Tag کراچی

کراچی (ویب ڈیسک) سی ویو پر پھنسا بحری جہاز 49 ویں روز نکال لیا گیا ہے۔ جہاز اپنے انجن کی مدد سے گہرے سمندر کی جانب رواں دواں ہے۔
شپنگ ایجنٹ کیپٹن عاصم اقبال نے بتایا کہ پہلے مرحلے میں جہاز کی سمت کو درست کیا گیا اس کے بعد اسے گہرے پانی میں لانے کی کوششیں شروع کی گئیں، جہاز کو کھینچنے کے لئے کوبرا روپ استعمال کی گئی، کوبرا روپ سے ایک لاکھ ٹن وزنی جہاز کھینچا جاسکتا ہے، جہاز کو مختلف مراحل میں ساحل سے 2500 میٹر فاصلے پر پہنچایا گیا.
وزارتِ ساحلی امور کے مشیر محمود مولوی نے میڈیا سے بات کرتے ہوئے بتایا کہ جہاز گہرے سمندر میں جاچکا، اب جہاز محفوظ پانی میں آچکا ہے، جہاز کو اب کراچی کی بندرگاہ پر لے جایا جائے گا، جہاز کو تکنیکی لحاظ سے موزوں ہونے کے بعد روانگی کی اجازت دی جائے گی، ماضی میں یہاں پھنسنے والے جہاز کاٹ کر نکالے گئے تھے، یہ پہلا جہاز ہے جسے باحفاظت نکالا گیا، جہاز کو نکالنے کے لئے اب تک کئے گئے تمام اخراجات جہاز کا مالک برداشت کرے گا۔

کراچی(ویب ڈیسک) پاکستان نے ملک میں دستیاب فرنس آئل سے 65 فیصد زیادہ نرخوں پر ایل این جی کے 2جہاز بُک کرلیے جب کہ یہ جہاز اکتوبر کے لیے20 ڈالر فی ملین بی ٹی یو کے نرخ پر بُک کرائے گئے ہیں۔

مہنگی ایل این جی خریدنے سے درآمدی بل میں مزید اضافے کے ساتھ ساتھ مہنگائی بھی بڑھے گی۔ اس سلسلے میں نجی اخبار سے گفتگو کرتے ہوئے پاک کویت انویسٹمنٹ کمپنی کے ریسرچ ہیڈ سمیع اﷲ طارق نے کہا کہ فرنس آئل کی ایک ایم ایم بی ٹی یو کے مساوی مقدار 12 ڈالر کی قیمت پر خریدی جاسکتی ہے۔
ماہراقتصادیات مزمل اسلم نے اپنی ٹویٹ میں کہا کہ 20 ڈالر اور اس سے زائد قیمت پر ایل این جی خریدنا سمجھ میں نہ آنے والی بات ہے۔ اب وقت ہے کہ مہنگی ایل این جی کے بجائے فرنس آئل پر توجہ دی جائے اور کارٹلز کے ہاتھوں بلیک میل نہ ہوا جائے۔ ملک میں قائم ریفائنریاں 85ہزار ڈالر فی ٹن کی قیمت پر فرنس آئل فروخت کررہی ہیں۔ ایل این جی کے معاملے میں یہ نرخ12 ڈالر ایم بی ٹی یو ہیں۔ ایشیا میں ایل این جی کے نرخوں میں مسلسل اضافے کا رجحان ہے۔ سمیع اﷲ طارق کے مطابق یہ صورتحال اس بات کی متقاضی ہے کہ جہاں ممکن ہو وہاں ایل این جی کے بجائے فرنس آئل استعمال کیا جائے

کراچی(ویب ڈیسک) صدر مسلم لیگ نون میاں شہباز شریف نے مرنے سے پہلے بدلا ہوا کراچی دیکھنے کی خواہش کا اظہار کیا ہے۔کراچی کے حلقہ این اے 249 کے عمائدین، پارٹی عہدیداروں اور اہل علاقہ سے ملاقات کے دوران میاں شہباز شریف شہرقائد کے مسائل کا ذکر کرتے ہوئے آبدیدہ ہو گئے۔ان کا کہنا تھا کہ کراچی کے ساتھ سوتیلی ماں جیسا سلوک ہو رہا ہے، اس شہر کی خوشحالی کے بغیر پاکستان خوشحال نہیں ہو گا۔

ان کا کہنا تھا کراچی کے مسائل کو دیکھ کر دل خون کے آنسو روتا ہے، دعا ہے میرے مرنے سے پہلے کراچی شہر بدل جائے، سابق وزیراعلیٰ پنجاب میاں‌شہبازشریف نے کہاکہ آئندہ الیکشن میں موقع ملا تو کراچی کی قسمت بدل دیں گے۔شہبازشریف کا کہنا تھا کہ نواز شریف نےکراچی کا امن لوٹایا اور اندھیرے ختم کیے، ہمیں موقع ملا تو کراچی کو سنواریں گے اور اسے مسائل سے پاک شہر بنائیں گے۔
میاں شہبازشریف ہمیشہ ہی اپنی تقریروں اور الفاظ کی وجہ سے زیربحث رہتے ہیں،خاص طورپر اپنی وزارت اعلیٰ کے دوران وہ خاصے متحرک رہے اور عوام کی تقدیربدلنے کی کوشش اور اقدامات کرنے کے دعوے کرتے رہے.بطوروزیراعلیٰ انہیں‌متحرک ترین سمجھاجاتاہے،،لوگوں کے دکھ درد میں شریک ہونا بھی انہیں‌پسند ہے اور ایسے مواقع پر وہ جذبات ہوجاتے ہیں،یہی وجہ ہے کہ کراچی کے مسائل پر بھی وہ آبدیدہ ہوگئے..

کراچی: اتحاد ٹاؤن میں گھریلو جھگڑے پر بیٹے نے ماں کو قتل کردیا۔

پولیس کے مطابق مقتولہ بادشاہ بی بی کی لاش دو روز قبل اتحاد ٹاؤن سے ملی تھی، مقتولہ کی بیٹی نے بھائیوں پر ماں کے قتل کا الزام لگایا تھا۔

پولیس نے بتایا کہ شک کی بنیاد پر ملزم صدام کو حراست میں لیا جس نے اپنی ماں کے قتل کا اعتراف کیا۔

پولیس کے مطابق ملزم نے اپنے کزن کے ذریعے ماں کو زہر کا انجکشن لگوایا، ملزم کے بھائی کی مدعیت میں قتل کا مقدمہ درج کرلیا گیا جب کہ ملزم کے کزن عرفان کی گرفتاری کے لیے چھاپے مارے جارہے ہیں۔

کراچی (میڈیا 92 نیوز آن لائن ) نجی ٹی وی کے اینکر مرید عباس سمیت دوہرے قتل کے مرکزی ملزم عاطف زمان کا ڈرائیور ندیم اسپتال میں دم توڑ گیا۔

ندیم نے چند روز قبل زہر پی کر خود کشی کی کوشش کی تھی اور وہ جناح اسپتال کے انتہائی نگہداشت وارڈ میں داخل تھا۔

سربراہ جناح اسپتال ڈاکٹر سیمی جمالی نے اس بات کی تصدیق کی ہے کہ قاتل عاطف زمان کا ڈرائیور ندیم دم توڑ گیا ہے۔

خیال رہے کہ ڈیفنس میں اینکر سمیت 2افراد کے قتل کے واقعے کے عینی شاہد اور مرکزی ملزم عاطف کے ڈرائیور ندیم نے 21 جولائی 2019 کو خود کشی کی کوشش کی تھی جسے تشویشناک حالت میں اسپتال میں داخل کردیا گیا تھا۔

پولیس ایک روز تک اس واقعے سے لاعلم رہی۔ پولیس ذرائع کے مطابق مرید عباس سمیت 2افراد کے قتل کے عینی شاہد ندیم کے حوالے سے تفتیشی ٹیم کو معلوم ہوا کہ اس نے اقدام خودکشی کی اور وہ کئی گھنٹوں سے اسپتال میں زیر علاج ہے، ندیم نے کیڑے مار دوا پی لی تھی جسے حالت بگڑنے پر جناح اسپتال لایا گیا۔

پولیس ذرائع کا کہنا تھا کہ ندیم کو بیان لینے کے لیے تفتیشی پولیس نے طلب کیا تھا تاہم وہ نہیں آیا جب ندیم کے بھائی سے پوچھا گیا تو اس نے بتایا کہ ندیم کی طبیعت خراب ہے۔

اسپتال میں ندیم کے گھر والوں نے بتایا کہ کام دھندا نہ ہونے کے باعث اس نے اقدام خود کشی کی جبکہ ملزم ایک روز سے اسپتال میں داخل تھا اور پولیس کو اسکا علم ہی نہیں تھا۔ ڈرائیور عدالت میں بھی پیش نہیں ہوا اور نہ ہی تفتیشی ٹیم کے پاس آیا تھا۔

نجی ٹی وی کے اینکر سمیت 2 افراد کے قتل کا ملزم عاطف زمان جوڈیشل ریمانڈ پر جیل میں ہے۔

گزشتہ دنوں اس نے اپنے ایک ویڈیو بیان میں کہا تھا کہ میرے پستول میں 7 گولیاں تھیں اور خضر پر سب سے زیادہ غصہ تھا جس پر میگزین میں موجود تمام گولیاں فائر کیں۔

اس نے مزید کہا کہ گولیاں ختم ہونے پر پستول لاک ہوگیا تھا، پستول میرا نہیں تھا، میرے بھائی کا تھا جو بھائی نے کافی عرصہ پہلے لیا تھا۔

ملزم عاطف زمان نے بیان میں مزید کہا کہ قتل سے ہفتے یا 10 دن پہلے سے پستول میرے پاس تھا، میں ڈیفنس میں دفتر پر تھا جہاں پستول کیلئے عدنان اور ندیم ڈرائیور سے گولیاں منگوائیں۔

اینکر قتل کیس— کب کیا ہوا؟
9 جولائی 2019 کو کراچی کے علاقے ڈیفنس میں نجی ٹی وی کے اینکر مرید عباس اور خضر حیات کو ان کے دوست عاطف زمان نے کاروباری لین دین کے تنازع پر فائرنگ کرکے قتل کیا۔

بعدازاں ملزم نے خود کو بھی گولی مار کر خودکشی کی کوشش تاہم وہ زندہ بچ گیا اور ان دنوں جوڈیشل ریمانڈ پر جیل میں ہے۔

کیس کی تفتیش کرنے والے ایس ایس پی طارق دھاریجو نے بتایا کہ ملزم عاطف زمان چند سال پہلے تک ایک ٹائر کمپنی میں ملازم تھا جو اب ٹائروں کی اسمگلنگ کے دھندے سمیت منی لانڈرنگ میں بھی ملوث ہے جس کے شواہد بھی موجود ہیں۔

انہوں نے کہا کہ اینکر پرسنز سمیت 80 سےزائد افراد نے ملزم عاطف کے پاس تقریباً ایک ارب روپے کی انویسٹمنٹ کی جس میں مرید عباس کی 7 کروڑ کی سرمایہ کاری ہے۔

پولیس نے مزید بتایا کہ میڈیا سے تعلق رکھنے والے 42 افراد سمیت مرید عباس کے دوستوں نے بھی منافع پر پیسہ دے رکھا تھا۔

سرمایہ کاری پر منافع ہر ماہ دیا جاتا تھا تاہم اسمگل شدہ ٹائروں کی بڑی کھیپ پکڑی گئی تو بڑا نقصان ہوا جس کے بعد گزشتہ 3 ماہ سے منافع کی ادائیگی بند تھی۔

سرمایہ کاروں نے تنگ کرنا شروع کیا تو ملزم عاطف نے انہیں اپنے دفتر بلا کر قتل کرنے کا منصوبہ بنایا۔

9 جولائی کی شب ملزم نے مرید عباس اور خضر حیات سمیت 5 افراد کو فون کیا جس میں سے 3 اس کے جھانسے میں آکر دفتر پہنچے اور 2 مارے گئے جب کہ عمر ریحان فرار ہونے میں کامیاب رہا۔

دہرے قتل کا مقدمہ درج کرلیا گیا ہے اور اس میں انسداد دہشتگردی کی دفعہ بھی شامل کردی گئی ہے جبکہ مرکزی ملزم کا بھائی عدنان زمان روپوش ہوگیا ہے جس کی تلاش جاری ہے۔

کراچی: متحدہ قومی موومنٹ (ایم کیو ایم) پاکستان کے رہنما فیصل سبزواری نے نجی ٹی وی کی اینکر مدیحہ نقوی سے شادی کرلی۔

کراچی کے مقامی ہوٹل میں ہونے والی تقریب میں گورنرسندھ عمران اسماعیل اور وزیراعلیٰ سندھ مراد علی شاہ سمیت قریبی عزیز و اقارب نے شرکت کی۔

فیصل سبزواری اور مدیحہ نقوی کی یہ دوسری شادی ہے، ایم کیو ایم رہنما کی پہلی اہلیہ سے 3 بیٹیاں ہیں اور وہ امریکا میں مقیم ہیں۔

خاتون اینکر کی پہلی شادی 2013 میں ہوئی تھی جو کچھ ماہ رہی جس کے بعد ان کی طلاق ہوگئی تھی۔

کراچی (ایمرا نیوز آن لائن) اسٹیٹ بینک آف پاکستان نے آئندہ دو ماہ کیلئے مانیٹری پالیسی کا اعلان کرتے ہوئے شرح سود میں ایک فیصد (100بیسس پوائنٹس) کا مزید اضافہ کردیا ،

نتیجہ میں شرح سود 13.25فیصد کی سطح پر پہنچ گئی ، یہ فیصلہ گزشتہ روز مانیٹری پالیسی سے متعلق ا جلاس میں کیا جس کا اعلان بعد ازاں گورنر سٹیٹ بینک رضا باقر نے کراچی میں سٹیٹ بینک کی مرکزی عمارت میں پریس کانفرنس میں کیا،فیصلے کا اطلاق آج سے ہوگا، گورنر سٹیٹ بینک نے کہا کہ ملک میں مہنگائی مزید بڑھنے کا امکان ہے ۔ شرح سود میں اضافہ گیس وبجلی کے نرخوں میں اضافے سے آئندہ دو تین ماہ میں مہنگائی بڑھنے کے پیش نظر کیا گیاہے ۔ زری پالیسی کمیٹی کو توقع ہے کہ مالی سال 20ئمیں اوسط مہنگائی 11سے 12فیصد رہیگی جو پہلے کی پیشگوئی سے زیادہ ہے ۔

تاہم مالی سال 21ء میں جب حالیہ اضافے کے بعض اسباب کا ایک بار کا اثر گھٹے گا تو مہنگائی میں خاصی کمی آنے کی توقع ہے ۔ ماضی کے عدم توازن کی وجہ سے شرح سود اور شرح مبادلہ میں تبدیلیاں واقع ہوئیں۔مانیٹری پالیسی بیان میں کہا گیا ہے گزشتہ زری پالیسی کمیٹی اجلاس کے بعد حکومت پاکستان نے مالی سال 2020ئکا بجٹ منظور کیا جس میں محاصل کو بڑھانے کے اقدامات کے ذریعے ٹیکس بیس کو وسیع کرتے ہوئے مالیاتی پائیداری کو معتبر انداز میں بہتر بنانے کی کوشش کی گئی ۔ توقع ہے کہ یوٹیلیٹی کی قیمتوں اور بجٹ کے دیگر اقدامات سے مالی سال 20ئکی پہلی ششماہی میں قیمتوں میں ایک بار خاصا اضافہ ہوگا۔

دوسری طرف حکومت نے سٹیٹ بینک سے قرض لینے کا سلسلہ بھی ختم کرنیکا عزم کیا ہے جس سے مہنگائی کے منظرنامے میں معیاری بہتری آئیگی۔ آئی ایم ایف کی توسیعی فنڈ سہولت کے تحت پہلی قسط کی موصولی، تیل کی سعودی سہولت کے بروئے کار آنے اور کثیر طرفہ و دوطرفہ شراکت داروں کی جانب سے امداد کے دیگر وعدوں کے نتیجے میں بیرونی مالکاری کا منظر نامہ مزید مضبوط ہوا ہے ۔ جاری کھاتے کا خسارہ مسلسل گھٹ رہاہے جس سے یہ ظاہر ہوتا ہے کہ بیرونی دبائو میں کمی آتی جارہی ہے ۔ دوسری جانب شرح مبادلہ میں کمی سے مہنگائی کا دباو بڑھا ہے ۔ بین الاقوامی محاذ پر ابھرتی ہوئی منڈیوں کی جانب احساسات بہتر ہوئے ہیں اور امریکہ میں پالیسی ریٹ میں کٹوتی کی زیادہ توقعات ہیں۔

مانیٹری پالیسی کے مطابق مالی سال 19ء میں ملکی طلب کے کم ہوکر تقریباً 3 فیصد اور جی ڈی پی نمو کے 3.3 فیصد ہوجانے کا امکان ہے ۔ اگرچہ موجودہ صورتحال معاشی سرگرمی میں سست رفتاری کی نشاندہی کرتے ہیں تاہم آئی ایم ایف کی مدد سے چلنے والے پروگرام، شعبہ زراعت کی بحالی اور برآمدی صنعتوں کیلئے حکومتی ترغیبات کے بتدریج اثر سے پیدا ہونیوالے مارکیٹ کے بہتر احساسات کے نتیجے میں سال کے دوران یہ صورتحال تبدیل ہونے کی توقع ہے ۔سٹیٹ بینک کو توقع ہے کہ مالی سال 20ئمیں حقیقی جی ڈی پی نمو لگ بھگ 3.5 فیصد رہیگی ۔ بیرونی حالات میں مسلسل بہتری دکھائی دے رہی ہے اور جولائی تا مئی مالی سال 19ئمیں جاری کھاتے کا خسارہ 29.3 فیصد کم ہوکر 12.7 ارب ڈالر ہوگیا ہے جبکہ یہ پچھلے سال کی اسی مدت میں 17.9 ارب ڈالر تھا۔اس بہتری کی بنیادی وجہ درآمدی سکڑاواور ترسیلات زر کی بھرپور نمو ہے ۔

برآمدی کارکردگی میں آئندہ تبدیلیوں کا انحصار بھی ہمارے تجارتی شراکت داروں کی شرح نمو اور ملکی ساختی رکاوٹیں دور کرنے میں پیشرفت پر ہوگا۔آئی ایم ایف کی توسیعی فنڈ سہولت کی پہلی قسط کی موصولی کے بعد 12 جولائی 2019ئکو اسٹیٹ بینک کے زر ِمبادلہ کے ذخائر بڑھ کرتقریباً 8 ارب ڈالر ہوگئے ہیں۔ سعودی تیل کی سہولت سمیت دیگر عالمی قرض دہندگان کی جانب سے مزید رقوم کی آمد اور جاری کھاتے کے خسارے میں مسلسل بہتری کے نتیجہ میں توقع ہے کہ ذخائر مالی سال 20ئکے دوران مزید بڑھیں گے ۔ ماضی میں شرح مبادلہ کی زائد قدر سے نمٹنے کیلئے حقیقی موثر شرح مبادلہ میں جو ردّوبدل ضروری تھا، شرح مبادلہ میں حالیہ تبدیلی کے نتیجہ میں اسکا بڑا حصہ مکمل ہوگیا ہے ۔

مالی سال 19ء میں مجموعی مالیاتی اور بنیادی خسارے دونوں بڑھے جس کا بڑا سبب محاصل کی وصولی میں نمایاں کمی ، بجٹ سے بڑھ کر سودی ادائیگیاں اور امن و امان سے متعلق اخراجات تھے ۔مالی سال 20ئکے بجٹ میں ٹیکسیشن نظام میں طویل عرصے سے موجود کمزوریوں کو دور کرکے اور معاشی سرگرمیوں کی دستاویزیت بڑھا کر مالیاتی بگاڑ کے حالیہ رجحان کو معتبر انداز میں تبدیل کرنے کی کوشش کی گئی ہے ۔ ٹیکس وصولی کے ایک بلند ہدف اور اخراجات پر سخت کنٹرول کی مدد سے بجٹ میں بنیادی خسارے میں نمایاں کمی کرنے کا منصوبہ رکھا گیا ہے ۔

زری پالیسی کے نقطہ نظر سے اسٹیٹ بینک سے قرض لینے کا سلسلہ ختم کرنے کے مضبوط حکومتی عزم اور سٹیٹ بینک کی تحویل میں واجب الادا قرضوں کی تشکیل نو کیلئے واجبات کے انتظام کے آپریشن پر عملدرآمد سے زری پالیسی کی ترسیل کو فائدہ پہنچے گا جبکہ آگے چل کر مارکیٹ کی مہنگائی کی توقعات بھی معتبر طور پر قابو میں رہیں گی۔ استحکام کے اثرات کی عکاسی کرتے ہوئے نجی شعبے کے قرضے کی نمو بھی کم ہونا شروع ہوگئی ہے ۔ یکم جولائی سے 28 جون مالی سال 19ئکے دوران نجی شعبے کا قرضہ 11.4 فیصد بڑھا ہے جبکہ پچھلے سال کے اسی عرصے میں 14.8 فیصد بڑھا تھا۔

قرضے کی رفتار میں کمی حقیقی لحاظ سے زیادہ نمایاں تھی۔اس کے ہمراہ بلند میزانیہ قرضوں کے نتیجے میں بینکاری نظام کے خالص ملکی اثاثوں میں تیزی سے اضافہ ہوا۔ مجموعی طور پر یکم جولائی سے 28 جون مالی سال 19ئکے دوران زر وسیع (ایم ٹو) 12.2 فیصد بڑھ گیا جبکہ پچھلے سال کی اسی مدت میں 10.0 فیصد اضافہ ہوا تھا۔ایک سوال کے جواب میں گورنر سٹیٹ بینک کا کہنا تھا کہ کرنسی میں اتار چڑھائوکو مارکیٹ میں طلب ورسد کے مطابق رکھا گیا ہے تاہم سٹیٹ بینک بازارمبادلہ میں انتشار سے نمٹنے کیلئے کارروائی کرنے کو تیار ہے ۔ ایف اے ٹی ایف کے تحفظات دور کرنے کیلئے بھرپور اقدامات کئے جارہے ہیں۔

کراچی (میڈیا 92 نیوز آن لائن ) کراچی کے علاقے ڈیفنس میں مبینہ طور پر ایک لڑکی کو تشدد اور ریپ کا نشانہ بنایا گیا جو پولیس کےمطابق نیم برہنہ حالت میں ملی تھی۔

ڈیفنس پولیس کا کہنا تھا کہ سی ویو کے پاس نیم برہنہ حالات میں ایک لڑکی ملی تھی جن کو مبینہ طور پر تشدد اور ریپ کا نشانہ بنایا گیا۔

ایس ایس پی ساوتھ شیراز نذیر نے بتایا کہ پولیس حکام کو مددگار15 پر اطلاع ملی کہ سی ویو سے متصل ویلیج ہوٹل کے قریب ایک لڑکی کی لاش پڑی ہوئی ہے۔

انہوں نے بتایا کہ جب پولیس وقوع پر پہنچی تو لڑکی کو نیم بے ہوشی کی حالت میں پایا جسے فوراً ہسپتال منتقل کردیا گیا۔

بعدازاں لڑکی نے پولیس کو بتایا کہ انہیں مبینہ طورپر منشیات دی گئیں اور پھر تشدد کے بعد ریپ کا نشانہ بنایا گیا۔ ایس ایس پی نے بتایا کہ ایف آئی آر درج کرکے متاثرہ لڑکی کا طبی معائنہ کرایا گیا ہے۔

علاوہ ازیں درخشانہ پولیس اسٹیشن کے ایس ایچ او شاہ جہاں لاشاری نے بتایا کہ ڈی ایچ اے کے علاقے مسلم کمرشل میں واقع ایک اپارٹمنٹ میں تقریباً 30 سالہ لڑکی کو مبینہ طور پر منشیات دے کر تشدد اور ریپ کا نشانہ بنایا گیا۔

انہوں نے بتایا کہ بعدازاں مشتبہ ملزمان نے لڑکی کو کار میں ڈال کر سی ویو پر نیم برہنہ اور نیم بیہوشی کی حالات میں پھینک دیا۔ پولیس نے متاثرہ لڑکی کی شکایت پر ایک شخص اور عورت کے خلاف مقدمہ درج کرکے تحقیقات شروع کردی۔

اس ضمن میں پولیس نے بتایا کہ تاحال کوئی بھی گرفتاری عمل میں نہیں آئی۔دوسری جانب آئی جی پی سندھ ڈاکٹر سید کلیم امام نے متاثرہ لڑکی پر مبینہ تشدد کا نوٹس لے کر ایس ایس پی ساؤتھ انوسٹی گیشن کو رپورٹ پیش کرنے کی ہدایت کردی۔

انہوں نے کہا کہ تفتیش کو لڑکی کے بیان اور واقعاتی شواہد کی بنیاد پر انتہائی غیر جانب دار اور نتیجہ خیز بنایا جائے۔ آئی جی پی سندھ کا کہنا تھا کہ واقعے میں ملوث عناصر کو جلد سے جلد قانون کی گرفت میں لایا جائے۔

لاہور/اسلام آباد: آٹا، دودھ، چینی، گھی، تیل، دالیں، چاول، گرم مصالحہ جات، بیکری اشیا، صابن، واشنگ پاؤڈرز، مشروبات اور دیگر اشیائے خورو نوش کی قیمتوں میں ہونے والے ہوشربا اضافے کے بعد لاہور کے نان بائیوں نے نان اور روٹی کے نرخوں میں بھی اچانک کئی گنا اضافہ کرنے کا اعلان کردیا ہے جب کہ وفاقی دارالحکومت اسلام آباد میں منرل واٹر فراہم کرنے والی کمپنی نے فی بوتل 25 روپے کا اضافہ کردیا ہے۔

نان روٹی ایسوسی ایشن کے صدر آفتاب گل نے اعلان کیا ہے کہ آئندہ پیر سے نان 20 روپے اور روٹی 15 روپے فی کس میں فروخت کی جائے گی۔

لاہور میں نان فی الوقت 12 روپے اور روٹی چھ روپے فی کس کے حساب سے فروخت کی جارہی ہے۔

آفتاب گل کا کہنا ہے کہ آٹے کی قیمت میں ہونے والے اضافے اور بجلی و گیس کی نرخ بڑھنے کی وجہ سے ہم نے انتظامیہ کو بتادیا ہے کہ موجودہ قیمت پر نان اور روٹی فروخت کرنا ہمارے بس میں نہیں ہے جس کی وجہ سے مجبوراً قیمتوں میں اضافے کا فیصلہ کیا ہے۔

نان روٹی ایسوسی ایشن کے صدر آفتاب گل نے ہم نیوز کو بتایا کہ شہری انتظامیہ نے اس ضمن میں فیصلہ کرنے کے لیے تین دن کی مہلت مانگی ہے جو ہم نے دے دی ہے لیکن یہ طے ہے کہ ہم آئندہ پیر سے ہر قیمت پر نان اور روٹی نئے نرخوں پر فروخت کریں گے۔

ایک سوال پرآفتاب گل نے کہا کہ بجلی و گیس کے نرخوں میں حکومت نے پہلے ہوشربا اضافہ کردیا تھا اب آٹے پر بھی جی ایس ٹی نافذ کرکے رہی سہی کسر پوری کردی ہے۔ انہوں نے تسلیم کیا کہ موجودہ دور میں مہنگائی بہت زیادہ بڑھی ہے جوناقابل برداشت ہے۔

پشاور میں نانبائیوں نے نان اور روٹی کے نرخوں میں اضافے کے مطالبے کو منوانے کے لیے آج (بروز جمعرات) ہڑتال کر رکھی ہے جب کہ کراچی کے چھوٹے تاجروں نے 13 جولائی کو ہڑتال کی کال دے دی ہے۔

اسلام آباد میں منرل واٹر فراہم کرنے والی ایک بڑی کمپنی نے گھروں میں دی جانے والی اپنی 18 لیٹر کی بوتل پر 25 روپے فی کس کا اضافہ کردیا ہے۔ اس سے قبل کمپنی دس روپے فی بوتل کا اضافہ کیا کرتی تھی لیکن یہ پہلی مرتبہ ہوا ہے کہ فی بوتل 25 روپے کا اضافہ کیا گیا ہے۔

کمپنی نے قیمتوں میں ہونے والے اضافے کی بڑی وجہ بجلی و گیس کے نرخوں میں ہونے والے اضافے کو قرار دیا ہے۔

وفاقی دارالحکومت اسلام آباد میں آن لائن صاف ستھرا اور ملاوٹ سے پاک دودھ فروخت کرنے کی دعویدار کمپنیوں نے بھی اپنے نرخ بڑھادیے ہیں جس کی وجہ سے اب شہر میں دودھ 120 سے 130 روپے فی لیٹر تک میں فروخت کیا جارہا ہے۔

اسلام آباد میں جہاں پانی کی فراہمی حقیقتاً ایک مسئلہ ہے وہاں نجی واٹر ٹینکر مالکان نے بھی اپنے نرخ بڑھا دیے ہیں اور گرمی کا ’فائدہ‘ اٹھاتے ہوئے صارفین کو سیکٹر جی-13 میں 1500 روپے سے لے کر 2200 روپے تک میں ٹینکر فروخت کررہے ہیں۔

کراچی(میڈیز92نیوز آن لائن)

آر ایچ نل دنیا کا نایاب ترین خون کا گروپ ہے جسے ’گولڈن بلڈ‘ بھی کہا جاتا ہے۔ گزشتہ 50 برس میں اب تک یہ صرف 43 افراد میں ہی دریافت ہوا ہے۔ دیرینہ سائنسی تحقیق اور خون کی منتقلی کے بعد ہی اس قسم کے خون کی تصدیق ہوئی ہے۔ تاہم اس نایاب خون کے مالک خواتین و حضرات کی زندگی بھی کسی خطرے سےکم نہیں ہوتی کیونکہ اس کا عطیہ کنندہ ملنا بہت مشکل ہوتا ہے۔

نایاب ترین خون کو سمجھنے کے لیے پہلے یہ جاننا ہوگا کہ بلڈ گروپ کیسے وجود میں آتے ہیں۔ تمام اقسام کے خون ایک سے سرخ دکھائی دیتے ہیں لیکن خون کے سرخ خلیات (آربی سی) کی سطح پر 342 مختلف اقسام کے اینٹی جِن پائے جاتےہیں۔ یہ مالیکیول (سالمات) خاص قسم کے پروٹین بناتے ہیں جنہیں اینٹی باڈیز کہا جاتا ہے۔ اسی لیے کسی اینٹی جِن کی موجودگی یا غائب ہونے سے کسی شخص کا بلڈ گروپ ترتیب پاتا ہے۔

342 میں سے 160 اینٹی جِن عام پائے جاتے ہیں۔ اب اگر کسی شخص میں تمام انسانوں کے مقابلے میں واضح اینٹٰی جن غائب ہوں تو اس کاخون نایاب قرار پائے گا ۔ دوسری جانب کسی شخص میں 99.99 فیصد اینٹی جِن نہ ہوں تو اس کا خون نایاب ترین بلڈ گروپ میں شمار ہوگا۔ تاہم ایک دو اینٹی جن کم ہونے سے کوئی خاص فرق نہیں پڑتا۔