Tag ایمرا نیوز

الاس اینجلس ( ایمرا نیوزآن لائن )
ہالی وڈ اداکار بورس کوجوئے نے فلم سے ہدایت کاری کی دنیا میں قدم رکھ دیا۔ذرائع ابلاغ کے مطابق بورس کوڈجوئے کی بطور ہدایت کار پہلی فلم ون نائٹ مصنف ایرک جیروم ڈکی کے ناول ون نائٹ پر مبنی ہے جو 2 اجنبیوں کے گرد گھومتی ہے جو ایک رات میں اپنے مستقبل کی جھلک دیکھنے کے لئے تمام حدیں پار کر جاتے ہیں۔ فلم کی پیشکش کارول شائن اور کرس بیل دیں گے۔

اسلام آباد( ایمرا نیوزآن لائن )
پاکستانی معروف ڈرامہ خانی کی مصنفہ اسما نبیل بھی مہوش حیات کو صدارتی ایوارڈ ملنے کے حق میں بول پڑیں۔ نجی اخبار کو دیئے گئے خصوصی انٹرویو میں اسما نبیل نے کہا ہے کہ مہوش حیات کو صدارتی ایوارڈ ملنے پر ان کے ساتھ جو کچھ ہورہا ہے، وہ اچھا نہیں، مہوش نے کئی سپر ہٹ ڈراموں اور فلموں میں عمدہ کام کیا ہے۔انہیں صدارتی ایوارڈ ملنا اچھی بات ہے۔ڈرامہخانی کی غیر معمولی مقبولیت کے بارے میں بتایا کہ یہ ٹیم ورک تھا، ڈرامہ میں ثنا جاوید اور فیروز خان کی کیمسٹری بہت اچھی تھی۔

میرے لکھے ہوئے ڈرامے ناظرین کے دل میں اتر رہے ہیں۔ ڈرامے کا ٹائٹل سانگ استاد راحت فتح علی خان نے بہت ہی خوب صورت انداز میں گایا تھا۔ انہوں نے کہا کہ میرے نزدیک فیروز خان میں ایک بڑا فن کار ہونے کی تمام صلاحیتیں موجود ہیں۔ آنے والے دنوں میں وہ شوبز انڈسٹری کے صف اول کے فن کار ثابت ہوں گے۔ انہوں نے ایک سوال کے جواب میں کہا کہ میری کامیابی کے پیچھے میرے بھائی ہیں، اگر وہ میری مدد نہ کرتے تو شاید آج اس مقام تک نہیں پہنچتی۔

لاس اینجلس ( ایمرا نیوزآن لائن )
کینیڈین نژاد امریکی گلوکار جسٹن بیبر نے کینیڈین گلوکار شاون منڈیس کو پرنس آف پاپ کے خطاب ملنے پر تضحیک آمیز پوسٹ جاری کر دی۔ذرائع ابلاغ کے مطابق کینیڈین گلوکار شاون منڈیس گارڈین ابزرور میگزین کی جانب سے پرنس آف پاپ کا خطاب دیا گیا جس پر گلوکار جسٹن بیبر نے انسٹاگرام پر ان کا مذاق اڑایا اور انہیں چیلنج دیا کہ وہ ہاکی میچ کھیل کر کوئی نیا ریکارڈ بنائیں۔

نیویارک( ایمرا نیوزآن لائن )
ہالی ووڈ کی سپرنیچرل سپر ہیرو ایکشن ایڈونچر فلم ‘ہیل بوائے ‘کا نیا ٹریلرجاری کر دیا گیا ۔ہدایتکارنیل مارشل کی اس سنسنی خیز فلم کی کہانی ایک ایسے غیر معمولی طاقتور سپر ہیرو کردار کے گرد گھوم رہی ہے جو جہنم کا دروازہ کھولتا ہے اور آگ سے جھلستا بھی نہیں ہے۔غیر معمولی صلاحیتوں کا مالک ہیل بوائے کا طاقتور بازو جہنم کے دروازے کی چابی ہوتا ہے جس کی مدد سے وہ دوزخ کو دروازہ کھولتے یہوئے دشمنوں کا بھرپور مقابلہ کرتا ہے۔لارنس گورڈن اورمائیک رچرڈ سن کی مشترکہ پروڈکشن میں بننے والے اس سپر نیچرل فلم میں مرکزی کردار معروف ہالی وڈ اسٹار ڈیوڈ ہاربر نبھا رہے ہیں جن کے علاوہ ملا جوووچ،ایئن میک شین ،ساشا لین ،پینی لوپ بھی اہم کردار نبھا رہے ہیں #/

اداکارہ عالیہ بھٹ کا کہنا ہے کہ نئی فلم کلنک میں اپنے کردارکو بخوبی نبھانے کے لیے پاکستانی ڈرامے زندگی گلزارہے کو دیکھا اوربہت کچھ سیکھا تھا۔

ممبئی(ایمرا نیوز آن لائن )
بھارت میڈیا رپورٹس کے مطابق بالی ووڈ اداکارہ عالیہ بھٹ نے ایک انٹرویو کے دوران اس بات کا انکشاف کیا کہ انہوں نے اپنی نئی فلم کلنک میں اپنے کردارکو بہترین انداز میں ادا کرنے کے لیے پاکستانی اداکارہ صنم سعید کی اداکاری سے بہت کچھ سیکھا ہے۔ عالیہ بھٹ نے کہا کہ انہوں نے اپنے کردارکے لیے فلم مغل اعظم، امراجان بھی دیکھی جب کہ فلم کے ہدایتکارنے انہیں پاکستانی ڈرامے زندگی گلزارہے بھی دیکھنے کا کہا جس میں فواد خان اور صنم سعید نے مرکزی کردار نبھائے تھے۔

اداکارہ نے کہا انہوں نے یہ فلمیں اورڈرامہ اپنے کرداراورزبان کی بہترین ادائیگی کے لیے دیکھا۔ اداکارہ نے بتایا کہ ہدایتکارنے انہیں زندگی گلزارہے، ڈرامے کو اس لیے دیکھنے کوکہا تھا کیونکہ اس میں ادا کیا گیا صنم سعید کا کردارمیرے کردارسے ملتا جلتا تھا، ایسی لڑکی جس کے کندھوں پربہت سی ذمہ داریاں ہوتی ہیں جب کہ وہ خوش رہنے والی انسان بھی نہیں ہوتی لیکن پھربھی وہ ایک حوصلہ مند لڑکی ہوتی ہے۔عالیہ نے کہا کہ ایک کردارمیں اتنے سارے زاویوں کوایک ساتھ اپنے کردارمیں لانا مشکل ہوتا ہے۔ اداکارہ نے مزید کہا کہ وہ اس فلم کا حصہ بن کر بہت خوش ہیں کیونکہ وہ اس فلم میں بہت سے اداکاروں کے ساتھ کام کریں گی اور ہر کسی سے کچھ نہ کچھ سیکھیں گی۔

زندہ جانوروں کی بیرون ملک سمگلنگ سے چمڑے کی صنعت مشکلات کا شکار ہے، پاکستان لیدر پراڈکٹس مینوفیکچررز اینڈ ایکسپورٹرز ایسوسی ایشن

فیصل آباد( ایمرا نیوزآن لائن )
زندہ جانوروں کی بیرون ملک سمگلنگ سے چمڑے کی صنعت مشکلات کا شکار ہو نے لگی ہے لہذا اگر حکومت کی جانب سے بیرون ممالک زند ہ جانوروں کی بڑھتی ہوئی سمگلنگ کو روکنے کیلئے اقدامات نہ کئے گئے تو پاکستانی لیدر انڈسٹری بحران کا شکار ہو جائے گی اور دوسری جانب عوام کو بھی مہنگے داموں گوشت کی خریداری کا سامنا کرنا پڑسکتاہے۔پاکستان لیدر پراڈکٹس مینوفیکچررز اینڈ ایکسپورٹرز ایسوسی ایشن کے ترجمان نے میڈیا سے بات چیت کے دوران کہاکہ ملک کے زمینی راستوں کے ذریعے بکروں ، گائے کی بیرون ملک ترسیل سے چمڑے کی صنعت کو کئی دشواریاں در پیش آ رہی ہیں ۔ انہوں نے حکومت سے اپیل کی کہ ملک کو سالانہ اربوں ڈالر کا ریونیو و زر مبادلہ فراہم کرنے والی چمڑے کی صنعت کو مشکل حالات سے بچانے کیلئے فوری اقدامات کو یقینی بنایاجائے۔

بیجنگ( ایمرا نیوزآن لائن )
چین نے مختلف اشیا پر ٹیکسوں کی شرح میں کمی کا اعلان کیا ہے۔ محکمہ ٹیکس کے اعلامیہ کے مطابق اشیا خورد ونوش ، ادویات ، ٹیکسٹائیل کے علاوہ آئی ٹی مصنوعات پر ٹیکس کی شرح کم کر دی گئی ہے۔اشیا خوردنوش ، فرنیچر اور ادویات پر ٹیکس کی شرح 15فیصد سے کم کر کے 13فیصد کر دی گئی ہے اس کے علاوہ الیکٹرونکس ،کھیلوں کے سامان وغیرہ پر ٹیکس 25 فیصد سے کم کر کے 20 فیصد کردیا گیا ہے۔سرکاری ترجمان کے مطابق ٹیکسوں کی شرح میں کمی کا مقصد مقامی مصنوعات کے استعمال کی حوصلہ افزائی اور برآمدات میں اضافہ کرنا ہے۔

بجلی گیس کی قیمتوں میں اضافہ سے معاشی ترقی کی رفتار میں کمی ،مہنگائی میں اضافہ ہوگا سیکرٹری اطلاعات پا کستان انٹرپرنیورزفورم

لاھور( ایمرا نیوزآن لائن )
پاکستان انٹرپرنیورزفورم کے سیکرٹری اطلاعات زاہد بخار ی نے عالمی بینک کی پاکستان کی معیشت پر جاری رپورٹ پر تشویش کا اظہار کیا ہے جس میں امکان ظاہر کیا گیا ہے کہ اگلے سال پاکستان کی شرح نمو 2.7تک سکڑنے کا خدشہ ہے جبکہ رواں مالی سال میں شرح نمو 3.4فیصد تک رہنے کا امکان ہے ۔ان خیالات کا اظہار انہوں نے صنعتکاروں کے وفد سے گفتگو کرتے ہوئے کیا۔انہوں نے کہا کہ عالمی بینک کی پاکستانی معیشت پر رپورٹ پر معاشی ترقی میں اضافہ کیلئے فوری اقدامات کیے جائیں ۔عالمی بینک اور اس سے قبل ایشیائی ترقیاتی بنک اور بین الاقوامی اداروں ایک مہم کے ذریعے پاکستانی معیشت پر منفی ر پورٹس جاری کررہے ہیں تاکہ پاکستان ان سے متاثر ہوکر آئی اگلے سال پاکستان کی شرح نمو 2.7تک سکڑنے کا خدشہ ہے جبکہ رواں مالی سال میں شرح نمو 3.4فیصد تک رہنے کا امکان ہے.

میں اور وقار بھی اتنی عمر میں ٹیم میں آئے ، حسنین جتنا زیادہ ٹیم کیساتھ رہیگا اس میں اتنا اعتماد بڑھے گا اور فٹنس بہتر ہو گی:سابق کپتان

لاہور(ایمرا نیوز آن لائن )
پاکستان کے مایہ ناز سابق فاسٹ بالر وسیم اکرم نے محمد حسنین کی ورلڈکپ سکواڈ میں شمولیت کی مخالفت کرنے والوں کو بہترین جواب دیدیا ہے۔تفصیلات کے مطابق 52 سالہ وسیم اکرم کا کہنا ہے کہ محمد حسنین کو روکنے والے آخر کیا چاہتے ہیں؟ جب میں قومی ٹیم میں آیا تو صرف 17 سال کا تھا اور کسی بھی طرح کی کرکٹ نہیں کھیلی تھی اور جب وقار یونس قومی ٹیم میں آئے تو صرف 18 سال کے تھے اور انہوں نے بھی بمشکل کوئی فرسٹ کلاس میچ کھیلا ہو گا۔وسیم اکرم نے مزید کہا کہ محمد حسنین جتنا زیادہ ٹیم کیساتھ رہے گا اس میں اتنا ہی اعتماد بڑھے گا اور فٹنس بھی بہتر ہو گی۔

وسیم اکرم کا مزید کہنا تھا کہ میں سمجھتا ہوں محمد عامر بہترین بالر ہے ان پر تنقید مناسب نہیں ہے۔ورلڈ کپ کا فارمیٹ والا ہے، پاکستان ٹیم کے چانسز ہیں، اچھا کھیلنا پڑے گا۔انہوں نے کہا کہ بدقسمتی سے ہمیں کوئی نیا بیٹسمین نہیں مل رہا ہے، کرکٹ کے معاملے پر ہمیں معیار کی طرف دیکھنا چاہئے۔واضح رہے کہ کپتان قومی کرکٹ ٹیم سرفراز احمد کا کہنا تھا کہ محمد عامر کو اپنی کارکردگی پر فوکس کرنے کی ضرورت ہے، ٹیم کا سٹرائیک بالر وکٹیں نہ لے رہا ہو تو کپتان کو پریشانی ہوتی ہے۔

تھرکول منصوبے کے پہلے یونٹ سے بجلی کی پیداوار ملک کی توانائی کی تاریخ کا ایک سنہرا باب ہے، ترجمان پی پی آئی بی

اسلام آباد (ایمرا نیوز آن لائن )
660 میگاواٹ کی صلاحیت کے حامل اور دو یونٹس پر مشتمل تھرکول پاور پراجیکٹ کا افتتاح آج بدھ کو ہو گا۔ پرائیویٹ پاور انفراسٹرکچر بورڈ ( پی پی آئی بی ) کے ترجمان کے مطابق پی پی آئی بی کی کوششوں کے ثمرات سامنے آرہے ہیں اور پی پی آئی بی کے ذریعے تھرکول منصوبے کے پہلے یونٹ سے بجلی کی پیداوار ملک کی توانائی کی تاریخ کا ایک سنہرا باب ہے۔اس منصوبے سے توانائی کے تحفظ کو یقینی بنانی, توانائی کے شعبے میں خود کفالت حاصل کرنے اور روزگار کے ہزاروں مواقع فراہم کرنے میں مدد ملے گی۔

یہ منصوبہ چین پاکستان اقتصادی راہداری کا حصہ ہے اور یہ ملک میں توانائی کے لئے بڑے منصوبوں اور بنیادی ڈھانچے کی ترقی کے منصوبوں کے لئے گیم چینجر ثابت ہوگا۔ تھرکول پاور پراجیکٹ اینگرو پاورجن لمیٹڈ، چائنا مشینری انجینئرنگ کارپوریشن، حبیب بینک لمیٹڈ اور لبرٹی ملز لمیٹڈ کا مشترکہ منصوبہ ہے، منصوبے پر کام کا آغاز 4 اپریل 2016 میں مالیاتی معاملات کو حتمی شکل دیئے جانے اور سکیورٹی پیکج معاہدوں پر دستخط کے بعد ہوا تھا۔