Tag BBC

دنیا میں کوئی بھی امریکا کا مقابلہ نہیں کرسکتا، ‘بیرون ملک دشمنوں کو ناکام بنانے کے لیے امریکیوں کو اپنے ملک میں اتحاد کا مظاہرہ کرنا ہوگا، عظیم قومیں نہ ختم ہونے والی جنگیں نہیں لڑتیں،امریکی صدر کااسٹیٹ آف دی یونین خطاب
واشنگٹن(ایمرا نیوز آن لائن ) امریکی صدر ڈونلڈ ٹرمپ نے میکسکو کی سرحد پر دیوار بنانے کے لیے پھر سے مذاکرات شروع کرنے پر اصرار کرتے ہوئے ڈیموکریٹس کو ‘اتحاد اور مفاہمت’ کا مشورہ دیا ہے کہ وہ جمود توڑیں اور امریکا کی عظمت کو حاصل کریں۔امریکی کانگریس سے اسٹیٹ آف دی یو کے دوران ڈونلڈ ٹرمپ کا کہنا تھا کہ ‘میں ہر صورت میکسیکو کی سرحد پر دیوار بناو¿ں گا’۔ساتھ ہی انہوں نے اس بات پر زور دیا کہ ‘بیرون ملک دشمنوں کو ناکام بنانے کے لیے امریکیوں کو اپنے ملک میں اتحاد کا مظاہرہ کرنا ہوگا’۔اپنے خطاب کے دوران ٹرمپ نے باور کروایا کہ ان کے دو سالہ اقتدار میں معیشت نے بے مثال ترقی کی ہے۔ ان کا کہنا تھا، ‘امریکا ہر دن ہر جگہ فتح یاب ہو رہا ہے، امریکی معیشت دنیا کی بہتر معیشت اور امریکی فوج دنیا کی طاقتور فوج ہے، دنیا میں کوئی بھی امریکا کا مقابلہ نہیں کرسکتا’۔ٹرمپ کے بقول ‘دنیا کی تیزی سے فروغ پاتی معیشت کا بھی ہم سے مقابلہ نہیں، بے روزگاری 50 سال کے دوران کم ترین شرح پر آچکی ہے، ٹیکس میں کمی کی وجہ سے کمپنیاں امریکا میں کاروبار کے لیے آ رہی ہیں اور امریکا تیل و گیس کی پیداوار کے اعتبار سے دنیا کا سب سے بڑا ملک بن چکا ہے’۔انہوں نے بتایا کہ گزشتہ دو سال میں مسائل کے حل کے لیے انہوں نے انتھک جدوجہد کی اور دو سال میں ا±ن مسائل کے حل پر بھی کام کیا جو دہائی سے دونوں جماعتوں کے ارکان نے نظر انداز کیے۔امریکی صدر کے مطابق مختصر مدت میں انہوں نے اتنی قانون سازی کی، جتنی کسی دوسری انتظامیہ نے پوری مدت میں نہیں کی۔ڈونلڈ ٹرمپ کا کہنا تھا کہ ‘ملک کو ایک بحرانی صورت حال درپیش ہے جس سے نبرد آزما ہونے کی فوری ضرورت ہے اور وقت آگیا ہے کہ سیاسی سوچ سے بالا تر ہوکر، اتحاد اور تعاون کی بنیاد پر ملکی مفاد میں قانون سازی کی جائے’۔ انہوں نے مزید کہا کہ ‘فضول جنگیں، بیہودہ سیاست اور جانب دارانہ تحقیقات امریکا کی معاشی ترقی کا عمل روک سکتی ہیں، لہذا ہمیں مشترکہ مفاد کے لیے انتقام کی سیاست کو ترک کرکے مفاہمت اور تعاون کو فروغ دینا چاہے’۔ڈونلڈ ٹرمپ نے کہا کہ ‘امریکی قوم کی نظریں اس وقت کانگریس کی طرف ہیں اور ہم کانگریس کے ساتھ مل کر امریکی عوام کے لیے کام کرنے پر تیار ہیں’۔ان کا مزید کہنا تھا، ‘میرا ایجنڈا کسی پارٹی کا نہیں امریکا کا ایجنڈا ہے’۔اپنے خطاب کے دوران امریکی صدر نے افغان جنگ کے حوالے سے بھی گفتگو کی اور کہا ‘اب ہم اس قابل ہوگئے ہیں کہ افغانستان مسئلے کا حل تلاش کریں’۔ان کا مزید کہنا تھا کہ ‘عظیم قومیں نہ ختم ہونے والی جنگیں نہیں لڑتیں.

جنگ سے زیادہ مشکل چیز امن ہے،طالبان جنگ بندی پر اس وقت تک رضامند نہیں ہوں گے جب تک کہ تمام بیرونی افواج افغانستان سے نہیں چلی جاتیں،شیر محمد عباس ستنکزئی
ماسکو (ایمرا نیوز آن لائن )امریکہ کے ساتھ امن مذاکرات میں طالبان کی ٹیم کی سربراہی کرنے والے رہنما شیر محمد عباس ستنکزئی نے کہا ہے کہ طالبان افغانستان پر بزورِ طاقت قبضہ کرنے کی خواہش نہیں رکھتے۔ماسکو میں بی بی سی کو انٹرویو دیتے ہوئے ان کا کہنا تھا کہ ’ہم پورے ملک پر پر قبضہ کرنا نہیں چاہتے۔ اس سے افغانستان میں امن نہیں آئے گا‘۔تاہم شیر محمد عباس ستنکزئی کا یہ بھی کہنا تھا کہ طالبان جنگ بندی پر اس وقت تک رضامند نہیں ہوں گے جب تک کہ تمام بیرونی افواج افغانستان سے نہیں چلی جاتیں۔عباس ستانکزئی جو کچھ عرصہ قبل تک قطر میں طالبان کے سیاسی دفتر کے سربراہ تھے، گروپ کے نمایاں رہنما ہیں۔ انھوں نے افغان حزب اختلاف کے متعدد سینیئر رہنماو¿ں کے ساتھ ماسکو میں ہونے والی ملاقات میں شرکت کے دوران بی بی سی سے بات کی۔انھوں نے کہا کہ 1990 کی دہائی میں جب طالبان اقتدار میں تھے اور انھیں مخالف افغان گروہوں کی جانب سے مسلح مخالفت کا سامنا ہوا تو ان کے گروپ کو یہ بات سمجھ میں آ گئی تھی کہ مسائل کے حل کا بہتر طریقہ ‘بات چیت ہے۔’عباس ستانکزئی نے کسی معاہدے تک پہنچنے میں آنے والی پریشانیوں کی جانب اشارہ کرتے ہوئے کہا کہ ‘جنگ سے زیادہ مشکل چیز امن ہے۔’ تاہم انھوں نے امید ظاہر کی افغان تنازعہ ختم کیا جا سکتا ہے۔عباس ستانکزئی نے افغانستان میں مفاہمتی عمل کے لیے امریکی حکومت کے نمائندے زلمے خلیل زاد سے حالیہ مہینوں کے دوران سلسلہ وار ملاقاتوں کی قیادت کی ہے۔عباس ستانکزئی کا بھی کہنا تھا کہ ان کا یہ خیال ہے کہ ٹرمپ انتظامیہ ‘افغانستان میں امن لانا چاہتی ہے‘۔خیال رہے کہ ماسکو میں ہونے والے مذاکرات امریکہ اور طالبان کے درمیان ہونے والے امن مذاکرت سے علیحدہ ہیں۔ ان میں طالبان کے مندوبین کے علاوہ سابق افغان صدر حامد کرزئی اور حزب اختلاف کے دوسرے سرکردہ رہنماو¿ں نے بھی شرکت کی۔ان مذاکرات میں اگر طالبان مرکزی دھارے کی سیاسی طاقت بن جاتے ہیں تو ملک کو مستقبل میں کیسے چلایا جائے، جیسے موضوعات پر گفتگو ہوئی۔عباس ستانکزئی نے ماسکو کے ایک ہوٹل میں اجلاس سے خطاب کرتے ہوئے کہا کہ طالبان اقتدار پر اپنی اجارہ داری نہیں چاہتے لیکن ‘افغانستان کا آئین جو کہ مغرب سے درآمدہ ہے وہی امن کی راہ میں رخنہ ہے‘۔تاہم عباس ستانکزئی نے کہا کہ طالبان کے بڑھتے اثرات سے ‘خواتین کو خوفزدہ نہیں ہونا چاہیے’ کیونکہ وہ خواتین کو شریعت اور افغان ثقافت کے تحت ان کے سارے حقوق دینے کی کوشش کریں گے۔انھوں نے مزید کہا: ‘وہ سکول جا سکتی ہیں، وہ یونیورسٹی جا سکتی ہیں، وہ ملازمت کر سکتی ہیں۔’ماسکو کے مذاکرات میں موجود دو خواتین میں سے ایک فوزیہ کوفی جو کہ افغانستان میں رکن پارلیمان بھی ہیں نے بی بی سی کو بتایا: ‘یہ ایک مثبت قدم ہے کہ وہ طالبان جو اب تک افغانستان کے عوام اور بطور خاص خواتین کے خلاف گولیوں کا استعمال کر رہے تھے وہ اب مائیکروفون کا استعمال کر رہے ہیں اور خواتین کی آواز سن رہے ہیں۔انھوں نے کہا کہ طالبان کے ایک رکن نے انھیں بتایا کہ خواتین صدر نہیں ہو سکتیں لیکن سیاسی دفتر میں خدمات انجام دے سکتی ہیں۔ فوزیہ کوفی نے مزید کہا کہ ‘ہمیں اس بات کی یقین دہانی کرنی ہے کہ جو وہ کہہ رہے ہیں ان کی واقعی وہی نیت بھی ہے۔

لاہور(ایمرا نیوزآن لائن) نیب نے سینئر وزیر پنجاب عبدالعلیم خان کو گرفتار کرلیا گیا. عبدالعلیم خان کو آف شور کمپنی اسکینڈل میں حراست میں لے لیا گیا.عبدالعلیم خان کو آمدن سے زائد اثاثے اور آف شور کمپنی اسکینڈل میں حراست میں لے لیا گیا. سینیر وزیر عبدالعلیم خان کو نیب نے آج طلب کر رکھا تھا.عبدالعلیم خان کو مزید تفشیص کے لیے نیب آفس روک لیا گیا. آخری مرتبہ 10 اگست کو نیب آفس پیش ہوئے تھے. نیب حکام کچھ دیر میں عبدالعلیم خان سے متعلق موقف پیش کرے گی.اب تازہ خبر آئی ہے کہ عبدالعلیم خان نے سردار عثمان بزدار کو اپنا استعفیٰ دے دیا ہے.

وزیرپٹرولیم گھریلو صارفین کو گیس کی اووربلنگ کے معاملے پر بریفنگ دیں گے
اسلام آباد (ایمرا نیوز آن لائن ) وزیراعظم عمران خان نے وفاقی کابینہ کا اجلاس آج جمعرات کو طلب کر لیا، جس میں وزیرپٹرولیم گھریلو صارفین کو گیس کی اووربلنگ کے معاملے پر بریفنگ دیں گے۔وزیراعظم عمران خان کی زیرصدارت وفاقی کابینہ کا اجلاس جمعرات کو اسلام آباد میں ہوگا، جس میں ملک کی سیاسی اور معاشی صورتحال کا جائزہ لیا جائے گا۔ ذرائع کا کہنا ہے کہ کابینہ گھریلو صارفین کے گیس بلوں میں اضافے کے معاملے پر غور کرے گی، وزیر پیٹرولیم اووربلنگ جب کہ وزیرغذائی تحفظ آلو کے کاشتکاروں کو درپیش مسائل پر بریفنگ دیں گے۔اجلاس میں مختلف وزارتوں کی کارکردگی کا جائزہ لیا جائے گا، وزیراعظم حکومت کے آئندہ کے اہداف پر کابینہ کو اعتماد میں لیں گے۔ وفاقی کابینہ کے اجلاس میں 21 نکاتی ایجنڈے پر
غور کیا جائے گا، کابینہ کو اشیائے ضروریہ کی قیمتوں سے متعلق ماہانہ بریفنگ دی جائے گی، پاکستان اور بیلجیئم کے درمیان تجارت کے فروغ سے متعلق پر دستخط ہوں گے، ضمنی انتخابات 2018 کیلئے فنڈزسے متعلق ڈیفنس ڈویڑن کی سمری کی منظوری دی جائےگی۔ آڈٹ اوور سائٹ بورڈ کی تنظیم نو کی منظوری، انسٹی ٹیوٹ آف چارٹرڈ اکائونٹنٹس آف پاکستان کی کونسل کی نامزدگی ایجنڈے میں شامل ہے۔کابینہ پاکستان بیت المال بورڈ کی تشکیل نو پر غور کرے گی، پاکستان رینجرز کے لئے 429 ملین روپے کی سپلیمنٹری گرانٹ کی منظوری بھی ایجنڈے میں شامل ہے۔ اسلام آباد ہائیکورٹ کے سی سی ٹی وی کیمروں کی تبدیلی کیلئے فنڈز کے اجرائ ، اقتصادی رابطہ کمیٹی کے 29 جنوری کے اجلاس کے فیصلوں کی توثیق کی جائے گی۔ صحت سے متعلقہ اداروں کی کابینہ ڈویڑن سے نیشنل ہیلتھ سروسز کو منتقلی کی منظوری دی جائے گی۔

ٹیکس گزار کو ٹیکس میں دانستاً چھوٹ دے کر کرپشن کی گئی ہے، درخواستگزار
لاہور(ایمرا نیوز آن لائن ) ہائی کورٹ نے سینما گھروں سے تفریحی ٹیکس وصول کرنے کے احکامات جاری کردئیے۔لاہور ہائی کورٹ میں سینما گھروں سے تفریحی ٹیکس وصول نہ کرنے کے خلاف کیس کی سماعت ہوئی۔ درخواستگزار محمد حسنین نے عثمان خلیل ایڈووکیٹ کے ذریعے محکمہ ایکسائز کے خلاف ہائی کورٹ سے رجوع کیا تھا۔ درخواستگزار نے دوران سماعت موقف اختیار کرتے ہوئے کہامحکمہ ایکسائز نے چہیتوں کو نوازنے کے لیے قومی خزانے کو بھی داو پر لگا دیا، ایکسائز ڈیپارٹمنٹ نے 765 دن گزرنے کے بعد بھی سینما گھروں سے تفریحی ٹیکس وصول نہ کیا، تفریحی ٹیکس کے قانون 1958 کے تحت محکمہ ایکسائز ہر سینما گھر سے روزانہ ٹیکس وصول کرنے کا پابند ہے۔درخواستگزار نے کہا تفریحی ٹیکس کی عدم وصولی سے قومی خزانے کو سالانہ کروڑوں روپے کے خسارے کا سامنا ہے، بھارتی فلموں کی نمائش سے حاصل ہونے والی آمدن ٹیکس کٹوتی کے بغیر ہی بھارت جانے لگی ہے، کسی چھوٹ کے بغیر ٹیکس کی عدم وصولی متعلقہ حکام کی غفلت مجرمانہ ہے، رائج الوقت قانون کو دانستاً اور مرضی سے نظر انداز کرنا جرم ہے، ٹیکس گزار کو ٹیکس میں دانستاً چھوٹ دے کر کرپشن کی گئی ہے لہٰذا صوبے کے تمام سینما گھروں سے قانون کے مطاق فی الفور ٹیکس وصول کرنے اور ذمہ داروں کے خلاف کارروائی کا حکم دیا جائے۔درخواستگزار کے دلائل سننے کے بعد عدالت نے6 ہفتوں میں محکمہ ایکسائز کو قانون پر عمل درآمد کے احکامات جاری کردئیے اور سینما گھروں سے تفریحی ٹیکس وصول کرنے کا حکم دے دیا۔

بیشتر پادری راہباﺅں کے ساتھ جنسی تعلقات قائم کرتے ہیں اور انہیں خاموش رہنے کے لیے مجبور کرتے ہیں،گفتگو
دبئی( ایمرا نیوز آن لائن )مسیحی برادری کے روحانی پیشوا پوپ فرانسس نے اپنے دورہ امارات میں اس بات کا اعتراف کیا ہے کہ راہباﺅں کو پادریوں کی جانب سے جنسی زیادتیوں کا نشانہ بنایا جاتا ہے۔ غےر ملکی خبر رساں ادارے کے مطابق رومن کیتھو لک برادری کے روحانی پیشوا کا یہ پہلا مشرقی وسطیٰ کا دورہ تھا۔ اس تین روزہ دورہ میں پوپ فرانسس نے اس بات کی نشاندہی کی ہے کہ بیشتر پادری راہباﺅں کے ساتھ جنسی تعلقات قائم کرتے ہیں اور انہیں خاموش رہنے کے لیے مجبور کرتے ہیں۔صحافیوں سے گفتگو کےدوران پوپ فرانسس نے اپنے پیشرو ’بینڈکٹ‘ کی کاوشوں کو سراہا جس کے تحت ان اجتماعات کو بند کر دیا گیا جہاں راہباﺅں کو جنسی زیادتیوں کا سامنا تھا۔واضح رہے کہ کیتھولک گرجا گھروں کی ایک بین الاقوامی تنظیم نے گزشتہ سال نومبر میں اس مسئلہ کا تذکرہ کیا تھا اور اس بات کی طرف توجہ دلائی تھی کہ راہباﺅں کو جنسی زیادتی کے بعد اسقاط حمل کے لیےبھی مجبور کیا جاتا ہے جو کہ ان کے مذہب کے خلاف ہے۔#/s#

خاکروب کی ملازمت کیلئے اعلیٰ تعلیم یافتہ ہزاروں امیدواروں کی درخواستیں
نئی دہلی(ایمرا نیوز آن لائن )بھارت کی جنوبی ریاست تامل ناڈو میں جمعدار اور خاکروب کی ملازمت کے لیے جامعات کے فارغ التحصیل اعلیٰ تعلیم یافتہ نوجوانوں نے درخواستیں دے دی۔این ڈی ٹی وی کی رپورٹ کے مطابق اس حوالے سے بتایا گیا کہ 26 ستمبر کو تامل ناڈو اسمبلی سیکریٹریٹ کی جانب سے جمعدار کے لیے 10 اور خاکروب کے لیے 4 ملازمتوں کا اشتہار شائع ہوا۔اشتہار شائع ہونے کے بعد ایم ٹیک، بی ٹیک اور ایم بی اے سمیت پوسٹ گریجویٹ ہزاروں امیدواروں نے جمعدار اور خاکروب کی ملازمت کے لیے اپنی درخواستیں جمع کرائیں۔ملازمت کے اشتہار میں صرف یہ شرط درج تھی کہ امیدوار صحت مند ہو اور 18 سال کی عمر مکمل کر چکا ہو۔تامل ناڈو اسمبلی سیکریٹریٹ میں جمعدار اور خاکروب کے لیے مجموعی طور پر 4 ہزار 607 درخواست موصول ہوئیں، جن میں متعدد ‘امپلائمنٹ ایکسچینج پروگرام’ سے بھی تھیں۔اس حوالے سے بتایا گیا کہ ک±ل درخواستوں میں 677 عرضیاں مسترد کردی گئیں، تادیگر مطلوبہ شرائط پر پوری ہونے کے باعث قابل غور ہیں۔واضح رہے کہ حکومت کی جانب سے کیے گئے سروے کے مطابق 18-2017 میں بھارت میں بے روزگاری کی شرح 45 سال کی بلند ترین سطح پر پہنچ گئی۔بھارت میں ہونے والے عام انتخابات سے چند ماہ قبل ہی ‘بزنس اسٹینڈرڈ’ اخبار میں شائع ہونے والے سروے رپورٹ پر بھارتی وزیر اعظم نریندر مودی کو سخت تنقید کا سامنا کرنا پڑ رہا ہے۔سروے پر سیاسی تنازع اس وقت سامنے آیا جب نگراں چیئرمین اور ادارے کے دیگر اراکین نے نوکریوں کے ڈیٹا پر نظر ثانی کی اور بتایا کہ اس کے جاری ہونے میں تاخیر کی گئی جس میں ریاست کے دیگر اداروں کی مداخلت شامل ہے۔اخبار کی رپورٹ کے مطابق نیشنل سیمپل سروے آفس کی تشخیص کو جولائی 2017 سے جون 2018 کے درمیان کیا گیا جس میں بے روزگاری کی شرح 6.1 فیصد بتائی گئی جو 73-1972 کے بعد سب سے زیادہ رہی۔1972-73 کے درمیان جب بھارت، پاکستان سے جنگ سے باہر آیا تھا تو وہاں بے روزگاری کی شرح 5.18 فیصد تھی۔اپوزیشن جماعت کانگریس کے سربراہ راہول گاندھی کا کہنا تھا کہ بے روزگاری کی یہ شرح ’قومی تباہی‘ ہے۔بھارت کی معیشت سالانہ 7 فیصد کی شرح سے آگے بڑھ رہی ہے تاہم تنقید کاروں کا کہنا ہے کہ معیشت کے حوالے سے حکومتی دعوے کھوکھلے ثابت ہوئے ہیں۔نریندر مودی کے ’بھارت بنائو‘ منصوبے، جس کا مقصد مقامی سطح پر پیداوار کو بڑھا کر جی ڈی پی کو 17 فیصد سے 25 فیصد تک لے جانا اور 12 لاکھ نوجوانوں کے لیے روزگار کی فراہمی ہے، ناکام ہوتا دکھائی دے رہا ہے۔

اسلام آباد(ایمرا نیوز آن لائن ) سپریم کورٹ آف پاکستان نے تحریک لبیک پاکستان (ٹی ایل پی) کی جانب سے 2017 میں فیض آباد میں دیے گئے دھرنے کے خلاف ازخود نوٹس کا فیصلہ سناتے ہوئے حکومت، قانون نافذ کرنے والے اداروں، خفیہ ایجنسیوں اور پاک فوج کے شعبہ تعلقات عامہ کو ہدایت کی ہے دائرہ کار میں رہتے ہوئے کام کریں۔جسٹس قاضی فائز عیسیٰ اور جسٹس مشیر عالم پر مشتمل دو رکنی بینچ نے 22 نومبر کو فیض آباد دھرنے کا فیصلہ محفوظ کیا تھا جسے جاری کیا گیا۔جسٹس قاضی فائز عیسیٰ نے ریمارکس دیے کہ ازخود نوٹس کا فیصلہ سنانا مشکل کام ہے، عدالت عظمیٰ کے بینچ کی جانب سے عدالت میں فیصلہ پڑھ کر نہیں سنایا گیا اور صحافیوں کو کہا گیا کہ اس کی کاپی سپریم کورٹ آف پاکستان کی ویب سائٹ پر دستیاب ہوگی۔بعد ازاں فیض آباد دھرنا از خود نوٹس کا تفصیلی فیصلہ سپریم کورٹ کی ویب سائٹ پر جاری کیا گیا، جو 43 صفحات پر مشتمل ہے۔فیصلے میں کہا گیا کہ کوئی شخص جو فتویٰ جاری کرے جس سے ‘ کسی دوسرے کو نقصان یا اس کے راستے میں مشکل ہو’ تو پاکستان پینل کوڈ، انسداد دہشت گردی ایکٹ 1997 اور/ یا پریونشن آف الیکٹرانک کرائمز ایکٹ 2016 کے تحت ایسے شخص کے خلاف ضرور مجرمانہ مقدمہ چلایا جائے۔عدالت نے فیصلے میں کہا کہ قانون کی جانب سے عائد کی گئی ‘مناسب پابندیوں’ میں رہتے ہوئے شہریوں کا یہ حق ہے کہ وہ سیاسی جماعتیں بنائیں اور اس کے رکن بنیں۔فیصلے کے مطابق ہر شہری اور سیاسی جماعت ‘امن و عامہ کے مفاد’ میں ‘معقول’ قانونی پابندیوں کے مطابق پر امن اجتماع اور احتجاج کا حق رکھتے ہیں۔اجتماع اور احتجاج کرنے کی حد اس وقت تر دائرے میں یے جب تک وہ کسی دوسرے کے بنیادی حقوق، اس کی آزادانہ نقل و حمل اور املاک کو نقصان نہ پہنچائے۔قبل ازیں اس فیصلے کے حوالے سے عدالت عظمیٰ نے اٹارنی جنرل آف پاکستان، انسپکٹرجنرل (آئی جی) پولیس اسلام آباد، سیکریٹری داخلہ، سیکریٹری دفاع اور سیکریٹری الیکشن کمیشن آف پاکستان (ای سی پی) کو فیصلے کے حوالے سے نوٹس جاری کیا تھا۔خیال رہے کہ مقدمے میں ٹی ایل پی کی جانب سے دیے گئے دھرنے سمیت پارٹی کی رجسٹریشن، پرتشدد احتجاج، حکومتی اداروں کا کردار اور احتجاج کے دوران پیش ا?نے والے واقعات کے حوالے سے سماعت ہوئی تھی۔ان سماعتوں کے دوران اٹارنی جنرل، میڈیا ریگولیٹر اور دیگر اسٹیک ہولڈرز پر سخت تنقید کی گئی تھی۔واضح رہے کہ اسلام آباد اور راولپنڈی کے سنگم پر واقع فیض آباد انٹرچینج پر مذہبی جماعت ٹی ایل پی نے ختم نبوت کے حلف نامے میں متنازع ترمیم کے خلاف 5 نومبر 2017 کو دھرنا دیا تھا۔حکومت نے مذاکرات کے ذریعے دھرنا پرامن طور پر ختم کرانے کی کوششوں میں ناکامی اور اسلام آباد ہائی کورٹ کی جانب سے فیض آباد خالی کرانے کے حکم کے بعد دھرنا مظاہرین کے خلاف 25 نومبر کو آپریشن کیا تھا، جس میں سیکیورٹی اہلکاروں سمیت 100 سے زائد افراد زخمی ہوئے تھے۔اس دھرنے کے نتیجے میں وفاقی دارالحکومت میں نظام زندگی متاثر ہوگئی تھی جبکہ آپریشن کے بعد مذہبی جماعت کی حمایت میں ملک کے مختلف شہروں میں احتجاج اور مظاہرے شروع ہوگئے تھے اور عوام کو شدید مشکلات کا سامنا کرنا پڑاتھا۔27 نومبر 2017 کو حکومت نے وزیر قانون زاہد حامد کے استعفے سمیت اسلام آباد دھرنے کے شرکا کے تمام مطالبات تسلیم کر لیے تھے، جس میں دوران آپریشن گرفتار کیے گئے کارکنوں کی رہائی کا مطالبہ بھی شامل تھا۔بعد ازاں عدالت عظمیٰ نے ایک کیس کی سماعت کے دوران فیض آباد دھرنے کا معاملہ زیر بحث آنے پر اس پر نوٹس لیا تھا اور متعلقہ اداروں سے جواب مانگا.

لاہور(ایمرا نیوزآن لائن) پاکستان اور جنوبی افریقہ کے درمیان ٹی 20 سیریز کا آخری ٹی 20 آج کھیلا جائے گا، جنوبی افریقہ کو سیریز میں 0-2 کی فیصلہ کن برتری حاصل ہے، اب پاکستان ٹیم کو ٹیسٹ سیریز کے بعد ٹی 20 میں بھی کلین سوئپ ہونے کا خطرہ لاحق ہوگیا ہے. دورہ جنوبی افریقہ پاکستان ٹیم کے لیے کچھ اچھا ثابت نہیں ہوا، پہلے جنوبی افریقہ نے ٹیسٹ سیریز میں کلین سوئپ کیا اس کے بعد ون ڈے سیریز میں پاکستان کو 4-1 سے شکست دی، اور اب ٹی 20 سیریز بھی جنوبی افریقہ نے اپنے نام کرلی ہے، یاد رہے کہ پاکستان کرکٹ ٹیم کو 12 سیریز جیتنے کے بعد اس سیریز میں شکست ہوئی ہے اور پاکستان کرکٹ ٹیم اس وقت ٹی 20 کی نمبر ون ٹیم ہے.
https://emra.tv/2019/02/06/رانا-ثناء-الله-ف…واوڈا-پر-برس-پڑے/
دورہ جنوبی افریقہ میں پاکستان کرکٹ ٹیم کے کپتان سرفراز احمد کو بھی پابندی کا سامنا کرنا پڑگیا.پاکستان نے دونوں ٹی 20 میں اچھی بیٹنگ کا مظاہرہ کیا ہے لیکن پھر بھی پاکستان کرکٹ ٹیم سیریز نہیں جیت پائی، پاکستان کی طرف سے بابر اعظم نے شاندار بیٹنگ کی ہے اور سب ان کی بیٹنگ کی بہت تعریف کررہے ہیں.

لاہور(ایمرا نیوزآن لائن) بالی ووڈ کے سپرسٹار رنویر سنگھ اپنی شاندار اداکاری کے ساتھ ساتھ اصل زندگی میں بھی کافی انرجیٹک ہیں، وہ جب بھی مداحوں کے درمیان آتے ہیں تو وہ اپنے آپ پر قابو نہیں رکھ پاتے اور مداحوں کے ساتھ ناچنے گانے لگاتے ہیں. لیکن اس بار تو رنویر سنگھ نے حد ہی کردی، رنویر سنگھ نے جذبات میں آگئی اپنے ہی مداحوں کو زخمی کردیا.
https://emra.tv/2019/02/06/فیض-آباد-دھرنا-…تحریری-فیصلہ-جار/
جی ہاں یہ حیران کن واقعہ ممبئی کے ایک فیشن شو کے دوران پیش آیا، تو اپنا نیا گانا سن کر اپنے جذبات پر قابو نہ رکھ سکے اور مداحوں پر چھلانک لگا دی، اس چھلانک لگانے کی وجہ سے رنویر سنگھ کے کافی مداح زخمی ہوگئے، جب رنویر سنگھ نے دیکھا کہ یہ معاملہ خراب ہوگیا ہے تو وہ وہاں سے چلے گئے. لیکن سوشل میڈیا پر ویڈیو سامنے آنے کے بعد سوشل میڈیا صارفین رنویر سنگھ پر برس پڑے، اور سوشل میڈیا صارفین نے رنویر سنگھ سے مطالبہ کیا کہ وہ ان لوگوں سے معافی مانگیں جو زخمی ہوئے ہیں.اس پر رنویر سنگھ نے اپنے تمام مداحوں سے معافی مانگی اور کہا کہ انہیں اپنی غلطی کا احساس ہے اوراس پر بہت شرمندہ ہیں.