Tag ( ایمرا نیوزآن لائن

ایران (ایمرا نیوز آن لائن) طاقتور خاتون کا بھاری بھرکم ٹرک کھینچنے کا شاندار مظاہرہ،12ہزار 3سو80کلو وزنی ٹرک 98فٹ تک کھینچ کر گنیز ریکارڈ توڑ ڈالا

ایران سے تعلق رکھنے والی 43سالہ طاقتور خاتون نے سامان سے لداایک ٹرک جس کا وزن12ہزار3سو80کلو تھا کو 98.4فٹ دور تک یوں کھینچا کہ نہ صرف گنیز ریکارتوڑ ڈالا بلکہ وہاں موجود افراد بھی فولادی خاتون کی طاقت و مہارت کی داد دینے پر مجبور ہوگئے۔اس سے قبل یہ ریکارڈآسٹریلوی خاتون Nardia Stylesنے 11,350کلو سے قائم کیا تھا۔

(ایمرا نیوزآن لائن) ابھرتی ہوئی فن کارہ کرن چوہدری نےکہا ہے کہ فن کسی کی میراث نہیں ،نمبر ون کی سیٹ ہمیشہ خالی ہوتی ہےجو اچھا کام کرتا ہےوہ نمبر ون بن جاتا ہے۔
ایک سوال کے جواب میں کرن چوہدری نے بتایا کہ شوبز کی دنیا میں مادھوری ڈکشت جیسی کامیابی حاصل کرنا چاہتی ہوںمیں ان کے رقص کی دیوانی ہوں ۔انہوں نے کہا کہ ہمارے ملک میں بھی اب معیاری فلمیں بننا شروع ہوگئیں ہیں ،پنجاب نہیں جاوں گی اور چوڑیاں کئی بار دیکھی ۔ بہت جلد مداح مجھے سلور اسکرین پر دیکھیں گے،ٹیلی ویژن پر بہت کام کیا لیکن میری منزل فلموں کی سپر اسٹار بننا ہے۔

کرن چوہدری نے کہا کہ راحت فتح علی خان،علی ظفر اور عاطف اسلم کے گیت بے حد پسند ہیں ،ہماری موسیقی میں بہت قوت ہےجبکہ بالی ووڈ کی فلمیں ہمارے گلوکاروں نے کامیاب کروائی ۔

(ایمرا نیوز آن لائن) بالی ووڈ کے لیجنڈ اداکار امیتابھ بچن اپنی اگلی فلم میں پہلی مرتبہ خواجہ سرا کا کردار ادا کرتے نظر آئیں گے۔

بھارتی میڈیا رپورٹس کے مطابق بالی ووڈ کے بگ بی امیتابھ بچن نے نئی فلم ’کانچنا‘ سائن کی ہے جس میں وہ پہلی مرتبہ ’خواجہ سرا‘ کا کردار ادا کرتے نظر آئیں گے، اس فلم میں اُن کے ساتھ کھلاڑی اداکار اکشے کمار بھی مرکزی کردار نبھائیں گے۔

فلم کے ہدایت کار ’راگھاوا لارینس‘ کا اس فلم کے حوالے سے کہنا ہے کہ وہ اکشے کمار کے ساتھ مل کر تقریباً ایک سال سے فلم کانچنا کی اسکرپٹ پر کام کر رہے تھے جوکہ اب جاکر مکمل ہو ئی ہے۔ یہ ہدایت کار راگھاوا لارینس کی پہلی بالی ووڈ فلم ہے۔

اس فلم میں ’کانچنا‘ نامی خواجہ سراکا کردار بگ بی ادا کرتے نظر آئیں گے۔
واضح رہے کہ فلم ’کانچنا‘ سب سے پہلے تامل زبان میں فلمائی گئی تھی جس کے بعد ہدایت کار راگھاوا لارینس نےاس فلم کو ہندی زبان میں پیش کرنے کا ذمہ اٹھا یا ہے۔

برازیل (ایمرا نیوز آن لائن) دنیا کے خطرناک ترین اجرتی قاتلوں میں سے ایک جولیو سانٹانا بھی ہیں جو اب تک 500 سے زائد افراد کو موت کے گھاٹ اتارچکے ہیں لیکن انہوں نے اپنے ہاتھوں سے مارے جانے والے افراد کی تعداد کی گنتی 492 پر روک دی ہے۔ سانٹانا نے اب تک سیاستدانوں، بااثر لوگوں، سونے کے کانوں کے مالک و تاجراور ایک دوسرے سے پریشان شوہروں اور بیویوں کو قتل کیا ہے۔ یہاں تک کے ان کی غارت گری کی داستان کاروباری چپقلش، فٹ بال، محبت و عداوت اور دیگر انسانی تعلقات پربھی محیط ہے۔

اپنے کیریئر کا پہلا قتل انہوں نے 1971 میں اس وقت کیا جب وہ صرف 17 سال کے تھے۔ اب ان کی زندگی پر ایک صحافی نے کتاب لکھی ہے جس کا عنوان ’دی نیم آف ڈیتھ‘ رکھا گیا ہے جس پر اب فلم بھی بنائی جارہی ہے۔

برازیل سے تعلق رکھنے والے جولیو کی عمر اس وقت 64 برس ہے اور اب انہوں نے اپنی بیوی کے کہنے پر یہ کام چھوڑ دیا ہے۔ وہ ہرقتل سے پہلے نوٹ لکھا کرتے تھے جسے اب کتابی صورت میں شائع کیا گیا ہے۔ نیویارک پوسٹ سے انٹرویو میں انہوں نے کہا کہ وہ خدا پر یقین رکھتے ہیں اور اسی کی بدولت زندگی میں ہمت پائی ہے تاہم انہوں نے اعتراف کیا کہ جو بھی ان سے سرزد ہوا ہے وہ انتہائی غلط اور مکروہ فعل تھا۔

جولیو ایمیزون کے جنگلات میں رہ رہے تھے کہ ان کے چچا نے ایک مچھیرے کو قتل کرنے کو کہا جس نے ایک 13 سالہ بچی سے جنسی زیادتی کی تھی۔ پہلے تو وہ کچھ ہچکچائے تاہم 17 سال کی عمر میں انہوں نے پہلا قتل کرڈالا۔ اس کے بعد قتل کا سلسلہ چل نکلا اور یہ گنتی سینکڑوں تک جاپہنچی ۔ دلچسپ بات یہ ہے کہ 1967 سے 1974 تک انہوں ںے برازیلی حکومت کی ایما پر کئی لوگوں کو قتل کیا اور برازیل میں کمیونسٹ چھاپہ ماروں کی اہم شخصیات کو نشانہ بنایا اور اس دوران انہوں نے غیرمعمولی رقم کمائی۔

2006 میں انہوں نے قتل کے پیشے کو خیرباد کہدیا کیونکہ ان کی بیوی اس سے سخت خائف تھی۔ جولیو کے مطابق ان کی بیوی نے تلخ یادوں اور سیاہ پیشے سے باہر نکالا ہے اور اب وہ ایک مطمئین زندگی گزاررہے ہیں۔ لیکن اب بھی انہیں ڈراؤنے خواب آتے ہیں جس میں وہ ان مقتولین کو دیکھتے ہیں جنہیں وہ قتل کرچکے ہیں۔

جرمنی میں بھی چیری کی پھو لوں کی بہار آگئی، سیاحوں نے قدرتی نظاروں کا لطف اٹھانے کے لیے برلن کا رْخ کرلیا۔

موسم سرما کے اختتام کے سا تھ ہی دنیا کے دیگر ممالک کی طرح جرمنی میں بھی چیری کے پھولوں کی بہار آگئی ہے جس سے سڑکیں اور باغات سفید اور گلابی پھولوں سے سج گئے ہیں۔

جرمنی کے دارالحکومت برلن میں بھی چیری کے پھو ل کھِل گئے اور اس ہی مناسبت سے سالانہ چیری بلاسم فیسٹیول کا بھی آغاز ہوگیا ہے۔اس موقع پر شہر کے مختلف پارکس میں بھی سجاوٹ کی گئی ہے جس سے وہاں کی رونقیں بحال ہوگئی ہیں۔ درختوں پر کھلنے والے لاکھوں پھولوں کے خوبصورت نظارے دیکھنے لیے ہزاروں افراد نے باغات کا رخ کر لیا ہے۔

بھارتی وزیرعظم نریندر مودی نے بالی ووڈ اداکار اکشے کمار سے کہا ہے کہ ٹوئنکل کھنہ کا ٹوئٹر پر تماغصہ مجھ پر نکل جاتا ہے تو آپ تو سکون سے رہتے ہوں گے؟

بھارتی میڈیا کے مطابق اداکار اکشے کمار سے ملاقات کے دوران بھارتی وزیر اعظم مودی نے زندگی سے متعلق کئی انکشافات کیے ہیں۔

وزیرعظم نریندرمودی سے اکشے کمار نے سوال کیا کہ آپ سوشل میڈیا پر کافی سر گرم نظر آتے ہیں تاہم کیا آپ خود اسے دیکھتے ہیں؟

نریندر مودی نے بتایا کہ میں اپنے سوشل میڈیا اکاؤنٹس خود استعمال کرتا ہوں، جس کی وجہ سے مجھے بہت سی چیزوں کا پتہ چلتا ہے، میں آپ کے اور آپ کی اہلیہ ٹوئنکل کھنہ کے ٹوئٹس بھی دیکھتا ہوں اور کبھی کبھی تو مجھے لگتا ہےکہ وہ ٹوئٹر استعمال کرتے ہوئے مجھ پر جو غصہ نکالتی ہیں اس کی وجہ سے آپ سکون سے رہتے ہیں اور اس لیے سمجھیں میں آپ کے کام آتا ہوں۔

اکشے کمارنے مودی سے سوال کیا کہ جب آپ اپنے اوپر بننے والی میمز دیکھتے ہیں جو آپ کو کیسا لگتا ہے؟

نریندر مودی نے جواب دیا کہ ہاں میں دیکھتا ہوں، اس پر مجھے ہنسی بھی آتی ہےالبتہ لوگوں پرغصہ نہیں آتا بلکہ میں ان باتوں کو انجوائے کرتا ہوں۔ واضح رہے کہ ٹوئنکل کھنہ اکثر سوشل میڈیا پر سرگرم رہتی ہیں جہاں وہ لوگوںپر تنقید کرتی نظر آتی ہیں اور ’مسز فنی بونز‘ کے نام سے کافی مقبول ہیں۔

اکشے کمار آج کل اپنی فلم ’گڈنیوز‘ کی شوٹنگ میں مصروف ہیں جس میں کرینہ کپور خان ان کے مدمقابل مرکزی کردار ادا کر رہی ہیں، یہ فلم رواں برس 6ستمبرکو نمائش کے لیے پیش کی جائے گی۔

کراچی(ایمرا نیوز آن لائن)

نامورپاکستانی اداکارہ اقرا عزیز ننھی نشوہ اورعصمت کی سفاکانہ موت کو غیر سنجیدہ کہنے والوں اوردو معصوم جانوں کی ہلاکت پربے حسی کا مظاہرہ کرنے والوں پر بھڑک اٹھیں۔ کراچی میں حال ہی میں رونما ہونے والے دو واقعات جن میں ایک غلط انجیکشن لگنے سے ننھی نشوہ کی موت اوردوسرا واقعہ 25 سالہ عصمت کا ہے جسے ڈاکٹرسمیت اسپتال کے عملے نے درندگی کانشانہ بناکرزہر کا انجیکشن دے کرقتل کردیا، ان دونوں واقعات نے پورے پاکستان کو جھنجھوڑ کردکھ دیا ہے۔

اداکارہ اقرا عزیز نے ان دونوں واقعات پر افسوس اورغصے کا اظہار کرتے ہوئے کہا کہ خدا نشوہ اورعصمت کی مغفرت فرمائے اورہم جیسے جانوروں کو انسانیت دے۔
https://twitter.com/IqraAzizz/status/1120350612447739905
اقرا کے اس ٹوئٹ پرایک سوشل میڈیا صارف نے اقرا کو مشورہ دیتے ہوئے کہا کہ ان واقعات کو زیادہ سنجیدگی سے نہ لیں۔ عمیر نامی اس شخص کی ٹوئٹ نے اُن تمام بے حس لوگوں کی ترجمانی کی ہے جو ملک میں ہونے والے سفاکانہ واقعات پر نہ تو آواز اٹھاتے ہیں اورنہ انہیں غلط کہتے ہیں بلکہ دوسروں کو بھی ان واقعات کو سنجیدگی سے نہ لینے کی صلاح دیتے ہیں۔

تاہم اقرا نے اس شخص کونہایت غیرسنجیدہ تبصرہ کرنے پر آڑے ہاتھوں لیتے ہوئے کہا کہ یہ کہنا آسان ہے کہ اللہ بہتر کرے گا یا ان واقعات کو سنجیدگی سے نہ لیں لیکن کیا آپ اس وقت کا انتظارکررہے ہیں جب یہ سب آپ کی ماں، بہن، بیوی اوربیٹی کے ساتھ ہوگا اور جب وہ اس طرح کے حالات سے گزریں گی اس وقت آپ ان واقعات کو سنجیدگی سے لیں گے۔
https://twitter.com/IqraAzizz/status/1120354151387619331
واضح رہے کہ اقرا کے ساتھ شوبزکے دیگر فنکاروں نے بھی نشوہ اور عصمت کے ساتھ ہونے والی درندگی اور مجرمانہ فعل کے خلاف آواز اٹھاتے ہوئے وزیراعظم سےمجرموں کے خلاف سخت ایکشن لینے کا مطالبہ کیا ہے۔

کراچی(ایمرا نیوز آن لائن)

غلط انجیکشن لگنے سے انتقال کرنے والی ننھی نشوہ کی موت پرفنکاروں نے نہ صرف اظہار افسوس کیا بلکہ اسپتال انتظامیہ کی غفلت اور لاپرواہی پر نہایت برہمی کا اظہار بھی کیا۔

نامور پاکستانی اداکارہ ارمینا خان نے ننھی نشوہ کے انتقال پر اظہارِافسوس کرتے ہوئے نشوہ کے لیے دعا کی ہے اورکہا ہے کہ نشوہ جنت کے اعلیٰ مقام پرفرشتوں کے ساتھ کھیلے۔ اس کے ساتھ ہی انہوں نے نشوہ کے والدین کے لیے صبرکی دعا کرتے ہوئے کہا والدین کے لیے دنیا میں سب سے بدتر چیز ان کی اپنی اولاد کو قبر میں اتارناھے.

س کے ساتھ ہی ارمینا خان نے کراچی ہی کے اسپتال میں ڈاکٹرز اوراسپتال عملے کی ہوس کی بھینٹ چڑھنے والی عصمت کے واقعے پربھی اظہار افسوس کیا۔

غلط انجکشن سے متاثرہ ننھی نشوہ انتقال کرگئی

اداکار فیصل قریشی نےنشوہ کی موت پر اظہار افسوس کرنے کے ساتھ اسپتال انتظامیہ کی غفلت پر برہمی کا اظہار کرتے ہوئے کہا، اور پتہ نہیں کتنے بچے لاپرواہی کی نظر ہوتے رہیں گے، کوئی جوابدہ ہے۔

ڈراما سیریل ’زندگی گلزارہے‘ کی اداکارہ منشا پاشا نے غفلت کا مرتکب ہونے والے اسپتال پر بھڑکتے ہوئے کہا ہے صحت مند زندگی سب سے بڑی دولت ہے لیکن آپ لوگوں نے صحت کو سچ میں صرف پیسے بنانے کا ایک ذریعہ سمجھ لیا ہے۔ نشوہ کی تصویر نے دل توڑدیا خدا ننھی نشوہ کو جنت کا اعلیٰ مقام عطا کرے اور اس کے والدین کو ہمت دے۔

پاکستانی اداکارعلی رحمان خان نے ننھی نشوہ کی موت پر پاکستان میں صحت کے مراکزمیں برتی جانے والی لاپرواہی پرغصے کا اظہارکرتے ہوئے وزیراعظم عمران خان اور حکومت سے ان معاملات کے خلاف سخت ایکشن لینے کی درخواست کی ہے۔اداکارہ نادیہ جمیل نے بھی نشوہ کی موت پراظہار افسوس کرتے ہوئے اسپتال کی غفلت قراردیا ۔

(ایمرا نیوز آن لائن)
وائٹ ہاؤس کے دروازے ہزاروں بچوں اور والدین کے لیے کھول دیے گئے جنہوں نے یہاں ہونے والے141ویں سالانہ ایسٹر ایگ رول مقابلوں میں حصہ لیا۔ اس تقریب میں امریکی صدر ڈونلڈ ٹرمپ اور خاتون اول ملینیا ٹرمپ نے بھی شرکت کی اوردونوں بچوں میں گھل مل گئے۔

ہانڈی کے چمچے کی مدد سے گھاس پر انڈوں کو رول کرنے کے اس منفرد مقابلے کے لیے ہزاروں بچے میدان میں جمع ہوئے جن کے لیے وائٹ ہاؤس کے شمالی گارڈن کو خوبصورت انداز میں مختلف رنگوں سے سجادیا گیا تھا۔ اس تقریب میں شامل بچے جہاں انڈوں سے ریس لگاتے نظر آئے وہیں مختلف اسپورٹس میں حصہ لیتے،کہانیاں و میوزک سنتے نظر آئے۔

(ایمرا نیوز آن لائن)
بالی ووڈ کے کنگ شاہ رخ خان نے بھارت میں ہونے والے انتخابات سے قبل ایک ویڈیو بنائی ہے جس میں انہوں نےبھارتی عوام کو ووٹ ڈالنے کا پیغام دیاہے، اُن کی اس ویڈیو کو وزیر اعظم نریندر مودی کی جانب سے بے حد پسندکیا گیا ہے۔

این ڈی ٹی وی کے مطابق گزشتہ روز بالی ووڈکنگ شاہ رخ خان نے سوشل میڈیا پر ایک میوزک ویڈیو جاری کی ہے، جس کے ذریعے انہوں نے بھارتی عوامتک پیغام پہنچایا ہے کہ وہ لازمی ووٹ ڈالیں، اُن کی اس ویڈیو کو بھارتی وزیر اعظم نریندر مودی کی جانب سے کافی سراہا گیا ہے۔

سماجی رابطے کی ویب سائٹ ٹوئٹر پر شاہ رخ خان کی جانب سے ویڈیو شیئر کی گئی ہے اور ساتھ ہی لکھا کہ ’وزیر اعظم نریندر مودی صاحب نے مجھے (creativity) کے لیے بولا تھا۔ مجھے تھوڑی دیر ہوگئی ویڈیو بنانے میں لیکن آپ مت کرنا دیر ووٹ ڈالنے میں!!‘

شاہ رخ خان نے مزید لکھا کہ ووٹ ڈالنا صرف آپ کا حق نہیں ہے بلکہ آپ کی طاقت بھی ہے، براہ مہربانی اس کا استعمال کریں۔

بھارتی وزیر اعظم نریندرمودی نے شاہ رخ خان کی اس ویڈیو کو سراہتے ہوئے کہا کہ ’بہترین کوشش! مجھے یقین ہے کہ بھارتی عوام اور خصوصاً وہ لوگ جو پہلی مرتبہ اس سال ووٹ ڈالیں گے وہ آپ کی اس ویڈیو سے ضرور متاثر ہوں گے اور ووٹ ڈالنے باہر نکلیں گے۔‘

واضح رہے کہ مودی نے قومی انتخابات شروع ہونے سے قبل بالی ووڈ اداکاروں، صنعت کاروں، روحانی پیشوائوں، مشہورکھلاڑیوں اور دیگر معروف شخصیات کو ٹوئٹ کیا تھا، جس میں کہا کہ وہ اپنے پیروکاروں کی حوصلہ افزائی کریں کہ وہ ووٹ ڈالیں۔