Tag ( ایمرا نیوزآن لائن

زخمیوں کو ہسپتال منتقل کردیا گیا ہے 10افراد کی حالت تشویشناک ہے. حکام
بدین(وقت نیوزآن لائن)
صوبہ سندھ کے ضلع بدین میں تیزرفتار مسافر بس الٹ گئی جس کے نتیجے میں9 افراد جاں بحق جبکہ48 زخمی ہوگئے ہیں . تفصیلات کے مطابق بدین میں مورجھر کے قریب کراچی سے آنے والی مسافر بس تیز رفتاری کے باعث الٹ گئی، حادثے میں9 افراد جان کی بازی ہار گئے. ریسکیو حکام کے مطابق حادثے میں 48 افراد زخمی ہوئے جنہیں طبی امداد کے لیے ڈسٹرکٹ ہسپتال منتقل کردیا گیا جہاں10 افراد کی حالت تشویش ناک بتائی جاتی ہے‘پولیس حکام کے مطابق افسوس ناک حادثے میں زخمی ہونے والے افراد میں بڑی تعداد خواتین اور بچوں کی ہے.

ابتدائی اطلاعات میںپولیس حکام کا کہنا ہے کہ مسافر کوچ مٹھی سے کراچی جا رہی تھی‘ جاں بحق ہونے والوں سے میں 4 افراد کی شناخت ڈرائیور مانو، رمضان، مسماة زینب اورعبداللہ کے نام سے کی گئی ہے.

مقامی حکام کا کہنا ہے کہ حادثے کی تفصیلات ابھی اکھٹی کی جارہی ہیں جن سے ذرائع ابلاغ کو جلدآگاہ کردیا جائے گا.واقعہ کی اطلاع ملتے ہی ریسکیو ٹیمیں جائے وقوعہ پر پہنچ گئیں‘ لاشوں کو ضروری کارروائی اور زخمی کو طبی امداد کیلئے ہسپتال منتقل کردیا گیا ہے. ہسپتال ذرائع کے مطابق زخمیوں میں 10 افراد کی حالت تشویشناک ہے. شدید زخمی مسافروں کو حیدرآباد منتقل کیا جارہا ہے مرنے والوں میں خواتین بھی شامل ہیں. اس سے قبل رواں سال 7 فروری کو خیبرپختونخواہ کے علاقے ضلع کرک میں انڈس ہائی وے پر کار اور مسافر کوچ میں تصادم کے بعد بس میں خوفناک آگ بھڑک اٹھی تھی جس کے نتیجے میں 15 افراد جھلس کر جاں بحق ہوگئے.
یاد رہے کہ 21 جنوری 2019 کو بلوچستان کے ضلع لسبیلہ کی تحصیل بیلہ کراس کے قریب مسافر بس اور ٹرک کے مابین ہونے والے تصادم کے باعث 26 افراد جاں بحق جبکہ17 افراد زخمی ہوگئے تھے. ریسکیو حکام کے مطابق حادثے میں 48 افراد زخمی ہوئے جنہیں طبی امداد کے لیے ڈسٹرکٹ ہسپتال منتقل کردیا گیا جہاں7 افراد کی حالت تشویش ناک بتائی جاتی ہے‘پولیس حکام کے مطابق افسوس ناک حادثے میں زخمی ہونے والے افراد میں بڑی تعداد خواتین اور بچوں کی ہے.
اس سے قبل رواں سال 7 فروری کو خیبرپختونخواہ کے علاقے ضلع کرک میں انڈس ہائی وے پر کار اور مسافر کوچ میں تصادم کے بعد بس میں خوفناک آگ بھڑک اٹھی تھی جس کے نتیجے میں 15 افراد جھلس کر جاں بحق ہوگئے. یاد رہے کہ 21 جنوری 2019 کو بلوچستان کے ضلع لسبیلہ کی تحصیل بیلہ کراس کے قریب مسافر بس اور ٹرک کے مابین ہونے والے تصادم کے باعث 26 افراد جاں بحق جبکہ17 افراد زخمی ہوگئے تھے.

ڈاکٹر عبدالحفیظ شیخ 2003ء سے 2006ء تک وفاقی وزیر برائے نجکاری اور سرمایہ کاری بھی رہ چکے ہیں

اسلام آباد (ایمرا نیوزآن لائن)
وزیراعظم عمران خان نے گذشتہ روز وفاقی وزیر خزانہ اسد عمر کا استعفیٰ منظور کرتے ہوئے ڈاکٹر عبدالحفیظ شیخ کو مشیر خزانہ تعینات کر دیا۔ ڈاکٹر عبد الحفیظ کی زندگی پر نظر ڈالیں تو علم ہو گا کہ وہ اس سے قبل پاکستان کے وزیر خزانہ کے عہدے پر بھی فائز رہ چکے ہیں۔ ڈاکٹر عبدالحفیظ شیخ سندھ کے علاقہ جیکب آباد میں پیدا ہوئے۔

ان کے والد عبدل نبی شیخ پاکستان پیپلز پارٹی کے بانی ارکان میں سے تھے۔ وہ اقتصادی پالیسی سازی اور عمل درآمد کا وسیع تجربہ رکھتے ہیں۔ ڈاکٹر عبدالحفیظ شیخ نے ڈاکٹریٹ کی ڈگری بوسٹن یونیورسٹی امریکہ سے حاصل کی اور ہارورڈ یونیورسٹی میں بطور پروفیسر خدمات انجام دیں۔ وہ 1990ء کے عشرے میں سعودی عرب میں ورلڈ بینک کے ڈائریکٹر اکنامک آپریشن تعینات رہے اور بینک کی طرف سے 21 ممالک میں خدمات سرانجام دیں۔

ڈاکٹر عبدالحفیظ شیخ 2003ء سے 2006ء تک وفاقی وزیر برائے نجکاری اور سرمایہ کاری رہے۔ 2000ء سے 2002ء تک سندھ کے وزیر برائے خزانہ اور منصوبہ بندی جبکہ 2010ء سے 2013ء تک پاکستان کے 20ویں وزیر خزانہ کہ ذمہ داریاں سرانجام دیتے رہے۔ ان کے کے دور وزارت میں 5 ارب ڈالر کی 34 نجکاری کی ٹرانزیکشن ہوئیں۔ ڈاکٹر عبدالحفیظ شیخ 2012ء میں پیپلز پارٹی کی طرف سے بہت متحرک رہے اور سینیٹر منتخب ہوئے۔

ڈاکٹر عبد الحفیظ سے متعلق تہلکہ خیز انکشافات کرتے ہوئے سینئر صحافی رﺅف کلاسرا کا کہنا تھا کہ یہ بندہ جہاں بھی رہا ہے اس محکمے کو دیوالیہ کیا ہے۔پچھلے دور حکومت میں جب یہ پاکستان کا فنانس منسٹر تھا تو اس نے اپنے ایک دوست علی جمیل کو ذاتی اثر ورسوخ کی بنا پر ٹریکر سسٹم کا ٹھیکہ لے کر دیا تھا۔یعنی جو مال بردار گاڑیاں یا کنٹینرپاکستان سے افغانستان جاتے ہیں ان پر لگنے والا ٹریکرسسٹم ان کے دوست علی جمیل کی کمپنی کے ذریعے لیا گیا تھا جو کہ انہوں نے ہی لے کر دیا تھا۔

انہوں نے مزید بتایا کہ پی ٹی سی ایل کی نیلامی کرنے والے بھی یہی صاحب تھے جس میں پاکستان کا 8ارب آج تک نہیں مل سکا۔ واضح رہے کہ گذشتہ روز کابینہ میں ہونے والی تبدیلیوں پر ملک میں ایک سیاسی غیر یقینی پیدا ہو گئی ہے جس پر تمام سیاسی تجزیہ کار اپنا اپنا تجزیہ دے رہے ہیں اور پاکستان تحریک انصاف اور عمران خان کو بھی کافی تنقید کا نشانہ بنایا جا رہا ہے۔

غریب عوام کیلئے دو وقت کی روٹی ناممکن بنا کر استعفے دیکر بھاگنے والوں کو شرم آنی چاہئے ،حکمران اپنی ذمہ داریوں سے جان چھڑا کر بھاگ رہے ہیں لیکن عوام انہیں بھاگنے نہیں دیگی، رہنماء مسلم لیگ (ن) کا بیان
اسلام آباد (ایمرا نیوز آن لائن)
قومی اسمبلی میں پاکستان مسلم لیگ (ن) کے چیف وہیپ مرتضیٰ جاوید عباسی نے کہا ہے کہ اسد عمر کے استعفیٰ سے یہ ثابت ہو چکا یہ نااہلوں کی حکومت ہے ،غریب عوام کیلئے دو وقت کی روٹی ناممکن بنا کر استعفے دیکر بھاگنے والوں کو شرم آنی چاہئے ،نا اہل حکومت اپنی ناکامی چھپانے کیلئے یہی ڈرامے پانچ سال کرتے رہے گی، حکمران اپنی ذمہ داریوں سے جان چھڑا کر بھاگ رہے ہیں لیکن عوام انہیں بھاگنے نہیں دے گی ۔

وزیر خزانہ اسد عمر کے استعفے پر قومی اسمبلی میں مسلم لیگ (ن) کے چیف وہیپ مرتضیٰ جاوید عباسی نے اپنے ردعمل میں کہا کہ اسد عمر کے استعفیٰ سے یہ ثابت ہو چکا ہے کہ یہ نااہلوں کی حکومت ہے ۔ انہوں نے کہا کہ غریب عوام کیلئے دو وقت کی روٹی ناممکن بنا کر استعفے دیکر بھاگنے والوںکو شرم آنی چاہئے۔ انہوں نے کہا کہ الیکشن سے پہلے قوم کو جھوٹے خواب دکھانے کا مقصد صرف پاکستان کا اقتدار حاصل کرنا تھا۔

انہوں نے کہا کہ ثابت ہو چکا کہ تحریک انصاف کے پاس کوئی ٹیم نہیں تھی ،ان کے پاس کوئی منصوبہ نہیں تھا۔ انہوں نے کہاکہ حکومت نے اپنی ناکامیوں کو چھپانے کیلئے وزیر خزانہ کی قربانی دی۔ انہوں نے کہا کہ نا اہل حکومت اپنی ناکامی چھپانے کے لئے یہی ڈرامے پانچ سال کرتے رہے گی، حکمران اپنی ذمہ داریوں سے جان چھڑا کر بھاگ رہے ہیں لیکن عوام انہیں بھاگنے نہیں دے گی ۔

انہوں نے کہاکہ نا اہل حکمرانوں سے معیشت کی تباہی کا پورا حساب لیا جائے گا، ان نا تجربہ کاروں نے پاکستان کی معیشت کا بیڑہ غرق کردیا ہے، ان کی ناتجربہ کاری کی وجہ سے پاکستان معاشی بحران کا شکار ہوگیا ہے۔ انہوں نے کہاکہ آج ملک میں مہنگائی کا جو طوفان ہے وہ ان حکمرانوں کی ناکام معاشی پالیسی کی وجہ سے ہے۔

کابینہ کے ارکان نے وزیر خزانہ کے خلاف سازش کی اور وزیراعظم کو اس اقدم کے لیے اکسایا
لاہور(( ایمرا نیوزآن لائن)
اسد عمر صاحب تو پویلین لوٹ گئے مگر اپنے پیچھے بہت سارے سوال چھوڑ گئے جن کے جواب رفتہ رفتہ ملتے رہیںگے۔اس میں تو کوئی دورائے نہیں کہ پی ٹی آئی حکومت میں گروپنگ اور لابی سسٹم بہت ایکٹو ہے۔تو پھر لازم ہے کہ اسد عمر کے خلاف بھی تو کچھ لوگ ہوںگے جن کے مفادات ہوں گے لہٰذا انہوںنے اپنی خاموش چال چل دی اور اسی وزیر اعظم کو وزیرخزانہ کے خلاف کر دیا جو کل ان کی مثالیں دیتے نہیں تھکتے تھے۔

سینئر صحافی حامد میر نے نجی ٹی وی چینل کے ایک پروگرام میں بات کرتے ہوئے کہا کہ کابینہ کے کچھ ارکان اسد عمر کے خلاف تھے اس کی وجہ یہ ہے کہ ان کا ماننا تھا کہ جس قسم کی پالیسیاں اسد عمر صاحب لا رہے ہیں ان سے ملٹی نیشنل کمپنیوں کے مالکان اور مقامی بزنس سورما خفا ہیں۔

کیونکہ ان پالیسیوں سے عام آدمی کو تو فائدہ پہنچنا تھا مگر ان کاروباری حضرات کو خوب نقصان ہونا تھا۔

لہٰذا ان مقامی اور غیر ملکی بزنس مافیا نے مختلف کابینہ ارکان کے ذریعے راستہ صاف کیا۔یہ وزرا وزیراعظم کو اسد عمر کے خلاف رپورٹ کرتے رہے اور جب پچھلے دنوں وہ آئی ایم ایف سے مذاکرات کے لیے امریکہ گئے تو پیچھے آٹھ دس وزرا عمران خان صاحب کے پاس گئے اور انہوں نے کشتی الٹ دی۔اسد عمر صاحب جب ملک واپس آئے تو انہیں معلوم ہی نہیں تھا کہ تبدیلی آ چکی ہے۔
یہی وجہ ہے کہ ایئر پورٹ پر جب ان سے ایک صحافی نے سوال کیا کہ سنا ہے آپ سے وزارت واپس لی جا رہی ہے تو اسد عمر صاحب نے مسکراہٹ کے ساتھ جواب دیا تھا کہ ہزاروں خواہشیں ایسی کہ ہر خواہش پہ دم نکلے۔لیکن اسی روز شام تک انہیں پتا چل گیا تھا کہ ان کے خلاف فیصلہ ہو چکااور ان سے وزارت لی جا رہی ہے۔جس کے کچھ دن بعد فیصلے پر عملدرآمد بھی ہو گیا۔یوں کاروباری حضرات اور انٹرنیشنل بزنس مافیا اپنے منصوبے میں کامیاب ہو گیا۔

کابل کے250رکنی وفد پرطالبان کےاعتراض پرآخری لمحات میں مذکرات کو ختم کردیا گیا

دوحہ(ایمرا نیوزآن لائن)
افغان طالبان کے ساتھ امن مذکرات میں امریکا کو بڑی ناکامی کا سامنا کرنا پڑا ہے، امریکا، افغان حکومت اور افغان طالبان کے درمیان ہونے والے دوحا مذاکرات آخری لمحات پر منسوخ کردیئے گئے ہیں. افغان طالبان اور افغان حکام پہلی بار ایک میز پر بیٹھنے جارہے تھے مگر افغانستان حکومت کی جانب سے طالبان سے مذاکرات کرنے والے وفد کی فہرست میں 250 افراد شامل کیے تھے.
طالبان نے قطر میں مذاکرات کے لیے افغان حکومت کی طرف سے ملنے والی طویل فہرست کو تنقید کا نشانہ بناتے ہوئے کہا تھا کہ یہ کانفرنس ہے شادی کا ولیمہ نہیں ہورہا اور وفد پر کڑی تنقید کرتے ہوئے ساتھ بیٹھنے سے انکار کردیا.ت کو ختم کردیا گیا.
واضح رہے کہ مذاکرات19 سے21 اپریل تک قطر میں کیے جانے تھے جن میں افغانستان میں قیام امن سے متعلق امور پر بات کی جانی تھی.

قبل ازیں طالبان کے ترجمان ذبیح اللہ مجاہد نے امن مذاکرات کے لیے کابل حکومت کی تیار کردہ 250 اراکین کی فہرست پر تمسخرانہ اظہار کرتے ہوئے کہا ہے کہ یہ کابل کے ہوٹل میں ہونے والی شادی کی تقریب نہیں جس کی ضیافت کا دعوت نامہ بھیجا گیا ہو بلکہ یہ خلیجی ریاست کا منعقد کردہ مذاکراتی اجلاس ہے. ذبیح اللہ مجاہد نے مزید کہا کہ کابل حکومت کی جانب سے 250 افراد پر مشتمل مذاکراتی ٹیم کا اعلان دراصل مذاکراتی عمل کو تاخیر کا شکار بنانے کی دانستہ سازش ہے، کابل حکومت کی خواہش ہے کہ قطر مذاکرات کی میزبانی سے انکار کردے یا کسی بھی طرح مذاکرات ملتوی ہو جائیں اور کابل حکومت کو افغانستان میں اپنی من مانی کرنے کے لیے مزید وقت مل جائے.

کابل حکومت نے موقف اختیار کیا کہ افغان طالبان نے کابل انتظامیہ سے مذاکرات کرنے سے انکار کردیا تھا اور طالبان کے مطالبے پر قطر میں ہونے والے طویل مذاکراتی دور میں کابل حکومت کو شامل نہیں کیا گیا تھا جس کے باعث 19 اپریل کو ہونے والے مذاکرات میں یہ 250 افراد افغانستان کے عام شہری ہونے کی حیثیت سے شریک ہوں گے.یاد رہے کہ کابل حکومت نے 19 اپریل سے قطر میں شروع ہونے والے افغان امن مذاکرات کے لیے 250 افراد کی فہرست مرتب کی ہے جن میں 50 خواتین بھی شامل ہیں.

لاہور(ایمرا نیوز آن لائن)

صوبائی وزیر صحت ڈاکٹر یاسمین راشد نے کہا ہے کہ حکومت پنجاب نے شعبہ صحت میں مختصر ترین عرصہ کے دوران 10ہزار ڈاکٹرز و عملہ کو بھرتی کیا ہے،اگلے مرحلے میں 15ہزار خالی اسامیوں پر شفاف اور 100فیصد میرٹ پر بھرتیاں کی جائیں گے،ورلڈ ہیلتھ ڈے منانے کا بنیادی مقصد سرکاری ہسپتالوں میں آنے والے مریضوں کو بہترین طبی سہولیات فراہم کرکے انصاف کرنا ہے،انہوں نے یہ باتیں انسٹیٹیوٹ آف پبلک ہیلتھ میں صحت کے عالمی دن کے موقع کی مناسبت سے سیمینار سے خطاب کرتے ہوئے کہیں، صوبائی وزیر صحت نے کہا کہ ہماری حکومت نے اقتدار میں آنے کے بعد سب سے پہلے سرکاری ہسپتالوں میں ڈاکٹرز اور عملہ کی کمی کو پورا کیا ہے.

انہوں نے کہا کہ تحریک انصاف کی حکومت 38فیصد غربت کی لکیر کے نیچے 72لاکھ خاندانوں کے ساڑھے 3کروڑ افراد کو صحت انصاف کارڈ فراہم کر رہی ہے، دیہی علاقوں میں لوگ اب صحت انصاف کارڈ کے ذریعے باعزت طریقے سے 7لاکھ 20ہزار روپے کا سرکاری و نجی ہسپتالوں سے مفت علاج معالجہ کروا سکتے ہیں،ڈاکٹر یاسمین راشد نے کہا کہ ہماری حکومت سابقہ کرپٹ حکومت کی طرح عوام کے ٹیکسوں پر جیبیں بھرنے کی بجائے عوام پر خرچ کر رہی ہے،موجودہ حکومت نے بجٹ میں سب سے زیادہ حصہ شعبہ صحت کی بحالی کیلئے رکھا ہے۔

انہوں نے کہا کہ حکومت نے غربت کی لکیر سے نیچے گر جانے والے افراد کی عزت نفس کو محفوظ رکھتے ہوئے صحت انصاف کارڈ متعارف کروایا۔سرکاری ہسپتالوں میں آنے والے مریضوں کو بہترین طبی سہولیات فراہم کرنا ریاست کی بنیادی ذمہ داری ہے۔ معذور افراد کو صحت انصاف کارڈ جاری کرنا حکومت کا انتہائی خوش آئند اقدام ہے۔ صوبائی وزیر صحت نے کہا کہ پنجاب کے تمام سرکاری ہسپتالوں میں مریضوں کی سہولت کیلئے بستروں کی تعداد بڑھائی جا رہی ہے، اسی طرح وزیراعظم ہیلتھ اقدامات کے تحت 8بڑے اضلاع میں ہسپتالوں میں کی بحالی کا کام تیزی سے جاری ہے۔
ڈاکٹر یاسمین راشد نے کہا کہ یونیورسل ہیلتھ کوریج کے تحت طبی سہولیات بہتر بناکر مریضوں کو زیادہ سے زیادہ سہولیات فراہم کرنی ہیں۔ اس مقصد کے تحت پنجاب کے پانچ بڑے اضلاع اور دیہی علاقوں میں ماں بچہ کیئر ہسپتال بھی قائم کئے جا رہے ہیں۔

48گھنٹوں میں تیز ہواﺅں کے ساتھ مسلسل بارشیں بھی ہوں گی

لاہور(ایمرا نیوز آن لائن)
تقریباً پچھلے ایک ہفتے سے پنجاب کے جنوبی علاقے میں خاص طور پر مسلسل بارشیں ہو رہی ہیں جبکہ اب اپر پنجاب میں بھی بارشوں کی رفتار خاصی تیز ہو گئی ہے۔اس وقت بلوچستان،خیبر پختونخوا اور پنجاب میں شدید قسم کی بارشیں ہیں جس سے فصلوں کو خاطر خواہ نقصان پہنچنے کے علاوہ جانی و مالی نقصان بھی ہوا ہے۔ کئی لوگوں کے گھر گر گئے،مویشیوں کے چارہ کے نقصان کے ساتھ گندم کی فصل جو پک کر تیار ہو چکی تھی وہ بھی خراب ہو چکی ہے۔جبکہ پنجاب اور بلوچستان کے کچھ علاقوں میں تو بارشوں کا پانی سیلاب کی صورت میں گندم کی تیار فصلوں کے کھیتوں میں بھی پہنچ گیا ہے۔شبہ ظاہر کیا جا رہا ہے کہ یہ صورت حال ابھی اور بھی چند دن رہے گی۔

اس حوالے سے ڈپٹی کمشنر اسلام آباد نے عوام الناس کو مطلع کرتے ہوئے کہا ہے کہ وہ بے وجہ گھر سے نہ نکلیں اور اپنے گھروں کی بھی حفاظت کریں کیونکہ 48گھنٹوںمیں ملک میں ایک شدید طوفان آنے والا ہے۔ جس میں انتہائی تیز ہوا کے ساتھ مسلسل بارش بھی ہو گی۔موسم کی ایسی صورت حال تقریباً سات سال بعد ہونے جا رہی ہے۔یہ طوفان ان 48گھنٹوںمیں کسی وقت بھی آ سکتا ہے۔تاہم عوام کو چاہیے کہ اس حوالے سے احتیاطی تدابیرضرور اپنائیں۔بلاوجہ کے سفر سے گریز کریں اور بچوں کو بھی بغیر وجہ کے گھر سے نہ نکلنے دیں۔ممکن بارشوں کے طوفان کے پیش نظر اپنی اور اہل خانہ کی حفاظت کریں اور ایسے گھروںمیں قطعی رہائش نہ رکھیں جن کے گرنے کا خدشہ ہو۔

دیہات کے علاقوںمیں رہنے والے ایسے لوگ جن کے گھر کچے ہیں وہ خاص طور پر احتیاط کریں اور ان علاقوں میں ہرگز نہ رہیں جہاں پانی کے اکٹھا ہونے اور سیلاب کی صورت اختیار کرنے کا خدشہ ہو۔اس کے علاوہ بجلی کی تاروں اور کھمبوں سے بھی دور رہیں اور بچوں کو اکیلے بھی گھر سے باہر مت نکلنے دیں۔

سری نگر(ایمرا نیوزآن لائن)

مقبوضہ کشمیر کی سابق وزیراعلیٰ اورپیپلز ڈیموکریٹک پارٹی کی سربراہ محبوبہ مفتی کا کہنا ہے کہ بی جے پی اپنی ڈوبتی کشتی بچانے کے لیے کسی بھی حد تک جاسکتی ہے اورانتخابات میں کامیابی کے لیے پاکستان پر ایک اور حملہ کرسکتی ہے۔ مقبوضہ کشمیرمیں ایک تقریب سے خطاب کرتے ہوئے محبوبہ مفتی کا کہنا تھا کہ بھارت میں نریندرامودی کی حکومت تمام محاذوں پرناکام ہو چکی ہے اس لیے بھارت عام انتخابات میں ووٹرکواپنی جانب متوجہ کرنے کے لیے بالا کوٹ جیسا ایک اورحملہ پاکستان پرکرسکتا ہے جب کہ اس سلسلے میں بالخصوص مسلمانوں اوردوسری اقلیتوں کو مرعوب کرنے کی کوشش کی جا رہی ہے۔

محبوبہ مفتی نے مزید کہا کہ ووٹرزکو متوجہ کرنے کے لیے پاکستان کو نقصان پہچانے کی بات ہو یا پھر مقبوضہ کشمیر میں جارحیت کا بڑھتا ہوا مظاہرہ ہو، یہ سب کچھ انتخابا ت میں کامیابی کے لیے ہی ہے۔سابق کٹھ پتلی وزیر اعلیٰ کا کہنا تھا کہ انتخابات کے پہلے مرحلے میں ہی بی جے پی کو اپنی شکست کا اندازہ ہوچکا ہے۔ پورے بھارت میں عوام بے چین ہیں، بے روزگاری بڑھ رہی ہے اور معیشت خوفناک حد تک تنزلی کا شکارہے۔ بی جے پی کی کشتی ڈوب رہی ہے اسے بچانے کے لئے وہ کسی بھی حد تک جا سکتے ہیں۔ محبوبہ مفتی نے مزید انکشاف کرتے ہوئے کہا کہ جب بی جے پی ووٹوں کے لیے فرقہ ورانہ فسادات کروانے کی کوشش میں ناکام ہوئی توبالا کوٹ پرحملے کا ڈرامہ رچایا۔

تیز بارش کے بعد شہر میں سیوریج کا نظام درہم برہم ،شہریوں کو شدید مشکلات اور دشواری کا سامنا ، سڑکوں پر بارش اور سیوریج کا پانی جمع ہونے سے ٹریفک کی روانی بھی متاثر ، اسپتالوں میں ایمرجنسی نافذ

کوئٹہ(آایمرا نیوزن لائن)

بلوچستان کے مختلف اضلاع میں سیلابی صورتحال کے باعث 2 بچوں سمیت 3 افراد جاں بحق اور 3 زخمی ہوگئے۔لیویز ذرائع کے مطابق کوئٹہ میں بولان کے علاقے بھاگ میں تیز بارش کی وجہ سے ایک مکان کی چھت گر گئی جس کے نتیجے میں 2 بچے جاں بحق اور تین افراد زخمی ہوگئے۔تیز بارش کے بعد شہر میں سیوریج کا نظام بھی درہم برہم ہے جس کے باعث شہریوں کو شدید مشکلات اور دشواری کا سامنا ہے جب کہ سڑکوں پر بارش اور سیوریج کا پانی جمع ہونے سے ٹریفک کی روانی بھی متاثر ہے۔دوسری جانب ضلع دکی کے ڈپٹی کمشنر کے مطابق المبار ندی کا سیلابی پانی کلی مانزئی میں داخل ہوگیا ہے.

جب کہ نڑئی سئی ندی، اور پلیانی ندی میں بھی بڑا سیلابی ریلہ گزر رہا ہے۔ڈپٹی کمشنر کا کہنا ہے کہ المبار ندی کا سیلابی پانی کلی مانزئی میں داخل ہونے سے کئی گھروں پہنچا جب کہ بارکھان کے علاقے رت ہن ندی میں سیلابی پانی میں بہہ کر ایک شخص جاں بحق ہوگیا۔شہریوں کو محفوظ مقامات پر منتقل کیا جاچکا ہے اور اسپتالوں میں ایمرجنسی بھی نافذ کردی گئی ہے۔ایری گیشن حکام کے مطابق موسلادھار بارش سے مانکئی ڈیم میں پانی کی سطح مقررہ حد سے بڑھ گئی اور ڈیم کے اسپل وے سے پانی کا اخراج شروع کردیا گیا ہے۔

ادھر ضلع ہرنائی میں پانچ روز سے مسلسل وقفے وقفے سے بارشوں کا سلسلہ جاری ہے رابطہ پل بہہ جانے سے ہرنائی پنجاب شاہراہ بھی بند ہوگئی ہے۔جب کہ میرعلی خیل ڈی آئی خان روڈ پر لینڈ سلائڈنگ کے باعثژوب ڈی آئی خان شاہراہ بھی ٹریفک کی آمدو رفت کے لیے بند ہوچکی ہے۔چمن کے علاقے پشین، برشور، خانوزئی، مسلم باغ، لورالائی، موسیٰ خیل، توبہ اچکزئی، توبہ کاکڑی، شیلاباغ اور قلعہ عبداللہ میں طوفانی بارش کا سلسلہ جاری ہے۔

اسلام آباد(مہڈیا92نیوزآن لائن)
رواں مالی سال 2018۔19ء4 میں جولائی تا مارچ کے دوران سوزوکی موٹر سائیکلوں کی پیداوار میں 9.02 فیصد جبکہ فروخت میں 11.90فیصد کا اضافہ ریکارڈ کیا گیا ہے۔پاکستان آ ٹو موٹیو مینو فیکچررز ایسو سی ایشن (پاما) کی رپورٹ کے مطابق گزشتہ مالی سال 2017۔18ء4 کے پہلے 9 ماہ کے دوران سوزوکی موٹر سائیکلوں کی پیداوار 16ہزار 480 یونٹس رہی جو رواں مالی سال 2018۔19ء4 کے اسی عرصہ کے دوران 17ہزار 968 یونٹس تک بڑھ گئی۔ اس طرح گزشتہ مالی سال 2017۔18ء4 میں جولائی تا مارچ کے مقابلہ میں رواں مالی سال 2018۔19ء4 کے اسی عرصہ کے دوران سوزوکی موٹر سائیکلوں کی پیداوار میں 14سو 88 یونٹس یعنی 9.02 فیصد کا اضافہ ریکارڈ کیا گیا ہے.

رپورٹ کے مطابق گزشتہ مالی سال 2017۔18ء4 کے پہلے 9 ماہ کے دوران سوزکی موٹر سائیکلوں کی فروخت 15ہزار 971 یونٹس رہی جو رواں مالی سال 2018۔19ء4 کے اسی عرصہ کے دوران 17ہزار 873 یونٹس تک بڑھ گئی۔ اس طرح گزشتہ مالی سال 2017۔18ء4 میں جولائی تا مارچ کے مقابلہ میں رواں مالی سال 2018۔19ء4 کے اسی عرصہ کے دوران سوزکی موٹر سائیکلوں کی فروخت میں 19سو 2یونٹس یعنی 11.90فیصد کا اضافہ ریکارڈ کیا گیا۔