Tag شیخ رشید

اسلام آباد (ویب ڈیسک) نیوزی لینڈ کے دورہ منسوخی کے پیچھے بھارت کا ہاتھ ہے.حکومت نے اس سازش کاپردہ چاک کر دیا ہے.تفصیلات کے مطابق وزیر اطلاعات فواد چوہدری نے وزیر داخلہ شیخ رشید کے ہمراہ نیوزی لینڈ کرکٹ ٹیم کا دورہ منسوخ کرنے کے حوالے سے اسلام آباد میں پریس کانفرنس کی .انہوں نےبریفنگ دیتے ہوئے کہا کہ فیک نیوز کے پیچھے ریاستوں اور ایجنسیوں کا ہاتھ ہے، پاکستان میں ہائبرڈ وارکاسامناہے.وفاقی وزیر نے تفصیلات بتاتے ہوئے کہا کہ 19 اگست کو احسان اللہ احسان کے نام سے ایک فیس بک اکائونٹ بنایا گیا جس میں نیوزی لینڈ ٹیم کو پاکستان کے دورہ سے روکتے ہوئے کہا گیا کہ داعش کیوی ٹیم پر حملہ کرسکتی ہے۔
وزیر اطلاعات نے مزید بتایا کہا کہ 21 اگست کو بھارتی اخبار سنڈے گارڈن کے بیوروچیف ابھی نندن مشرا نے احسان اللہ احسان کی اس جعلی فیس بک پوسٹ کی بنیاد پر آرٹیکل لکھا، ابھی نندن مشرا اور پاکستان مخالف سابق افغان نائب صدر امر اللہ صالح کے آپس میں گہرے تعلقات بھی ہیں، علاوہ ازیں 24 اگست کو مارٹن گپٹل کی بیوی کو تحریک لبیک کے نام سے بنے ای میل ایڈریس سے ایک ای میل موصول ہوئی جس میں مارٹن گپٹل کو پاکستان میں قتل کر دینے کے بارے میں لکھا تھا.
یہ ای میل اکاؤنٹ 24اگست 2021 کو ہی بنایا گیا تھا اور اس سے صرف ایک ہی میل مارٹن گپٹل کی بیوی کو بھیجی گئی، حالانکہ یہ ای میل پروٹون میل پر بنائی گئی جو کافی محفوظ ای میل ہے، تمام واقعات کےباوجود نیوزی ٹیم اپناٹورکینسل نہیں کیا اور پاکستان آ گئی.

فواد چوہدری نے مزید تفصیلات سے آگاہ کیا کہ پہلی پریکٹس 13ستمبر کو ہوئی تب کوئی تھریٹ رپورٹ نہیں ہوا، 17 ستمبر کو نیوزی لینڈ کی ٹیم نے بتایا کہ حکومت کی ہدایت پر یہ ٹور منسوخ کرنا چاہتے ہیں، جس پر سیکیورٹی فورسز اور پی سی بی کے افسران نے کیوی ٹیم سے ملاقات کی اور تھریٹ بارے پوچھا تو ٹیم کو بھی کچھ معلوم نہیں پتہ تھا.
انٹرپول نے 18 ستمبر کو پاکستان کو بتایا کہ جی میل پر حمزہ آفریدی 7899 کے نام سے بنی ایک ای میل موصول ہوئی ہے جس میں نیوزی لینڈ ٹیم کو دھمکی دی گئی تھی، یہ ای میل بھارت میں بنا اس کے علاوہ وی پی این کے ذریعے یہ ای میل بھارت سے بھیجی گئی تھی تاکہ اس کی لوکیشن سنگاپور ظاہر ہو۔

فواد چوہدری نے مزید بتایا کہ جس ڈیوائس سے ای میل جنریٹ ہوئی اس پر 13 مزید ای میل بنائی گئی ہیں اوروہ سب ہندی ناموں سے بنی ہیں ، صرف ایک جعلی ای امیل حمزہ آفریدی کے نام سے بنائی گئی اور جان بوجھ کر اس ای میل پر پاکستانی نام استعمال کیا گیا ہے، یہ ای میل جس نمبر پر بنا وہ سم انڈین کے نام پر ہے، اس کا نام اوم پرکاش مشرا ہے جس کا تعلق ممبئی سے ہے، اگست 2019 میں یہ موبائل ڈیوائس آر ایم ایکس 1971 بھارت میں لانچ کی گئی اور موبائل سم اگست 2019 میں بھارت میں رجسٹر ہوئیں تھیں. وزارت داخلہ نے مقدمہ درج کرلیا ہے اور دونوں ای میل ہولڈرز کو انٹرپول کی مدد سے ٹریس کیا جا رہا ہے.

وزیر داخلہ شیخ نے کہا کہ نیوزی لینڈ کی ٹیم کی واپسی سے اگر کوئی سمجھتا ہے کہ پاکستان دنیا میں تنہا ہو جائے گا تو یہ اسکی بھول ہے. دورے کینسل کرنے کے معاملے کو زیادہ اچھالا نہ جائے.وزیر داخلہ نے مزید کہا کہ دراصل بھارت کے 66 ٹریننگ کیمپ افغانستان میں بند کر دیے گئے ہیں جس پر بھارت میں صف ماتم بچھی ہے۔

اسلام آباد (ویب ڈیسک) وفاقی وزیر داخلہ شیخ رشید نے سیاچن کا دورہ کیا ہے اور گیاری میں یاد گار شہداء پر حاضری دیتے ہوئے پھولوں کی چادر چڑھائی۔
علاوہ ازیں شیخ رشید نے برفانی تودہ کے حادثے میں شہید ہونے والے پاک فوج کے جوانوں کو خراج عقیدت بھی پیش کیا۔پاک فوج کی جانب سے وزیر داخلہ کو گیاری تودہ حادثے پر بریفنگ دیتے ہوئے یادگاری شیلڈ پیش کی گئی۔ سیاچن دورے کے دوران وزیر داخلہ شیخ رشید احمد نے گیانگ کا بھی دورہ کیا۔وزہر داخلہ شیخ رشید نے پاک فوج کے جوانوں سے خطاب کیا. انہوں نے کہا کہ پاکستان کو آپ پر فخر ہے اور آپ کی قربانیوں سے ملک قائم ہے۔ پاک فوج نےملکی دفاع میں قابل رشک قربانیاں دیں ہم ان کے مقروض ہے۔ انہوں نے زید کہا کہ سیاچن میں فرنٹ پوسٹ پر پاک فوج کے جوانوں سے ملاقات میرا ایک دیرینہ خواب اور خواہش تھی جو اللہ کا شکر ہے پوری ہوئی.

وزیر ریلوے شیخ رشید کا کہنا ہے کہ میرے ضمیر پر ابھی کوئی بوجھ نہیں اس لیے وزارت سے مستعفی نہیں ہو رہا۔

شیخ رشید کے 10 ماہ کے دوران ریلوے میں چھوٹے بڑے تقریباً 79 حادثات پیش آ چکے ہیں جس میں کئی قیمتی انسانی جانیں ضائع اور ادارے کو کروڑوں روپے کا نقصان ہو چکا ہے۔

چند روز قبل بھی اکبر بگٹی ایکسپریس رحیم یار خان میں ولہار ریلوے اسٹیشن پر کھڑی مال گاڑی سے ٹکرا گئی تھی جس کے نتیجے میں کئی افراد جاں بحق اور متعدد زخمی ہو گئے تھے۔

ریلوے میں یکے بعد دیگرے حادثات پر اپوزیشن جماعتوں کی جانب سے وزیر ریلوے کو کڑی تنقید کا نشانہ بناتے ہوئے ان سے مستعفی ہونے کا مطالبہ کیا گیا۔

آج راولپنڈی میں میڈیا سے گفتگو کرتے ہوئے شیخ رشید کا کہنا تھا کہ جس آدمی نے گاجریں کھائیں اس کے پیٹ میں درد ہے، ہم نے نئی ٹرین چلائیں اُس پر فخر ہے۔

شیخ رشید نے کہا کہ نئے انجنوں میں سے اس وقت 28 انجن کھڑے ہیں لیکن کسی کا پردہ فاش نہیں کرنا چاہتا۔

اپوزیشن کی جانب سے استعفے کے مطالبے پر وزیر ریلوے نے کہا کہ میرے ضمیر پر ابھی بوجھ نہیں اس لیے استعفیٰ نہیں دے رہا۔

ن لیگ کو آڑے ہاتھوں لیتے ہوئے شیخ رشید نے کہا کہ شہباز شریف پوری کوشش میں ہے کہ ان کی اور حمزہ کی بچت ہو جائے لیکن وزیراعظم نے دو ٹوک الفاظ میں جواب دے دیا ہے۔

مریم نواز کے حوالے سے بات کرتے ہوئے شیخ رشید نے کہا کہ اللہ کی طرف سے ن لیگ پکڑ میں ہے اور مریم نواز ویڈیو ویڈیو کھیل رہی ہیں۔

ان کا کہنا تھا کہ مریم نے پہلے بھی ن لیگ کو مروایا ہے اور ذمہ داری سے کہتا ہوں کہ آگے مزید مروا دے گی۔

پیش گوئی درست ہونے سے متعلق صحافی کے سوال پر شیخ رشید نے کہا کہ سوال آپ کا حق ہے اور جواب نہ دینا میرا اختیار ہے۔

اسلام آباد (میڈیا 92 نیوز آن لائن ) اپوزیشن نے ٹرین حادثوں پر وزیر ریلوے شیخ رشید کے استعفے سمیت ان کے خلاف مقدمہ درج کرکے گرفتاری کا بھی مطالبہ کردیا۔

پیپلزپارٹی کے چیئرمین بلاول بھٹو زرداری نے ٹرین حادثے پر اظہار افسوس کیا اور کہاکہ حادثوں پر استعفوں کی عمران خان نے بہت مثالیں دیں، اب اپنے وزیر سے استعفیٰ لیں گے؟

انہوں نے کہا کہ شیخ رشید کا وزارت سے رومانس اور ٹرین حادثات نہ جانے کتنی زندگیاں نگلتا چلا جائے گا، کھڑی بوگیوں کو ملاکر نئی ٹرینیں چلائی جارہی ہیں۔

بلاول بھٹو کا کہنا تھا کہ شیخ رشید اور عمران خان صرف پوائنٹ اسکورنگ کرر رہے ہیں، ملک بھی محکمہ ریلوےکی طرح چلایا جارہا ہے، مشرف کے زمانے میں بھی شیخ رشید نے ریلوے کو تباہ کیا۔

مسلم لیگ (ن) کے سیکریٹری جنرل احسن اقبال نے حادثے پر افسوس کا اظہار کرتے ہوئے کہا کہ وزیراعظم استعفیٰ تو نہیں لےسکتے، ریلوےکسی اُس شخص کودیں جس کے پاس وزارت کے لیے وقت ہو، وزیراعظم کو چاہیے وہ جعلی کارکردگی کی حوصلہ شکنی کریں۔

سابق وزیراعظم شاہد خاقان عباسی کا کہنا تھا کہ ٹرینوں کے حادثات اور اس میں ہلاکتوں میں اضافہ پریشان کن ہے، حادثے کے اسباب و محرکات سامنے لاکر ذمہ داروں کا تعین کیاجائے۔

مسلم لیگ (ن) کے رہنما طلال چوہدری نے وزیر ریلوے شیخ رشید سے مستعفی ہونے کا مطالبہ کرتے ہوئے کہا کہ ‎عمران نیازی شیخ رشید کو وزارت گالم گلوچ دے دیں، ریلوے کسی اور وزیر کو دیں، ‎خوشامدی نیازی ایکسپریس چلانے سے پہلےعوام کی جان کی حفاظت یقینی بنانے کا انتظام کریں۔

انہوں نے کہا کہ ‎عمران نیازی اب استعفیٰ کیوں نہیں مانگتے؟ اب مغربی جمہوریت کا معیار بدل گیا یا یوٹرن لےلیا، 10 ماہ میں کسی حادثے کی رپورٹ سامنے نہیں آئی،کس کی وجہ سے مزید حادثے ہو رہے ہیں۔

دوسری جانب مسلم لیگ (ن) نے ٹرین حادثے پر شیخ رشید کے خلاف اندراج مقدمہ اور ان کی گرفتاری کے مطالبے کی قرارداد پنجاب اسمبلی میں جمع کرادی۔

مسلم لیگ (ن) کی رہنما حنا پرویز بٹ کی جانب سے جمع کرائی گئی قرارداد میں کہا گیا ہےکہ اکبر ایکسپریس اور مال گاڑی ٹکرانے کا ذمہ دار شیخ رشید کو سمجھتے ہیں، شیخ رشید احمد کے پاس اپنے عہدے پر رہنے کا کوئی اخلاقی جواز نہیں۔

قرارداد میں مزید کہا گیا ہےکہ محکمہ ریلوے کی نااہلی کی جتنی مذمت کی جائے کم ہے۔

رحیم یار خان (میڈیا 92 نیوز آن لائن ) ولہار اسٹیشن کے قریب ایک مسافر ٹرین حادثے کا شکار ہوگئی جس کے نتیجے میں 11 افراد جاں بحق اور 67 زخمی ہوگئے۔

میڈیا رپورٹس کے مطابق لاہور سے کوئٹہ جانے والی اکبر ایکسپریس رحیم یار خان کے قریب ولہار اسٹیشن کی حدود میں کھڑی مال گاڑی سے ٹکرا گئی، حادثے کے نتیجے میں مسافر ٹرین کا انجن مکمل طور پر تباہ ہوگیا اور 3 سے 4 بوگیاں پٹری سے اتر گئیں جب کہ 6 سے 7 بوگیاں شدید متاثر ہوئیں۔

واقعے کی اطلاع ملنے پر ریسکیو عملہ جائے حادثہ پر پہنچ گیا اور امدادی کارروائیاں شروع کردیں، حادثے کے زخمیوں اور جاں بحق ہونے والوں کو جناح اور شیخ زائد اسپتال منتقل کیا گیا۔

ڈی پی او عمر سلامت نے جیو نیوز سے گفتگو کرتے ہوئے بتایا کہ رحیم یار خان کے تمام اسپتالوں میں ایمرجنسی نافذ کردی گئی ہے جب کہ ہیلپ لائن اور کنٹرول روم بھی قائم کردیا گیا ہے۔

ڈی پی او عمر سلامت کے مطابق ابھی تک 11 لاشوں اور 67 زخمیوں کو نکالا جا چکا ہے جن میں 3 سے 4 افراد کی حالت تشویش ناک ہے، زخمیوں کے لیے خون کے عطیات کی ضرورت ہے جس کا انتظام کیا جارہا ہے۔

انہوں نے بتایا کہ کٹرز اور ہیوی مشینری موقع پر پہنچ گئی ہے اور ریسکیو آپریشن بھی جلد مکمل ہوجائے گا۔

ایڈیشنل جنرل مینیجر ریلوے زبیر شفیع کے مطابق اکبر ایکسپریس کے ڈرائیور عبدالخالق اور اسسٹینٹ ڈرائیور اسپتال میں زیر علاج ہیں۔

زبیر شفیع نے بتایا کہ اکبر ایکسپریس کی 10 میں سے 4 بوگیاں پٹری سے اتری ہیں، حادثے کے بعد اپ ٹریک پر ٹرینوں کی آمدو رفت روک دی گئی تھی لیکن ساڑھے 8 بجے اسے بحال کردیا گیا ہے۔

مسافروں کا کہنا ہے کہ حادثہ صبح 4 بجے کے قریب پیش آیا ہے، ٹرین میں سوار بیشتر مسافر سو رہے تھے، گاڑی کو حادثہ کانٹا تبدیل نہ کرنے کی صورت میں پیش آیا ہے، اسٹیشن والے اپنی ڈیوٹی نہیں کر رہے تھے ورنہ جانی نقصان نہیں ہوتا۔

عینی شاہدین نے مزید بتایا کہ ہمیں اپنی مدد آپ ہی بوگیوں سے نکلنا پڑا، حادثہ پیش آنے کے کافی دیر بعد ریسکیو ٹیم جائے وقوعہ پر پہنچی تھی۔

یاد رہے کہ گزشتہ ماہ بھی حیدرآباد ریلوے اسٹیشن کے قریب ایک مسافر ٹرین سامنے کھڑی مال گاڑی سے ٹکرا گئی تھی جس کے نتیجے میں ٹرین ڈرائیور سمیت 3 افراد جاں بحق ہوئے تھے۔

نوشہرہ (ایمرا نیوزآن لائن) وفاقی وزیر ریلوے شیخ رشید احمد نے پشاور سے نوشہرہ مردان، تخت بھائی اور درگئی ریلوے ٹریک بحال کرتے ہوئے کل (منگل)سے سروس شروع کرنے کا اعلان کیا ہے ، 26 مار چ سے ٹریک پر سفاری ٹرینیں چلائی جائیں گی ، شیخ رشید کا کہنا تھا کہ 25سال سے بند درگئی ریلوے سٹیشن کا افتتاح کیا، خواہش ہے کہ ہر اس جگہ ٹرین چلائیں جہاں انگریز نے ٹریک بنایا تھا ، آلودگی کے باعث آئل ٹرینوں کو ختم کیا جائے گا ۔ مردان ریلوے جنکشن پرریل سروس کی بحالی کی تقریب سے خطاب کرتے ہوئے شیخ رشیدنے کہاکہ وزیر اعلیٰ کے پی کو ٹرین ٹریکس پر رکاوٹیں ختم کرنی چاہئیں،انہوں نے کہا کہ بلاول اپنی سیاسی چتا جلا رہا ہے ۔انہوں نے کہا کہ بھارت کے ساتھ جنگ نہیں چاہتے ۔ انہوں نے کہا کہ ہم نے بلاول کو لانگ مارچ کے لئے ٹرین دے دی ، وہ صرف پٹرول اور تنخواہ کے پیسے دیں،انکا کہنا تھا کہ 3 ٹرین سندھ اور 3 کے پی میں چلائیں گے ،انہوں نے کہا کہ عمران سے زیادہ کسی کو محنت کرتے نہیں دیکھا۔آ ئندہ 6 ماہ میں ریلوے کا منافع 10ارب تک پہنچائینگے ، شیخ رشید احمد نے کہا کہ ہم جمہوری لوگ ہیں ،بلاول بھٹو کو لانگ مارچ کے لئے ٹرین فری فراہم کرینگے ، وہ صرف تیل اور تنخواہ کے پیسے دیدیں۔بلاول بھٹو اگر کرپشن کیخلاف نکلتے تو وہ بہت بڑا لیڈر بن جاتے اب زیرو بن گئے ہیں، جون سے پہلے جھاڑو پھرے گا۔شیخ رشید احمد کا کہنا تھا کہ ریلوے میں10 ہزار ملازمتوں کیلئے 10لاکھ لوگوں نے درخواستیں دی ہیں ، انہوں نے کہا کہ ریلوے ٹریک کے دونوں جانب تجاوزات کا خاتمہ کر کے باغات لگائیں گے تا کہ سفر خوشگوار ماحول میں ہو۔

اسپیکر نے بہت غلط کام کیا ‘خان صاحب کی وجہ سے خاموش ہوں ‘پی اے سی میں شہباز شریف کسی صورت پسند نہیں‘شریف خاندان کی سیاست قطری سے شروع ہو کر پتھری پر ختم ہو جا تی ہے‘آئندہ ریلو ئے بجٹ خود تیا ر کر کے پا رلیمنٹ سے منظور کر ائیں گے
وزیر ریلوے کا ریلو ئے ورکرز سے خطاب
اسلام آباد (ایمرا نیوز آن لائن ) وفاقی وزیر ریلوے شیخ رشید نے کہاہے کہ اسد قیصر کو میری پی اے سی میں شمولیت روکنے کا کوئی صوابدیدی اختیار نہیں ‘ اسپیکر نے بہت غلط کام کیا ‘خان صاحب کی وجہ سے خاموش ہوں ‘پی اے سی میں شہباز شریف کسی صورت پسند نہیں‘شریف خاندان کی سیاست قطری سے شروع ہو کر پتھری پر ختم ہو جا تی ہے‘آئندہ ریلو ئے بجٹ خود تیا ر کر کے پا رلیمنٹ سے منظور کر ائیں گے۔ جمعہ کے روز ریلو ئے ورکرز سے خطاب کر تے ہو ئے وفاقی وزیر ریلوے شیخ رشید نے ریلو ئے کے ہر مز دور کو وزیراعظم عمرا ن خان کی جا نب سے 3ہزار روپے دینے کا اعلا ن کر تے ہو ئے کہا کہ آئیندہ سے کو ئی مسافر ٹرین امپورٹ نہیں کر ینگے ساری ٹرینیں پاکستان میں ہی تیا ر ہو نگی میں نے ابھی تک ایک روپے کی چیز نہیں خریدی بلکہ ریلو ئے ک ے مزدورں نے ٹرینیں چلا ئی ہے اب ریلو ے پو لیس کی تنخواہ بھی پنجاب پو لیس کے برابر کر نا چاہتا ہو ںبلکہ ریلو ئے کا بجٹ بھی خود تیا ر کر کے پا رلیمنٹ سے منظور کر ائیں گے ۔ انہو ں نے پبلک اکاونٹس کمیٹی میں شامل نہ کرنے پر سپیکر قومی اسمبلی کو مخاطب کرتے ہوئے کہا کہ پبلک اکاونٹس کمیٹی میں شہبازشریف کسی صورت پسند نہیں ہے ، اگلے پیر تک شہبازشریف کا فیصلہ نہ ہوا تو میں خاموش نہیں رہوں گا ، سپیکر بادشاہ آدمی ہے ، سپیکر کا کوئی حق نہیں ہے کہ مجھے پبلک اکاونٹس کمیٹی میں شامل ہونے سے روکے ، یہ پارٹی لیڈر کا حق ہے وہ کسے کمیٹی میں شامل کرتا ہے اور اسپیکر کا کوئی اختیار نہیں کہ وہ شہبازشریف کو ریمانڈ میں بلائے ، سپیکر صاحب آپ نے یہ بہت غلط کام کیا ہے ، میں پاکستان کا سینئر پارلیمنٹرین ہون اور عمران خان کی وجہ سے خاموش ہوں ، مجھے وزارت کی کوئی فکر نہیں ہے اور فکر ہے تو صرف غریب عوام کی ہے جس کے ساتھ عمرا ن خان نے وعدے کیے ہیں ۔ان کا کہناتھا کہ وزیر اعظم سے ملاقات کے بعد مجھے یقین ہو گیاہے کہ عمران خان کے پاس ڈھیل ہے نہ ہی ڈیل ہے صرف اند ر کر نے کا دھکا ہے ۔ انہو ں نے مزید کہا کہ وزیراعظم 11 فروری کوتھل ایکسپریس کاافتتاح کریں گے، پاکستان میں ریلوے کاجال بچھادوں گا، 12 فروری سے ریلوے ٹریکس کی چیکنگ کروں گا، ریلوے میں مزدوروں کی تعداد دگنی کریں گے۔

لاہور(نیٹ نیوز/ایمرا نیوز) وفاقی وزیر ریلوے اور عوامی مسلم لیگ کے سربراہ شیخ رشید احمد کہتے ہیں کہ میں الگ پارٹی کی نمائندگی کرتا ہوں،عوامی مسلم لیگ کی جانب سے وزیر اعظم عمران خان کوخط لکھوں گاکہ پی اے سی میں مجھے شامل کیا جائے۔وزیر ریلوے شیخ رشید نے لاہور میں میڈیا سے گفتگو کرتے ہوئے میزد کہا کہ میں شہباز شریف کے خلاف سپریم کورٹ میں جاؤں گا۔انہوں نے کہا کہ دودھ کی رکھوالی پر بلا نہیں بیٹھ سکتا، جس کے خلاف 69 مقدمات ہوں اس کو شرم نہیں آتی کہ وہ قوم کا احتساب کرے گا۔شیخ رشید نے کہاکہ شہباز شریف اپوزیشن لیڈر تو بن سکتے ہیں لیکن پبلک اکاؤنٹس کمیٹی کے سربراہ نہیں، جو ہم بوئیں گے وہ ہمارے ساتھ بھی ہو گا۔انہوں نے مزید کہا کہ میں ان دونوں خاندانوں کا مستقبل نہیں دیکھ رہا، بلاول بھٹوزرداری اگر اس کی زد میں آئے تو مجھے افسوس ہوگا۔

لاہور:(نیٹ نیوز/ایمرا نیوز) وزیر ریلوے شیخ رشید نے سیاحت کے لیے تین ٹورسٹ ٹرینیں چلانے کا اعلان کردیا۔لاہور میں پریس کانفرنس کرتے ہوئے وزیر ریلوے شیخ رشید نے بتایا کہ ٹرین کے ذریعے سیاحت کو فروغ دینے پر توجہ دی ہے، سیاحت کے لیے 3 ٹورسٹ ٹرینیں چلارہے ہیں، سیاحت کے لیے راولپنڈی سے ٹیکسلا تک اسٹیم انجن چلائیں گے۔انہوں نے کہا کہ 90 دنوں میں ریلوے کی آمدنی میں 2 ارب روپے کا اضافہ ہواہے، ریلوے میں ایک ارب روپے کے غیر ضروری اخراجات میں کمی کی ہے، بغیر ٹکٹ مسافر کے ساتھ پولیس یا ریلوے عملہ بھی ہوا تو ملازمت سے نکال دیا جائے گا۔وزیر ریلوے کا کہنا تھاکہ ریزوریشن اوقات بڑھانے سے ریلوے کی آمدنی 20 فیصد بڑھی ہے ، 7 ڈویژنل شہروں کے اسٹیشنز پر 24 گھنٹے ریزرویشن کی جائے گی، سال میں 10 ارب روپے بزنس کاہدف ہے، اسے پورا کریں گے۔شیخ رشید نے مزید کہا کہ وقت کی پابندی کو نوے فیصد تک کور کرلیا ہے، 100 دن کے اندر 10 ٹرینیں چلانے کا وعدہ پورا کردیا، اب خراب پٹڑیوں اور خراب بوگیوں کی مرمت شروع کر رہے ہیں۔وزیر ریلوے نے اعلان کیا کہ چیف جسٹس پاکستان کے ڈیم فنڈ میں 5 کروڑ روپے دیں گے۔