Tag پاکستان

راولپنڈی (ایمرا نیوزآن لائن)
وفاقی وزیر ریلوے شیخ رشید احمد نے دعویٰ کیا ہے کہ میں نے خودشہباز شریف کو گرین سگنل مانگتے دیکھا اور این آر او مانگتے سناہے لیکن گرفتاری اور جیل کے ڈر سے بھاگنے والے ’’لیڈر‘‘ نہیں ’’گیدڑ‘‘ ہوتے ہیں .اگلے2 سے3 ماہ اہم! زرداری کا فالودے والا اور شہباز کا ہتھوڑے والا اندر سے ایک ہی نکلے،شہباز ، حمزہ اور سلمان کا کیس انتہائی سنگین نوعیت کا ہے ، مہنگائی کے ذمہ دار نواز اور زرداری ہیں، ہوشربا مہنگائی کے باوجود عوام کی نظریں عمران خان پر ہیں،ہر جگہ مہنگائی کیخلاف آواز بلند کررہا ہوں،اقتدار کا بھوکا ہوں نہ ہی عمران خان کے ساتھ وزارت کا رشتہ ہے،وزیر ریلوےمولانا فضل الرحمان قومی دولت لوٹنے والے چور لٹیروں کے ساتھ کسی تحریک کا حصہ نہیں بنیں گے70ارب روپے کی لاگت سے لئی ایکسپریس وے منصوبے کے دوران کچھ لوگ قربانی کے لئے تیار رہیں.

27اپریل کو وزیر اعظم عمران خان بیجنگ میں ML-1(ایم ایل۔ون) پر دستخط کریں گے جس سے ڈیڑھ لاکھ لوگوں کو روزگار ملے گا معاہدے پر دستخط کے بعد راولپنڈی سے لاہور کی مسافت2گھنٹے اورلاہور سے کراچی کی مسافت صرف8گھنٹے رہ جائے گی مودی نے خود جنگ کا نقشہ دیا ہے لیکن مسلح افواج اور پاکستانی قوم اس کی ہر خواہش پوری کرنے کے لئے تیار ہے ان خیالات کا اظہار انہوں نے منگل کی صبح جمعیت القریش ویلفیئر مٹن ایسوسی ایشن راولپنڈی کی جانب سے اپنے اعزاز میں دیئے گئے ناشتہ کے شرکا سے خطاب اور میڈیا سے گفتگو کرتے ہوئے کیا تقریب سے ایسوسی ایشن کے قائم مقام صدر چوہدری شوکت ،سرپرست اعلیٰ چوہدری شہزاد گل اورجنرل سیکریٹری چوہدری جاوید اقبال نے بھی خطاب کیا جبکہ اس موقع پررکن قومی اسمبلی شیخ راشد شفیق ،معروف سیاسی شخصیت چوہدری اسلم رضا،ایسوسی ایشن کے نائب صدر چوہدری ارشد ،جوائنٹ سیکریٹری چوہدری عبدالصمد سمیت دیگر عہدیداروں اوراراکین کی بڑی تعداد موجود تھی میڈیا سے گفتگو کرتے ہوئے شیخ رشید نے کہا کہ میں مولانا فضل الرحمان کا بہت احترام کرتا ہوں اورمیرا گمان ہے کہ مولانا فضل الرحمان قومی دولت لوٹنے والے چور لٹیروں کے ساتھ کسی تحریک کا حصہ نہیں بنیں گے انہوں نے کہا کہ نواز دور میں ہڑپ کئے گئے قرضوں پر حکومت یومیہ7ارب روپے سود ادا کر رہی ہے اب فاٹا میں ہونے والے انتخابات میں بھی تحریک انصاف تاریخی کامیابی حاصل کرے گی،زرداری کا فالودے والا اور شہباز کا ہتھوڑے والا اندر سے ایک ہی نکلے، انہوں نے کہا ہوشربا مہنگائی کے باوجود عوام کی نظریں عمران خان پر ہیں کہ وہی پاکستان کو مسائل و مشکلات کی دلدل سے نکالیں گے.

ایک سوال کے جواب میں انہوں نے کہا کہ میں نے خودشہباز شریف کو گرین سگنل مانگتے دیکھا اور این آر او مانگتے سناہے شہباز شریف، حمزہ شہباز اور سلیمان کے خلاف کیس انتہائی اہم اور سنگین نوعیت کے ہیں اب نواز اور شہباز کی سیاست الگ نظر آرہی ہے ایک اور سوال کے جواب میں انہوں نے کہا کہ حکومت اپنی آئینی مدت پوری کرے گی کیونکہ میں عمران خان کے ساتھ سائے کی طرح کھڑا ہوں رمجان میں یوٹیلٹی سٹورز کے لئے سبسڈی کے حوالے سے انہوں نے کہا کہ حکومت نے2ارب روپے کی سبسڈی دی ہے اور وزیر خزانہ نے چیئر میں یوٹیلٹی سٹورز کا رپوریشن کو واضح کہا ہے کہ رمضان پیکج کی حکمت عملی کے لئے شیخ رشید سے رابطہ رکھیں 16سے20اپریل تک بھارت کے ممکنہ حملے کے حوالے سے انہوں نے کہا کہ ملکی دفاع کے لئے پوری قوم متحد ہے.

مودی نے خود جنگ کا نقشہ دیا ہے لیکن مسلح افواج اور پاکستانی قوم اس کی ہر خواہش پوری کرنے کے لئے تیار ہے جو کشمیر پر قبضہ کر کے کشمیریوں کا آئینی ، قانونی اور اخلاقی حق غصب کرنا چاہتا ہے بابری مسجد کی جگہ مندر کی تعمیر بھی ایک اعلان جنگ ہے مہنگائی کے حوالے سے ایک سوال کے جواب میں انہوں نے کہا کہ میں تحریک انصاف اور عمران خان کے ساتھ ہونے کے باوجود ہر جگہ مہنگائی کے خلاف آواز بلند کر رہا ہوں نہ تو میں اقتدار کا بھوکا ہوں اور نہ عمران خان سے میرا وزارت کا رشتہ ہے عمران خان مجھے عزت دیتا ہے اور میری دعا ہے کہ اللہ عمران خان کو عزت دے قبل ازیں تقریب سے خطاب کرتے ہوئے شیخ رشید نے کہا کہ وزیر اعلیٰ پنجاب سے نالہ لئی منصوبے پر تفصیلی بات ہو گئی ہے 70ارب روپے کے اس منصوبے کے آغاز سے تکمیل تک کچھ لوگوں کو قربانی کے لئے تیار رہیں کچھ لوگوں کی قربانی سے راولپنڈی کو ایک مستقل اور جدید سفری سہولت میسر ہو گی.

یہ نالہ لئی ہر سال مون سون میں تباہی کا سبب بنتا ہے سیلابی تباہ کاریوں کے کنٹرول کے لئے ٹھوس اور مربوط حکمت عملی وضع کی گئی ہے جبکہ نالہ لئی کے23کلو میٹر منصوبے کو سواں سے پشاور موڑ پر توسیع دی گئی ہے اس حوالے سے میری کوشش ہے کہ چائنہ کی ایسی کمپنی کو شامل کیا جائے جو لئی ایکسپریس وے کے ساتھ متوازی ریلوے ٹریک بھی بچھائے تاکہ عوام کو مقامی آمدورفت کے لئے ٹرین کی سہولت بھی میسر ہو انہوں نے کہا کہ لئی ایکسپریس وے پر آرمی چیف سے بھی تفصیلی ملاقات ہو چکی ہے اصل مسئلہ یہ ہے کہ اس منصوبے کے لئے پیسہ کہاں سے آنا ہے اخراجات کوور کرنے کے لئے لئی ایکسپریس وے پر نہ صرف ٹیکس لگائیں گے بلکہ مارکیٹیں ، پلازے اور بلند بالا عمارتیں بنا کر فروخت اور کرائے پر دی جائیں گی انہوں نے کہا کہ 27اپریل کو وزیر اعظم عمران خان بیجنگ میں ML-1(ایم ایل۔ون) پر دستخط کریں گے جس سے ڈیڑھ لاکھ لوگوں کو روزگار ملے گا اور اس معاہدے پر دستخط کے بعد راولپنڈی سے لاہور کی مسافت2گھنٹے اورلاہور سے کراچی کی مسافت صرف8گھنٹے رہ جائے گی منصوبے کی زد میں آنے والے رہائشیوں کو متبادل جگہ دی جائے گی.

شیخ رشید نےکہا کہ گزشتہ6ماہ میں24نئی ٹرینیں چلائی ہیں 16مزید چلائیں گے انہوں نے کہا کہ چوروں اور ڈاکوؤں نے اس ملک کے خزانے کو بے دردی سے لوٹا لیکن آئندہ2سے3ماہ اس ملک کے لئے انتہائی اہم ہیں جن میں تمام چوروں نے اندر جانا ہے ماضی میں ملکی معیشت کو بری طرح لوٹا گیا یہی وجہ ہے کہ آج دہی بھلے والوں کے علاوہ جیرے اور چھرے کے اکاؤنٹ سے بھی 2،2ارب روپے نکل رہے ہیں اور اربوں روپے لوٹنے والے اب بیرون ملک فرار ہونا چاہتے ہیں حالانکہ لیڈر ہمیشہ عوام کے ساتھ رہتا ہے گرفتاری اور جیل کے ڈر سے بھاگنے والے ’’لیڈر‘‘ نہیں ’’گیدڑ‘‘ ہوتے ہیں شیخ رشید احمد نے کہا کہ 12اپریل کو وزیر اعلیٰ پنجاب راولپنڈی میں خواتین کے لئے پوسٹ گریجویٹ کالج اور نئی یونیورسٹی کا افتتاح کریں گے جس کے بعد راولپنڈی میں خواتین کی ایک نئی یونیورسٹی بنائی جائے گی جبکہ بہت جلد راولپنڈی میں وزیر اعظم جدید ماں بچہ ہسپتال کا افتتاح کریں گے.

انہوں نے کہا کہ راولپنڈی میں نئی خواتین یونیورسٹی کے قیام کے لئے پہلی مرتبہ وزیر خزانہ اسد عمر کے پاس گیا تاکہ یہاں ابتدا میں2ہزار طالبات کی یونیورسٹی قائم کر کے بعد ازاں اس کی گنجائش 5ہزار طالبات تک بڑھائی جائے انہوں نے کہا کہ اس وقت فاطمہ جناح یونیورسٹی 7ہزار طالبات زیر تعلیم ہیں انہوں نے کہا کہ آج راولپنڈی کے اراکین صوبائی اسمبلی یہاں موجود ہوتے تو ان کی ڈیوٹی لگاتا لیکن لگتا ہے اب مجھے خود اس کام کے لئے لاہور جانا پڑے گاانہوں نے کہ راولپنڈی میں شرح تعلیم میں اضافے سے رکشہ ڈرائیور کی2بیٹیوں نے سی ایس ایس میں ٹاپ کیا جبکہ شرابیوں اور جواریوں کی بیٹیاں بھی تعلیم کی طرف راغب ہوئیں انہوں نے کہا پورے ملک میں تعلیم راولپنڈی کی شناخت ہو گی ہم یہاں سے شراب اور جوا خانوں کا خاتمہ کریں گے انگریز نے اپنے غلاموں کے لئے ڈھوک کا لفظ متعارف کروایا لیکن ہم نے ہر ڈھوک میں سکول و کالج بنائے ضرورت اس امر کی ہے کہ سب ملک کر چلیں ۔

لاہور( ایمرا نیوزآن لائن )
ایف پی سی سی آئی نے تمام چیمبرز سے ملک میں اقتصادی سرگرمیوں کے فروغ، معاشی ترقی اور بزنس فرینڈلی ماحول کو یقینی بنانے کے لئے بجٹ تجاویز طلب کر لیں ہیں ، صدر ایف پی سی سی آئی.
فیڈریشن پاکستان چیمبرز آف کامرس اینڈ انڈسٹری (ایف پی سی سی آئی) نے تمام چیمبرز سے ملک میں اقتصادی سرگرمیوں کے فروغ، معاشی ترقی اور بزنس فرینڈلی ماحول کو یقینی بنانے کے لئے تجاویز طلب کی ہیں تاکہ انہیں آئندہ بجٹ میں شامل کرنے کیلئے بروقت وفاقی حکومت کو بجھوایا جا سکے۔ یہ بات منگل کو ایف پی سی سی آئی کے صدر انجینئر دارو خان اچکزئی نے سارک چیمبر کے سینئر نائب صدر افتخار علی ملک کے ساتھ ملاقات میں بتائی۔

انہوں نے کہا کہ ملک کا نجی شعبہ اقتصادی بحالی کی حکومتی کوششوں میں اپنا بھرپور کردار ادا کرنا چاہتا ہے اور ہماری مشترکہ تجاویز سے بجٹ کو کاروبار دوست بنانے میں مدد ملے گی جس کے نتیجے میں برآمدات میں اضافہ اور اقتصادی صورتحال بہتر ہو گی۔ انہوں نے بتایا کہ ایف پی سی سی نے وفاقی حکومت سے رابطہ کیا ہے کہ ان چھوٹے تاجروں پر عائد جرمانے معاف کئے جائیں جو سیلز ٹیکس ریٹرن جمع نہیں کرا رہے تھے لیکن وہ انکم ٹیکس ریٹرن جمع کروا رہے ہیں۔ ہمارا مطالبہ ہے کہ ان تاجروں کو سیلز ٹیکس نظام سے ڈی رجسٹر ہونے یا بغیر جرمانہ سیلز ٹیکس ریٹرن دوبارہ شروع کرنے کا موقع دیا جائے۔ ہم یہ مطابہ بھی کرتے ہیں کہ بنیادی خام مال، ثانوی خام مال، انٹرمیڈیٹ گڈز، نیم تیار شدہ مال اور تیار شدہ مال پر ٹیکس کیسکیڈنگ ڈیوٹی سٹرکچر کی بنیاد پر وصول کیا جائے۔

افتخار علی ملک، جو یونائیٹڈ بزنس گروپ (یو بی جی) کے مرکزی چیئرمین بھی ہیں، نے حکومت سے مطالبہ کیا کہ آئندہ بجٹ میں کاروباری آسانیاں پیدا کرنے پر خصوصی توجہ مرکوز کی جائے تاکہ معاشی ترقی کو فروغ دینے کیلئے زیادہ سے زیادہ سرمایہ کاری کوممکن بنایا جاسکے۔ انہوں نے کہا کہ یہ امر خوش آئند ہے کہ موجودہ حکومت معاشی ترقی اور ٹیکس کلچر کو فروغ دینے کیلئے تاجروں اور کاروباری برادری کی خدمات کی معترف ہے۔انہوں نے کہا کہ چیمبرز پہلے ہی حکومت کو تجویز کر چکے ہیں کہ تمام خام مال پر کسٹم ڈیوٹی صفر یا انتہائی کم ہونی چاہئے۔ حکومت خام مال پر ریگولیٹری ڈیوٹی اور اضافی کسٹم ڈیوٹی ختم کرے تاکہ مقامی صنعت سمگلنگ اور آزادانہ تجارتی معاہدوں کے تحت ہونے والی تجارت کا مقابلہ کرسکے۔ انہوں نے مزید کہا کہ گزشتہ سال کی نسبت 20 فیصد زیادہ ٹیکس جمع کرنے والے ٹیکس دہندگان کو آڈٹ سے مستثنیٰ قرار دیا جائے۔

افتخار ملک نے کہا کہ ہمیں امید ہے کہ وزیراعظم عمران خان ملک کو موجودہ بحرانی صورتحال سے نکالنے میں کامیاب ہو جائیں گے۔ انہوں نے اس امید کا اظہار کیا کہ موجودہ حکومت کی طرف سے اہم فیصلے کرنے سے پہلے سٹیک ہولڈرز سے مشاورت کی کی روایت برقرار رہے گی۔ انہوں نے بزنس کمیونٹی کو درپیش مسائل حل کرانے میں عملی دلچسپی پر ایف پی سی سی آئی کے صدر دارو خان اچکزئی کے کردار کو سراہتے ہوئے کہا کہ کاروباری برادری کے نمائندوں کی طرف سے آنے والی تجاویز کو کنسالیڈیٹڈ انداز میں وزیر اعظم، فنانس، کامرس، ایف بی آر اور دیگر متعلقہ وزارتوں کو پیش کیا جائے گا تاکہ انہیں بجٹ میں شامل کیا جا سکے۔

اسلام آباد(ایمرا نیوز آن لائن )

وفاقی وزیر برائے پاور ڈویژن عمر ایوب خان نے کہا ہے کہ پاکستان کی توانائی مارکیٹ اہم موڑ پر کھڑی ہے، توانائی کی فراہمی بہتر بنائے بغیر اقتصادی سرگرمیاں نہیں بڑھ سکتیں، سارک ممالک کے عوام کی بہتری کے لئے علاقے میں اس شعبہ میں تعاون ہمارا مشترکہ مقصد ہونا چاہیے، اسی سے لوگوں کا رہن سہن بہتر ہو گا، علاقے میں ہم آہنگی، امن کا فروغ اور تنازعات کا حل بھی ہمارا مقصد ہے اس سلسلے میں پاکستان کی بجلی کی پیداواری استعداد 30 ہزار میگاواٹ سے زائد ہے، 60 فیصد انرجی مکس، تیل، کوئلے اور دیگر ایندھن پر ہے جبکہ 30 فیصد حصہ پن بجلی، 6 فیصد نیوکلیئر اور 4 فیصد قابل تجدید وسائل کا ہے، ہم قابل تجدید توانائی کا حصہ 2030 تک 30 فیصد تک لے جانا چاہتے ہیں.

اسی طرح ہائیڈل کو بھی بڑھائیں گے۔انہو ں نے ان خیالات کا اظہار پیر کو یہاں سارک ورکنگ گروپ برائے توانائی کے افتتاحی اجلاس سے خطاب کرتے ہوئے کیا۔ انہوں نے کہا کہ سارک ممالک کے درمیان توانائی کے شعبے میں تعاون، تنازعات کے حل، علاقائی ہم آہنگی اور امن کے فروغ کی ضرورت ہے، خطے میں ترقی کے لئے توانائی کا شعبہ بہت اہم ہے، اس شعبے میں ہم ایک دوسرے سے الگ تھلگ نہیں رہ سکتے، پاکستان اپنا انرجی مکس تبدیل کر رہا ہے، قابل تجدید توانائی کے شعبے میں سرمایہ کاری بڑھائیں گے، امید ہے کہ سارک ورکنگ گروپ برائے توانائی خطے میں سستی بجلی کی فراہمی، معیشت کی بہتری اور عوام کا معیار زندگی بلند کرنے کے لئے مثبت تجاویز دے گا۔ ۔ عمر ایوب خان نے کہاکہ پاکستان کی توانائی مارکیٹ اہم موڑ پر کھڑی ہے۔

توانائی کی فراہمی بہتر بنائے بغیر اقتصادی سرگرمیاں نہیں بڑھ سکتیں، سارک ممالک کے عوام کی بہتری کے لئے علاقے میں اس شعبہ میں تعاون ہمارا مشترکہ مقصد ہونا چاہیے، اسی سے لوگوں کا رہن سہن بہتر ہوگا، علاقے میں ہم آہنگی، امن کا فروغ اور تنازعات کا حل بھی ہمارا مقصد ہے اس سلسلے میں پاکستان کی بجلی کی پیداواری استعداد 30 ہزار میگاواٹ سے زائد ہے۔ 60 فیصد انرجی مکس، تیل، کوئلے اور دیگر ایندھن پر ہے جبکہ 30 فیصد حصہ پن بجلی، 6 فیصد نیوکلیئر اور 4 فیصد قابل تجدید وسائل کا ہے۔ انہوں نے کہا کہ ہم قابل تجدید توانائی کا حصہ 2030 تک 30 فیصد تک لے جانا چاہتے ہیں، اسی طرح ہائیڈل کو بھی بڑھائیں گے اور 60 فیصد بجلی 2030 تک ہم صاف توانائی کے ذریعے حاصل کرنا چاہتے ہیں۔انھوں نے کہا کہ پاکستان میں کوئلے کے بھی وسیع ذخائر ہیں، تھرکول کے ایک پلانٹ سے پیداوار شروع ہو گئی جبکہ دوسرا بھی جلد شروع کردے گا۔ انہوں نے کہا کہ 2030 تک برآمدی ایندھن پر انحصار کم ہو جائے گا.

بجلی کی درآمد اور درآمدی ایندھن سے کرنسی، سپلائی کی صورتحال اور اشیا کی قیمتوں پر اثر پڑتا ہے، ہمیں اپنی پیداواری استعداد بڑھانی ہو گی، 12 سے 13 ماہ میں ہم 2 ارب ڈالر کی سرمایہ کاری کے ذریعے 750 میگاواٹ بجلی تیزی کے ساتھ سسٹم میں شامل کریں گے۔ بجلی کی خرید وفروخت کو کثیر طرفہ بنانے، ویلنگ اور نیٹ میٹرنگ کی بھی ہم حوصہ افزائی کررہے ہیں، ٹرانسمیشن سسٹم پر بھی توجہ دی جارہی ہے ، کاسا 1000 اور ترکمانستان سے افغانستان کے راستے بھی بجلی حاصل کرنے کی کوشش کی جا رہی ہے۔ ہم ٹرانسمیشن لائن کے نظام کو خطے میں ایک دوسرے سے جوڑنا چاہتے ہیں، آٹو میٹرنگ سسٹم اور ٹرانسفارمرز پر میٹرز کی تنصیب سے بجلی کی فراہمی اور استعمال کے بارے میں بروقت اور مصدقہ معلومات حاصل ہو سکیں گی.

پری پیڈ میٹرنگ سسٹم بھی متعارف کرانے پر غور ہو رہا ہے۔ انہوں نے کہاکہ بجلی کی پیداوار کے شعبے میں 2030 تک 40 ارب ڈالر کی سرمایہ کاری کے لیے کوشاں ہیں جبکہ ڈسٹری بیوشن کے نظام میں 10سے 15 ارب ڈالر کی سرمایہ کاری کی گنجائش ہے۔ 8000 میگاواٹ بونجی ڈیم، داسو پن بجلی منصوبہ، دیامر بھاشا ڈیم جیسے منصوبے توانائی کی پیداوار بڑھانے کے لئے اہم ہیں، جدید ٹیکنالوجی کے ذریعے ہم بجلی کی لاگت میں بھی کمی لا سکتے ہیں۔ عمر ایوب خان نے کہاکہ سارک ورکنگ گروپ برائے توانائی کا اجلاس خطے میں توانائی کے شعبہ میں تعاون کے لئے بہت اہم ہے، امید ہے کہ ورکنگ گروپ توانائی کے شعبہ میں اہداف کے حصول کے لئے تعمیری کردار ادا کرے گا اور ایسی مثبت تجاویز دے گا جن سے ہم اپنے بچوں کو بہتر تعلیم ، عوام کو بہتر معیار زندگی، روزگار اور سستی بجلی جیسی سہولیات فراہم کر سکیں گے۔

اسلام آباد( ایمرا نیوزآن لائن )

پاکستان اکانومی واچ کے صدر ڈاکٹر مرتضیٰ مغل نے کہا ہے کہ تبدیلی کے نام پر عوام دھوکہ دیا گیا۔آئی ایم ایف اور حکومت نے مل کر عوام کے خلاف محاز کھول لیا ہے۔آئی ایم ایف کے اشارے پرغریبوں کے خلاف کھلی جارحیت کی جا رہی ہے جس سے غربت بے روزگاری اور بے چینی میں زبردست اضافہ ہو رہا ہے۔یو ٹیلیٹی بلز عوام کو دیوالیہ کر رہے ہیں جو دہشت گردی ہے ۔

مہنگائی آسمان سے باتیں کر رہی ہے روپیہ اورشرح نمو گر رہی ہے معیشت تیزی سے سکڑ رہی ہے کاروبار بند ہو رہے ہیں پراپرٹی اور سٹاک ایکس چینج سمیت معیشت کے ہر شعبے کی حالت بری ہے اور چند ماہ میں دس لاکھ افراد کوبے روزگارہو گئے ہیں جنکی تعداد میں مسلسل اضافہ ہو رہا ہے ۔انھوں نے کہا کہ توانائی چوروں کے خلاف کاروائی کے بجائے بجلی اور پٹرول کی قیمت میں مسلسل اضافہ کیا جا رہا ہے عوام کے لئے اشیائے خورد و نوش کا حصول خواب بن گیا ہے ادویات پہنچ سے باہر ہو گئی ہیں جبکہ عام تعلیم بھی عیاشی بن کر عوام کی دسترس سے باہر ہو گئی ہے ۔عوام کے خلاف جارحانہ پالیسی جاری رکھی گئی تو وہ سڑکوں پر نکلنے پر مجبور ہو جائیں گے۔

لاہور (خصوصی رپورٹ) موسم میں یک دم تبدیلی نے لاہوریوں کو ہسپتالوں کی سیر کروادی۔ موسم میں تبدیلی نے درجہ حرارت یک دم تبدیل کردیا جس کی وجہ سے شہر کا موسم ہی تبدیل ہو گیا ہے۔ موسم میں گرمی کی شدت نے 2 ہزار کے لگ بھگ افراد کو گیسٹرو میں مبتلا کر دیا اور ہسپتالوں میں پہنچ گئے۔ ہسپتالوں میں پہنچ گئے۔ ہسپتالوں میں ضرورت سے زیادہ گیسٹرو کے مریض آنے کے باعث ہسپتالوں میں گیسٹرو سے متعلقہ ادویات اور انجکشن کی قلت پیدا ہو گئی۔ ماہرین صحت کے مطابق اس موسم میں تازہ خوراک استعمال کی جائے…