Tag صحت

اسلام آباد(ویب ڈیسک) نیشنل کمانڈ اینڈ آپریشن سینٹر (این سی او سی) نے کہا ہے کہ کرونا ویکسین اولاد پیدا کرنے کی صلاحیت پر اثر نہیں کرتی۔ اسد عمر کی زیر صدارت این سی او سی اجلاس منعقد ہوا، جس میں یہ ہدایت جاری کر دی گئی ہے کہ حاملہ اور دودھ پلانے والی خواتین کو بھی کرونا ویکسین لگائی جائے۔
این سی او سی کے مطابق حاملہ اور دودھ پلانے والی خواتین کے لیے کرونا ویکسین محفوظ اور مؤثر ہے، اور کرونا ویکسین حمل کے کسی بھی مرحلے میں لگائی جا سکتی ہے۔
این سی او سی کا یہ بھی کہنا تھا کہ کرونا ویکسین اولاد پیدا کرنے کی صلاحیت پر اثر نہیں کرتی۔واضح رہے کہ اجلاس میں این سی او سی نے پاکستان کرکٹ بورڈ کو کرکٹ اسٹیڈیمز میں شائقین کو بلانے کی اجازت بھی دے دی ہے، یہ پاکستانی شائقین کرکٹ کے لیے بڑا فیصلہ ہے۔اس فیصلے کے مطابق 30 ستمبر تک 25 فی صد شائقین گراؤنڈ میں میچ دیکھ سکیں گے، جب کہ 25 فی صد شائقین کی شرح میں اضافے پر نظر ثانی 28 ستمبر کو کی جائے گی، ویکسینیٹڈ افراد کو ہی کرکٹ اسٹیڈیم میں میچ دیکھنے کی اجازت ہوگی، اور پی سی بی ویکسینیٹڈ افراد کو ٹکٹ کے اجرا کے لیے طریقۂ کار تیار کرے گا۔

آسٹریلیا(ویب ڈیسک) ہم جانتے ہیں کہ مسلسل بیٹھے رہنے سے بلڈ پریشر، امراضِ قلب اور دیگر اقسام کی بیماریوں کا خطرہ بڑھ جاتا ہے۔ لیکن اگرآپ مسلسل دس منٹ تک بیٹھے رہتے ہیں تو اس کےمنفی اثرات زائل کرنے کے لیے ضروری ہے کہ روز 40 منٹ کی سخت یا درمیانے درجے کی ورزش کی جائے۔ ایسی ورزش جس میں پسینہ بہنے لگے یا بدن گرم ضرور ہو۔

اگرآپ کسی دکان پر کھڑے رہ کر اشیا فروخت کرتے ہیں تو اس کا نقصان کم ہوتا ہے لیکن ورزش پھربھی ضروری ہوگی۔ اس ضمن میں 9 سے زائد مطالعات کئے گئے ہیں جس میں چار مختلف ممالک کے 44 ہزار سے زائد افراد کو شامل کیا گیا ہے۔ رپورٹ میں کہا گیا ہے کہ مسلسل 10 گھنٹے تک بیٹھے رہنے سے قبل ازوقت موت کا خطرہ بھی بڑھ جاتا ہے۔

تحقیق میں کہا گیا ہے کہ درمیانی اور شدید درجے کی جسمانی مشقت ، جس کا ذکر ہم آگے کریں گے، سے فالتو بیٹھے رہنے کے منفی اثرات زائل ہوسکتے ہیں۔ اس میں 30 سے 40 منٹ کی درمیانے درجے کی جسمانی سرگرمی مثلاً تیز قدموں سے چلنا، سائیکل چلانا اور باغبانی شامل ہیں۔
یہ تحقیق جامعہ سڈنی میں جسمانی مشقت اور ورزش کے ماہر ڈاکٹر عمانویل اسٹیماٹاکس اور ان کے ساتھیوں نے کی ہے۔ وہ کہتے ہیں کہ اگر کسی وجہ سے آپ کی نقل و حرکت کم ہوتی ہے اور مسلسل بیٹھنا پڑتا ہے تو اب بھی اس کا ازالہ ممکن ہے۔ ’ہماری شائع شدہ تحقیق سے ثابت ہے کہ جسمانی ورزش اور مشقت سے بہتر کوئی اور دوا نہیں ہے۔‘

اس ضمن میں ہزاروں رضاکاروں کو فٹنس ناپنے کے دستی آلات اور گھڑیاں وغیرہ پہنائی گئیں۔ کسی مطالعے میں ان سے گھر کے کام کروائے گئے، کسی سے لفٹ کی بجائے سیڑھیاں چڑھنے کو کہا گیا اور کہیں بچوں کے ساتھ کھیلنے کا مشورہ دیا گیا۔ یہ کام ایسے لوگوں کے لیے تھے جو باقاعدہ ورزش کے لئے وقت نہیں دے سکتے تھے۔ تاہم دوسرے گروہ کے لوگوں نے سخت ورزش مثلاً دوڑنے، تیراکی اور سائیکل چلانے کو اہمیت دی۔

کئی مطالعات میں ورزش شروع کرنے کے بعد شرکا کی جسمانی کیفیات کا جائزہ لیا گیا تو معلوم ہوا کہ روزانہ 30 سے 40 منٹ کی درمیانی اور شدید درجے کی ورزش کےبہت فوائد حاصل ہوتے ہیں۔

دیگر جانداروں کے برعکس انسانوں میں اچانک ہارٹ اٹیک کا امکان بہت زیادہ ہوتا ہے، جس کی اب تک کوئی واضح وجہ سامنے نہیں آسکی تھی، تاہم اب سائنسدانوں نے اسے دریافت کرنے کا دعویٰ کیا ہے۔

تحقیق میں دریافت کیا گیا کہ اچانک ہارٹ اٹیک کی وجہ ایک جین ہے جو انسانوں میں لاکھوں سال پہلے انسانی جسم میں ڈی ایکٹیویٹ ہوگیا تھا۔

امراض قلب کے دوران شریانیں سکڑ کر بلاک ہوجاتی ہیں اور اس کے نتیجے میں ہارٹ اٹیک کا خطرہ بڑھتا ہے ، شریانوں کے بلاک ہونے کے متعدد عناصر جیسے موٹاپا، فشار خون، تمباکو نوشی اور خون میں کولیسٹرول وغیرہ ہوتے ہیں، تاہم ہارٹ اٹیک کے 15 فیصد کیسز میں دریافت کیا گیا کہ ان افراد کو شریانوں کے مسائل کا سامنا ہی نہیں تھا۔

یہ اچانک اور بغیر کسی وجہ کے ہونے والے ہارٹ اٹیک دیگر جانداروں میں نظر نہیں آتے اور سائنسدانوں کے مطابق اس کی وجہ جانوروں میں موجود ایک سنگل شوگر مالیکیول نیو5 جی سی (اس کے کوڈز کو سی ایم اے ایچ کہا جاتا ہے) ہے، جو انسانوں میں نہیں ہوتا۔

تحقیق میں بتایا گیا کہ لاکھوں سال انسانوں کی ابتدا میں یہ جین انسانی جسم میں ڈی ایکٹیویٹ ہوگیا اور اس کی ایک ممکنہ وجہ ملیریا کے خلاف انسانی جسم کا ارتقا خیال کیا جارہا ہے۔

آج کے انسانوں میں اب بھی ملیریا کی اس مخصوص قسم کے خلاف مزاحمت پائی جاتی ہے جس کا خطرہ جانوروں کو زیادہ ہوتا ہے۔

اس تحقیق کے دوران محققین نے چوہوں میں سی ایم اے ایچ کو ڈی ایکٹیویٹ کیا تو ان جانوروں میں نیو5 جی سی کی بھی کمی ہوگئی اور ان میں اچانک ہارٹ اٹیک کا خطرہ 1.9 فیصد بڑھ گیا۔

محققین کے مطابق حالات اس وقت بدترین ہوگئے جب ان چوہوں کو بہت زیادہ سرخ گوشت کا استعمال کرایا گیا، جس کے نتیجے میں شریانوں کے بلاک ہونے کا خطرہ 2.4 گنا زیادہ بڑھ گیا، اس کی وجہ سرخ گوشت میں نیو5 جی سی کی مقدار بہت زیادہ ہونا ہے، جو کہ ایک دفاعی ردعمل کو حرکت میں لاتا ہے جس کا کام اس جین کو شناخت کرکے تباہ کرنا ہے، اس عمل کے دوران شریانوں میں ورم طاری ہوتا ہے اور ہارٹ اٹیک کا خطرہ بڑھتا ہے۔

اگرچہ نتائج سے عندیہ ملتا ہے کہ بہت زیادہ سرخ گوشت خون کی شریانوں کے امراض کا خطرہ نمایاں حد تک بڑھا سکتا ہے، تاہم سپرفٹ اور تمباکو نوشی سے دور افراد میں بھی جینیاتی کمزوری موجود ہے، جو بغیر کسی وجہ ہارٹ اٹیک کا شکار بناسکتی ہے۔

اس تحقیق کے نتائج طبی جریدے پروسیڈنگز آف دی نیشنل اکیڈمی آف سائنسز میں شائع ہوئے۔

ایک نئی تحقیق کے مطابق اوپر اور نیچے والے دنوں طرح کے بلڈ پریشر میں اضافہ دل کی مختلف بیماریوں اور دورے کا سبب بن سکتا ہے۔

دنیا بھر میں سب سے زیادہ اموات دل کی بیماریوں اور دورے کی وجہ سے ہوتی ہیں۔ امریکہ میں ہر سال 6 لاکھ افراد اس کے باعث موت کے منہ میں چلے جاتے ہیں۔

سینٹرز فار ڈیزیز کنٹرول اینڈ پریوینشن کے مطابق دل کی ایک چوتھائی بیماریوں سے ہونے والی ہلاکتوں کی روک تھام ممکن ہے۔

بلڈ پریشر پر نظر رکھنے کے لیے اس کی ریڈنگز انتہائی اہم ہیں۔ بلڈ پریشر کو اس کی نچلی اور اوپر کی ریڈنگ کی مدد سے جانچا جاتا ہے اور یہ دونوں ہی بلڈ پریشر میں انتہائی اہمیت کی حامل ہیں جنہیں قابو کرنا ضروری ہوتا ہے۔

بلڈ پریشر میں اوپر کی ریڈنگز دل کی دھڑکن کے دوران خون کی رفتار کو جانچتی ہے جبکہ نیچے کی ریڈنگ دل کی دھڑکن میں درمیانی وقفے کا بتاتی ہے۔

اگر بلڈ پریشر کی ریڈنگ 120/129 کے درمیان ہو اور 80 سے کم ہو تو وہ بلڈ پریشر میں اضافہ کو ظاہر کرتی ہے اور اگر بلڈ پریشر کی اوپری رفتار 130 سے زیادہ اور نچلی رفتار 80 سے زیادہ ہو تو وہ ذہنی دباؤ کو ظاہر کرتی ہے۔

ڈاکٹر ہائی بلڈ پریشر کو اس وقت خطرناک قرار دیتے ہیں جب اوپر کی ریڈنگ زیادہ ہو اور خصوصاً بزرگ افراد کے لیے یہ زیادہ نقصان دہ صورتحال ہوتی ہے۔

اس سے قبل کی گئی تحقیق صرف بلڈ پریشر کی اوپر کی ریڈنگ کو خطرناک قرار دیتی تھی تاہم اب نئی تحقیق میں بلڈ پریشر کی نچلی ریڈنگ کو بھی دل کی بیماریوں کا سبب قرار دیا جا رہا ہے۔

بے چینی پریشان کن نہیں ہے۔ یہ دن میں کسی بھی وقت ہو سکتی ہے تاہم زیادہ تر صبح کے وقت ہوتی ہے۔ صبح بے چینی کے عالم میں بیدار ہونے کی کئی وجوہات ہو سکتی ہیں۔ ہم کسی مسئلے کو حل کرنے کے لیے اقدامات اٹھاتے ہیں تو اس کی ابتدا میں مشکلات کا سامنا کرنا پڑتا ہے۔

خوش قسمتی سے کچھ ایسی چیزیں موجود ہیں جو آپ کو بے چینی اور پریشانی سے نجات دلانے میں آپ کی مدد کر سکتی ہیں۔ اس حوالے سے کچھ ریسرچ اور ماہرین کی تجاویز آپ لوگوں کی خدمت میں حاضر ہیں۔

سونے سے قبل

بستر پر سونے سے قبل آپ اپنے موبائل اور دیگر ڈیوائسز کو بند یا سائلنٹ کر کے سوئیں۔ رات کو دیر سے آنے والے نوٹیفکیشنز، ٹوئٹس اور گروپ میں آنے والے پیغامات صبح تک کا انتظار کر سکتے ہیں اس لیے آپ اپنے بستر پر جانے سے قبل اپنے موبائل اور دیگر ڈیوائسز کو سائلنٹ یا بند کر کے سوئیں کیونکہ ان سب کی وجہ سے آپ کے دماغ پر اثر پڑتا ہے جو آپ کے سکون کو مشکل بناتے ہیں۔

موبائل سے نکلنے والے نیلی روشنی بھی آپ کی نیند کو متاثر کر سکتی ہے اور یہ ایسے ہارمونز کو روکتا ہے تو آپ کی نیند کو پرسکون بناتا ہے۔

اس سے ثابت ہوتا ہے کہ آپ اپنی نامکمل نیند کی وجہ سے بے چینی کی کیفیت میں مبتلا رہتے ہیں۔

کل کے لیے اپنے کپڑے ترتیب دیں

آپ اپنے پہننے والے کپڑوں کو ایک روز قبل ہی تیار کر کے سوئیں اور صبح جب اٹھیں تو آپ کو کپڑوں کی وجہ سے پریشانی نہ اٹھانی پڑے کیونکہ صبح اٹھنے کے ساتھ ہی آپ کو اپنے کپڑوں کی فکر ہوتی ہے جن کا جلد بازی میں انتخاب مشکل ہو جاتا ہے۔

اپنے لیے کچھ وقت نکالیں

رات سونے سے قبل کچھ دیر کے لیے اپنی مصروفیت سے چھٹکارا حاصل کریں اور اپنے لیے ایک گھنٹہ نکالیں۔ اس ایک گھنٹے کے دوران یوگا اور مراقبہ کی طرز کی ورزش کریں، کچھ دیر گہری سانس بھی لیں جو آپ کی نیند کو پرسکون بنا دیں گے۔

ذہنی مشقیں کریں

اگلی صبح کے کچھ کاموں سے نمٹنے کے لیے ذہنی مشقیں کریں۔ جسے آپ ایک کھیل میں بھی تبدیل کر سکتے ہیں۔ مختلف نسل کے کتوں کے بارے میں سوچیں یا ذہنی طور پر اپنے بچپن کے گھر کے ہر کمرے میں چلیں۔ اس طرح کا عمل آپ کو مختلف پریشانیوں سے نجات دے سکتا ہے اور آپ کی ذہنی پریشانی کم کر دے گا۔

اچھا سوچیں

اگر آپ فکر مند ہیں تو اپنے دماغ کو اچھا سوچنے کی تربیت دیں اس سے بھی آپ کی بے چینی اور پریشانی کم ہو جائے گی۔ آپ کے ساتھ منفی خیالات اس وقت تک چلتے ہیں جب تک آپ منفی سوچیں تو آپ منفی سوچ کو ختم کریں اور پریشانی سے نجات حاصل کریں۔

کیا آپ نے کبھی رات کا کھانا کسی کام میں پھنسے ہونے کی وجہ سے کافی دیر کے لیے ملتوی کردیا؟ یا زیادہ دیر تک سونے کی وجہ سے ناشتے کو چھوڑ دیا؟ کیا دیر سے کھانا یا نہ کھانا کچھ زیادہ بڑا مسئلہ نہیں؟

اگر تو آپ ایسا سوچتے ہیں تو درحقیقت متعدد امراض کو دعوت دے رہے ہوتے ہیں۔

یہ انتباہ برطانیہ میں ہونے والی ایک طبی تحقیق میں سامنے آیا۔

تحقیق میں بتایا گیا ہے کہ کھانے کے اوقات میں غیرمعمولی تبدیلیاں موٹاپے، ہائی بلڈ پریشر اور ذیابیطس ٹائپ ٹو جیسے امراض کے خطرات بڑھاتی ہیں چاہے آپ کم کیلوریز کو ہی جسم کا حصہ کیوں نہ بنائیں۔

تحقیق کے مطابق معمول کے اوقات میں خوراک کا استعمال کرنے والے افراد جسمانی لحاظ سے موٹاپے کے شکار نہیں ہوتے تاہم دیر سے یا چھوڑ دیےن کے عادی افراد موٹاپے کے شکار ہوجاتے ہیں۔

محققین کا تو کہنا تھا کہ اگرچہ کھانے کے اوقات میں تبدیلی یا ان سے منہ موڑنا بظاہر کسی قسم کے نقصان کا باعث نظر نہیں آتے مگر اس کے نتیجے میں میٹابولزم اور جسمانی گھرڑی کا نظام بری طرح متاثر ہوتا ہے۔

ان کا کہنا تھا کہ ہر شخص کی جسمانی گھڑی 24 گھنٹوں کے اندر مخصوص اوقات میں بھوک، ہضم، کولیسٹرول، گلوکوز اور چربی کے میٹابولزم کی عادی ہوتی ہے تاہم کوئی خاص وقت نہ ہونا اس گھڑی کے افعال کو متاثر کتا ہے۔

تحقیق کے مطابق یہ مداخلت موٹاپے اور دیگر طبی خطرات کا باعث بنتی ہے۔

تو محققین نے مشورہ دیا ہے کہ روزانہ ایک ہی وقت کھانے کی عادت پر قائم رہنا صحت کے لیے بہتر ثابت ہوتا ہے۔

یہ تحقیق طبی جریدے پروسیڈنگز آف دی نیوٹریشن سوسائٹی میں شائع ہوئی۔

کھانے کی اشیا میں ملاوٹ، دودھ کے نام پر نقلی پاؤڈر کی فروخت اور دیگر جعلی اشیائے ضروریہ کی خبریں آئے روز ذرائع ابلاغ کی زینت بنتی رہتی ہیں لیکن کیا آپ کو معلوم ہے کہ پیزے میں نقلی گوشت بھی استعمال کیا جارہا ہے۔

نیوزی لینڈ کی ایک معروف فوڈ کمپنی پر اپنی مصنوعات میں نقلی گوشت استعمال کرنے کا الزام لگایا گیا ہے۔

نیوزی لینڈ کی ’ہیل پیزا‘ نامی کمپنی کو نوٹس بھیجا گیا ہے کہ آپ گاہکوں کو نقلی گوشت پیش کر کے قانون کی خلاف ورزی کر رہے ہیں۔

کمپنی نے اس الزام کے جواب میں کہا ہے کہ وہ اپنے گاہکوں کو بتا کر اور ان کی مرضی سے گوشت کا متبادل استعمال کرتے ہیں۔

پیزا اور دیگر مصنوعات میں امریکی کمپنی ’بیونڈ میٹ‘ کی تیار کردہ پیٹیز استعمال کی جاتی ہیں جو مٹر، پروٹین، ناریل کا تیل اور آلو کے اسٹارچ سے تیار کی جاتی ہیں۔

مختلف اجزا کے استعمال سے ایسا مادہ تیار کیا جاتا ہے جو پکانے اور کھانے میں بالکل گوشت کی طرح لگتا ہے۔

کمپنی کے جنرل منیجر کا کہنا تھا کہ اگر گاہک پوچھتے ہیں تو انہیں صاف صاف بتا دیا جا تا ہے کہ یہ درختوں اور پودوں سے تیارکردہ گوشت سے پاک مادہ ہے جس سے ظاہر ہوتا ہے کہ ہم کسی کو گمراہ کرنے کی کوشش نہیں کر رہے۔

نیویارک(ایم نائن ٹو) امریکی ماہرین نے کہا ہے کہ ایسے افراد جو دن میں کم از کم 2 ٹماٹر کھاتے ہیں وہ پھیپھڑوں کی بیماریوں سے محفوظ رہتے ہیں ٗریاست بالٹی مور کے مرکز برائے صحت کے ماہرین کے مطابق ٹماٹر تمباکو نوشی ترک کرنے والے افرادکیلئے بھی فائدہ مند ہے۔رپورٹ میں بتایا گیا کہ ٹماٹر کے فوائد ان افراد میں بھی دیکھے گئے ہیں جو کھانے کے تین حصوں میں تازہ پھلوں بالخصوص سیب کا استعمال کرتے ہیں۔یورپ میں ماہرین نے انسانی صحت اور پھلوں کے درمیان گہرے تعلق کا مشاہدہ کرنے کیلئے 2002ء میں ایک سروے کیا ، جس میں جرمنی، انگلینڈ اور ناروے کے تقریباً 680 افراد نے شرکت کی تھی اور سروے2 مراحل پر مشتمل تھا۔پہلے مرحلے میں ان افراد سے سوالنامہ حل کرایا گیا، جس میں ان کی عمر ٗ قد ٗ وزن ٗ جنس ٗ آمدنی خوراک، صحت اور جسمانی سرگرمی سے متعلق سوالات تھے۔دوسرے مرحلے میں ان افراد کے پھیپھڑوں کے دو اقسام کے ٹیسٹ کئے گئے تھے، جس میں ایک شخص 6 سیکنڈ میں ناک کے ذریعے کتنی ہوا اندر کھینچتا اور ایک سیکنڈ میں کتنی کاربن ڈائی آکسائیڈ خارج کرتا ہے۔10برس بعد ان افراد کا دوبارہ ٹیسٹ کیا گیاتو سروے کے نتائج سے معلوم ہوا کہ اس عرصے کے دوران جن افراد نے زیادہ پھل بالخصوص ٹما ٹر کا استعمال کیا ان کے پھیپھڑے زیادہ صحتمند اور بہتر کام کر رہے تھے یہاں تک کہ تمباکو نوشی سے متاثرہ پھیپھڑوں کی صحت بھی بہتردکھائی دی۔ماہرین کا کہنا ہے کہ پھلوں اورٹماٹر کے استعمال کے مثبت اثرات پھیپھڑوں کے ساتھ سانس کی دائمی امراض پر بھی نظر آئے۔ رپورٹ میں بتایا گیا کہ ٹماٹر کے فوائد ان افراد میں بھی دیکھے گئے ہیں جو کھانے کے تین حصوں میں تازہ پھلوں بالخصوص سیب کا استعمال کرتے ہیں۔ ایسے افراد جو دن میں کم از کم 2 ٹماٹر کھاتے ہیں وہ پھیپھڑوں کی بیماریوں سے محفوظ رہتے ہیں

لاہور(M92)ہائی بلڈ پریشر ایک ایسا مرض ہے جسے خاموش قاتل قرار دیا جائے تو کم نہیں کیونکہ یہ خون کی شریانوں، دل، دماغ، گردوں اور آنکھوں سمیت جسم کے دیگر اعضا پر دباؤ بڑھاتا ہے۔مسلسل ہائی بلڈ پریشر کا شکار رہنا جان لیوا امراض جیسے دل کی بیماریوں، ہارٹ اٹیک، فالج، دماغی تنزلی اور گردوں کے امراض کا خطرہ بڑھاتا ہے۔مگر سوال یہ ہے کہ بلڈ پریشر یا فشار خون کا وہ کونسا نمبر ہے جو خطرے کی گھنٹٰ بجاتا ہے ؟ تو بلڈ پریشر ریڈنگ میں کئی دہائیوں بعد بڑی تبدیلی آگئی ہے۔دہائیوں سے کہا جارہا ہے کہ اگرکسی شخص کے خون کا دباؤ 140/90 سے اوپر ہوجائے تو وہ ہائی بلڈ پریشر کا شکار ہے اور علاج شروع کرادینا چاہئے۔مگر اب امریکن ہارٹ ایسوسی ایشن اور امریکن کالج آف کارڈیالوجی نے بلڈپریشر ریڈنگ کے حوالے سے نئی گائیڈلائنز جاری کرتے ہوئے کہا ہے کہ اگر کسی انسان کے خون کا دباؤ 129/79 سے زیادہ ہے تو یہ ہائی بلڈ پریشر تصور کیا جائے گا۔یعنی اگر بلڈ پریشر اس نمبر سے زیادہ ہو مگر140/90 سے کم، تو بھی یہ فشار خون کی پہلی اسٹیج تصور کی جائے گی جس کے نتیجے میں طرز زندگی میں تبدیلیاں بھی ضروری ہوتی ہیں جیسے زیادہ ورزش اور غذا میں تبدیلی۔سننے میں تو کافی تشویشناک خبر ہے کہ بلڈ پریشر کے مریضوں کی تعداد اس سے بڑھنے کا امکان ہے مگر اچھی چیز یہ ہے کہ اس کے نتیجے میں لوگ اپنے تحفظ کے لیے زیادہ جلد اقدامات کرنے لگیں گے اور زیادہ بڑے نقصان جیسے شریانوں کے مسائل، امراض قلب، ہارٹ اٹیک اور فالج وغیرہ سے بچنے کے امکانات بڑھالیں گے۔درحقیقت اس مرض پر قابو پانے کے لیے انسان کو خود ہی محنت کرنا ہوتی ہے۔لو بلڈ پریشر 60/90 سے کم کو سمجھ جاتا ہے اور صحت مند افراد کا بلڈ پریشر 80/120 سے کم ہونا چاہیے۔ڈاکٹروں کا کہنا ہے کہ ہائی بلڈ پریشر اس وقت ہوتا ہے جب جسم زیادہ حرکت یا جدوجہد کررہا ہوتا ہے یعنی اسے زیادہ آکسیجن کی ضرورت ہوتی ہے۔ہائی بلڈ پریشر کا شکار ہونے کی شکل میں دل کے لیے کام کرنا زیادہ مشکل ہوجاتا ہے اور اسے جسم کے مختلف حصوں میں خون پہنچانے کے لیے زیادہ کام کرنا پڑتا ہے جس کی وجہ سے وہ کمزور ہوجاتا ہے۔اس کا نتیجہ دل کے مختلف امراض یا ہارٹ اٹیک کی شکل میں نکلتا ہے جبکہ خون کی شریانیں بھی سکڑنا یا اکڑنا شروع ہوجاتی ہیں۔ماہرین کا مشورہ ہے کہ لوگ بلڈ پریشر کو نمک کے استعمال میں کمی لاکر، جسمانی وزن کم کرکے، روزانہ ورزش کرکے، کیفین کے کم استعمال، تمباکو نوشی سے گریز اور کم از کم 6 گھنٹے کی نیند لے کر قابو میں لاسکتے ہیں۔زیادہ تشویشناک امر یہ ہے کہ ہائی بلڈ پریشر کے شکار اکثر افراد کو اس کی موجودگی کا علم ہی نہیں ہوتا اور اسی وجہ سے اسے خاموش قاتل بھی کہا جاتا ہے، یہ کسی بھی عمر کے افراد کو اپنا نشانہ بناسکتا ہے۔تو زیادہ بہتر تو یہ ہے کہ عمر کی تیسری دہائی سے ہی بلڈ پریشر کے چیک اپ کو معمول بنالیا جائے۔

سی ای او ہیلتھ لاہور کا ڈینگی ریگولیشن کے تحریری معاہدے سے انحراف، ملازمین کے نمائندوں اور عہدیداران کے خلاف انتقامی کاروائیاں شروع کر دی گئیں،اس حوالے سے سیکرٹری جنرل،یو ایچ ایف لاہورمحمد سلیمان خان نے کہا ہے کہ 31 اکتوبر کو احتجاج کے بعد محکمہ صحت اور یو ایچ ایف، ایپکا کے ساتھ جو تحریری معاہدہ میں یہ واضح طور پر درج تھا کہ ریگولیشن پراسس کمیٹی جلد از جلد اپنا کام شروع کرے گی اور کسی بھی عہدیدار کے خلاف کوئی بھی ایکشن نہیں لیا جائے گا۔ معاہدے پر سی ای او لاہور نے بھی دستخط کئے تھے۔انہوں نے کہا کہ ڈی جی ہیلتھ پنجاب نے ملازمین کے نمائندوں کے ساتھ پریس کانفرنس میں تمام معاہدہ پڑھ کر سنایا تھا15 دن میں ریگولیشن پراسس مکمل کرنے والی ڈیپارٹمنٹ کی ریگولیشن کمیٹی نے 14دن گزرنے کے باوجودکوئی میٹنگ نہیں بلائی بلکہ الٹا خود انہوں نے ہی تحریری معاہدے کی خلاف ورزی شروع کر دی۔رمحمد سلیمان خان نے کہا کہ یونائیٹڈ ہیلتھ فیڈریشن کے عہدیداران کو سپروائزری عہدوں سے ہٹا دیا گیا۔مرکزی عہدیداران کو نکال کر دیگر جونئیر ملازمین پر مشتمل سپروائزر تعینات کرنے کا فیصلہ،خلاف ورزی کے بعد یو ایچ ایف/ایپکا بھی معاہدے پر عمل درآمد کی پابند نہیں رہی۔ تحریری معاہدے کی خلاف ورزی پر محکمہ صحت کے افسران پر اعتماد متزلزل، احتجاجی تحریک کے لائحہ عمل کے ہنگامی میٹنگ طلب کر لی گئی۔