Tag کشمیر

سرینگر(ویب ڈیسک)ایسے واقعات دنیا بھر میں ہوتے رہتے ہیں کہ دوران پرواز جہاز،چھوٹے طیارے اور ہیلی کاپٹر گر کر تباہ ہوجاتے ہیں،ایسی صورت میں بچنا کسی معجزے سے کم نہیں ہوتا،مقبوضہ کشمیر میں بھارتی فوج کا ہیلی کاپٹر پہاڑی علاقے میں گر کر تباہ ہوگیا جس کے نتیجے میں 2 پائلٹس ہلاک ہوگئے۔
بھارتی میڈیا کے مطابق مقبوضہ کشمیر کے علاقے اودھم پور میں بھارتی فوج کا ہیلی کاپٹر گر کر تباہ ہوگیا جس کے نتیجے میں 2 پائلٹس زخمی ہوگئے تھے۔ زخمیوں کو قریبی اسپتال منتقل کیا گیا تاہم دوران دونوں پائلٹس دم توڑ گئے۔
ترجمان بھارتی فوج نے بتایا کہ زخموں کی تاب نہ لاکر ہلاک ہونے والے پائلٹس میجر رینک کے افسران تھے جن کی شناخت میجر روہت کمار اور میجر انوج راجپوت کے نام سے ہوئی ہے۔ حادثے کی تحقیقات کے لیے انکوائری کمیٹی تشکیل دیدی گئی ہے۔ترجمان بھارتی فوج کا مزید کہنا تھا کہ آج صبح مقبوضہ کشمیر کے ضلع اودھم پور میں حادثے کا شکار ہونے والا ہیلی کاپٹر تربیتی مشق پر مامور تھا۔ حادثہ ممکنہ طور پر دھند کی وجہ سے پیش آیا ہے تاہم حتمی بات انکوائری کمیٹی کی رپورٹ کے بعد ہی کہی جا سکتی ہے۔

اسلام آباد(ویب ڈیسک)وزیر خارجہ شاہ محمود قریشی نے مقبوضہ کشمیر کی صورتحال پر ڈوزیئر پیش کرتے ہوئے کہا ہے کہ مقبوضہ کشمیرمیں انسانی حقوق کی مسلسل خلاف ورزی ہورہی ہے۔اسلام آباد میں نیوز کانفرنس کے دوران شاہ محمود قریشی نے کہا کہ مقبوضہ کشمیر میں انسانی حقوق کی مسلسل خلاف ورزی ہو رہی ہے، بھارت کشمیریوں کی آواز دبا رہا ہے ، جب سے ہندوتوا حکومت بھارت میں آئی ہے ان پامالیوں میں اضافہ ہو گیا ہے، مقبوضہ کشمیر میں بھارتی فوج کے محاصرے کو 769 دن ہو چکے ہیں، بھارت کی 9 لاکھ افواج مقبوضہ وادی پرمسلط ہیں، آزاد مبصرین کو مقبوضہ کشمیر جانے کی اجازت نہیں، آج کی دنیا میں انسانی حقوق کا پرچار ہوتا ہے، انسانی حقوق کو اس انداز میں پامال کرنا نامناسب ہے۔

سکردو (میڈیا 92 نیوز آن لائن ) پاکستان پیپلزپارٹی کے چیئرمین بلاول بھٹو زرداری نے کہا کہ اس حکومت نے مسئلہ کشمیر پر کوشش کرنے سے پہلے ہی ہتھیار ڈال دیے ہیں۔

سکردو میں جلسہ عام سے خطاب کرتے ہوئے بلاول نے کہا ہر پاکستانی پریشان ہے کہ کہیں کشمیر کو فروخت تو نہیں کردیا، میں ان پہاڑوں اور یہاں کے عوام کو گواہ بنا کہتا ہوں کہ کشمیر پر کوئی سودے بازی نہیں کرنے دوں گا۔

بلاول نے کہا کہ پاکستان میں جمہوری حکومت ہی کشمیریوں کو ان کے حقوق دلا سکتی ہے یہ عمران خان کے بس کی بات نہیں۔پی پی پی چیئرمین کا کہنا تھا کہ ان لوگوں کو تاریخ سے سبق سیکھنا چاہیے اور اگر کشمیر پر سودے بازی کی تو حکمرانوں کا وہ حشر ہوگا کہ دنیا یاد رکھے گی۔

انہوں نے کہا کہ عوام کے نمائندے اور سلکیٹڈ وزیراعظم میں فرق ہوتا ہے، ایک جمہوری حکومت عوام سے کیے گئے وعدے پورے کرتی ہے لیکن یہاں تو سب کچھ الٹ ہو رہا ہے۔پاکستان پیپلزپارٹی کے چیئرمین بلاول بھٹو نے کہا کہ پاکستان ایسے دور سے گزررہا ہے کہ جب ملک کی خارجہ پالیسی کو برباد کر دیا گیا اور معیشت آئی ایم ایف کے پاس گروی ہے۔

ان کا کہنا تھا کہ اقتدار میں آنے سے پہلے جھوٹے وعدے کرنا آسان لیکن نبھانا مشکل ہے، عمران خان نے وعدہ خلافی کی اور بیرونی قرضے لیے، غریبوں کو نوکریاں دینے کا وعدہ بھی پورا نہیں کیا۔بلاول کا کہنا تھا کہ موجودہ وزیراعظم نے کرپشن ختم کرنے کا وعدہ کیا لیکن انتقام کے طور پر حزب اختلاف کو جیلوں میں ڈالا جا رہا ہے.

ان کا کہنا تھا کہ نیب گردی اور معیشت ساتھ ساتھ نہیں چل سکتی۔پی پی پی کے چیئرمین نے کہا کہ عمران خان اور کابینہ اس وقت سے ڈریں جب انہیں حساب دینا ہوگا۔ ان کا کہنا تھا کہ وہ قوتیں جو ہمارے وقت میں حب الوطنی کی بات کرتی تھیں آج خاموش ہیں۔

لاہور (میڈیا 92 نیوز آن لائن ) پاک فوج کے ترجمان میجر جنرل آصف غفور نے بھارت کو خبردار کیا ہے کہ وہ آزاد کشمیر پر قبضے کا خواب مت دیکھے۔

اسلام آباد میں پریس کانفرنس کرتے ہوئے پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور کا کہنا تھا کہ اس وقت مقبوضہ کشمیر ایک جیل ہے جہاں ہر گھر کے دروازے پر بھارتی فوج کھڑی ہے۔

انہوں نے کہا کہ لائن آف کنٹرول پر تہہ در تہہ سیکیورٹی کی موجودگی میں ایک بندہ بھی اُس طرف جانا بھارتی سیکیورٹی فورسز کی ناکامی ہے۔ان کا کہنا ہے کہ ایسے ماحول میں پاکستان کی طرف سے انفرادی یا کسی اور طور پر ایسا کوئی ایکشن پاکستان اور کشمیر کاز سے غداری ہو گی۔

ترجمان پاک فوج نے کہا کہ ایسا کوئی واقعہ جس سے پاکستان اور کشمیر کاز کو نقصان پہنچے، پاکستان اس کا متحمل نہیں ہو سکتا۔ڈی جی آئی ایس پی آر نے کہا کہ مقبوضہ کشمیر میں انسانی حقوق کی خلاف ورزیاں ہو رہی ہیں اور آنے والے وقت میں کشمیر میں جبر و تشدد بڑھے گا۔

میجر جنرل آصف غفور نے کہا کہ بھارتی آرمی کمانڈر ایل او سی کے پار سے دراندازی کے الزامات لگا رہے ہیں اور خدشہ ہے کہ بھارت پلوامہ طرز پر کوئی جھوٹا آپریشن کر سکتا ہے۔

انہوں نے مزید کہا کہ بھارت پلوامہ طرز کے جھوٹے آپریشن کو بنیاد بنا کر پاکستان کے خلاف کارروائی کر سکتا ہے لیکن پاکستان کی مسلح افواج پوری طرح تیار اور ایل او سی پر موجود ہیں۔ان کا کہنا ہے کہ بھارتی فوج نے مس ایڈونچر یا جارحیت کی کوئی کوشش کی تو پاک فوج بھرپور جواب دے گی۔

بعدازاں میڈیا نمائندوں سے غیر رسمی گفتگو کرتے ہوئے ترجمان پاک فوج کا کہنا تھا کہ بھارت آزاد کشمیر پر قبضے کا خواب نہ دیکھے اور قوم کو یقین دلاتے ہیں کہ پاک فوج عوام کو مایوس نہیں کرے گی۔

میجر جنرل آصف غفور نے کہا کہ مقبوضہ کشمیر سے پابندیاں اٹھتے ہی کشمیریوں کا ردعمل سامنے آجائے گا، بھارت یہی چاہتا ہے کہ کشمیر میں حالات خراب ہوں اور وہ بارڈر پر آ جائے۔انہوں نے کہا کہ نائن الیون کے بعد بھارت تحریک آزادی کشمیر کو دہشت گردی سے جوڑنے کی کوشش کر رہا ہے، بھارت نے سرحدی خلاف ورزی کی تو اسے سرپرائز دیں گے۔

وزیراعظم عمران خان کا کہنا ہے کہ ہم جنگ نہیں چاہتے تاہم بھارت نے جنگ مسلط کی تومنہ توڑ جواب دیں گے۔

وزیراعظم عمران خان نے سینیئر صحافیوں سے گفتگو میں کہا کہ یہ رائےعامہ کی جنگ ہے، ہم نے یہ جنگ جیتنی ہے، بھارت کشمیر سے توجہ ہٹانے کیلئے کچھ بھی کرسکتا ہے۔

عمران خان نے کہا کہ نہتے کشمیریوں پر بڑھتے بھارتی مظالم سے اقوام عالم کو آگاہ کریں گے، بھارت مقبوضہ وادی میں نہتے کشمیریوں پر مظالم کررہا ہے۔

انہوں نے کہا کہ ہم دنیا کو بتائیں گے کہ مودی سرکار کشمیریوں کی نسل کشی کررہی ہے، بھارت مقبوضہ کشمیر کا جغرافیہ بدلنا چاہتا ہے، مودی سرکار ہٹلر جیسی سوچ رکھتی ہے۔

وزیراعظم عمران خان نے کہا کہ کشمیریوں کی سفارتی، سیاسی اوراخلاقی حمایت جاری رکھیں گے، ہم جنگ نہیں چاہتے، بھارت نے جنگ مسلط کی تو منہ توڑ جواب دیں گے، یہ رائےعامہ کی جنگ ہے، ہم نے یہ جنگ جیتنی ہے۔

عمران خان نے خدشہ ظاہر کیا کہ بھارت کشمیر سے توجہ ہٹانے کیلئے کچھ بھی کرسکتا ہے، میں نے نریندرمودی سے ہمیشہ امن کی بات کی۔

علاوہ ازیں وزیراعظم عمران خان نے سماجی رابطوں کی ویب سائٹ پر جاری پیغام میں کہا کہ پوری دنیا منتظر ہے کہ جب مقبوضہ کشمیر میں کرفیو اٹھایا جائے گا تو مظلوم کشمیریوں کیساتھ کیا ہوگا؟

انہوں نے کہا کہ کیا بھارتیہ جنتا پارٹی کی حکومت کا خیال ہے کہ بے پناہ عسکری قوت کے بل بوتے پر اہل کشمیر کی تحریک آزادی کا گلا گھونٹ لے گی؟ قوی امکانات ہیں کہ اس تحریک میں شدت آئے گی۔

The whole world is waiting to see what happens to oppressed Kashmiris in IOK when curfew is lifted. Does the BJP govt think by using greater military force against Kashmiris in IOK, it will stop the freedom movement? Chances are it will gain momentum.

— Imran Khan (@ImranKhanPTI) August 8, 2019

انہوں نے کہا کہ اس کا یقینی نتیجہ یہ ہے کہ دنیا کو مقبوضہ کشمیر میں اہل کشمیر کی نسل کشی کا بدترین مظاہرہ دیکھنے کو ملے گا۔ اہم سوال یہ ہے کہ آیا ایک مرتبہ پھر ہمیں فاشزم، بی جے پی کی حکومت کی شکل میں، کی خوشامد دیکھنے کو ملے گی یا بین الاقوامی برادری اخلاقی جرات کا مظاہرہ کرتے ہوئے اس کا راستہ روکے گی؟

چین نے مقبوضہ کشمیر کی موجودہ صورتحال پر شدید تشویش کا اظہار کرتے ہوئے کہا ہے کہ کسی بھی فریق کو یکطرفہ طور پر وہاں کی موجودہ حیثیت تبدیل کرنے سے گریز کرنا چاہیے۔

بھارت کی حکومت نے گزشتہ روز مقبوضہ جموں و کشمیر اور لداخ کو خصوصی حیثیت فراہم کرنے والے آئین کے آرٹیکل 370 کو ختم کردیا۔

چینی وزارت خارجہ کی ترجمان ہوا چوینگ نے پاکستان اور بھارت کے درمیان لائن آف کنٹرول پرکشیدگی اور آرٹیکل 370 کو ختم کرنے سے متعلق سوالات پر تحریری جواب میں کہا کہ چین کو کشمیر کی موجودہ صورتحال پر ‘شدید تشویش’ ہے۔

چینی وزارت خارجہ کی ترجمان نے بھارت کی جانب سے لداخ کو مرکز کا حصہ بنانے کا فیصلہ ‘ناقابل قبول’ قرار دیا۔ ترجمان نے کہا کہ کسی بھی فریق کو یکطرفہ طور پر موجودہ حیثیت کو تبدیل کرنے سے گریز کرنا چاہیے۔

ترجمان کے مطابق کشمیر پر چین کا مؤقف واضح ہے، یہ پاکستان اور بھارت کے درمیان ایک تاریخی مسئلہ ہے اور اس پر عالمی برادری کا بھی اتفاق ہے۔

بھارت سرحدی معاملات پر بیان اور عمل میں ہوشمندی کا مظاہرہ کرے: چین
ترجمان چینی وزرات خارجہ کا لداخ کے حوالے بھارتی اقدام پر کہنا ہے کہ چین نے سرحدی علاقے میں بھارتی مداخلت کی ہمیشہ مخالفت کی ہے اور اس بارے میں ہمارا مؤقف واضح اور مستقل ہے۔

انہوں نے کہا کہ بھارت نے اپنا قانون یکطرفہ تبدیل کرکے ہماری خودمختاری کو نقصان پہنچایا، ایسے اقدامات ناقابل قبول اور کبھی قابل عمل نہیں ہوسکتے۔

ترجمان کے مطابق بھارت سرحدی معاملات پر بیان اور عمل میں ہوشمندی کا مظاہرہ کرے اور بھارت چین سے کیے گئے معاہدوں پر قائم رہے، بھارت ایسے کسی بھی عمل سے باز رہےجو سرحدی امور کو مزید مشکل بنادے۔

نئی دہلی (میڈیا 92 نیوز آن لائن ) بھارتی راجیہ سبھا (ایوان بالا) کے بعد لوک سبھا (ایوان زیریں) سے بھی مقبوضہ کشمیر کی خصوصی حیثیت ختم کرنے اور 2 حصوں میں تقسیم کرنے والے بل منظور کرلیے گئے۔

بھارت نے گزشتہ روز راجیہ سبھا میں کشمیر کی خصوصی حیثیت ختم کرنے کا بل پیش کرنے سے قبل ہی صدارتی حکم نامے کے ذریعے کشمیر کی خصوصی حیثیت ختم کردی تھی اور ساتھ ساتھ مقبوضہ کشمیر کو وفاق کے زیرِ انتظام دو حصوں یعنی (UNION TERRITORIES) میں تقسیم کردیا تھا جس کے تحت پہلا حصہ لداخ جبکہ دوسرا جموں اور کشمیر پر مشتمل ہوگا۔

بھارتی وزیر داخلہ امیت شاہ نے 5 اگست کو مقبوضہ کشمیر سے متعلق آرٹیکل 370 ختم کرنے کا بل راجیہ سبھا میں پیش کیا تھا جس پر بل کے حق میں 125 جبکہ مخالفت میں 61 ووٹ آئے تھے۔

راجیہ سبھا سے منظوری کے بعد بھارتی وزیر د اخلہ امیت شاہ نے آرٹیکل 370 ختم کرنے اور مقبوضہ کشمیر کو 2 حصوں میں تقسیم کرنے کا ’جموں و کشمیر کی تشکیل نو‘ کے نام سے بل لوک سبھا میں پیش کیا۔

خیال رہے کہ ہندو انتہا پسند جماعت بھارتیہ جنتا پارٹی (بی جے پی) کو لوک سبھا میں بھاری اکثریت حاصل ہے اور اس کے 303 ارکان ہیں جب کہ بی جے پی اور اتحادیوں کی مجموعی تعداد 357 ہے۔

لوک سبھا میں مقبوضہ کشمیر کی خصوصی حیثیت والے آرٹیکل 370 ختم کرنے کے بل کے حق میں 351 اور مخالفت میں 72 ووٹ آئے جبکہ کشمیر کو وفاق کے زیر انتظام کرنے اور دو حصوں میں تقسیم کرنے کے بل کے حق میں 370 اور مخالفت میں 70 ووٹ ڈالے گئے۔

لوک سبھا اور راجیہ سبھا سے منظوری کے بعد یہ دونوں بل بھارتی صدر کو بھیجے جائیں گے جہاں ان کے دستخط کے بعد یہ باقاعدہ قانونی و آئینی صورت اختیار کرجائے گا۔

جدہ (میڈیا 92 نیوز آن لائن ) وزیرخارجہ شاہ محمود قریشی کا کہنا ہے کہ بھارت نے مقبوضہ کشمیر کی خصوصی حیثیت ختم کرنے کے اقدام سے شملہ معاہدے کو دفن کردیا ہے۔

جدہ میں پریس کانفرنس کرتے ہوئے شاہ محمود قریشی کا کہنا تھا کہ مقبوضہ وادی کی صورتحال سے متعلق فیصلہ قیادت اور وزیراعظم کریں گے لیکن میں اپنی رائے واپس جاکر انہیں دوں گا۔

انہوں نے کہا کہ کشمیریوں پر مظالم اور مودی حکومت کی پوری دنیا مذمت کررہی ہے، خدشہ تھا کہ بھارت کچھ اقدامات کررہا ہے، اس لیے ہم نے اقوام متحدہ کو آگاہ کیا، ہماری نمائندہ ملیحہ لودھی اقوام متحدہ تک میرا خط پہنچائیں گی۔

ان کا کہنا تھا کہ مودی حکومت کے اقدامات کی بھارت میں بھی مذمت ہورہی ہے جبکہ اسلامی تعاون تنظیم (او آئی سی) کانٹیکٹ گروپ برائے کشمیر نے بھی بھارتی اقدام کی مذمت کی ہے۔

شاہ محمود قریشی کے مطابق او آئی سی کی انسانی حقوق کمیٹی نے کہا کہ انہیں کشمیر جانے دیا جائے، اجلاس میں مطالبہ کیا گیا کہ اقوام متحدہ ایک مشترکہ انکوائری کمیشن بنائے۔

انہوں نے کہا کہ حج کیلئے آیا تھا مگر موجودہ صورتحال میں وطن واپسی کا فیصلہ کیا ہے۔

خیال رہے کہ شاہ محمود قریشی ان دنوں حج کیلئے سعودی عرب میں موجود ہیں، منگل کو بھارتی حکومت کی جانب سے کشمیر کی خصوصی حیثیت ختم کرنے کے اقدام پر پارلیمنٹ کا مشترکہ اجلاس ہوا جس میں اپوزیشن نے وزیر خارجہ شاہ محمود قریشی کی غیر حاضری پر شدید احتجاج کیا۔

بلاول بھٹو زرداری نے اجلاس میں خطاب وزیرخارجہ کی عدم موجودگی پر طنز بھی کیا اور شیریں مزاری کو وزیر خارجہ بنانے کا مطالبہ کیا۔

جدہ میں پریس کانفرنس کرتے ہوئے وزیر خارجہ کا کہنا تھا کہ بھارتی سیاستدان چدم برم کا بیان ہے کہ یہ بھارت کے لیے سیاہ دن ہے، مودی کی سوچ نے نہرو کے ہندوستان کو دفن کردیا ہے۔

شاہ محمود قریشی نے مزید کہا کہ پاکستان کے پاس قانونی آپشن ہے، سلامتی کونسل جانے پر مشاورت ہورہی ہے، اس وقت امریکا کا محور افغانستان ہے۔

یاد رہے کہ بھارت نے 5 اگست ک و راجیہ سبھا میں کشمیر کی خصوصی حیثیت ختم کرنے کا بل پیش کرنے سے قبل ہی صدارتی حکم نامے کے ذریعے کشمیر کی خصوصی حیثیت ختم کردی تھی اور ساتھ ساتھ مقبوضہ کشمیر کو وفاق کے زیرِ انتظام دو حصوں یعنی (UNION TERRITORIES) میں تقسیم کردیا تھا جس کے تحت پہلا حصہ لداخ جبکہ دوسرا جموں اور کشمیر پر مشتمل ہوگا۔

بھارت نے اب یہ دونوں بل لوک سبھا سے بھی بھاری اکثریت کے ساتھ منظور کرالیے ہیں۔

آرٹیکل 370 کیا ہے؟
بھارتی آئین کا آرٹیکل 370 مقبوضہ کشمیر میں خصوصی اختیارات سے متعلق ہے۔

آرٹیکل 370 ریاست مقبوضہ کشمیر کو اپنا آئین بنانے، اسے برقرار رکھنے، اپنا پرچم رکھنے اور دفاع، خارجہ و مواصلات کے علاوہ تمام معاملات میں آزادی دیتا ہے۔

بھارتی آئین کی جو دفعات و قوانین دیگر ریاستوں پر لاگو ہوتے ہیں وہ اس دفعہ کے تحت ریاست مقبوضہ کشمیر پر نافذ نہیں کیے جا سکتے۔

بھارتی آئین کے آرٹیکل 370 کے تحت کسی بھی دوسری ریاست کا شہری مقبوضہ کشمیر کا شہری نہیں بن سکتا اور نہ ہی وادی میں جگہ خرید سکتا ہے۔

بھارتی اقدم پر پاکستان کا مؤقف
پاکستان نے بھارتی اقدام کو مسترد کرتے ہوئے عالمی فوجداری عدالت میں جانے کا عندیہ دیا ہے۔ ترجمان دفتر خارجہ کی جانب سے جاری اعلامیے میں مقبوضہ کشمیر سے متعلق بھارت کے صدارتی آرڈیننس کی بھرپور مذمت کرتے ہوئے کہا گیا کہ کشمیر ایک متنازع علاقہ ہے جسے بین الاقوامی سطح پر بھی تسلیم کیا جاتا ہے۔

اعلامیے میں کہا گیا کہ بھارت کے یکطرفہ اقدامات سے کشمیر کی حثیت تبدیل نہیں کیا جا سکتی، بھارت کے ایسے اقدامات کشمیریوں کے لیے قابل قبول نہیں ہوں گے۔

ترجمان دفتر خارجہ نے کہا کہ پاکستان بھارت کے اس غیر قانونی اقدام کے خلاف تمام آپشنز بروئے کار لائے گا اور پاکستان کشمیریوں کی سیاسی، سفارتی اور اخلاقی حمایت جاری رکھے گا۔

وزیر اعظم عمران خان نے بھی پارلیمنٹ کے مشترکہ اجلاس سے خطاب میں مقبوضہ کشمیر کی آئینی حیثیت ختم کرنے کے بھارتی اقدام کے خلاف عالمی فوجداری عدالت (انٹرنیشنل کرمنل کورٹ) جانے کا اشارہ دیا ہے۔

چین کا بھارتی اقدام پر مؤقف
چینی وزارت خارجہ کی ترجمان ہوا چوینگ نے پاکستان اور بھارت کے درمیان لائن آف کنٹرول پرکشیدگی اور آرٹیکل 370 کو ختم کرنے سے متعلق سوالات پر تحریری جواب میں کہا کہ چین کو کشمیر کی موجودہ صورتحال پر ‘شدید تشویش’ ہے۔

ترجمان کا کہنا تھا کہ چین نے سرحدی علاقے میں بھارتی مداخلت کی ہمیشہ مخالفت کی ہے اور اس بارے میں ہمارا مؤقف واضح اور مستقل ہے۔ انہوں نے کہا کہ بھارت نے اپنا قانون یکطرفہ تبدیل کرکے ہماری خودمختاری کو نقصان پہنچایا، ایسے اقدامات ناقابل قبول اور کبھی قابل عمل نہیں ہوسکتے۔

ترجمان کے مطابق بھارت سرحدی معاملات پر بیان اور عمل میں ہوشمندی کا مظاہرہ کرے اور بھارت چین سے کیے گئے معاہدوں پر قائم رہے، بھارت ایسے کسی بھی عمل سے باز رہےجو سرحدی امور کو مزید مشکل بنادے۔

بھارت نے مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر دیا۔

بھارتی میڈیا کے مطابق صدارتی حکم نامے کے ذریعے آرٹیکل 370 کو ختم کر دیا گیا ہے جس کے تحت مقبوضہ جموں کشمیر اب ریاست نہیں کہلائے گی۔

بھارتی آئین کا آرٹیکل 370 مقبوضہ کشمیر میں خصوصی اختیارات سے متعلق ہے۔

آرٹیکل 370 ریاست جموں و کشمیر کو اپنا آئین بنانے اور اسے برقرار رکھنے کی آزادی دیتا ہے۔

دفعہ 370 کے تحت ریاست جموں و کشمیر کو ایک خصوصی اور منفرد مقام حاصل ہے۔ بھارتی آئین کی جو دفعات و قوانین دیگر ریاستوں پر لاگو ہوتے ہیں وہ اس دفعہ کے تحت ریاست جموں کشمیر پر نافذ نہیں کیے جا سکتے۔

بھارتی وزیر داخلہ امیت شاہ نے مقبوضہ کشمیر میں آرٹیکل 370 ختم کرنے کا بل راجیہ سبھا میں پیش کیا۔

ہندو انتہا پسند بھارتی وزیر داخلہ امیت شاہ کے راجیہ سبھا میں خطاب کے دوران اپوزیشن کی جانب سے شور شرابہ اور ہنگامہ آرائی کی گئی۔

واضح رہےکہ وزیراعظم عمران خان کے دورہ امریکا میں امریکی صدر ڈونلڈ ٹرمپ نے مسئلہ کشمیر کے حل کے لیے ثالثی کی پیشکش کی تھی جسے بھارت نے مسترد کر دیا اور امریکی صدر کی پیشکش کے بعد سے بھارت نے مقبوضہ کشمیر کی خصوصی حیثیت ختم کرنے کے لیے کوششیں تیز کر دیں۔

لائن آف کنٹرول پر بھی بھارتی اشتعال انگیزی میں اضافہ ہو گیا ہے اور بھارت نہتے کشمیریوں پر کلسٹر بموں سے حملے کر رہا ہے جو جینیوا کنونشن کے ساتھ عالمی انسانی حقوق کی بھی خلاف ورزی ہے۔

بھارت نے آئین سے آرٹیکل 370 کے خاتمے سے قبل مقبوضہ کشمیر میں غیر معینہ مدت کے لیے کرفیو بھی نافذ کر دیا ہے اور مقبوضہ کشمیر کے دو سابق وزرائے اعلیٰ سمیت حریت رہنماؤں کو گھروں میں نظر بند کر کے اضافی نفری تعینات کر دی ہے۔

سرینگرایمرا نیوز(آن لائن)
نیشنل کانفرنس کے نائب صدر عمر عبداﷲ نے کہا ہے کہ مسئلہ کشمیر کے بارے میں وزیر اعظم کا گمراہ کن بیان حیران کن ہے اپنے ایک انٹرویو میں انہوں نے کہا کہ بھارتی وزیر اعظم نے اپنے ایک حالیہ بیان میں کہا کہ جموں و کشمیر میں کوئی مسئلہ ہی نہیں اور یہ اڑھائی اضلاع کا مسئلہ ہے ۔ انہوں نے کہا کہ اگر جموں و کشمیر صرف اڑھائی اضلاع کا مسئلہ ہے تو پھر ادھمپور سے لے کر اوڑی تک شاہراہ دو دن کے لئے بند کیون رکھی جاتی ہے ۔ اگر جموں و کشمیر کا مسئلہ صرف اڑھائی اضلاع کا مسئلہ ہے تو پھر یہاں پر اسمبلی الیکشن کیوں کروائے جا رہے ہیں ۔ انہوں نے کہا کہ حقیقت ہے کہ مرکز جموں وکشمیر کے زمینی حقائق سے متعلق خود کو اور ملک کو گمراہ کر رہا ہے ۔ یہی وجہ ہے کہ ہمیں پارلیمنٹ میں ایسے نمائندوں کی ضرورت ہے جو وہاں جموں و کشمیر کی آواز بنیں اور یہاں کی زمینی صورت حال اور عوامی امنگوں کی ترجمانی کر سکے ۔ انہوں نے کہا کہ 2014 میں ہماری ریاست سے جو نمائندے گئے وہ ہماری نمائندگی نفی برابر نہیں کر سکے اور بارہمولہ سے گئے رکن پارلیمان نے اس وقت حد پار کر دی جب اس نے دلی جا کر کہاکہ کشمیری نوجوان دو عدد کرتے پاجامے کے لئے بندوق اٹھاتا ہے ۔