Tag سری نگر

سرینگر(ویب ڈیسک)ایسے واقعات دنیا بھر میں ہوتے رہتے ہیں کہ دوران پرواز جہاز،چھوٹے طیارے اور ہیلی کاپٹر گر کر تباہ ہوجاتے ہیں،ایسی صورت میں بچنا کسی معجزے سے کم نہیں ہوتا،مقبوضہ کشمیر میں بھارتی فوج کا ہیلی کاپٹر پہاڑی علاقے میں گر کر تباہ ہوگیا جس کے نتیجے میں 2 پائلٹس ہلاک ہوگئے۔
بھارتی میڈیا کے مطابق مقبوضہ کشمیر کے علاقے اودھم پور میں بھارتی فوج کا ہیلی کاپٹر گر کر تباہ ہوگیا جس کے نتیجے میں 2 پائلٹس زخمی ہوگئے تھے۔ زخمیوں کو قریبی اسپتال منتقل کیا گیا تاہم دوران دونوں پائلٹس دم توڑ گئے۔
ترجمان بھارتی فوج نے بتایا کہ زخموں کی تاب نہ لاکر ہلاک ہونے والے پائلٹس میجر رینک کے افسران تھے جن کی شناخت میجر روہت کمار اور میجر انوج راجپوت کے نام سے ہوئی ہے۔ حادثے کی تحقیقات کے لیے انکوائری کمیٹی تشکیل دیدی گئی ہے۔ترجمان بھارتی فوج کا مزید کہنا تھا کہ آج صبح مقبوضہ کشمیر کے ضلع اودھم پور میں حادثے کا شکار ہونے والا ہیلی کاپٹر تربیتی مشق پر مامور تھا۔ حادثہ ممکنہ طور پر دھند کی وجہ سے پیش آیا ہے تاہم حتمی بات انکوائری کمیٹی کی رپورٹ کے بعد ہی کہی جا سکتی ہے۔

سری نگر(ویب ڈیسک) مقبوضہ کشمیر میں زور دار دھماکہ ہوا جس کے نتیجے میں ایک لڑکی ہلاک اور 6 افراد زخمی ہو گئے .تفصیلات کے مطابق ایک گھر میں موجود کباڑ خانے میں پرانے شیلز اور گرنیڈز اچانک زور دار دھماکوں سے پھٹ گئے.اوراس دھماکے کے نتیجے میں ایک لڑکی جاں بحق اور 6 زخمی ہوگئے۔
کشمیر پولیس کے مطابق غلام محمد وانی پرانی استعمال شدہ اور ناکارہ سامان کی خرید و فروخت کا کام کرتے ہیں اور ان کے گھر کے کباڑ خانے میں پرانے شیل اور گرنیڈ بھی تھے جو پھٹ نہیں سکے تھے۔
ہسپتال انتظامیہ کے مطابق دھماکے میں ہلاک اور زخمی ہونے والوں کا تعلق ایک ہی خاندان سے ہے۔ 2 زخمیوں کو انتہائی نگہداشت کے وارڈ میں داخل کیا گیا ہے۔

مودی سرکار نے مقبوضہ کشمیر میں لاک ڈاؤن کرتے ہوئے دارالحکومت سری نگر سمیت وادی کے کئی اضلاع میں غیر معینہ مدت کے لیے کرفیو نافذ کر دیا۔

بھارت کی ہندو انتہا پسند حکمران جماعت نے مقبوضہ کشمیر میں حریت رہنماؤں سمیت دو سابق وزرائے اعلیٰ کو گھروں پر نظر بند کر دیا اور ہزاروں اضافی فوجی تعینات کر کے اہم شاہراؤں کو خاردار تاریں لگا کر بند کر دیا۔

مقبوضہ وادی میں شہریوں کی نقل و حرکت پر پابندی عائد کرنے کے ساتھ انٹرنیٹ سروسز، موبائل فون اور لینڈ لائن ٹیلی فون سروسز بھی معطل کر دی گئی ہیں۔

اسکول اور کالجز سمیت تمام تعلیمی ادارے بند کر دیئے گئے ہیں جب کہ یونی ورسٹیز میں 5 سے 10 اگست تک ہونے والے امتحانات ملتوی کر دیئے گئے ہیں اور کسی بھی قسم کے اجتماعات پر بھی پابندی عائد کر دی گئی ہے۔

سابق وزرائے اعلیٰ محبوبہ مفتی اور عمر عبداللہ نے ایک اجلاس میں شرکت کی تھی جس میں مقبوضہ کشمیر کی بگڑتی ہوئی صورت حال پر تبادلہ خیال کیا گیا تھا۔

محبوبہ مفتی نے کہا کہ امن کے لیے لڑنے والے منتخب نمائندوں کو بھی گھروں پر نظربند کیا جا رہا ہے، مقبوضہ کشمیر میں عوام کی آواز بند کی جا رہی ہے اور دنیا دیکھ رہی ہے۔ عمر عبداللہ کہتے ہیں کہ اللہ ہم سب کی حفاظت فرمائے۔

خیال رہے کہ امریکی صدر ڈونلڈ ٹرمپ کی جانب سے وزیراعظم عمران خان کو کشمیر کے معاملے پر ثالثی کی پیشکش کے بعد سے بھارت کی جانب سے مقبوضہ وادی میں نہتے کشمیریوں پر ظلم و ستم میں اضافہ ہو گیا ہے۔

گزشتہ روز بھی بھارتی فورسز کی جانب سے ضلع کپواڑہ میں فائرنگ کر کے 7 کشمیری نوجوانوں کو شہید کر دیا گیا تھا۔

اس کے علاوہ بھارتی فورسز کی جانب سے لائن آف کنٹرول پر بھی جارحیت میں اضافہ ہو گیا ہے اور بھارتی فورسز کشمیریوں کو کلسٹر بموں سے نشانہ بنا رہی ہیں جو جینیوا کنوینشن اور بین الاقوامی انسانی حقوق کی کھلی خلاف ورزی ہے۔

وزیراعظم پاکستان نے اقوام متحدہ کی سلامتی کونسل نے مطالبہ کیا ہے کہ بھارت کی جانب سے مقبوضہ کشمیر میں بڑھتے ہوئے مظالم اور ایل او سی پر کلسٹر بموں کے استعمال کا نوٹس لیا جائے۔

گزشتہ روز وزیراعظم عمران خان کی زیر صدارت قومی سلامتی کمیٹی کے اجلاس میں بھی اس خدشے کا اظہار کیا گیا تھا کہ بھارت مقبوضہ کشمیر میں اپنی ناکامیوں کو چھپانے کے لیے پرخطر راستے اختیار کر سکتا ہے۔

وزیراعظم عمران خان کا کہنا تھا کہ قوم کی حمایت سے بھارت کی کسی بھی مہم جوئی کا منہ توڑ جواب دیا جائے گا اور پاکستان کشمیریوں کو کبھی تنہا نہیں چھوڑے گا۔

سری نگر(ایمرا نیوزآن لائن)

مقبوضہ کشمیر کی سابق وزیراعلیٰ اورپیپلز ڈیموکریٹک پارٹی کی سربراہ محبوبہ مفتی کا کہنا ہے کہ بی جے پی اپنی ڈوبتی کشتی بچانے کے لیے کسی بھی حد تک جاسکتی ہے اورانتخابات میں کامیابی کے لیے پاکستان پر ایک اور حملہ کرسکتی ہے۔ مقبوضہ کشمیرمیں ایک تقریب سے خطاب کرتے ہوئے محبوبہ مفتی کا کہنا تھا کہ بھارت میں نریندرامودی کی حکومت تمام محاذوں پرناکام ہو چکی ہے اس لیے بھارت عام انتخابات میں ووٹرکواپنی جانب متوجہ کرنے کے لیے بالا کوٹ جیسا ایک اورحملہ پاکستان پرکرسکتا ہے جب کہ اس سلسلے میں بالخصوص مسلمانوں اوردوسری اقلیتوں کو مرعوب کرنے کی کوشش کی جا رہی ہے۔

محبوبہ مفتی نے مزید کہا کہ ووٹرزکو متوجہ کرنے کے لیے پاکستان کو نقصان پہچانے کی بات ہو یا پھر مقبوضہ کشمیر میں جارحیت کا بڑھتا ہوا مظاہرہ ہو، یہ سب کچھ انتخابا ت میں کامیابی کے لیے ہی ہے۔سابق کٹھ پتلی وزیر اعلیٰ کا کہنا تھا کہ انتخابات کے پہلے مرحلے میں ہی بی جے پی کو اپنی شکست کا اندازہ ہوچکا ہے۔ پورے بھارت میں عوام بے چین ہیں، بے روزگاری بڑھ رہی ہے اور معیشت خوفناک حد تک تنزلی کا شکارہے۔ بی جے پی کی کشتی ڈوب رہی ہے اسے بچانے کے لئے وہ کسی بھی حد تک جا سکتے ہیں۔ محبوبہ مفتی نے مزید انکشاف کرتے ہوئے کہا کہ جب بی جے پی ووٹوں کے لیے فرقہ ورانہ فسادات کروانے کی کوشش میں ناکام ہوئی توبالا کوٹ پرحملے کا ڈرامہ رچایا۔

سری نگر (ایمرا نیوزآن لائن)
میڈیا رپو رٹس کے مطابق یاسین ملک کو این آئی اے کی خصوصی عدالت کے احکامات پر نئی دہلی لایا گیا ہے،جہاں این آی اے حریت رہنما سے جھوٹے فنڈنگ کیس میں پوچھ گچھ کرے گی۔کشمیری میڈیا کا مزید کہنا ہے کہ این آئی اے کی عدالت نے یاسین ملک کے خلاف عدالت میں پیشی کے احکامات جاری کیے تھے،انہیں این آئی اے نے گزشتہ ماہ گرفتار کیا تھا۔کشمیری میڈیاکا کہنا ہے کہ کشمیری رہنما ؤں کو ہراساں کرنے کے لیے ان سے گھنٹوں تحقیقات کی جا رہی ہیں، این آئی اے جھوٹے فنڈنگ کیس میں ا میر واعظ عمر فاروق سے تفتیش کا سلسلہ جاری رکھے گی۔میر واعظ عمر فاروق سے این آئی اے نے دو دن تک کئی گھنٹوں تک سوالا ت پوچھے ہیں،میر واعظ عمر فاروق کو پیر کو نئی دہلی طلب کیا گیاتھا۔