Tag ایمرا نیوز

کراچی(ایمرا نیوزآن لائن)
سابق صدرآصف علی زرداری نے کہا ہے کہ حکومت نیشنل ایکشن پلان پرمن وعن عمل کرنے میں ناکام رہی ہے۔جمعہ کو سابق صدرآصف علی زرداری نے کوئٹہ میں دہشت گردی کی مذمت کرتے ہوئے کہا کہ دہشت گردی میں معصوم انسانوں کونشانہ بنایا گیا ہے، حکومت نیشنل ایکشن پلان پرمن وعن عمل کرنے میں ناکام رہی ہے۔آصف زرداری نے شہیدوں کے ورثاء4 سے ہمدردی اورافسوس کا اظہارکرتے ہوئے کہا کہ حکومت دہشت گردوں اورمنصوبہ سازوں کوقانون کی گرفت میں لائے۔

کراچی( ایمرا نیوزآن لائن)
فیڈرل انویسٹی گیشن ایجنسی (ایف آئی اے )نے منی لانڈرنگ میں ملوث افراد کیخلاف ایکشن تیز کرتے ہوئے کراچی کے علاقے صدر میں حوالہ ہنڈی میں ملوث ملزم گرفتار کر لیا گیا جبکہ کوئٹہ میں بھی 2ملزمان کو دھر لیا گیا۔ ملزمان کے قبضے سے غیر ملکی کرنسی بھی برآمد کی گئی۔منی لانڈرنگ کرنیوالوں کے گرد گھیرا مزید تنگ کر دیا، ایف آئی اے کی مختلف شہروں کارروائیاں، کراچی صدر میں کوہ نور مارکیٹ میں ایف آئی اے نے چھاپہ مار کر حوالہ ہنڈی یں ملوث ملزم کو گرفتار کر لیا۔

کارروائی کے دوران 40 لاکھ روپے کی کرنسی برآمد ہوئی۔ایف آئی اے نے کوئٹہ کے علاقے جناح روڈ پر بھی کریک ڈاؤ ن کیا، حوالہ ہنڈی میں ملوث دوملزمان نعمت اللہ اور حبیب الرحمن کو گرفتارکر لیا۔ چھاپے کے دوران اڑھائی کروڑ سے زائد کی ملکی وغیرملکی رقم سمیت بڑی تعداد میں بینکوں کے چیکس بھی برآمد کر لئے گئے۔ ایف آئی اے کے مطابق ملزمان منی لانڈرنگ میں بھی ملوث ہیں جن سے ان کے ایک اور ساتھی سے متعلق تفتیش جاری ہے۔

واشنگٹن(ایمرا نیوزآن لائن)
وزیر خزانہ اسد عمر نے کہا ہے کہ آئی ایم ایف کیساتھ جلد پروگرام مکمل ہو جائیگا‘ بھارت کیساتھ مسائل اور تجارت پر بات چیت کا ارادہ ہے، امید ہے نئی دہلی کی نئی حکومت ہمارے ساتھ بیٹھے گی،ترکی کیساتھ اسٹریٹکجک اکنامک فریم ورک پر ایک ماہ میں دستخط کریں گے ، استعفے سے متعلق خبریں بے بنیاد ہیں۔جمعہ کو امریکی دارالحکومت واشنگٹن میں میڈیا سے گفتگو کے دوران صحافی نے ان کے استعفے سے متعلق زیر گردش افواہوں سے متعلق سوال کیا تو وفاقی وزیر خزانہ اسد عمر نے اس کا جواب شعر پڑ ھ کردیا، ہزاروں خواہشیں ایسی کہ ہر خواہش پہ دم نکلے۔

انہوں نے کہا کہ وزیراعظم کے بغیر بیرون ملک جاتا ہوں تو ایسی باتیں کی جاتی ہیں تاہم میں کہیں نہیں جارہا، عمران خان نے کہا تھا کہ پاکستان کو تمہاری ضرورت ہے۔وزیر خزانہ نے کہا کہ آئی ایم ایف کیساتھ پروگرام جلد مکمل ہو جائیگا، آئی ایم ایف کی شرائط سے پہلے ہی بنیادی تبدیلیاں کی جا چکی ہیں اور اگلا کام بنیادی ڈھانچے میں اصلاحات کا کرنا ہے، ہم پاکستان میں بنیادی ڈھانچے کی اصلاحات پر یقین رکھتے ہیں۔وزیر خزانہ کا کہنا تھا کہ خطرناک حد تک ادائیگیوں کے توازن کا بحران تھا جس سے نمٹنے کے لیے اقدامات لیے اور قیمتوں میں اضافے سے متعلق اقدامات پہلے ہی لیے جا چکے ہیں.

ہم نے آپشنز پیدا کیے تھے اس لیے فوری طور پر آئی ایم ایف سے معاہدہ نہیں کیا، معیشت میں ایسے اقدامات لینے پڑتے ہیں۔اسد عمر نے کہا کہ پہلے آئی ایم ایف کی تجاویز پاکستان کی معیشت کے لیے بہتر نہیں تھیں، اس لیے اْس وقت تک معاہدہ نہیں کیا جب تک وہ ہمارے سامنے ایسی تجاویز نہ رکھے جو معیشت کی بہتری کے لیے ہوں،۔وزیر خزانہ نے بتایا کہ فروری میں جاری کھاتوں کا خسارہ پچھلے سال کے مقابلے میں 72 فیصد کم تھا اور ہر ماہ تجارتی خسارے میں کمی آرہی ہے اور قلیل مدتی فنانسنگ کا بھی انتظام کرلیا، آئی ایم ایف پروگرام معیشت کو بہتری کی طرف لے جا سکیگا۔ان کا کہنا تھا کہ علاقائی تجارت سے خطے کے عوام کی بہتری ہوگی.

بھارت کے ساتھ دوطرفہ مسائل اور تجارت پر بات چیت کا ارادہ ہے، امید ہے بھارت میں آنے والی نئی حکومت پاکستان کے ساتھ بیٹھے گی۔اسد عمر نے کہا کہ ترکی کے ساتھ اسٹریٹکجک اکنامک فریم ورک کا ڈرافٹ تیار کرلیا جس پر ایک ماہ میں دستخط کریں گے جب کہ ترکمانستان کے ساتھ گیس پائپ لائن معاہدہ ہوچکا ہے، آج افغانستان کے وزیرخزانہ اور تاجکستان کے نائب وزیر خارجہ سے ملاقات ہوئی، دونوں ممالک کے ساتھ تجارت بڑھا سکتے ہیں۔

اسلام آباد( ایمرا نیوزآن لائن)
وزیراعظم عمران خان نے کہا ہے کہ سی ڈی اے پلاٹوں کی نیلامی انتہائی کامیاب رہی ، نیلامی سے تاریخ میں سب سے زیادہ 11 ارب 28 کروڑ روپے ملے۔جمعہ کو سماجی رابطے کی ویب سائٹ ٹوئٹر پر عمران خان نے اپنے ٹوئٹ میں کہا کہ سی ڈی اے پلاٹوں کی نیلامی انتہائی کامیاب رہی ، نیلامی سے تاریخ میں سب سے زیادہ 11 ارب 28 کروڑ روپے ملے،انہوں نے کہا کہ پلاٹس کی تاریخی نیلامی 2 اہم چیزوں کی نشاندہی کرتی ہے، نیلامی مستقبل کی معیشت پراعتمادکی مظہرہے اوریہ بھی ثابت ہوتاہے ماضی میں کرپشن کے ذریعے کتنی رقم ضائع کی گئی۔

لاہور(ایمرا نیوزآن لائن)
نوجوان گلوکار عبدالجبار منشا کے گیت’’اک سچا رب دا نام نام ‘‘کی عکسبندی مکمل کرلی گئی،اس ویڈیوگیت کوشیخوپورہ کے خوبصورت مقامات پر ماڈل معرف ماڈلز پرعکسبندکیا گیا،اس ویڈیوگیت کوجلد باؤ پروڈکشن کے تعاون سے پاکستان کی معروف نجی ریلیزنگ کمپنی سے ریلیز کر دیا جائیگا،ایک ملاقات کے دوران گلوکارعبدالجبار منشا کا کہنا تھا کہ ویڈیوگیت’’اک سچا رب دا نام نام ‘میں پنجاب کے حقیقی کلچرکی عکاسی کی گئی ہے،جوکہ میرے پرستاروں کوبہت پسندآئے گا،انہوں نے کہا کہ ان کے گیتوں پرمبنی نیو البم پر بھی کام جاری ہے جس کے گیتوں کی عکسبندی جلدہی پاکستان بھرکے خوبصورت مقامات پر کی جائیگی۔

لاہور (ایمرا نیوزآن لائن)
پروگرام ’’ ٹر یبیوٹ ٹوشاہدہ منی‘‘میں بھگڑا کوئین میگھا نے میلہ لوٹ لیا۔تفصیلات کے مطابق تفصیلات کے میلوڈی کوئین شاہدہ منی کو خراج تحسین پیش کرنے کیلئے شزشتہ روز ا لحمرا کلچر کمپلیکس میں ایک شام سجائی گئی جس میں سیاسی و سماجی شخصیات سمیت شوبز ستاروں نے بڑی تعداد میں شرکت کی ،اس خوبصور ت تقریب میں شوبز فنکاروں نے خوبصورت انداز میں اپنے اپنے فن کا مظاہرہ کر کے میلوڈی کوئین شاہدہ منی کو ’’’ ٹر یبیوٹ‘‘پیش کیا ،اس موقع پر بھگڑا کوئین میگھا نے اسپیشل اس تقریب کیلئے تیار کردہ سونگ ’’میلوڈی کوئین ہے وہ جی‘‘سنا کر میلوڈی کوئین شاہدہ منی کو ’’ ٹر یبیوٹ‘‘پیش کیا ،میگھا نے پرجوش انداز میں اس گیت کو سنا کر تقریب کو چار چاند لا دیئے اور شرکا سے تالیوں اور سیٹھیوں کی گونج سے داد وصول کی ۔

لاہور( ایمرا نیوزآن لائن)
لاہور ہائیکورٹ نے خودکشی کرنے والے پولیس اہلکار کو شہید قراردینے کیلئے درخواست پر فیصلہ محفوظ کرلیا۔ تفصیلات کے مطابق لاہو رہائیکورٹ میں خودکشی کرنے والے پولیس اہلکار کو شہید قرار دینے کیلئے درخواست پر سماعت ہوئی، جسٹس ساجد محمود سیٹھی نے درخواست پر سماعت کی،درخواست میں موقف اختیار کیا گیا ہے کہ اے ایس آئی عظیم نے تھانہ ڈیفنس میں خودکشی کی،خودکشی کرنے والے اہلکارکوشہید کادرجہ نہیں دیاجارہا،درخواست میں استدعا کی گئی ہے کہ عدالت اہلکارعظیم اختر کو شہید قراردینے کاحکم دے۔ایس پی لیگل نے موقف اختیار کیا کہ اسلام میں خودکشی حرام ہے،خودکشی کرنے والے اہلکارکوشہید قرارنہیں دے سکتے، لاہورہائیکورٹ نے دلائل سننے کے بعد درخواست پرفیصلہ محفوظ کرلیا ۔

کراچی(ایمرا نیوز آن لائن )

پاکستان کے سمندرمیں تیل وگیس کیذخائر کی تلاش میں بڑی کامیابی کا امکان ہے، ذخائر کیلئے ڈرلنگ کا کام آخری مراحل میں داخل ہوگیا۔تفصیلات کے مطابق، کراچی کی ساحلی پٹی پر جاری کیکٹرا ون پروجیکٹ میں اہم پیش رفت ہوئی ہے۔ذرائع کے مطابق ،ڈرلنگ کا کام آخری مراحل میں ہے، 5ہزار میٹر تک کھدائی مکمل کرلی گئی۔امریکی کمپنی ایگزون موبل حاصل کردہ نتائج کی رپورٹ وزیراعظم کو پیش کرے گی، کھدائی میں مدر رگ شپ اور سپلائی ویسلز نے کام سرانجام دیا ہے۔ ایگزون موبل کے ساتھ پی پی ایل، اوجی ڈی سی ایل اور ای این آئی بھی ڈرلنگ کے عمل میں شریک ہیں۔ذرائع کا کہنا ہے کہ کراچی کی ساحلی پٹی میں تیل و گیس کے بڑے ذخئر ہیں، جن کی دریافت کے بعد پاکستان کے تیل کے درآمدی بل میں کمی آئے گی، گزشتہ سال پاکستان نے تقریبا سترہ ارب ڈالر کا تیل درآمد کیا تھا۔

طرابلس(ایمرا نیوز آن لائن )
لیبیا کی سرکاری فوج کے ترجمان میجر جنرل احمد المسماری نے کہا ہے کہ دارالحکومت طرابلس میں شدت پسندوں کے خلاف جاری آپریشن میں 28 فوجی ہلاک اور 92 زخمی ہوئے ہیں۔ ایک پریس کانفرنس سے خطاب میں ترجمان نے کہا کہ طرابلس آپریشن کو کامیاب بنانے کے لیے فوج کو ہرطرح کی سہولیات اور ضروری سامان فراہم کیا جائے گا۔ایک سوال کے جواب میں جنرل المسماری کا کہنا تھا کہ طرابلس لڑائی میں کسی فوجی کے لاپتا یا گرفتار ہونے کا کوئی واقعہ پیش نہیں آیا۔

انہوں نے طرابلس کی قومی وفاق حکومت کی طرف سے بعض فوجیوں کی گرفتاری کی خبردوں کی تردید کی۔ایک سوال کے جواب میں انہوں نے کہا کہ لڑائی میں 28 لیبی فوجی ہلاک اور 92زخمی ہوئے۔ ان میں سے 25 کو علاج کے بعد اسپتالوں سے نکال دیاگیا ہے جب کہ 5 انتہائی نگہداشت وارڈ میں زیرعلاج ہیں۔لیبی فوج نے طرابلس ہوائی اڈے کا کنٹرول مکمل طورپر اسنبھالنے کے بعد ہوائی اڈے پر موجود بعض عناصر کو حراست میں لیلیا ہے۔ترجمان نے کہا کہ مصرات کے ہوائی اڈے سے اڑنے والے طیاروں نے الغریانی کے مقام پر تین فضائی حملے کیے ہیں۔خیال رہے کہ لیبی فوج دارالحکومت طرابلس میں داعش اور القاعدہ سے منسلک شدت پسند گروپوں کے خلاف برسرپیکار ہے۔

عوام کو ایک روٹی کھانے کا مشورہ دینے والے سپیکر خیبر پختونخواہ مشتاق غنی کی اسمبلی میں صرف ایک بل کی منظوری پر ایک کروڑ روپے خرچ ہونیکا انکشاف

پشاور (ایمرا نیوزآن لائن)
عوام کو ایک روٹی کھانے کا مشورہ دینے والے سپیکر خیبرپختونخواہ مشتاق غنی کی اسمبلی میں ایک بل کی منظوری پر تقریباً ایک کروڑ روپے سے زائد کا خرچ کئے جانے کا انکشاف ہوا ہے ۔ میڈیا رپورٹ کے مطابق پاکستان تحریک انصاف کی حکومت آنے کے بعد وزیراعظم عمران خان نے کفایت شعاری اور سادگی کی پالیسی اپنانے اور عوام کے ٹیکس کے پیسوں کی حفاظت کرنے جیسے کئی وعدے کیے، لیکن وقت گزرنے کے ساتھ ساتھ موجودہ حکومت کے یہ دعوے محض دعوے ہی ثابت ہوئے۔ خیبرپختونخواہ اسمبلی سے متعلق ایک انکشاف سامنے آیا کہ خیبرپختونخواہ اسمبلی میں ایک بل منظور کیے جانے پر ایک کروڑ روپے کا خرچ آتا ہے۔ خیبر پختونخوا ہ اسمبلی کے صرف 31 دنوں کے سیشنز پر 13 کروڑ 93 لاکھ روپے سے زائد رقم اْڑا دی گئی۔ اور صرف ایک بل کی منظوری پر ایک کروڑ روپے سے زائد کا خرچ آیا۔ خیبرپختونخواہ اسمبلی کے 7 ماہ میں 31 اجلاس ہوئے لیکن اراکین نے 47 دنوں کی مراعات حاصل کیں۔ 31 دنوں میں اسمبلی کے 6 سیشن ہوئے جس میں 14 بل پاس کئے گئے۔ ایک بل کی منظوری پر 99 لاکھ 51 ہزار روپے سے زائد کا خرچ آیا۔ مجموعی شاہ خرچیاں 13 کروڑ 93 لاکھ 26 ہزار تک جا پہنچیں، جسے اپوزیشن اراکین نے وقت اور پیسے کا ضیاع قرار دے دیا۔