Tag کراچی

کراچی(ویب ڈیسک)پولیس نے اسٹیل ٹاؤن میں کارروائی کرتے ہوئے دو مغوی لڑکیوں کو بازیاب کرتے ہوئے 3 سگے بھائیوں سمیت چار ملزمان کو گرفتار کرلیا۔میڈیارپورٹس کے مطابق مغوی لڑکیوں کی والدہ نے چند روز قبل اپنی دو بیٹیوں 13 سالہ سلیمہ اور 11 سالہ ثمینہ کے اغوا کا مقدمہ درج کرایا تھا۔ اسٹیل ٹائون پولیس نے مقدمہ درج کرکے تفتیش اے وی سی سی کو منتقل کردی تھی۔ اینٹی وائلنٹ کرائم سیل نے لڑکیوں کی بازیابی کے لیے اسٹیل ٹاؤن میں کارروائی کرتے ہوئے مغوی لڑکیوں کو بازیاب کرالیا اور 3 سگے بھائیوں سمیت چار ملزمان کو گرفتار کرلیا۔

اے وی سی سی حکام کے مطابق لڑکیوں کو اغوا کرنے والے ملزمان میں 3 سگے بھائی نیاز علی، علی مرشد، علی حیدر اور ان کا ساتھی کامران بھی شامل ہے۔ پولیس کا کہنا ہے کہ ابتدائی طور پر واقعہ ذاتی رنجش کا شاخسانہ معلوم ہوتا ہے تاہم مزید تحقیقات جاری ہے۔

کراچی(ویب ڈیسک)سابق وزیراعلیٰ پنجاب اور مسلم لیگ (ن) کے صدر شہباز شریف اور ایک خاتون کے درمیان کراچی ائیرپورٹ پر دلچسپ مکالمہ ہوا ہے۔
شہباز شریف ایک روزہ دورے پر کراچی پہنچے تھے جہاں انہوں نے سردار اختر مینگل سے ان کے والد کے انتقال پر تعزیت کی۔اسلام آباد روانگی کیلئے شہبازشریف کراچی ائیرپورٹ پہنچے جہاں ان کا ایک خاتون سے دلچسپ مکالمہ ہوا۔خاتون کا کہنا تھاکہ لاہور کا حشر کر دیا ہے، کچرا دیکھ دیکھ کر دل خراب ہوتا ہے، لاہور کا حشر دیکھ کر آپ کی یاد آتی ہے اور آپ سے مل کر خوشی ہوئی۔اس پر شہباز شریف نے خاتون کا شکریہ ادا کیا۔

کراچی(ویب ڈیسک)اداکارہ فضا علی بیمار ہیں اور اسپتال میں داخل ہیں جہاں سے انہوں نے اپنے مداحوں سے ان کے لیے جلد صحت یابی کی دعا کرنے کی درخواست کی ہے۔

اداکارہ و گلوکارہ اور میزبان فضا علی نے گزشتہ روز اپنے انسٹاگرام اکاؤنٹ پر چند اسٹوریز پوسٹ کیں جن کے ذریعے انہوں نے مداحوں کو بتایا کہ وہ بیمار ہیں۔ تصاویر میں ان کے ہاتھ میں آئی وی بھی لگی ہوئی نظرآرہی ہے۔تصاویر میں دیکھا جاسکتا ہے کہ اداکارہ فضا علی اسپتال کے بیڈ پر بیٹھی ہوئی ہیں جب کہ ایک تصویر میں ان کی بیٹی بھی ان کی گود میں بیٹھی ہوئی ہے۔ فضا علی نے اسٹوریز میں لکھا کہ وہ بیمار ہیں اور مداحوں سے درخواست کی کہ ان کی جلد صحت یابی کے لیے دعا کری

کراچی(ویب ڈیسک) کورونا وائرس کے کیسز میں کمی کے باوجود ملک میں آکسیجن کی طلب میں اضافہ ہورہا ہے، ڈیلرز کا کہنا ہے کہ آکسیجن کمپنیاں کارٹل بناکر گیس مہنگی کررہی ہیں اور ایک ماہ کے دوران آکسیجن گیس کی قیمت دگنی کردی گئی ہے۔

میڈیا رپورٹس کے مطابق ملک بھر میں کورونا وائرس کے کیسز کی تعداد میں آہستگی کے ساتھ کمی آرہی ہے تاہم اس کے باوجود آکسیجن گیس کی قیمت میں اضافے کا تسلسل برقرار ہے، ایک ماہ کے عرصے میں آکسیجن کی قیمت میں تقریباً دگنا اضافہ ہوچکا ہے جو کہ تشویش ناک بات ہے۔

آکسیجن فراہم کرنے والے ڈیلرز کا کہنا ہے کہ یہ گیس بنانے والی کمپنیاں کارٹل بناکر آکسیجن کی گیس میں اضافہ کررہی ہیں جو کہ مصنوعی ہے۔
دوسری جانب ملک کی بڑی آکسجین گیس کمپنی، پاکستان آکسیجن لمیٹڈ نے آکسیجن کی طلب پوری کرنے سے معذرت کرلی۔ پاکستان آکسیجن لمیٹڈ نے ہسپتالوں کی انتظامیہ اور ایمرجنسی رومز کو ہنگامی طور پر آکسیجن کے حصول کے لیے متبادل ذرائع کا بندوبست کرنے کا پیغام بھیج دیا ہے۔

کمپنی کی جانب سے مختلف اسپتالوں کو بھیجے گئے خط میں کہا گیا ہے کہ کورونا وبا کی صورتحال کی وجہ سے آکسیجن کی طلب میں غیرمعمولی اضافہ ہوا ہے اور کمپنی کے کراچی اور لاہور میں قائم تین پلانٹس پوری پیداواری گنجائش پر چلائے جانے کے باوجود آکسیجن کی اضافی طلب پوری کرنا کمپنی کے بس کی بات نہیں۔

خط میں کہا گیا ہے کہ آکسیجن کی کمی پوری کرنے کے لیے ہسپتال متبادل بندوبست کریں، آکسیجن کی قلت کی صورت میں کسی ناخوشگوار صورتحال کی ذمہ داری پاکستان آکسیجن پر عائد نہیں ہوگی۔

کراچی(ویب ڈیسک)ولیمے کی تقریب میں منال خان کی جگہ ایمن خان کودلہن سمجھنے کی ویڈیووائرل ہوگئی۔

گزشتہ روزاداکارہ منال خان اوراحسن محسن خان کے ولیمے کی تقریب تھی۔ دونوں کی شادی کوسوشل میڈیا پلیٹ فارم پرخوب جگہ ملی۔ کہیں مداحوں نے تصاویر اور ویڈیوز میں شادی کواچھا کہا جب کہ کہیں کہیں مداح شوآف کرنے پرتنقید بھی کرتے ہوئے نظر آئے۔

گزشتہ روز ولیمے کی تقریب سے ایک وڈیوسوشل میڈیا پر وائرل ہورہی ہے جس میں ایک مہمان منال خان کی جڑواں بہن اوراداکارہ ایمن خان کودلہن سمجھ لیتی ہیں۔

کراچی(ویب ڈیسک)لیجنڈ کامیڈین اداکارعمرشریف کے بیٹے جواد عمرکا کہنا ہے کہ والد کی طبیعت میں بہتری نہیں آرہی اگرامریکا نا بھیجا گیا تو اوپن ہارٹ سرجری کی طرف جانا ہوگا۔
دل کے عارضے میں مبتلا لیجنڈ کامیڈین اداکارعمرشریف کی طبیعت بدستورخراب ہے۔ اداکاراسپتال میں زیرعلاج ہیں اوران کی حالت میں بہتری نظرنہیں آرہی۔اداکارکی سوشل میڈیا پرایک تصویروائرل ہورہی ہے جس سے اندازہ لگایا جاسکتا ہے کہ اداکارکودعاؤں کی ضرورت ہے۔اس متعلق اداکارکے بیٹے جواد عمرکا کہنا ہے کہ والد کی طبیعت میں بہتری نہیں آرہی، ڈاکٹرزکے مطابق دل کا مرض بہت زیادہ بگڑ گیا ہے۔ اگر امریکا نا بھیجا گیا تو اوپن ہارٹ سرجری کی طرف جانا ہوگا۔

بیٹے نے مزید کہا کہ والد اس وقت بالکل بھی ہوش میں نہیں اور چند منٹ ہوش میں آنے پربھی کسی کو نہیں پہچان رہے، پوری قوم سے والد کی صحت یابی کے لئے دعاوں کی اپیل کرتا ہوں۔

کراچی(ویب ڈیسک) گلشن اقبال پولیس کے ہاتھوں گرفتارپولیس اہلکارٹک ٹاکرامبرین کے ساتھ زیادتی میں بھی ملوث نکلا۔

زمان ٹاؤن پولیس نے ٹک ٹاکر امبرین ڈول کی مدعیت میں مقدمہ الزام نمبر 959/21بجرم دفعات 376 اور 506 ٹیلی گراف ایکٹ کے تحت درج کیا تھا جس میں مدعیہ کا کہنا ہے کہ پولیس اہلکارعثمان اکبر نے متعدد مقامات پرزیادتی کا نشانہ بنایا۔

امبرین ڈول کے ویڈیو بیان کے مطابق پولیس اہلکارعثمان اکبر نے پولیس نوکری کا جھانسا دیکر نمبر لیا ،نوکری کے لیے ملوانے کا کہہ کرشارع فیصل کی جانب لیکر گیا اور گیسٹ ہاؤس میں زبردستی زیادتی کی جبکہ میری تصاویراوروڈیو بھی بنالی بلیک میل کرنے لگا ۔امبرین ڈول کا کہنا تھا کہ عثمان اکبر زمان ٹاون تھانے لیکرگیااورتھانے کے اندرمتعدد دفعہ زیادتی کی تھی، تھانے کے چند اہلکاروں کو بھی علم ہے۔
امبرین کا کہنا تھاکہ عثمان سرعام مارتا ہے اورزبردستی ساتھ لیجاکرزیادتی کرتا رہا،انہی وجوہات کی بناءپرگھر سے نکلنا چھوڑ دیا تو دھمکیاں دینے لگا،امبرین نے الزام عائد کیا کہ عثمان نے گھر کے باہر فائرنگ بھی کی جس کی وجہ سے خوف کے باعث گھر میں محصور ہو کر رہ گئی، امبرین نے مزید بتایا کہ عثمان اکبر اکثر مجھے پولیس موبائل میں لے جاتا تھا موبائل میں بھی وڈیو بنائی گئی،امبرین نے پولیس کے اعلی افسران سے مطالبہ کیا کہ عثمان اکبرکوسخت سے سخت سزا دی جائے۔

کراچی(ویب ڈیسک)پاکستان قدرتی وسائل سے مالا مال ہے،یہی وجہ ہے کہ ہر بدلتادن ہماری قسمت بھی بدل رہاہے. پاکستان پیٹرولیم نے سندھ میں قدرتی گیس کے نئے ذخائر دریافت کرلیے ہیں۔

پی پی ایل کی جانب سے پاکستان اسٹاک ایکس چینج کو بھیجے گئے مکتوب میں بتایاگیا ہے کہ صوبہ سندھ میں واقع لطیف بلاک کے جگن ون” کنویں سے گیس کے ان نئے ذخائر کی دریافت ہوئی ہے۔

مذکورہ بلاک کی 33فیصد ملکیت پاکستان پیٹرولیم کی ہے جبکہ اس بلاک میں ای این آئی پاکستان اور یو ای پی ایل بھی 33، 33 فیصد کے شراکت دار ہیں۔ خط میں بتایاگیا ہے کہ مذکورہ کنویں کی 11350 فٹ کھدائی کے بعد قدرتی گیس کی دریافت ممکن ہوئی ہے۔ کنویں کے سینڈ زون “بی” میں 12.6ایم ایم سی ایف ڈی گیس کا حصول ہوا ہے۔
اس کنویں کے سینڈ زون “سی” سے 13.7 ایم ایم سی ایف ڈی گیس حاصل ہورہی ہے۔ گیس کی دریافت کمپنی کی جانب سے جارحانہ ڈرلنگ کی وجہ سے ہوئی ہے، نئی دریافت شدہ قدرتی گیس کے ذخائر سے ملکی توانائی کی ضروریات پورا کرنے میں اہم ثابت ہوگی

کراچی(ویب ڈیسک)نجی سکولوں‌کے بارےمیں‌ویسے تو لوگ بیانات دیتے رہتے ہیں جس میں ان کی فیسیں زیادہ اور پڑھائی کم کے الزامات واضح ہیں،اب وزیر تعلیم سندھ سردار شاہ کا کہنا ہے کہ نجی اسکولوں کے بچوں کو انگریزی کے سوا کچھ نہیں آتا۔

محکمہ تعلیم سندھ اور جائیکا نے مشترکہ طور پر ایڈوانس کوالٹی آلٹرنیٹیو لرننگ پروجیکٹ کا آغاز کردیا جس کا مقصد خواتین میں تعلیم کو فروغ دینا ہے۔ اس حوالے سے ہونے والی خصوصی تقریب سے خطاب میں وزیر تعلیم سردار شاہ نے کہا کہ نجی اسکولوں کے بچوں کو انگریزی کے سوا کچھ نہیں آتا، انہیں سائنس، کیمسٹری کا کچھ نہیں پتا۔

انہوں نے کہا کہ آرٹیکل 25 کے تحت بچوں کو مفت تعلیم فراہم کرنی ہے، ہمارے پاس پیسوں کی نہیں انسانی وسائل کی کمی ہے، سرکاری اسکول اس لیے بند ہیں کہ وہاں اساتذہ موجود نہیں، اساتذہ کی کمی دور کریں گے تاکہ بند سرکاری اسکول کھولے جاسکیں جب اساتذہ اسکول میں ہوں گے تو اسکول بند نہیں ہوں گے۔

ماضی میں حکومتیں کراچی کونظراندازکرتی رہی ہیں لیکن پی ٹی آئی کی حکومت کراچی میں ٹرانسپورٹ کی سہولتوں کی فراہمی یقینی بنائے گی:وزیر اعظم عمران خان
تفصیلات کے مطابق وزیراعظم عمران خان سے وزیرمنصوبہ بندی اسد عمر کی ملاقات ،وزیرِ اعظم عمران خان نے کہا کہ وفاقی حکومت پاکستان کے سب سے بڑے شہر کراچی میں لوگوں کو ٹرانسپورٹ کی سہولیات کی فراہمی یقینی بنائے گی، ماضی میں حکومتیں ملک کے اقتصادی مرکز کراچی کو نظر انداز کرتی رہیں۔ وفاقی وزیراسدعمرنےوزیراعظم کوکراچی کی ترقی کیلئےجاری مختلف منصوبوں پرپیشرفت سے آگاہ کیا۔ انہوں ںے وزیراعظم کو بتایا کہ کراچی سرکلر ریلوے (KCR) کی منظوری کا عمل جلد مکمل کرلیا جائے گا۔ کراچی میں روزگار کے لیے مزدوروں و افرادی قوت کی صنعتوں تک آسان رسائی حکومت کی اولین ترجیحات میں سے ایک ہے۔
وفاقی وزیرصنعت و پیداوار مخدوم خسرو بختیار نے وزیرِاعظم عمران خان کوانڈسٹریل زونز کی تعمیر، برآمدی ہدف کے حصول، چھوٹے اور درمیانے درجے کی صنعتوں کی ترقی کے لیے اقدامات اورآٹوپالیسی پرعملدرآمداورپیشرفت سےآگاہ کیا گیا۔
بڑے پیمانےکی صنعت کی پیداواررواں مالی سال کیلئے طےشدہ ہدف سےتجاوزکرنےکی امید ہےجوکہ ملکی اقتصادی صورتحال کیلئے خوش آئند ہے۔