Tag پاکستان

لاہور: ٹی ٹوئنٹی ورلڈکپ میں پاکستان اور بھارت کے درمیان میچ کے تمام ٹکٹ چند گھنٹوں میں فروخت ہو گئے۔

رواں ماہ ٹی 20 ورلڈ کپ میں روایتی حریف پاکستان اور بھارت کے درمیان ہونے والے میچ کے ٹکٹ آن لائن فروخت کئے گئے، ویب سائٹ پر خریداری کے لیے ونڈو کھلتے ہی ہزاروں کی تعداد میں شائقین ٹکٹ کے حصول کے لیے کوشاں تھے۔

کیلیفورنیا(ویب ڈیسک) بائیڈن انتظامیہ میں امریکی فضائیہ کے سیکریٹری، فرینک کینڈل نے تصدیق کی ہے کہ جدید ترین اسٹیلتھ امریکی بمبار طیاروں ’’بی 21‘‘ کے پانچ پروٹوٹائپس اپنے اختتامی مرحلے میں داخل ہوچکے ہیں۔

یہ طیارے ’’نارتھروپ گرومین‘‘ کے تحت پام ڈیل، کیلیفورنیا میں امریکی فضائیہ کے پلانٹ نمبر 42 میں تیار کیے جارہے ہیں۔واضح رہے کہ اس منصوبے کا آغاز 2013 میں ہوا تھا جس کے بارے میں اوباما اور ٹرمپ انتظامیہ نے مکمل خاموشی اختیار کر رکھی تھی۔ البتہ اس کے حوالے سے مختلف افواہیں اور خبریں ضرور گردش کررہی تھیں۔
بائیڈن انتظامیہ کی جانب سے بھی اس منصوبے کی تصدیق ضرور کی گئی ہے لیکن زیادہ تفصیلات اب بھی منظرِ عام پر نہیں آئی ہیں۔تاہم اب تک نارتھروپ گرومین اور دوسرے معتبر ذرائع سے حاصل ہونے والی معلومات سے پتا چلتا ہے کہ ’’بی 21‘‘ امریکا کا جدید ترین بمبار طیارہ ہوگا جو ’’بہت لمبے فاصلوں‘‘ تک پرواز کرسکے گا۔

اسے ریڈار پر نہیں دیکھا جاسکے گا، یعنی کہ یہ اسٹیلتھ ہوگا؛ جبکہ یہ جدید ترین آلات کے علاوہ ایٹم بموں سے بھی لیس ہوگا۔ظاہری طور پر یہ سرد جنگ کے دوران بنائے گئے ’’بی ٹی‘‘ (B-2) بمبار سے مشابہت رکھتا ہے جسے ممکنہ جنگ میں سابق سوویت یونین پر ایٹم بم گرانے کےلیے بطورِ خاص ڈیزائن کیا گیا تھا۔

البتہ بی 21 بمبار کی جسامت اس سے کچھ کم ہے جس کے پروں کا پھیلاؤ 150 فٹ سے کچھ کم بتایا جاتا ہے۔ اس میں دو پائلٹ سوار ہوں گے۔بی 21 میں 30,000 پونڈ تک پے لوڈ لے جانے کی گنجائش ہے جو جدید ترین ایٹم بموں پر مشتمل ہوگا۔

ریڈار سے بچنے کےلیے اس کی ساخت کسی بڑی مثلث جیسی رکھی گئی ہے۔ اس کے پیشرو ’’بی 2‘‘ کی ساخت بھی ایسی ہی تھی۔یہ آواز سے کچھ کم رفتار پر، انتہائی بلندی پر رہتے ہوئے پرواز کرسکے گا اور ایک بار ایندھن بھرنے کے بعد ہزاروں میل کا فاصلہ طے کرسکے گا۔

ریڈار کی نظروں سے بچنے کےلیے اس کی سطح پر ایسا روغن کیا جائے گا جو ریڈار کی لہریں جذب کرسکتا ہے۔ یہ اسٹیلتھ صلاحیت مزید بہتر بنانے کےلیے اس میں اضافی آلات بھی نصب کیے جائیں گے۔مزید یہ بھی معلوم ہوا ہے کہ 2022 سے بی 21 کی آزمائشی پروازیں شروع کردی جائیں گی جبکہ اس کی محدود پیداوار کا آغاز 2026 سے کیا جائے گا۔
2030 تک اس بمبار طیارے کی بڑے پیمانے پر پیداوار شروع کردی جائے گی جبکہ 2027 تک اس کی پہلی کھیپ امریکی فضائیہ کے سپرد کرنے کا منصوبہ ہے۔
اندازہ ہے کہ امریکی فضائیہ نے 80 سے 100 عدد بی 21 طیاروں کا آرڈر دیا ہوا ہے، جن میں سے ہر طیارے کی ممکنہ قیمت 30 کروڑ ڈالر سے 55 کروڑ ڈالر تک ہوسکتی ہے۔

عالمی دفاعی حلقوں کا کہنا ہے کہ بی 21 طیارے سے متعلق امریکی قیادت کا اعلان ایک ایسے وقت میں سامنے آیا ہے جب امریکا اور چین کے درمیان ایک نئی سرد جنگ کا آغاز ہوچکا ہے۔اس سے قطع نظر کہ بی 21 بمبار کا منصوبہ درحقیقت کونسے مرحلے پر ہے، اس اعلان کے ذریعے امریکا نے چین کو دھمکی دی ہے کہ وقت آنے پر وہ چین کے خلاف ایٹم بموں کا استعمال بھی کرسکتا ہے۔

لاہور(ویب ڈیسک) پاکستان مسلم لیگ (ن) کے صدر اور قائد حزب اختلاف شہباز شریف نے بڑھتی مہنگائی پرتشویش کا اظہارکیا ہے .شہبازشریف کاکہنا تھا کہ تمام بنیادی اشیاء کی قیمتوں میں اضافہ کر کے وسائل جمع کرنا ظلم، ظلم اور بدترین ظلم ہے۔
انہوں نے کہا کہ نمائشی اجلاس بلانے سے مہنگائی کم نہیں ہو گی اس کے لیے صرف ٹھوس اقدامات کرنے ہوں گے. یہ ہے نیا پاکستان، ہمارے دور میں 35 روپے فی کلو ملنے والے آٹے کی قیمت میں موجودہ حکومت نے 75 روپے سے اوپر کر دی، انڈے، گوشت، مرغی، دال، گھی کی قیمتوں میں ظالمانہ اضافے نے عوام کی چیخیں نکال دی ہیں۔ پاکستان مسلم لیگ (ن) کے صدر کا کہنا تھا کہ معاشی تباہی، بے روزگاری اور بدترین مہنگائی کی ذمہ دار موجودہ نااہل حکومت اور اس کی چوریاں ہیں.

طورخم (ویب ڈیسک) طالبان کی جانب سے طورخم سرحد کوہرقسم کی آمدورفت کے لئے بند کردیا گیا ہے۔سیکیورٹی ذرائع کا کہنا ہے کہ سرحد کی بندش کے بعد پیدل آمدورفت اور تجارتی سرگرمیاں معطل اورسرحد کے دونوں پاربڑی تعداد میں مسافراورکارگوگاڑیاں جمع ہوگئیں۔

وادی (ویب ڈیسک) مقبوضہ کشمیر میں بھارت کی ریاستی دہشت گردی جاری ہے. مقبوضہ کشمیر میں قابض بھارتی فوج نے ضلع شوپیاں میں فائرنگ کر کے ایک نوجوان کو شہید کر دیا۔کشمیر میڈیا سروس کے مطابق بھارتی فوج نے گاؤں چتراگم میں نوجوان کو سرچ آپریشن کا بہانہ بنا کرنوجوان کو شہید کیا۔ علاوہ ازیں علاقے میں خوف و ہراس پھیلانے کیلئے انٹرنیٹ اور موبائل سروس کو بند کردیا۔بھارتی فوج نے گھر گھر تلاشی لیتے ہوئے چند نوجوانوں کو گرفتار بھی کر لیا۔ کشمیری عوام نے بھارتی فورسز کی اس ظالمانہ کارروائی کے خلاف احتجاج بھی کیا۔

اسلام آباد (ویب ڈیسک) نیوزی لینڈ کے دورہ منسوخی کے پیچھے بھارت کا ہاتھ ہے.حکومت نے اس سازش کاپردہ چاک کر دیا ہے.تفصیلات کے مطابق وزیر اطلاعات فواد چوہدری نے وزیر داخلہ شیخ رشید کے ہمراہ نیوزی لینڈ کرکٹ ٹیم کا دورہ منسوخ کرنے کے حوالے سے اسلام آباد میں پریس کانفرنس کی .انہوں نےبریفنگ دیتے ہوئے کہا کہ فیک نیوز کے پیچھے ریاستوں اور ایجنسیوں کا ہاتھ ہے، پاکستان میں ہائبرڈ وارکاسامناہے.وفاقی وزیر نے تفصیلات بتاتے ہوئے کہا کہ 19 اگست کو احسان اللہ احسان کے نام سے ایک فیس بک اکائونٹ بنایا گیا جس میں نیوزی لینڈ ٹیم کو پاکستان کے دورہ سے روکتے ہوئے کہا گیا کہ داعش کیوی ٹیم پر حملہ کرسکتی ہے۔
وزیر اطلاعات نے مزید بتایا کہا کہ 21 اگست کو بھارتی اخبار سنڈے گارڈن کے بیوروچیف ابھی نندن مشرا نے احسان اللہ احسان کی اس جعلی فیس بک پوسٹ کی بنیاد پر آرٹیکل لکھا، ابھی نندن مشرا اور پاکستان مخالف سابق افغان نائب صدر امر اللہ صالح کے آپس میں گہرے تعلقات بھی ہیں، علاوہ ازیں 24 اگست کو مارٹن گپٹل کی بیوی کو تحریک لبیک کے نام سے بنے ای میل ایڈریس سے ایک ای میل موصول ہوئی جس میں مارٹن گپٹل کو پاکستان میں قتل کر دینے کے بارے میں لکھا تھا.
یہ ای میل اکاؤنٹ 24اگست 2021 کو ہی بنایا گیا تھا اور اس سے صرف ایک ہی میل مارٹن گپٹل کی بیوی کو بھیجی گئی، حالانکہ یہ ای میل پروٹون میل پر بنائی گئی جو کافی محفوظ ای میل ہے، تمام واقعات کےباوجود نیوزی ٹیم اپناٹورکینسل نہیں کیا اور پاکستان آ گئی.

فواد چوہدری نے مزید تفصیلات سے آگاہ کیا کہ پہلی پریکٹس 13ستمبر کو ہوئی تب کوئی تھریٹ رپورٹ نہیں ہوا، 17 ستمبر کو نیوزی لینڈ کی ٹیم نے بتایا کہ حکومت کی ہدایت پر یہ ٹور منسوخ کرنا چاہتے ہیں، جس پر سیکیورٹی فورسز اور پی سی بی کے افسران نے کیوی ٹیم سے ملاقات کی اور تھریٹ بارے پوچھا تو ٹیم کو بھی کچھ معلوم نہیں پتہ تھا.
انٹرپول نے 18 ستمبر کو پاکستان کو بتایا کہ جی میل پر حمزہ آفریدی 7899 کے نام سے بنی ایک ای میل موصول ہوئی ہے جس میں نیوزی لینڈ ٹیم کو دھمکی دی گئی تھی، یہ ای میل بھارت میں بنا اس کے علاوہ وی پی این کے ذریعے یہ ای میل بھارت سے بھیجی گئی تھی تاکہ اس کی لوکیشن سنگاپور ظاہر ہو۔

فواد چوہدری نے مزید بتایا کہ جس ڈیوائس سے ای میل جنریٹ ہوئی اس پر 13 مزید ای میل بنائی گئی ہیں اوروہ سب ہندی ناموں سے بنی ہیں ، صرف ایک جعلی ای امیل حمزہ آفریدی کے نام سے بنائی گئی اور جان بوجھ کر اس ای میل پر پاکستانی نام استعمال کیا گیا ہے، یہ ای میل جس نمبر پر بنا وہ سم انڈین کے نام پر ہے، اس کا نام اوم پرکاش مشرا ہے جس کا تعلق ممبئی سے ہے، اگست 2019 میں یہ موبائل ڈیوائس آر ایم ایکس 1971 بھارت میں لانچ کی گئی اور موبائل سم اگست 2019 میں بھارت میں رجسٹر ہوئیں تھیں. وزارت داخلہ نے مقدمہ درج کرلیا ہے اور دونوں ای میل ہولڈرز کو انٹرپول کی مدد سے ٹریس کیا جا رہا ہے.

وزیر داخلہ شیخ نے کہا کہ نیوزی لینڈ کی ٹیم کی واپسی سے اگر کوئی سمجھتا ہے کہ پاکستان دنیا میں تنہا ہو جائے گا تو یہ اسکی بھول ہے. دورے کینسل کرنے کے معاملے کو زیادہ اچھالا نہ جائے.وزیر داخلہ نے مزید کہا کہ دراصل بھارت کے 66 ٹریننگ کیمپ افغانستان میں بند کر دیے گئے ہیں جس پر بھارت میں صف ماتم بچھی ہے۔

جنیوا (ویب ڈیسک)ترک صدر طیب اردوان نے مسئلہ کشمیر کے حوالے سے اہم بیان دیا ہے.ان کاکہنا ہے کہ مسئلہ کشمیر کو اقوام متحدہ کی قراردادوں کے تحت حل کرنا چاہئے کیونکہ 74 برسوں سے کشمیری حق خود ارادی کے منتظر ہیں۔ تفصیلات کے مطابق اقوام متحدہ کی جنرل اسمبلی کے 76 ویں سیشن میں 193 ارکان سےترک صدر طیب اردوان نے خطاب کیا. خطاب کے دوران انہوں نے کہا ہے کہ کشمیر ایک سلگتا ہوا تنازع ہے اور یہ جنوبی ایشیا میں استحکام اور امن کا ضامن بھی ہے۔ترک صدر نے مسئلہ کشمر کے حل کے حوالے سے بات کرتے ہوئے اقوام متحدہ کی قراردادوں کی بنیاد پر حل کرنے پر زوردیا.انہوں نے مزید کہا کہ بھارت نے کشمیر کی خصوصی حیثیت ختم کر دی ہے اور اس مسئلے کو مزید پیچیدہ بنا دیا ہے۔
ترک صدر نے کہا کہ 74 برسوں سے کشمیر کے مظلوم عوام انتظار کر رہے ہیں کہ آخر کب اقوام متحدہ کی قراردادوں پر عمل ہوگا۔

پشاور(ویب ڈیسک) نیوزی لینڈ کی کرکٹ ٹیم نے پاکستان میں ہونے والی سیریزکو سیکیورٹی کا بہانہ بنا کرمنسوخ کردیا.جہاں نیوزی لینڈ کو سیکیورٹی پر اعتماد نہیں تھا وہاں غیرملکی بائیکرز نے پاکستان کو محفوظ ملک قرار دے دیا ہے۔پاکستانی اور غیر ملکی بائیکرزنے سوشل میڈیا پر ویڈیو اپلوڈ کی جس کے بعد وہ ویڈیو وائرل ہوگئی .ویڈیو میں 9 انٹرنیشنل خواتین بائیکرز اور پاکستانی ٹیم ممبرز حکومت خیبر پختونخوا کا شکریہ ادا کرتے نظر آتے ہیں‌۔ انہوں نے خیبر پختونخوا کی مہمان نوازی کی بھی تعریف کی۔9 امریکی خواتین سیاح کے طور پر موٹر سائیکل پر خیبر پختونخوا اور گلگت بلتستان کا روڈ ٹرپ پر آئی تھیں جو اب مکمل ہو گیا۔ خواتین بائیکرز نے خیبر پختونخوا کی خوبصورت وادیوں کی بھی دل کھول کر تعریف کی۔

اسلام آباد (ویب ڈیسک) پاکستان کے لیے برطانیہ کی جانب سے سفری پابندیں کے حولے سے خوشخبری آئی ہے.تفصیلات کے مطابق برطانیہ نے پاکستان کو سفری پابندیوں کی ریڈ لسٹ سے نکال دیا ہے۔پاکستان میں برطانیہ کے ہائی کمشنر کرسچن ٹرنر نے ٹویٹر پر لکھا ہے کہ مجھے تصدیق کرتے ہوئے خوشی محسوس ہو رہی ہے کہ پاکستان کو ریڈ لسٹ سے نکال دیا گیا ہے۔ مجھے علم ہے کہ پچھلے پانچ ماہ کتنے مشکل تھا بہت سارے لوگوں کے لیے جو پاکستان اور برطانوی کے درمیان قربت پر انحصار کرتے ہیں۔ہائی کمشنر کرسچن ٹرنر نےمزید لکھا کہ وزیراعظم عمران خان کے معاون خصوصی برائے صحت کا خصوصی شکریہ ادا کرتے ہیں‌۔ انہوں نے کہا کہ پاکستان برطانیہ کے ساتھ مل کر کام کرتا رہے گا تاکہ دونوں ممالک میں ڈیٹا شیئرنگ اور عوامی صحت کی حفاظت کو یقینی بنایا جا سکے۔

برطانوی ٹرانسپورٹ سیکرٹری گرانٹ شاپس کے مطابق برطانیہ نے پاکستان سمیت 8 ممالک کو سفری پابندیوں کی ریڈ لسٹ سے نکال دیا ہے۔ اس فیصلے کا اطلاق بدھ 22 ستمبر کی صبح 4 بجے سے ہوگا جبکہ بین الاقوامی سفر کیلئے 4 اکتوبر سے نیا نظام متعارف کرا رہے ہیں۔برطانوی اخبار کے مطابق اس لسٹ میں پاکستان کے علاوہ ترکی، مصر، مالدیپ، سری لنکا، عمان، بنگلا دیش اور کینیا بھی شامل ہیں۔ دوسری جانب وفاقی وزیر خارجہ شاہ محمود قریشی نے برطانیہ کی جانب سے پاکستان کو ریڈ لسٹ سے نکالنے کے فیصلے کا خیر مقدم کیا ہے۔

اسلام آباد (ویب ڈیسک)وزیراعظم عمران خان نے نیوزی لینڈ کی وزیر اعظم جیسنڈا آرڈرن سے رابطہ کیا ہے .تفصیلات کے مطابق وزیراعظم عمران خان سے رابطے میں نیوزی لینڈ کی وزیر اعظم نے احتیاطی طورپر نیوزی لینڈ ٹیم کا دورہ ملتوی کرنے کی استدعا کی ہے. وفاقی وزیر اطلاعات فوادچوہدری نے ٹوئٹر پرایک بیان جاری کیا ہے جس میں انہوں نے لکھا ہے کہ عمران خان نے نیوزی لینڈ کی وزیر اعظم جیسنڈا آرڈرن سے رابطہ کیا اور انہیں یقین دلایا پاکستان میں نیوزی لینڈ ٹیم کوفول پروف سیکیورٹی میسر ہے ، نیوزی لینڈکی سیکیورٹی نےانتظامات پر اطمینان کا اظہار کیا ہے۔
فوادچوہدری نے مزید کہا کہ ہماری انٹیلی جنس ایجنسیزبہترین انٹیلی جنس سسٹم میں شامل ہیں، ان کی رائےمیں نیوزی لینڈ کی ٹیم کو کسی قسم کے خطرہ نہیں ، جیسنڈا آرڈرن نے احتیاطی طورپردورہ ملتوی کرنے کی استدعا کی۔
دوسری جانب سینیٹر فیصل جاوید نے بھی ٹوئٹر پر اپنے بیان میں کہا ہے کہ پاکستان میں سیکیورٹی صورتحال بہت اچھی اورتسلی بخش ہے مگر نیوزی لینڈکی طرف سےسیریز ملتوی کرنا سمجھ سے باہر ہے۔