Tag کورونا ویکسین

سعودی عرب کی ریلوے کمپنی “سار” (SAR) کے اعلان کے مطابق آئندہ اتوار 10 اکتوبر سے مملکت میں ٹرین کا سفر کرنے یا ‘سار’ کے زیر انتظام تنصیبات میں داخل ہونے کے لیے کرونا ویکسین کی دو خوراکوں کی شرط پر عمل شروع ہو جائے گا۔
سعودی ریلوے نے اپنی ٹویٹ میں تمام صارفین کو مطلع کیا ہے کہ اتوار 10 اکتوبر (2021ء) کی صبح 6 بجے سے ٹرین کے ذریعے سفر کرنے والے تمام مسافروں کے لیے سعودی وزارت صحت کی جانب سے منظور شدہ کرونا ویکسین کی دو خوراکوں کی شرط لازم ہو گی۔
یاد رہے کہ اس سے پہلے سعودی وزارت داخلہ اعلان کر چکی ہے کہ 10 اکتوبر سے طیاروں اور پبلک ٹرانسپورٹ میں سوار ہونے اور تنصیبات میں داخل ہونے کے لیے کرونا ویکسین کی دو خوراکیں مکمل کرنے کی شرط لازم ہو گی۔

راولپنڈی (ویب ڈیسک)نیشنل ٹی ٹوئنٹی کپ کا آغاز آج سے ہو گیا ہے.تفصیلات کے مطابق نیشنل ٹی ٹوئنٹی کپ راولپنڈی کرکٹ اسٹیڈیم میں کھیلا جائے گا.داخلے کیلئے شائقین کو ٹکٹوں کے ساتھ ویکسینیشن سرٹیفکیٹ لانا لازمی ہوگا۔ نیشنل ٹی ٹونٹی دو مرحلوں پر مشتمل ٹورنامنٹ 23 ستمبر سے 13 اکتوبر تک بالترتیب راولپنڈی اور لاہور میں کھیلا جائے گا۔ شائقین کرکٹ پنڈی کرکٹ راولپنڈی اسٹیڈیم اور قذافی اسٹیڈیم لاہور کے اسٹینڈز سے سنسنی خیز میچز دیکھیں گے۔ٹورنامنٹ کے پہلے روز دو مقابلے کھیلے جائیں گے، 3 بجے ناردرن ٹیم اور بلوچستان کے درمیان پہلا میچ کھیلا جائے گا جب کہ 7:30 بجے خیبرپختونخوا اور سینٹرل پنجاب ایکشن میں نظر آئیں گے۔علاوہ ازیں اسٹیڈیم میں 25 فیصد شائقین کو داخلے کی اجازت ہوگی .

اسلام آباد(ویب ڈیسک) نیشنل کمانڈ اینڈ آپریشن سینٹر (این سی او سی) نے کہا ہے کہ کرونا ویکسین اولاد پیدا کرنے کی صلاحیت پر اثر نہیں کرتی۔ اسد عمر کی زیر صدارت این سی او سی اجلاس منعقد ہوا، جس میں یہ ہدایت جاری کر دی گئی ہے کہ حاملہ اور دودھ پلانے والی خواتین کو بھی کرونا ویکسین لگائی جائے۔
این سی او سی کے مطابق حاملہ اور دودھ پلانے والی خواتین کے لیے کرونا ویکسین محفوظ اور مؤثر ہے، اور کرونا ویکسین حمل کے کسی بھی مرحلے میں لگائی جا سکتی ہے۔
این سی او سی کا یہ بھی کہنا تھا کہ کرونا ویکسین اولاد پیدا کرنے کی صلاحیت پر اثر نہیں کرتی۔واضح رہے کہ اجلاس میں این سی او سی نے پاکستان کرکٹ بورڈ کو کرکٹ اسٹیڈیمز میں شائقین کو بلانے کی اجازت بھی دے دی ہے، یہ پاکستانی شائقین کرکٹ کے لیے بڑا فیصلہ ہے۔اس فیصلے کے مطابق 30 ستمبر تک 25 فی صد شائقین گراؤنڈ میں میچ دیکھ سکیں گے، جب کہ 25 فی صد شائقین کی شرح میں اضافے پر نظر ثانی 28 ستمبر کو کی جائے گی، ویکسینیٹڈ افراد کو ہی کرکٹ اسٹیڈیم میں میچ دیکھنے کی اجازت ہوگی، اور پی سی بی ویکسینیٹڈ افراد کو ٹکٹ کے اجرا کے لیے طریقۂ کار تیار کرے گا۔

امریکا (ویب ڈیسک)کورونا وبا سے بچنے کے لیے مختلف ممالک نے ویکسین تیار کی ہیں.ویکسین بنانے والے ممالک میں امریکا ،برطانیہ سمیت اور ممالک بھی شامل ہیں .یہ ویکسین تمام عمر کے لوگوں کو لگانے کا کہا گیا ہے.اسی سلسلے میں امریکی طبی ماہرین نے کچھ خدشات ظاہر کیے ہیں‌.تفصیلات کے مطابق امریکی طبی ماہرین نے 16 سال سے زائد عمر کے ہر شخص کو فائزر کورونا ویکسین کی بوسٹر ڈوز دینے کی مخالفت کی ہے.طبی ماہرین کا اس حوالے سے کہنا ہے کہ نوجوانوں پر فائزر کورونا ویکسین کے منفی اثرات کے خدشات ہیں،یہ بوسٹر ڈوز صرف 65 برس سے زائد عمر یا انتہائی خطرات سے دوچار افراد کو دی جانی چاہیے۔
امریکی دوا ساز کمپنی فائزر کے سی ای او ایلبرٹ بورلا کا اس حوالے سے کہنا ہےکہ 6 ماہ سے 5 سال کی عمر تک کے بچوں کو فائزر ویکسین لگانے کی اجازت حاصل کرنے کیلئے امریکی فوڈ اینڈ ڈرگ ایڈمنسٹریشن (ایف ڈی اے) سے اجازت طلب کرنی ہو گی۔

پنجاب میں کورونا ویکسین کی غلط ڈیٹا انٹری روکنےکے لیے این سی او سی نے کوڈ سسٹم متعارف کرادیا۔
محکمہ صحت پنجاب کے مطابق کمپیوٹر آپریٹر کوڈ کے بغیر ویکسین ڈیٹا کی انٹر ی نہیں کی جاسکے گی، کئی لوگ بغیر ویکسین لگوائے ڈیٹا انٹری کروا رہے تھے اور چند روپوں کے عوض غلط معلومات سسٹم میں آرہی تھیں جسے روکنے کے لیے این سی او سی نے کوڈ سسٹم شروع کردیا ہے۔محکمہ صحت کا کہنا ہےکہ اب ڈیٹا انٹری سے پہلے کمپیوٹر آپریٹر کو ٹیلی فون پر کوڈ موصول ہوگا جس کی مدد سے ڈیٹا انٹری ہوگی۔

لاہور (ویب ڈیسک)پاکستان میں کورونا وائرس کے مثبت کیسزتیزی سے بڑھ رہے ہیں .کس بعد کورونا وائرس سے اموات کی بھی تعداد میں اضافہ ہو گیا ہے . گزشتہ24 گھنٹوں میں 101 افراد لقمہ اجل بن چکی ہیں‌.حکومت کی جانب سے ایس او پیز پر سختی سے عمل کرنے اور کورونا ویکسین لگانے کا حکم دیا ہے.

پنجاب بھر میں بالخصوص لاہور میں کورونا ویکسین نہ لگوانےوالوں کے خلاف آج سے سخت ایکسشن لیا جائے گا .حکومت نے فیصلہ کیا ہےکہ جو افراد ویکسین نہیں لگوائیں گے انہیں آج سے پیٹرول نہيں ملے گا.اس کے علاوہ پبلک ٹرانسپورٹ میں بھی انہیں جگہ نہیں دی جائے گی۔اب شہری بغیر ویکسی نیشن سرٹیفکیٹ کے ہوٹل میں بکنگ بھی نہیں کروا سکیں گے۔

اسلام آباد (ویب ڈیسک) ملک بھرمیں کورونا کے مثبت کیسز کی تعداد میں اضافہ ہوتا جا رہا ہے.جس کے بعد کورونا ویکسین لگوانے کے حوالے سے حکومت نے سختی سے عمل کرنے کا حکم دہا ہے اور ایس او پیزکی خلاف ورزی کرنےوالوں کے خلاف سخت ایکشن لیا جائے گا.کورونا وائرس کے باعث ملک میں 24 گھنٹے کے دوران 101 افراد ہلاکت کا شکار ہو گئے ہیں ، جس کے بعد اموات کی تعداد 25 ہزار 889 تک جا پہنچی ہے. ملک میں اب تک کورونا کے تصدیق شدہ کیسز کی تعداد 11 لاکھ 63 ہزار 688 ہوگئی ہے۔
این سی او سی کے تازہ ترین اعدادوشمار کے مطابق پچھلے 24 گھنٹوں کے دوران 3 ہزار 559 نئے کیسز کو رپورٹ کیا گیا ہے،تفصیلات کے مطابق پنجاب میں 3 لاکھ 94 ہزار 738، سندھ میں 4 لاکھ 32 ہزار 637، خیبر پختونخوا میں ایک لاکھ 62 ہزار 402، بلوچستان میں 32 ہزار 248 کیسز رپورٹ کیے گئے ہیں ۔اس کے علاوہ ملک بھر میں اب تک ایک کروڑ 78 لاکھ 9 ہزار 969 افراد کے کورونا ٹیسٹ کئے گئے ہیں. 10 لاکھ 43 ہزار 898 مریض اب تک صحتیاب ہوچکے ہیں جبکہ 5 ہزار 690 مریضوں کی حالت تشویشناک ہے۔

لاہور(ویب ڈیسک) ملک بھر میں کورونا کی چوتھی لہر تباہی مچا رہی ہے.روز بروز کورونا کیسز میں اضافہ ہوتا جا رہا ہے.اسی کے پیش نظر حکومت نے کئی سخت اقدامات آٹھائے ہیں .اسی کے پیش نظر حکومت نے کورونا کیسز پر قابو پانے کے لیے اہم فیصلہ کیا ہے.حکومت کی جانب سے یکم ستمبر سے لاہور کے تمام شاپنگ مالز میں جن افراد نے کورونا ویکسینیشن نہ لگوائی ہوئی انہیں گرفتار کیا جائے گا.
کورونا وائرس کے پیش نظر کمشنر آفس لاہور میں اہم اجلاس ہوا ہے جس میں کورونا ایس اوپیز اور ویکسینیشن کے حوالے سے سخت فیصلے کرنے کا فیصلہ کیا گیا۔ اجلاس میں مزید کہا گیا کہ جو سرکاری ملازمین ویکسینیشن نہیں کروائیں گے ان کے خلاف پیڈا ایکٹ کے تحت کارروائی عمل میں لائی جائے گی۔ اس کے علاوہ اجلاس میں لاہور میں تھانہ سطح پر انفورسمنٹ کمیٹیاں فعال کرنے کا حکم دیا گیا ہے. ان ڈور شادی کی تقریبات پر مکمل پابندی ہو گی جبکہ آؤٹ ڈور میں بھی مقررہ تعداد کو چیک کیا جائے گا اور خلاف ورزی پر سرزنش کی جائے گی.
کمشنر لاہور کا کہنا ہے کہ ہمیں کورونا وائرس کی چوتھی لہر کا سامنا ہے اور لوگوں کی غفلت سے اس میں مزید اضافہ ہو رہا ہے.اس حوالے سے مزید سختی کرتے ہوئے یکم ستمبر سے انتظامیہ اور پولیس ہر جگہ چیکنگ کرے گی اورکورونا ویکسین نہ لگوانے والے افراد کو کوئی سہولیات فراہم نہیں کی جائیں گی ان افراد کے لیے ٹرانسپورٹ، فیول اور ریسٹورنٹس میں سروسز بالکل بند ہوں گی، دکان ہو یا مارکیٹ ہر شہری کی ویکسینیشن چیک ہو گی، بغیر ویکسینیشن افراد کو گرفتار کیا جائے گا۔
سی سی پی او لاہور کا مزید کہنا تھا کہ کورونا ایس او پیز پر عمل درآمد کے لیے شہری ماسک پہنیں اور ویکسین لگوائیں۔