Tag وزیر خارجہ شاہ محمود قریشی

سعودی عرب (ویب ڈیسک)سعودی عرب نے پاکستان اور بھارت کے درمیان درپیش مسائل کے حل کے لیے ثالثی بننے کا فیصلہ کیا ہے.سعودی وزیر خارجہ شہزادہ فیصل بن فرحان آل سعود نے کہا ہے کہ سعودی عرب ،پاکستان اور بھارت کے درمیان ثالثی بننے کے لیے تیار ہے۔تفصیلات کے مطابق سعودی وزیر خارجہ ان دنوں بھارت کے دورے پر ہیں جہاں انہوں نے بھارتی وزیر اعظم نریندر مودی سے ملاقات کی۔دورے کے دوران انڈین ٹی وی کو ایک انٹرویودیا جس میں ان کا کہنا تھا کہ سعودی عرب، پاکستان اور بھارت کے درمیان ثالثی بننےکے لیے تیار ہے، اب پاکستان اور بھارت پرانحصار کرتا ہے کہ وہ مزاکرات کے لیے درست وقت کا تعین کب کریں ۔انھوں نے مزید کہا کہ مذاکرات کے لیے پاکستان بھارت کوفورمزفراہم کریں گے،بالخصوص مسئلہ کشمیر کے حل کے لیے دونوں ملک مذاکرات کریں۔

دوشنبے (ویب ڈیسک) دوشنبے میں قازقستان کے صدر نے وزیراعظم عمران خان سے ملاقات کی. ملاقات کے دوران دو طرفہ تعلقات، علاقائی اموراورباہمی دلچسپی پر تبادلہ خیال کیا گیا۔تفصیلات کے مطابق وزیراعظم عمران خان سے قازقستان کے صدر کی ملاقات ایس سی او سمٹ کی سائیڈ لائنز پر ہوئی۔ پاکستان کی طرف سے ملاقات میں وزیر خارجہ شاہ محمود قریشی، مشیر قومی سلامتی معید یوسف، وفاقی وزیر بحری امور علی زیدی، وفاقی وزیر اطلاعات و نشریات فواد چودھری اور قازقستان وفود نے شرکت کی۔
دوسری طرف فواد چودھری نے میڈیا سے گفتگو کی اور بتایا کہ وزیراعظم کی روس کے صدر کے ساتھ بھی ملاقات طے تھی مگرروسی صدر قرنطینہ میں ہونے کی وجہ سے دوشنبے نہیں آ سکے.لہذٰا صدر پیوٹن اور وزیراعظم عمران خان کی فون پر بات چیت ہوئی.

اسلام آباد(ویب ڈیسک)وزیر خارجہ شاہ محمود قریشی نے تحریک طالبان کو ایک پیشکش کی ہے.ان کا کہنا ہے کہ اگر تحریک طالبان وعدہ کرے کہ پاکستان کے آئین کو تسلیم کرتے ہوئے دہشتگردی میں ملوث نہ ہوں تو پاکستان کی جانب سے انھیں معافی دینے پر غورکیا جا سکتا ہے. وزیر خارجہ نے ایک انٹرویو دیتے ہوئےکہا ہے کہ پاکستان کی جانب سے کالعدم ٹی ٹی پی کے لیے معافی کی مشروط پیشکش ہے.
شاہ محمود قریشی نے ٹی ٹی پی کے قیدیوں کا فغان جیلوں سے باہرنکلنے کی خبروں پر تشویش کا اظہار کیا اور ساتھ ہی کہا کہ طالبان کی طرف سے پاکستان سمیت کسی بھی ملک کے خلاف استعمال نہ ہونے کا اعلان خوش کن ہے۔
اشرف غنی کے حوالے سے بات کرتے ہوئے وزیر خارجہ کا کہنا تھا کہ ہم نے مسلسل کالعدم ٹی ٹی پی کے ٹھکانوں کی نشاندہی کی مگر اشرف غنی کی حکومت نے کوئی ایکشن نہ لیا.مگر اب ہم دیکھتےہیں کہ طالبان ان کے خلاف کیا ایکشن لیتے ہیں۔اس سے قبل صدر عارف علوی نے بھی ایک انٹرویو میں کہا تھا کہ کالعدم ٹی ٹی پی اگر ہتھیار ڈال کر پاکستانی آئین کو تسلیم کرےاور جرائم میں ملوث نہ ہوتو پاکستانی حکومت ان کو ایمنسٹی دینے کا سوچ سکتی ہے.

اسلام آباد (ویب ڈیسک) افغانستان اور امریکہ کی جنگ طالبان نےجیت لی.اب وہ افغانستان میں اپنی حکومت بنانے جا رہے ہیں .اس حوالےسے ان کے بے شمار بیانات آ چکے ہیں .اس کے علاوہ دنیا کی بھی نظریں ان کی طرف ہیں.برطانیہ نے اس حوالے سے افغانستان کی بھرپور امداد کرنے کا اعلان بھی کیا ہے.تازہ ترین اطلاعات کے مطابق برطانیہ نے افغانستان کے لیے جو امداد کا اعلان کیا تھا اس کو مزید بڑھا دیا ہے۔تفصیلات کے مطابق برطانوی وزیر خارجہ ڈومینک راب پاکستان کے دورے پر ہیں .ان کا کہنا ہے کہ افغانستان کے لیے 3 کروڑ پاؤنڈ کی جو امداد کا وعدہ کیا ہے اسے پورا کرتے ہوئے پہلی قسط آج ہی جاری ہو جائے گی.انہوں نے واضح کیا کہ یہ امداد افغانستان کے حالات کی بہتری کے لیے دی جا رہی ہے.
ڈومینک راب نےوزیر خارجہ شاہ محمود قریشی کے ہمراہ پریس کانفرنس کی .دوران کانفرنس انہوں نے پاکستان کا شکریہ اداد کیا کہ افغانستان سے برطانوی باشندوں کے انخلا پر پاکستان نے بھر پور مدد کی .ان کا مزید کہنا تھا کہ اپنے تعلقات کو پاکستان کے ساتھ مزید مستحکم کرنا چاہتے ہیں۔
برطانوی وزیر خارجہ نے کشمیر کے حوالے سے بات کرتے ہوئے کہا کہ یہ مسئلہ کشمیریوں کی خواہشات کے مطابق حل ہونا چاہئے.کشمیر کے مسئلے پر پاکستان اور بھارت کو بات کرنی چاہئے.

اسلام آباد (ایمرا نیوز)وزیر خارجہ شاہ محمود قریشی نے کہا ہے کہ بھارت مسئلہ کشمیر سے عالمی توجہ ہٹانے کے لیے کوئی بھی کارروائی کر سکتا ہے لیکن فوج اور قوم کسی بھی اقدام کا مقابلہ کرنے کے لیے تیار ہے۔
اسلام آباد میں ڈی جی آئی ایس پی آر میجر جنرل آصف غفور اور معاون خصوصی برائے اطلاعات ڈاکٹر فردوس عاشق اعوان کے ساتھ پریس کانفرنس کرتے ہوئے شاہ محمود قریشی نے کہا کہ وزیراعظم کی بنائی گئی کمیٹی کی آج پہلی میٹنگ تھی جس میں پاکستان کے تمام اداروں کی تجاویز آئی ہیں۔
پاکستان اور چین کی درخواست پر گزشتہ روز اقوام متحدہ کی سلامتی کونسل کا مشاورتی اجلاس بلایا گیا جس میں مقبوضہ کشمیر کی حیثیت تبدیل کرنے اور وہاں انسانی حقوق کی خلاف ورزیوں کے واقعات پر غور کیا گیا۔
شاہ محمود قریشی نے کہا کہ کل ہم نے ایک بڑا معرکہ سر کیا اور مسئلہ کشمیر کو اس فورم پراٹھایا جو اس کو حل کرنے کا ذمہ دار ہے۔
انہوں نے کہا کہ یہ ایک لمبی لڑائی ہے جسے کئی محاذوں پرلڑنا ہے جب کہ آج کی میٹنگ میں آئندہ آنے والےدنوں میں حکمت عملی پربات ہوئی۔
انہوں نے کہا کہ پوری کمیٹی اس بات پرمتفق ہے کہ آج کا ہندوستان نہرو کا ہندوستان نہیں بلکہ مودی کا ہندوستان ہے۔
شاہ محمود قریشی نے کہا کہ دفتر خارجہ میں کشمیر سیل بنانے کا فیصلہ بھی کیا ہے جب کہ دنیا کےاہم دارالحکومتوں میں کشمیرڈیسک بنائی جائیگی۔
تنازع کشمیر نیوکلیئر فلیش پوائنٹ ہے: ڈی جی آئی ایس پی آر
پاک فوج کے شعبہ تعلقات عامہ یعنی آئی ایس پی آر کے ڈائریکٹر جنرل آصف غفور نے کہا کہ تنازع کشمیر نیوکلیئر فلیش پوائنٹ ہے۔
انہوں نے کہا کہ لائن آف کنٹرول سے دراندازی کے الزامات مسترد کرتے ہیں، مسلح افواج تیار ہیں اور بھارتی ایکشن کا بھرپور جواب دیا جائے گا۔

نیویارک(ایمرا نیوز)نیویارک:مقبوضہ کشمیر پر بھارتی قبضے کا معاملہ 50 سال بعد اقوام متحدہ کی سلامتی کونسل تک پہنچ گیا ہے جس کے لیے تاریخی اجلاس آج ہوگا۔
مقبوضہ کشمیر کی آئینی حیثیت بھارت کی جانب سے یکطرفہ بدلنے کے معاملے پر وزیر خارجہ شاہ محمود قریشی نے اقوام متحدہ کی سلامتی کونسل کا اجلاس بلانے کے لیے خط لکھا تھا۔
50 برس بعد مسئلہ کشمیر اقوام متحدہ کی سلامتی کونسل کےایجنڈے پر آنے سے پاکستان کی سفارتی فتح ہوئی ہے جب کہ اجلاس روکنے میں ناکام بھارت کو منہ کی کھانا پڑگئی ہے اور سلامتی کونسل کا اجلاس آج شام 7 بجے ہورہا ہے۔
بند کمرہ اجلاس میں مسئلہ کشمیر کے مختلف پہلوؤں اور ان کو حل کرنے سے متعلق امور پر صلاح مشورے کیے جائیں گے جس کے بعد باقاعدہ اجلاس سے متعلق فیصلے کا امکان ہے۔
اس حوالے سے وزیرخارجہ شاہ محمود قریشی نے کہا کہ اب دیکھنا یہ ہے سلامتی کونسل اپنی ذمے داری کیسے ادا کرتی ہے۔
ہم تیار ہیں، وقت آگیا ہے کہ مودی کو ایک سبق سکھائیں: وزیراعظم کا بھارت کو پیغام
اقوام متحدہ میں وزیرخارجہ کا خط پہنچانے والی پاکستان کی مستقل مندوب ملیحہ لودھی نے امید ظاہر کی ہے کہ سلامتی کونسل کشمیر کے مظلوم عوام کی مشکلات کا حل نکال لے گی۔
سلامتی کونسل کے اجلاس سے متعلق اقوام متحدہ میں پاکستان کے سابق مندوب عبداللہ حسین ہارون کا کہنا ہے کہ کامیابی کا انحصار پاکستان کی تیاری پر بھی ہے۔
ان کا کہنا تھا کہ 50 برس میں کشمیر کی صورتحال پر پہلی میٹنگ کم سے کم اس بات کا اعتراف ضرور ہے کہ یہ دوطرفہ نہیں عالمی سطح کا تنازع ہے۔

اسلام آباد(نیٹ نیوز/ایمرا نیوز) وزیر خارجہ مخدوم شاہ محمود قریشی نے کہا ہے کہ کرتار پور بارڈ کھول کر موجودہ حکومت نے سکھوں کا 70 سالہ پرانا مطالبہ پورا کر دیا ہے، راستہ تب ہی کھلتا ہے جب دونوں جانب سے اجازت ہو۔ملتان کے ایمرسن کالج کی تقریب میں بطور مہمان خصوصی شرکت کرنے سے قبل میڈیا سے گفتگو کرتے ہوئے شاہ محمود قریشی نے کہا کہ کرتار پور سکھوں کی مقدس جگہ ہے ، جہاں جہاں سکھ آباد ہیں انہوں نے ہمارے اس اقدام کو سراہا ہے۔پاکستانیوں نے بھی سکھوں کی خواہش کا احترام کیا ہے ، عمران خان کی خواہش ہے کہ اس خطہ میں امن اور استحکام ہو ، شاہ محمود قریشی نے کہا کہ ہم اس وقت معاشی مسائل سے دوچار ہیں ، سرمایہ کاری تب ہو گی جب ملک میں امن ہو گا ۔شاہ محمود نے کہا کہ پاکستان ایک اسلامی فلاحی مملکت ہے، کسی کے بیان سے ہمارا نظریہ تبدیل نہیں ہوگا، انہوں نے کہا کہ جنوبی پنجاب کا الگ تشخص اور صوبہ ہمارا منشور ہے اس پر کام ہو رہا ہے جس کے لئے ہمیں آئنیی ترمیم کرنا ہو گی اور آئنینی ترمیم دو تہائی اکثریت کے بغیر ممکن نہیں ۔انہوں نے کہا کہ ہمیں جنوبی پنجاب صوبت کیلئے اپوزیشن کی ضرورت پڑے گی ، تاہم عمران خان ملتان میں سیکرٹریٹ بنا رہے ہیں تا کہ لوگوں کو لاہور نہ جا پڑے ، آئندہ سال جنوبی پنجاب کے لئے سالانہ ترقیاتی پروگرام شروع کریں گے ۔ڈالر کی قیمت میں اضافے سے متعلق ان کا کہنا تھا کہ اس کی کئی وجوہات ہیں، ہم نے دیکھنا ہے کہ برآمدات میں اضافہ کیسے کیا جا سکتا ہے، ہم مشکل فیصلہ کر رہے ہیں ، مسائل کے انبار ہیں ، جو طبقہ بوجھ نہیں اٹھا سکتا ہم اس پر بوجھ نہیں ڈال رہے ۔