Tag سعودی عرب

ریاض(ویب ڈیسک) سعودی عرب کے کنگ عبدالعزیز ائیرپورٹ پر حوثی باغیوں نے ڈرون حملہ کر دیا جس کے نتیجے میں 10 افراد زخمی ہوگئے۔عرب میڈیا کے مطابق حوثی باغیوں کی جانب سے ایک بار پھر سعودی عرب کے شہر جازان میں کنگ عبدالعزیز ایئرپورٹ پر بارود سے بھرے ڈرون کے ذریعے اٹیک کرنے کی کوشش کی گئی. سعودی فضائیہ کے ڈیفنس سسٹم نے فوری جوابی ردعمل کا مظاہرہ کرتے ہوئے ڈرونز کو فضا میں ہی تباہ کردیا ۔عرب اتحادی افواج کے مطابق حوثی باغیوں نے ڈرونز کے ذریعے ائیرپورٹ کو نشانہ بنایا جس کو ناکام بنادیا گیا تاہم ڈرونز کے ٹکرے لگنے کے باعث ائیرپورٹ پر موجود مسافروں سمیت 10 افراد زخمی ہوگئے جن میں 6 مسافر اور ائیرپورٹ کا عملہ شامل ہے جن کو اسپتال منتقل کردیا گیا ہے۔

ریاض(ویب ڈیسک) سعودی حکومت نے سفری پابندی والے ممالک کے تعلیمی شعبے سے وابستہ افراد کو آنے کی اجازت دے دی۔
سعودی جنرل سول ایوی ایشن اتھارٹی کی جانب سے بڑی چھوٹ کا اعلان کردیا گیا۔ سعودی سی اے اے نے سفری پابندی والے ممالک کے تعلیمی شعبے سے وابستہ افراد کو آنے کی اجازت دے دی۔
گاکا کے مطابق فیکلٹی ممبران اور تعلیمی شعبے سے منسلک افراد براہ راست سعودیہ آسکتے ہیں، اساتذہ اور اسکالر شپ لینے والے طلبہ کو بھی آ نے کی اجازت ہے۔ تکنیکی اور پیشہ ورانہ تربیتی اداروں سے وابستہ افراد کو بھی آنے کی اجازت دے دی گئی۔
سعودی سول ایوی ایشن نے ائیرلائنز (فضائی کمپنیوں) کو مراسلہ جاری کردیا جس کے مطابق تعلیم کے شعبے سے منسلک افراد اہلخانہ کے ہمراہ بھی سعودیہ کا سفر کرسکتے ہیں، مکمل ویکسی نیشن پر انہیں قرنطینہ سے بھی استثنی حاصل ہوگا، لیکن ویکسین کی ایک خوراک کے حامل افراد کو قرنطینہ کرنا لازمی ہوگا، تمام افراد کو سعودی حکومت کی بتائی ہوئی ایس او پیز پر عمل کرنا ہوگا۔
واضح رہے کہ سعودی عرب کی جانب سے 10 ممالک پر سفری پابندیاں عائد ہیں جن میں بھارت ، پاکستان ، انڈونیشیا ، مصر ، ترکی ، برازیل ، ایتھوپیا ، ویت نام ، افغانستان اور لبنان شامل ہیں۔

سعودی عرب(ویب ڈیسک)سوشل میڈیا پر مقام ابراہیمؑ کے اوپری حصے پر خانہ کعبہ کے عکس کی تصویر سوشل میڈیا پر وائرل ہورہی ہے۔مائیکرو بلاگنگ ویب سائٹ ٹوئٹر پر حرمین نامی ٹوئٹر اکاؤنٹ پر یہ تصویر شیئر کی گئی ہے۔شیئر کی گئی تصویر میں مقام ابراہیمؑ کے اوپری حصے کو عکس بند کیا گیا ہے۔اس تصویر کی سب سے خاص بات مقام ابراہیمؑ پر خانہ کعبہ کا نظر آتا خوبصورت عکس ہے جو دیکھنے والی ہر آنکھ کو اپنی جانب متوجہ کر رہا ہے۔تصویر میں سورج کی تیز کرنوں کو خانہ کعبہ پر پڑتا دیکھا جاسکتا ہے یہی وجہ ہے کہ خانہ کعبہ کا منظر مقام ابراہیمؑ پر واضح نظر آرہا ہے۔

سعودی عرب (ویب ڈیسک)سعودی عرب نے پاکستان اور بھارت کے درمیان درپیش مسائل کے حل کے لیے ثالثی بننے کا فیصلہ کیا ہے.سعودی وزیر خارجہ شہزادہ فیصل بن فرحان آل سعود نے کہا ہے کہ سعودی عرب ،پاکستان اور بھارت کے درمیان ثالثی بننے کے لیے تیار ہے۔تفصیلات کے مطابق سعودی وزیر خارجہ ان دنوں بھارت کے دورے پر ہیں جہاں انہوں نے بھارتی وزیر اعظم نریندر مودی سے ملاقات کی۔دورے کے دوران انڈین ٹی وی کو ایک انٹرویودیا جس میں ان کا کہنا تھا کہ سعودی عرب، پاکستان اور بھارت کے درمیان ثالثی بننےکے لیے تیار ہے، اب پاکستان اور بھارت پرانحصار کرتا ہے کہ وہ مزاکرات کے لیے درست وقت کا تعین کب کریں ۔انھوں نے مزید کہا کہ مذاکرات کے لیے پاکستان بھارت کوفورمزفراہم کریں گے،بالخصوص مسئلہ کشمیر کے حل کے لیے دونوں ملک مذاکرات کریں۔

سعودی عرب کے تاریخی شہر جدہ میں آثار قدیمہ کی بحالی اورترقی کے بعد کاروباری شخصیات اور سرمایہ کاری کرنے والی کمپنیوں کی وہاں پر سرمایہ کاری میں دلچسپی بڑھ گئی ہے۔ یہی وجہ ہے کہ جدہ کی ترقی کا منصوبہ تاجروں کو راغب کرنے کے لیے ایک اہم منزل ہے۔ اس منصوبے کا مقصد شہر کو ترقی دینا ، کاروباری اور ثقافتی منصوبوں کے لیے ایک پرکشش مرکز بنانا جو وژن 2030 کے مقاصد کے مطابق ہواور سعودی عرب کی عرب اور اسلامی گہرائی کو وژن کے ایک اہم ستون کے طور پرپیش کیا جا سکے۔
سعودی عرب کی شوری کونسل کے ایک رکن فضل ابو العینین کا کہنا تھا کہ تاریخی جدہ سائٹ ثقافتی جہتوں کے ساتھ ایک اہم ورثہ کا مقام ہے جس کی بحالی اس ورثے کے تحفظ اور دیکھ بھال میں اہم کردار ادا کرے گی۔ جدہ کے تاریخی مقامات نہ صرف سعودی عرب بلکہ عرب ، اسلامی اور بین الاقوامی دنیا کے نقشے پرغیرمعمولی اہمیت کے حامل ہیں۔یہ منصوبہ انٹرپرینیورشپ سے متعلق سرمایہ کاری کے دروازے کھولنے میں بھی اہم کردار ادا کرے گا۔
فضل العینین نے کہا کہ یہ پراجیکٹ جدید شہری ترقی کو متوازن بنائے گا جو کہ تاریخی ورثے کے مقامات کی ترقی کا باعث بنے گا۔ اس منصوبے سے جدہ کے متروک مقامات اور محلوں کی بحالی میں مثبت پیش رفت ثابت ہوگا اور ان کی زندگی کو بحال کرے گا۔ اس کی سیاحت اور ثقافتی اہمیت اور تخلیق کاروں اور ثقافت میں دلچسپی رکھنے والوں کو ایک جگہ اکٹھا کرنے کا ذریعہ بنے گا۔ جدہ کی ترقی اور اس کی بحالی کے بعد سرماریہ کاروں کو وہاں پر سرمایہ لگانے کے لیے ایک پرکشش ماحول فراہم کیا جاسکے گا۔

ریاض(ویب ڈیسک) عام طور پر آٹزم کے شکار بچے کو بول چال میں مشکل پیش آتی ہے، لیکن سعودی عرب میں اس بیماری میں مبتلا بچے کی خوبصورت اذان سن کر لوگوں پر سحر طاری ہوگیا۔
عرب نیوز ویب سائیٹ نے سوشل میڈیا پر ایک بچے کی اذان کو فلم بند کرکے سوشل میڈیا پر شیئر کیا ہے۔ بچے کی آواز انتہائی پُراثر اور دل میں اترجانے والی ہے۔ مسجد میں موجود تمام افراد بچے کی خوب صورت آواز اور مکمل طور پر درست طریقے سے دی گئی اذان سن کر متاثر ہوئے بغیر نہیں رہ سکے۔ سوشل میڈیا پر بھی بچے کی یہ وڈیو خاصی وائرل ہورہی ہے۔
انتہائی درست تلفظ کے ساتھ اذان دینے والے اس بچے کا نام صالح ہے اور یہ کوئی معمولی بچہ نہیں۔ کیونکہ یہ ایک انتہائی پیچیدہ بیماری آٹزم کا شکار ہے، یہ بیماری بچے کے اظہار خیال کی صلاحیت کو متاثر کرتی ہے اور نتیجے میں وہ بچہ معاشرتی لحاظ سے قابل قبول نہیں ہوپاتا۔
آٹزم کا شکار صالح کی اذان سن کر یہ سچائی ہر شخص پر پوری طرح آشکار ہوجاتی ہے کہ اگر رب تعالیٰ سے لگاؤ سچا ہو تو کوئی کام مشکل نہیں رہتا.

ریاض: سعودی عرب کے صوبے نجران اور جازان میں حوثی باغیوں کے میزائل حملوں کے نتیجے میں 2 بچے زخمی ہوگئے۔
سعودی پریس ایجنسی کے مطابق گزشتہ روز حوثی باغیوں نے بیلسٹک میزائل اور بارودی ڈرونز سے سعودی شہروں کو نشانہ بنانے کی کوشش کی جس کو عرب اتحادی افواج نے ناکام بنادیا تاہم میزائل فضا میں تباہ ہونے کے باعث اس کے ٹکڑے گھروں پر لگے جس نتیجے میں 14 گھروں کو نقصان پہنچا جب کہ ایک گھر کی چھت گرنے سے 2 بچے زخمی ہوگئے جنہیں اسپتال منتقل کردیا گیا ہے۔

عرب اتحادی افواج کے ترجمان جنرل ترکی المالکی کا کہنا ہے کہ حوثی باغیوں نے صوبے جازان اور نجران کو نشانہ بنایا، حوثی باغیوں نے 3 ڈرونز اور 3 بیلسٹک میزائل فائر کیے جن کو فضا میں ہی تباہ کردیا گیا تاہم میزائل کے ٹکڑے گھروں پر لگنے سے نقصان پہنچا۔
سعودی وزارت دفاع نے حوثی باغیوں کے حملوں کی شدید مذمت کرتے ہوئے کہا کہ جان بوجھ کر عام افراد کو نشانہ بنانہ نہ صرف ظالمانہ اقدام ہے بلکہ انسانیت کے بھی خلاف ہے تاہم سعودی دفاعی فورسز اپنی خودمختاری اور شہریوں کے جان و مال کی حفاظت کے لیے ہر ممکن قدم اٹھائے گی۔

سعودی عرب (ایمرا نیوز آن لائن) سعودی ولی عہد محمد بن سلمان نے کہاہےکہ انہوں نے صحافی جمال خاشقجی کے قتل کے احکامات نہیں دیے۔ غیر ملکی خبر رساں ادارے کے مطابق امریکی ٹی وی کو دیے گئے انٹرویو میں ولی عہد محمد بن سلمان نے ایران کے حوالے سے بات کرتے ہوئے خبردار کیا کہ اگر عالمی برداری ایران کو روکنے اور اس کے خلاف ٹھوس کارروائی کے لیے آگے نہیں آئی تو تیل کی قیمتوں میں ایسا ناقابل تصور اضافہ ہوسکتا ہے جو ہم نے زندگی میں نہیں دیکھا ہوگا جب کہ ایران کو نہ روکنے سے عالمی مفادات کے لیے مزید خطرات بڑھیں گے۔

سعودی تیل تنصیبات پر حملے میں ایران کے ملوث ہونے سے متعلق بات کرتے ہوئے انہوں نے کہا کہ وہ ایران کے ساتھ مسئلے پر فوجی کے بجائے سیاسی حل کو ترجیح دیں گے، ایران اور سعودی عرب کے درمیان جنگ عالمی معیشت کو تباہ کردے گی۔

جمال خاشقجی کا قتل: امریکی صحافی کا سعودی ولی عہد سے متعلق بڑا دعویٰ صحافی جمال خاشقجی کے قتل سے متعلق سعودی ولی عہد کا کہنا تھا کہ انہوں نے جمال خاشقجی کے قتل کے احکامات نہیں دیے تاہم وہ ملک کے رہنما ہونے کی حیثیت سے اس کی ذمہ داری لیتے ہیں۔

محمد بن سلمان نے کہاکہ انہیں جمال خاشقجی کے قتل کے وقت اس بات کا علم بھی نہیں تھا۔ جمال خاشقجی کے قتل کا پس منظر

واضح رہےکہ سعودی نژاد امریکی صحافی جمال خاشقجی آخری مرتبہ 2 اکتوبر 2018 کو استنبول میں سعودی قونصل خانے کے باہر دیکھےگئے تھے، وہ اپنی شادی کی دستاویزات کے سلسلے میں قونصل خانہ گئے تھے جہاں انہیں بے دردی سے قتل کیا گیا اور لاش کے ٹکڑے کرکے ٹھکانےلگادیا گیا، ان کےاعضاء آج تک نہیں مل سکے۔

سعودی عرب میں فریضہ حج کی ادائیگی کے لیے دنیا بھر سے آئے لاکھوں عازمین کی مکہ مکرمہ سے منیٰ روانگی شروع ہوگئی جہاں دنیا کی سب سے بڑی خیمہ بستی آباد ہوگی۔

رواں برس 22 لاکھ سے زائد عازمین فریضہ حج ادا کر رہے ہیں جن میں سب سے زیادہ تعداد انڈونیشیا کے عازمین کی ہے جب کہ دوسرے نمبر پر پاکستانی عزام کا ہے۔

امسال انڈونیشیا سے ڈھائی لاکھ عازمین جب کہ پاکستان سے 2 لاکھ عازمین فریضہ حج ادا کر رہے ہیں۔

8 ذوالحج سے عازمین حج کی مکہ مکرمہ سے منیٰ روانگی شروع ہوگئی، منیٰ میں قیام کے بعد عازمین کل صبح یعنی 9 ذی الحج کو میدان عرفات روانہ ہوں گے اور حج کا رکن اعظم وقوف عرفہ ادا کریں گے جب کہ اسی روز بعد نماز فجر غلاف کعبہ تبدیل کیا جائے گا۔

ہر سال وقوف عرفہ کے دن پرانا غلاف اتار کر خانہ کعبہ پر نیا غلاف چڑھایا جاتا ہے۔

رواں برس سعودی عرب کی تاریخ میں پہلی بار فرزندان اسلام مسلسل تین روز تک 3 خطبے سنیں گے۔ ان میں پہلا خطبہ آج جمعہ کا خطبہ ہوگا، دوسرا خطبہ ہفتے کو حج کا خطبہ اور تیسرا خطبہ اتوار کو نماز عید الاضحٰی کا سنا جائے گا۔

وقوف عرفہ کے دوران مسجد نمرہ میں خطبہ حج کل ہوگا جس کے بعد نماز ظہر اور عصر ایک ساتھ ادا کی جائے گی۔

بعدازاں عازمین حج غروب آفتاب کے ساتھ ہی مزدلفہ روانہ ہوں گے جہاں وہ نمازِ مغرب اور عشاء ایک ساتھ ادا کریں گے، عازمین رات بھر کھلے آسمان تلے قیام کریں گے اور رمی کے لیے کنکریاں چنیں گے۔

دس ذی الحج کو طلوع آفتاب کے بعد حجاج کرام مزدلفہ سے رمی کے لیے جمرات جائیں گے پھر قربانی کے بعد سر منڈوا کر احرام کھول دیں گے اور طواف زیارت کریں گے۔

ہر سال کی طرح اس سال بھی سعودی حکام نے فرزندان اسلام کے لیے خصوصی سہولیات فراہم کی ہیں، تاکہ مناسک حج کی ادائیگی کے دوران کسی قسم کی دشواری کا سامنا نہ ہو۔

حج ہیلپ لائن:

عرب میڈیا کے مطابق مکہ مکرمہ میں دفتر امور حج پاکستان نے عازمین حج کو ہدایت کی ہے کہ گرم موسم کے پیش نظروہ پانی کا زیادہ استعمال کریں اور دھوپ کی تمازت سے بچنے کے لیے اپنے ساتھ چھتری رکھیں۔ دوران حج اپنے ساتھ کم سے کم سامان رکھیں اور کسی پریشانی کی صورت میں معاون حج سے مدد لیں یا مفت ہیلپ لائن 8001166622 پر کال کریں۔

اسلام آباد (میڈیا 92 نیوز آن لائن ) وزیراعظم عمران خان نے سعودی ولی عہد شہزادہ محمد بن سلمان سے ٹیلی فونک رابطہ کر کے مقبوضہ کشمیر کی کشیدہ صورتحال پر تبادلہ خیال کیا۔

سعودی خبر رساں ادارے ایس پی اے کے مطابق دونوں رہنماؤں کے درمیان ہونے والی ٹیلی فونک گفتگو میں خطے میں پیدا ہونے والی صورتحال پر تبادلہ خیال کیا گیا۔

اس کے علاوہ وزیراعظم عمران خان اور سعودی ولی عہد شہزادہ سلمان نے بھارتی اقدامات اور مقبوضہ کشمیر کے مسئلے پر بھی بات چیت کی۔

خیال رہے کہ دو روز قبل بھارت نے صدارتی حکم نامے کے ذریعے مقبوضہ کشمیر کی خصوصی حیثیت سے متعلق آرٹیکل 370 کو ختم کر دیا تھا۔

گزشتہ روز بھارتی لوک سبھا نے بھی آرٹیکل 370 ختم کرنے کی منظوری دیدی تھی۔

پاکستان نے مقبوضہ کشمیر کی آئینی حیثیت ختم کرنے کے بھارتی اقدام کو یکسر مسترد کرتے ہوئے اقوام متحدہ کی سلامتی کونسل سے واقعے کا فوری نوٹس لینے کا مطالبہ کیا ہے۔

وزیراعظم عمران خان نے گزشتہ روز پارلیمنٹ کے مشترکہ ا جلاس سے خطاب کرتے ہوئے کہا کہ پاکستان ہر فورم پر مقبوضہ کشمیر کا مقدمہ لڑے گا، سربراہان مملکت سے بات چیت کی جائے گی۔

وزیراعظم نے کہا کہ اقوام متحدہ کی سلامتی کونسل میں معاملہ اٹھایا جائے گا، عالمی عدالت انصاف میں بھی کیس لے کر جائیں گے۔