Tag نوازشریف

لاہور(ویب ڈیسک)مسلم لیگ کی نائب صدر مریم نواز نے کہا ہے کہ وزیراعظم عمران خان کے گرد پٹرول مافیا نے گھیرا ڈالا ہوا ہے۔مریم نواز نے جاتی امراء رائیونڈ میں میڈیا سے گفتگو کرتے ہوئے کہا کہ پٹرول اور ڈیزل مافیا نے عمران خان کے اردگرد گھیرا ڈالا ہوا ہے، عوام کے پیسے سے ان سب کی جیبیں بھری گئی ہیں، موجودہ حکومت میں ہر چیز مہنگی ہوگئی ، ہر ایک کےپاس ایسی اے ٹی ایمز نہیں ہوتیں جو عمران خان کا کچن چلاتی ہیں ، پینڈورا پیپرز سے عمران خان کی اے ٹی ایم کے نام سامنے آئے ، ملک میں بہت سے لوگوں کی آمدن بیس ہزار سے کم ہے، سب بنی گالا میں نہیں رہتے ، حکومت نے عوام کو جتنا درد اور تکلیف دی اس کا ازالہ نہیں ہوسکتا ، حکومت کو یہ پتہ نہیں آج گئی یا کل گئی ، لوگ بجلی،گیس کے بل کہاں سے بھریں گے۔
مریم نواز نے کہا کہ ملک میں ڈینگی سے نہیں بلکہ حکومتی نالائقی سے اموات ہورہی ہیں، حکمرانوں کی پہلے اپوزیشن سے انتقام پر توجہ تھی اور اب حکومت بچانے پر ہے، عوام جانتے ہیں ملک سے کیا کھیل کھیلا جارہاہے، شہبازشریف اقتدار میں ہوتے تو ادویات گھروں میں پہنچتی تھیں، عمران خان ان پر ڈرامہ کرنے کا الزام لگاتے تھے، یہ اتنی بے حس حکومت ہے جس سے ڈرامہ بھی نہیں ہورہا، عوام جھولی اٹھاکر حکومت کو بددعا دے رہے ہیں، ن لیگ اور پی ڈی ایم شاید ابھی لانگ مارچ کی تیاری نہیں کررہیں، حکومت نے خود اپنے خلاف لانگ مارچ کی تیاری کرلی ہے، پہلے حکومت کی اپوزیشن کو مارنے کی کوشش تھی اور اب خود کو بچانے پر توجہ ہے، اپنی نالائقی سے حکومت کا 9 سال کا پلان تباہ و برباد ہوگیا ہے، 2023 تو دور کی بات حکمرانوں کیلئے 2021ء مکمل کرنا مشکل ہے، روز ان کی دوڑیں لگ رہی ہیں اور ہمیں چیزیں نظر آرہی ہیں، نوشتہ دیوار کو پڑھنا مشکل نہیں۔
مریم نواز کا کہنا تھا کہ عمران خان حکومت کو بچانے کے لیے جوڑ توڑ حساب کتاب میں مصروف ہیں کہ ع سے شروع ہوتا ہے یا ف سے، مارچ ٹھیک یا دسمبر ٹھیک ہے، وہ ان چیزوں میں الجھا ہے اس کی بلا سے غریب عوام پس جائے، غریب آدمی ختم ہوجائے۔
امریکی سفارتخانے کی ناظم الامور انجیلا ایگلر سے ملاقات سے متعلق سوال کے جواب میں مریم نواز نے کہا کہ ان سے بہت سے معاملات پر بات ہوئی ہے، جو لوگ امریکی صدر جوبائیڈن کے فون کا انتظار کررہے ہیں ان کے لیے تو یہ ایک بہت بڑی خبر ہے، میں نے اپنی اور ن لیگ کی طرف سے پاکستان سے متعلق خدشات سے امریکی ناظم الامور کو آگاہ کیا، ملاقات میں پارٹی کے سینئر لوگ بھی شریک ہوئے تھے۔

مریم نواز نے مزید کہا کہ کسی کا نام نہیں لوں گی لیکن ہر پارٹی میں ہر طرح کے لوگ ہیں اور ہر قسم کی سوچ ہوتی ہے، ہماری پارٹی میں جو لوگ ڈر رہے تھے ان کا ڈر بھی اب اتر گیا ہے اور پتہ چل گیا کہ نواز شریف جو کہہ رہے تھے ٹھیک کہہ رہے تھے۔

لاہور(ویب ڈیسک) وزیرداخلہ شیخ رشید کا کہنا ہے کہ شہبازشریف مفاہمت کی کوشش کرتی ہیں، مریم جھاڑو پھر دیتی ہے۔
لاہور میں میڈیا سے بات کرتے ہوئے وفاقی وزیر داخلہ شیخ رشید کا کہنا تھا کہ اداروں کے خلاف بیانات دیئے جارہے ہیں، مریم نواز پاک فوج کے خلاف بڑے خونی بیان دے رہی ہے ، مریم نواز اداروں کے خلاف جو بیانات دے رہی ہیں وہ غیر ذمہ دارانہ رویہ ہے، فوج جمہوریت کے ساتھ ہے، کل ان کی سیاست ختم ہوئی تو مریم نوازذمہ دار ہوں گی،
شیخ رشید کا کہنا تھا کہ نوازشریف کا وقت گزر گیا، مریم نوازشہبازشریف کے محنت پر پانی پھیر دیتی ہیں، شہبازشریف مفاہمت کی کوشش کرتے ہیں مریم اس پر جھاڑو پھر دیتی ہیں، الیکشن کےقریب پیپلزپارٹی اور ن لیگ کی نئی صف بندی دیکھ رہاہوں، ن لیگ پاک فوج کے خلاف بیانیئے کی سزا بھگت رہی ہے، نواز شریف کا پاک فوج کی بطور ادارہ عزت کرنے کا تاثر کھسیانی بلی کھمبہ نوچے کے مترادف ہے، پاکستان کے حساس اداروں کو نشانہ نہیں بناسکتے، پاک فوج قومی ذمہ داریاں شاندار انداز میں نبھا رہی ہے، حکومت کی مدد کرنا فوج کی ذمہ داری میں شامل ہے۔
وزیرداخلہ نے کہا کہ پنڈورا لیکس میں جوبھی ملوث پایاگیا ان کے خلاف کارروائی ہوگی، پنڈورا لیکس کےذمہ دارا ن کے خلاف وزیراعظم انکوائری کا کہہ چکے ہیں، دوزمان پارک کو پنڈورا اسکینڈل میں ملوث کرنے کی ناکام کوشش کی گئی، نتیجہ ٹائیں ٹائیں فش نکلا۔
شیخ رشید کا کہنا تھا کہ ویکسینیشن کو ایک سازش کے تحت بدنام کیا جارہا ہے، مرے ہوئے لوگوں کی ویکسینیشن کی خبروں کو سازش کے تحت ہوا دی جارہی ہے، این سی او سی کو دنیا بھرمیں کارکردگی کےباعث پذیرائی حاصل ہے۔

نارروال(ویب ڈیسک) نارروال میں میاں نوازشریف کو ایک دفعہ پھر جعلی ویکسی نیشن لگانے کی خبر منظرعام پرہے،پولیس نے ملزمان کیخلاف ایف آئی آردرج کرکے دونوں کو حوالات میں بندکردیاہے.پولیس نے ملزمان کیخلاف محکمہ صحت کے عملے کی شکایت پر کارروائی کی..

نوازشریف کو ایک دفعہ پھر ویکسی نیشن لگنے کی خبر جنگل کی اگ کی طرح پھیل رہی ہے اور سوشل میڈیا پر بھی دھڑا دھڑ شئیر کی جارہی ہے..

لاہور(ویب ڈیسک)مسلم لیگ ن کی نائب صدر مریم نواز کا کہنا ہےکہ نواز شریف کا وژن تھا سی پیک بناؤ ، سرمایہ کاری لاؤ ، آج عمران خان کا کوئی بیان اٹھالیں وہ بھیک مانگتا نظر آئےگا۔

لاہور میں تقریب سے خطاب کرتے ہوئے مریم نواز کا کہنا تھا کہ منتخب وزیراعظم کہتا تھا ہمیں سرمایہ کاری دو، بھیک نہیں چاہیے، اب عمران خان دنیا کو کہتا ہےکورونا آیا ہے ، پاکستان کی مدد کرو ، معاشی بحران آتا ہے تو دنیا سے ایک ارب اور 50 کروڑ ڈالر مانگتا ہے۔
مریم نواز کا کہنا تھا کہ عوام کو کہا جاتا تھا ووٹ دینا آپ کا حق نہیں، بھیک کے طور پر دیا جاتا ہے، نوازشریف کے بیانیے کی پہلے ہی جیت ہوچکی ہے، قوم کو شعور دلانا لیڈر کے بیانیےکی جیت ہوتی ہے، نواز شریف نےقوم کوبتادیا عوام کےحقوق کیا ہیں، ان کو غصب کون کرتا ہے۔
ان کا کہنا تھا کہ یہ ہمیں ہماری قیادت سے علیحدہ نہیں کرسکتے، جماعت کو نہیں توڑ سکتے،کہاجاتا ہے مسلم لیگ ن میں مفاہمت اور مزاحمت میں بڑی کنفیوژن ہے، یہ کنفیوژن صرف دشمن کی طرف سے پلان کی جاتی ہے، ہمارے بیانیے پر تنقید اس لیے ہوتی ہے کہ بیانیہ صرف ن لیگ کے پاس ہے،کیا نواز شریف کا ووٹ کو عزت دو کا بیانیہ درست ہے یا وہ جو کہتا ہے کہ ووٹ کو پیروں تلے کچل دو ،عوام نے جن کو ووٹ دیا ان کو آر ٹی ایس کے ذریعے ہرا دیا گیا۔مریم نواز کا مزید کہنا تھا کہ اس کے لیے آپ نے ظلم بھی برداشت کرنا ہے اور برے کو برا نہیں کہنا، کیا بیانیہ یہ ہے کہ عوام کے ووٹ کی حرمت جوتےکےنیچے روندکر دوسرےکے ہاتھ میں پکڑادو۔

گوجرانوالہ(ویب ڈیسک)سابق وزیراعظم نواز شریف کا کہنا ہے کہ ہمارا مطالبہ صاف اور شفاف انتخابات ہیں اور یہ ہمارا جمہوری حق ہے۔مسلم لیگ (ن) کے قائد نواز شریف اور صدر شہباز شریف کی زیر صدارت گوجرانوالہ ڈویژن کا تنظیمی اجلاس ہوا۔ جس سے خطاب کرتے ہوئے شہبازشریف نے کہا کہ کنٹورنمنٹ بورڈ کے الیکشن میں پارٹی کو عوام کی خدمت کی بدولت کامیابی ملی، مہنگائی اور بڑھتی بیروزگاری کی وجہ سے عوام نے مسلم لیگ (ن) پر اعتماد کیا، باقی صوبوں کے عوام کے بھی شکر گزار ہیں جہنوں نے مسلم لیگ (ن) پر اعتماد کیا۔

مسلم لیگ (ن) کے قائد نوازشریف نے کہا کہ لاہور،راولپنڈی اور گوجرنوالہ خاص طور سے ہمیشہ سے مسلم لیگ (ن) کے گڑھ رہے ہیں لیکن یہاں کے نتائج بہت مایوس کن رہے ہیں، ہم کو تنظیم کو مضبوط اور طاقتور کرنا ہے، حمزہ شہباز اور مریم نواز باقی عہدیداروں کے ساتھ ملکر اس تنظیم سازی کی نگرانی کریں جن لوگوں کو عہدیدار بنایا جائے ان سے ملاقاتیں کریں۔
نوازشریف نے کہا کہ ہم نے ہمیشہ ملک و قوم کی خدمت کی اس لیے عوام ہم پر اعتماد کرتے ہیں، سبز پرچم اور سبز پاسپورٹ کا جو حال ہے وہ دنیا کے سامنے ہے، یہ حکومت صرف فون آنے اور سننے کا انتظار کرتی ہے، بیروزگاری اور مہنگائی نے عوام کو گہری کھائی میں دھکیل دیا ہے، مالم جبہ، بی آر ٹی، بلین ٹری اور علیمہ باجی کے کیسز کب انجام کو پہنچیں گے۔

سابق وزیراعظم کا کہنا تھا کہ ہمارا مطالبہ صرف شفاف الیکشن ہیں، یہ ہمارا قومی حق ہے اس سے ہمیں کوئی محروم نہیں کرسکتا، آئین کی پاسداری اور پارلیمنٹ کا احترام سب پر لازم ہے، جب تک عدلیہ آزاد نہیں ہوگی ملک آگے نہیں بڑھ سکتا۔

لاہور(ویب ڈیسک) پاکستان مسلم لیگ (ن) کے صدر اور قائد حزب اختلاف شہباز شریف نے کہا ہے کہ الیکٹرانک ووٹنگ مشین پر حکومت کے پاس دلیل نہیں دھمکی ہے۔
شہباز شریف نے سینیٹ کی پارلیمانی امور کی کمیٹی میں حکومتی دھمکیوں کی مذمت کرتے ہوئے کہا ہے کہ الیکٹرانک ووٹنگ مشین پر حکومت کے پاس دلیل نہیں دھمکی ہے، ای وی ایم کا آئیڈیا مسترد کرنے پر حکومت الیکشن کمیشن کو دھمکانے پر اتر آئی ہے۔
شہباز شریف کا کہنا تھا کہ ثابت ہوگیا کہ حکومت کے پاس ووٹنگ مشین پر اٹھنے والے فنی و تکنیکی سوالات کا کوئی جواب نہیں، الیکشن کمیشن نے ووٹنگ مشین کے حوالے سے ٹھوس اور واضح فنی، تکنیکی اور قانونی اعتراضات کئے ہیں، شفافیت کے مسائل کی نشاندہی کی ہے جن کا حکومت کے پاس کوئی جواب نہیں۔
شہباز شریف نے کہا کہ پہلے پارلیمان میں قانون سازی کو بلڈوز کیاگیا اور آج حکومتی رویے پر الیکشن کمشن کے نمائندوں کو واک آؤٹ کرنا پڑا، وزراء کی اداروں کو آگ لگانے، ان کے جہنم میں جانے کی گفتگو ریاست دشمن رویہ ہے، یہ رویہ دہشت گردانہ اور انتہائی قابل مذمت ہے، ووٹنگ مشین پر ارکان کمیٹی اور الیکشن کمیشن کے اعتراضات پر معقول جواب دینے کے بجائے دھمکانہ پی ٹی آئی اور اس کی قیادت کا خاص وتیرہ ہے۔

صدر ن لیگ نے کہا کہ الیکشن کمیشن ارکان کا وزراء کے رویے پر واک آؤٹ کرنے سے حکومتی رویے کا پتہ چلتا ہے، جو حکومت کمیٹی اجلاس میں ارکان کے سوالات پر معقول جواب نہ دے پائے، اس کی قانون سازی اور دعوؤں پر کیسے یقین کیا جاسکتا ہے، جو حکومت کمیٹی کے اجلاس میں سنجیدگی کا مظاہرہ نہیں کر سکتی وہ انتخابی و انتظامی اصلاحات کا سنجیدہ کام کیسے کر سکتی ہے۔شہباز شریف نے مزید کہا کہ مسلم لیگ(ن)نے انتخابی اصلاحات پر 100 سے زائد مشاورتی اجلاس بلائے تھے، موجودہ حکومت کا ایک اجلاس میں یہ حال ہے، ان کی مشاورت یہ ہے کہ اپوزیشن سوال پوچھے تو جیل میں بند کردو، میڈیا کی زباں بندی کرو۔

لاہور(ویب ڈیسک)میاں‌نوازشریف طویل عرصے سے بیرون ملک قیام پذیر ہیں اور ابھی تک ان کے بارے میں‌حتمی طورپر کچھ نہیں کہاجاسکتاالبتہ مسلم لیگ (ن) کے رکن قومی اسمبلی میاں جاوید لطیف نے دعویٰ کیا ہےکہ نواز شریف اسی سال واپس آرہے ہیں۔

نیب لاہور میں پیشی کے بعد میڈیا سے گفتگو کرتے ہوئے جاوید لطیف نے کہا کہ جنہوں نے نا اہل کیا، وہی سمجھ رہےہیں کہ نواز شریف کے سواکوئی آپشن نہیں، وہ نواز شریف کو چوتھی بار وزیراعظم منتخب ہونے دیں گے۔ انہوں نے دعویٰ کیا کہ نوازشریف اسی سال واپس آ رہے ہیں، وہ قوم کی قیادت کریں گے، نواز شریف پاکستانی قوم کو اس بھنور میں پھنسے دیکھ کرباہر نہیں رہ سکتے۔
جاوید لطیف کا کہنا تھا یہ تاثر دیا جا رہا ہے کہ پیپلزپارٹی کو لایا جا رہا ہے، بلاول عوامی ووٹوں سے آئیں تو کوئی اعتراض نہیں۔

رحیم یار خان(ویب ڈیسک) چیئرمین پاکستان پیپلز پارٹی بلاول بھٹو زرداری نے مسلم لیگ (ن) کو ساتھ مل کر پنجاب حکومت گرانے کا چیلنج دے دیا۔
بلاول بھٹو زرداری نے رحیم یار خان میں ورکرز کنونشن سے خطاب کرتے ہوئے وزیراعظم عمران خان اور وزیراعلیٰ پنجاب عثمان بزدار کے ساتھ ساتھ اپوزیشن جماعت مسلم لیگ (ن) پر بھی خوب وار کیے۔

بلاول کہا کہ ہم نے ایک طرف نالائق اور نااہل حکومت کو للکارنا ہے ، وہیں اپنے دوستوں کو بھی مجبور کرنا ہے، اب یہ دوغلی پالیسی نہیں چلے گی، یا تو اپوزیشن کا کردار ادا کریں یا پھر اعلان کردیں کہ آپ حکومت کے سہولت کار ہیں۔
چیئرمین پی پی پی کا کہنا تھا کہ ہم نے یوسف رضا گیلانی کو منتخب کراکر حکومت کی اکثریت کو اقلیت میں تبدیل کردیا اور لانگ مارچ کا اعلان کیا تھا، لیکن آپ اس وقت بھی پیچھے ہٹے، پہلے ہم نے آپ کو بیٹھ کر سمجھایا، اب ہم آپ کو مجبور کریں گے کہ آپ اپوزیشن کا کردار ادا کرتے ہوئے عثمان بزدار اور عمران خان کو گھر بھیجیں، الیکشن کرواکر نئی حکومت بنوائیں، کیونکہ یہ نہیں ہوسکتا کہ ووٹ کی عزت کی بات ہو لیکن جب ووٹ کے استعمال کا وقت آئے تو بھاگ جائیں اور الیکشن میں بائیکاٹ کردیں۔
بلاول بھٹو نے کہا کہ آپ کی وجہ سے عوام ہم سے بھی ناراض ہورہے ہیں، اگر ووٹ کی عزت کرتے ہیں تو اسے استعمال بھی کریں اور بزدار اور عمران کو بھگائیں، اگر مل کر مقابلہ کریں گے تو وزیراعلیٰ پنجاب عثمان بزدار کی حکومت گرجائے گی کیونکہ یہ کٹھ پتلی کا پٹھ پتلی ہے، عثمان بزدار گرے گا تو عمران خان خودبخود گرجائے گا۔
بلاول نے مزید کہا کہ آپ ہمت پکڑیں اور کسی کی انا و ذاتی مفاد کو ترجیح نہ دیں، اگر آپ تیار نہیں ہوئے اور اپنے ذاتی سیاسی مقاصد کے لیے بزدار کو چلاتے رہے تو عوام آپ کو معاف نہیں کریں گے، جب ہم ساتھ تھے تو آپ کہتے تھے استعفے کے بغیر کام نہیں چلے گا، اب آپ کو چیلنج ہے کہ مل کر ووٹ استعمال کریں اور وار کریں، ورنہ استعفے ہی دے دیں، ان میں سے کوئی ایک کام تو کریں ورنہ پنجاب کے عوام جان لیں گے کہ یہ مفاہمت ہے نہ مخالفت، بلکہ منافقت ہے، جسے پنجاب کے عوام رد کردیں گے، آج نہیں کل ہم اس حکومت سے حساب لیں گے اور جب حساب کا وقت ہوگا تو عمران خان اکیلا ہی رہ جائے گا۔

اسلام آباد(ویب ڈیسک) مسلم لیگ (ن) کی نائب صدر مریم نواز اب دبنگ بیانات کی وجہ سے خاصی مشہورہیں اور وہ مسلم لیگ نون کو اپنے والد کے بعدسرگرم رکھنے میں‌بھی اپنا ایک الگ مقام رکھتی ہیں،انہوں نے کہا ہے کہ مفاہمت تو دور حکومت سے بات بھی نہیں کی جانی چاہیے۔

اسلام آباد ہائی کورٹ کے باہر میڈیا سے بات کرتے ہوئے مریم نواز نے کہا کہ عوام پر ناجائز اور نااہل حکومت کو مسلط کیا گیا ہے، ملکی تاریخ میں اتنی نااہل حکومت کبھی نہیں آئی، حکومت کی کارکردگی نہیں تباہی کی بڑی داستان ہے، ملک میں لاقانونیت ہے، جگہ جگہ خواتین سے زیادتی کے واقعات ہورہے ہیں، کسی نے ملک میں تین سال کے دوران کسی چیز کے سستا ہونے کی کوئی خبرسنی، حکومت نے جو حال عوام کا کردیا ہے، اس سے مفاہمت کیسے ہوسکتی ہے، چاہتے ہیں کہ اس حکومت سے عوام کی جلد جان چھوٹے۔
مریم نواز نے کہا کہ مفاہمت تو دور حکومت سے بات بھی نہیں کی جانی چاہیے، ملک میں ظلم کی حکومت ہے، اس ناجائز اور مسلط حکومت کا احتساب نہیں انتقام ہے، اس حکومت کے انتقام کے آگے پیش ہونا کوئی عقلمندی نہیں، نواز شریف پر جو قرض تھا وہ اس سے زیادہ بھگت کر گئے ہیں، انہوں نے 3 سال سیاسی انتقام اور سزائیں بھگتی ہیں, اگر مگر کرنے والوں کو کہوں گی کہ نواز شریف ملک واپس آئیں گے، جب (ن) لیگ کو لگے گا کہ نواز شریف کو واپس آنا چاہیے تو وہ آجائیں گے اور پارٹی کی قیادت کریں گے۔
قومی حکومت سے متعلق شہباز شریف کے بیان کے حوالے سے مریم نواز نے کہا کہ شہبازشریف نے قومی حکومت کی نہیں قومی مفاہمت کی بات کی ہے، باقی سیاسی پارٹیوں کو سوچنا چاہئے کہ ملک کو کیسے آگے لے کر جانا ہے۔ تمام پارٹیوں کو حکومت کے خلاف متحد ہونے کی ضرورت ہے۔اپنے بیٹے جنید صفدر کی شادی سے متعلق مریم نواز نے کہا کہ میرا ایک ہی بیٹا ہے جس کے نکاح کے لئے باہرجانے کی حکومت سے اجازت نہیں مانگی۔

لاہور (میڈیا 92 نیوز آن لائن ) مسلم لیگ ن کے صدر شہباز شریف نے سابق وزیراعظم نواز شریف کی جیل سے اے سی اتارنے کے حکومت پنجاب کے فیصلے کو میڈیکل بورڈ کی سفارشات کی خلاف ورزی قرار دیدیا۔

وزیراعظم عمران خان نے دورہ امریکا میں پاکستانی کمیونٹی سے خطاب میں کہا تھا کہ پاکستان واپس جا کر جیلوں سے اے سی اور ٹی وی نکلواؤں گا۔

عمران خان کا کہنا تھاکہ جیلوں سے اے سی اور ٹی وی نکلوانے کے فیصلے پر مریم بی بی بہت شور مچائیں گی مگر جس طرح یہ لوگ جیلوں میں رہ رہے ہیں یہ سزا تو نہ ہوئی کہ آپ اے سی میں رہ رہے ہوں اور آپ کو ٹی وی اور اخبار کی سہولت بھی حاصل ہو۔

وزیراعظم عمران خان کے بیان پر مسلم لیگ ن نے شدید تنقید کی تھی جب کہ سابق صدر آصف زرداری نے کہا تھا کہ وزیراعظم کو بتا دو کہ ہم تو بیرکوں میں رہنے کے عادی ہیں۔

وزیراعظم عمران خان کی معاون خصوصی برائے اطلاعات فردوس عاشق اعوان کا اس حوالے سے کہنا ہے کہ جیلوں سے اے سی نکلوانے کا فیصلہ پنجاب حکومت کو کرنا ہے۔

قومی اسمبلی میں قائد حزب اختلاف شہباز شریف نے نواز شریف کی جیل سے اے سی اتارے جانے کے معاملے پر چیف سیکریٹری پنجاب کو خط لکھا۔

شہباز شریف نے سیکریٹری پنجاب کو لکھا کہ پنجاب حکومت نے آئی جی جیل خانہ جات کو خط لکھ کر اے سی اتارنے کی ہدایت کی ہے۔انہوں نے خط میں لکھا کہ نواز شریف کی جیل سے اے سی اتارنے کا خط میڈیکل بورڈ کی سفارشات کی خلاف ورزی ہے۔

صدر مسلم لیگ ن نے سیکریٹری پنجاب کو لکھا کہ آپ کی توجہ پنجاب حکومت کے تشکیل کردہ بورڈ کی سفارشات کی جانب مبذول کرانا چاہتا ہوں۔ان کا خط میں کہنا تھا کہ میڈیکل بورڈ کی سفارش ہے کہ نوازشریف کو مناسب درجہ حرارت والے کمرے میں رکھا جائے۔

شہباز شریف نے لکھا کہ نواز شریف کی جیل سے اے سی اتارنے کا اقدام وزیراعظم کی خواہش کے مطابق کیا گیا ہے۔