Tag birthday

لاہور(ایمرا نیوزآن لائن) پاکستانی فلم انڈسٹری کے لیجنڈری اداکار سید کما ل کے مداح آج اُنکی 85ویں سالگرہ منا رہے ہیں۔پاکستان کے پہلے مزاحیہ اداکار کے طور پر پہچانے جانیوالے سید کمال 27اپریل 1934کوبھارتی ریاست اتر پردیش کے شہرمیرٹھ میں پیدا ہوئے اور تقسیم کے بعد 1957 میں پاکستان آگئے جس کے بعد 1958 میں وہ بحیثیت اداکار اپنی پہلی فلم”ٹھنڈی سڑک “میں جلوہ گر ہوئے۔پاکستانی فلموں میں ساٹھ اور ستر کے عشرے کے کامیاب ترین اداکار کمال پاکستانی فلموں کی پہچان تھے جنہوں نے اپنے دور میں لاتعداد مشہور فلموں میں کام کیا جسکے باعث انکے کام کو پاکستان سمیت دیگر ملکوں میں بھی بیحد سراہا گیا۔

انکی شکل بھارتی اداکار راج کپور سے کافی مشابہ تھی اسی لیے انہیں پاکستان کا راج کپور بھی کہا جاتا تھا۔انہوں نے اپنے ایک انٹرویو میں بتایا تھا کہ بھارت میں اکثرلوگ انہیں دیکھ کر دھوکا کھا جاتے اور ایک مرتبہ جب وہ ممبئی پہنچے تو لوگ انکے اِرد گِرد یہ سمجھ کر جمع ہو گئے کہ وہ راج کپور ہیں۔کمال نے سیاست میں بھی قسمت آزمائی کی اور انیس سو پچاسی میں جنرل ضیاء الحق کے غیر جماعتی انتخابات میں حصہ لیا تاہم کامیاب نہیں ہوسکے جسکے بعد انہوں نے فلم” سیاست ” بنائی جو خاطر خواہ کامیابی حاصل نہ کر سکی۔انہوں نے فلم کی بڑی سکرین کے بعد ٹی وی کی چھوٹی سکرین پر بھی کام کیااور پی ٹی وی کراچی سینٹر سے ’کمال کا شو‘ کے نام سے ایک پروگرام کی میزبانی بھی کی۔سید کمال طویل عرصے تک عارضہ قلب میں مبتلا رہنے کے بعد یکم اکتوبر 2009کو75سال کی عمر میں اس دنیا سے رخصت ہوئے تاہم اپنے مداحوں کے دلوں میں اُنکی یادیں آج بھی تروتازہ ہیں۔

اسلام آباد(ایمرا نیوز آن لائن )فن قوالی کو منفرد انداز بخشنے والے عزیزمیاں قوال کا یومِ پیدائش ہے، انہیں اپنے مداحوں سے بچھڑے لگ بھگ دو دہائیاں گزرچکی ہیں لیکن ان کی قوالیاں آج بھی سننے والوں پر وجد طاری کر دیتی ہیں۔بھارت کے شہر دہلی میں17 اپریل 1942 کو پیدا ہونے والے عزیز میاں قوال نے فن قوالی میں اپنے منفرد انداز سے وہ شہرت حاصل کی جو بہت کم لوگوں کو نصیب ہوتی ہے انہوں نے قوالی میں ایسے ایسے مضمون باندھے جو کسی اور کے حصے میں نہ آسکے اس جدت کے سبب انہیں قوال حلقوں کی جانب سے کڑی تنقید کا بھی سامنا رہا۔عزیز میاں قوال نے دس سال کی عمر میں قوالی سیکھنا شروع کی اور سولہ سال کی عمر تک قوالی کی تربیت حاصل کرتے رہے انہوں نے پنجاب یونیورسٹی سے اردو اورعربی میں ایم اے کی تعلیم حاصل کی،تصوف اور معارفت کی محفلوں میں وہ اپنا لکھا ہوا کلام ہی پیش کرتے تھے۔ان کی وجہ شہرت قوالی کے دوران فی البدہیہ اشعار کی آمد ہے وہ پہلے سے تیار قوالی کے ساتھ ساتھ فی البدہیہ اور براہ راست شاعری میں ملکہ رکھتے تھے۔ واحد قوال تھے جو شاعر بھی تھے اور کمپوزر بھی دوسری جانب تصوف اور معارفت کے منازل سے بھی بخوبی واقف تھے۔عزیز میاں قوال کی قوالیاں آج بھی دلوں پر وجد طاری کردیتی ہیں ان کی شاہکار قوالیوں میں میں شرابی شرابی تیری صورت اللہ ہی جانے کون بشرہے اور دیگر شامل ہیں۔ 115 منٹ طویل قوالی- اورحشر کے روز ہی پوچھوں گا انھوں نے خود لکھی خود کمپوز کی اور خود ہی دنیا کے سامنے پیش کی۔ان کی قوالی سننے والوں پر وجد طاری کر دیتی ہے،اور ایسا سماں بندھ جاتا تھا کہ جس سے سامعین خود کو الگ نہیں کر پاتے تھے، حکومت نے ان کو کئی اعزازات سے نوازا جب کہ شاہ ایران نے بھی انہیں گولڈ میڈل پیش کیا تھا،منفرد انداز اور لب و لہجے کے مالک عزیزمیاں قوال ایران کے شہر تہران میں 06 دسمبر 2000 کو کچھ عرصے علیل رہنے کے بعدخالقِ حقیقی سے جا ملے۔

لاہور(ایمرا نیوزآن لائن) مواصلاتی رابطے کو جدید اور سہل بنانے والی سائنسی ایجاد موبائل فون آج46برس کا ہوگیا۔3اپریل 1973کوپہلا موبائل ایجاد کرنے والے موبائل کمپنی کے سائنسدان نے اس موبائل سے اپنی اہلیہ کو پہلا فون کیا تھا۔ساڑھے تین کلوگرام وزنی پہلے موبائل فون سے صرف 20منٹ بات چیت کرنے کی سہولت متعارف کروائی گئی۔انسانوں کے درمیان آسان رابطے اور کہیں بھی کسی بھی جگہ فوری رابطے کا نظام متعارف کروانے والی اس جدید نے 4دہائیوں میں جدت کے کئی روپ لیے اور انسانی زندگیوں کو آسان سے آسان تر بناتا گیا۔انسانوں کی زندگی میں ایک ضروری عنصر کی طرح شامل ہونے والی اس ایجاد کو45سال مکمل ہونے پر دنیا بھر میں مختلف تقریبات کا اہتمام کیاجارہاہے جس میں اس جدید آلے کو بنانے والے سائنسدانوں کو خراجِ عقیدت پیش کیا جائیگا۔

لاہور(ایمرا نیوزآن لائن) لاکھوں دلوں پرراج کرنے والی مقبول ترین پاپ گلوکارہ نازیہ حسن کی54 ویں سالگرہ آج منائی جارہی ہے۔پاپ موسیقی کو غیرمعمولی شہرت بخشنے والی خوبرو گلوگارہ نازیہ حسن کے پرستارتین آج ان کی54 ویں سالگرہ منا رہے ہیں،برصغیر میں پاپ موسیقی کے بانیوں میں شمار کی جانے والی گلوکارہ نازیہ حسن 3 اپریل 1965 کو کراچی میں پیدا ہوئیں۔1980 میں پندرہ سال کی عمر میں وہ اس وقت شہرت کی بلندیوں تک پہنچ گئیں جب انہوں نے بھارتی فلم قربانی کا گیت آپ جیسا کوئی میری زندگی میں آئے تو بات بن جائے گایا جسکے بعد 1981 میں ریلیز ہونے والے نازیہ حسن کے پہلے البم ‘‘ڈسکو دیوانے‘‘ نے سابقہ تمام ریکارڈ توڑ دیئے۔عالمی شہرت یافتہ شمارے ٹائمز نے نازیہ حسن کو اس وقت کی ان با اثر پچاس شخصیات کی فہرست میں شامل کیا ،جنھوں نے پاک و ہند کی نوجوان نسل کے مزاج پر گہر ااثر ڈالااپنے بھائی زوہیب حسن کے ساتھ مل کرنازیہ حسن نے 1982 میں بوم بوم،1986میں ینگ ترنگ ،1987ء میں ہاٹ لائن اور1992ء میں کیمرا کیمرا کے ناموں سے چار البم ریلیزکئے۔یہ بہن بھائی جلد ہی نوجوانوں میں بے حد مقبول ہوئے اور انکے گائے ہوئے گیت اکثریت کی زبان پر تھے۔ حسن، دلکشی، فن اور شہرت میں وہ اپنی مثال آپ تھیں،ان خوبیوں کے ساتھ قدرت نے جہاں نازیہ پر بے حساب مہربانیاں کیں وہیں ان کی زندگی بہت مختصر رکھی۔نازیہ حسن محض35 برس کی عمر میں پھیپھڑوں کے کینسر میں مبتلا ہو کر13 اگست سال 2000 کو اس دار فانی سے رخصت ہوگئیں لیکن اس کی سریلی آواز اور مسکراتا چہرہ پرستاروں میں آج بھی مقبول ہے انہیں 2002 میں حکومت پاکستان کی طرف سے بعدازوفات پرائیڈ آف پرفارمنس سے بھی نوازا گیا۔

لاہور(ایمرا نیوز آن لائن) ’کنگ آف غزل‘ جگجیت سنگھ کی آج 78 ویں سالگرہ منائی جارہی ہے، جگجیت سنگھ نے اپنی آواز سے لوگوں کے دل جیت لیے تھے.جگجیت سنگھ کا تعلق بھارت کے شہر راجستھان سے ہیں،مرحوم جگجیت سنگھ 8 فروری 1941ء کو راجستھان میں پیدا ہوئے. جگجیت سنگھ کی غزلوں نے نا صرف بھارت بلکہ پوری دنیا میں مقبولیت حاصل کی، اور آج بھی ان کی گائی ہوئی غزلیں لوگوں کے دلوں میں زندہ ہیں.

جگجیت سنگھ نے اپنے فنی سفر کا آغاز 1966ء میں کیا تھا، اور اس کے بعد جگجیت سنگھ کی غزلوں کا جادو پوری دنیا میں پھیل گیا.بھارت کے تیسرے بڑے سول اعزاز پدما بھوشن سے بھی نوازا گیا ہے۔ جگجیت سنگھ نے فنی زندگی میں بے تحاشا کامیابیاں حاصل کیں، لیکن ذاتی زندگی ان کے لیے اچھی ثابت نہیں ہوئی، ان کے بیٹے کی ایک حادثے میں موت ہوگئی تھی، اور ان کی اہلیہ نے بھی خودکشی کرلی تھی.جگجیت سنگھ 10 اکتوبر 2011 کو انتقال کرگئے تھے، اور دنیا بھر میں اپنے مداحوں کو اُداس کرگئے. جگجیت سنگھ کی غزلیں آج کل کے نوجوان بہت شوق سے گاتے ہیں اور ان کو خراج تحسین پیش کرتے ہیں.

لاہور(ایمرا نیوزآن لائن)دنیا کے عظیم فٹ بالر کرسٹیانو رونالڈو آج اپنی 34 ویں سالگرہ منارہے ہیں، کرسٹیانو رونالڈو 5 فروری 1985 کو پرتگال میں پیدا ہوئے، کرسٹیانو رونالڈو نے اپنی ابتدائی زندگی بہت غربت میں گزاری، ان کے گھر والے بہت غریب تھے کرسٹیانو رونالڈو کے والد ایک باورچی تھے.
https://emra.tv/2019/02/05/ننکانہ-صاحب-کشمی…ے-اظہار-یکجہتی-ک/
کرسٹیانو رونالڈو کو 7 سال کی عمر میں فٹ بال کا شوق ہوا، کرسٹیانو رونالڈو نے 2003 میں پرتگال کے اسپورٹنگ کلب سے پروفیشنل کیرئیر کا آغاز کیا اور دیکھتے ہی دیکھتے انہوں نے فٹ بال کی دنیا میں تحلکہ مچا دیا، بڑے بڑے فٹ بال کلب کرسٹیانو رونالڈو کے دیوانے ہوگئے اور کرسٹیانو رونالڈو کو اپنے کلب سے کھلانے کے لیے بڑ ے پیسے دینے لگے. کرسٹیانو رونالڈو نے کئی سال مانچسٹر یونائیٹڈ سے کھیلا اور کئی بڑے ریکارڈ اپنے نام کیے اور مانچسٹر یونائیٹڈ نے بھی کرسٹیانو رونالڈو کی قیادت میں بڑے اعزات حاصل کیے. 2009ء میں ریال میڈرڈ نے رونالڈو کو دنیا کے مہنگے ترین کھلاڑی کے طور پر اپنی ٹیم میں شامل کرلیا.کرسٹیانو رونالڈو کے ساتھ ریال میڈرڈ نے تین بار چیپئن ٹرافی جیتی. کرسٹیانو رونالڈو نے اپنے ملک پرتگال کو بھی بڑے میچز جیتائے، کرسٹیانو رونالڈو کی قیادت میں پرتگال نے 2016 کا یورو کپ اپنے نام کیا. آج کل رونالڈو juventus کلب کی طرف سے کھیل رہے ہیں.

لاہور(سپورٹس ڈیسک/ایمرا نیوز) دنیائے باکسنگ پر حکومت کرنیوالے لیجنڈ ری ہیوی ویٹ باکسر محمد علی کے مداح 17جنوری کو انکی 77ویں سالگرہ منا رہے ہیں جنہوں نے رنگ سے باہر نسل پرستوں کو بھی شکست دی ۔حریف باکسرز کو دھول چٹانےوالے محمد علی نے17جنوری1942ء کو امریکا کے شہر لوئسویل کے ایک مسیحی گھرانے میں آنکھ کھولی اور ان کا نام کلے رکھا گیا جنہوں نے ستر کی دہائی میں اسلام قبول کیا۔

انہوں نے 29 اکتوبر 1960ء کو آبائی قصبے لوئسویل میں پہلا مقابلہ جیتا۔ باکسنگ میں ان کا کیریئر ایک شوقیہ کھلاڑی کی حیثیت سے کامیاب رہا لیکن ان کو عظمت اس وقت حاصل ہوئی جب ساٹھ کی دہائی میں انہوں نے روم اولمپِک میں سونے کا تمغہ جیتا۔تمغہ جیتنے کے بعد محمد علی کو نسل پرستی کا سامنا رہا لیکن ان واقعات کے باوجود ان کی کامیابیوں کا سلسلہ چلتا رہا اور40 سال کی عمر میں انہوں نے ریٹائرمنٹ کا اعلان کیا۔

ریٹائر منٹ کے بعد بہت سے فلاحی کاموں میں حصہ لیا اور ایک مشہور شخصیت، ایک باغی، حقوق انسانی کے علمبردار اور شاعر، جس نظر سے بھی دیکھا جائے محمد علی نے ہمیشہ کھیل، نسل پرستی اور قومیت کو شکست دی اور ایک وقت ایسا بھی آیا جب محمد علی کرہ ارض پر بلا شبہ سب سے زیادہ شہرت یافتہ شخص بن گئے۔باکسنگ میں محمد علی کی زندگی 20 سال پر محیط رہی جس کے دوران انہوں نے 56 مقابلے جیتے اور 37 ناک آوٹ اسکور کیا ۔دنیائے باکسنگ پر کئی برس تک راج کرنے والے محمد علی 3جون 2016کو انتقال کرگئے۔

ممبئی(شوبز ڈیسک/ایمرا نیوز) بالی ووڈ کے مشہور اداکار ریتک روشن آج اپنا 45 ویں سالگرہ منا رہے ہیں، اور سوشل میڈیا پر ان کے مداحوں نے اور ان کے خیر خواہوں نے ان کو سالگرہ کی مبارک باد دی ، یہاں تک کے ان کی سابقا اہلیہ نے بھی سوشل میڈیا پر ایک خوبصورت پوسٹ شیئر کی،

View this post on Instagram

Happiest happy birthday to my BFF ♥️from and through this world…and onto other realms..?? the force will always be with you ♥️♥️♥️??? #shineonunlimited #thisman #bestBBF #10january2019❣️ #bestdadintheworld❤️ #soulmate

A post shared by Sussanne Khan (@suzkr) on Jan 9, 2019 at 10:02am PST

اور کئی بالی ووڈ ستاروں نے بھی ان کو سالگرہ کی مبارک باد پیش کی ، بالی ووڈ ستاروں میں Riteish Deshmukh اور Sonali Bendre ، Pulkit Samrat ، اور بہت سے اداکاروں نے ان کو مبارک باد دی. نیچے دیکھیں کہ بالی ووڈ ستاروں نے ریتک روشن کو کیا کیا مبارک باد دی؟

Happy Birthday @iHrithik. Have a super year Bro Braz! Full power to you. 🤗

— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) January 10, 2019

Happy Birthday Dear @iHrithik -have a blessed one… you are a fine example of a great son & an extraordinary father… god bless your entire family with good health and happiness. Much love.

— Riteish Deshmukh (@Riteishd) January 10, 2019

Happy birthday to my darling @iHrithik. It’s been a long time since we burned up the dance floor on your birthday but I shall wait till we meet again💃😘❤ Here’s wishing you loads of love, success, sexiness and kisses now and always .. xoxo ❤🌈🎂💥 #HappyBirthdayHrithikRoshan pic.twitter.com/clNnBGwI4m

— Preity G Zinta (@realpreityzinta) January 10, 2019

Happiest Birthday to you, Duggu! Love, health and happiness always!
🤗Lots of love! @iHrithik pic.twitter.com/jcIwoEYrea

— Sonali Bendre Behl (@iamsonalibendre) January 10, 2019

Wishing u a very happy birthday @iHrithik !!!keep shining and stay blessed🤗🤗

— Maniesh Paul (@ManishPaul03) January 10, 2019

https://twitter.com/rohitroy500/status/1083073885547843584

ممبئی(شوبز ڈیسک/ایمرا نیوز) بالی وڈ اداکارہ دپیکا پڈوکون آج اپنی 33 ویں سالگرہ منا رہی ہیں، رنویر سنگھ سے شادی کے بعد یہ ان کی پہلی سالگرہ ہے اور اس موقع پر انہوں نے مداحوں سے کچھ خاص شیئر کرنے کا اعلان کیا ہے۔اداکارہ نے انسٹاگرام اسٹوری پر ایک کاؤنٹ ڈاؤن شیئر کرتے ہوئے لکھا کہ ’کچھ بہت زبردست ہونے جارہا ہے، آپ سب سے یہ شیئر کرنے کے لیے مجھ سے انتظار نہیں ہو رہا‘۔

اس کاؤنٹ ڈاؤن سے واضح ہوتا ہے کہ جیسے ہی یہ دورانیہ مکمل ہوگا دپیکا اپنے مداحوں سے کچھ زبردست خبر شیئر کرنے والی ہیں۔اب مداحوں کو اس بات کا انتظار ہے کہ یہ خبر دپیکا کی نئی فلم سے متعلق ہے یا اُن کی ذاتی زندگی کے حوالے سے۔واضح رہے کہ گزشتہ برس نومبر میں دپیکا اور رنویر اٹلی کے خوبصورت ترین مقام ‘لیک کومو’ پر رشتہ ازدواج میں منسلک ہوئے تھے۔

پیساڈینا، کیلیفورنیا:(نیٹ نیوز/ایمرا نیوز) ناسا کی جانب سے چاند کی سطح سے زمین طلوع ہونے کی خوبصورت اور حیرت انگیز تصویر نے اپنی پچاسویں سالگرہ مکمل کرلی۔طلوعِ ارض یا ’ارتھ رائز‘ نامی اس تصویر میں نیچے سرمئی سطح چاند کی ہے جبکہ اس سے قدرے اوپر سیاہ پس منظر کے آگے ہمارا حسین نیلا سیارہ دکھائی دے رہا ہے۔ خود زمین کو دور سے دیکھ کر دنیا کے احساسات کو ایک نئی رفعت ملی اور یہ تصویردنیا بھر میں زمین کی اہمیت اور ماحولیاتی تحریک کی وجہ بھی بنی ۔یہ تصویر1968ء میں اپالو ایٹ مشن کے دوران خلانورد بِل اینڈرس نے کھینچی تھی جبکہ اگلے برس انسان نے چاند پر پہلی مرتبہ قدم رکھا تھا۔

اپالو ایٹ کی یہ تصویر کرسمس سے پہلے اس وقت کی ہے جب خلائی جہاز چاند کے مدار سے ہٹ گیا تھا اور چاند کے گرد چوتھے چکر میں خلانورد نے کھڑکی سے باہر دیکھا تو اسے یہ حیرت انگیز منظر دکھائی دیا جسے کیمرے میں مقید کیا گیا۔ بِل نے 70 ملی میٹر رنگین تصاویر کے رول سے ٹیلی فوٹو لینس کے ذریعے یہ تصویر لی تھی۔اپالو ایٹ خلائی ماڈیول کو سیٹرن فائیو راکٹ کے ذریعے 21 دسمبر سے چاند کی جانب بھیجا گیا تھا جس میں خلانورد کو چاند کی سطح پر چکر لگانے تھے۔ یہ تصویر فوری توجہ حاصل نہ کرسکی تاہم کچھ عرصے بعد ناسا نے جب اسے ایک ٹکٹ پر جاری کیا تو دنیا میں اس کی شہرت پھیل گئی جبکہ اپالو ایٹ مشن 27 دسمبر کو زمین کی جانب لوٹا تھا۔