Tag پاکیستان

ایکشن، کامیڈی اور تھرل سے بھر پور کراچی کے معاشرتی مسائل پر بننے والی اپنی نوعیت کی منفرد فلم ’لال کبوتر‘ نے 3 کروڑ روپے کا شاندار بزنس کرلیا ہے۔
(ایمرا نیوز آن لائن)

چھوٹی فلم کی بڑی کامیابی پر پوری ٹیم کو مبارکباد پیش کی جارہی ہے ، یہ فلم گذشتہ ماہ ملک بھر میں ریلیز کی گئی تھی جسے ایک ماہ مکمل ہوگیا ہے اور منچلے نوجوان اب بھی یہ فلم ذوق و شوق سے دیکھنے کیلئے سنیما گھروں کا رُخ کررہے ہیں۔

فلم بینوں نے فلم کی کہانی، میوزک، مناظر اور جاندار ڈائریکشن کی بھی تعریفیں کی ہیں اور معاشرتی مسائل پر بنائی گئی اسٹوری کو فلم انڈسٹری کیلئے بھی خوش آئند قرار دیاہے۔ یاد رہے فلم ”لال کبوتر“ کامل چیمہ اور ہانیہ چیمہ کی پروڈکشن کمپنی ”نہر گھر “ کی تخلیق ہے،آکسفورڈ سے تعلیم یافتہ دونوں بہن بھائی کی یہ پہلی فلم ہے

لالچ ، طاقت اور انتقام کے گرد گھومتی دلچسپ کہانی میں علی اکبر اور منشا پاشا نے مرکزی کردار ادا کیا، دونوں کی اداکاری کو خوب سراہا جارہا ہے ، دونوں آرٹسٹوں کے پرستار اِنہیں مزید فلموں میں ایک ساتھ دیکھنے کے خواہش مند ہیں۔

علی عباس نقوی کی تحریر کی گئی شاندار کہانی کو ایوارڈ یافتہ ہدایتکار کمال خان نے ڈائریکٹ کیا ہے ، ”جیوٹی وی “ فلم کا میڈیا پارٹنر ہے۔ فلم اب بھی سینما گھروں کی زینت بنی ہوئی ہے اوراُمید کی جارہی ہے کہ ”لال کبوتر“ بزنس اور کامیابی کے مزید اعزاز اپنے نام کرے گی۔

لاہور (ایمرا نیوزآن لانن)
حکومت کسی کی بھی ہو وہ چاہتا بادشاہت ہے۔جمہوریت کے نام پر پاکستان میں ایک قسم کی بادشاہت ہی رہی ہے کیونکہ یہاں کے حکمران عوام کو ریلیف دینے کی بجائے افسران اور عہدیداران سے نہ سننے کے روادار نہیں۔انہوں نے کبھی نہیں سوچا کہ جو آرڈر ہم افسران کو دے رہے ہی وہ جائز بھی ہے یا نہیں وہ بس اس آرڈر پر عملدرآمد کے خوہش مند ہوتے ہیں۔ تبدیلی حکومت کے 8ماہ میں پنجاب کے3آئی جی تبدیل کیے گئے ابھی بھی نہیں پتا کہ یہ معاملہ کب تک جاری رہے گا۔تاہم گزشتہ روز آئی جی پنجاب کو عہدے سے ہٹائے جانے پر خاصی تنقید ہو رہی ہے۔سینئر صحافی عارف حمید بھٹی نے نجی چینل کے پروگرام میں گفتگو کرتے ہوئے کہا کہ میں پورے یقین سے کہتا ہوں کہ آئی جی پنجاب امجد سلیمی کو حمزہ شہباز کو گرفتار نہ کرنے کی پاداش میں عہدے سے ہٹایا گیا ہے۔

انہوں نے کہا صرف آئی جی ہی نہیں بلکہ ہوم سیکرٹری پنجاب فضیل اصغر کو بھی اسی پاداش میں ہٹایا گیا ہے۔عارف بھٹی نے گفتگو جاری رکھتے ہوئے کہا کہ پچھلے دنوں دو درجن کے قریب افسروں کے تبادلے کی وجہ یہی تھی کہ حکمران نہ سننے کے حق میں نہیں۔موجودہ حکومت بھی وہی کچھ کر رہی ہے جو اس سے پچھلی حکومتیں کرتی رہی ہیں۔پنچاب کے36اضلاع میں 36ڈی پی او اور اتنے ہی ڈی سی او ہیں کیا ان میں سے کوئی بھی ایماندار نہیں جو یہ ہر چوتھے روز کسی نا کسی کا تبادلہ کر دیتے ہیں۔

عارف حمید بھٹی نے کہا کہ سیاستدان افسروں کے تبادلے کرانے میں ماہر اور اپنی مرضی کا بندہ اور فیصلہ چاہتے ہیں۔اب زلفی بخاری صاحب پنجاب بینک کا سربراہ ایک ایسے بندے کو لگانا چاہتے ہیں جس کی کوئی قابلیت ہی نہیں ہے اور سنیارٹی میں بھی وہ ابھی پیچھے ہیں۔اب اس بات پر سیکرٹری فنانس نے کہاکہ یہ بندہ اتنا کریڈیبل نہیں ہے اس لیے میں اس کو پنجاب بینک کا صدر تعینات نہیں کر سکتا اس جواب پر سیکرٹری فنانس کو ہی بدل دیا گیا۔اب یہاں سے اندازہ لگائیں کہ اگر ان کی بات نہیں مانی جاتی اور ان کی سفارش بھی کام نہیں آتی تو متعلقہ افسر کو تبدیل کر دیا جاتا ہے۔

کر اچیْ (ایمرا نیوزآن لائن)
کراچی کے مختلف علاقوں میں تیز گرد آلود ہواؤں کا سلسلہ جاری ہے جب کہ مختلف حادثات و واقعات میں 2 بچیوں سمیت 3 افراد جاں بحق اور 20 زخمی ہوگئے۔شہر قائد کے مختلف علاقوں میں گرد آلود تیز جھکڑ چلنے سے مختلف علاقوں میں دیواریں، چھتیں، کھمبے اور درخت گرنے کے واقعات پیش آئے جب کہ کئی علاقوں میں رات گئے سے بجلی کی فراہمی معطل ہے۔تیز ہواؤں کے باعث جن علاقوں میں حادثات پیش آئے ان میں کورنگی، لانڈھی، ملیر، لیاری، پی ای سی ایچ ایس، پیپلز چورنگی ، سرجانی ٹاؤن شامل ہیں۔ریسکیو ذرائع کے مطابق پیپلز چورنگی کے قریب درخت گرنے سے ایک شخص جاں بحق ہوگیا جب کہ حاجی مرید گوٹھ میں گھر کی چھت گرنے سے 5 سالہ بچی چل بسی۔

اسی طرح ٹیپو سلطان سگنل کے قریب اسکول کی چھت گرنے سے 5 طالبعلم زخمی ہوگئے جنہیں اسپتال منتقل کردیا گیا۔ریسکیو ذرائع کا کہنا ہے کہ لانڈھی تین نمبر میں گھر کی دیوار کا حصہ گر گیا جس کی زد میں آکر 2 افراد زخمی ہوئے، سرجانی ٹاؤن سیکٹر 7 ڈی میں گھر کی چھت کا حصہ گرنے سے 2 افراد زخمی ہوئے۔شہری بجلی کے ٹوٹے ہوئے تاروں، کھمبوں اور پی ایم ٹیز سے دور رہیں لیاری چاکیوڑا میں مدرسے کی چھت گر گئی جب کہ تیز جھکڑ سے جامع مسجد فش ہاربر کی عارضی چھت اڑ گئی جس سے مؤذن زخمی ہوگیا جسے اسپتال منتقل کردیا گیا۔ فضا میں دھول مٹی کے باعث حد نگاہ کم ہوگئی جس کے باعث پروازیں بھی تاخیر کا شکار ہیں جب کہ بعض علاقوں میں ہلکی بوندا باندی بھی ہوئی جن میں ناظم آباد، لیاقت آباد، گرومندر، شارع فیصل، ناگن چورنگی، یونی ورسٹی روڈ، لیاقت آباد اور اورنگی ٹاؤن کے علاقے شامل ہیں۔

تیز ہواؤں کے باعث بجلی کے تار ٹو ٹنے سے کئی علاقوں میں بجلی غائب ہوگئی جب کہ فون لائن اور انٹر نیٹ سروس بھی متاثر ہے۔ماڈل کالونی شیٹ نمبر 27 میں رات 10 بجے سے بجلی بند ہے جب کہ ڈیفنس ویو فیز 2 میں بھی گزشتہ رات 10 بجے سے بجلی کی آنکھ مچولی جاری ہے، اسی طرح ملیر ہالٹ کے مختلف علاقوں میں بجلی کی فراہمی معطل ہے۔ کے الیکٹرک نے شہریوں کو تاکید کی ہے کہ بجلی کے ٹوٹے ہوئے تاروں، کھمبوں اور پی ایم ٹیز سے دور رہیں اور برقی آلات کا استعمال گیلے ہاتھوں کے ساتھ نہ کریں۔محکمہ موسمیات کا کہنا ہے آئندہ 24 گھنٹوں کے دوران گرج چمک کے ساتھ ہلکی بارش کا امکان ہے، زیادہ سے زیادہ درجہ حرارت 34 ڈگری سینٹی گریڈ تک جانے کا امکان ہے۔

ڈائریکٹر محکمہ موسمیات سردار سرفراز کا کہنا ہے کہ کل رات گرد و غبار کا طوفان توقع سے زیادہ تھا جس کے دوران ہوائیں 65 کلو میٹر فی گھنٹہ کی رفتار سے چلیں۔سردار سرفراز کا مزید کہنا تھا کہ مغربی ہواؤں کا سسٹم شہر میں موجود ہے جو کل شام تک نکل جائے گا تاہم آج بھی ہواؤں کی رفتار زائد رہے گی۔دوسری جانب بارش برسانے والا سسٹم ایران سے گزشتہ رات بلوچستان میں داخل ہوا جس کے بعد کوئٹہ، کوہلو، اورماڑہ، چمن، زیارت، جیوانی، دْکّی،گوادر میں شدید بارش ہوئی۔کئی علاقوں میں بجلی کے کھمبے گرنے سے بجلی کی فراہمی معطل ہے

اسلام آباد(ایمرا نیوزآن لائن)
نامزد سیکریٹری خارجہ سہیل محمود آج منگل کو مس تہمینہ جنجوعہ کی جگہ پر عہدہ سنبھالیں گے، وہ اسی دن وزارت خارجہ میں 35 سال تک خدمات انجام دینے کے بعد ریٹائر ہو رہی ہیں۔ سہیل محمود بھارت میں پاکستان کے ہائی کمشنر تھے، وہ ہفتے کو اپنی ذمہ داریوں سے سبکدوش ہوئے جس کے بعد سید حیدر شاہ متبادل کی تعیناتی تک پاکستان کے قائم مقام ہائی کمشنر بن گئے۔

سہیل محمود دفتر خارجہ اور کچھ دیگر اہم دفاتر میں منعقدہ بریفنگز میں حصہ لیں گے۔ نئے سیکریٹری خارجہ ایسے حالات میں یہ عہدہ سنبھال رہے ہیں جب پاکستان کو بیرونی محاذ پر سخت چیلنجز کا سامنا ہے۔ بھارت سے خطرات سرفہرست ہیں جہاں عام انتخابات کا عمل جاری ہے اور انتخابی نتائج کے پاکستان کے ساتھ تعلقات پر براہِ راست اثرات ہوں گے۔ افغانستان کی صورتحال بھی ایک چیلنج ہے جہاں جنگ زدہ ملک کے مستقبل اور اس کے پاکستان کے تعلقات کے حوالے سے پاکستان کا کردار اہمیت کا حامل ہوگا۔ سہیل محمود وزیراعظم عمران خان کے ساتھ چین کے دورے پر بھی جائیں گے جبکہ آئندہ اتوار کو دورہ ایران کے موقع پر بھی وہ وزیراعظم کے ساتھ ہو.

اسلام آباد (ایمرا نیوزآن لائن)
سابق وزیر داخلہ اور چئیرمین قائمہ کمیٹی برائے داخلہ سینیٹر رحمان ملک نے کہا ہے کہ بھارت پورے خطے کا ایس ایچ او بننا چاہتا ہے۔آر ایس ایس چاہتی ہے کہ بھارت صرف ہندو رہیں باقی سکھ مسلمان یا کوئی کسی مذہب کے ماننے والے نہ ہوں۔میڈیا رپورٹس کے مطابق رحمان ملک نے نجی ٹی وی سے گفتگو میں مزید کہا کہ اس وقت بھارت میں مودی کے خلاف کوئی بات نہیں کر سکتا کیونکہ آر ایس ایس کا خوف بھارتیوں پر طاری ہے۔

بھارت پاکستان پر بڑا حملہ نہیں کر سکتا کیونکہ وہ اس پوزیشن میں نہیں ہے۔ان کا کہنا تھا کہ پاکستان کو توڑنے والا شخص بھی مودی ہے،ان کا کہنا تھا کہ بھارت نے پاکستان میں دہشت گردی پھیلائی،ہم نے دہشت گردی کے خلاف جنگ میں اتنی قربانیاں دیں لیکن ہمیں آج بھی دنیا کو بتانا پڑ رہا ہے کہ بھارت افغان انٹیلی جنس سے مل کر پاکستان میں دہشت گردی کراتا ہے۔

چئیرمین قائمہ کمیٹی برائے داخلہ نے مزید کہا کہ امریکا کے افغانستان میں مقاصد ہیں لیکن امریکا کا بنیادی مقصد ایشیا میں اپنا وجود برقرار رکھنا ہے۔اگر واشنگٹن اور طالبان کے مذاکرات کامیاب ہو جاتے ہیں تو کابل میں مضبوط افغان طالبان کی حکومت بن سکتی ہے۔اشرف غنی کی حکومت بہت کمزور ہو چکی ہے۔انہوں نے مزید کہا کہ کرپشن ختم کرنے کا کوئی باضابطہ نظام موجود نہیں۔
کسی بھی اچھی گورننس کے لیے تین مرحلہ وار احتساب کا نظام ہونا چاہئیے۔ایک ایسا قانون بننا چاہئیے جس میں موجودہ حکومت کا بھی احتساب ہو۔آئندہ وقتوں میں موجودہ حکومت کے وزراء اور وزیراعظم کو بھی لوگ احتساب کے کٹہرے میں کھڑا دیکھیں گے۔انہوں نے مزید کہا کہ اگر یہ بات ثابت ہو جائے کہ محترمہ نے مشرف سے این آر او لیا ہے تو میں استعفیٰ دے دوں گا۔سابق وزیر داخلہ نے کہا کہ بلاول بھٹو سیاست میں نیا ویژن لے کر آئیں گے۔

کراچی(ایمرا نیوزآن لائن)
سابق صدرآصف علی زرداری نے کہا ہے کہ حکومت نیشنل ایکشن پلان پرمن وعن عمل کرنے میں ناکام رہی ہے۔جمعہ کو سابق صدرآصف علی زرداری نے کوئٹہ میں دہشت گردی کی مذمت کرتے ہوئے کہا کہ دہشت گردی میں معصوم انسانوں کونشانہ بنایا گیا ہے، حکومت نیشنل ایکشن پلان پرمن وعن عمل کرنے میں ناکام رہی ہے۔آصف زرداری نے شہیدوں کے ورثاء4 سے ہمدردی اورافسوس کا اظہارکرتے ہوئے کہا کہ حکومت دہشت گردوں اورمنصوبہ سازوں کوقانون کی گرفت میں لائے۔

کراچی( ایمرا نیوزآن لائن)
فیڈرل انویسٹی گیشن ایجنسی (ایف آئی اے )نے منی لانڈرنگ میں ملوث افراد کیخلاف ایکشن تیز کرتے ہوئے کراچی کے علاقے صدر میں حوالہ ہنڈی میں ملوث ملزم گرفتار کر لیا گیا جبکہ کوئٹہ میں بھی 2ملزمان کو دھر لیا گیا۔ ملزمان کے قبضے سے غیر ملکی کرنسی بھی برآمد کی گئی۔منی لانڈرنگ کرنیوالوں کے گرد گھیرا مزید تنگ کر دیا، ایف آئی اے کی مختلف شہروں کارروائیاں، کراچی صدر میں کوہ نور مارکیٹ میں ایف آئی اے نے چھاپہ مار کر حوالہ ہنڈی یں ملوث ملزم کو گرفتار کر لیا۔

کارروائی کے دوران 40 لاکھ روپے کی کرنسی برآمد ہوئی۔ایف آئی اے نے کوئٹہ کے علاقے جناح روڈ پر بھی کریک ڈاؤ ن کیا، حوالہ ہنڈی میں ملوث دوملزمان نعمت اللہ اور حبیب الرحمن کو گرفتارکر لیا۔ چھاپے کے دوران اڑھائی کروڑ سے زائد کی ملکی وغیرملکی رقم سمیت بڑی تعداد میں بینکوں کے چیکس بھی برآمد کر لئے گئے۔ ایف آئی اے کے مطابق ملزمان منی لانڈرنگ میں بھی ملوث ہیں جن سے ان کے ایک اور ساتھی سے متعلق تفتیش جاری ہے۔

واشنگٹن(ایمرا نیوزآن لائن)
وزیر خزانہ اسد عمر نے کہا ہے کہ آئی ایم ایف کیساتھ جلد پروگرام مکمل ہو جائیگا‘ بھارت کیساتھ مسائل اور تجارت پر بات چیت کا ارادہ ہے، امید ہے نئی دہلی کی نئی حکومت ہمارے ساتھ بیٹھے گی،ترکی کیساتھ اسٹریٹکجک اکنامک فریم ورک پر ایک ماہ میں دستخط کریں گے ، استعفے سے متعلق خبریں بے بنیاد ہیں۔جمعہ کو امریکی دارالحکومت واشنگٹن میں میڈیا سے گفتگو کے دوران صحافی نے ان کے استعفے سے متعلق زیر گردش افواہوں سے متعلق سوال کیا تو وفاقی وزیر خزانہ اسد عمر نے اس کا جواب شعر پڑ ھ کردیا، ہزاروں خواہشیں ایسی کہ ہر خواہش پہ دم نکلے۔

انہوں نے کہا کہ وزیراعظم کے بغیر بیرون ملک جاتا ہوں تو ایسی باتیں کی جاتی ہیں تاہم میں کہیں نہیں جارہا، عمران خان نے کہا تھا کہ پاکستان کو تمہاری ضرورت ہے۔وزیر خزانہ نے کہا کہ آئی ایم ایف کیساتھ پروگرام جلد مکمل ہو جائیگا، آئی ایم ایف کی شرائط سے پہلے ہی بنیادی تبدیلیاں کی جا چکی ہیں اور اگلا کام بنیادی ڈھانچے میں اصلاحات کا کرنا ہے، ہم پاکستان میں بنیادی ڈھانچے کی اصلاحات پر یقین رکھتے ہیں۔وزیر خزانہ کا کہنا تھا کہ خطرناک حد تک ادائیگیوں کے توازن کا بحران تھا جس سے نمٹنے کے لیے اقدامات لیے اور قیمتوں میں اضافے سے متعلق اقدامات پہلے ہی لیے جا چکے ہیں.

ہم نے آپشنز پیدا کیے تھے اس لیے فوری طور پر آئی ایم ایف سے معاہدہ نہیں کیا، معیشت میں ایسے اقدامات لینے پڑتے ہیں۔اسد عمر نے کہا کہ پہلے آئی ایم ایف کی تجاویز پاکستان کی معیشت کے لیے بہتر نہیں تھیں، اس لیے اْس وقت تک معاہدہ نہیں کیا جب تک وہ ہمارے سامنے ایسی تجاویز نہ رکھے جو معیشت کی بہتری کے لیے ہوں،۔وزیر خزانہ نے بتایا کہ فروری میں جاری کھاتوں کا خسارہ پچھلے سال کے مقابلے میں 72 فیصد کم تھا اور ہر ماہ تجارتی خسارے میں کمی آرہی ہے اور قلیل مدتی فنانسنگ کا بھی انتظام کرلیا، آئی ایم ایف پروگرام معیشت کو بہتری کی طرف لے جا سکیگا۔ان کا کہنا تھا کہ علاقائی تجارت سے خطے کے عوام کی بہتری ہوگی.

بھارت کے ساتھ دوطرفہ مسائل اور تجارت پر بات چیت کا ارادہ ہے، امید ہے بھارت میں آنے والی نئی حکومت پاکستان کے ساتھ بیٹھے گی۔اسد عمر نے کہا کہ ترکی کے ساتھ اسٹریٹکجک اکنامک فریم ورک کا ڈرافٹ تیار کرلیا جس پر ایک ماہ میں دستخط کریں گے جب کہ ترکمانستان کے ساتھ گیس پائپ لائن معاہدہ ہوچکا ہے، آج افغانستان کے وزیرخزانہ اور تاجکستان کے نائب وزیر خارجہ سے ملاقات ہوئی، دونوں ممالک کے ساتھ تجارت بڑھا سکتے ہیں۔

اسلام آباد( ایمرا نیوزآن لائن)
وزیراعظم عمران خان نے کہا ہے کہ سی ڈی اے پلاٹوں کی نیلامی انتہائی کامیاب رہی ، نیلامی سے تاریخ میں سب سے زیادہ 11 ارب 28 کروڑ روپے ملے۔جمعہ کو سماجی رابطے کی ویب سائٹ ٹوئٹر پر عمران خان نے اپنے ٹوئٹ میں کہا کہ سی ڈی اے پلاٹوں کی نیلامی انتہائی کامیاب رہی ، نیلامی سے تاریخ میں سب سے زیادہ 11 ارب 28 کروڑ روپے ملے،انہوں نے کہا کہ پلاٹس کی تاریخی نیلامی 2 اہم چیزوں کی نشاندہی کرتی ہے، نیلامی مستقبل کی معیشت پراعتمادکی مظہرہے اوریہ بھی ثابت ہوتاہے ماضی میں کرپشن کے ذریعے کتنی رقم ضائع کی گئی۔

لاہور(ایمرا نیوزآن لائن)
نوجوان گلوکار عبدالجبار منشا کے گیت’’اک سچا رب دا نام نام ‘‘کی عکسبندی مکمل کرلی گئی،اس ویڈیوگیت کوشیخوپورہ کے خوبصورت مقامات پر ماڈل معرف ماڈلز پرعکسبندکیا گیا،اس ویڈیوگیت کوجلد باؤ پروڈکشن کے تعاون سے پاکستان کی معروف نجی ریلیزنگ کمپنی سے ریلیز کر دیا جائیگا،ایک ملاقات کے دوران گلوکارعبدالجبار منشا کا کہنا تھا کہ ویڈیوگیت’’اک سچا رب دا نام نام ‘میں پنجاب کے حقیقی کلچرکی عکاسی کی گئی ہے،جوکہ میرے پرستاروں کوبہت پسندآئے گا،انہوں نے کہا کہ ان کے گیتوں پرمبنی نیو البم پر بھی کام جاری ہے جس کے گیتوں کی عکسبندی جلدہی پاکستان بھرکے خوبصورت مقامات پر کی جائیگی۔