قبول نہیں کیا گیا ہے۔

واشنگٹن (میڈیا 92 نیوز آن لائن ) وزیراعظم عمران خان 21 سے 23 جولائی تک امریکا کا تین روزہ دورہ کریں گے جس میں وہ امریکی صدر ڈونلڈ ٹرمپ سے بھی ملاقات کریں گے۔

وزیراعظم عمران خان کے دورہ امریکا کے حوالے سے مختلف قسم کی قیاس آرائیاں کی جا رہی تھیں تاہم وائٹ ہاؤس کے بعد پاکستان کے دفتر خارجہ نے بھی وزیراعظم کے دورہ امریکا کی تصدیق کر دی ہے۔

ترجمان دفتر خارجہ کے مطابق وزیراعظم عمران خان صدر ڈونلڈ ٹرمپ کی دعوت پر امریکا کا تین روزہ دورہ کریں گے۔

ترجمان کا کہنا ہے کہ وزیراعظم عمران خان اور صدر ڈونلڈ ٹرمپ کے درمیان 22 جولائی کو وائٹ ہاؤس میں ملاقات ہوگی، ملاقات میں دو طرفہ تعلقات اور علاقائی صورتحال پر بات چیت ہوگی۔

ترجمان دفتر خارجہ نے کہا کہ وزیر اعظم کانگریس ارکان، کارپوریٹ سربراہان اور پاکستانی کمیونٹی سے بھی ملاقات کریں گے۔

دفتر خارجہ کے ترجمان کا کہنا ہے کہ وزیراعظم امریکا میں مختلف تقاریب میں نیا پاکستان وژن سے آگاہ کریں گے، وزیراعظم امریکا کے ساتھ کثیر الجہتی تعلقات کی اہمیت کا بھی بتائیں گے۔

ترجمان دفتر خارجہ کے مطابق وزیر اعظم افغانستان میں امن و استحکام کے لیے پاکستان کے عزم سے آگاہ کریں گے، وزیر اعظم اپنے دورہ امریکا کے دوران پاکستان کی پرُ امن ہمسائیگی کی پالیسی پر روشنی ڈالیں گے۔

دفتر خارجہ کے مطابق دورے سے باہمی مفاد پر مبنی شراکت داری مزید مضبوط ہو گی۔

دوسری جانب ترجمان وائٹ ہاؤس کی جانب سے جاری بیان میں کہا گیا ہے کہ امریکی صدر ڈونلڈ ٹرمپ وزیراعظم عمران خان کا 22 جولائی کو وائٹ ہاؤس آنے پر خیر مقدم کریں گے۔

وائٹ ہاؤس کے ترجمان کے مطابق وزیراعظم عمران خان کے دورے میں پاک امریکا تعاون کی مزید مضبوطی توجہ کا مرکز ہو گی، پاک امریکا تعاون کا مقصد خطے میں امن و استحکام اور معاشی خوشحالی لانا ہے۔

اعلامیے میں کہا گیا ہے کہ صدر ٹرمپ اور وزیرعظم عمران خان کے درمیان انسداد دہشتگردی، دفاع، توانائی اور تجارت سے متعلق امور پر بات چیت ہو گی۔

ترجمان وائٹ ہاؤس کے مطابق دونوں ممالک کے درمیان بات چیت کا مقصد جنوبی ایشیاء میں امن اور پاک امریکا دیرپا شراکت داری کا ماحول پیدا کرنا ہے۔

بلوچستان اور سندھ سے ای سی پی اراکین کی خالی نشستوں کے لئے 3، 3 نامزدگیوں کی تجویز، اپوزیشن لیڈر شہباز شریف کو خط ارسال ،ای سی پی اراکین کی تقرری کے لیے آئینی مدت پہلی ہی ختم ہوچکی ہے
اسلام آباد(ایمرا نیوز آن لائن) حکومت کی جانب سے نئی مثال قائم کرتے ہوئے الیکشن کمیشن آف پاکستان (ای سی پی) کے اراکین کی تقرری کے عمل میں وزارت خارجہ کو شامل کرلیا۔واضح رہے کہ تقرری کے عمل کے لیے آئین کے تحت مقررہ مدت پہلے ہی رواں ماں کے آغاز میں ختم ہوچکی ہے۔رپورٹ کے مطابق ذرائع نے بتایا کہ دفتر خارجہ کی ایڈیشنل سیکریٹری آمنہ بلوچ کی جانب سے اپوزیشن لیڈر شہباز شریف کو ایک خط ارسال کیا گیا جس میں بلوچستان اور سندھ سے ای سی پی اراکین کی خالی نشستوں کے لئے 3، 3 نامزدگیوں کی تجویز دی گئی ہے۔اس خط میں پاکستان تحریک انصاف (پی ٹی ا?ئی) حکومت نے صوبے سے ای سی اراکین کی نامزدگیوں کے لیے ٹیکنوکریٹ اور بلوچستان کے سابق ایڈووکیٹ جنرل ڈاکٹر صلاح الدین مینگل، بلوچستان کے سابق ایڈیشنل ایڈووکیٹ جنرل محمود رضا خان اور قومی احتساب بیورو کے سابق ڈپٹی پراسیکیوٹر جنرل راجا عامر عباسی کے ناموں کی تجویز دی گئی۔صوبہ سندھ سے حکومت نے سابق جوڈیشل ممبر (کسٹمز ایپلیٹ ٹریبیونل کے جج) محمد ندیم قریشی، سندھ ہائی کورٹ کے سابق رجسٹرار جسٹس (ر) عبدالرسول میمن اور اسلام ا?باد ہائی کورٹ کے سابق جج جسٹس (ر) نورالحق قریشی کے ناموں کی تجویز دی۔دوسری جانب مرکزی اپوزیشن پاکستان مسلم لیگ (ن) نے وزیر اعظم عمران خان کی جانب سے ا?ئین کے تحت اس معاملے پر اپوزیشن لیڈر کے ساتھ مشاورت میں ہچکچاہٹ کا اظہار کرنے کے باعث ای سی پی اراکین کی تقرری کے معاملے میں دفتر خارجہ کی شمولیت کے حکومتی اقدام پر حیرانی کا اظہار کیا۔ذرائع کا کہنا تھا کہ شہباز شریف نے اپنے سیکریٹریز میں سے ایک کے ذریعے آمنہ بلوچ کو بھیجے گئے ایک جواب میں نامزدگیاں ارسال کرنے کے عمل پر سوالات اٹھائے ہیں۔اس حوالے سے جب رابطہ کیا گیا تو مسلم لیگ (ن) کی ترجمان مریم اورنگزیب نے اس بات کی تصدیق کی کہ اپوزیشن لیڈر کو وزارت خارجہ کے ایک عہدیدار کی جانب سے خط موصول ہوا تھا اور انہوں نے اس کا جواب بھی دیا ہے۔انہوں نے کہا کہ یہ حیران کن ہے کہ وزارت خارجہ کے ذریعے نام تجویز کیے گئے، جس کا ای سی پی کے ساتھ کوئی تعلق نہیں اور یہ کہ وزیر اعظم اور اپوزیشن لیڈر کے درمیان مشاورت کی ا?ئینی ضرورت کو بھی پورا نہیں کیا گیا۔علاوہ ازیں وزیر خارجہ شاہ محمود قریشی نے تصدیق کی کہ وزیر اعظم عمران خان کی جانب سے انہیں الیکشن کمیشن کے اراکین کی تقرریوں کے معاملے پر اپوزیشن جماعتوں کے ساتھ مشاورت کا ٹاسک دیا گیا تھا۔انہوں نے ابتدائی طور پر اس طرح کے کسی خط کے بارے میں لاعلمی کا اظہار کیا لیکن بعد ازاں اس بات کو تسلیم کیا کہ اپوزیشن لیڈر کو خط ارسال کیا گیا تھا۔اس خط پر شہباز شریف کے جواب کے بارے میں وزیر خارجہ کا کہنا تھا کہ انہوں نے ابھی تک یہ جواب نہیں دیکھا اور وہ صرف جب ہی اس پر تبصرہ کریں گے جب وہ اسے دیکھ لیں گے۔شاہ محمود قریشی نے مسلم لیگ (ن) کے الزامات کی تردید کرتے ہوئے کہا کہ یہ کہنا غلط ہوگا کہ ای سی پی اراکین کی تقرری کے معاملے میں ان کی وزارت کو گھسیٹا گیا۔تاہم شاہ محمود قریشی نے واضح کیا کہ الیکشن کمیشن کے اراکین کی تقرری کے معاملے پر اپوزیشن اراکین کے ساتھ ملاقات مسلم لیگ (ن) کے رہنما مرتضیٰ جاوید عباسی کی درخواست اور پاکستان پیپلز پارٹی (پی پی پی) کے سید خورشید شاہ کی غیر موجودگی کی وجہ سے منسوخ کی گئی۔

(نیٹ نیوز/ایمرا نیوز)
دفتر خارجہ کے ترجمان ڈاکٹر فیصل کا کہنا ہے کہ بھارتی جاسوس حامد نہال انصاری کو سزا مکمل ہونے پر رہا کیا گیا ہے۔انہوں نے مزید کہا کہ حامد نہال انصاری غیر قانونی طور پر پاکستان میں داخل ہوا تھا، اسے بغیر دستاویزات اور جاسوسی کے الزامات پر سزا ہوئی تھی۔ترجمات دفتر خارجہ نے مزید کہا کہ بھارتی جاسوس حامد انصاری پاکستان مخالف سرگرمیوں میں ملوث تھا،اب سزا مکمل ہونے پر اسے بھارت واپس بھیجا جا رہا ہے۔واضح رہے کہ حامدنہال انصاری نامی بھارتی جاسوس کو 3 سال کے بعد سزا مکمل ہونے پر رہا کیا گیا ہے، نومبر 2012ءمیں یہ شخص دہلی سے کابل پہنچا تھا۔وہ کابل سے براستہ سڑک جلال آباد سے ہوتا ہوا طورخم بارڈر سے حمزہ نام کی جعلی دستاویزات پر پاکستان میں داخل ہوا، جہاں سے بس کے ذریعے راولپنڈی پہنچا، جس کے بعد کوہاٹ روانہ ہوا اور جعلی دستاویزات پر ہی اس نے ہوٹل میں قیام کیا۔حامد انصاری کو 14 نومبر 2012ءکو مشکوک سرگرمیوں کی وجہ سے حراست میں لیا گیا،جنوری 2014ء میں بھارتی ہائی کمیشن کو حامد انصاری کی گرفتاری کے حوالے سے مطلع کیا گیا۔جاسوسی اور بغیر دستاویزات سفر کرنے کے جرم میں سزا پانے والے بھارتی قیدی حامد نہال انصاری کو مردان جیل سے رہا کر دیا گیا ہے، جس کے بعد اسے واہگہ بارڈر پر بھارت کے حوالے کیا جائے گا۔